ودك تنامين ؟ نامي .. رواية رومانسية

(( بيت ابو سعود ))

( الساعة 5 العصر )

كانت ام سعود قاعدة ف المجلس ومعاها حريم كثااار .. ومنهم عتيقة ونورية .. صديقاتها المسؤولين عن العرس وكانوا يتفاهمون معاها على آخر تحضيرات العرس اللي ما بقى له غير اسبوعين ...

ام سعود : طيب .. الفستان وخلصنا منه .. وصار جاهز صح ..؟؟ ولا ناقص شي..؟؟
عتيقة : لا ما بقى شي.. غير مسكة الورد .... ايش تبغي الالوان ...
ام سعود : ابيض احلى ...
عتيقة : خلاص طيب... شفنالك وحدة بيضا حلوة مرررة .. بس غالية شوي ...
ام سعود : لا حول ولا قوة الا بالله .. يا عتيقة قلنا لك ما تهمنا لافلووس .. اهم شي .. يكون الشغل مرتب وفخم .. ترى هذا عرس ولدي وبنت اختي .. والاثنين غاليين على قلبي مرة .....
نورية : ندري يا ام سعود .. بس كل شي بحدوود .. ماله داعي التبذير الزايد ...
ام سعود : الا له داعي ... هذا عرس ولد عبدالله الـ ( ..... ) .. مو أي احد ..!!!
نورية : خلاص انشالله .. ما بيصير الا كل اللي يعجبك ....
عتيقة : أي صح ... يا طويلة العمر احنا رحنا لاكثر من محل حلويات عشان الكيكة ... وجبنالك احلى شي حصلناه ...الخ

___________________________________

(( بيت ابو عوض ))

( الساعة 1 بعد منتصف الليل )

كانت ام عوض نايمة بسلام وهدووووء قبل ما تسمع صراخ ...

..... : لاااااااااااااااااااااااا.... لا لاتروووووح ... تكفى لا تروووووووووح ... عوووووووووووض!!

نقزت من مكانها مخترعة على بنتها .....
ابو عوض قام بعد خايف : بسم الله الرحمن الرحيم ... وش هالصووووت ...؟؟
ام ام عوض بتموت من الخوف : هذي اروى ...

قامت بسرعة من سريرها تركض وقام وراها ابو عوض .... وراحوا بسرعة يركضضون لغرفة اروى .... فتحوا الليت وشافوها قاعدة على السرير وتصااارخ ...

ام عوض حضنتها بسرعة : اروى .. بسم الله عليك وش فيك ..؟؟ وش فيك حبيبتي .؟؟
اروى تصيح وتصارخ : يما .. لا تخليه يروح .. لاتخليه يروح.... خليه يرجع يما ..
ام عوض مو مستوعبة شي : اروى وش فيك ..؟؟ مين اللي لايروح .. مين قوليلي وش صاير...؟؟؟

ابو عوض كان واقف عند الباب وميت خوف على بنته .. ويسمع اللي يصير...

اروى تصيح وتشاهق وتنتفض : .. يما .. جاني .. يبتسم يما .. كان حقيقي .... حقيقي يما .. انا شفته بعيوووني .. ما راح .. والله ما راح ....
ام عوض : مين اللي ما راح يا اروى لله يهديك ميييييييييييييين ...؟؟
اروى تصيح : عووووض يما ما راح ... توني شفته يا يما والله توني شفته يضحكلي والله .... يما لاتخليه يطلع من البيت .. لاتخليه يطلع يا يما ... عوض رجع .. لاتخليه يسافر من جديد .. الله يخليك يا يمااااااااااااااااااااااااا...

تقطع قلب ام عوض مع كلمة قالتها اروى .... حضنتها بقوة وقعدت تقرا وتسمي عليها..

اما ابو عوض فما تحمل المنظر هذا .. طلع على طول من الغرفة ودخل المكتب حقه .. قعد على كرسيه وطلع البوم صور العايلة من الدرج وجلس يطالع صور عوض ... ويتذكر اللحظات الحلوة اللي قاضاها معاهم ....

وبعد ربع ساعة ... دخلت ام عوض وكان خشمها احمر ....
ام عوض : ما تبغى تنام ....
ابو عوض طالعها بحزن واسف : وين يجيني النوم ... اول شي فقدنا ولدنا .. والحين بنتنا انجنت ....

قعدت ام عوض ع الكنبة جنبه : لا يا صالح ... بنتنا ما انجنت .. حرام عليك انت ما شفتها شلون كانت قوي فترة موت عوض ..؟؟ ما شفتها ف الامارات شلون كانت .. حتى الابتسامة ما فارقت وجهها ... اروى صبرت وصبرت كثير بعد ... بس كل شي وله حدود ... طبيعي تنهار في فترة من الفترات من وقت لثاني .. اللي صارلها مو سهل ... يعني لو عندها خوان ثانيين قلنا طيب .. بس ما عندها احد غير عوض .. وتعرف مكانته ف قلبها شلون ... ما كانت تتحرك خطوة بدوووونه ....
ابو عوض : طيب وش الحل الحين ..؟؟ انا ما اتحمل اللي يصير لها .. حراام .. البنت توها صغيرة على الاكتئاب والحزن والتكشير ....
ام عوض مسكت يده وشدت عليها : معليه .. انشالله ازمة وبتعدي .. وبترجع اروى زي اول واحسن ... انت بس لاتهتم ....
ابو عوض : تشوفين كذا ...؟؟؟
ام عوض : مو بس اشوووف ... الا متاكدة .. هذي اروى بنتي وانا اعرفها ....

@@@@@@@@@@@@@@@@@@@@@@@@@@@@@@@@@@@@

(( يوم الاثنين ... مكتب ابو رائد ... ))

( الساعة 6 المغرب )

ابو رائد : ها يا احمد ... وش صار معاك ....؟؟
احمد : ههههه على ايش..؟؟
ابو رائد : مسوي ما تعرف يعني ..؟؟ على موضوع ريم ..
احمد ابتسم زيادة : والله يابو رائد .. شكله الغدا عليك بكرة ....
ابو رائد : ليش...؟؟ لاتقول سمعت كلامك ...
احمد بخقة : الا بقول .. لانها سمعت كلامي .. ولا قالت ولا حرف .. بس قالت انشالله وغطت ....
ابو رائد متفاجئ : والله ...؟؟؟ تتكلم جد ...؟؟
احمد : أي والله يابو رائد ... واليوم بعد يوم ركبت السيارة كانت متغطية بعد ....
ابو رائد : ههه اخاف قلت لها اني واعدك بغدا قامت وافقت عشان تتغدى بكرة
احمد : هههه لا والله ما قلت الا تغطي واني اخاف عليها وانه ما يصير تمشي وكل الناس يطالعون فيها ....
ابو رائد : ماشالله .. واقتنعت ...؟؟
احمد : أي والله .. ما اكذب عليك ...
ابو رائد : خلاص يا احمد ... مبروووك عليك .. اختار المطعم وابشر بالفيزا كارد..
احمد : ههههه العفو ... بس ابغاك تعرف شي واحد يابو رائد .. اني ويت هالشي عشان ريم وسمعتها وسمعتك انت بعد .. مو عشان الغدا والاكل ....
ابو رائد ابتسم : وانا ما اشك في هالشي ابد .. اتاكد من هالشي ..

___________________________________

بيت ابو سعود ))

( الساعة 8 بالليل )

كانت ام سعود طالعة .... من حوالي ساعتين ... ولينا كانت مع دلع ف الغرفة .. تواسيها وتهديها ... لانها مرة كات منهارة ...

لينا : خلاص يا دلع .. خلاص اهدي .. ما يصير اللي تسويه ف نفسك ...؟؟
دلع بتموت من الصياح : شلوووون خلاص ..؟؟ قوليلي شلووون ...؟؟ شلوووووون ..؟؟ ترضين تاخذين واحد زي اخوووك ...؟؟ وربي اذا ترضين باخذه وانا اضحك بعد ....
لينا بكذب : اجل أي ارضى ...
طالعتها دلع متفاجأة : احلفي ....
لينا : وش رايك ..؟؟ اكيد لأ ... ادري الخيار اللي احتارولك اياه سيء ... بس انتي ما اعترضتي يا دلع ... انتي سكتتي وقلبتيها نواح .... ليش ما كلمتيهم ..؟؟ ليش ما تفاهمتي مع بابا .. تراك غالية عليه ... ولا راح يزوجك غضب عنك اذا كنتي ما تبغيه ..

دلع سكتت .. وقفت شوي .. شلون تشرحلها الموضوع .. شلون تفهمها انه مالها عين تحط عيونها بعيووون ابو سعود بعد اللي عرفه عنهاوعن سعود ....

لينا باصرااار : ليييييييييش...؟؟ روحي له .. روحي وقوليله .. ولاتخافين .. محد يغصب احد على شي ما يبغاه ف هالبيت .. حتى لو اضطريتي تكونين قليلة ادب وطويلة لسان .. بس اهم شي ما تسوين شي ما تبغينه ....

دلع صرخت منهارة ومنفعلة ... خلاص ما هي قادرة تتحمل .... : بسسسسس..!.!!.!.! بس يا لينا .. لينا انتي ما تعرفين شي .. ما تعرفين ولاشي ...
لينا انفعلت معاه تصيح : اعرف وشوو ...؟؟ اعرف وشو .... اعرف انه انتي دايم يناكل حقك بهالبيت وانتي ساكتة .. اعرف انه اخوي دايم يهينك هنا وانتي متحملته عشان مبادئ سخيفة .. عشان ادب واخلاق ماينفعووون بهالدنيا ...!؟؟!؟

دلع بدون ما تنتبه : وش تبغيني اسوي ...؟؟ وش اسوي ..؟؟ وش اقوووول ..؟؟ اقوووول انه اخووووووك اغتصبني ... اقووول انه اخذ اغلى شي عندي ..؟؟ اقول انه خلاني احمل بدون زواج .. وانها هددني اذا علمت احد بيحطها فيني ..!؟!!؟!؟ ها...!؟!؟ وش كنتي تبغيني اقوووول ... اقووول اشياء وتصير فضيحة وهوووشة كبيرة مالها اول ولا آخر بهالبيت ..!؟!؟!؟ كنتي تبغيني اهدم البيت ...؟؟ واهدم الحياة اللي يالله تمشي هنا ...!؟!؟!؟ انتي ما تشوفين الاوضاااع شلون ..؟؟ كنتي تبغيني اهدمها زيااادة ... ؟!؟!

لينا وقفت منصدمة : دلع انتي وش تقولين ....؟؟
دلع طاحت منهارة تصيح : انسي ما قلت شي .... بس كنت معصبة ومدري وش قعدت اخربط ..
قعدت لينا جنبها متفاجأة مرة : انتي وش تقولين ...؟؟؟ وش تخربطين ..؟ الحين سعود الحيوااان اغتصبك ...؟؟؟؟
دلع غمضت عيونها متألمة .........
لينا : الله ياخذ يا سعوووود .. يعني كل اللي صارلك من طيحات وتعب بسببه ... منه هو .... و ...واللد اللي ببطنك .... وينه ...؟؟ وين وديتيه ....؟؟؟؟
دلع صاحت لما تذكرت ولدها .. اللي كان خاطرها فيه بس مو بالطريقة ذيك : امك يوم درت .. خلتني انزله ......
لينا : شلوووووون ترضين...؟؟ شلون خليتيها تنزله شلوووووووون ...!؟؟!
دلع صارخت تدافع عن نفسها : وش تبغيني اسوي ...؟؟ غصب علي مو على كيفي ... بعدين حتى لو خليته ... وش بسوي فيه ..؟؟ شلون بربيه .. الناس وش بيقولون ...؟؟ بعدين حتى لو خليته .. اخووك ولا عمره بيعترف فيه .. هو اصلا بنفسه قال لي نزليه ..... هو نفسه خلاني اذبح ولدي وولده .....

لينا منصدمة : م ... مستحيل .. مستحيل اللي يصير .... يذبح ولده ...؟؟ مو صاحي... ليش ما قلتيلي ليييييييييييش...؟؟ ليش ما عطيتيني خبر ... ليش خليتيه يظلمك كذا ليش...؟؟
دلع : ليش لو قلت لك وش تقدرين تسوين ...؟؟ ما بتسوين شي .. بتزيد المشاكل بينك وبين امك ... عشان كذا ما بغيت اقووولك .. ( ماتت صياااح ) آه ياربيييييييي ..

حضنتها لينا وهي تصيح معاها : الله يهديك .. ليش دايم تتحملين اغلاط كل من في هالبيت ...؟؟ ليش هالطيبة الزايدة فيك ..؟؟ حسبي الله عليك يا سعود وين ما لفيت وجهك ... حسبي الله عليك .....

___________________________________

(( في مكتب حمد ))

( الساعة 10 بالليل )

كان حمد طالع من المكتب ... ومر على مكتب بندر .. فتح الباب وشافه مندمج مع الملفات وجالس يقرا ..
حمد : بندر ..؟؟ وش تسوي للحين ..؟؟ عندك جامعة بكرة قوم روح بيتك تراك ما ذاكرت ولا كلمة من العصر ....
بندر مشغول : بعدين بعدين .. اخلص وارجع ....
حمد : وش تسوي ..؟؟
بندر : ياخي كل شي ف وقته حلووو ... ليش مستعجل انت ... بدين بتعرف كل شي..
حمد : طيب خلاص .. بحطلك المفاتيح حقت المكتب على الطاولة برى .. لا طلعت قفل الباب وراك لاتنسى ؟..
بندر ولا التفت : انشالله ....

طلع حمد وخلى بندر قاعد يقرا ف الملفات .. المحكمة فربت ... وبندر قدر يحصل شهوود كثار على تورط كل الموجودين ف التوقيف ... وكان الامل عنده بانه بسنجح في هالقضية وبيحصل تعويض للموكلة اللي وكلته ....

بندر : انا اوريكم ... ان م خليت كل واحد فيكم يتعفن بالسجن على اللي سويتوه .. ما اكون بندر ..... !!!!!!!

___________________________________

(( بيت ابو عوض ))

( الساعة 11 بالليل )

اروى قامت من على الكنبة : يللا ماما انا بروح انام ... تصبح على خير ...
ام عوض : وانتي من اهله ...

راحت باست ابوها على خده : تصبح على خير ...
ابو عوض : وين ..؟؟ بدري .. اقعدي شوي ...
اروى : لاخلاص بابا .. والله تعبانة ووراي دوام بكرة ....
ام عوض : لاتنسين تاخذين لك موية عشان ما تقومين بالليل ... وتروحين بروحك المطبخ ...
اروى : انشالله ...

دخلت اروى المطبخ .. فتحت الثلاجة وطلعت لها قارورة موية ... وكاسة .. صبت لها موية .... وهي جاية تطلع ... تذكرت ...

اروى : اففف .. عوض ريحتك خايسة اطلع برى ... روح اتسبح
عوض يحك شعره : يعني توني لاعب كورة شلون تبغي ريحتي تكون ...؟؟
اروى تدفه : افف .. اففف ريحتك تلوع الكبد وخرررر...... ابغى امر ..
عوض : صبيلي موية عشان اروووح
اروى : لا والله ..؟؟ اشتغل عندك انا..؟؟ صب لعمرك
عوض وقف بنص الطريق : جل ماني طالع ... بحشرك بريحتي الحلوة والمنعش لين تصبين لي موية ...
اروى : يوووووووووه ... اف اف اف ... خيااااس خياااس ... خذ الموية حتي ما ابغاها .. مو لازم اشرب ... بس وخر عن طريقي الله يعافيك ..
عوض اخذ الموية وخرب شعرها : هذي اختي الحلوة اللي تسمع الكلام ....

رجعت للواقع في وسط ظلام المطبخ اللي هي واقفة فيه ... واللي ما عاد زي اول بوجهة نظرها ... نزلت دموعها وقطعت خدودها ... وبرجفة صغيرة من يدها وبدون ما تحس ... طاحت الكاسة وانكسرت ....

وطلحت وراها اروى ع الارض تصيح ....
اروى : آآآآآآآآآه يا عوض ... وينك يا عوض وينك ...؟؟!؟؟!!؟

ركضت ام عوض جاية لها وميتة خوف : اروووووووى ... وش فيك ..؟؟ وش فيك حبيبتي؟؟

مسكتها اروى وحضنتها على طول : ماما والله ما اتحمل والله ... رجعوووه الله يعافيكم ..
ام اروى تمسح على راسها : ليتني اقدر يا اروى ليتني اقدر بس... هذي حكمة ربك .. وش نقدر نسوي غير الصبر ؟؟

ابو اروى قرب ومسح على راسها : حراام عليك يا بنتي ... لاتسوين في عمرك كذا ... ترى والله زي انتي ما تتعذبين احنا نتعذب مية مرة .. على اخووك ولدنا اللي من لحمنا ودمنا .. وعليك انتي وعلى اللي يصير لك واللي تسوينه ف نفسك ... !!!!!!

وبعد قعدة طويلة قعدوها مع اروى لين ما هدت وغسلت وجهها .. اخذتها ام اروى وودتها عشان تنام وترتاح ... يمكن النوم يكون رحمة لها من الدنيا اللي هي عايشتها الحين .....

@@@@@@@@@@@@@@@@@@@@@@@@@@@@@@@@@@@@@

(( بعد ثلاث ايام ... المحكمة .. ))

( الساعة 1 الظهر )

بندر الفرحان حضن ثامر : مشكوووووور يا ثامر ... مابنساها لك طول العمر ..
ابتسم ثامر بالم : العفو ..
بندر انتبه لحزنه : ثامر .. انا ادري انه خويك .. بس تراه غلط .. واللي يغلط لازم يتحمل نتايج اغلاطه ...
ثامر نزل راسه للارض بحزن واضح : ليتك ما حطيتني بهالموقف يا بندر ..
بندر انتبه انهم واقفين بين اناس : امشي امشي السيارة ...

مشى ثامر وبندر وركبوا سيارة بندر ...
بندر : شوف يا ثامر .. اللي سويته هو الصح ..
ثامر : أي بس هذا خويي يا بندر .. ما تذكر عبدالكلط شلون كان ويانا ..؟؟ ما تذكر العشرة اللي بيننا ...؟؟
بندر : تحسب الامر سهل علي..؟؟ لا والله يا ثامر .. اصلا اكثر من واحد من اللي انحكم عليهم بالسجن كنت اعرفهم وكانوا من ربعنا ... بسمع هذا .. الي يغلط يستاهل العقاب .. واللي سووه جريمة كبيرة .. وناس كثيرة تاذت من وراهم ....

ثامر سند راسه وغمض عيونه ..... واكتفى بالصمت ... لانه ما عنده شي يرد عليه فيه .. كل اللي يقوله بندر صح ..... ولازم يرضى بالواقع ...

___________________________________

(( سيارة احمد ))

( الساعة 3 العصر )

ريم منكتمة : الحين بالله عليك وشلون الناس يطالعون من ورى هالغطا ااسود ...؟؟
احمد : ههههه في شي اسمه نقاب .. مفتوح من عند العيون ...
ريم : نعم نعم ..؟؟ بوس يدك اني حاطة هالشي على وجهي ...
احمد رفع حواجبه : والله انا ما جبرتك على شي .. انا وضحت لك وجهة نظري وانتي اللي وافقتي .. ليش وافقتي دامك مو مقتنعة .....؟؟؟؟ !!!!!
ريم " يعني ليش..؟؟ عشااانك يا وسيم زمانك .. افهمها يعني وحس على دمك " :كيفي .. لاني اقتنعت بكلامك ..
احمد ابتسم : خلاص اجل ... لاتتشكين ...

وصلوا البيت ودخلوا الحوش...

وكان ابو رائد واقف هناك لاول مرة ...

ريم : مين اللي واقف بالحوش ..؟؟
احمد : هذا ابووك ....

ريم شالت الغطا من على وجهها ونزلت من السيارة تركض لحضن ابوووها ..
ريم :وااااااااااي فديتك بابا راجع بدري اليوم .....!!
ابو رائد : أي اليم خلصت شغلي بدري ورجعت استقبلك ....شرايك...؟؟
ريم باسته على خده : احلى استقبال والله ...

نزل احمد عشان يسلم على ابو رائد ...
احمد : السلام عليكم
ابو رائد : هلا احمد وعليكم السلام ..؟؟ شلون الطريق...؟؟ عسى مو طويل ...؟؟
احمد : ههههه مو طويل ... طويّل ... بس لا عادي ...
ابو رائد : ما تعبتك هالجنية ..؟؟
احمد : لا والله .. طول الطريق ساكتة .. ما تسوي شي .. ابد ...!!!!
ريم بنص عين : شقصدك ...؟؟
احمد : انا ما قلت شي عن روحات باسكن وستاربكس ....
ريم فتحت عيونها الثنتين ع الاخير : يا الفتّااااااااااااااان ....
ابو رائد : ههههههههه الله يقطع ابليسك يا ريم .. يقولون تغطيتي ...؟؟
ريم مستحية : ا... أي..
ابو رائد : وشعندك ..؟؟ صايرة حرمة ...
ريم : ا .. بس كذا ...احمد قال لي كم نقطة ما كنت منتبهة لها وانا اقتنعت ...
ابو رائد : لا والله..؟؟ زين .. اجل خلاص أي شي تتعبيني فيه خبخلي احمد يقنعك فيه شرايك احمد ...؟؟
احمد : ف الخدمة دااايماً ....
___________________________________

(( بيت ابو سعود ))

( الساعة6 المغرب )

دخل سالم معصب على سعود ف الغرفة ... وكان سعود واقف قدام التسريحة ...

مسكه سالم من العصبية ودفه ع الجدار .....
سالم : سويتها ياااا كلب.......!!! سويتها يا واااااااطي يا حثاااااااااالة ...

دفه سعود معصب : وش اللي سويته بعد ...؟؟ ها..؟؟ وش اللي صار وحطيتوه فيني وشووووو ...........؟؟؟
سالم عطاه بكس قوي خلا سعود يطير لاخر الغرفة .......

سالم يصارخ : بنت خالتك يا غبي.... بنت خالتك تسوي فيها كذا .......؟؟؟ لا بارك الله فيك من رجال ... اصلا انت مو رجال ... احد يمس شرفه ..؟؟ ها..؟؟ احد يخدش شرفه وسمعته ...؟؟ والله انك مو رجال .... حراام والله اسم ابوووي عليك والله حرااام ...

سعود عصب وقام مسك سالم وطاح فيه ضرب .. وبدوره سالم قام يتضارب معاه ... ولينا واقفة عند الباب بتموووت خوف على سالم ... ما همها سعود ...

بدى الصراااخ يعلا ....

سالم : يا حيواااااااااان يللي ما تربيت ... اصلا غلط ابوووي يرجعك البيت .. كانا لمفرووو يرميك ف السجن عشان تتعفن هناك .. المكان الانسب لك ولاشكالك ....
سعود : مالك شغل فيني .. ولا احد له شغل فيني في هالبيت .. انا اسوي اللي ابغاه .. فللي ابغاه فاهم ..؟؟ ومو انت يالبيبي تجي وتكلمني ...
تنرفز سالم : بيبي بس ع الاقل شريف وسمعتي زي الفل عند الناس .. ومحافظ على صلاتي .. مو زييك يللي حتى المسجد ماتدري وينه ...؟؟!!؟!؟

وبدى الهوااش يشتد والصرااخ والضرب والكفوووف .. وهذا يدف هذا وهذا يضرب هذا ..

جات دلع تركض : شفيييييييكم ...؟؟ شصاير...؟؟
لينا خايفة : والله مالي دخل .. انا قلت لسالم اللي سواه سعود .. قام عصب وجا يتهاوش معاه ......
دلع : يا ويلييييي.. هذا اللي كان ناقصني....!!!

وكلها كم دقيقة وام سعود وابو سعود قايمين من النوم وجايين يركضون يشوفون وش صار .....

ابو سعود بحدة : شفيكم ...؟؟ شصاير........؟؟؟
لينا : بابا سالم وسعود قاعدين يتهاوشون ...
ابو سعود : وشوو ..؟؟

راح ابو سعود بسرعة لغرفة سعود .. وشاف منظر ما عجبه ابد .. عياله اللي خلفهم ورباهم وكبرهم وصرف عليهم يتهاوشون زي الحيوانات المفترسة .. ف الغابات .. ولا كانهم أوادم .......!!

قام راح لهم .. مسك سعود ودفه ع الجدار بقوة ... ومسك سالم ووخره عن سعود ..

ابو سعود : اهدى يا سالم .. وش فيك اله يهديك ما اعرف انك كذا عصبي...؟؟؟
سالم منفعل للحين : علم ولدك اللي ما استحى ولا احسب حساب الناس .. ولا حسب حساب سمعتنا .. وين بنودي وجهنا من الناس الحين لو يدرون بللي صار..؟؟
ابو سعود : اهدى يا رجال .. ما يصير اللي تسويه .... بعدين انت من جدك بتوصخ يدك على هالاشكال...؟؟ من جدك ..؟؟ خله يولي وما عليك منه ... كلها كم يوم ويطلع من هنا وينقلع هو ويا الحيوانة معاه ....!!!!

انصدمت دلع ... ما توقعت ابد انه ابو سعود في يوم من الايام بيكرهها وبيحقد عليها كذا ... لا ويسبها قدام الناس ولا يحسبلها حساب ... وين الاحترام ...؟

لينا اخذت دلع وطلعت معاها من الغرفة .. يكفيها اللي سمعته للحين ....

اما ابو سعود فمسك ولده وطلع معاه من الغرفة وراح يهديه ف الصالة .. وسعود بقى ف غرفته حاقد ع الكل .. على امه وعلى ابوه وعلى كل اخوانه .. حتى دلع كان حاقد عليها ..... ما يدري ليش بس كذا الحقد طغى عليه فجأة ....

___________________________________

(( بيت ابو سعود .. غرفة دلع ))

( بعد ربع ساعة )

دلع كانت منهارة صياح وقهر .. وكانت تعبي ملابسها ف الشنطة .. من بعد كلام ابو سعود حست انها علة ف هالبيت وانها ثقيلة عليه .. عشان كذا كانت تستعد للزواج من سعود غصبا عنها ... وكانت تحط اغراضها ف الشنطة عشان تكون جاهزة للطلعة من هالبيت نهائياً ....

لينا تصيح : يا دلع حراام عليك .. تكفين لا تحطين اغراضك ...؟؟ لاتروحين عني يا دلع الله يخليك .....
دلع العبرة خانقتها بس ماسكة عمرها : خلاص يا لينا .. ماعاد ينفع الكلام .. محد يبغاني ف هالبيت وانا مقدر اقعد علة على ظهر احد .. باخذ اخووك والله يرحمني برحمته الواسعة ويعينني .... ويمكن يرحمني واموووت اليوم وافتك .. ما تدرين وش ربك كاتب ...
لينا صياحها زاد : الله ياخذك يا سعووود ... كله منك .. الله لايوفقك يارب ..
دلع تكابر : اتوقع انه من الحين صار لازم تدعين انه ربي يوفقه .. لاني بكون معاه ..
لينا : من جدك بتاخذيه ..؟؟؟
دلع سكرت الشنطة ورفعت شعرها : أي من جدي .... خلاص انا ما عاد في مكان لي بهالبيت ..... وكلها كم يوم واطلع وتفتك امك وابوك مني .. وتفتكين من صياحي ونواحي 24 ساعة ..... !!!

___________________________________
(( بيت ابو بندر ))

( الساعة 11 بالليل )

كانت دانة قاعدة برى ف الحوش تتمشى .. دانة تحب الورد والاشجار .. يعني محبة للطبيعة بقوة .... وبين ماهي تتمشى ف الهوى الحلوو ... حسب بهزة ف جيبها ..

طلعت جوالها من جيبها وكان يرن ... وكان رائد ..

ابتسمت دانة من قلب وردت : الو....
رائد : مسا الحب والاشواق....
دانة : مسا النور والسرووور ...
رائد : الحينا انا اقولك حب وشوق تقوليني لي سرووور..؟؟!!! اما انتوا يالحريم بخلاء بشكل ....
دانة : هههه هلا بحبيبي .. هلا بحياتي ..
رائد خق : أي كذا الكلام ... فديتك كيف حالك ...؟
دانة : بخير الحمدلله ...
رائد : شتسوين ...؟؟
دانة : اتمشى ف الحوش ... الجو مرة حلو ..
رائد : اهاااا ليش ما نمتي...؟؟
دانة : ما عندي دوام بكرة ... وانت كيف الحال ..؟؟ شلون الشغل ..؟؟
رائد : لا الشغل كله تمام .. عمي مو مقصر ...
دانة : اليوم مررررة زهق ...
رائد : ليش..؟؟
دانة : مدري .. يمكن لانه صار لنا فترة ما رحنا بيت جدتي... عشان كذا
رائد : لا..؟؟ بتقنعيني انه عشان جدتك مو عشان اني ما دقيت عليك الصباح ..؟؟!
دانة : ههههه أي صح .. ليش ما دقيت ..؟؟
رائد : لاني قمت مستعجل .. تاخرت .. عشان كذا ما عرفت راسي من رجولي لين وصلت الورشة ....
دانة : اهاا... خلاص معذووور .. بس هالمرة ..
رائد : خلاص انتي صيري دقي عشان انا ما انسى ...
دانة : اوكي .. خلاص من بكرة انا اللي بدق ..

رائد : انتي لوحدك ف البيت ......؟؟
دانة : لأ .. امي واثامر موجودين .. وابوي لسة ما رجع وبندر بعد لسة .. يمكن طلع مع ربعه بعد ما طلع من المكتب مدري عنه ...
رائد : عمي يقول بيمر على واحد من ربعه ف المستشفى يتطمن عليه ..
دانة : ممم .. رائد انت وين الحين ....؟؟
رائد : انا قريب من بيتنا ليش....؟
دانة : لا بس .. خلاص ولاشي ..
رائد : شفيك دانة .. قولي..
دانة : لا ولا شي .. بس كنت ابغى اعرف وينك ..؟؟
رائد : طيب ما قلتيلي وش صار على العرس..؟؟ متى قررتي ..؟؟
دانة : خلاص بعد شهر ونص ...
رائد : الحمدلله اخيرا رحمتيني ...

دانة : ههههههه رائد انتا مستسهل العرس مرة.. ترى والله بنموت تعب فيه هالشهر ونص .. لاننا بنوقف على رجل ويد عشان نخلص ف الوقت المحدد
رائد : معليه ياعمري.. انا معاك وبساعدك .. لاتخافين ...
دانة : تسلم .. وهذا اللي مطمني .. اني بكون معاك وجنبك بعدها ..

رائد تنهد : هـــــ دانة غمضي عيونك ...
دانة مستغربة : ليش..؟؟؟
رائد : غمضي عيونك بتهوّر ....
دانة مو فاهمة : ايش تقول يا رائد ... تراني ما فهمت...!!
رائد : شوفي المسألة سهلة .. غمضي عيونك ولا تفتحيها الا لما اقووولك ..
دانة : طيب...

غمضت دانة عيونها ...
رائد : غمضتيها ......؟
دانة : أي ...

وبسرعة تسلق رائد السور ونزل للحوش ... ووقف قدامها ...
رائد : افتحيها ...

تفاجأت دانة من الصوت القريب وفتحتها بسرعة الا وتلاقي رائد قدامها ...
دانة : رائد!!!! هههه شلون ..؟؟
رائد : انا كنت عند بيتكم .. وقلت اسويلك مفاجأة .. واخليك تطلعين الحوش واكون موجود .. بس يللا كذا بعد حلوو ..
دانة : ههههههه انا اقول وش فيك تقول غمضي عيونك ...!!!

رائد قرب باسها على خدها وحضنها ...
رائد : فديتك محلوّة ...!!
دانة مستحية : احم .. شكرا ..
رائد حاس بوزه : وانا مو محلو ...؟؟
دانة شافت عضلاته وشوي وتدوووخ : ا .. انت بعد ..

@@@@@@@@@@@@@@@@@@@@@@@@@@@@@@@@@@@@@
نهاية الجزء الـ 14

سفرة نسايم وبناتها وزوجها كيف بتكون ..؟؟
دلع وسعود .. وعرسهم بيتم ولا لأ؟؟ ..وسعود ايش المصيبة اللي بيتعرض لها ف الجزء الجديد؟؟
رائد ودانة والحياة المستقبلية كيف بتكون ..؟؟
اروى وطيف اخوها .. شلون بتحاول تتاقلم مع الحياة ..؟؟
لينا ونفسيتها خصوصا انها كارهة البيت ومين بيساعدها ف هالمحنة ..؟؟
ابو غادة وينه ..؟؟ ووش صار عليه ..؟؟ وشلون وضع بيته ..؟؟
احمد وريم .. لوين النهاية ..؟؟

الجزء الخامس عشر ( خمسطعشـ ) :.

(( يوم الثلاثــــاء .. سيارة سعود ))

( الساعة 8 بالليل )

سكر سعود جواله وهو متضايق : اففففففففففف .... وين راح هذا ..؟؟ جواله صارله اكثر من اسبوع مغلق ..!!!!!! ماعندي حل غير اني انزل واسال عنه ف بيته ...

نزل سعود من السيارة ... ومشى باتجاه الباب ...

دق الجرس ... شوي الا طلع اخووه

وليد عقد حواجبه : ه.. هلا سعود ...
سعود مستغرب : وليد ..؟؟ هلا ... وين اخوووك الزاحف هذا ..؟؟ صارله اسبوع مسكر جواله ولا يرد ...
وليد مرتبك : ا... انت ما تدري ...؟؟
سعود : وشووو ...؟؟
وليد التفت حوله يتاكد مافي احد : اركب السيارة وبقوووولك ..

خلف سعود وركب السيارة وركب جنبه وليد .... وسكروا الباب ..

سعود : ياخي خرعتني .. شصار...؟؟؟
وليد : والله يا سعود .. خالد .. قبل اسبوع ونص .. حوالي 10 ايام .. جو الشرطة واخذوه التوقيف بتهمة كبيرة مرة ....... وخطيرة ...!!
سعود : وشووووووووو ...؟؟!؟!!؟ متى ..؟؟ وليش..؟؟
وليد : مثل ما قلت لك من حوالي اسبوع .. والوالد عصب وقلب علينا الدنيا ف البيت .. تعرف عاد الوالد ما حب اولاده يغلطون بشي .. يبغانا مستقيمين ... بس اللي خالد متورط فيه شي مو سهل..... عشان كذا المحامي ما عرف كيف يدافع عنه .. وخسرنا القضية .. وانحكم على خالدوكم واحد من ربعه بالسجن ....
سعود : طيب متورط فايش ....؟؟
وليد متضايق : قضية شقة وبنات .. خمر .. واغتصاب .. !!!!!!!!

سعود انصدم ولا قدر يقول ولا كلمة " صادووووك يا خالد ..؟؟ الحين شلون اطلعك ..؟ "
سعود : يعني الحين شلووون ..؟؟
خالد عصب : ايش اللي شلون ..؟؟ اقولك اخوي انحكم عليه بالسجن .. يعني خلاص ماعاد بيرجع لنا .. الا بعد 7 سنين ... ع الاقل ...

سكت سعود كعادته .. يحاول يطلع من أي شي ... ويبرئ نفسه من كل الاغلاط اللي سواها...
سعود : الله يهديه ...
وليد : الحين ابغى افهم .. خالد شلون يسوي كل هالاشياء ..؟؟ ممكن تفهمني..؟؟ لاني للحين ماني مصدق اخوي اللي ربيناه .. تربية احسن منها مافي .. يقعد يسوي فينا كذا ...........!!!!
سعود : ا.. خالد صديقي من انا صغير.. ووين ما اروح يكون معاي.... وو ..
قاطعه وليد ومسك قميصه بتهديد : لا تقول انه كل هذا منوراك!! وربي لا ادفنك بيدي يا سعود لو كان لك طرف فللي صار لخالد ...!!!!
سعود خاف : ها..؟؟ لا لا لا انا مالي علاقة ... خالد كان مصادق شباب ما يعجبووني .. يعني من الانواع اللي تتجمع وتسوي حفلات وتشرب .. وبدا يصير زيهم شوي شوي .. وانا حاولت انصحه كم مرة .. بس ما سمع الكلام.. وكان يقول لي تطمن .. ماني مسوي شي غلط ....
وليد متضايق لاخووه مرة : وانت ليش وقفوووك قبل خالد ..؟؟
سعود : ا... كانوا شاكين فيني بما اني صديق خالد .. وربعه شافوني من قبل .. وكانوا يبغوا يتاكدوا من اني مو متورط ...
وليد طفش وضاق خلقه مرة : خلاص يا سعود .. انا احس اني بختنق .. توصي على شي ...؟؟؟
سعود : لا سلامتك ....

طلع وليد من السيارة وخلا سعود لوحده ... ولوحده زي ما بيكون ف الايام الجاية بدون اعز ربعه ....

سعود " خلاااااااص .. من اليوم مافي احد اشكيله ... راااح خويي ... !! "

___________________________________

(( في الطيارة .. ))

( الساعة 5 العصر )

كانت نسايم ف الطيارة مع بناتها شوق وامل .. وزوجها عثمان .. متوجهين لجدة بناء على اوامر الشيخ بانه يخليها تزور اهلها كل فترة ...

ابو فيصل بحدة : اقووول .. شوفي .. الحين اذا وصلنا جدة .. مو تقعدينا ف بيت اهلك وتنقعينا هناك 24 ساعة ... ترى انا ابغى اروح اتمشى انا وبناتي .. ما نبغى نتعفن ببيت .... !!! فاهمة ...؟؟
نسايم حاست بوزها : طيب بس نقعد مع اهلي .. بعدين نطلع .. ما عندي مانع ..
ابو فيصل معصب ومتضايق : أي بس من الحين اقووولك .. وشوفي .. مو من نوصل تروحين تلزقين ف امك وخواتك وابوك وتتركيني ... اقعدي معاي ... مو تجلسي تتآمرين انتي واخواتك علي لاني بروحي هناك بينكم ...؟؟ اوقفي معاي .. انا اللي بينفعك ف هالدنيا مو اهلك ........!؟!؟!؟!؟!؟!؟

نسايم طفشت : الحين انت ليش قاعد تقول هالكلام ..؟؟
ابو فيصل : لاني اعرفك واعرف تصرفاتك

نسايم غمضت عيونها وتسندت على الكرسي .. عشان توصل بسرعة وما تسمع كلام ابو فيصل اللي يسم البدن ....!!!

___________________________________

(( بيت ابو عوض ))

( الساعة 7 بالليل )

ام عوض : يا اروى حرام عليك .. والله ما كنتي كذا اول ... ليش قلبتي فجأة بسم الله عليك ...؟؟؟؟
اروى بدون أي تعبير على وجهها : يعني وش تبغيني اسوي .. خلاص ماما .. انا ابغى اموووت .. قلت لك انا ابغى امووووت .. مافي فايدة اطلع او ادخل .. واروح واجي ..!!!
ام عوض مسكتها وحضنتها : اروى الله يخليك لاتعيدين هالكلمة .. انا واحد خسرته ويالله قادرة اتحمل .. ما اقدر اخسرك انتي بعد .. ما اقدر ... ما تفهمين ..؟؟

اروى وخرتها عنها .. وراحت بعصبية جاتها فجأة مسكت فيها المزهرية الموجودة ع التسريحة بكل قوتها ع الارض .. وكسرتها ..........!!!

اروى تصارخ وتصيح : ابغى امووووووووووووت ... ابغى عووووووووووووض .. ابغى عووض .. آآآآآآآآآآآآآآآآآآآآآآآآآآهـــهــــــــهـــــــــ

وانهارت تصيح في نص الغرفة .. وامها متقطع قلبها عليها ........

@@@@@@@@@@@@@@@@@@@@@@@@@@@@@@@@@@@@

(( بعد يومين .. بيت ابو سعود ))

( الساعة 9 بالليل )

دخلت ام سعود الغرفة وقالت بكل حدة وهي تحط الورقة على الطاولة : يللا .. وقعي وفكينا .......!!!!!!!

دلع منصدمة ولاهي مستوعبة الوضع : ها...؟؟
ام سعود : يللا وقعي على عقد القران وفكينا انتي وهالحيوان من البيت ....!.!!!

دلع : بـــــــــ...

سكتت .. ما تقدر ولاشي ... هي الحين لوحدها ..

قامت بكل صمت ومسكت القلم وهي ترتجف ودموعها تنزل بسرعة ولاهي راضية توقف....

سمعت صراخ لينا ف الغرفة : لاااااا .. لاتوقعين يا دلع ... انتي ما تبغيه محد بيغصبك عليه لا توقعين ...

بس ام سعود مسكتها عشان ما تقرب زيادة ....
لينا : وخري عني ... اقووولك وخري عني .. دلع لااا .. لا توقعين .. لاترمين نفسك ف حفرة مالها نهاية .. دلع .....

بس دلع ماكان وراها غير انها توقع .. تطلع من هالبيت وتعيش ف بيت اتعس ...

سمت بالله وتوكلت عليه ووقعت .............. وكل شي انتهى هنا ....

نهاية حريتها ....
حياتها ...
فرحتها ...
انسانيتها ..

ابتسمت ام سعود بغرور .. اخذت الورقة وطلعت من الغرفة ..
ام سعود وهي طالعة : بسرعة تعالي عشان الشيخ يبغى يسمع ردك ....

وطلعت .......

اما دلع.. انهارت ع الارض ماهي مصدقة اللي سوته ....
دلع تتنفس بسرعة .. تشهق وتزفر : هــــــ ... يارب ارحمني... يااااارب ارحمني..

هالكلمات كانت الوحيدة اللي انطقت فيها دلع .. اما لينا .. فقربت منها وهي تصيح ..

لينا : ليش سويتي كذا ..؟؟ ليــــــــــش...؟؟

دلع ما ردت عليها .. مسحت وجهها .. ودخلت الحمام ..

___________________________________

(( مجلس بيت ابو سعود ))

( الساعة 9 وربع )

الشيخ : مبروك يا سعود ...
سعود قالب وجهه : الله يبارك فيك ....

الشيخ : مبروووك يابو سعود ... عقبال سالم انشالله ....
ابو سعود مسوي فيها فرحان : الله يبارك فيك ويسلمك ....

سلم الشيخ على الموجودين وطلع .. ومن طلع الشيخ .. طلع سعود وترك كل الموجودين من رجال ...

( ف الحوش )

سعود : اففف .. وين اروح الحين ...؟؟ آآآآآه يا خالد .. ليتك موجود كان الحين قلت لك وش صااار فيني ..... !!!

___________________________________

(( بيت ابو عوض ))

( الساعة 11 بالليل )

كانت اروى ف بيت غادة صديقتها .. عشان تغير جو عن جو البيت اللي ما عادت تتحمله..

ام عوض : يا صالح والله انا خايفة ع البنت ...
ابو عوض : حتى انا .. بس وش ف يدي اسوي ...؟؟
ام عوض : مدري والله يا صالح ... انا مرة كاسرة خاطري .. وحالتها كل يوم من أسوأ لأسوأ ....!!
ابو عوض : تبغين نسافر من جديد .. عشان تغير جو .... يمكن تتحسن نفسيتها ...
ام عوض : تتحسن نفسيتها ف السفرة .. وبعدين لما ترجع تنتكس وتكتئب من جديد ... ما استفدنا شي من السفرة اجل...
ابو عوض : طيب عطيني حل ...
ام عوض : انا اقوول .. اسجلها بمعهد من المعاهد ... يعني اشغلها بشي بدال القعدة ف البيت .. لانه كل اللي هي الحين .. بسبب قعدتها ف البيت .. لانها تتذكر كل شي ف البيت .... اما برى البيت تشوفها قمر ماشالله ...
ابو عوض : طيب معهد ايش اللي بتخلينها اياه ...؟؟
ام عوض : مدري والله .. انا ما اعرف هي وش تحب ... بس اقدر اسأل صديقتها غادة .. هي اقرب وحدة لها وتعرف كل شي عنها ...
ابو عوض : خلاص خلي صديقتها غادة بعد تشترك معاها عشان تشجعها .. لانها يمكن ما بترضى ...
ام عوض : وهذا اللي افكر فيه ......

___________________________________

(( بيت ابو سعود .. ))

( الساعة 3 الفجر .. )

كان فيصل سهران عند سالم لانه اهله مسافرين.. وما يبغى يقعد لوحده ف البيت خصوصا انه اليوم خميس .. يعني ويكند ... وكانوا يطالعون فلم على الم بي سي 2

فيصل : الحين انا على قد ما اعرف دلع .. ما توقعت انها تاخذ سعود اخوك .. انا اللي اعرف انها ما تحبه .....
سالم تنهد : هــــ .. اسكت يا فيصل .. والله السالفة تشيّب الشعر ....
فيصل : افااأأ.... ليش شصاير....؟؟
سالم : دلع مو راضية عنه .... بس امي وابوي غصبوووها ...
فيصل : عمي غصبها ..؟؟ شلووون ..؟؟ عمي عمره ماكان يغصبها على شي ..
سالم : عاد هذا الي صار ....

سكت سام وحس فيصل انه سالم مخبي عنه شي... لانه السالفة مو معقووولة .. فجأة كذا يتغير اسلوب ابو سعود مع دلع ... ويغصبها على شي ما تبغاه زي الزواج ..

فيصل خز سالم بشك .....
سالم انتبه له : ليش تخزني كذا ..؟؟
فيصل : لانك مو قاعد تقول كل شي ... في شي مو راضي تقوله لي..

ابتسم سالم .. فيصل هو الوحيد اللي يعرفه ويعرف متى يكذب ومتى يصدق ..

سالم : والله السالفة طويلة .. بس اذا تبغى تسمعها ... لازم تمسك اعصابك وما تمد يدك على سعود اللي يستاهل انك تدوووس ف بطنه بعد ...
فيصل : ليش...؟؟
سالم : الله يسلمك .. السالفة صارت في عيد الـ............ الخ ...

@@@@@@@@@@@@@@@@@@@@@@@@@@@@@@@@@@@@@

(( بيت ابو بندر ))

( الساعة 11 الصباح )

قامت ام بندر من الصباح ... تقوم عيالها .. لانه اليوم معزومين ف بيت امها .....

قومت دانة بكل سهولة .. بعدين توجهت للمرحلة الاصعب .. انها تقوم ثامر وبندر ..
دخلت الغرفة وسكرت المكيف ....

ثامر وهو مغمض عيونه : بندر وووجع شغل المكيّف ...
بندر نايم ولا يدري عنه : هممممممم .....

ام بندر : يا شبااااااااااب ... يللا قوموا ....

ثامر مسك راسه : لااااااا... تكفين لاتقولين نظفوا الحوووش ..
ام بندر : هههه لا ماني قايلة ... قووووم بنطلع ...
ثامر حط المخدة فوق راسه : يما حرام عليك ... اليوم هو اليوم الوحيد اللي عندي فيه اجازة طول اليوم .... ولا انا طول الاسبوع ادرس واشتغل .... ارحمينا شوي ...
ام بندر : قووووم بتستانس ... قووووووووووم ...

بندر فتح عيونه : يما ... الله يعافيك ... شوي بس... بعدها انا بوديك وين ما تبغين بس خلينا ننام .. الساعة لسة 11 .........!!!
ام بندر : افففففف.. شوف انت وياه ... يا تقومون الحين .. يا برسل لكم ابوووكم يقومكم ......

بندر والنوم ماخذه ... قام قعد يمشي شوي شوي للحمام ..

ام بندر يوم شافته قام طلعت من الغرفة ... واول ما طلعت ... على طول طاح بندر ع الارض وناااااام ... وثامر حط راسه ورجع نام بعد ما قفل باب الغرفة .........

___________________________________

(( بيت ابو غادة ))

( الساعة 1 الظهر )

غادة زهقانة : ماما ... ترى صار لنا اسبوعين ما طلعنا .. شوفولنا حل ...
ام غادة بقلة حيلة : طيب وش اسوي ...؟؟ ابوكم ماهو راضي .. وش اسوي انا قوليلي؟؟

سمر : يا ماما العزيزة .. انا احس انه زوجك خلاص .. بدى يفقد عقله ... يعني يصير مجنوووون .. ولا مافي ابو عاقل يقول لبناته .. افصخوا جزمكم قبل ما تدخلون السيارة وحطوها ف كيس عشان ما توصخون سيارتي...........!!!!!!!!

ام غادة بتعتب : عيب يا سمر ... هذا ابوووك .. ما يصير تقولين عنه كذا .. مهما سوا لك ....!!!!

غادة قامت طفشانة وطلعت فووووق ....

غادة هالايام مرة مكتأبة من معاملة ابوها الجافة لها .. ولا عمره كلمها بهالطريقة او عاملها هالمعاملة .... كان اقرب واحد لها .. صديقها ف البيت وبرى البيت ... ما يخلي بخاطرها شي الا ويجيبها لها ... والحين ... لو تموووت قدامه ما جاب لها خبر ........!!

___________________________________

(( ف جدة .. الكوفي شوب ))

( الساعة 4 العصر )

كانوا عائلة ابو نسايم ونسايم وزوجها متجمعين ف واحد من الكوفيشووووبات الموجودة ف جدة .... وكانت تطل على البحر.... والكل كان مستانس الا ابو فيصل اللي كان قاعد وقالب وجهه .... وخاطره يرجع الشرقية بأي عذر ...

ام نسايم طلعت البوم صور : نسايم شوفي ....
نسايم اخذت الالبوم : ايش هذا .....؟؟
سيرين ( اختها ) : هادي صور عرسي اللي ما جيتيه ...
نسايم : والله ........؟؟؟

فتحت نسايم الالبوم وقعدت تطالع الصور ... كان عرس فخم .. احلى منه مافي .. ما بقى احد ما حضره .. الا هي .. وكله بسبب زوجها .... زعلت شوي بس حاولت تخفي شعورها قدام اهلها ... لانه الذنب مو ذنبهم .. لذنب ذنب زوجها ... اللي الشيطان راكب راسه ...

ام نسايم : الحين انتي اشتريتي فستان حق عرس مهند بكرة ..؟؟
نسايم ابتسمت : أي .. بس باقيلي اشتري صندل ....
سيرين : خلاص .... حنروح الحين بعد شوي ... ونختار لك احلى صندل ....

ابوفيصل طلع ف يد سيرين .. وشاف انها لابسة ساعة نسايم ..... عصب
ابو فيصل " الحين انا اشتري لها ساعات وهي تروح تعطيها اختها ...؟!؟! اصرف على اهلها انا ... طيب يا نسايم .. انا اوريك ...."

___________________________________

(( بيت الجدة مزنة ))

( الساعة 6 المغرب .. )

كان بيت الجدة مزنة مزحوووم مرة ..

مها وسهى ودانة وعهود وخلود .. وبنات خالاتهم المتزوجات كلهم جو ... وشباب العايلة كلهم موجودين .. ثامر وبندر على راسهم .. واحمد جا معاهم .. واخوان مها وباقي شباب العايلة بعد كانوا ماليين مجلس الرجال ....

( خليني اعرفكم على عائلة ام بندر ( نوال ) ....

اختها بدرية .. اللي تزوجت هشام عندها :
- خلود بنت زوجها 19 سنة
- عهود بنتها 15 سنة

اختها ابتسام.. وزوجها فهد :
- منصور 24 سنة يدرس برى
- طارق 22 سنة يدرس بالبحرين
- زيادة 17 سنة
- فرح 14 سنة

اخوها مبارك .. وزوجته هدى :
- سهى 26 سنة متزوجة عبدالعزيز
- راكان 23 سنة
- مها 21 سنة
- هيفا 17 سنة

واخوها اصغر واحد .. يوسف .. وعمره 26 ومو متزوج .. )

( ف مجلس الرجال )

عبدالرحيم .. زوج الجدة مزنة ( الجد ) : يللا يا عيال .. كل واحد يهز طوله .. يتوضى ويلحقني للمسجد نصلي المغرب ...

قام عبدالرحيم مع مبارك ويوسف ومحمد ( ابو بندر ) وباقي الكبار ...

وبعدهم بخمس دقايق .. طلعوا الشباب .. طبعا بتجمع كبير كله سوالف ووناسة ..

( عند البنات )

دام جبنا طاري انه الاولاد بيطلعون .. طبعا بتسمعون انه البنات سنتروا وتمركزا قدام الشبابيك يراقبون ويطالعون الشباب .. وكل وحدة تختار لها واحد يكون فارس احلامها ..

الا دانة .. اللي راحت تصلي وبعدها قعدت تكلم رائد شوي ....
وسهى اللي كانت تنوّم ولدها فااارس الصغير ..
والحريم اللي صلوا وتجمعوا ف المجلس من جديد ...

مها بخقة واقفة قدام الشباك : اقووول هيفا .. شوفي هذاك الي مشخص ...
هيفا محتارة وانحولت عيونها من التدقيق : أي واحد ...؟؟ ياكثرهم ...
مها : افففف .. هو واحد ما غيره .. اخو دانة ...
هيفا : أي واحد ..؟؟ ترى انا ما اعرف عيال عمتي نوال .. بس اعرف اسماءهم ..
مها زهقت : اففففف .. اللي مشخص وحط النظارة ف جيب الثووب .. وواقف يسولف مع عمي يوسف ..
هيفا : اهااأ... أي والله شفت ... واااااااااااي كيوووووت .. مين هذا ...؟؟
مها بنص عين : مين يعني ..؟؟ اكيد ثامر ما غيره .. امي تقول ثامر حلو وعيونه عسلية .. اكيد هذا هو ....
هيفا : كيووووووووت مرة .. احسه ثقيل .. وما يعطي احد وجه ...
مها : مدري .. انا توني انتبهت له...
هيفا : طيب بندر مين ..؟؟
مها : ا... مدري .. يمكن اللي واقف جنب ثامر على ما اعتقد ..
هيفا : اهااااا .. حتى هذا كيوووت ..
مها : هههه انا آخذ واحد وانتي وحد يعني ..؟؟
هيفا : لااااااااااا ... على كيفك .. انا غير زيزوووو ما آخذ
مها : خخخخخ انتي وزيزووو هذا ... ترى بس لانه معطيك وجه انتي حبيتيه
هيفا : حراام عليك .. وربي صديقي العزيز هذا ...
مها : أي صح .. تكلمه ع المسن صار صديقها العزيز .. اصلا لو تدري امي لاتكفخك
هيفا : ماعليك منها .. هذي لو اكلم ولد خالتي ما بتقول لي لأ .. بس لانه ولد عمي .. تقول لأ .... لانه ما يقربلها ...
مها : ههههههههه صح عليك ..

بعد دقيقة من المراقبة .... وبعد ما راحوا الشباب

مها : جاتني فكرة ....
هيفا : ايش.................؟؟
مها : باخذ رقمه من جوال دانة ....
هيفا : شلوووون ..؟؟ يا هبلة وش بتسوين ف الرقم ..؟؟
مها : بدق بستهبل عليه .. اشوف يعطيني وجه ولا لأ ...؟؟
هيفا تصفق : لووووووول .. وناسة .. من زمان على الهبال والتحشيش .. !!!

ويوم سمعوا صوت دانة وراهم سكتوا وغيروا الموضوع ... وقعدوا على الكنبات باحترام ..

___________________________________

(( بيت ابو سعود ))

( الساعة 8 بالليل )

تنهد سعود من الضيقة : هــــــــ .. والله مو حالة هذي ...!! اففف .. وينك يا خالد بس...!!!!!!

قام من الكرسي بضيق وقعد يتمشى ف الغرفة ... هذي عاشر مرة يدور فيها ويفتح الادراج ويطالعها .... زهق .. مل ..

طلع من الغرفة شوي شوي ... ومر على غرفة لينا .. دق الباب بس محد رد ولا احد فتح الباب ... ويوم شاف النور مطفي من فتحة الباب ... استسلم وكمل يمشي ف الممر ... مر على غرفة سالم وكانت فاضية ..

سعود : اكيد طلع مع فيصل ...

وما بقى غير غرفة دلع ...
سعود يحك راسه : الحين هذي وش تسوي ف الغرفة .. ما اشوفها غير بغرفتها ..!؟!؟ حشى .. بيت مو غرفة ... من كبرها الغرفة عاااد حابسة عمرها فيها ... الحين لهالدرجة مو عاجبها ولا مالي عينها ...؟؟ تحمد ربها اخذتها ... ولا كان خليتها قاعدة ف هالبيت تعاني....

وعلى طول تذكر انه ابوووه زوجه غصب عنه وهدده انه بيحطه ف السجن وتضايق : مااالت علي مسوي فيها اني شي ... اقووول لا يكثر مع وجهي ..

وقف في نص الممر ... وتسند ع الجدار : اففف .. الحين مع مين بطلع ..؟؟ محد ف البيت اسووولف معاه ... اخاف ادخل على هالبنت تقوم تسوي لي مناحة ودراما هندية...!!! لا حوووووول ... اقطع ابو المذلة اللي بتخليني احتاج اسولف مع واحد من اهل هالبيت .... وين ارووح ..؟؟ المشكلة كل ربعي ف السجن ... خخخخ ما اصدق هم هناك وانا قاعد هنا بروحي... المشكلة انه حتى هالبيت كانه سجن ما يختلف عنه ابد .. ما عندي غيرها .. بعدين صارت زوجتي عادي .. حتى لو شافوني عندها .. مالهم حق يكلمووني بشي ....!!!

قرب من الباب ... ودقه بكل هدوووء ..

كلها كم دقيقة وفتحت دلع الباب .. كانت لابسة بيجاما سماوية .. والفنيلة حقتها بدون اكمام... واول ما شافته وقفت ورى الباب وقالت بكل كره وحقد : نعم ...؟؟
سعود حاس بووزه " هذا من اولها : ا... ممكن اكلمك... على انفرااد يعني مو من ورى الباب ....
دلع : اففففففف ...
سعود " مااااااالت .. وتتأفف بعد!!! " : دلع .. دخليني والله ما باكلك ...!!
دلع : اصبر شوي بغير واطلعلك .... ( جات بتسكر الباب )

(( بيت ابو سعود ))

( الساعة 8 بالليل )

تنهد سعود من الضيقة : هــــــــ .. والله مو حالة هذي ...!! اففف .. وينك يا خالد بس...!!!!!!

قام من الكرسي بضيق وقعد يتمشى ف الغرفة ... هذي عاشر مرة يدور فيها ويفتح الادراج ويطالعها .... زهق .. مل ..

طلع من الغرفة شوي شوي ... ومر على غرفة لينا .. دق الباب بس محد رد ولا احد فتح الباب ... ويوم شاف النور مطفي من فتحة الباب ... استسلم وكمل يمشي ف الممر ... مر على غرفة سالم وكانت فاضية ..

سعود : اكيد طلع مع فيصل ...

وما بقى غير غرفة دلع ...
سعود يحك راسه : الحين هذي وش تسوي ف الغرفة .. ما اشوفها غير بغرفتها ..!؟!؟ حشى .. بيت مو غرفة ... من كبرها الغرفة عاااد حابسة عمرها فيها ... الحين لهالدرجة مو عاجبها ولا مالي عينها ...؟؟ تحمد ربها اخذتها ... ولا كان خليتها قاعدة ف هالبيت تعاني....

وعلى طول تذكر انه ابوووه زوجه غصب عنه وهدده انه بيحطه ف السجن وتضايق : مااالت علي مسوي فيها اني شي ... اقووول لا يكثر مع وجهي ..

وقف في نص الممر ... وتسند ع الجدار : اففف .. الحين مع مين بطلع ..؟؟ محد ف البيت اسووولف معاه ... اخاف ادخل على هالبنت تقوم تسوي لي مناحة ودراما هندية...!!! لا حوووووول ... اقطع ابو المذلة اللي بتخليني احتاج اسولف مع واحد من اهل هالبيت .... وين ارووح ..؟؟ المشكلة كل ربعي ف السجن ... خخخخ ما اصدق هم هناك وانا قاعد هنا بروحي... المشكلة انه حتى هالبيت كانه سجن ما يختلف عنه ابد .. ما عندي غيرها .. بعدين صارت زوجتي عادي .. حتى لو شافوني عندها .. مالهم حق يكلمووني بشي ....!!!

قرب من الباب ... ودقه بكل هدوووء ..

كلها كم دقيقة وفتحت دلع الباب .. كانت لابسة بيجاما سماوية .. والفنيلة حقتها بدون اكمام... واول ما شافته وقفت ورى الباب وقالت بكل كره وحقد : نعم ...؟؟
سعود حاس بووزه " هذا من اولها : ا... ممكن اكلمك... على انفرااد يعني مو من ورى الباب ....
دلع : اففففففف ...
سعود " مااااااالت .. وتتأفف بعد!!! " : دلع .. دخليني والله ما باكلك ...!!
دلع : اصبر شوي بغير واطلعلك .... ( جات بتسكر الباب )

عصب سعود ودف الباب .. دخل وسكره ... وهي خافت ... وتجمدت مكانها

سعود : الحين انا ساعة اترجاك عند الباب تدخليني .. بعدين تقولين بغير واطلعلك !!.. يا بنت اعقلي .. تراني زوجك من اليوم .. مافي شي اسمه اغيّر او اتحجب او اطلعلك او ما تدخل غرفتي فهمتي ..؟؟ ادخل متى ما ابغى وطلع متى ما ابغى .. واذا ابغى بعد من اليوم انام ف هالغرفة ... كل هذا من حقي .. وما تقدري تقولي لي لأ ....!!!!!

دلع دارت وعطته ظهرها وانشغلت بترتيب الملابس المرمية ف الارض ...

سعود " مالت عليك ..!! احد يكلم خطيبته كذا..؟؟ صدق انك صووور وما تفهم !!! " :
ا... ا ... دلع ... مبروك ..

دلع ولا التفتت .. بس حاست بوزها يمين ويسار .. وكملت ترتيب...

سعود " ماااااااالت .. بعد حقرتني ... بالطقاااق .."
مشى وقعد ع الكرسي الموجود : شخبارك ...؟؟

دلع ولا ردت .. وراحت تحط ملابسها ف الدولاب ...

سعود عصب وانفعل .. قام ولفها بيدينه الثنتين عشان تقابله : شوفي .. انا ماني جاي اسووولف مع الجدران .. تراني قعدت طول يومين اسووولف واكلم نفسي ف الغرفة .. ابغى انسان .. بني آدم اكلمه واسووولف معاه طيب...؟؟؟ ابغى واحد افضفضله ... فهمتي...؟؟ اعز انسان لي واغلى صديق دخل السجن .. وما عاد لي ولا واحد اطلع واجي معاه... عشان كذا انا بنهاااااااار ان ما سولفت وتكلمت مع احد فاهمة ..؟؟ حاولي تراعين شعوووري ولو مرة وحدة........!!!!!

دلع بالم : ليش انت راعيت شعوووري يوم كنت محتاجة احد يساعدني ويوقف معاي؟؟... رميتني لوحدي اتحمل كل المسؤووولية والغلطة وفكرت بنفسك وبحياتك....!! ولا فكرت تسال عني ... او تساعدني .. حتى لو نفسياً ..

سعود بضيق وزهق : اففففففف .. لاتعيدين السمفوونية حقتك هذي ... تراني حفظتها.. وممكن تنسين السالفة ذيك لاني انا نسيتها وشلتها من بالي .. ولا ابغى اعيدها واتكلم عنها..... !!!

دلع : اول شي لو سمحت شيل يدك عني .. ثاني شي.. انا هالسالفة لو اعيش العمر كله .. بتبقى ف بالي .. ولا بسامحك عليها طول عمري.. فهمت ...؟؟ ولا تحسب انه خلاص .. دامني صرت زوجتك بتتحكم فيني زي ما تبغى .. ترى ماني سهلة ياسعود .. ولا تعتقد طيبتي بتهزمني قدامك .. مو يعني اني طيبة يعني اعطي وجه زيادة عن اللزوم .. انا لا حقدت على احد احقد عليه بقوووة طول حيااتي ....!!!

سعود باستهزاء : يعني انتي الحين حاقدة علي........؟؟؟
دلع : طووول حياتي ببقى حاقدة عليك .. ولآخر لحظة من عمري ..
سعود قرص خدها يتطنز وكانه يكلم بزر : يا عيني على الحقووودين انا ...!!

بدون ما تنتبه دلع .. تنرفزت وعطته ذاك الكف اللي خلاه واقف مكانه ومصدوووووووم ...

سعود عصب .. وكردة فعل طبيعية لواحد زي سعود .. عطاها كف طيرها لآخر الغرفة .. وما اكتفى بهالشي ... قرب ومسكها من شعرها .. رفعها .. وحطها ع الجدار ..
ودفها بقوة لدرجة انها حست انه عظامها بتدخل ف الجدار وتتكسر ...

سعود مسكر على اسنانه : اسمعي يا بنت الناس .. انا ماني ناقص حرمة تعلمني الاخلاق والتربية ... فاهمة ....؟؟ يدك هذي لو تنمد علي من جديد .. وربي لا كسرها لك فاهمة ....!؟!!؟!؟

دلع ماهي قادرة تتكلم من الخوف ......
سعود يدفها زيادة ويعلى صوته : فهمتي......؟!؟!؟!!؟؟!!؟
دلع بخووف وهي ترتجف : ف .. ه .. فهمت ..

تركها وطلع من الغرفة على طول .. وصقع الباب .... وخلاها ف آخر الغرفة ع الارض .. تصيح من القهر وقلة الحيرة والخووووف ..
كانت خايفة لما تتزوجه وتعيش معاه ف بيت واحد .. يصبحها على الضرب .. والعصر على الكلام السم والصراخ .. ويمسيها على الصياااح ....... !!!!

___________________________________

(( بيت مزنة ))

( الساعة 11 بالليل )

خلود كانت قاعدة تطالع مسلسل على التلفزيون .. وعهود قاعدة مع فرح بنت خالتها يسولفون ...

ومها وهيفا ماسكين دانة عشان ياخذون رقم ثامر باي فرصة ...

مها : اقووول دانة .. وش نوع جوالك ...؟
دانة : N93
مها : واااااااااو ... شكله مرة حلووو .. لايق عليك
ابتسمت دانة : شكراً ...
مها : شكله جديد صح ...؟؟
دانة : أي...
مها : متة اشتريتيه ..؟؟
دانة منحرجة : ا.. مو انا اللي اشتريته ...
هيفا :مين .....؟؟
مها : وش دخلك انتي...؟؟ كيفها يمكن ما تبغى تقول ...
دانة : رائد اشترى لي اياه ...
مها : اوووووووخص .. والله وقام يجيبلك هدايا ...
دانة : حراام عليك .. والله مو مقصر .. كل يومين يمر جايب لي شي..
مها : لا لا لا ارحمينا يا شيخة .. ما نتحمل ....
دانة : هههه يللا عقبالك ...
مها بخقة : آمين .. اقول ممكن اشوووفه ...
دانة : أي اكيد خذيه ...

اخذت مها الجوال من دانة .. وسوت انها بتدخل الصور ..
مها : ترى بدخل الصور
دانة : ادخلي ما صورت في غير بنات جيراننا .. كلهم بزران ..
مها : اهاا..

وعلى طول راحت للاسماء وحصلت اسم ثااامر رابع اسم بعد الوالدة والوالد وبندر

مها بتمثيل محترف : ممم ... الكحل حقي سال ... جيبيلي يا هيفا قلم الكحل..

طلعت هيفا الكحا من شنطتها وعطته لمها ... ومها بدورها استغلت انشغال دانة وكتبت الرقم على رجلها من فوووق ..

وعلى طول سكرت الاسماء .. ورجعت الجوال لدانة : يللا تتهني فيه ...
دانة : تسلمين ...

وبكذا ... مشّت مها اللي براسها وحصلت رقم ثامر ...

( بعد 10 دقايق )

دق رائد .....
دانة منحرجة : ا.... سوري .. مكالمة ضروووورية ...

قامت دانة وراحت تكلم رائد ف الغرفة ....
دانة : اهلين .....
رائد : مسا الحب والشوووووق ... شلونك حياتي ..؟؟
دانة : هلا حبيبي .. بخير الحمدلله .. انت شخبارك ..؟؟
رائد : بخير دامك بخير...
دانة : خلصت دوامك ....؟؟
رائد : هههه حبيبتي انا اليوم دوامي نص يوم .. يعني من الساعة 6 وانا طالع من الورشة ....
دانة : اوووووو .. ماشالله .. وين كنت اجل...؟؟
رائد : ههههه بدينا نغااار....؟!؟!؟ لا والله طلعت مع ربعي .. من زمان ما طلعت معاهم .. رحنا ستاربكس وكان معانا جاسم وناصر ربعي بالورشة بعد راحوا معانا ...
دانة : انبسطتوا...؟؟
رائد : اي الحمدلله ... غيرنا جو عن الشغل ...
دانة : حلووو .. اهم شي استانستوا...
رائد : وانتي شتسوين ..؟؟ للحين ف بيت جدتك..؟؟
دانة : أي... ربع ساعة وبيمر عمي احمد علينا ونروح ...
رائد : طيب دانة عندي طلب...
دانة : آمر
رائد : ما يآمر عليك عدوو .. بس .. بغيت آخذك ربع ساعة بس نتمشى انا وياك .. وربي اشتقتلك ...
دانة : رائد والله مو بيدي .. لو بيدي كان جيت وسكنت عندك ف البيت .. كلم ابوووي وشوووفه .. يمكن يرضى ...
رائد : كلمته ... قال كلمها .. اذا رضت خذها ولا تتاخرون عن ساعة ...
دانة : صدق ...؟؟
رائد : أي حبيبتي .. يللا اجهزي ... 10 دقايق واكون عندك ...
دانة : ماشالله .. تعرف العنوان ..؟؟
رائد : أي .. مرة جبن طلبية دواليب تخزين لبيت جدتك .. اعرفه ...
دانة : اوكي ... سي يووو بعد شوي
رائد : اوكي حياتي .. باي ..
دانة : باي ..

سكرت دانة وراحت تتكشخ وتعدل نفسها ...
___________________________________

(( بيت ابو سعود ))

( الساعة 12 منتصف الليل << احس كاني في نشرة اخبار )

دخل سالم وفيصل البيت اللي كان هادي والانوار مطفية فيه ... وقعدوا ف الصالة ..
ف الظلام ...

فيصل : شسالفة ..؟ اليوم جمعة وين الناس ......؟؟
سالم : اكيد نايمين بكرة دوام ...
فيصل مستغرب : الحين لينا وينها ....؟؟
سالم : فووق نايمة.. او تسشور شعرها حق بكرة ...
فيصل : من زمان عنها ..
سالم : روح شوفها اذا قايمة ناديها تجي تسهر معانا .. واذا نايمة خليها ..
فيصل : اليوم بنام على السرير فهمت ..؟؟
سالم : لا والله ..؟!؟!
فيصل : أي والله .. امس نيمتني على الارض .. بغيت اتكسر
سالم : من قالك نام على الارض .. في كنبة نام عليها
فيصل : لا والله .. تدري اني اتقلب ف الليل .. ناوي علي اطيح على راسي واتكسر؟!!؟
سالم : هههه والله مو مشكلتي ... انا بروح اقول للشغالة تسوي لنا كابتشينو ..
فيصل : خلاص وانا بطلع اشوووف ست الحسن نايمة ولا قايمة ..

راح سالم المطبخ وطلع فيصل ينادي لينا ... وصل عند غرفتها .. دق الباب بس محد رد.. فتح الباب ... شوي شوي .. وكان الظلام مالي الغرفة ...

دخل شوي شوي على روووس اصابعه .. وفتح الابجووورة اللي على الكومادينا ..

وشافها منسدحة على الشرشف ومو متغطية .. وشعرها لاول مرة مبعثر ومو مرتب ..
بس بشكل عام .. كانت كيوووووووت مرة .. وكانها ملاك نايم ..

بس مو لينا اللي يقعد واحد يقز فيها وهي نايمة .. لانه نومها خفيف وتحس لما احد يكون يراقبها وهي نايمة .. زي ما تقولون حاسة سادسة ...
فتحت عيونها على طول ...

فيصل ارتبك : بسم الله ... نامي نامي ..
لينا قعدت : لا والله ..؟؟ عشان تقعد تقز فيني من فوووق لتحت ...!؟؟!
فيصل : هههه جنية مو آدمية انتي..؟؟ شلون حسيتي علي..؟؟
لينا : شعووور قال لي انه واحد قاعد يطالعني ... فقمت ..
فيصل : ماشالللللللله ...!!!!
لينا تحك راسها : ا ... كم الساعة ...؟؟
فيصل : 12 ...
لينا : توكم راجعين صح ..؟
فيصل : هههههه أي ..
لينا : ههههه توقعت ... هذي عادتكم .. بتنام هنا...؟؟
فيصل : أي ... وعلى السرير بعد .. لليوم دوري ... امس نمت ع الارض وانكسر ظهري
لينا : تعرف شلون .. انا بقول لبابـــــ ( انقطع كلامها يوم تذكرت اللي سواه ابوها ف دلع) ا .. اقصد بقول لابو سالم يجيب لك سرير وتفتك انت وياه من الهوشة كل يوم ..
فيصل :افاااااااا ... ليش تقولين عن ابوووك كذا..؟؟ تراه ابوك بعد ..!؟؟!
لينا : لا والله ...؟!؟! اللي سواه ف دلع يعني زين ...؟؟!؟
فيصل : وش سوى ..؟؟

لينا سكتت ..
فيصل : اذا عن سالفة دلع وسعود .. ترى سالم قال لي كل شي .. وابوك اللي سواه كان معاه حق فيه ... لانه أي احد غيره .. بيسوي نفس الشي واسوأ ..
لينا : افففف .. خلاص خلاص .. كانك سالم لما تتكلم .. وربي انتوا الاثنين نسخة من بعض .. حتى ف الآراء ...
فيصل : هههههه شفيك عصبتي..؟؟ لا تدخلين نفسك بالسالفة ... خليك برى .. والحين هم متزوجين وبيحلون مشاكلهم مع بعض .. اتركيهم ولا تتدخلين .. وبعدين لا تقلبينها نكد..!! امشي اسهري معانا ...
لينا : ليش بعد بتسهرووون ..؟؟ بكرة عندكم دوام ....!!!
فيصل غمز لها :وليش صنعوا القهوة برايك ...؟؟ قوومي تراها فرصة ما تتفوت ..

لينا : هههه طيب برفع كشتي واعدل شكلي وانزل ..
سحبها فيصل ونزلها من على السرير : اقووول قومي بس .. بلاحركات البنات والدلووعات هذي .... !!!

@@@@@@@@@@@@@@@@@@@@@@@@@@@@@@@@@@@@@

(( يوم السبت .. سيارة السواق حبيب ))

( الساعة 2 الظهر )

ركبت غادة وحصلت سمر ف السيارة ....
غادة : غريبة طلعتي قبلي اليوم ....
سمر : انا قايلة لحبيب يجيني اول.... انتوا تطولون لين تجوني ..
غادة : لانه اقعد مع اروى نسولف شوي .. مسكينة جايها اكتئاااب قوي ...
سمر : يووووه .. ما تحسنت ...؟؟
غادة تنهدت : هـــــ لا والله .. كاسرة خاطري.. ماغير تكتب اسم اخوها وتحط قلب حوله .. وترسم فوقه عين تنزل منها دمووووووووع ...
سمر : اووووووخص ... ترى صديقتك هذي استخفت .. ودوها دكتور نفسي ...
غادة عصبت : تدرين شلووون ..؟؟ انا غلطانة اني كلمتك .. الوالحد المفروض يعاملك زي الجدار ...
سمر : لا واللله ...؟؟!؟! طيب لاتكلميني خلاص .. ما ابغى اسمع أي شي من سوالفك ... ليش حبيب موجود ...؟!؟!

ومدت سمر راسها تسولف مع حبيب واخيرا اقنعته يمررهم على باسكن روبنز يشترون آيس كريم ....

___________________________________

(( بيت مبارك – ابو راكان - ))

( الساعة 5 العصر )

سكرت مها الباب بهدوء بعد ما تاكدت انه امها وابوها نايمين ... وانه اخوها راكان طالع مع ربعه .... ومحد ف البيت ....

هيفا : الحين بتدقين من جوالك ...؟.؟؟
مها : أي .. اجل من جوالك مثلاً ...؟؟
هيفا : لا يا ماما .. ماني باعية عمري....
مها : انا ماني مسوية شي .. بشوف اذا يعطي وجه ولا لأ ...؟؟
هيفا : طيب عندك الرقم ..؟؟؟
مها وهي تدق الرقم : أي خزنته باسم دانة2..

دقت مها على الرقم .... وبدا يرن ...

طوووووووووط

طوووووووووووط

طووووووووووط

___________________________________

(( ورشة ابو بندر ))

( الساعة 5 العصر )

كان ثامر ف الورشة قاعد مع ناصر ويغلفون الطاولات اللي لازم يوصلونها الحين بالكرتون عشان ما تخرب لما يحطونها ف السيارة ....

وبينما هم يشتغلووون ... دق جوال ثامر ...

ثامر : كمل انت هذيك الجهة بين ما اشوووف هالمكالمة ..
ناصر : اوكي لا تتاخر ورانا طاولات كثيرة ...
ثامر : اوكي...

طلع ثامر برى الورشة عشان الازعاج ورد ...

ثامر بصوته الرجولي : الوووو ..
مها : ا.... الو ... السلام عليكم ...
ثامر مستغرب : وعليكم السلام ....
مها : ا.. انت ثامر ...؟؟
ثامر ما عرفها : ا.. أي انا ثامر .. انتي مين ..؟؟
مها : مو لازم تعرف ... شخبارك ...؟؟
ثامر يجاريها : بخير الحمدلله ...
مها : شتسوي...؟؟ مشغووول ..؟؟
ثامر : ا ... أي والله شوي ... مين معاي .. عشان لا خلصت شغل ادق..
مها جاتها فكرة : معاك خلود ... !!!!!!!
ثامر : خلود...؟؟؟ اوكي يا خلود .... بسكر الحين ولا فضيت بدق عليك ونكمل موضوعنا .. طيب.....؟؟
مها بانتصار : ما عندي أي مشكلة .. عطيني رنة اول ... وبعدين دق عشان اكون لوحدي....
ثامر مستانس : انشالله .. توصين على شي ...؟
مها : لا سلامتك ...
ثامر : ف امان الله ...
مها : مع السلامة ..

سكر ثامر عن مها وكان مرة مستانس ...
ثامر " اخيرا حصلت وحدة اتسلى معاها .. من زمان عن هالسوالف ...!! "

___________________________________
نهاية الجزء الـ 15 ....

الجزء السادس عشر ... ( سطّعش ) :.

مجمل احداث البارت السابق ....

- خالد اعز صديق لسعود .. دخل السجن وانحكم عليه بالسجن اكثر من 7 سنين ..
- دلع وسعود عقدوا قرانهم .. وصاروا متزوجين رسميا ... وبانتظار العرس...
- تهاوش سعود مع دلع ف اليوم التالي من الملكة .. وضربها .. ومن بعدها لاشافها ولا كلمها .....

- مها بنت خالة دانة .. اخذت رقم ثامر من دانة .. ودقت عليه ...

- ام عوض وابو عوض قاعدين يحاولون بشتى الطرق يطلعون اروى من اكتئابها ..

- رحلة نسايم وزوجها لجدة ... مو عاجبة ابو فيصل ..

___________________________________

(( يوم الأحد .. الساعة 12 ونص الظهر ))

( جامعة الملك فيصل )

طلع ثامر من آخر محاضرة عنده .. وهو شايل كتبه ودفاتره .. وكان مروّق ...

دخل الكافيتيريا ... وقعد على الطاولة ...
طلع جواله وشاف مس كووول من نفس البنت اللي دقت عليه امس ...

ثامر ضرب راسه بالخفيف : يووووووه ... نسيت اكلمها امس ... الحين تتغلا علي وتسوي فيها زعلانة .... اففففف ...

عطاها مس كول ... وبعد دقيقة .. دق عليها .....

وزي ما توقع ... رن شوي .. وعلى طول ردت ...

مها بوناسة ودلع : الوووو ...
ثامر مسوي ثقيل : السلااااااام ...
مها : اهلين وعليكم السلام ...
ثامر : شخبارك...؟؟ شمسوية...؟؟
مها : بخير .... انت شخبارك...؟؟
ثامر : والله الحمدلله .... خلود...؟؟
مها : ها...؟؟
ثامر : لا بس اتاكد .. قلتيلي اسمك خلود صح ...؟؟
مها : أي ...
ثامر : اهاا... طيب ممكن سؤال ..؟؟ اذا ما تبغي تجاوبي مو لازم ...
مها : تفضل ...
ثامر : اول شي مشغووولة ..؟؟
مها : لأ ... عندي استراحة قبل المحاضرة الجاية ...
ثامر : اجل انتي بالجامعة ..؟؟
مها : أي ليش...؟؟
ثامر : لابس صوتك ناعم .. حسبتك بالمدرسة ...
مها : لا .. انا بجامعة فيصل ...
ثامر باعجاب : اوووووه ... ماشالله .. قريبة اجل ...
مها : ليش...؟؟
ثامر : لاني انا بجامعة فيصل وتوني مخلص محاضراتي وقاعد ارتاح شوي قبل ما ارجع البيت ......
مها : غريبة ....؟؟!؟!؟!
ثامر : وشوو اللي غريب....
مها : شكلك مو شكل واحد بالجامعة .. شكلك شكل واحدد كبير يشتغل ... ماشالله عليك حلووووو بشكل مو طبيعي ....
ثامر مستغرب : شفتيني ...؟؟ متى شفتيني ...؟؟ وشدراك فيني ..؟؟
مها عرفت كيف تلعبها : ا.. ثامر بقولك بس .. ما ابغاك تعصب ولا تهاوش .. انا لو ما اعزك واحبك .. كان ما سويت كذا .......؟؟؟ بس ما قدرت امسك نفسي بعد ما شفتك امس مشخص ....... وربي شكلك كان مرة كيووووووووووووت ............!!!!!

ثامر سكت منصدم " هذي كيف تعرفني .. وشدراها اني كنت مشخص امس..؟؟ ومتى شافتني ...؟؟ "

مها : الووو .. ثامر ...؟؟
ثامر عصب : الوو .... مين انتي..؟؟ قولي احسنلك ...
مها : قلت لك انا خلود
ثامر بدى يعلى صوته : ومين خلود انشالله ...؟؟؟
مها : تعرف خلتك بدرية ..؟؟
ثامر عصب .. من وين تعرف خالته هذي : اقووول .. انتي مين ..؟؟ ومن وين تعرفين خالتي...؟؟؟
مها : طيب لا تعصب .. انا بنت زوجها .. انا خلود ...

سكت ثامر ... انصدم : خ .. انتي بنت هشام..؟؟
مها : أي .. آسفة .. بس ما قدرت اتحمل .. قلت لازم اكلمك ...
ثامر : والحين انتي شفتيني امس يعني..؟؟
مها : أي ... شفتك وانت رايح الصلاة ... وكنت تسولف مع عمي يوسف...
ثامر ابتسم بخقة : اهااااا .. يعني كنتي تراقبيننا ...؟؟
مها منحرجة : اي ....
ثامر : ولا عمري شفتك تصدقين ...؟؟
مها : أي ادري.. حتى انا ما عرفت مين انت لين ما شفت عيونك وتذكرت خالتي تقول انه عيونك عسلية وحلوة ....
ثامر خق : ا.. احم .. طيب يا خلود .. شوفي .. انتي بصراحة جرئتك عجبتني مرة .. وعندي طلب ....
مها : آمر ...
ثامر : ما يآمر عليك عدو .. بس ما بغيت احد يدري انك تكلميني .. يعني اختك او بنات خالتي او احد احد ....
مها : اوكي .. وانا بعد عندي طلب .. واتمنى ما يكون محرج ...
ثامر : آمري..
مها بكل جرأة : ا .. اتمنى اذا بنتواصل كذا .. تترك البنات اللي انت مخاويهم .. كلهم ..
ثامر رفع حاجب : أي بنات ..؟؟ انا ما أخاوي اصلاً ...
مها " يالكذااب .. هذا وجهي انت ما كنت مرقم نص بنات الشرقية!! " : حلوو .. كذا تمام .... !!!!!!!

___________________________________

(( سيارة احمـــــد ))

( الساعة 4 العصر )

كان احمدف السيارة مع ريم .. راجعين للبيت ..

ريم : اففففففففففف ... حررر .. احمد افتح المكيف الله يخليك ...
احمد : ههههه طيب طيب اعصابك ...

مد احمد يده وعلا على المكيف...
ريم اترتخت بمجرد ما ضرب الهوا في وجهها : هــــــــــ .. أي .. كذا الهوا ولا بلاش
مو اول مقعدني على المروحة ....
احمد : ههههه والله يا ريم انك ...
ريم : أي .... كمل ..
احمد انتبه للطريق وهز راسه بالنفي : لا ولا شي....
ريم "واااي فديتك انت وحركااتك " : لا والله ... قووول اشوف .. ولا والله لا اشيل هالغطا من على وجهي ...
احمد ولا عطاها وجه : شيلي .. محد غصبك عليه .. بس تعرفين اني ما احب احد يطالعك ......
ريم : مو لازم تحبهم ....
احمد لف وجهه :....................... ما رد ..

ريم "يا سلااااااااام ..!! مافي رد .. اجل في امل .. يااااارب" : شفيك ماترد ...؟
احمد طالعها بنص عين ولف وجهه : ماعندي شي اقوووله ...
ريم : ولا شي ابد .......؟؟
احمد ولا عطاها وجه : شي زي ايش.....؟؟
ريم بجرأة : أي شي لازم تقول لي اياه او تعترف فيه .......!؟؟!؟!
احمد ضحك وفهم هي وش تقصد : هههههههههههه هاهاهاهاهاها ..
ريم : وليش تصحك ...؟؟
احمد : لا ولاشي ...
ريم : بجد شفيك ...؟؟؟
احمد : قلت لك مافي شي .. بس تذكرت شي يضحّك ..
ريم : ضحكني معاك ...
احمد لف عليها وقال بلهجة تخقق : قريب انشالله ....

ولف وجهه عنها وخلاها بروحها .. مو عارفة وش كان يقصد .. ومو فاهمة وش قاعد يصير ............

(( بيت ابو غادة ))

( الساعة 6 المغرب )

دخل ابو غادة معصب ويصااارخ ....

ام غادة جات تركض : بسم الله .. شفيك ..؟؟ شصاير...؟؟
ابو غادة ووجهه احمر من العصبية : قسما بالله .. سواق مرة ثانية لا انتي ولا بناتك بتشمون ريحة الطلعة معاه .........
ام غادة مستغربة : ليش...؟؟ شصااااااار....؟؟
ابو غادة : شصااار ها...؟؟ شصااار..؟؟ اسالي بناتك .. اسالي اللي تقولون عنهم متربيات ..... يا غااااااااااااادة .... سمممممممممممممر ...

غادة وسمر جو يركضون من فوووق ....
ابو غادة : قربي هنا يا حيوانة انتي وياها ... قربوا يللي ما تربيتوا ....
غادة خلاص وصلت معاها : شسوينا...؟؟

ابو غادة عصب بزيادة لانها ردت عليه .. مسكها من كتفها وهزها بقوة : مين سمح لكم وخلاكم تروحون باسكن روبنز بروحكم ...؟؟؟ هااااااا...؟؟؟ !!!! من متى انتوا تطلعون كذا على كيفكم ...!؟!؟ ها..؟!؟!؟ قولولي من متى..؟!؟!؟!

غادة جاتها الصيحة اما سمر : عادي .. كنا راجعين من الدوام وقلنا لحبيب يمر على باسكن روبنز ....
ابو غادة علا صوته : ومين سمحلك...؟؟؟ ليش ما استأذنتي مني اول...؟!؟! ها..؟!؟! وكالة بدون بواب السالفة ..!؟!؟ ما عندكم ابو واهل..؟!؟!؟! جايين من الشااارع انتو..؟!؟

........... كانت هذي مشكلة ثانية من مشاكل بيت ابو غادة .... وكلها من تحت راس ابو فيصل وافكاره المتخلفة اللي يزرعها ف راس ابو غادة ...

___________________________________

(( بيت ابو بندر ))

( الساعة 9 ونص بالليل )

رجع بندر من المكتب ... حاليا ما عنده ولا قضية يمسكها ... جاته قضية اليوم بس رفضها ... بحكم انها فاشلة واللي موكله فيها هو الغلطان وعليه ادلّة كثيرة ...

دخل البيت وهو يصفر ..... ويغني ...

بندر : منت فاهم يا اغلى من مر بعيوووونيـ .. عاشقك سلم امره .. للغرااااااام ..

ام بندر : هلا والله .. هلا بولدي .. جيت ..؟؟
بندر وقف والتفت وراه : لا لسة باقي نص ساعة واوصل ....
ام بندر : هههههه الله يقطع ابليسك ... كيف شغلك
بندر جلس جنب امه بعد ما سلم عليها : بخير الحمدلله ... حاليا ما عندي ولاشي..
جاتني قضية وما عجبتني .. رفضتها ...
ام بندر : الله يعطيك العافية ...

بندر بنص عين : وش هالدلع اللي قاعدة تدلعيني اياه ...؟؟ وراك شي...
ام بندر : هههههه أي ابغى منك طلب...
بندر : ما قلت لك .. انا قايل ورى هالكلام الحلوو سالفة وشووو .. آمري ... تدللي..
ام بندر : ما يآمر عليك عدو .. بس بغيتك تاخذ صواني عندي وصحون لبيت خالتك .. بكرة بيجونها بيت اهل زوجها ... وتحتاجهم ....
بندر : اوكي أي خالة فيهم ..؟؟؟
ام بندر : خالتك بدرية ..
بندر : اوكي .. مافي مشكلة ... وين الصواني والصحون ..؟؟

ام بندر قامت : دقيقة واجيبهم ...

راحت شوي وبعد كم دقيقة جات ومعها الصواني والصحون ...
ام بندر : انتبه .. والله لو انكسروا خالتك بتذبحنا ...
بندر : لا انشالله ...
ام بندر : تدفعنا قيمتهم ... هههه
بندر فتح عيونه ع الاخير : عاد انا جيبي مافيه ولا قرش .. فاضي
ام بندر : ههههههه ليش..؟؟ وين وديت راتبك ...؟
بندر : والله طار .. غديت الشباب على حسابي .. واشتريت لي اشرطة مسجل .. و .. أي صح نظارة شمسية .. و ... البنزين .. طاار الراتب ..
ام بندر : خلاص ودي الاغراض .. ولك مني اعطيك 700 ... شرايك ...؟؟
بندر طاااار للباب : مشكووورة يا احلى ام ف الدنيا ... !!!!!
ام بندر بتجن : انتببببببه للصحوووون ... شوي شوي .......!!!!!!!

___________________________________

(( جدة ..... شقة نسايم وزوجها ))

( الساعة 10 بالليل )

ابو فيصل : خلصتي حط الاغراض ف الشنط ......؟؟
نسايم : أي .... بنمر على اهلي قبل ما نمشي...؟؟
ابو فيصل قلب وجهه : لا لا لا .. خلاص .. يادوووب نلحق على الطيارة ..

سكتت نسايم وقلبت وجهها بدورها ....
ابو فيصل انتبه لها : اشوووف مو عاجبك .. ماشبعتي..؟؟ صارلنا اسبوووع ونص عند اهلك ومقابلينهم ... خلاص يكفي...!!
نسايم انفعلت : الحين انا قلت شي......؟؟ ان قلت تهاوش وان سكتت بعد تهاوش..؟!؟!؟ ما صارت ياخي ... خلاص ما ابغى اسلم عليهم .. يا كلمة ردي مكانك ..

ابو فيصل عصب : قسم بالله لو ماني قاعد احاول امسك اعصابي لا اتوطيت ف بطنك هنا .....
نسايم : اففففففف .. انا البقرة .. دايم اتكلم .. ليش اتكلم ..؟؟ المفروووض اسكت واقووول انشالله طال عمرك .. وحاضر طال عمرك ..........!!!!!!!

بعد ربع ساعة طلعوا نسايم وزوجها من الشقة مع بناتهم وتوجهوا للمطار... وهناك ركبوا الطيااارة راجعين للشرقية ....

___________________________________

(( سيارة بندر .. ))

( الساعة 10 وربع )

وقف بندر سيارته قدام بيت خالته بدرية ... ونزل .. فتح الباب اللي ورى وطلع الصحووون..

مشى فيهم شوي شوي لين ما وصل للباب الخارجي .. حط الصحون ع الارض ودق الجرس ....

........: مين ..؟؟
بندر : انا بندر ولد خالتك نوال...
.......: ا... اوكي لحظة ..

كلها كم دقيقة وطلعت عهود متحجبة وفتحت الباب ...
بندر نزل راسه : ا... هذي صحون خالتي ...
عهود مستحية .. من زمان ما شافت بندر : ا ... شكرا .. بس .. ما اقدر اشيلها ...

رفع بندر راسه وشاف يد عهود ملفوووفة بشاش ...
بندر ابتسم : سلامات ... عسى ما شر...؟
عهود : لا بس.. طحت عليها يوم كنت العب كورة اليوم ف المدرسة...
بندر : ما تشوفين شر... طيب .. ممكن تسوين لي طريق عشان ادخلهم ؟؟.. كسروا يدي انا بعد ...........!!!
عهود : أي بس لحظة ....

دخل بندر الحوش وعهود البيت ...عشان تسوي طريق ...
وبعدها بكم دقيقة .. رجعت عهود ....

عهود : تفضل بندر... الطريق فاضي ...
بندر ابتسم ومشى وراها شوي شوي : تسلمين ..

وهو ماشي .... طاح شي على راسه بقوة ....
بندر : آآآآآآآآآآآي ...

لفت عهود متخرعة : بسم الله وش صار ....؟؟؟

قعد بندر ع الارض وحط الصحون ع الارض جنبه ... ومسك راسه ....
عهود : شفيك ..؟؟ .. فجأة ......!!!!!
بندر : طاح شي على راسي ...

التفتوا الاثنين مع بعض يوم سمعوا صوت وحدة تصارخ من فوق : عهووودوو .. وينك ..؟؟ الحين يوم وزعت الورق عشان نلعب دور جديد رحتي...؟!؟!؟!؟

عهود ضحكت من قلب على اختها ..
وبندر ما قدر يسكت : انتي ما بتنبسطين الا لما تفقشين راسي يعني ..!؟!؟!

طلعت خلود فاتحة عيونها ع الاخير يوم سمعت صوت بندر : يوووووووه .... هذا انت ..؟؟
بندر : أي هذا انا ... يعني كل مرة بترحبين فيني بهالطريقة انتي..؟؟ وش مسويلك راسي..؟؟؟
خلوود متفشلة ومستحية : ا... سوري .. ما دريت انك هنا ....!!!!
بندر ضحك على شكلها وهي متفشلة : ههههه شخبارك ...؟؟
خلود مستحية : بخير .. شلون خالتي ودانة ..؟؟
بندر : بخير يسلمون عليك ..
خلود : الله يسلمهم ..

دخلت خلود على طول الغرفة وسكرت الشباك ... اما بندر فدخل البيت وحط الصحون .. سلم على خالته وسولف معاها شوي وراح ....

اما عهود ... فعلى طووووول طلعت لخلوود فوق ... ودخلت الغرفة وسكرت الباب ..

عهود : اوووووووخص .. وش السالفة .......؟؟
خلود مسوية مانه مافي شي : ايش...؟؟
عهود تغمز لها : قوليلي ... شصاير...؟؟
خلود مسوية بريئة : شصاير...؟؟
عهود بنص عين : علينا ..؟؟ الحين من متى احنا نكشف على عيال خالاتنا ولا عيال عماتنا ...!؟؟!؟!؟
خلود تذكرت : يوووووووه .. أي والله ما انتبهت اني مو متحجبة .....!!!
عهود : لااااااا..؟؟ اكيد ما بتنتبهين مع الحلووو اللي ضربتيه وطقها سوالف معاك وكانه شافك من اول ويعرفك .....

خلود ما عرفت وش تقول .. فاضطرت تقول لعهود اللي صار ف بيت الجدة مزنة ذاك اليوم .. يوم رمت الصندل على راس بندر ...

___________________________________

(( بيت ابو غادة ))

( الساعة 2 بعد منتصف الليل )

طبعا غادة وسمر كانوا نايمين لانه بكرة دوام ... بس ابو غادة اللي افكاره توديه وتجيبه .. فز من النوم ....

ام غادة : ابراهيم وش فيك ..؟؟
ابو غادة نزل من على السرير : لحظة .. نسيت اسوي شي ..

طلع من الغرفة بسرعة .... وتوجه لغرفة غادة .. دخلها وفتح اللمبة بسرعة مخيفة .. خلت غادة تفز من نومها .......

غادة : بسم الله ... ايش فيه ..؟؟
ابو غادة بحدة : وين جوالك ...؟؟
غادة : ها..؟؟ لييييييش...؟؟
ابو غادة بعصبية : اقووولك طلعي جوالك .. وين الجوال..؟ وين وديتيه ..؟؟

بدون ما ترد غادة .. مشت بكل برود .. فتحت الدرج حقها وطلعت جوالها ... وعطته ابوها ....

ابو غادة بتحذير : مرة ثانية ان شفت الجوالات تنحط ف الغرف .. يا ويلك انتي واختك فاهمة....؟؟

وطلع من الغرفة رايح لغرفة سمر ... دخل بنفس الطريقة .. بس الفرق انه سمر نومها ثقيل مو زي غادة .. يعني ما حست عليه ...

ابو غادة قريب من الصراخ : سمر ... سممممممر .......!!!

جات غادة بسرعة تركض : حرااام عليك لا تقومها .. انا بطلع لك جوالها ...
ابو غادة : طلعيه اشوووف .. يللا بسرعة ..

راحت غادة واخذت شنطة سمر حقت الطلعة وطلعت جوالها منه ... وعطته ابوووها

ابو غادة يحذر من جديد : قسم بالله اللي اشوف جوالها معاها ف الغرفة يا ويلها .. خلاااص.... من يجي الليل .. قبل ما تطلعون تنامون .. حطوا جوالاكم على طاولة الصالة اللي تحت ... فاهمة ..؟؟ اللي ما تحطه راح يتصادر جوالها يومين .....!!!!!

وطلع من الغرفة .........

غادة " افففففففف ... هذا اللي كان ناقصنا ... ابووو متخلف !!!!! "

@@@@@@@@@@@@@@@@@@@@@@@@@@@@@@@@@@@@@

مر كم يووووم على ابطال وشخصيات قصتنا ... والحال كل يوم عن يوم يتغير ..

سعود حاول يتفاهم مع دلع .. بس دلع خلااااص ... قفلت مخها .. وما تبغى أي تعامل معاه .. وما تبغى تسمع ولا كلمة منه ... صح هذا موحل ولا يمكن يصير خصوصا لو تزوجوا ... بس دلع ما بيدها شي غير هالشي اللي تتجنب فيه سعود .... ع الاقل لو حاليا قبل العرس اللي ما بقى عليه الا كم يوم ...

ومع الايام .. بدا ثامر يتعرف اكثر واكثر على مها ... بس على انها خلود ... وهي نفس الشي .. صارت متعلقة فيه اكثر ... خصوصا وانه صورته مطبوووعة في بالها من شافته ذاك اليوم برا ف بيت جدتها ....

ام اروى كلمت ام غادة عشان يخلون غادة تشترك مع اروى ف مركز للياقة .. بس يوم كلمت ام غادة ابو غادة .. رفض بقوة وشدة .. وقال لما تتعلم الاد ساعتها بيفكر ينفذ طلباتها ...... طبعا هي ما كانت مسوية شي .. بس ابو غادة كان طووول هالايام يتسبب ....

ابو فيصل رجع مع نسايم للشرقية ... وعطاها محاضرة طويلة عريضة عن الاشياء اللي ما عجبته ف اهلها .... وقام يسوي لها سالفة ما تخلّص .. وانتهت بهوووشة كبيرة .. انغلبت فيها نسايم كالعادة بعد ما رماها ابو فيصل بالارض ونزل فيها ضرب بحجة انه يبغى ينتقم من اهلها فيها .....!!!!!!!!!!

وفيصل يوم شاف الهوشة اللي صارت ... طلع من البيت على طووووووول .. ولا قعد ولا ثانية .... شااال شناطه ... وراح لبيت ابو سعود .... واليوم الثاني ... راح هو وسعود واشتراله فراش صغير ... وحطه تحت سرير سعود عشان يستعمله متى ما بغاه ..

___________________________________

(( بعد 5 ايام .. بيت ابو سعود .. يوم الجمعة ))

( الساعة 12 الظهر ))

ام سعود : ها يا عتيقة ... متاكدة كل شي جاهز لبكرة ...!؟!؟!؟
عتيقة : أي افاا عليك ... احنا سوينالك احلى عرس بالشرقية ... اتطمني ... وجهك ابيض انشالله
ام سعود : تدرين والله لو ماعندي شغل كان انا تكفلت فيه بنفسي .. بس تعرين الظروووف
عتيقة : ولا يهمك .. دام انا موجودة لا تخافين .. وبكرة كل المعازيم بيطلعون مبسوطين انشالله ......
ام سعود بتصنع : اهم شي ولدي ودلع يكونون مستانسين ....
عتيقة : الله يسعدهم ياااارب ... عقبال لينا وسعود ...
ام سعود : آمين ....

___________________________________

(( مجمع الراشد ... ))

( الساعة 2 الظهر )

كان رائد قاعد مع ربعه ف ستاربكس الراشد ... ويسولفون ويغيرون جو عن جو الشغل..

رائد : قسم بالله من زمان عن طلعات البر ... خاطري بوحدة والله ....
ناصر : افااا عليك .. انت بس حدد يوم واحنا جاهزين ....
جاسم : شباااب ... ورى ما نروح لنا اسبوووع مكة .... ومنها نمر على جدة مرة وحدة

ناصر : خخخخخخ قوووول كذا من اول ... ليش تصرفها وتقول مكة؟؟ .. انت ودك بجدة من زمااااااان ....
رائد : ههههه يقطع ابليسك يا ناصر .... كيفه الرجال ... خليه يحب جدة .. احد ما يحب جدة ..........!؟؟!!؟!

شوي الا بشلة بنات مروا من قدامهم .... ناصر وجاسم طالعوهم بشكل عادي .. زي ما كل الشباب يطالعون البنات اللي يمرون من قدامهم ... بس رائد .. خلاص الاخ متزوج .. لف وجهه للجهة الثانية ....

جاسم بصوت واطي لناصر : اوووووووخص ... هذولي كانوا ف الصالون قبل ما يجون هنا...
ناصر : خخخخخ تحصلهم حرقوا هالخصلات اللي طالعة لين صارت كذا ناعمة ....
جاسم : اوو ... انت بس قول لام برقع افصخي هاللي على وجهك ... والله لاتشوفها اقرد منها مافي .. بس المكياج وعمايله ...

رائد قرص جاسم : بس انت وياه ... اكلتوهم ... ما بقى شي ...
ناصر : هههههه هم اللي يبغون كذا .. ولا ليش يطلعون بهالاشكال ...!؟؟!؟!؟
جاسم : أي والله صادق ... تخسي وحدة من اهلي تطلع كذا .. والله لا ارميها بالبالوووعة .......
رائد ابتسم وسكت ...........

ناصر : بتسوي الحين انك حتى انت ما طالعت ...!؟!؟!
رائد : انا ..؟؟ لا والله حرام عليك ... اصلا ما كنت منتبه ...
جاسم : شفيك الرجال متزوج ... خلاااص ما يعجبه غير المداااااااااام .....
رائد ضرب جاسم على كتفه بالخفيف : مالك شغل بمرتي ... خلك بحالك ولا تجيب طاريها على لسانك .....

ناصر فجأة : اوووووووخص ... شباااااب الحقوا ...

لف رائد وجاسم مستغربين .... وشافوا شلة بنات كاشفين عن نص شعرهم ووجوههم .. وقاعدين يلفون قدام الشباب ....

رائد بسرعة ... لبس نظارته الشمسية والكاب .. ونزله على عيونه شوي ونزل راسه ..
وناصر لف وجهه وحط يده على فمه ... وجاسم طلع جواله وحطه قدام عيووونه .....

..................: الحقيييييي الحقي ... هذا رائد وجسوووم وناصر ...

رائد " افففففففف ... وش هالورطة ... الله يقطعها هللي ما تربت .. والله قوة عين..!! "

رفع ناصر راسه وابتسم مجاملة من ورى خاطره : ه .. هلا .. هلا بالحلوين ...!!!
وحدة من البنات : احم ... شوووف ....بنشوووفكم بقسم العائلات ... بعد 5 دقايق

جاسم رفع راسه متعجب من هالجرأة .......
ناصر : ا... والله مستعجلين ...
البنت : افااااااا ... خسااارة .. يللا مرة ثانية اجل ...

بس وحدة من البنات ( هتون ) : هاااي رائد ... كيف الحال..؟؟ ما وحشناك ..؟؟
رائد " الله يقطعك يا بنت الكلب" ( رفع راسه وقال وهو متضايق ومبين عليه ) : اقوول .. ممكن تروحون .. لا يشوفنا احد الحين ....
هتون : افااااا .. الحين صاروا الرجال يخافووون .. اجل احنا وش نقووول ...؟!؟؟!
رائد يبغاها تنقلع : ما اقوول غير الله يستر عليكم ...

وطلع يده ورفها قدامهم ... عشان يشوفون الدبلة .... وبالفعل .. اول ما شافووووها ..
وحدة منهم : اووووخص ... خطب ....؟؟
هتوووون بقوة عين : فهمني مين اللي اخذتك ..؟؟ اكيد ما درت عن فضايحك ..!!
رائد عصب : ممكن تنقلعين لا اناديلك احد الحين يجي يضفك من كشتك ..؟!!؟
هتون بدلع سخيف : هههااااي ... ضحكتني .. يا بابا .. انا اشارة مني .. واقدر ادخلك السجن ....!!

ضحكوا جاسم وناصر بنفس الوقت .. مع انه هتون بنت عز وابوها رجل اعمال كبير .. بس ما يوصل لنص اللي وصل له ابو رائد من السلطة والسمعة الطيبة والقوية بين الناس .....

رائد ضحك بطناااازة : ما ابغى اكلم هالاشكال ... فانقلعي من هنا احسنلك ..

قام من على الكرسي وهو متضايق .. وطلع المحفظة .. طلع منها 10 ريال ورماها بوجهها وهو مار من جنبها ....

رائد وهو ماشي: اشتريلك فيها معجووون اسنان .. لوعتي كبدي بصفار اسنانك ... !!!!!!

بيت ابو سعود ))

( الساعة 6 المغرب )

كانت لينا ف غرفة دلع ... ترتب معاها الاغراض ف الشنطة .. وتتذكر معاها احلى الايام اللي قضتها ف هالبيت ....

لينا وهي تشيل العطور وتحطهم ف الشنطة : الخين انتي بتاخذين كل شي..؟؟!؟!
دلع تحط الملابس وترتبهم : ا .. أي ...
لينا : طيب خلي شوي اغراض ... ع الاقل احس انك موجودة ف البيت ...

ابتسمت دلع بالم للينا : لينا .. تعالي شوي ...

قربت لينا من دلع وعلى طول نزلت دموعها .....
دلع وهي تمسح على شعرها : حبيبتي لاتصيحين ... ما يصير اللي تسويه .. اصلا المفروض تفرحين لي لاني بتزوج صح ..؟؟ عمرك شفتي وحدة تصيح لانه اختها بتتزوج..؟؟؟
لينا بصعووبة : لأ ...
دلع : خلاص .. ابغاك توعديني ما تصيحين وتفرحين لي... من قلبك ..
لينا : طيب وانتي..؟؟ انتي اصلا مو فرحانة بهالعرس ...
دلع بكلام ماهي مقتنعة فيه : وش دراك ..؟؟ يمكن انا وسعود نتفق .. يمكن تتصلح كل المشاكل اللي بيننا ... يمكن نصير نحب بعض ونتفاهم .... ما تدرين وش ممكن يصير ..

لينا حضنت دلع : لا تكذبين علي .. انتي اصلا مرة تكرهين سعود .. حتى ما تشتهين تطالعين وجهه ... ماشفتي كيف تحقرينه آخر اسبووووع ...؟؟

دلع تنهدت يوم ذكرت الليلة اللي سعود ضربها فيها : لينا .. اسمعيني .. اللي سواه سعود مو سهل .. بس مو يعني انه حياتنا خلاص كلها سوووء بسوووء .. احنا لازم ندور على الشي الايجابي فيها .... حتى ف حياتي انا وسعود في شي ايجابي .. بس للحين ما اعرف وش هو ... لازم ادور عليه .. واذا عرفته .. يمكن ربي يكتبلنا ونكون اسعد اثنين .. ما تدرين ربك وش كاتب...!!!

لينا هدت شوي : اوعديني تزوريني دايم ...
دلع تنهدت : هـــ.... لينا .. انا اذا طلعت من هالبيت ماني داخلته من جديد .. وانتي تعرفين ليش.... انا لايمكن ارجع هنا .. حتى لو كنت بعيش ف الشارع اذا ما رجعت ..

لينا رجعت لصياحها : ياربيييييي.. انا كيف بتحمل البيت بدووونك.. وربي بستخف .. سالم وفيصل دايم برا البيت وما يرجعون الا آخر الليل.. وامي تلوّع الكبد .. اكرهها .. اكره اليوم اللي شفتها فيه .... احس لما اشووفها اني خاطري اقوووم وانزل فيها ضرب .. ما اقدر اتحمل شكل وجهها....

دلع بعتب : لا يا لينا .. عيب عليك .. هذي امك اللي ملت فيك وجابتك .. ما يصير تقولين عليها كذا مهما سوت ... لازم تحترمينها .. اذا مو عشانها .. ع الاقل عشان ربك اللي امرك بهالشي ....!!!

.............: دووومك اصيلة وتعرفين الواجب يا دلع ....

التفتت دلع ولينا ع الباب وشافوا سالم واقف ومبين على وجهه الحزن ...

دلع ابتسمت : هلا سالم .. تفضل ...

دخل سالم وجلس جنبهم : شتسوين ..؟؟
دلع : قاعدة ارتب الاغراض ف الشنطة .. عشان بكرة يكون كل شي جاهز ....
سالم حاس بالعجز : دلع .. وربي لو بيدي شي كان سويته .. بس ما باليد حيلة.....
دلع ابتسمت : وانا متاكدة من هالشي .. وعارفة انك ما بتقصر لو ايش طلبت منك .. بس ياسالم خلاص ... انا بطلع وبحاول اعيد ترتيب حياتي واعيشها من جديد .. وانا كلي امل ورجا من ربي انها تتعدل وتكون احسن من الحين ....

قامت لينا ومسحت دموووعها :ا .. بكرة بتروحين الصالون ولا بتجي هنا الكوافيرا ..؟؟
دلع تنهدت : هـــــ .. تصدقين والله مدري بكرة وش بيصير...؟؟ ما اعرف ولا شي..
لينا : ههههههه عروس ما تدري ربي وين راميها ...
سالم : ما اظن تخليك العنكبوووت تروحين الصالون ...
لينا بانفعال : مو على كيفها .. البنت عروووس ولازم تروح ...
سالم مستغرب : طيب خلاص لاتصارخين ... شفيك انفعلتي...؟؟
دلع بعتب : لينااا.. شقلنا ...؟؟

لينا نزلت دموعها : انا بروح انام .....

طلعت من الغرفة بسرعة ..

سالم مستغرب : شفيها هذي..؟؟
دلع : مسكينة مالها احد ف البيت لما اطلع ... تخاف تحس بالوحدة وانت تدري كيف علاقتها بامها ... وانت وفيصل دايم تكونون برا ...
سالم : اهاااا.. وانا اقووول وشفيها معصبة هالكم يووم ومحد يقدر يقوول لها كلمة ..
دلع : سالم .. ما اوصيك عليها.. حاول تخفف من طلعاتك شوي وتخصص لها وقت تقعد معاها فيه ... تسمعها وتسولف معاها .. ترى البنت مرة حساسة وتبغى من يسليها .. او حتى ارجع انت وفيصل واقعدوا معاها شوي .. وطلعوها معاكم اذا في مجال ...
سالم : انشالله .. لاتوصين حريص ...

سكتت دلع شوي .. وراحت تحط شوية اغراض ف الشنطة .. ومنها كم دبدوووب من دباديبها ...

سالم : هههههه للحين تحبين هالخرابيط..؟؟
دلع : ههههه انا ما اتخلى عن ربعي .. هذولي اخواني...
سالم : هههههه ......

سكتوا شوي بعدين قال سالم بحسرة من داخل قلبه : دلع .. والله انه حسافة واحد زي سعود ياخذك ... حسافة يعيش معاك .. حسافة يكلمك .. حسافة بس يتنفس الهوا اللي انتي تتنفسينه ..
دلع ابتسمت : بس يا سالم .... خلاص ..
سالم كمل : والله لو بيدي كان اخذتك .. ولا اني اخليك لسعود .. يلعب فيك زي ما يبغى ....
دلع قامت وعيونها مليانة دموووع : مافي اخت تاخذ اخووها .. الله يخليك يا سالم .. خلي هاليوم وبكرة يعدون على خير ... زين مني اني للحين متماسكة ولا انهرت .. ترى والله انا خايفة اكتئب ولا اطيح عليكم .. عشان كذا لاتذكروني .. ربك يفرجها انشالله ...

___________________________________

(( بيت ابو بندر ))

( الساعة 8 بالليل )

كان احمد وثامر وبندر قاعدين ف الديوانية اللي برا ... ويلعبون مونوبولي .. ومتحمسين..

احمد : خخخخخ وروني الحين وشلون بتفوزون...؟؟
بندر : اووخص .. والله انك كلب ..!.!!

الا ويرن جوال ثامر ... وهو ارتبك ...
ثامر : ا ... ضروووري .. شوي وارجع ...

طلع ثامر من الديوانية ...

احمد مستغرب : وش فيه هذا ..؟؟ ليش كذا صفّر وجهه ..؟؟
بندر ابتسم بمكر : هههههه يعني الغبي يفهمها ....
احمد : وشوو ..؟؟
بندر : ههههه والله انك يا احمد مخ طااابوووقة ... يا بابا الولد شكله مخاوي ...
احمد حاس بوزه لان الكلام ما عجبه : لا تقووول ...!!!!!
بندر : والله... لاحظ شلون يتصرف .. وبتتاكد
احمد : انتوا للحين ما تركتوا هالحركات..؟؟
بندر رفع يدينه : انا مالي دخل ..

شوي ورجع ثامر .....

ثامر مبتسم وشكله متحمس اكثر من اول: يللا نكمل ..
احمد : اعصااابك وش هالحماس ...؟!؟!؟
ثامر ضحك: هههه ولاشي ... بس يللا كملوا .. دورك يا بندر ..

بندر ابتسم له ابتسامة شيطانية .....
ثامر ماسك الضحكة : شفيك انت .......؟؟
بندر : سلاااااامتك.... اتأمل وجهك العسل ....
قام يصرفها ثامر : اقول .. تلعبون ولا اروح اطالع الفلم احسن لي..؟؟
احمد : لا يا بابا .... يللا نكمل ... يوم جا يفووز يبغى يقوووم ؟؟.. هللي ناقص .. !!!

@@@@@@@@@@@@@@@@@@@@@@@@@@@@@@@@@@@@@

(( اليوم الثاني .. يوم السبت .. بيت ابو سعود ))

( الساعة 9 الصباح )

كان البيت قايم قاعد من الساعة 7 الصباح ... ام سعود قايمة والاتصالات تنهال عليها من المعازيم ... وابو سعود مع الرجال يشرفون على انه كل شي تمام .. ولينا مع دلع .. وسالم مع ابوووه وفيصل كان معاهم .. وسعود طبعا نايم ف الغرفة ... ولا كانه اليوم عرسه ....

دق الباب ....

ام سعود تركت سماعة التليفون : يا ريتاااااا.... شوفي الباب ....

شوي الا الباب منفتح وداخلة منال ووراها بنتها ديمة معاها .........
ام سعود قامت مستانسة : هلا ... هلا والله .. هلا بالغااليييين ... نورتوا والله ....

منال تسلم على اختها : اهلين .. النور نورك ..... مبروووووووووووووك ..
ام سعود : الله يبارك فيك ....
منال : يللا تفرحين في لينا وسالم انشالله ...
ام سعود : آمين .. عقبال ديمة .... ماشالله عليها صايرة حلوة ...

ديمة ابتسمت بحيا : شلونك خالتي...؟؟
ام سعود : هلا حبيبتي .. بخير الله يخليك .. انتي شلونك وشخبارك..؟؟
ديمة : بخير الحمدلله ...

ام سعود : ريتاا .. ودي الشنطة ف القسم حق الضيوووف طيب...؟؟
ليناااااااااااااااااااااااااااااا.......

طلعت لينا من غرفتها قالبة وجهها : نعـــ......

اول ما شافت ديمة وخالتها انقطع كلامها ... وانقلب وجهها 800 درجة ... نزلت تصااارخ على الدرج ...

لينا : ديماااااااااااااااا.....

نزلت وحضنت ديمة بكل قوتها..... وبعدها سلمت على خالتها : وش هالمفاجأة ...؟!
منال: شفتي كيف..؟؟ احنا اهل الرياض نحب نطب فجأة ... هههههه
لينا : ههههه وش دخل الرياض بالموضوع ...؟!؟!؟ يللا بمشيها لك خخخخخخ
منال : ماشالله .. طولتي ...
لينا : وسمنت صح ...؟؟
منال :لا ماشالله عليك .. جسم مرة روووعة...
لينا : مدري احس اني صرت دبة ....
ديمة سحبتها للدور اللي فوق : خلي عنك الدلع الزايد هذا .... امشي بس اقووول .. عندي سوالف الدنيا بقولك اياها ...
لينا : ههههههه حتى انا ....

دخلو الغرفة وسكروا الباب ....

فصخت ديمة عباتها وكانت لابسة بنطلون جينز وتيشيرت اسود .... ومرة طالع شكلها كيوووت ...
لينا : اووووووخص ... ديمة جسمك صاير مرة حلووو ...
ديمة لفت بغرووور : احم ... ادري...

لينا : هههههه وش الطاري...؟؟
ديمة : يعني وش الطاري..؟؟؟ اكيد عشانه .. وينه ..؟؟
لينا مستغربة : مين هو ...؟؟
ديمة : فيصلينهووو ... وينه...؟؟
لينا حست بشعووور غريب : ليش..؟؟ عسى ماشر...
ديمة : ايش اللي عسى ما شر .. اقووولك وينه .. والله من زمان ما شفته ..
لينا متفاجأة : هييييييي... انتي يا هبلة .. من جدك حبيتيه وانتي ما عرفتيه الا كم يوم...؟؟
ديمة : بلا كلام فاضي .. بسرعة قوليلي .. شخباره..؟؟ شمسوي..؟؟ كبر..؟؟ شلون صار شكله ..؟؟
لينا : ا ... ل .. لا هو بخير الحمدلله .. وشكله صاير عاادي ..
ديمة : شلون عادي ...؟؟
لينا : يعني عادي .. زي اول مافي فرق ...
ديمة : شدعوة ..؟؟ حتى لو .. ابغى افهم شلون تقدرين تتكلمين عنه وانتي بهالاعصاب الباااردة ؟؟.... احس اني بنقز لما اقووول اسمه ....
لينا : ههههه ا.. ل .. لا عادي ..

___________________________________

(( بيت ابو عوض ))

( الساعة 12 الظهر )

رجع ابو عوض من الصلاة على البيت على طول .. عشان يرتاح شوي .. الا ويتفاجأ باروى اللي قاعدة ع اللابتوب ف الصالة ....

ابو اروى مستغرب : ها...؟؟ ليش ما رحتي المدرسة يا اروى ...؟؟
اروى : كلم ماما .. هي اللي مغيبتني عشان ارووح معاها بالليل عرس ..
ابو اروى قعد جنبها : ليش انتي ما تبغين...؟؟
اروى : لأ ..
ارو اروى : ليش طيب..؟ ما يصير ... روحي العرس .. شوفي الناس .. تكلمي معاهم .. سولفي .. ما يصير تقعدين غرفتك وتحبسين عمرك ف البيت كذا قدام هاللابتوب ...

سكرت اروى اللابتوب بضيق ....

جات امها : مدري عنها .. قول لها ... من الصباح وانا اقنعها بس ماهي راضية ..
ابو اروى : لا هي بتسمع الكلام انشالله وتروح ..
اروى تهز راسها بالنفي : ماني رايحة ....
ام اروى : يا بنت ما يصــــ.......

قاطعتها اروى يوم قامت ومشت لغرفتها وهي تصارخ وتقول بانفعال :انا ماني مجنووونة فاهمين..؟؟ ماني متخلفة او ماعندي عقل او معوّقة عشان تكلمووووني كذا .......!!!

(( بيت ابو سعود ))

( الساعة 1 ونص الظهر )

نزل فيصل مع سالم من السيارة .... وصخ نظارته الشمسية وهو يقترب من الدرج اللي قدام باب البيت ....

فيصل : الحين عمك وصل...؟؟
سالم : أي توه ابوي كلمني وقال لي انه وصل ...
فيصل : اقوول .. شكلي مرتب...؟؟

سالم طالع فيه بغباء : ليش تبي يخطبك !؟!؟!؟ خخخخخخ
فيصل :ماااااااااالت عليك وعلى مزحك الثقيل ... روح روح.. امشي لادوووس ف بطنك ..

وبين ماهم يتمشون للباب .. الا بصوت لينا من فوووق تصااارخ : ساااااااااالم .. فيييييييييصل.....

التفتوا الاثنين لفووق .. وشافوا ديمة معاها اللي كانت مستحية مرررة وعيونها على فيصل .....

فيصل : مرحبااا يا صبايااااا ....
لينا بدلع وهي تحط شعرها على طرف واحد : اهلين بالحلوين....
فيصل : بس انا اللي حلوو .. اخوووك وعععه ...
سالم شرب فيصل على كتفه : شووووف ... والله وعطيناك فيس زيااادة ....

فيصل ضحك ..... وسالم ضحك .. وبدورهم البنات بعد ضحكوا ...

سالم التفت على ديمه : الحمدلله على السلامة ..
ديمه مستحية : الله يسلمك ..
فيصل : شلون كان الطريق..؟؟ عسى ما كان صعب ..؟؟

سالم : ليش هو اختبار..؟؟ امشي امشي بس .. نسلم بعدين ورانا قعدة طويلة وبندقها سوالف .. امشي...

سحب فيصل سالم لداخل ..

ديمه منقهرة : اففف ... اخوووك هذا يقهههههر
لينا : هههههه ليش..؟؟
ديمه بنص عين : مسوية ماتدرين يعني...؟؟
لينا بغيض بس كاتمته : يعني تبغيه يخليك واقفة تسولفين وياه كذا .. لو شافك ابوووك .؟؟ والله لا يقص رقبتك ...
ديمه ف مكان ثااني : وااااااااااااااي .. شفتيه ..؟؟ يخقق ... وربي شي خيااااااااااال .. الثوووب مخصر .... وربي مرة كيوووووووووووت ...
لينا : شوي شوي يا ليلى ... كل هذا عشان قيس..؟؟
ديمه : والله مرة خققيشن ... كله كووم ويوم فصخ النظارة الشمسية كووم ثاااني .. يذووووووووووووووووووووب القلب والله ....
لينا : اقول ... امشي بس يالمراهقة .. ورانا شغل .. لاتنسين اليوم عرس دلع ..
ديمه : أي والله صح .. ما سلمت عليها ....

دخلوا دلع ف الغرفة .. وشافوها قاعدة على الكرسي ومسترخية .. وحاطة قناع مرطب على وجهها ... ومغمضة عيونها بارتياح ...

لينا : يا عيني .. وشعندها مروووووقة ...!!؟؟
دلع ابتسمت وهي مسكرة عيونها ....
ديمة : والله ما عندك وقت .. من الصباح حاطة ماااسك ..؟؟

فتحت دلع عيونها الثنتين متفاجأة يوم سمعت صوت ديمه : انتي هنا...؟؟ وش هالمفاجأة ...؟؟؟؟ متى وصلتوا ...؟؟
ديمه : اول شي مبروووك .. ثاني شي.. تونا من شوي واصلين .. ثالث شي شكلك مرة ناااعم اليووم .. كل هذا من العرس...؟؟
دلع ابتسمت مسوية نفسها متستحية : هههههه خالتي تحت..؟؟ بروح اسلم عليها ..

ديمه : ههههه تروحين كذا..؟
دلع قامت للحمام : لا خلاص خلصت المدة اللي لازم احطه فيها .. بغسل وجهي وبنزل اسلم .. عيب ما يصير...

___________________________________

(( بيت ابو بندر ))

( الساعة 1 ونص الظهر )

وق احمد سيارته قدام البيت ... غمض عيونه وتسند على الكرسي وتنهد تنهيدة طويلة : هـــــــــــــــــــــــــــــــــــــــــــــــــ ــــ........

احمد " والله دنيا صعبة .!! وكل يوم تزيد صعوبة عن اليوم اللي قبله ... "
فتح عيونه وشد شعره بكل قهر لورى : اففففففففففففففففففف

عيونه كانت مليانة دموووع .. بس كبرياااؤه ورجوولته منعوها من النزووول .. واكتفوا بالحرقة والغصة اللي كان احمد حاااس فيها ... حاس بالوحدة .. حاس بالضيق .. حاس انه محد ف هالدنيا يفهمه ...

عمره صاير بدون طعم .. حياته بدون معنى .. ووقته يضيع ع الفاضي ... ما يذكر متى آخر مرة استانس فيها من قلب .. يمكن بملكة دانة ... بس....!!!!!!

نطق بكلام فجأة : ريم ... ريم هذي مدري وش تكون بحياتي ..؟؟ مدري اذا احبها ولا لأ.. بس ادري شي واحد .. انه لها معنى ف حياتي .. الحين ...

وعلى دق القزاااااز ... طلع احمد من السرحان اللي فيه ورجع للواقع ... التفت للقزازة وشاف ثامر واقف وعلى وجهه ابتسامة واسعة ....

ابتسم احمد مجاملة وفتح الباب ....
ركب ثامر جنبه : السلااااااام .. كيف الحال يا عمي العزيز ...
احمد تنهد : هــــــــ ... خلها على ربك ...
ثامر : افاااا... ليش..؟؟ عسى ما شر ...؟؟ وش فيها بنت عبدالهادي ..؟؟
احمد ضحك : هههههههه ... انت هذا بس اللي تفكر فيه..؟؟ البنات وبس..!؟؟!
ثامر فهم التلميحة : هههههههه وليش محتّر طيب...؟؟
احمد : ماني محتر ولا شي... بس اللي تسويه يقهرني ...
ثامر : ليش..؟؟؟
احمد : لانه غلط.. ثامر والله حرام اللي تسويه ...
ثامر : شوووف .. صح انا صايع شوي .. بس ... فيني خير..
احمد : ما قلنا شي.. فيك كل الخير والله .. بس اللي تسويه ما يعجبني ابد ...
ثامر يستهبل : وش اسوي..؟؟
احمد : تعرف وش تسوي .. ماله داعي اقوولك .. بس بسالك .. الحين انت مو تركت هالخرابيط فترة ..؟؟ وش رجعك لها ..؟؟

ثامر تسند على الكرسي وسكت ......
احمد حط يده على كتفه : ثامر .. تكلم .. وصدقني حرف واحد ما بيطلع برا هالسيارة ..

ثامر ابتسم له وغمض عيونه وبدا يتكلم : شوووف .. انا كنت معزم اترك هالحركات .. بس .. تعرف انا اذا بتخلى ن شي . لازم يكون فيه بديل.. فكان البديل ربعي واخويااااي ... صارت طلعاتي كثيرة .. وانشغلت بالشغل .. عشان كذا ابتعدت فترة ... بس .. من كم يوم ... خويي .. اعز صديق عندي .. دخل السجن ... وانحكم عليه .. وصرت بروحي .. صح عندي ربعي الثانيين ... بس عبدالملك كان غير .. كان زي عوض بالنسبة لك .. عرفت شعوووري كيف...؟؟ زي شعوورك لما فقدت عوض ...

نزل احمد راسه وانرسم على وجهه الحزن كله ............

ثامر : ما ابغى اذكرك .. بس ابغاك تحس فيني .. انا خويي ماصار معاي .. والقضية اللي تورط فيها مو سهلة .. ويستاهل العقاب ما انكر هالشي .. بس الحين انا صرت وحيد .. عشان كذا اضطريت ادور احد يهتم فيني .. فما كان مني غير هالتصرف .. مع اني ادري مية بالمية انه غلط ... بس هالبنت اللي الحين انا مرتبط فيها غير ..

احمد بنص عين : شلون غير يعني ...؟؟
ثامر : ا... ي.. يعني مو زي باقي البنات من ناحية معينة ...
احمد : ثامر .. خل عنك هالكلام .. اكيد لعبت عليك بالكلام واستغلتك ...
ثامر : لا مو كذا ...
احمد : عموووما .. انت صرت كبير .. وادرى بالصح والغلط .. ما اوصيك .. انتبه على عمرك.. ولا تخليها تضحك عليك ...
ثامر ابتسم : لا توصي ... انا قدها وقدود .. وصدقني نزوة وبتعدي ...
احمد : انا واااثق من هالشي .. الله يهديك ..

ثامر : والحين .. انت ما قلت لي وش فيك..؟؟
احمد : وش فيني..؟؟
ثامر : يوم جيت شفتك قاعد ومتضايق ف السيارة ...
احمد ابتسم : لا ولاشي .. صدقني بس تعبان شوي .. واحتاج انام زين ..
ثامر : تنام ولا محتاج تشوووف بنت عبدالهادي..؟؟ والله ولحست مخك .. والمشكلة انك تنبهني ومو منتبه على عمرك....؟!؟!؟!؟ خخخخخخ
احمد ضربه على كتفه بالخفيف : اقوول .. توكل انزل يللا .. عطيناك وجه زيادة ...!!!

___________________________________

::

::

::

::

::

(( قاعة فندق الهوليدي ان ))

( الساعة 10 ونص بالليل )

وقفت دلع بفستانها الكبير الثقيل .. اللي مليان تطريز وشغل ... واللي كان يعبر عن الطبقة اللي هي كانت ساكنة فيها ... الطبقة الغنية ... كل شي كان يد على هالشي..

القاعة .. والديكور ... والكوشة .. ومعارفهم واللي يقربون لهم ...
وقفت وهي تتجهز لنهايتها ... عونها امتلت دموع .. بس سرعان ما نشفت ..
فمها ما قدر ينطق بولا حرف ...

وقفت تنتظر النهايــــــــه ....

......................
............................

........................
..............

(( الجهة الثانية ... عند ديمة ولينا ))

لينا دمعت عيونها يوم شافت سعود داخل القاعة ... مهما كان .. اخوها .. بس هي ما تصيح من الفرح ... تصيح لانه الظروف ظلمتهم ... وظلمت دلع ... مافي أي انسان ف الكون مهما كانت جريمته يستاهل اللي قاعد يصيرلها ...

لينا " واللي معور قلبي اكثر انها ماسكة عمرها .. وحابسة كل احسيسها ومشاعرها وحزنها ... وهذا اصعب شي ممكن احد يسويه ف الدنيا .... التظاهر بالفرحة ..!! "

انقطع تفكيرها على صوت ديمه : اووووه .. لينا تصيحين ..؟؟

لينا ابتسمت وهي تمسح دموعها شوي شوي عشان ما يخرب الكحل ....

ديمه تحاول تخليها تضحك : شووووفي شووفي .. شوفي فيصل وش حلاته ...!؟!؟

التفتت لينا وشافت فيصل ... مشاعر كثيرة غمرتها ... كان مرة كاشخ .. يخقق
لينا " أي ... خلاص بعترف .. بصراحة يخقق .. ليش بكابر ... الولد حلوو .. ما فيها شي.. "

حست انه هاللحظة ودها تكون مع فيصل وتصيح ... وتقوله على كل شي بخاطرها .. وبعدين هو يقعد يخفف عنها ويطمنها بانه كل شي بيكون بخير .. يقول لها نكتة تضحك .. وبعدين يرجعون هنا ..... بس مو كل شي يجي بالتمني ...

ديمة : لا حووووووول ... انتي ليش سرحااانة ...؟؟ ترى بتفوووتك نص احداث العرس ..
لينا انتبهت : ها..؟؟ انتي وش فيك اليوم ... تحنّيـــــن كثير .. ابغاك تسكتين ولو دقيقة وحدة .................!!!!!!
ديمه : لا والله ... خلاص انا اوريك .. بقعد اتكلم واتكلم .. عشان تعرفين مرة ثانية تسكتيني .......!!!

وتوهقت لينا بالكلام اللي قالته .....

___________________________________

(( بيت ابو فيصل .. ))

( الساعة 11 ونص )

كان ابو فيصل قاعد بالصالة ويطالع الاخبار ... اليوم ماله خلق يروح ويطلع ...

جات نسايم وحطت صحن فواكه على الطالوة اللي قدامه ... وحطتله شوي ف صحن .. وعطته اياه ....
نسايم : تفضل ....
ابو فيصل اخذ الصحن ورفع صوووت الاخبار ...

وبعدين تذكر شي ورجع وطى الصوت ...
ابو فيصل : وين فيصل...؟؟ من يومين ما شفته بالبيت...؟؟
نسايم : ا .. فيصل طلع من صديقه سالم ..
ابو فيصل : 24 ساعة مع فيصل..؟؟ ما عنده بيت هذا ..؟؟ حتى النوم .. ما شفته من كم يوم ينام هنا ....
نسايم : معليه .. طول بالك عليه .. الولد مراهق وطبيعي يسوي كذا ... اصبر عليه ويرجع زي الناس ....
ابو فيصل : كله من ولد عبدالله هذا ... انا بقوله يوخر عنه .. لانه بصراحة كل ماله الولد قاعد يبعد عني بهالحالة .... !!!!!!!!

___________________________________

(( ف الفندق .. ))

( الساعة 12 الا ربع .. )

دخلت دلع مع سعود الغرفة .. اخيرا صاروا بروحهم ... بعيد عن التصنع والمجاملة .. والكلام اللي مو من قلوووبهم طالع ....

طلع سعود من جديد عشان يطلب العشا .....

ودلع وقفت قدام المرايا وشافت نفسها .. كانت في ابهى حلة .. عرووووس من جد .. المكياج طالع عليها مرة حلوو ...

دلع " هالصندل كسر رجلي ... حشى موب كعب...!!!! بناية بكبرها ...!!! "

قعدت ع الكنب بفستانها الكبير وفصخت الصندل ... واسترخت على الكنبة مغمضة عيونها ......
دلع تكلم عمرها وهي تتنفس بهدوووء : اهدي يا دلع .. لاتسوين مشكلة من اول يووم .. لاتنسين انك الحين بروحك .. يعني لو توطى ببطنك محد بيوقفه .. بتروحين فيها ...

فتحت عيونها وجاتها فكرة ... فصخت فستانها الكبير ... ودخلت الحمام تاخذ لها حمام دافي ... تغسل فيه هالالوان اللي على وجهها ...

.......................

...........................

.....................................

.........................................

..............................................

دخل سعود الغرفة وما شاف دلع فيها ... بس انتبه لفستانها اللي كان ع الارض ..
سعود : الحين ليش يدفعون آلاف ع الفستان دام آخرتها بينرمي ف الارض زي كذا ..؟! والله هالحريم متخلفين بشكل كبير..........!!!!!!

مشى وشال الفستان عن الارض وحطه على السرير ... وفصخ البشت وحطه على العلاقة اللي كانت ف زاوية الغرفة .. وفصخ الثوب .. ولبس بداله شووورت اسود وتيشيرت اصفر نص كم ... وقعد على الكنبة ....

سعود تنهد : هــــــ ... والحين..؟؟ وش بيصير...؟؟ نتعشى ... بعدين .. نسولف .. بعدين ...؟؟؟ لا ما اتوقع تتقبلني من اول يوم ... ما اتوقع ... المشكلة معقدة اكثر من كذا .... والمشكلة الاكبر انه هالبنت تزعل بسبب او بدون سبب ... ما تشوفها غير مسوية مناحة او تقعد تسوي دراما وتتكلم كلام اكبر من عقلها ...... اففففف ... ياربي انا وش سويت عشان يصير لي كذا ................!؟!؟!؟!؟

وبعد ربع ساعة من شرووود سعود وسرحانه .... طلعت دلع من الحمام الحار ... واول ما طلعت .. بدا البخار يطلع من الحمام ....

سعود : اوووووو... وش هالبخار..؟؟ تروشتي بموية مغلية انتي ولا ايش ..؟!؟!

حقرته دلع بكل برود " يا ثقل دمك بس .. مسوي فيها ينكت الاخ بعد ...!!! "
... ومشت لدولابها وهي ترص على روب الحمام حقها .. طلعت لها ملابس ورجعت للحمام .. بدون ما تلتفت عليه او تعطيه وجه ...

سعود وهو يصفق يدينه الثنتين باسف : لا بالله عشنا حياة سعيدة على هالوضع !!!!!!

___________________________________
نهاية الجزء الـ 16

الجزء السابع عشر :.

(( فـ .. الفندف .. ))

( 11 الصباح )

فتحت دلع عيونها .. وحصلت بوجهها سعود نايم .. فزت على طووول وقعدت ....

استوعبت الوضع شوي .. بعدين هدت
دلع : اففففففف .. وربي نسيت انه هالـ ... هالبني آدم هنا ...

نزلت من على السرير .. ومشت للحمام .. فتحت الموية وغسلت وجهها .. رفعت راسها للمرايا واحداث امس بالليل للحين في بالها ....

سعود : دلع .. دلع كلميني اشوووف
دلع التفتت عليه بزهق .........

سعود بتهديد: شوفي .. لاتقلبين وجهك فيني... اكره ما عندي احد يطالعني بتكشيره .. انا ما طلعت من هذاك البيت اللي كله مشاكل عشان ادخل بيت كله مشكل .. فاهمة ..؟؟ خلينا نحاول نعدل اللي صار ونبدى من جديد ....

دلع : تصدق سعود .. انا كنت افكر بنفس الشي .. قبل ما تدخل انت ذيك الليلة وترقعني هذاك الكف اللي ولا عمري بنساه .... كنت مستعدة انا ابدى معك من جديد على اني انسانة غير .. بس طلعت ماتستاهل ...

سعود :الحين مين اللي بدى ذيك الليلة انا ولا انتي...؟؟
دلع: انا مديت يدي عليك لاني كنت معصبة منك من استخفافك بمشاعري .. لانك كنت مستهين كل الي سويته فيني ومنت راضي تعترف فيه ... بعد كل هذا ماكنت تبغى أي ردة فعل تجي مني..؟؟ !!! اصلا اللي سوته لك قليل بحق كل اللي سببته لي .. انت هدت حياتي .. ومستقبلي .. وسعادتي .. وش تبغاني .. اسكتلك..؟؟ واعيش معاك حياة حلوة كاي زوجين يحبون بعض..؟!؟!!؟

سعود قام ومسكها من يدينها الثنتين وابتسم : طيب .. خلاص .. انا آسف .. ممكن ننسى اللي صار .. ونبدى كزوجين جديدين ماكانوا يعرفون بعض من قبل..؟؟

دلع فكرت شوي .. بعدين وخرت عن سعود .. بدون ولا كلمة .. انسدحت على السرير .. تغطت ونامت : تصبح على خير .....

سعود استغرب منها .. بس فسر ردها على انه لأ .... وحفاظا لكرامته ... راح هو بعد .. انسدح على السرير .. ونام ... نامو هم الاثنين .. لانه وراهم ليالي سهر وهم جاية مع الوقت .. ولازم يستعدون لها ....

::::::::::::::::::::::::::::::::::::::::::
::::::::::::::::::::::::
::::::::::::::::::::::::::::::::::::::::::

سعود : صباح الخير.........

قامت دلع من ذكرياتها وسرحانها وشافت سعود واقف عند باب الحمام ...
ما عرف وش ترد عليه فقالت وهي تنشف وجهها : صباح النور ..

ومرت قدام سعود .. وطلعت من الحمام .. هذي هي دلع .. ما تعرف تقوي قلبها وتكون قاسية ... حتى على الناس اللي تكرههم ...

عدلت شعرها وشكلها ... واستغلت وجود سعود ف الحمام .. ولبست ملابسها .. لانه الحين راح يروحون الشقة حقتهم .... بيت الزوجية زي ما يسمونه الناس .. بس بالنسبة لها ... كان المسمى الوحيد له ( بيت النهايــه )

لبست بنطلون اسود .. وبلوزة بيضا اكمامها واسعة وفتحتها كبيرة شوي ..
وحطت عطرها واغراضها ف شنطتها الصغيرة ... وتذكرت فستان العرس...

التفتت على الكنبة الموجودة .. وشالته .. حطته ف الكيس الخاص فيه ... وعلقته ع العلاقة عشان ما يتعفس ...

لين طلع سعود من الحمام ..... كان صدره مكشوووف بس باقي جسمه مغطى بالمنشفة .... التفتت عليه دلع ومن شافته كذا .. دارت وجهها تشغل عمرها بترتيب اغراضها ف الشنطة ...

لف سعود ودااار ف الغرفة .... يدور على ملابسه .. ويوم استسلم ..
سعود : دلع ... شفتي ثوبي..؟؟
دلع بدون ما تطالعه : علقته ف الدولاب ....
سعود : افففففف .. كان تكلمتي من اول..!! صارلي ساعة ادور عليه ...
دلع التفتت " شووف ... بعد له وجه يتكلم..!؟؟!؟! " : جزاتي علقته عشان ما يتعفس هو والشماغ...؟!؟!؟!؟!؟

سعود : والله محد طلب منك ... لاتتفلسفين مرة ثانية ....
دلع مندهشة من هالانسان اللي ما يعرف شي اسمه كلمة شكرا : يعني الحين انت ليش معصب...؟؟ خلاص مرة ثانية ماني ماسكة ملابسك .. انشالله تتغبر وتووصخ وتتبقع ماني ماسكتها طيب......!؟!؟!؟!

سكت سعود وفتح الدولاب وهو يتحرطم بصوت عالي : والله العظيم .. مسوية انها الحين زوجة صالحة ..!!!!

ودلع انقهرت منه ومن اسلووبه الاستفزازي .. فقامت وهي تعدل اغراضها تسوي نفس الشي : اما رجااال...!!! يعصب لانه الواحد سوى له معروف واهتم ثووبه عشان ما يطلع فيه نظيف قدام الناس...؟؟؟ !!!!! بس يبغى يتسبب ... شاف انه كل الاغلاط اللي سواها ف حياته عليه هو لوحده .. قام يبغى يطلع الي حوله غلطانين .. عشان ما يكون هو الغلطان الوحيد ...................الخ ...

___________________________________

(( بيت مبارك - ابو راكان - ))

( الساعة 2 الظهر )

كانوا عائلة ابو راكان قاعدين على طاولة الاكل كلهم وياكلون ويسولفون لما دق جوال مها ....

ابتسمت مها مرتبكة وقااامت : يوووه .. ا .. ه .. هذي صديقتي رانيا .. تبغى اعطيها رقم الاستاذة صالحة ...
راكان رفع حاجب مستغرب : ومين طلب منك هالتقرير الحين..؟؟ روووحي كلميها ..

مها ابتسمت وطاااارت على غرفتها .. اما هيفا .. ف قلبها كان ف بطنها ..
تركت اكلها وقامت .....

راكان : وانتي مين بعد يبغى رقم منك ...؟؟
هيفا ابتسمت : ا... ا... ل .. لا محد .. بس شبعت ...
ام راكان : شفيك راكان..؟؟ خلي البنات على راحتهم ...

مشت هيفا تركض ورى مها ... دخلت غرفتها وسكرت الباب وراها ....

وشاف مها تكلم بالجوال ومبتسمة ولا كانه احد معاها ف الغرفة : اوكي .. انشالله .. تآمر امر ... مع السلامة ...

سكرت مها متسانسة ويوم شافت هيفا عضت على شفايفها تحاول تكتم فرحتها...
هيفا بتموووت خوف : يا حمااااارة مين هذا ...؟؟؟
مها ولا كنها مسوية شي : مين يعني...؟؟ ثامر...
هيفا خاافت وفتحت عيونها الثنتين على الاخير: انتي ما قلتي مرة وحدة بس ... اشوووف السالفة تطورت ... وقمتي تعطيه وجه بعد .. تآمر امر... وانشالله .. ومدري ايش..... من متى احنا كذا .......؟!؟!؟!؟!

مها طالعتها بعتب : وش اسوي..... يخقق... مره اسلووووبه يجنن .. صح فيه لحوجه .. مرة كيوووووت ....!!!!
هيفا : لا والله...؟!!؟ حتى عيال خالتي ابتسام ما نسوي معهم كذا ... من متى نعطي عيال العائلة وجه...؟!؟!!؟!
مها قعدت على السرير بزهق : انا كبيرة واعرف وش اسوي ... وبعدين لاتخافين ... ما يدري اني انا .....
هيفا مستغربة : شلون ما يدري انه انتي...!؟!؟
مها بانتصار وابتسامة وااسعة : ههاااااي .. اختك الذكية قالت له انها خلود بنت هشام .. ذيك اللي امها تركتها وشردت .... بنت زوج خالتي بدرية ...

هيفا مسكت راسها من الدهشة : ...ش ... ش .. شلون سويتي كذا ..!؟؟!؟!؟! صاحية ..؟!؟!؟! شوهتي سمعة البنت كذا ..... !!!!
مها مستغربة : وانتي وش فيك كذا تحمستي ...؟؟ تراني ما ادانيها ... شايفة عمرها علينا كلنا ....
هيفا : حراااااااام عليك .. الله يهديك بس .. احد يسوي كذا بهالبنت .. يكفي انه امها تاركتها .. بعد تحطين لها مشكلة هي مالها دخل فيها..؟!؟!
مها : اعصاااابك ... ما بيصير شي.. بس عشان لو عرف ثامر اني انا مها .. يمكن ما يخطبني ... ويحسب اني وحدة صايعة انتقل من واحد للثاني .. بينما لو درى اني خلود .. ما راح يصير شي... راح يخطبني باذن الله ... وتكون سمعتي نظيفة .. زي ماهي نظيفة الحين .......!!!!!!!!!!!!!!!!!!!!

هيفا انصدمت من اختها اللي اكتشفت الحين انه اخلاقها زفت وتعاملها وصخ مع الناس ... اختها تعامل الناس كانهم تحت مستواها .. وانها هي احسن وحدة .. وممكن تسوي أي شي .. سواء كان شريف او غير شريف بس عشان تستانس .. حتى لو كان في هالشي .. مشاكل ومصايب للناس الثانيين .... طلعت هيفا من الغرفة بسرعة بدون ما تقول ولا كلمة ثااانية .. اللي سمعته كان كافي ....

___________________________________

(( على طريق الكويت .. ))

( الساعة 3 ونص )

راحوا دلع وسعود لشقتهم .. حطوا اغراضهم وشناطهم فيها .. وهناك .. قال سعود لدلع تجهز اغراضها اللي تحتاجها .. لانه حجزلهم ثلاث ايام غرفة ف فندق الدبلومات ف البحرين .... وهي اول شي ما وافقت ... بس يوم شافت سعود ملزم ... وما طلع بيدها تقول لأ او ترفض ... لانه الحين الآمر والناهي صار الاخ سعود ... جهزت شنطتها .. وتركت اغراض سعود له عشان يجهزها .. عشان ما يسويلها مشكلة من جديد ...

وف الطريق................ بين الهدوء اللي طاغي على السيارة .. وصوت الاغاني اللي شغال .....

التفتت دلع بعد صمت طويل وقالت : سعود ... شكلك ضيعت الطريق..........
سعود ولا التفت : لأ .....

سكتت ولفت على الطريق من جديد..... ويوم شافت لوجة مكتوب عليها ...

الكويت ..
الامارات ..
قطر ...
الأحساء ...

لفت من جديد : ياخي وربي الطريق غلط.. شوووف اللوحة ...

سعود انفعل ولف عليها بصوت عالي: يا بنت الحلال اقوووولك الطريق صح .. انا رحت الكويت كم مرة من هنا.... لا تجننيني...............!!!!!!!!

دلع علا صوتها معاه : الحين احنا رايحين الكويت ولا البحرين...؟!؟!؟!
سعود يصارخ : الكويييييييييييييييييييييت ....
دلع صااارخت : طيب لاتصااارخ .. انا وش درااااااااااااااني ..!؟؟!؟!؟!؟!؟!

لف هو وجهه وكمل سواقة .. وهي بعد لفت وجهها على الجهة الثانية وهي حاسة انها مخنوووقة مرة ....
دلع " ليش انا اللي يصير فيني كذا ..؟؟ انا وش سويت ف حياتي ...؟؟ "

وبدون ما تحس .. نزلت دموعها بدون سابق انذاااار ....
مدت يدها للكلينكس الموجود ... وقعدت تمسح فيه دموعها عشان ما يخرب الكحل اللي هي حاطته .....

سعود انتبه انها تصيح .... وجاله احساس بالذنب لانه صارخ عليها ....
سعود " اففففف ... هذا هي صاحت من جديد .... بس انا كان المفرووض ما اصاارخ عليها كذا .. هي صدق وش دراها انه انا حاجز بالكويت..؟؟ انا كذبت عليها وقلت لها البحرين ..... بس .. لو انا ما قلت لها البحرين .. كان اصلا ما رضت تركب السيارة .. اففففففففففففففف ... والله حالة .... "

سعود : ا .... ا ... دلع ..
دلع : .....................ما ردت ...

مد يده وهو يسوق ومسك يدها ... وهي بحركة طبيعية وخرت يدها عنه ...
سعود تنهد : هــــــــــ .. أنا آسف ... كان المفروض اقوولك .. بس.. لو قلت لك انا داري انك ماراح ترضين تجين معاي ... عشان كذا خبيت عليك ....

دلع لفت عليه منفعلة والعبرة حانقتها : ع الاقل فهمني الموضوع ... قول بدوديك مكان بس ما راح اقوولك .. او بالاحرى .. لا تصاارخ .. انا كنت محسبتك مضيع الطريق فكنت ابغى انبهك ...... !!!!! بس الظاهر كل شي بسويه لك بحسن نية راح تقابلني فيه بهالشكل .........

لف سعود وجهه عنها وكمل سواقة .. اما دلع .. فكملت كلامها وهي تصيح ..
دلع : الصباح .. هاوشتني لاني علقت ثوووبك ف الدولاب .. عشان ما يتعفس ويتوصخ .. والحين ... لاني حسبتك مضيع الطريق .. وخفت تضيع زيادة قلت انبهك ... بس خلاص .. عشان اريحك واريح نفسي .. انا بخليك تسوي اللي تبغاه .. ما راح اكلمك ولا اقولك ليش وسوي كذا ولا تسوي كذا.. طيب..؟؟؟ عشان بس افتك من هواشك لي وكاني بزر عمري 10 سنين ...!!!!!!

___________________________________

(( بيت ابو رائد ))

( الساعة 5 المغرب )

اليوم احمد .. ما كان عنده شغل ... وابو رائد خلاه يجي البيت عنده بس عشان يشرب شاهي معاه .. لانه تعود عليه مرررة .. وصار ما يمر يوم بدون ما يقعد معاه ..

احمد : اقول بو رائد ...
ابو رائد : هلا ...
احمد : ا.. عمي وش اخبار عمي صالح ( ابو عوض )....؟؟
ابو رائد : والله يا احمد .. انا ما شفته من اسبوووع .. بس آخر مرة شفته فيها كان الحمدلله بخير....

احمد سحك راسه مرتبك : ا... عمي انا ما ابغاك تفهمني غلط .. بس .. هالموضوع كان من زمان يشغل بالي ... لاني لما اتذكر عوض اتذكر هالشي ...
ابو رائد مستغرب .. حط الفنجان على الطاولة : تكلم يا احمد .. ما عليك .. انا اعرفك زين .. وانشالله ما افهمك غلط ..
احمد بلع ريقه وقال : ا ... عمي .. وشلون اخته الحين..؟؟ عساها بخير.. عوض كان دايم يقول لي انه مرة هم مع بعض .....
ابو رائد : ا.... اخت عوض..؟؟
احمد : أي .... بعد اذنك .. ادري هالموضوع مو من شغلي .. بس سؤال فضووولي جا على بالي ... وحبيت اتطمن ... لانه مرة اعرف انه علاقتها مع اخوها كانت حلوة .. واي مكان اروح معاه فيه .. دايم تتصل وتوصيه يجيب لها اشياء وهو كان ما يمانع ... أي شي تقوله عليه يسوي على طوووول ...

ابو رائد نزل راسه للارض وسكت شوي ...
احمد " يوووووووه ... لا يفهمني غلط الحين... ان مو قصدي غير اتطمن عليها ... والله اني غبي ... ليتني ساكت احسن .. "

ويوم جا ابو رائد يتكلم .... انفتح الباب بقوة ... ودخلت ريم ... وكان خشمها احمر .. وكانت مررة معصبة ... ولابسة بنطلون جينز وتيشيرت احمر... ورابطة شعرها على فوووق زي ذيل الحصان ...

ابو رائد مستغرب : ريم...؟؟؟ وش فيك حبيبتي ...؟؟ ليش تصيحين ...؟؟

ريم طالعت في احمد بقهر وبدت تصيح ... وابو رائد قام وحضنها ... وطلعها من المكتب: تعالي ..تعالي حبيبتي وفهميني وش فيك ...

وقف رائد مستغرب .. مو عارف وش فيها ... محتاار .. ليش تطالعه كذا ..؟؟ وليش تصيح بعد ......؟؟؟

وبعد 10 دقايق كان فيها احمد محترقة اعصااابه ... دخل ابو رائد يضحك ...

احمد حس بالخوف : عمي .. وش فيها..؟؟!؟! عسى ما شر...؟!؟!
ابو رائد يضحك وهو يقعد : هههههه .. الله يقطع ابليسها خوفتني .. حسبت فيها شي..
احمد : يعني ما فيها شي..؟؟!؟!
ابو رائد : ههههه .. تقول بكرة عندها اختبار ولا ذاكرت للحين ....
طالع احمد بساعته : بس الساعة 5 .. تو الناس ..لسه في وقت تذاكر ...
ابو رائد : هههههههه دلوووعة ... ما عندها سالفة ...

احمد مو مقتنع : اها .. هههه .. طيب عمي .. انا استأذن .. بروح اودي بنت اخوي تجهز حق العرس حقها ما بقى عليه شي .. وانا واعدها اليوم اوديها واروح معاها ..
ابو رائد : روح الله معاك .. بس لاتنسى بكرة الصبح تجي الشركة .. طيب ..
احمد : انشالله .. 9 بكون هناك ... مع السلامة ..
ابو رائد : ف امان الله ..

طلع احمد من الكتب .. ومن البيت .. ركب سيارته ورجع لبيته عشان ياخذ دانة ..

___________________________________

(( الطريق ))

( الساعة 5 ونص )

كان سعود توه داخل حدود الكويت هو ودلع .. لانهم تاخروا يوم وقف عشان تصلي دلع العصر .... وتاخرت .. وغابت نص ساعة .... وبعدين رجعت وقالت له انها ما بتركب لو ما راح وصلى هو بعد .. واضطر بعد نقاش حاد صار بنهم انه ينزل ويصلي .. ورجع ركب ..

سعود : يللا هذا احنا دخلنا الكويت .... الحمدلله على السلامة ...
دلع بهدوء : الله يسلمك ... بس تاخرنا ...
سعود : كله منك .. كل شوي موقفتنا .. ومنزلتنا نصلي...
دلع التفتت معصبة : يعني تروح عليك الصلاة احسن...؟؟ عسانا نوصل الفجر ولا انه يضيع علينا فرض ونصليه على نار جهنم .... !!!!!
سعود متنرفز : يوووووه ... خلاص خلاص .. اسكتي ... ما ابغى اتناقش معاك ...

دلع لفت تطالع بداية حدود الكويت والمصانع الموجودة وهي تتحرطم : امحق..!! حتى الصلاة ما يبغى يصليها ...!!!!

جا سعود بيرد عليها بس صووت بداخله قال " خليها .. اتحملها ولا ترد عليها .. "

::

::

::

::

::
حطوا اغراضهم ف الفندق .... ونزلوا عشان ياكلون لهم شي لانهم من الصباح ما حطوا شي بفمهم غير الموية والبيبسي والبسكوووت ...

ركبوا السيارة ....
دلع : وين بنروح الحين...؟؟
سعود : ناكل .. وين تبغي ناكل ..؟؟
دلع : أي مكان .. اهم شي فيه اكل .. بموووت من الجووووع ..
سعود ابتسم لانها بدت تسولف معاه : بسم الله عليك من الموت ...!!!

طالعته دلع وهي رافعة حواجبها ولفت عنه ولا ردت .....

وهو بعد كان ميبت جووع .. شغل سيارته وطاار على أي مطعم يشوووفوونه ف الطريق
ويسدووون جوعهم فيه ..

___________________________________

(( بيت ابو بندر ))

( الساعة 7 المغرب )

كان احمد قاعد ف السيارة هو ودانة ينتظرون سهى اخت مها تطلع .. عشان تروح هي ودانة يتسوقون للعرس ... بما انه امها اليوم تعبانة شوي ....
وسهى كانت كانها اخت كبيرة لدانة .. تحبها وتعزها .. وكانت اقربهم لدانة من باقي بنات خالاتها....

احمد : وينها بنت خالتك هذي.....؟؟
دانة : اصبر عليها .. معاها ولد لا تنسى ....
احمد : بعد ولدها بيجي...؟؟
دانة : أي وين تحطه..؟؟
احمد : ف بيت جدتك .. ليش تجيبه بعد ..؟؟
دانة : احمدووو .. وش فيك اليوم .. طول بالك شوي .. بعد عشان ما تمشي لحالك .. يكون في معاك .. يصير تمسكه وتمشي فيه عشان ما يضايق امه ...
احمد : لاوالله ...!؟!؟!؟ صرت نانييي ( NaNy ) مو عمك!!<< المربية بالانجليزي ....
دانة : هههههههه لا محشوووم ... احلى عم والله ...!!!!
احمد : أي هيّن ... هذا قدامي .. ومن وراي الله يعلم وش تقولين ... !!
دانة باست عمها : عمي حراام عليك .. والله اني احبك .. لا تقووول كذا ..
احمد ابتسم : طيب يا حلوة... ( انتبه ) هذا مو كانه بندر ولا انا غلطان ...؟!؟!

التفتت دانة وشافت بندر داخل الحش حق بيت جدتها ... وكان لحاله

نزل بندر من السيارة مو منتبه لاحمد ... فنزل حمد .. وناداه ...
احمد : بندر..............

التفت بندر .. ويوم شاف احمد استغرب ومشى باتجاهه .....
بندر : شتسوي هنا...؟؟
احمد : انت اللي وش تسوي هنا...؟؟ انا جايب دانة عشان تروح مع بنت خالتها وتتسوق ... امك تعبانة شوي ...
بندر : اهااا ....
احمد : وانت وش تسوي هنا...؟؟
بندر يدور تصريفة : ا .... ا... بصراحة اشتقت لجدتي ... قلت اجي اسلم عليها واسولف معاها .... من زمان عنها ....
احمد : توك الجمعة شايفها ...!!!
بندر : ا ... تعرف الشوووق لجدتي وما يسوي ...
احمد :خخخخ الله يقطع ابليسك .. شفيه وجهك اصفر كذا ..؟!؟!؟ احد معطيك كف...؟!

بندر " والله كف ولا انه احد يطيح فيني تحقيق " : ا... لا ولاشي ... بس ما اكلت من الصباح
احمد : هههههه طيب ... سلم على حبيبتك .. وبعدها خذ ثامر وروحوا تعشوا .. لاتخليه ياخذ وقت فاضي يكلم هذيك ...
بندر : حبيبتي ..؟؟ ...
احمد : لا حووول ... وش فيك ... جدتك يا غبي ... لااا .. انت اكيد صاير لك شي اليووم ... مخك مرررررررررررة مافي ..... انا رايح .. مع السلامة ..
بندر: ف .. امان الله ..

بندر " اشوه ... والله بغيت افضح نفسي .. اجل انا اشتاق لجدتي .. عشان تطيح هواش فيني .. ليش ما تربي لحية ..؟؟ وليش ما تقصر ثووبك..؟؟ وليش تلبس بنطلوون .. البنطلون حق حريم ... وليش تحط جل بشعرك ... يووووه .. تجيب صداع الراس والله"

دخل البيت بعد ما شاف احمد طلع ..... وهو يمشي بالممر الكبير ... شاف خالتههدى ( ام راكان ) .....

ام راكان : بندر ..؟؟ متى جيت ...؟؟
بندر ارتبك : ا.... توني من شوي ... كنت فاضي ومار من هنا .. قلت ادخل واسلم على جدتي ... وينها..؟؟
ام راكان : جدتك راحت عند جارتنا ام فالح ...
بندر : حسااااافه .. طيب مين فيه ..؟؟
ام راكان : انا وبدرية ( ام خلود ) .. ويوسف ( خاله )
بندر : يوسف هنا..؟؟ شي حلوو .. اجل بسلم على خالتي بدرية واقعد معاها ومعاه شوي ....

ام راكان : طيب روح بتحصلهم ف الصالة اللي تحت .. وانا بطلع انادي خلوود لانه ابوها على التليفون وبجيكم ...
بندر " هوااااا ده ...!! .. اجل موجودة اليوم ... " : ا.. اوكي ... لا تتاخرين والا بروح عنك
ام راكان تطلع الدرج وهي تركض : لاااااااااا انتظرووني ...

ضحك راكان راح للصالة وشاف يوسف وبدرية ... وراح يسلم عليه
يوسف : اووووه ... بندر هنا... يا حيا الله ...
بدرية : غريبة .. جاااي في غير الويكند .. وش الطاري..؟؟
بندر " الله يهديك وبعد تسالين...؟؟ هذا وهي بنتك!! " : مافي طاري .. كنت مار من هنا .. وقلت ادخل اسلم على جدتي ...
بدرية : جدتك طالعة ...
بندر : أي قالت لي خالتي هدى.....

يوسف : أي صح كانت هنا وين راحت هدى يا بدرية...؟؟
بندر : راحت تقول لل ..... ( سكت ) .. ا .. مدري وش قالت عندها فوق وبتنزل الحين ..
بدرية : أي صح ... هشام على الخط يبغى خلود ...
بندر مسوي فيها مستغرب : خلوود ..؟!؟! مين خلود ..!؟؟!
بدرية : خلود بنت هشام ... بنتي ..
بندر : اااهاا.. اللي امها تركتها .........
يوسف : لا والله ..؟؟ اقوولك بعد شلون شكلها ...؟؟

بندر خاف : بسم الله ... وش قلت انا ..؟؟ خلاص آسف .. ما ابغى اعرف شي ..
بدرية :هههههه حراام عليك يوسف .. لاتصير معقد ...
بندر : عقلية بدوية ... نفس عقلية ثاامر ... وربي نسخة من بعض انتوا ....
يوسف : قووول قسم ..!! تبغاني اجل اجيبها قدامك واقعدها وتسولف معاها ....؟!؟؟!
بندر : مافيها شي ... ما باكلها انا ...!!!
يوسف : احلف بس...!!
بندر : خالي لاتكلمني كذا .. وربي تخوووف الواحد انت.. ماعندك مزح ابد ...!!!؟؟
يوسف قعد رافع حواجبه : هالمواضيع مافيها مزح ....

نزلت ام راكان .....
بدرية : وينها....؟؟
هدى : تقول بتكلمه من جوالها ...
بدرية مسكت السماعة : الوو .. هشام .. خلاص هي الحين بتكلمك من جوالها .. اوكي .. انشالله .. مع السلامة ...

وسكرت السماعة .. وقعدوا الكل يسولفون .....

___________________________________

___________________________________

(( ف الكويت ... مطعم البيتزا ))

( نفس الوقت )

حطت دلع الشوكة والسكين على الصحن بتعب وتنهدت : هــــــــــــــ
سعود رفع راسه لها : شفيك...؟؟
دلع تسندت على الكرسي بارتياح : انتفخت ....
سعود : ههههه الحين كذا انتفختي ...؟؟ شوفي جسمك عظم ...
دلع : لا مو كذا ... يعني بطني امتلت....
سعود : ااااهاا.. طيب.. وين نروح الحين....؟؟
دلع : شدراني ...؟؟ انا ما قد جيت الكويت من قبل....
سعود : تبغي مجمع ولا سوووق شعبي ولا مكان مفتووح .. ؟؟
دلع : ممم .. أي شي...
سعود : شرايك برحلة بحرية ..؟؟؟

دلع خافت : بالليل ..؟؟ لا لا .. خليها الصباح بكرة احسن...
سعود : ليش..؟؟ بالعكس بالليل احلى .. ركبتها مرة .. كنت مع ربعي .. ركبنا الساعة 9 ... وخلصت الرحلة الساعة 11 ... بس والله كانت رحلة تونس ... وتعشينا مشاوي على السفينة ....
دلع تحمست : خلاص ... نرووح ..
سعود ابتسم وهو ينادي العامل عشان يجيب له الفاتوووورة ... حاسب وطلعوا من المطعم ......

ف السيارة ..........

دلع : الحين انت من وين قاعد صرف..؟؟؟
سعود ما التفت عليها : من فلوسي ......
دلع : ادري انها فلوسك ... بس من وين ..؟؟
سعود : من الفلوس اللي باقية ف حسابي ...ليش..؟؟
دلع : توقعت .. لاني ما اتوقع عمي يصرف علينا بعد اليوم ...
سعود : تطمني ... غصبا عنه .. اصلا هو قال انه بيحول لي كل شهر مصروووف .. بس مدري كم .. عشان نصرف منه ...
دلع : وانت بتاخذه...؟؟
سعود : أي .. ليش ما آخذه؟؟ من وين بنصرف اجل..؟؟
دلع : ما بتشتغل..؟؟ ولا بقعد كذا طول عمرك بدون شغل ...؟؟؟!!!

سعود سكت وحقرها وما رد عليها .. وهي نفس الشي .. ما تكلمت اكثر عشان ما تصير مشكلة .......................

___________________________________

(( بيت الجدة مزنة ))

( الساعة 9 الا ربع )

بندر بيصيح من الزهق " افففف .. انا جاي قلت يمكن اشوووفها .. بس شكلي ماني طالع اليوم من هالبيت سليم... سوالف سوالف .. من سالفة لسالفة ... حتى خالي يوسف طلع.... صدق حريم..!!!!! "

هدى : ها يا بندر ... شرايك بللي تقوله بدرية ...؟؟؟
بندر :ا .... ممتاز ..
هدى : ايش اللي ممتاز .. الغبية تبغى تسوي نفخ شفايف تقول ممتاز...!؟!!؟
بندر : ها..؟؟ نفخ شفايف...!؟!؟! مين قال انه ممتاز .. انا قصدي لأ ... مو زين ابد .. وبعدين ليش تنفخين شفايفك..؟؟ ناقصة شفايفك حجم يعني..؟؟؟ هذا هي قد شفايف السمكة ....!!!!!!!!

بدرية : عيب يا ولد .. انا خالتك ...!!!!!
هدى فقعت ضحك : ههههههههههههههههه تستاهلين .. والله انك خطير يا بندر..

دخلت الجدة مزنة البيت : مين اللي يصااارخ كذا ....
بدرية منقهرة : يما هذي هدى

مزنة جات الصالة وهي تمشي : شوووف ...!!! اجل انتي وياها اللي مسوين كل هالازعاج...؟!؟! هذا وانتوا كبااااار وعجايز وكل وحدة عندها جي عيااال .. صدق ما تستحووون .......!!!!!!

بندر : هلا بالحلوين...!!! وش هالزين ...!؟؟!

التفتت مزنة على بندر : هذا انت ...؟؟
بندر وقف احتراما لها يبغى يسلم عليها : أي انا .. جاي من الساعة 7 انتظرك عشان اسلم عليك .. وقالولي طالعة ....

مزنة سلمت عليه وبعدين طالعته من فوق لتحت بنص عين .. كان لابس بنطلون جينز .. وتيشيرت اسود ... ومسوي شعره بالجل على ورى ...

بندر " هاااا... بدينا .. الحين جا وقت الزفة المحترمة .. "
مزنة : وش هالخرق اللي لابسها ...؟؟
بندر : الله يهديك يا يما ... هذي ملابس ...
مزنة : ملابس بعينك .. وين الثوووب..؟؟ انا كم مرة اقوولك لاتلبس ملابس الحريم هذي....؟؟ ما بقى غير تحط مكياج ... شرايك..؟؟ حلو صح ؟؟

بندر :ا .. ا .. انشالله ..
بدرية : يما حرام عليك .. اكلتي والد وهو جاي يشووفك ويقعد يسولف معك ...
مزنة : ما ابغاه يسلم علي دام بيجي بهالشكل .. يا يجي رجال.. يا لا يجي احسنله ..
فتحت فمها هدى من قوة الكلام اللي تقوله امها : يمااا.. حراك عليك .. خلاااص

مزنة التفتت على بندر اللي انحرج : معليه .. امووون ... صح يا بندر.. بعدين كل هذا لمصلحتك .. ابغاك تصير رجال بشكلك زي ثامر فديته ....!!!
بندر : ايييي .. قولي كذا من اول .. انتي عاجبك ثامر لانه بدوي ...
مزنة : فديته ولدي انا ... هذا الولد الي يعرف يلبس ويكشخ .. ما اشووفه الا كاشخ بالشماغ ... والثوووب ..
هدى : والله ولدي راكان احلى ....!!! وقولي اللي تقولينه يما...

مزنة : ولدك حلووو...؟؟ انتي شووفيه بس شلون يخربط بلحيته ... يحلقها بطريقة غريبة ...
هدى : هههههههه يما هذي سكسوووكة ...
مزنة : وشوو ... شكشوووكة ..؟؟ انا خبري هذي اكلة مو موديل...
هدى : هههههههه يما سكسووكة بالسين .. مو شكشوووكة ...!!

وقعدوا على هالحال وبندر طايح بينهم ...

___________________________________

(( ف الكويت .. على السفينة ))

( الساعة 10 باليل )

وقفوا الاثنين على حافة السفينة يطالعون الموية بالليل .. وهي تتحرك شوي شوي ..
دلع : تذكر آخر مرة وقفنا فيها على سفينة ..؟!

سعود وهو يتذكر : أي.. بعد السالفة هذيك ..

حست دلع بحزن فجأة جاها وانه دموعها تجمعت ف عيونها .. فلفت تحاول تمسحها ..
سعود : بتصيحين..؟؟ خلينا ندخل داخل اذا بتقعدين تصيحين ..؟؟
دلع تجاهلت الي قاله .. واللي يدل على انه انسان من حجر قاااسي مرة مو من لحم ودم.................!!!!!!

سعود ترك دلع وجا بيدخل داخل : اصبري هنا شوي .. لاتتحركين..
ما ردت عليه دلع .... راقبته وهو يدخل بعدين حطت عيونها بالبحر... وراقبت الموية حقت البحر ...

دلع " ياربي وش مخبية لنا الايام...؟؟ شلون بتكون حياتنا ..؟؟ ما اتخيل عمري اعيش معاه طول حياتي .... عنيد وقاسي وقلبه من حجر ... ما اقدر اتحمله .. زين مني الحين اني قاعدة اسوولف واضحك معاه واجامله .. بس اذا طولت السالفة بنفجر.. والله بنفجر .. انا ما اقدر اقعد معاه فترة طويلة .. اللي سبب لي اياه مو سهل .. ولا يمكن ينمحي بسهوووولة ... يارب صبرني بس...!! "

رجع سعود : تفضلي...

لفت دلع وشافته شايل كاستين عصير ليموووون ..اخذت كاسة : شكرا ...

___________________________________

(( السعودية .. بيت ابو رائد ))

( الساعة 11 )

نزل رائد من سيارته ودخل البيت ... اليوم تعب كصير لانه كان عندهم شغل كثير بالورشة .. وخصوصا وانه كان في عمال يصلحون الابواب حقت الورشة .. وكان لازم يشرف عليهم .. وعاد انتوا تعرفون الهنووود .. يطلعون رووح الواحد ..

دخل البيت وما حصل احد .. طلع فوووق وشاف غرفة ريم مسكرة والنور مطفي فعرف انها نايمة ...
وغرفة امه وابوه نفس الشي .. فاستلم عن انه يحصل احد يسولف معاه .. وراح لغرفته .. اخذ له ترويشة سريعة ولبس ملابسه وانسدح على السرير ...

رائد : يوووه .. نسيت اكلم ريم اليووم .. الله يقطعهم هالهنوود .. طلعولي قرووني ..

اخذ جواله ودق عليها ...

ردت عليه مسوية زعلانة : نعم ..؟؟
رائد : الله..!!! شفيك معصبة...؟؟!
دانة : ماني معصبة ليش ما دقيت علي اليوم ...!؟!
رائد : حبيبتي دانة والله آسف .. بس والله كنت مشغووول بالورشة وجو هنود يصلحون الابواب والله لايوريك .. شي يطفش الواحد ... هالهنود صاروا ما ينطاقون .. ف كل مكان تروحين ف وجهك ... ماهي حالة هذي...!!!!!!
دانة : هدي حبيبي شفيك انفعلت...؟؟ ادري انك مشغووول وعاذرتك .. يعطيك العافية..
رائد ابتسم واسترخى : الله يعافيك ....

___________________________________

(( ف الكويت .. غرفة الفندق ))

( الساعة 12 ونص )
ومن الحياة الوردية اللي عايشينها رائد دانة .. للحياة البادرة اللي عايشينها سعود ودلع ....

.........
.............
........
...........
......

رمى سعود نفسه على السرير بتعب : آآآآآآي يا ظهري .. والله تعبت اليوم .. الطريق مرة يتعب ....
دلع وهي تدهن يدها بالكريم : حتى انا والله .. جسمي مكسّر .. قعدة الكرسي تعوّر

سعود : بكرة وين بنروح..؟؟
دلع طالعته بدهشة : الحين من اليوم لبكرة يصير خير.... نام الحين .. انا جاني النووم ..

قعدت على السرير .. انسدحت وتغطت .... وبدوره سعود تغطى وسكر النور اللي على الكومادينا جنبه ....

____________________________

@@@@@@@@@@@@@@@@@@@@@@@@@@@@@@@@@@@@@

(( يوم الاثنبن .. سيارة احمد ))

( الساعة 1 الظهر )

طالع نفسه بالمرايا يعدل شماغه من قدام .. وطبعا لازم التشخيصة اللي سواها بكل مهارة ودقة ....

واول ما شاف ريم جاية .. تعدل ف قعدته وشغل السيارة ... بس لاحظ انها كانت كاشفة وجهها وحاطة كحل ازرق وبلشر وروووج وردي وعدسات ملونة .. وكانت كانها اجنبية ف السعودية ...... رفع حاجب مستنكر وما عجبه الوضع .. بس سكت لانه عارف انها محترّة منه ..

ركبت ريم وعلى غير عادتها ... ما سلمت ولا قالت ولا حرف ... ورمت نفسها رمي على الكرسي اللي ورى ... وسكرت الباب بقوة ....

احمد طالعها بالمرايا وابتسم " اووووووخص .. مو هينة هالزلعآآآآآآآنة ( زعلانة ) ...!! " : الناس يقولون السلام لما يدخلون ......

ريم لفت وجهها تطالع السيارات اللي برى : احمد لو سمحت ترى مالي خلقك .. بس وديني البيت .... !!!!
احمد شال عيونه عنها .. وتحرك بالسيارة .... وهو ساااكت .. مو عارف وشلون يرضيها .... هذي اول مرة يصير فيه زي كذا وينحط بهالموقف ....

احمد " اففف .. لاااا هذي شكلها مرررة حاقدة علي ... وش يرضيها الحين..؟؟ فكر يا احمد .. فكر زين ... "
وبطريقه ف التفكير ... شغل الـ mbc FM

لآ تعذب فيك منهو مبتـــلي
دون وصلك تترك الفرقآ تحــوول
قلبــي اللي لك من الشــوق يغلي
ذاب وانت اصبــحت لي صــعب الوصووول

آاسالك بالله .. اآسالك بالله .. وش ناوي علي .. ؟؟
فيك شي بــس ماودك تقــووول
قــل ولآ تنفي تــرى منــت بخلي
هات ما عنــدك وصمـــتك لآ يطول

ضيقــة مدري متــاها تنجــلي
يا عسآها يا حياتي ما تـــطووول
وانــــت ما همك رضايآ واسعَ لي
وعآدي عندك لو شمت فيــا العذووول

احمد قام يصفق وهو يسوووق من الحماس " ف الصميم يا عبدالمجيد ... دووومك تجيبها ع الجرح .... !!! "

ريم ما عطته وجه وكانت مسندة راسها ومغمضة عيونها ع الكرسي ورى ....

وبعد ربع ساعة .....

وقف احمد السيارة ..... ونزل .. وخلا الباب مفتووح .. ما لاحظت ريم .. الا يوم انفتح الباب اللي عندها .... رفعت راسها وافتحت عيونها .. وشافت احمد واقف ويطالعها بابتسامة مرة خفيفة .....

التفتت للمكان اللي هي فيه ... وشاف البحر.... اتفاجأت ...
ريم " هذا وش يبغى ..؟؟ ليش جايبني هنا..؟؟ "

الفتت على احمد باستغراب...
احمد بابتسامة حلوة مبينة غمازته اليسار : انزلي وبقولك كل شي...
ريم نزلت راسها زعلانة : احمد ماني بمزاج الكلام .. الله يخليك رجعني البيت ...

وما استنت رد احمد .. لانه مو هو الانسان اللي يقتنع وييأس بهالسهولة ... وبمسكة يد منه .... خلاها وخلا كل كل شي بجسمها يقوم .... سحبها ...
وطلعها من السيارة بكل نعووومة ورقة ...
بس مو هذا الشي الوحيد اللي خلاها تطلع ... لانه نظراته السااااحرة اللي كانت عليها ما كان دووورها هيّن ابد ......!!!!!

ريم " ياربيييييييييي .. انا احلم...؟؟ لا لا لا مو صدق .. احمد ما سكني ويسحبني ؟!؟!؟! لا لا لا مو معقوووول ... يارب صبرني... "

سحبها لين صارت برى السيارة ... وتركها ومشى قدام ... وهي بدورها لحقته ..

ويوم وصلوا عند السووور اللي ع الواجهة قدام البحر وقف .. ولف عليها ..

احمد : شفيك زعلانة ...؟؟
لفت ريم وجهها عنه ما تبغى تواجهه : مافيني شي..
احمد : ريم .. طالعيني.... شللي مضايقك..؟؟ قوليلي ...

ريم " اففف .. ياحلو الحنّان ... !! "

لفت عليه بكل قوة وجرأة وقالت بتحقيق وهي تعقد يدينها قدامها : احمد من وين تعرف اروى..؟؟
احمد مستغرب : اروى..؟؟ مين اروى...؟؟
ريم : احمد .. لا تلف وتدور .. اروى اخت عوض ولد عمي الله يرحمه .. وش عرفك فيها..؟؟
احمد فتح عيونه الثنتين متفاجئ : بسم الله .... الحين اخت عوض اسمها اروى..؟؟ وش دراني انا ..!؟!؟ بعدين من قالك اني اعرفها ...؟؟ والله توني عرفت وش اسمها ..

ريم طالعته بشك ومبين انها ماهي مصدقته ...

احمد " لا حوووول .. الحين هذي وشلون اقنعها..؟؟ "
وقف قدامها وفصخ نظارته : طالعي عيوووني .. وشوفي اذا مبين فيها ذرة كذب من اللي بقوله الحين ...
ريم " احلف بس...!! انا يالله اقدر اطالعك دقيقة بدون ما يغمى علي تبغاني اطالع عيووونك..!؟!؟! ترحموا علي يا ناس .. بمووووت.. "

سكتت وطالعته ....
احمد قال بكل صدق الدنيا : انا ما اعرف اروى .. وولا قد شفتها .... وادري انك سمعتيني ذيك المرة اسال عنها تدرين ليش.....؟؟؟؟

ريم ماتدري هو وش يقووول ... بس غاارقة بعيووونه خخخخخخخ .. رموووشه .. والديرتي فيس اللي مسويه ....

احمد كمل : ريم .. انا داري وش فيك .. ما يحتاج تقولين لي .. انا اعرفك اكثر منك صدقتي ولا ما صدقتي.... وبنظرة .. اقدر اعرف وش تحسين فيه ووش شعورك وانتي تطالعين ف عيووووني الحين ... اعرف كل صغيرة وكبيرة فيك .... لانك انسانة شفافة .. اللي بقلبك على لسانك .. صادقة وما تكذبين .. وهذا احلى شي فيك ..

ريم " وش دخخخخخخل هذا الحين ..؟؟ ترى مررررة بموووت .. احس وجهي احمممممر "

احمد : وانا ذاك اليوم سالت عنها .. لانه عوض كان دايم يحبها ويداريها .. فكنت ابغى اعرف كيف حالها .. ووشلون عايشة بعده.... مو اكثر من كذا..... صدقيني... شرايك..؟؟

ريم بتصيييييح من الخقة " وبعد تسالني عن رايي...؟؟؟ موافقة طبعا .... خخخخخخ " : خلاص صدقتك ... لا تحلف ...
احمد ابتسم " طبعا .. ما تقدر تقاومني !! ": صدق صدقتيني ولا بس كذا كلام ... ؟؟؟
ريم رفعت راسها بزهق : يوووه .. الحين صارلك سااعة مسويلي جلسة اعتراف .. وماتبغاني اصدق يعني...؟؟ بعدين انت ولا عمرك كذبت علي... عشان كذا ماعندي أي سبب عشان ما اصدقك ..

احمد ابتسم واخذ نظارته منها ولبسها : جيبي نظارتي... ماشالله علي لا اله الا الله .... من الصباح وانتي تخزين فيني....

ريم فتحت عيونها الثنتين ع الاخير : شووووف ...!!! ابووها الثقة اللي مقطعتك ....!!!
احمد بجاذبية مو طبيعية : طبعا .. وااثق من نفسي ...

مشت ريم جنبه ..... وقعدوا يسولفون لين شافوا سيارات وقفت ...
احمد لف عليها رافع حاجب : لا والله..!!؟!؟ وليش كاشفة وجهك انشالله ...؟؟
ريم باصرار : عنااااد
احمد : عنااااااد..؟؟؟ خلاص ... اتمشي بروحك .. انا رايح السيارة ...

وبجرأة من جديد .. مدت ريم يدها ومسكت احمد بسرعة قبل لايروح : لااااااااا ... خليك.. خلاص بغطي .... والله ...!!!!!!

احمد ضحك من قلب عليها " وه فديتها ......!! " ........

(( ف الكويت ))

( الساعة 2 الظهر )

تقلب كم مرة قبل ما يفتح عيوووونه بكسل ... ورجع انقلب للجهة الثانية .... ويوم استوعب المكان اللي هو فيه ... التفت على ساعة جواله وشاف انه الساعة 2 .. وساعتها فز من نوووومه ...

سعود " يوووووه .. شلون نمنا كل هالوقت ...؟!؟!؟ "

التفت على يساره وشاف دلع نايمة ومتلحفة بسلام ...
بكل تعب وكسل .. هزها عشان تقوم ...

سعود : دلع ... دلع ...
دلع وهي نايمة : هممممممممــ....
سعود يهزها : دلع قومي ....
دلع تقلبت للجهة الثانية : طيب ....

سعود : افففففف .. هذي وش يقومها الحين .. ؟؟؟!

فما كان منها .. الا انه يقوم ويرفعها ويحطها بوضعية الجلوووس علشان تقوم ...
سعود شبه حاضنها ومقعدها ف حضنه ويهز خدها بالخفيف: دلع ... قومي تاخرنا..

فتحت دلع عيونها.... ناظرت حولها شوي .. بعدين استوعبت المكان اللي هي فيه ..
رفعت راسها شوي وحصلت سعود فوقها .. ففزت على طووووول .. وقامت من حضنه ونزلت من على السرير ....

دلع وهي تترنح ف الوقفة : كم الساعة ....؟؟
سعود : ثنتين .... راحت علينا نومة
دلع : غريبة .. ما ضبطت المنبه ...؟؟
سعود : نسيت ... روحي غيري بسرعة عشان نطلع ونتغدى..

دلع اخذت ملابسها وراحت الحمام ... " امحق قووومة .. خرعني هو ووجهه ...!! "

___________________________________

(( بيت ابو سعود ))

( الساعة 5 المغرب )

قامت لينا من النوم ... تعبااانة .. تكره المدرسة مررررة ...
وببيجامتها لاول مرة .. نزلت الصالة ...
وهناك .. شافت الكل موجود

ديمة ... فيصل.. سالم ...
واول ما دخلت الكل قام يطالع فيها ..

لينا متخرعة : بسم الله .. كلكم هنا...!!! ليش تطالعوني كذا...؟؟
ديمة : اول مرة اشوووفك مو كاشخة وعلى طبيعتك
لينا ابتسمت مطمئنة : الله يقطع ابليسك خرعتيني .. حسبت في شي .. لابس مرررة تعبااانة ... المدرسة زفففففففففت .... من رياضيات .. لرياضيات انجليزي .. ومن انجليزي ... لقواعد .. الجدول قرررررررف ....

فيصل ابتسم : اجل لو توصلين ثانوي وش بتسوين..؟؟
لينا : بكل بساطة بنتحر .....

....... بعد دقيقة ..

لينا: سالم .. كلمت دلع ..؟؟
سالم مستغرب : لأ .. شلون بكلمها ..؟؟ نسيتي ما عندها جوال...؟؟
لينا بياس : اففففففف ...
فيصل : الحين ليش مكشرة...؟؟؟ انشالله على ابو مدرسة ..؟؟!؟ ترى الدنيا ما تسوى تكدرين خاطرك ....!!
لينا مبرطمة وعاجبها انه الكل يداريها ومهتم فيها : لأ موكذا .... دلع مرة شاغلة بالي....

خزها سالم عشان ما تخورها قدام ديمة ....ورقعها فيصل بدوره بعد
فيصل ابتسم يصرّف : ا... لا لاتخافين ... اكيد الحين مستانسين ولا جايبين خبرك حتى...
لينا : طيب ابغى اكلمها .. باي طريقة سالم
سالم : لا حوووول.. قلت لك لأ ... خلاص اسكتي ...

ديمه " واااي عليييييييييييه .... والله وطلع حنووووون !!! "

___________________________________

ف الكويت ... الفندق ))

( الساعة 11 بالليل )

دخلت دلع الغرفة معصبة ....
دلع منفعلة وهي تصيح : هذي آخرتها...؟؟؟ محترمتك ومحترمة هالسفرة اللي انت جايبنا فيها..... بس عشان اقصر الشر واخفف مشاكل .. لاني تعبت .. خلاااص .. تبعت من المشاكل والهواش.. ولما اسايرك اسوي اللي تبغاه سواء راضية ولا لأ ... كذا تجازيني....!؟!؟؟!؟!؟ ع الاقل شوية احترام يا اخ سعود .. لو مو عشاني .. عشان سمعتك كواحد متزوج الحين قدام الناس.... وش بيوقولن لو واحد من اللي تعرفهم شافك .... ها...؟؟ وش بيكون موقفك..!.؟!؟!؟!؟!

سكر سعود الباب بسرعة متوهق من صراخ دلع اللي نص اللي ف الفندق سمعوووه ..
سعود : انطمي واقصري صوتك ..... الكل سمع صراخك ..

دلع بحدة وتهديد : لا تسكتني ... لاتسكتني.. خليني ولو لمرة وحدة اطلع اللي بقلبي...... !!!!
سعود بطنازة : لا والله..؟؟ احفلي...!! والدراما والسمفونية اللي كنتي تعيدينها على راسي قبل ما نتزوج هذي وش تسمينها..؟؟؟!!

دلع عصبت ووجهها حمّر ... سعود استفزها كثير... وقاعد يحاول الحين يستنفذ صبرها

دلع قعدت بقوة على الكرسي...
دلع : احاول اتفادى حركاتك اللي تجيب الجلطة ... واحاول اسكت وابلع كل شي تقوله. بس عشان تنتهي هالسفرة على خير ..تدري ليش...؟؟ لاني اهتم بللي جاي.. مهتمة بللي بيصير ف المستقبل .. انا مو كاسر ظهري غير الايام اللي بعيشها معاك لما نرجع ... كل هذا شاغل بالي واحاول امشي معك واسوي اللي تبغاه ... ممكن ع اللاقل لو ذرة تقدير لهالشي....؟؟؟!؟!؟!؟

سعود مستغرب : تقدير على ايش يا حظي...؟؟ لانك هنا معاي...؟؟ تراني ماني ميت عشان تسافرين معاي ... بعدين حتى لو ما كنتي بتجين .. انا كنت بجي بروحي .. انا تعبان وابغى اغير جو ... وانتي اللي قاعدة تسوين مشاكل وتفتعلينها ....

دلع منصدمة : انا ..؟؟!؟!؟! الحين اروح الحمام اغسل يدي... ارجع واشوف وحدة قاعدة معك على الطاولة وطاقة سوالف بكل مياعة وحقااااارة ... وتبغاني اسكت واتفرج..!؟!؟! مو عشااااني ... مووو عشاااني والله .. اصلا انت ما تهمني ... روح مع مين ما تبغى وارجع مع مين ما تبغى ... بس مو قدام الناس ...!!!!!ّ!!!!!!

سعود شد شعره يحاول يهدي نفسه ....

دلع وقفت تهاوشه وكانه بزر عمره 5 سنين : عييييييييب... تفهم العيب ولا ما تفهم ... تفهم انك الحين واحد متزوج ... بيدك دبلة يا اخ ... عشان لما تنسى .. تطالع يدك وتتذكر هالشي ..... تتذكر انه الحين انت متزوج وسمعتك قدام الناس لازم تكون نظيفة ... ترى ايام المراهقة والصياعة يا سعود لازم تنتهي ... ولا عمرنا ما بنعيش زي العالم والناس ...!!!!!! فاهم ..؟ ( قربت واشرت على نفسها ) انت الحين عندك زوجة ومسؤول عنها قدام الناس ... حاول تكون قد هالمسؤولية ....... حااااااول...

سعود بطنازة : ههههه ... انشالله طال عمرك .... تآمرين امر انتي .. زوجتي ها..؟؟ ونعم الزوجة والله ...!!!

اتنرفزت دلع .... كان خاطرها تضربه .. بس وقفت شوي يوم تذكرت اللي صار لها ذيك المرة ... وتذكرت المرات اللي انضربت فيها من سعود ومن امه ... وتذكرت انها الحين زوجته .. وانهم بروحهم ف هالبلد ... وانها وحيدة من اليوم ورايح .... حست بعصبية قوية ..... معصبة من كل شي ... ليش هي اللي يصير فيها كذا ليش...!؟!؟!؟

وبكل عصبية وقهههر ... مشت بسرعة وصقعت راسها بالجدار ... وقعدت تضرب راسها بالجدار مرة ورى مرى بكل قوتها وتصااارخ
دلع وهي تضرب راسها : ابغى اموووووت ... ابغى اموووووت ... خلااااص ... اموووووت ..

وقعدت تضرب راسها مرة ورى مرة وسعود واقف منصدم يطالعها " يا ويلي.... استخفت...؟؟؟ "

وبكل سرعته ركض لها .. ووخرها عن الجدار وحضنها بقوة عشان ييحاول يسيطر عليها ويهديها .....
بس دلع قامت تقاومه وتتحرك : وخر عني ... خليني امووووت .. ابغى امووت .. وخر عني يا سعوووووووووووووود...!!!

سعود ما سكها بكل قوته وحاضنها لصدره ويحاول يهديها ...

وبعد حوالي 10 دقايق ..... كانت دلع ف حضن سعود ع الارض ... اخيرا هدت واستسلمت .... وشكلها مرة تعبت .... ويئست من المحاولة ....

سعود يميل فيها شوي شوي يمين .. ويسار : ششششش.. خلاص .. خلاص اهدي..
دلع ف حضنه وماهي منتبها لعمرها من الصياح : آآآآآه ... ا...ا ... ابغى ام.. اموووووت ..
سعود يمسح على راسها : بسم الله عليك .. بعيد الشر انشالله .. خلاص اهدي ... اهدي بس......

وعلى هالحالة لين ما نامت ......

(( يوم الثلاثاء .. بيت ابو سعود ))

( الساعة 5 العصر )

دق فيصل باب غرفة لينا .. وبعدها سمع صوووت ديمة
ديمة : مين...؟؟

فيصل ابتسم : انا فيصل ....
ديمة على طوووول ما صدقت خبر وافتحت الباب ....

فيصل دخل : خلصتوا...؟؟
لينا وهي تحط الكحل ف عيونها : باقي شوي ... ليش مستعجل كذا ..؟؟
فيصل : مدري .. يمكن لانه ابغى اشوف ردة فعل ديمة لما تشوف توسعة الراشد الجديدة...!!!

ديمة : وسعوووووه ...؟؟
فيصل :صباح الليل........!!!

لينا لفت وشافت فيصل لابس بنطلون جينز وتيشيرت اخضر لايق عليه ...
لينا : اوووخص ... كاشخ والله ...؟؟ شوفي يا ديمة .. انا بديت اشك انه رايح للسبب اللي قاله ..
ديمة بشك مع لينا : أي حتى انا ... مين رايح تشوووف ...!!!؟
فيصل : ههههههه حراام عليكم .. انا وجهي وجه مغازل اصلا...!؟!!؟
ديمه " ياحلوه .. يا ملحه .. يا محلااااه .. وربي اخلاااق "

فيصل ابتسم باعجاب : انتوا اللي وش هالكشخة مو انا...؟؟
لينا تسبل بعيونها : احم .. ادري ادري..
ديمة : لا والله ... اصلا انا احلى منك ...
لينا دفتها بالخفيف : احلفي انتي بس...!! اصلا محد يوصل لجمالي.. ولا وشرايك يا فيصل...؟؟

فيصل طالعهم الثنتين وضحك وطلع من الغرفة : كلكم حلوين ...

@@@@@@@@@@@@@@@@@@@@@@@@@@@@@@@@@@@@@

(( بعد يومين .. يوم الاربعاء .. بيت ابو فيصل ))

( الساعة 7 الصباح )

نسايم وهي تعطي الثوب لزوجها : ا... وش تبغى اسويلك ع الغدا اليوم ...؟؟
ابو فيصل : ا... سوي صينية مصقعة ( صينية باذنجان )....
نسايم : انشالله ...
ابو فيصل : شوفي .. انتبهي لعمرك .. لا تقعدين تتحركين كثير عشان الجنين .. مو بعدين تسقطين وابتلش فيك وبمصاريف العمليات ...!؟!؟!؟!؟!!!!!
نسايم " لاحول ولا قوة الا بالله .. حتى اسلوب مافي.. " : طيب..

طلع من البيت كعادته تارك زوجته الحامل ف الشهر الاول لوحدها ...

___________________________________

(( ف الكويت .. على الطريق ))

( الساعة 12 الظهر )

ركبت دلع السيارة بهدوء ... وخلت سعود يركب الشنط ف السيارة لوحده ...
دلع تفكر بهالرحلة اللي ما تهنت فيها ولو دقيقة " رحنا البحر .. رحنا رحلة على السفينة .. رحنا كثير مطاعم .. رحنا المجمعات ... بس وين الوناسة ف الموضوع ..؟؟ دام سعود ف وجهي .. عمري ما راح القى السعادة ....!! "

ركب سعود اللي ضايق خلقه من الحر ومن هالرحلة المتعبة ... وشغل السيارة ومشو راجعين للشرقية ..

ف الطريق يوم مروا على محطة بنزين .... نزل سعود عند البقالة عشان يشتريلهم شي ياكلونه على الطريق ... لانهم ما فطروا من الصباح ....
سعود : تبغين شي من البقالة...؟؟
دلع بدون ما تلتفت : لأ ..

تنهد سعود ونزل ....
دلع " لا ويتوقع مني آخذ واعطي معاه ....!! الحين يوم عطيته فرصة يتعدل ... شفته مع وحدة قاعدين قدام الناس .....!!!!! وش اسوي بعمري انا..!؟؟! انا وش سويت عشان يسوي فيني كذا ...؟؟؟؟!!!! "

دخل سعود السيارة بضيق ... وخلا الباب مفتوح ..
سعود وهو يعطي لدلع كيس مليان اغراض .. بيبسي .. شوكالاته .. وبسكوت .. وتشيبس ... وفصفص ( حب ) : خذي ...
دلع ما التفتت عليه ولا اخذت الكيس : ما ابغى ...

عصب سعود من حركاته فرمى الكيس بكل قوة على الكرسي اللي ورى : اففففف..
وبعدين سكر الباب حق السياة بكل قوته ... وشغل السيارة ... وشخط فيها باعلى سرعة على الطريق من عصبيته ... بس كل هذا .. ما حرك فيها شعره .. لانها كانت تتمنى السيارة تنقلب وتموت وتفتك من الحياة ..............!!!!

___________________________________

(( سيارة احمد .. ))

( الساعة 3 العصر )

كان احمد ف السيارة ومعاه ريم اللي توها طالعة من دوامها ... وقربوا يوصلون البيت ..
ريم : افففف .. تعباآآنة .... ابغى انام ...
احمد ابتسم : هههههه لازم .. هذي الدراسة تعب وكرف ... وبعدها تتخرجين .. وتشتغلين .. وبتبدين من جديد تعب وكرف ... وبعدين تتزوجنوتحيبين عيال .. ومن جديد .. تعب وكرف ... وكذا طووول العمر .. هذي الحياة تعب وكرف ..
ريم سكرت اذنها بتضايق : يووووووه ... خلاص خلاص ... اسكت الله يخليك ..
احمد ابتسم بخفة " هههههه كسلاآنة ... "

ويوم وصلوا البيت ...
ريم بابتسامة واسعة : تفضل ... اشرب شاهي ولا قهوة ....
احمد طالعها بنص عين : مو تقولين تبغين تنامين ... ؟؟؟؟؟
ريم تذكرت " الله يهدي جمالك .. نساني النوووم خخخخ " : أي صح .. خلاص روح مشكووور على التوصيلة ..
احمد : العفووو .. سلمي على عمي وقوليله اني جاي المغرب على الساعة 6 ونص كذا ....
ريم وهي تسكر الباب : انشالله ...

مشت ريم .. واحمد توه جاي بيطلع من حوش البيت الكبير الا ويشوف المنظر اللي ولاعمره كان يبغى يشوووووفه ....

سيارة طااااااااااايرة على سرعة عالية .... وصادمة ولد صغير شايل شنطة المدرسة وهو يقطع الشارع ....

طااااار الولد مترين من الصدمة القوية .... واحمد واقف يتفرج منصدم ... شاف الرجال الكبير ف السن ... طالع من السيارة خايف ومتوهق من الحادث ... والشي اللي ما تخيله ابد .. انه الرجال شال الولد ورماه على الرصيف ... وركب سيارته وشرد بكل وقاحة وقسوة قلب.. والولد قعد ع الارض والدم بنزف منه بكثرة ......

في هذي اللحظات .. رجعت ذكريات الحادث الأليم اللي صار بعوض قدام عيونه ... رجعت لحظات موت صديقه قدام عيووونه تنعاد وتتكرر ... تذكر صووووت ..

عوض : نلتقي انشالله قريب ......

وبعدها راااح ... مااات... ماشافه بعدها ..

وخلال تفكيره وسرحانه .... انتبه على احد يدق الباب بقوة ويصااارخ
ريم تصيح وهي تدق باب السيارة وتحاول تفتحه : احممممممممممممممممد .....

وساعتها استوعب انه في احد يحتاجه ... فتح الباب بسرعة ....
ريم بانفعال تصيح : احمد الولد ... الحق على الولد احمد لايمووووووووووووت ....

وقعدت ع الارض من بشاعة المنظر تصيح ...
احمد وقفها على رجولها : ريم .. ريم اثبتي وادخلي البيت ... وانا بوديه الاسعاف ...
ريم تصيح : لا لا لا .. ماني قاعدة ف البيت ... بروح معاك .. الله يخليك .. ابغى اتطمن عليه
احمد بصوت عالي : يا ريم مافي وقت ... ادخلي داخل منتي قدها صدقيني...
ريم وقفت زي الناس ومسحت دموعها : انا قلت لك اني قدها ... وبروح معاك ..

احمد تركها ... وراح شال الولد ودخله السيارة ... وشخط فيه باسرع شي لاقرب مستشفى .....

___________________________________
نهاية الجزء الـ 17 ...
اتمنى من هالجزء اكوووون
عطيتكم فكرة عن الوضع
اللي عايشينه ابطال القصة بدقة ...

توقعاتكم .. انا صارلي كم جزء
اخليها من خيالكم .. لانه في هالمرحلة من الاحداث كل شي ممكن يصير
عشان كذا ما ابغى احصر تفكيركم وتخمينكم
على شي واحد ...
خلوا الخيال ياخذكم ... وقولولي آراءكم ...

الجزء الثامن عشر ( ثمنطعش ):.

(( ف المستشفى ))

( الساعة 3 ونص )

قرب الرجال من احمد مبتسم بشكر وامتنان ومد يده يسلم عليه : جزاك الله خير يا ولدي... زين انك جبته المستشفى .... هذا جميل عمري ما بنساه لك ...
احمد بابتسامة خفيفة : افاااا عليك .. احنا ف بلد واحد واخوان ولازم نساعد بعض ..
الرجال : تقدر الحين تروح بيتك وترتاح .. ومعليش سامحنا تعبناك انت وزوجتك...

احمد هذي الساعة ابتسامة واسعة : تعبك راحة .. بس كيفه الحين ...؟؟
الرجال : لا الحمدلله يقول الدكتور جات خفيفة الحمدلله .. وبيكون بخير قريب انشالله ..
احمد : الله يحفظه لكم... انتبهوله بس الله يخليك .. لانه عيال الحرام كثار هالايام ..
الرجال : أي صح .. الحين انت ما تعرف مين اللي صدمه ..؟؟

احمد : والله يا اخوي .. اللي صدم ولدك واحد حقير وكلب.. تخيل يوم صدم الولد ماشاله ووداه مستشفى ... تخيل شاله ورماه على الرصيف قدام عيوني ...
الرجال حزين على اللي صار لولده ومعصب : ولد الكلب لابارك الله فيه ..

احمد ربت على كتفه بالخفيف : انا اقووول تروح تشتكي عند الشرطة وانا عندي اللوحة حقت السيارة ....
الرجال وكانه حصل امل ف الانتقام : والله..؟؟ جزاك الله خير ما تقصر يا ولدي ..
احمد ابتسم وعطاه كل المعلومات اللي يحتاجها ومنها نوع السيارة ..

وبعدين استاذن منه ورجع يوصل ريم للبيت ...

ريم : ايش صار...؟؟
احمد وهو يسوق ابتسم يطمنها : تطمني .. الولد بخير ومافيه شي ..
ريم تنهدت بارتياح : وربي بغيت اموت بارضي يوم شفته يطيح قدامي ع الارض ..
احمد بدون ما يحس : اجل انا وش اقوول .. انتي ولد ما تعرفين من وين جاي وتفاعلتي وحزنتي عليه كذا ...؟؟ انا اللي فقدت خويي بهالطريقة وش اقووول ...؟؟؟!!!!

ريم جاتها ضيقة قوي يوم سمعت اللي يقوله احمد .. وكانه يتكلم بدون ما يدري.. يقول كلام كثير وكله يعور القلب ..

احمد كمل وهو يسوق ومو حاس بعمره : اخوووي .. اخوي اللي ما جابته امي .. يموت قدامي .... بعد الرحلة الحلوة اللي رحناها وقضيناها كانت اخته تنتظره بفااارغ الصبر .. وتدق عليه كل ساعة وتساله متى جاي .... بس الزمن .. الزمن سوى فعلته واخذه ..

كان يتكلم والعبرة خانقته مررة ..

ريم بتفهم وحزن عليه : الله يرحمه ..

بس احمد ما وقف ... كمل كلامه وكمل وصف لاحاسيسه .. ومشاعره اللي كتمها كثير ... وكان زي الراديو .. ما يسكت ..
ريم يوم شافت سرعة السيارة زادت .. وكلام احمد صار مو مفهووم .. لانه قام يلخبط وبدخل الواضيع ببعضها خافت ...

مسكته من كتفه وهزت : احمد .. احمد اسكت الله يخليك ..
احمد منفعل ولا عاطيها وجه ويكمل : لا لا لا انا قلت له لاتسرع .. بس هو قال لامه انه بيروح معاي اليوم ......!!!!!!!!!!!!
ريم خافت والدموع تجمعت ف عيونها وطلعت منها على شكل صرخة : اسككككككككككككككككككككككككككككككككت .....................!!!!!!!!!

وقفت السيارة فجأة .. والتفت احمد وملامحه ما تنقرا ولا ينعرف وش قصدها ... وطالعها
وهي من اللي شافته باحمد ما قدرت تتحمل اكثر .. غمضت عيونها بيدها وقعدت تصيح

احمد بلع ريقه وقال : ليش تصيحين ...؟؟
ريم وهي مسكرة عيونها : ليش اصيح....؟؟ ما تشوف انت وش كنت قاعد تقووول ..

احمد انتبه لنفسه ... وغمض عيونه بالم ...
ريم رفعت راسها : احمد انت صدق صارلك كذا..؟؟
احمد التفت عليها وبالم : وش تتوقعين....؟؟
ريم بتعاطف : انت شفت عوض وهو يموت ...؟؟

احمد في هاللحظة شاف شكل عوض وهو مرمي ف السيارة والدم مغطي راسه وهز راسه بالايجاب ....

ريم نزلت دموعها : الله يرحمه ....
احمد انتبه لصياحها وحاول يصرف الموضوع لانه دموعه كانت شوي وتطيح : ا.. طيب ليش تصيحين ...؟؟
ريم : شكلك مرة يحزن احمد ... وربي ما اقدر اشوووفك كذا ...
احمد ابتسم يضيع السالفة : ما تقدرين لاني اخقق صح ...؟؟
ريم وخدوودها حمرا : لا وععع ...
احمد بنص عين وهو يكمل سواقة : بعينك وعععع .........!!!!

___________________________________

(( بيت ابو فيصل ))

( الساعة 4 الا ربع )

دخل ابو فيصل مرعووووب ومعصب ...

نسايم مستغربة : عثمان ... وش فيك ..؟؟

بس ابو فيصل حقرها ولا كانها موجودة وتوجه لغرفته وهو فاتح عيونه الثنتين على الاخير...

لحقته نسايم ...

نسايم : عثمان .. كلمني وش فيك ..؟؟ شصار..؟؟

ابو فيصل كان قاعد على الكرسي ويطالع الارض بتامل ....
قربت نسايم وحطت يدها على كتفه بحنان : بو فيصل .. عثمان .. انا زوجتك .. قول لي وش فيك .. يمكن اساعدك ...

ابو فيصل بكل وصاخة اخلاق : انقلعي من وجهي بس....

انصدمت نسايم وطلعت من الغرفة باسرع شكل .. وهي تسحب ما بقى من كرامتها وراها ....

___________________________________

(( بيت ابو راكان ))

( الساعة 7 ونص المغرب )

سكرت الباب بعد ما تاكدت انه اهلها نايمين كعادتها ....
صلت المغرب وخلصت ... وبعدها طلعت جوالها ودقت على ثامر بكل لهفة وشوووق ..

ثامر ف غرفته : هلا حياتي ....
مها خقت واستحت : مسا الخير... كيف الحال..؟؟
ثامر : مسا النور السرور .. بخير الحمدلله .. انتي كيفك ..؟
مها تنهدت وهي تنسدح على السرير : انا تمام ..
ثامر تعدل ف جلسته : مها حبيبتي وش فيك ...؟؟
مها : لا مافيني شي .. بس ...
ثامر باهتمام : بس وشو..؟؟
مها : استوعبت الفرق اللي يصير فيني من اكلمك ..
ثامر ابتسم بارتياح : ههههه .. خوفتيني والله .. حسبت فيك شي لاسمح الله ..
مها بجرأة : تخاف علي...؟؟
ثامر : اكيد اخاف عليك... شرايك يعني..؟؟

مها وهي تلعب بشعرها : ونااسة بكرة بنروح بيت ماما مزنة ..
ثامر : والله..؟؟ حتى احنا ...
مها : واااو .. انا وانت بنفس البيت .. ايش احلى من كذا ...؟؟
ثامر ضحك : هههههه ليش اللي يسمع بتشوفيني .. بكون بقسم وانتي بقسم ثاني..
مها : ههههههه .. معليه خذني على قد عقلي..
ثامر : فديتك ...
مها جاتها فكرة : ا .. ثامر
ثامر : عيوووونه ..
مها : ا.. تسلم عيونك .. بس .. كنت اقووول لو .. شرايك نتقابل...
ثامر مستغرب : وين ...؟؟
مها : ف بيت ماما مزنة وين يعني..؟؟!!!
ثامر فكر فيها وقال : ما عندي أي مانع .. بس لو شافنا احد ..
مها : لا لا تخاف .. بسوي كاني بعطيك صحن الاكل ..
ثامر دخلت الفكرة مزاجه : فكرة حلوة .. وربي خاطري اشووفك مرة ..
مها بانتصار : حتى انا ...
ثامر : اجل بكشخ زين هالمرة ..
مها : تبغى الصدق .. انت مرررة حلووو
ثامر خق : شكرا شكرا .. خلاص لك مني اغنية على هالكلام الحلوو ..
مها استانست : يللا سمعني ...

فتح ثامر السبيكر وقعد يدور لها على اغنية حلوة تليق فيها ... وحصلها ..
ثامر: اسمعي
مها بحماس : يللا ..

وارتفع الصوووت حق العود ف الاغنية ..

عطني غلا واعطيك عمري وحالي
حب مخلد ما حلم فيه مخلوووق ..
يا شاغل احساسي وعمري وخيالي
يا مل قلبي بلسم الجرح والعوووق..

فتحت مها عيونها الثنتين بقرررف " خالد عبدالرحمن ...!!!!!!!!! وعععع صدق لحجي "

مها تجامله وراسها بينفقع : ا .. ثامر مرة حلوة ... شكرا ..
ثامر باصرار ومستانس ع الاغنية : لا معليه معليه .. اسمعيها كامله ..

توهقت مها ...

منك الوفا يكفيني وهذا منالي
في دنيتي يا حالي الطبع والذوووق..
ارقب وفاك وحاير في سؤالي
واحس اني دوون شوفتك مخنوووق ..

مها بقلبها " حالي الذوووق..!!!! وعععععووووو ... الله يقرف شيطانك يا ثامر .. شكلك حلو وذوووقك ميييييييييييح "

بعدك يعذبني يزيد انشغالي
الله يعين ويفرج الهم بشفوق..
في وحدتي اجلس اعد الليالي
واسهر معاها لين طلعات الشروق ..

مها " الله يقرررررررف شكلك .. اسهر معاها طول الليالي ومدري ايش.... اففف .. متى تخلص...؟؟!؟!؟! خلاص توووبة .. ما ابغى منه هدية او اهدااااء ..!!!!!! "

صوتك يصبرني ويرثي لحالي
استغربه ويخفف الهم والشووق..
ان شفت طيفك ابتهج باحتفالي
واسرح الين الصبح ينساب وافوووق ..

وعلى هالحال لين خلصت الاغنية .. ومها كانت اذنها قد انفقعت خلااآص ..
ثامر متحمس وهو يتربع على السرير : ها وشرايك....؟!؟!؟
مها " تلوووع الكبد " : تجججججججججججججججججننن .. والله مرررة حلوة حقت مين هذي...؟؟
ثامر بنص عين : تستهبلين .. هذا احسن فنان .. مخاوي الليل خالد عبدالرحمن .. !!!!
مها : ا... ماشالله .. صوته مرة رايق وهاااآدي
ثامر استانس وطااآر فووق : أي اكيد .. هذا خالد .. مو أي احد ... !!!<< خخخ تستاهل

___________________________________

(( سيارة سعود ))

( الساعة 6 ونص )

وصلوا سعود ودلع الشرقية بامان ... وكانوا قدام الشقة اللي هم مستاجرينها ..
سعود : طيب .. شيلي معك هالاكياس... وانا بشيل الشناط واطلعها فوووق ..

دلع ما ردت عليه .. وتركت الاكياس ونزلت .. ودخلت العمارة ...
سعود فاتح عيونه الثنتين بعصبية : شوووف .. تركت كل شي وراحت ...!!! صدق ما تنعطى وجه ..!! انا بوريك يا دلع .. ان ما ربيتك ما اكون سعود ...

نزل سعود وشاف واحد هندي واقف عند العمارة ...
سعود : انت تشتغل هنا..؟؟

الهندي هز راسه بالايجاب....

سعود : طيب .. تعال شيل الشنط اللي ف السيارة ووديها فوق وبعطيك 20 ريال ..

الهندي ما صدق خبر.. قام يركض للسيارة وينزل الشناط بكل نشاط ..

وبعد ربع ساعة كان كل شي ف الشقة ... والهندي اخذ الـ 20 ريال حقته وطلع شاق الابتسامة على وجهه.. اما سعود فكان ماسك اعصابه قدام الهندي .. بس اول ما طلع .. سكر الباب بقوة .. ونادى دلع اللي كانت ف الغرفة .. بس هي ما ردت عليه ..

دخل سعود الغرفة عليها ... وشافها واقفة قدام التسريحة تمشط شعرها وهي لابسة روب نوم ابيض وعليه قلوب حمرا ... وناعم مرة ...

دخل سعود وسوا كانه ما يشوفها .. فصخ الجزمة حقته والشراب .. واخذ ملابسه وراح يغير ف الحمام .. ولما طلع شافها واقفة للحين وتعدل بشعرها البني الرهيب ..

سعود " لا حووول .. هذي بتقعد قدامي كذا..؟؟ صاحية..؟؟ شكلي بطلع من الغرفة احسنلي ... على هالحالة بتخليني انسى كل شي !! "

طلع من الغرفة وراح للمطبخ الصغير الموجود .. فتح الثلاجة بس ما حصل شي..
سعود : لا حووول .. والعطشان يعني وش يسوي..؟؟ يموت من العطش مثلا...؟؟

طلع من الغرفة وجاته فكرة .. فتح باب الشقة وطلع .. نزل تحت وشاف الهندي
سعود : صديييييييييق ..
الهندي التفت وابتسم .....
سعود : تعال

راح الهندي لسعود باسرع ما يمكن ..
سعود طلع من جيبه المحفظة .. وطلع منها 5 ريال ...

سعود : شوووف .. روح اقرب بقالة وجيب لي 2 كوكا كولا.. والباقي اشتريلك فيه أي شي... طيب...؟؟
الهندي استانس وهز راسه بايجاب وكلها كم ثانية وهو طاير ع البقالة ...

وبعد شوي رجع وعطى سعود الكوكا كولا .. وكان مشتريله كيس فيه حلاو وبسكوت ..
سعود : شوووف .. عندك جوال..؟؟
الهندي : أي ..
سعود : طيب كم رقم جوالك ..

طلع الهندي رقم جواله وعطاه سعود ..
سعود : خلاص شووف .. انا اذا ابغى شي بدق عليك واقولك جيب .. طيب..؟؟ وبعطيك عليها فلوس .. زين ..؟؟
الهندي : طيب بابا ...

وبعدها سعود رجع لفوق .. ودخل الشقة .. وحط كوكا وحدة بالثلاجة .. والثانية فتحها وقعد يشربها بكل عطش .... وكانه كان تابه ف الصحراء وحصل موية ...

دخل الغرفة وشاف دلع للحين على المرايا بس كانت شايلة المكياج اللي كانت حاطته .. وكنت طالعة مرررة ناعمة ...

سعود " مااالت عليهم هالحريم .. ساعتين ع المرايا ما يشبعوون ..؟؟!! واحنا الرجال اللي ناكلها ونروح فيها ... !!!!!!!! "

لف وجهه وقعد على السرير يشرب الكوكاكولا ..
ودلع ما كانت عاطيته وجه ابد .. ومو عاجبها قعدته ف وجهها كذا ....

سعود وهو يقرا مجلة شاف قسم ديني... وفيها فتوى دينية .. وجاله اهتمام انه يقراها خصوصا انها تنساب وضعه .. !!

سعود وهو يقرا باهتمام : دلع صليتي...؟؟
دلع باستغراب : أي ليش..؟؟
سعود ترك المجلة : يعني تؤمنين بربك وتطيعينه صح ...؟؟؟!!

دلع مستغربة منه ومن اسلوبه .. وماهي فاهمة ولا شي..

سعود كمل وهو يمشي باتجاهها : ربك يا حلوة .. يقول انه الحريم لازم يطيعون ازواجهم صح ولا لأ...
دلع طالعته بنظرة سم : هذا اذا كان الزوج زي العالم والناس... !!!!
سعود ولا كانها قالت شي : وحق الزوج على زوجته وشو ..؟؟

دلع طالعته بحيرة : انت وش قاعد تقووول ... ؟؟
سعود قرب منها ووقف قدامها يطالعها باعجاب .... مد يده ومسك خصلة من شعرها ورجعها على ورى اذنها وقال بهمس : انتي جاوبيني..؟؟ حق الزوج على زوجته ايش؟

دلع ماهي عارفة وش تسوي .. وماهي فاهمة شي...
بس كل نظراتها التايهة .. ما منتعت سعود من شفايفها ..... ******

___________________________________
(( بيت ابو سعود .. غرفة لينا ))

( الساعة 9 بالليل )

دخلت ديمه الغرفة مستانسة .. الدنيا مو سايعتها ..
انسدحت على سرير لينا بكل وناااسة ..

ديمه " وااااي فديته .. اشترالي ساعة ما اصدق .. وريب برقص من الوناسة .. اكيد حس علي ... اكيد انتبه لنظراتي اللي ما رحمته المسكين .. بس وش اسوي .. يانااي يزننن الحقوووووني .... "

قطعت عليها لينا الجو : الووو يالمرااهقة ... !!
ديمة ابتسمت بحيا : هههههه نعم ..؟؟
لينا قعدت جنبها بطاقة وحيوية : وين عقلك ..؟؟
ديمة : وانتي وش دخلك ..؟؟ عند اللي يكون عنده .. ليش للقافة ..؟!؟
لينا : عند اخووووي ؟؟؟
ديمه : مو اخووك.. اللي معاه .. هههههه
لينا ابتسمت معاها .. بس حست بغصة بقلبها .. ما تدري ليش..؟؟

شوي الا يوصلهم صوت فيصل ف الممر ...

فيصل من ورى الباب : لينااأأ...
ديمه طالعت بلينا اللي قالت : نعم ..؟؟
فيصل : تعالي شوي...

طلعت لينا تشوف وش يبغى اما ديمه فووقفت عند الباب تسمع وش يقوول.. وكلها امل يقوول شي حلوو عنها ..

::
::
::

فيصل : عجبتها الساعة ..؟؟
لينا : اكيد عجبتها .. توني شفته لابستها ومستانسة فيها...
فيصل تنهج بارتياح : اشواا.. لاني ما عرفت وش اخذ لها .. انتي قلتيلي أي وانا ما اعرف شي باشياء الحريم .. تعرفيني ...
لينا : لا عادي.. بس انا كنت ما ابغاها تشوفني انا واختارها عشان كذا قلت لك انت تشتريها ...قلت لها انه مني ...؟؟!؟
فيصل : لأ ... اكيد تدري .. ولا انا ليش مثلا بعطيها هدية ..؟؟
لينا :حراام عليك ..
فيصل : مو على شي.. بس ما تقرب لي ولا اعرفها زيك .. احس فشلة اعطيها هدية .. خير ما اموووون عليها انا ...!!!!!!
لينا : طيب قلت لها انها مني..؟؟
فيصل ضرب راسه : يووووه ... نسيت والله ..

لينا فتحت عيونها ع الاخير " يا ويلي...!!! الحين بتحسب انه الهدية منه ... يووووووه .. هذا اللي كان ناقصني .. وش بقول لها ..انه الهدية مني مو منه...!؟!؟! والله بتروح فيها"

فيصل : شفيك ..؟؟
لينا تنهدت وهي تمسك راسها بيدينها الثنتين : ياربيي... ليش ما قلت لها..؟ تدري الحين هي وش بتحسب...؟؟ بتحسب انها منك ...
فيصل بثقة وابتسامة : لا ما اتوقع ... ما اعتبرها غير اختي .. لااكثر ولا اقل..
لينا " بس انت ما تعرف هي وش تعتبرك ... " : ولو فكرت ... وش بيكون موقفها لو درت بعدين انها مني مو منك ....
فيصل مستغرب : انت ليش كذا خايفة..؟؟ خلاص عاآدي .. ما بيننا شي عشان تحسب انه مني ... بعدين مني ولا منك مافي فرق .. كلنا اخوان ... صح ..؟؟
لينا خايفة : ص... صح ..

\
\
\
\
\

( غرفة لينا )

ديمه فاتحة عيونها الثنتين " لأ ... لأ ... ما اصدق .. يعني كل اللي كنت احس فيه واشوووفه بعيونه ... تخيلات..؟؟؟ اوهاآم..؟؟ اشياء مو صحيحة..؟؟ لأ .. مستحيييل "

رجعت من ورى الباب ووقفت قدام المرايا ....
ديمه : يعني الهدية من لينا مو من فيصل .....؟؟؟ صدق اني غبية .. انا ليش اتحمس زيادة قبل ما اتاكد من الموضوع ...؟؟

طاحت دموعها بشكل سريع على خدها الوردي الناعم ... واللي اسرع منها كانت يد ديمة اللي على طول مسحتها ....
ديمه تضحك بهستيره : ههههههههههه .. اجل انا صارلي 3 شهووور اتوهم واعيش احلام...؟؟؟ صدق اني غبية ...

بهالكلامات القليلة .. هدت نفسها ودفنت الحزن بقلبها عشان محد يحس فيها ..

/
/
/

فيصل قرصها على خدها : طيب ياحلوة .. روحي الحين وقوليلها انها منك عشان ما تحسب انها مني وما تقولك شكرا ....
لينا ابتسمت من حركته : طيب اوكي... بتروح الحين..؟؟
فيصل طالع ساعته : أي بروح .. تاخرت مرة .. الحين نسايم تكون تعبانة وتبغى من يمسك عنها امل وشوق ..
لينا : اوكي... سي يوووو بكرة
فيصل مشى عنها : انشالله .. باآآي..

تنهدت لينا ودخلت غرفتها .... وشاآفت ديمه ةاقفة قدام التسريحة وتصلح شعرها ..
لينا بحزن وتعاطف " الله يهديك يا فيصل ..!! وش بتكون ردة فعلها لو درت انها مو من فيصل ..؟؟ اكيد بتجن وتستخف.... ديمه واعرفها .. لا حبت تحب بقوووووة "

لفت عليها ديمة مبتسمة باصطناع : هلا لينا ..؟؟ شعنده فيصل...؟؟
لينا ارتبكت : ا... ل .. لا بس كان يقول لي انه اقوم سالم انه هو بيمر عليه بكرة عشان يروحون معرض السيارات ....
ديمه " بعد تكذبين..؟؟!! " : اهاااآ ..

___________________________________

(( سيارة رائد ))

( الساعة 11 بالليل )

رن جوال رائد وهو يسوق راجع للبيت ... والرقم كان غريب عليه

رائد مستغرب : مين هذا ..؟؟

رد : الووو ..
الصوت الناعم المايع اللي وصله : الوووو ..
رائد " بنت ..؟؟!! " : نعم ..؟؟
البنت : يا اللللللله .. انت ليش كذاآ تعاملك زفت بزفت مع البنات..؟؟ انا ما اصدق زوجتك دانة شلون بتتحملك ....!!؟!!
رائد عصب : من وين تعرفين زوجتي...؟؟؟ وانتي مين...؟؟ ومن وين جبتي الرقم..؟؟
البنت : على أي سؤال اجاوب اول ..؟؟

رائد وقف السيارة على جنب عشان ما يعصب ومن العصبية يصير فيه حادث لاسمح الله..

رائد بحدة : انتي مين ..؟؟
البنت : انا هتوووون ...!!!
رائد مستغرب وبقرف قال : هتووون ..؟؟ من هتووون انشالله ...
هتون مسوية فيها مفتخرة : هتووون بنت الـ( ..... )
رائد بطنازة : ههههه طيب..؟ الزبدة .. وش اسويلك ..؟؟
هتون : لابس عشان تحترمني شوي وتسويلي قدر وحشمة ..
رائد بتطنز : لا والله..؟؟ احلفي انتي.... يارييي بموت من الخوف ...
هتون : تراك سخيف....!!
رائد : انتي السخيفة يللي ما تربيتي ...
هتون عصبت : لا تغلط..!!!! لاتخليني اوريك شغلك ف زوجتك.....!!!!
رائد فتح عيونه ع الاخير : قسم بالله يا بنت الكلب... ان قربتي على شعرة وحدة منها ... وربي ما تلومين اللي بيصيرلك ... فاهمة ...؟؟
هتون : ههههههاااااي ضحكتي والله .. انا ما انتقم بالضرب والدم ... انا انتقم بالسمعة!!
رائد : وشووو ..؟؟ انتي وش تقولين..؟؟
هتون : زي ما تعرف يا رائد .. انا اعرف كل بنات الشرقية وحدة وحدة .. وكل شي عن كل وحدة فيهم .. واعرف عن علياء ونوور وميساء وحتى زهراء اللي ف القطيف اعرف عنها .....!!!!!!!!!!

رائد : والمطلوووب ..؟؟
هتون : المطلوووب تسمع كلامي زي الناس وتنفذه .. والا والله لا اخرب علاقتك بزوجتك .. وما اكون هتون لو ما نفذت اللي قاعدة اقوله الحين ...

رائد : المفروض الحين اخاف يعني..؟؟ وش اسويلك طيب..؟؟ زوجتي فاهمة وعاقلة وبتتفهم انه كان عندي علاقات قبلها ... وما احتاج احد يغطي علي .. لاني ما ابغى اعيش عمري بكذبة وانا اخبي عنها كل شي .. عشان كذا .. شوفيلك احد ثاني يسمع كلامك .. لاني بقول لها على كل شي .. يعني ماعندي أي شي يخليني اخاف منك ..

هتون ضحكت بسخرية : متاكد ..؟؟
رائد بكل ثقة : أي متاكد ... وانقلعي لوعتي كبدي انتي وصوووتك اللي يفقع الاذن .. وان شفتك يا حيووااانة داقة من جديد على هالرقم او على زوجتي .. ما تلومين الا نفسك .....!!! فهمتي ...؟؟

وسكر بوجهها بدون ما يعطيها فرصة تتكلم ....
وما لحق يركب السيارة الا ودانة داقة ...

رائد كان مرة متضايق من بعد اتصال هتون .. عشان كذا قرر يروح ويقول لها كل شي .. قبل لايوصلها خير وتصير مصيبة .. عشان كذا عطاها مشغووول......!!

___________________________________

(( بيت ابو سعود ))

( الساعة 11 ونص )

منال حطت كاسة الشاهي على الطاولة : وشخبار دلع وسعود ..؟؟ ما كلمتوووهم ..
باسمة ابتسمت بتصنع : الا ... فديتهم مرة مستانسين ...
منال : الله يهنيهم ... هم وين الحين...؟؟
باسمة : ا... هم الحين .. ف فرنسا ..... وبعد بكرة بيروحون ايطاليا .. وبعدها سويسرا وبعدها بيرجعووون ...
منال بوناسة : الله يهنيهم ياآرب .. وبرجعهم بالسلامة
باسمة " الله لايردهم ولا اشوووف وجههم من جديد يااآرب !! "

___________________________________

(( بيت ابو بندر ))

( الساعة 12 ونص بالليل )

دانة جات بتقوم وهي تضحك : ههههه سوري والله نسيت .. حطيت الصينية ف المطبخ بس نسيت اجيبها .....
مسكها رائد وقعدها جنبه وهو يبتسم : اقعدي اقعدي .. ماله داعي . ادري انك زوجة فاشلة خخخخخخخخ ...
دانة : لا والله..؟؟ تكفى يا شيف رمزي انت ....
رائد مسك يدها وباسها وقال وهو يبتسم : وش هالحلاوة هذي...؟؟

دانة حمر وجهها : ا.. احم ..
رائد : ههههههه يابنت صارلنا شهر مملكين وللحين تستحين..؟؟ لايكون بتقعدين كذا حتى بعد العرس ..؟!؟! ما يصير .. لازم تصيرين جريئة شوي ...
دانة فتحت عيونها الثنتين ع الاخير : اكثر من كذا ..؟؟!؟!
رائد : ليش انتي الحين جريئة يعني..؟؟ ماشاللله .. أي واضح .. !!!
دانة : طيب لحظة بقوم بجيب الصينية .. مو حلوة تجي وما اضيفك شي...

رائد مسكها وقعدها من جديد وهالمرة بنظرة جدية : لأ .. اقعد بقولك شي..
استغربت دانة نظراته وقعدت وهي مقعدة حواجبها : خير..؟؟ شصاير..؟؟
رائد نزل راسه وهو يلعب باصابها : كل الخير.. بس .. دانة عندي سؤال....

دانة : تفضل اسال...
رائد بلع ريقه : دانة الحين .. وش بتكون ردة فعلك لو مثلا .. شوفي انا قلت مثلا مو صدق ...
دانة : طيب وشووو..؟؟
رائد رفع راسه وطالع عيونها : وش بتكون ردة فعلك لو كنت مثلا اعرف بنات قبلك..؟؟

دانة وقفت وانهت الموضوع بابتسامة عذبه : مع اني متاكدة انك ما تسوي هالشي ولا سويتها .. بس لو صدق صار هالشي .. راح يكون آخر يوم اعرفك فيه ... !!!

وطلعت من المجلس تجيب الصينية بدون ما تعطيه فرصة يتكلم .....
رائد انصدم من ردها .. كان متوقعها تتقبل الفكرة ....

تنهد بتعب وضيق ومسك راسه بيدينه الثنتين " لا حوووول .. الحين وش اسوي .. شلون افهمها...؟ شلون اقول لها ....؟؟ اكيد ما بتتقبل .. وش كنت اتوقع يعني..؟؟ تقول لي عاآدي وكل الشباب كذا .... وين قاعدين احنا ف امريكا...!؟!؟ "

دانة : تفضل حبيبي ...
رائد اخذ كاسة الشاهي : تسلمين قلبي...

@@@@@@@@@@@@@@@@@@@@@@@@@@@@@@@@@@@@@

(( شقة سعود ودلع .. يوم الخميس ))

( الساعة 11 ونص الصباح )

فزت من نومها على صوت جرس الشقة اللي ما سكت ...
دلع " مين اللي بيجي من على الصبح..!؟؟! "

التفتت جنبها وشافت سعود نايم .. ولا كانه في احد يرن الجرس..
دفته ع الخفيف : سعود .. سعود قوم شووف مين عند الباب..

فز سعود من نومه ونزل من على السرير ورح وهو بدون فنيلة وفتح الباب ...
الهندي بابتسامة واسعة : صباه الكيــــــــــر !!! ( صباح الخير )
سعود حك عيونه بضيق : نعم...؟؟ خير...؟؟ شعندك من الصباح مزعجنا..؟؟

الهندي رفع بيده كيس ازرق : بابا انا معلوووم انتا جديد هنا... وامس يجي وما عندي شي في تلاجة .... أشان ( عشان ) كدا .. انا في جيبي هق انتا كبز ( خبز ) وجبن ولبنة .....

سعود فيه النوم : طيب .. شكرا .. كم الحساب...؟؟
الهندي : لا بابا ... هادا هدية من انا.....
سعود اخذ الكيس : طيب شكرا .. روح خلاص

الهندي نشب : بس ادا لازم آدي يأني ( عادي يعني ) انا في آخد فلوووس مافي مسكلة .....!!!!!!
سعود ضحك : هههههه والله انك قحيطي... طيب شووف .. بعدين بعطيك .. خليني الحين بدخل افطر والبس ...
الهندي هز راسه بوناسة : مافي مسكلة ...... أي وقت مافي مانئ ( مانع )

سكر الباب سعود : انت اصلا وش اللي عندك مو مشكلة ...؟؟!!؟!؟

راح للمطبخ وحط الكيس هناك .. وبعدين دخل الغرفة وحصل دلع قاعدة تلبس الروب الطويل فوق القصير اللي هي لابسته .... واول ما شافته وجات عيونها بعينه شالتها وراحت للحمام عشان تاخذ لها شاور....

ضحك عليها سعود ورجع انسدح على السرير وتغطى ....

___________________________________

(( بيت ابو فيصل ))

( الساعة 12 الظهر )

نسايم وهي تعبانة مرة : عثمان .. عثمان .. بو فيصل ...
بو فيصل نايم ورايح فيها : همممممم ..؟؟
نسايم : قوووم التليفون يرن ...
بو فيصل انقلب للجهة الثانية : كيفه
نسايم بعجز : يا عثمان ما صارت ... يمكن اتصال ضروووري .. قوم لا يكون فيصل صاير له شي.....
بو فيصل : خليه يصير له شي ...!!!!! احسن ...!!!!

نسايم تنهدت بتعب " لا حول والقوة الا بالله .. شلون بيقوم وهو سكران كذا..؟؟ شلون بيوقف على حيله وهو على هالحالة ...؟!؟!!؟ .. صبرك يارب ارحمني برحمتك ..!! "

وباقل من الثانية اتخذت قرارها وردت على التليفون .... " كيفه عثمان .. برد يعني برد "
نسايم : الووووو
الضابط : السلام عليكم ..
نسايم مستغربة " مين هذا..؟ " : وعليكم السلام ....
الضابط : لو سمحتي اختي معك مركز الشرطة.... عثمان بن فيصل الـ ( ..... ) وينه..؟؟
نسايم : ا... ع .. عثمان طالع ...
الضابط : طيب اختي .. لو سمحتي اول ما تشوفينه .. ممكن تقولين له يجينا مركز الشرطة...؟؟؟
نسايم خافت : خير اخوي ... عسى ما شر...؟!؟
الضابط : كل الخير انشالله .. انتي بس بلغيه بللي قلته ...
نسايم " الله يستر " : انشالله ...

سكرت نسايم وقلبها يدق من الخوف .. " الله يهديك يا عثمان .. وش سويت بعد ..؟؟ "

___________________________________

(( بيت ابو سعود ))

( الساعة وحدة الظهر )

وقف سالم وفيصل يسلمون على عبدالرحمن بعد ما ساعدوه ف تركيب الشنط للسيارة ...

عبدالرحمن : يعطيكم العافية ما قصرتوا...
سالم : افااا عليك ... اذا ما حطينا شناطكم .. شناط مين بنحط..؟؟
عبدالرحمن : يللا عاد لا تقطعووونا... تعالوا الرياض ... ها يا عبدالله ...؟؟
ابو سعود : انشالله ... باذن الله ف اقرب فرصة ....
عبدالرحمن لبو سعود : يالله مبروك عليكم زواج سعود ودلع من جديد .. عقبال لينا وسالم وفيصل بعد ....

سالم وفيصل : تسلم ...

عبدالرحمن : يللا انا استاذن .. ورانا طريق طويل...
عبدالله : ف امان الله .. من توصل بلغني عشان اتطمن ...
عبدالرحمن : انشالله... يللا يا ام عزييييز ... ديمه ...

جات ديمة وهي ماسكة اخوها عبدالعزيز وتمشيه جنبها ....
سالم : يللا ف امان الله .. نشوفكم انشالله قريب
ابتسمت : انشالله ..

التفتت على فيصل وشافته واقف ويطالع لينا اللي واقفة عند الباب .. وابتسمت زيادة ..
ديمه : يللا فيصل نشوفك على خير ...
فيصل انتبه لها : ها..؟؟ أي انشالله ... تعالوا من جديد ف اقرب وقت ...
ديمه : انشالله ..

وركبوا عايلة عبدالرحمن السيارة كلهم ....من بينهم ديمه اللي رمت آخر الشهور اللي عاشتها وراها ف الشرقيه ... وانطلقت هي وعايلتها راجعين للرياض عشان تعيش حياتها من جديد بدون ما يكون فيها احد يستحوذ على تفكيرها ومشاعرها ...

___________________________________

(( بيت بو رائد ))

( الساعة 5 المغرب )

دخل رائد البيت ... وهو طالع الدرج الكبير اللي يودي للدور اللي فوق سمع صوت..

ريم من الصالة : رؤوووووووووووووووودي ...!!

تراجع ونزل تحت ... وراح لها .... وهي وقفت وحضنته باقوى ما عندها وباسته على خده ....

رائد : اوووخص... وش هالحب اللي طرى على فجأة .... ؟!؟!؟!
ريم بعتب : يا حماآر ... صارلي فترة ما شفتك ...
رائد : هههههه مو طويلة مرة ... 3 ايام بس...
ريم : لا والله.... بس ..!!؟؟! قليل صح ...!؟!

رائد قعد ع الكنبة جنبها : ههههه بالنسبة لبيتنا اي ...
ريم قعدت جنبه وتسندت على حضنه ...

رائد مستغرب : ههههه يالدلوووعة .. وش فيك ..؟؟ فاقدة حنان...؟
ريم : لأ .. بس حاسة اني بروحي... ماما ف دبي .. وبابا ف الشغل 24 ساعة ... وانت دايم برى البيت .....
رائد يمسح على شعرها : طيب انتي ليش قاعدة هنا..؟؟ روحي عند اروى ...
ريم قامت وتعدلت ف القعدة وتنهدت : مسكينة اروى .. ماهي ناقصة عشان اروووح واثقل عليها ....
رائد : ليش...؟؟
ريم : مسكينة مرة حالتها مو عاجبتني ....
رائد تنهد بحزن : مسكينة ..... والله ما تستاهل ...
ريم : رائد .. أي صح كنت بقووولك من زمان بس نسيت...
رائد : ايش...؟؟
ريم : عيد ميلادها الاسبوع الجاآي... وكنت افكر نسوي لها حفلة هنا عندنا ..
رائد على طول : طيب ... وين المشكلة ...؟؟

ريم حطت يدها على خصرها : وين المشكلة ها..؟؟ لا ابد مافي ولا مشكلة .. انا اقدر اسوي كل شي بروحي ... ما احتاج أي مساعدة .. !!!!

رائد ضحك : هههههههه المطلوووب ...؟؟
ريم انفعلت : ياخي حسوا فيني شوي.. وربي اني بروحي ف البيت .. اكلم الجدران والخدامات .. زهقت ياآخي ..... راعوا شعوري واعرفوا اني موجودة بروحي ف البيت ع الاقل......

وبدون ما تحس نزلت دموعها .....

رائد انكسر خاطره عليها .. من جد هي مرة وحيدة ... يعني البنت الوحيدة وآخر وحدة ودلوووعة .. وامها بعيدة عنها ... وابوها بعد .... وحتى اخوها مو موجود معاها ولاهي بشغله ....

حضنها لصدره : خلاص .. اششششش.. خلاص هدي.. انا بساعدك ف الحفلة .. وبوديك تشترين كل شي تبغينه شرايك...؟؟ أي شي تبغيه قوليلي وخذي رايي .. وبتكون احلى حفلة لاحلى اروى .... ولا تزعلين ... انبسطتي الحين..؟؟

رفعت ريم راسها وهي تمسح دموعها وتهز راسها بالايجاب ...

رائد قرصها على خدها : يا حلوك وانتي تبتسمين ....
توسعت ابتسامة ريم : أي صح ... انت من متى تروح النادي حقك هذا حق العضلات..؟
رائد : ا.. من حوالي 9 شهووور ..ليش...؟؟
ريم باعجاب : لانه مرررررة جسمك صاااير واااااااو .. كانك دبابة مو رجال... يونس .. كاني حاضنة مخدة كبيرة مو اخووو .... !!!!! يا حضظها دانة والله ...!!!!!!
ضحك رائد : هههههه انتي ما تستحين على وجهك..؟؟ في وحدة تقول لاخوها كذا ؟؟!

ريم بجرأة : يعني وش اقووول .. جسمك مرررررة رووووعة وش تبغاني اكذب عليك مثلا واقول جسمك خايس .... هذي مو من طبايعي صراحة .. انا اللي احس فيه وافكر فيه على طول اقوووله .. ان كان صح وان كان غلط .. وحتى لو كان محرج .. ما استحي ..

رائد : هههههههه انا مدري انتي على مين طالعة ..؟؟
ريم بثقة : حلاة الشي ندرة وجوده ...
رائد ضربها بالمخدة اللي جنبه : مااااات عليك وعلى اللي يعطيك وجه ...

___________________________________

(( شقة سعود و دلع ))

( الساعة 6 ونص المغرب )

أذن المغرب ... وقامت دلع توضت وصلت ... وبعدها رجعت للصالة وحصلت سعود للحين فاتح على قناة روتانا ومندمج مع الاغاني من حوالي ساعتين ...

دلع قعدت : سعود ....
التفت عليها سعود وهو يدندن مع الاغنية ....
دلع : قوووم صلي المغرب ..
سعود وطى الصووت : ايش ..؟؟
دلع : قلت لك قوم صلي المغرب ... حرام صارلك ساعتين وانت قاعد قدام الاغاني كذا.. حتى صلاة العصر فاتتك ....
سعود : طيب ...

ورجع علا الصوت وصام يغني من جديد ...

شوي الا رن جواله ... وطلى الصوت ورد ..

سعود : الو .. هلا والله ... بخير الحمدلله .. انت وشخبارك..؟؟ شمسوي..؟؟ كيف حال الربع ...؟؟؟ والله...؟!!؟ شي حلووو ... الحين .. خلاص اوكي... 10 دقايق وبكون تحت .. تعرف مكان الشقة انت ولا ما تعرف ...؟؟ خلاص لما توصل عند الشارع الاول دق علي واوصفلك المكان ... خلاص طيب انا بلاقيك هناك ... اوكي .. مع السلاآمة ..

سكر عن صديقه وقام : دلع انا رايح شوي مع واحد من ربعي وما بتاخر ...
دلع : وين ...؟؟
سعود وقف وطالع فيها مستغرب : ايش اللي وين بعد ..؟؟ اقولك رايح ويا خويي ..
دلع : طيب دريت .. بس وين ..؟؟
سعود بتافف : افففف .. بدينا..؟؟ الحين وشدخلك وين ولا مع مين ...!؟!؟
دلع : شلون وش دخلني ... تخليني ف الشقة بروحي وتطلع مدري وين ولا مع مين..؟؟ .. شلون تصير هذي فهمني ..؟؟؟!!؟

سعود مسكها بيدينه الثنتين وهزها : شوفي .. دور الزوجة هذا اللي قاعدة تلعبينه .. ترى ما يليق عليك ابد فاهمة ..؟؟ مو يعني نمت معك امس يعني خلاص صرنا عاآدي .. طيووور كناري ...!!!! فهمتي .. انتي مالك شغل وين اروح ولا وين اجي .. مع مين ولا مين اللي معاي فاهمة ..!؟؟!

دلع مصدوومة من هالكلام اللي يقوله .. وخرته عنها بكل قرف وكره .. ودخلت الغرفة وسكرت الباب وهي تقول بصوت عالي : الله لايردك وافتك منك ومن هالورطة اللي انا طحت فيها وتزوجتك ....!!!!!

اخذ سعود مفاتيحه معصب ومتنرفز ع الاخير.... وطلع من الشقة ...

___________________________________

(( بيت ابو فيصل ))

( الساعة 7 بعد المغرب )
كان فيصل قاعد ف الصالة وشايل اخته امل ف حضنه ... وشوق قاعدة جنبه وتلون ف كراسة تلوين بكل استمتااااع ...

فيصل " اففف .... هذي وش فيها طولت داخل..؟؟ اكيد هزأها ومسح فيها الارض .. مسكينة الله يرحمها ... يعني وحدة بعمرها تكون للحين تدرس بالجامعة .. مو متزوجة وعندها اثنين وحامل ...؟!؟!؟!!؟!؟!؟! الله يرحمها برحمته يااارب ويفكني من هالبيت واحصل بعثة لاي دولة ثانية .... "

طلعت نسايم من الغرفة وسكرت وراها الباب ... وفيصل كان يراقبها باهتمام ...
جات اخذت منه امل وجلست ع الكنب جنبه .....

فيصل : ها وش صار..؟؟
نسايم تنهدت : واللهي هالرجال حيجلطني ف يوم من الايام ...!!!
فيصل : شصاااار ..؟؟
نسايم : اقوووله اتصل مركز الشرطة وقالوا انه يبغووونك تروح لهم ... يقول لي انا ماسويت شي وماله داعي اروووح ....!!!!!!

فيصل: طيب مو كل من راح الشرطة متهم ومجرم .....!!
نسايم : وربي قلت له ... بس موراضي يفهم ... يقول دامني ما سويت شي ليش اروووح ..؟؟ وماني ناقص فضايح .. وايش حيقولوا عني الناس ومش عافة ما ايه من كلامه الكتيييييير ......!!!!

فيصل : زوجك هذا متخلف...!!!
نسايم تنهدت : واللهي تعبت ... اقووله يمكن ما سددت مخالفة ولا حاجة تانية .. يقووول ماني رااايح .... خلااااص مقفل مخه .... !!!!!

سكتت وقعدت تطالع بنتها الصغيرة وهي نايمة بحضنها ....

فيصل : نسايم ...

رفعت راسها ....

فيصل : ا .. الحين انتي ف أي شهر...؟؟
نسايم ابتسمت : باقيلي اسبووع وبدخل ف التاني ...
فيصل : هههههه ما اصدق بيصير عندي اخو او اخت ثانية ....
نسايم : وناسة صح ..؟؟
فيصل : وناااسة ... بس انشالله لما يجي ما يكون زوجك موجود .. ما ودي يعقد له حياته زي ما سوى فيني ...!!!!!!

___________________________________

(( ف واحد من المقاهي ))

( الساعة 8 بالليل )

معاذ : عسى استانست ف شهر العسل ..؟؟ ما طولت ...
سعود وهو ياخذ نفس من السيجارة اللي بيده بطفش : أي لانه مافي شي نسويه هناك ... قلنا نرجع .....

معاذ بنص عين : شلون مافي شي يعني...؟؟ يعني ماامداكم تستانسون وتدورون وترجعووون ...
سعود طفى السيجارة بقهر : غير الموضوع .. ما احب اتلكم عن العايلة مع احد ...
معاذ يضحك : ههههههه طيب .. ايش اخبارك انت ..؟؟ مو عايلتك ...
سعود : بخير...
معاذ : وخالد ...؟؟

سعود وقف تفكير هنا .... هذا الشي اللي كان ناسيه طول الايام اللي فاتت ...

معاذ : شفيك ياخي وربي منت طبيعي ابد ....؟؟؟!!!

سعود وقف : انا رايحله ....
معاذ مستغرب : رايح وين ..؟؟
سعود : رايح لخالد ...

شال البكيت حق السجاير والولاعة والجوال والمفاتيح ومشى ....

لحقه معاذ : وين رايح ..؟؟
سعود وهو يفتح السيارة : قلت لك رايح لخالد .... زين انك ذكرتني ....
معاذ : ليش خالد وين ..؟؟
سعود وهو يركب : ف السجن .....!!!!!!!

ترك معاذ منصدم وحرك السيارة ومشى للسجن ......

___________________________________

(( بيت الجدة مزنة ))

( الساعة 8 ونص بالليل )

وقفت مها قدام الشباك الكبير الي ف واجهة البيت .... خاقة على اللي واقف تحت
مها : واااي عليه ... وربي يهبل.... مررررة يخقق ..

شافته وهو يمشي لسيارته ويطلع منها جواله .... حطه ف جيبه ... ورجع للمجلس بكل هيبة ورجووووولة .. مع انها شافت الكثير من الشباب .. بس زي ثامر ماقد شافت..

مها : افففف .. انا مدري وش بيصير بعدين ..؟؟ المشكلة ما ابغى اقوله اني انا .. وما ابغاه يتعلق ف وحده ماتدري عنه اصلا.....!!!!!!! اففففففف وش اسوي..؟؟؟

جات خلود : ا... مها
التفتت مها بزهق " وش تبغى هذي بعد ..؟؟ " : نعم ...
خلود : ا... خالتي تبغاك ...

مها مشت بكل غرووور من جنبها .. اما خلود .. فتنهدت وفتحت الشباك .. وطلعت للبلكونة الكبيرة ...... وقعدت تطالع السما ..

خلود بضيق " انا ليش احس اني غريبة..؟؟ مهما حاولت ادخل بينهم واتاقلم ماني قادرة ...!!!! "

؛
.
؛
.
؛
.
؛

..........: يا هوووووو !!
قامت من سرحانها والتفتت على مكان الصووووت .....

بندر وقف زين وعدل التشخيصة حقته يطالعها فوق: مسا الخير...
خلود التفتت حولها بخووف لايشوفها احد : وش تسوي هنا..؟؟ روح بسرعة لا يشوفك احد ...... !!!

بندر ابتسم : كيف الحال...؟؟
خلود مستحية وخايفة مرة : بخير ... يللا رووووح
بندر شاق الوجه : ماني رايح .. بكحل عيني شوي.....

خلود بتصيييييييييح " شفيه هذا انهبل...؟!! " : بندر خلاص روووح
سكر عيونه بفرح : يا حلووو اسمي يا ناااس .. اسمي احلى اسم ف الكون ...!!!

خلود فصخت الكعب حقها ورفعته بتهديد : افقش راسك..؟؟
ضحك بندر ومشى وهو يقول : لا لا لا .. اعوووذ بالله .. مو ناقص راسي ....!! يللا سلام..

ضحكت خلود ودخلت وسكرت الشبك والستارة وشكل بندر ماهو مفارق خيالها ابد ..

___________________________________

(( ف السجن .. ))

( الساعة 9 )

دخل سعود خايف ومرتبك .... هو عارف انه قصر مرة ف حق خوي عمره ... حتى لو دخل السجن .. كان المفروض ما يتركه .. ويسانده ويزوووره .. مو يخاف ويهرب ..!!

الضابط : اساعدك بشي...؟؟
سعود : لو سمحت اخوي انا جاي ابغى ازور واحد يقربلي هنا....
الضابط : وش اسمه ؟؟
سعود : خالد الـ ( ..... )
الضابط : طيب اخوي .. عندك اذن بالزيارة ...؟؟
سعود : وشوو ...؟؟ ومن وين اجيبه ...؟؟
الضابط : من مركز الشرطة ...
سعود : ماتقدر تدخلني بدون السالفة الطويلة هذي...؟؟
الضابط : لا والله آسفين .. هذا القانون وهذي الاجراءات كذا .. وانا مقدر اخالفها ..
سعود بياس : طيب شكرا ...

طلع يجر معاه كل التانيب اللي ف ضميره وحزنه على صديقه اللي توه تذكره وحس فيه .....

دخل السيارة وشغلها راجع للبيت .........

و ف الطريق ... حتى الراديو ما رحمه ...

حسافة صدق احساآسي ..
مع واآحد طلع كذاآب ...
ياليت اني لهذاآ اليوم ..
حبيبـــي قد حسبت حساآب ...

على طول مد يده بكل قهر وطفا الراديو ... ما يبغى يسمع ولا شي.. كل شي بهالدنيا ضده ....

طلعله سيجارة وهو يسوق وحاول يفتحها ... بس حتى السيجارة ما رضت تتولع .. وكانها بكذا قامت عليه ...

رماها من الشباك بكل قهر .... وزاد سرعة السيارة .... وعروووقه كانت طالعه من كثر الضغط على الدركسوون ... لين ما وصل الشقة ...

نزل وقفل السيارة .. وطلع للدور الثالث ... طلع المفاتيح ودخلها ف فتحة الباب ودخل الشقة ....

كان كل شي على حاله .. زي ما طلع وتركها ..

مشى ببطئ ورمى نفس بتعب على الكنبة .. التفت على غرفة النوم .. وشاف انه النور فيها مطفي .... فتنهد وغمض عيوووونه .... على امل انه بكرة يكون احسن من اليوم ......

@@@@@@@@@@@@@@@@@@@@@@@@@@@@@@@@@@@@
نهاية الجزء الـ 18 ....

شرايكم....؟؟؟

ديمه انتهى موضوووعها... توقعتوا يصير لها كذا...؟؟

دلع المسكينة ... وسعود الضاااآيع ... وبعديـــــن...؟؟

خلووود .. مهاآ .. بندر ... وثاآمر .... وش راآح يصير ف الاآخير...؟؟

وايــش راآح تكون نتيجة كذب مهاآ.....؟؟؟

الجزء الـتاسع عشر ( التسعطعش ) :.

(( يوم الجمعة .. بيت ابو فيصل ))

( الساعة 11 الظهر )

طلع فيصل من الغرفة يركض وهو يسكر ازرار الثوب حقه ..... وبالطريق شاف نسايم تناديه ....

وقف مستعجل : انا رايح .... سعود برى
نسايم : الله معك ... شوووف .. متى بترجع...؟؟
فيصل : ا... والله مدري.. بمر بيت سعود شوي .. بعدين برجع
نسايم : طيب ... لا تتاخر .. ابغاك تروح معاي المستشفى .. اليوم بسوي اشعة ..
فيصل ابتسم من قلب : والله..؟!؟! خلاص انشالله ... ماني مطول .. بالكثير ساعة ونص وارجع ....

نسايم ابتسمت : شكرا ...
فيصل مشى : يللا مع السلامة ...
نسايم : مع السلامة ..

طلع من البيت وركب سيارة بيت ابو سعود وكان سعود راكب قدام ..
سعود : وينك...؟؟ تاخرت...!!
فيصل : اخذت لي شاور على السريع ..
سعود : طيب .. شوووف .. وين نروح الحين الجامع اللي عند بيتنا ولا الابيض اللي رحناه الاسبوع اللي فات .....؟؟
طالعه فيصل بنص عين : تفرق يعني...؟؟ كلها تقيم الصلاة وفيها امام يخطب ... توكل على الله على أي واحد لا تفوتنا الصلاة بس...

___________________________________

(( شقة سعود و دلع .. ))

( الساعة 11 ونص )

وقفت تطالعه مستغربه " هذا متى رجع...؟؟ ما حسيت عليه ... شكله رجع متاخر ... مااااالت .. اصلا انا ليش اهتم ...؟؟!! "

دخلت غرفتها من جديد ووقفت قدام المرايا عشان تمشط شعرها وترفعه .. بس اول ما طاحت عيونها على خيالها اللي بالمرايا ... جاها صوووت ضميرها " لا يا دلع ... انتي من متى كذا ...؟؟ من متى تحقدين على الناس حتى لو كانوا غلطانين بحقك وتقسين عليهم...؟!؟!!؟ انتي مو كذا .... ما يصير اللي تسوينه لانه هذي مو شخصيتك .... "

وبعد تانيب الضمير اللي جاها ... لفت شعرها بسرعة ولبست لها بنطلون جينز وبلوزة بنفسجية بدون اكمام وطلعت من الغرفة .....

قعدت ع الكنبة جنب سعود وقالت بكل هدووء : سعووود .... سعووود ..

سعود ما رد .. ولا تحرك ولا حركة ....

دلع تدفه : سعووود ... سعود قوووم ...

سعود : ............ مافي استجابة ....

دلع قامت خايفة وقلبها يدق بقوه : شفيه هذا ...؟؟ لايكون صارله شي...؟؟؟؟

ركضت ع المطبخ وجابت كاسة موية .... وبللت يدها ورشت شوي على وجهه ... وقامت ترش وترش لين ما فتح عيووونه بكل ثقل ....

تنهدت بارتياح وحطت الكاسة على الطاولة وجلست جنبه تهزه وتضربه بالحفيف على وجهه عشان يصحصح : سعووود .. سعووود انت معاي...؟؟ سعود صاحي..؟؟

سعود يطالعها وهو مو بوعيه ...........

دلع : سعود .. كلمني..... خذ اشربلك مويه ... صحصح ...

شربته مويه وخلته يقوم ويتسند زي الناس لين رجعله وعيه ...

دلع : صجصت ...؟؟
سعود تنهد وسند راسه من جديد عليها وغمض عيونه .....

دلع : سعووود فيك شي..؟؟ اتصل ف الاسعاف ...؟؟
سعود هز راسه بالنفي وقال بصوت مبحوح : لا....

وقعد ساند راسه عليها لين صحصح زي الناس وقام وقف ....
دلع قامت تسنده : تحس بشي...؟؟
سعود : لا لا .. ما فيني شي .. بس ابغى آخذلي شاور ...
دلع : لا .. لا تتروش الحين .... اصبر لين تروح منك الدوووخة بالكامل وبعدين روح تروش..

سعود وخرها عنه : دلع .. بسك حركااات ودراما ... ما فيني شي...!!!!!!

انجرحت دلع ... بس تركته براحته ....

مشى سعود ببطئ وثقل للحمام .....

___________________________________

الجامع ... صلاة الجمعة ))

وقف رائد منحرج واللي حوله كلهم يلتفتون عليه ...

طلع من المكان اللي هو فيه .... ورد وهو معصب ...

رائد : الوووو.....
هتون : هاااآي ...

رائد عقد حواجبه : هذا انتي..؟؟
هتون بدلع : طبعا .. اجل مين ...؟؟ في وحدة ثانية يعني...؟؟ ما اتوقع .. ما دريت ..
رائد تنرفز : نعم خير...؟؟؟ انا ما قلت لك لاتدقين .. ليش داقة ...؟؟
هتون : والله زهقانة وقلت ادق اسووولف معاك شوي .. بما انك ماااي بارتنر اللي بتساعدني ف البزنس حقي....!!!

رائد : لا والله..؟؟ احلفي عاااد..؟؟
هتون : لا تتطنز .. ترى تعرف انا ايش ممكن اسوي اذا ما نفذت اللي ابغاه منك ...
رائد : تحسبين بخاف منك ...؟؟؟ يا ماما انا رائد .. ما تخوفني مره ... فاهمة ...؟؟
هتون ضحكت : هههههههه آآآآه يا رائد .. والله انك عسل...

رائد عصب : اقووول .. انتي تعرفين انه الحين وقت صلاة..؟ ولا ما تدرين عن الصلاة اصلا..؟!؟!!؟
هتون : يوووه .. اوووه صح .. نسيت انك تروح وتصلي... على بالي زي اول...!!!!

بدون ولا كلمة ثانية سكر ف وجهها ....

ورجع دخل المسجد يكمل الخطبة .....

( من جهة ثانية )

سالم : ما قلت لك ... شوووف جاله اتصال وطلع ...
فيصل : خخخخخ هذا واحد ماعنده وقت ... حتى ف الصلاة ..؟؟
سالم : صااايع ... وش تبغى منه بعد ...؟؟ عاطل عن العمل وصايع ومخاوي بنات ..
فيصل دفه بالخفيف : ههههه اقووول اسكت ... استغفر الله .. انا خبري الكلام حرام وقت الخطبة ....

ضحك سالم وسكت يسمع الخطبة ...

___________________________________

(( بيت ابو عوض ))

( الساعة 3 العصر )

رن التليفون اكثر من مرة .. الين ما جات اروى تركض وردت ...

اروى ماسكة كتابها : الووووو

ريم : السلااااااااااااااااام ..
اروى ابتسمت : وعليكم السلام .. هلا ريم ..
ريم : كيف حالك ...؟؟
اروى : بخير الحمدلله .. انتي وشلونك ..؟؟
ريم : انا فاااااآين ...
اروى : ههه اعصااابك يالهااي كلاآس .. وشخبار خالتي وعمي عبدالهادي..؟؟

ريم : والله كلهم طيبين يسلمون عليك ...
اروى : الله يسلمهم ...
ريم : طيب ما سالتي عن رؤووودي ...
اروى : هههه أي صح شخباره...؟؟ وكيف دانه ..؟؟
ريم : راائد تمام التمااآم .. مسكين متحمس...
اروى : اكيد متحمس .. ما بقى لعرسه غير اسبوعين ..

ريم بفرح : أي والله .. شفتي كيييف .. الحين بصير صدق لوحدي ف البيت ..
اروى : ههههه يعني نفس حالتي ..
ريم : اقووول اروى
اروى : نعم ..؟؟
ريم : شتسوين الحين...؟؟

اروى : قاعدة ادرس .. عطونا المدرسة اختبارات طول هالاسبوع .. وحضرت اختبار .. وباقي احضر للثاني عشان ارتاح ليلة الاختبار ...
ريم : اهااا.. يللا الله يوفقك ...

اروى : ليش تسالين..؟؟
ريم : بغيت اقوولك انه صديقاتي بيجون عندي يوم الثلاثاء وبسوي حفلة كبيرة ..
اروى : عشان وات..؟
ريم :ههه انعديتي مني..؟؟ قمتي تتكلمين نص عربي ونص انجليزي ..
اروى : هههههه الله يقطع ابليسك ..

ريم : عشان وحدة من صديقاتي ما بتكمل الجامعة ... ملكتها يوم الخميس .. ونبغى نسوي لها حفلة مفاجأة .... وهي ما تدري...

اروى : واااو .. نااايس.. اكيد بتستانس .....!!!
ريم : اكيد بتستانس ... تجين ..؟؟
اروى : مممم .. والله مدري... بس اذا بجي ما بجي بروحي.. بجيب غادة معاي ..

ريم : ذاااات از فاانتاااستك ...!!!!
اروى : اعوووذ بالله .. هالاجانب لاحسين مخك ...
ريم بدون ولا ذرة حيا : لا والله مو الاجانب .. فديت السعوديين اللي عندنا ...
اروى : اوووووه ... وش هالتطور ... ؟؟؟

ريم : احم احم ... بوريك صوره لما تجين يوم الثلاثاء ...
اروى : بعد عندك صوره..؟؟
ريم : افااااا عليك .. والبطاقة الشخصية .. ونسخة من صورة الجواز بعد ....!!!!!
اروى : ههههههه لا لا لا .. السالفة يبغالها قعدة طويلة ..
ريم : عشان كذا ابغاك يوم الثلاثاء تجين ... بليــــــــــــــــــــز ....!!

اروى تحمست : اوووكي انشالله .. بقول لماما وبرد لك خبر....
ريم : اذا ما رضت قوليلها ريم تقول لك تكفيييييييييييين ..
اروى : اوكي .... سي يووو
ريم : بااااي ..
اروى : باي..

___________________________________

(( شقة سعود و دلع ))

( الساعة 4 العصر )

طلع سعود من الغرفة بعد ما نام له شوي .. وراحت منه الدوخة ....

ما حصل دلع ف الصالة .. فراح لها للمطبخ ... وحصلها هناك ...

كانت قاعدة وتشرب لها كوب كوفي على الطاولة ....

سعود : هااااي ..
دلع : ....................... ما ردت

تركها ودخل ... فتح الثلاجة وطلع له علبة بربيكان .. حطها على الطاولة قدامها ... وشوي الا اختل توازنه و جا بيطيح ...

بس دلع قامت بسرعة خايفة وسندته : بسم الله عليك ... سعود شفيك ..؟؟
سعود وقف زي الناس وضحك : خخخخخخ صادووووه ...

دلع " يا سخفك..!!! " .. طالعته باستحقار : ترى ما يضحك ...

وطلعت من المطبخ للغرفة وسكرت الباب ...

لحقها سعود .. فتح الباب ودخل : ليش طلعتي من الطبخ انا واكلمك ..؟؟
دلع مسكت مجلة وقعدت تقراها : لانه مافي شي تقووله ... وانا مالي خلقك ..

سعود : طيب .. قومي البسي خلينا نطلع ..
دلع ولا طالعته : ما ابغى ...

سعود : ما استشرتك ... الحين تقومين وتلبسين بنطلع ...
دلع طالعت فيه بقهر ورمت المجلة : يعني كل شي بالغصب..؟!؟!؟ انت ليش تحب تتحرش...؟؟؟ خلاص خليني بكيفي وانت بكيفك ... لا تكلمني ولا اكلمك .. عشان تكون مرتاح وانا ارتاح بعد ... ما تفهم ...؟؟ !!!!!

سعود : بكل بساطة .. لاني زوجك .. ويللا قدامي لا والله ما تشوفين شي يسرك... ولاتنسين محد هنا عشان يدافع عنك ... فهمتي ..؟؟
دلع تتطنز : يعني ايش بتضربني..؟؟ ما انت كم مرة مديت يدك علي .. مو اول مرة بتسويها....!!!!!

سعود قرب منها ومسكها من وجهها : ترى انتي للحين ما شفتي شي مني... لاتحسبيني سهل.... والضرب اللي اكلتيه موب شي.. انا لو ابغى اضربك صدق .. كان صبحتك على الضرب ومسيتك على الضرب .. فهمتي..؟

دلع بقرف : اكررررهك ..
سعود وخر عنها وهو يضحك بابتسامة : صدقيني حتى انا احس بنفس الشي... مو اقل منك .. بس وش نسوي.. هذا قدرنا ولازم نتحمل صح ...؟؟؟ لاننا اسعد زوجين ف الدنيا .....!!!!

___________________________________

(( ورشة ابو بندر ))

( الساعة 6 المغرب )

كان رائد قاعد يكلم ثامر عن الشغل .. وانه لازم يشدون حيلهم شوي لانه ابو بندر معطيهم الاسبوع الجاي اجازة .. فلازم يخلصون كل الشغل هالاسبوع ..

رائد : المهم .. بلغ جاسم يقووول للعمال انه اذا ما خلصوا الطاولات حقت محل بوسبيت .. والله لا يداومون الاسبوع الجاي ويشتغلون ... وينخصم من رواتبهم كلهم...
ثامر : انشالله ...

رائد : وانت اكد على الهنوود اللي يسوقون الددسن وينقلون الاغراض .. انا كلمني مدير محلات العصفور ... يقول الخشب يجي مخدوووش وبعضه مكسر ... ومو عاجبه الشغل .... فقووول لهم .. اللي يخدش شي او يكسره .. راح يشتريه من المحل ... فهمت...؟؟

ثامر : أي فهـــمت ... انشالله ..
رائد : طيب ابغاك الحين تجي معاي لابو بندر ... وجيب ملفات الحسابات حقت هالاسبوع ....

رن جوال ثامر.................

ثامر ارتبك : ا... طيب روح انت .. دقيقة ولاحقك ....
رائد راح : يللا بسرعة ...

طلع ثامر برى الورشة ... ورد ..

ثامر : الوووو
مها تصيح : الو .. ثااااامر ....!!
ثامر مستغرب : خلووود ..؟؟ شفيك تصيحين ..؟؟
مها : اهئ اهئ
ثامر : اهدي وكلمني شفيك..؟؟ من مزعلك ..؟
مها : و .. ولا شي..ب ... بس ضايق خلقي.. وشفت كابوس من شوي ...

ثامر ماسك الضحكه : هههههه الله يهديك .. حسبت فيك شي ...
مها : والله الكابوووس يخوف .. شفت انك سويت حااادث...!!!
ثامر " كفاانا الله شرك وشر احلامك " : ههههه عادي حبيبتي .. حلم .. اقرئي المعوذات وارجعي نامي ...
مها : لاااا ما اقدر انام من جديد ... اخاااآف ....!!

ثامر : طيب خلود قلبي.. انا الحين مرة مشغووووول .. لازم نخلص كل الشغل اليوم .. لما ارجع البيت بكلمك... طيب..؟؟
مها : افففف.. طيب .. بس لاتنسى تكلمني ...!!
ثامر : انشالله .. ولا تزعلين... امسحي دمووعك عشاني لاتصيحين .. وغسلي وجهك ... وروووقي ... طيب حياتي ..؟؟

مها : طيب ....
ثامر : يللا باي ...
مها : باي ...

سكر ثامر عن مها : لا حووول .. انا من وين احصلها ...؟؟ من الشغل ولا من هالبنات الدلوووعاااات ..؟
ولا من الجامعة ...!!!؟؟؟ صدق هالدنيا قرررف ...

___________________________________

(( مطعم تشيليز ))

( الساعة 7 بالليل )

قعدت دلع تلعب بالشووكة وهي تطالع الناس حولها ... ولا واحد فيهم ساكت ومسكر فمه .. الكل يتكلم .. وكل الشفايف تتحرك .. الا هي وسعود ... هو يطالع الرايح والجاي .. وبتسم لها بسخاااافة ... وهي ماهي عاطيته وجه ... وكارها عمرها ..

سعود : اذوووق من صحنك .... ؟؟؟
دفت دلع الصحن عنده : خذه كله ما ابغاه ...!!
سعود : كيفك ... توفرين ..

دلع " ياربييييي .. ارحمني من سخافة هالانسان ... !! "

___________________________________

(( بيت ابو بندر ))

( الساعة 10 ونص )

رجعت دانه تعبانة مرة .... هذي اول مرة تروح فيها شوبينغ للعرس حقها ... اشترت كثير اشياء ...

دانة رمت الاكياس على الكنبة : ماما وربي تعبت... آخر مرة ارووح شوبينغ قبل العرس..
ام بندر فتحت عيونها الثنتين : لا والله ..؟؟؟ حبيبتي هذي البداية .. تونا ما رحنا مكان ولا اشترينا ربع اللي نحتاجه ...

دانة : ماما انا ما ابغى عرس الوليد بن طلال.....؟؟؟!؟؟!!؟!؟
ام بندر :حتى لو .. بس لازم ...
دانة : وش اللي لازم .. بس فستان عرس وصندل ومكياج وعطور ... وخلاص ...!!!
ام بندر : انتي فاهمة السالفة غلط ... والملابس حقت بعد العرس ...؟؟
دانة : عندي كثير ملابس للحين ما لبستها ولا مرة ...

ام بندر مسكت راسها : ياربييييي صبرني ... الوحدة لما تتزوج تجدد ملابسها لانه حياتها كلها بتتجدد وتتغير .... فهمتي..؟؟
دانة طالعت فيها دقيقة : .............................لأ

ام بندر : قومي قومي... روحي غرفتك وحطي الاكياس ف الدولاب .. روحي قبل ما اذبحك الحين ... قال ما ابغى ملابس قال ...!!!!!!!!
طلعت دانة بالاكياس الكثيرة وهي تلوي بوزها يمين ويسار مو عاجبها الوضع ...

@@@@@@@@@@@@@@@@@@@@@@@@@@@@@@@@@@@@@

(( اليوم الثاني .. يوم السبت .. بيت ابو رائد ))

( الساعة 12 الظهر )

فتحت الباب ريم بكل نشاااط وهي شاقة الوجه : صباااااااح الخير....

وشافت رائد نايم ف السرير بدون فنيلة : اوووومااااي غووود ... what a hero!!!!

قربت وقعدت على طرف السرير : رؤووووودي ... رؤوووودي قووووووووووووم ...
رائد حط راسه تحت المخدة : انقلعي ابغى انام ....
ريم : وش قلنا ..؟؟ ترى الحفلة يوم الثلاثاء ورانا شغل كثيــــر.......

رائد : روحي مع ابوووي ...
ريم : افففف ... بابا امس بالليل راح لايطاليا ... يقول عنده احتماع ضرووووري ...
رائد : اففف والله تعبت امس .. خليني انام شوي ....
ريم : أي صح تعبت.... مين قال لك كلم دانة لين آخر الليل....؟؟؟!!!

قام رائد وفز وقعد : يوووه ... نسيت امس ما كلمتها ... انا قلت لها الصباح اني بمر عليها ... بس نسيت ....
ريم : خخخخخخخ الحين تكون زعلانة عليك..... واك واك ..
رائد مسك المخدة وحذفها فيها : مع وجهك تتطنزين ...؟؟ هذي لو تزعل علي بتخرب كل شي انا مخطط له ...

ريم انسدحت : طيب والحين ...؟؟
رائد : الحين ايش..؟؟

ريم قامت بسرعة : جاتني فكرة ....!!!
رائد : ايش يا ام الافكار انتي..............؟؟؟؟

ريم بوناسة : توديني اشتري للحفلة وناخذ معانا دانه .....!!!!
رائد بنطازة : احلفي.......!!؟؟
ريم : والله .. فكرة حلوة صح ...؟؟؟
رائد : اقووول انقلعي انتي وافكارك .. مين اللي بيخليها تطلع معاي الحين .. محد يخلي بنته تطلع مع خيبها قبل العرس.....
ريم : طيب انا بكون معاكم ...
رائد : حتى ولو .. ما بيرضووون ....

ريم : اففففف ... طيب خلاص ... نخلص بسرعة .. بعدين نمر عليها ...
رائد : نمر...؟؟ خير ... وين قاطة وجه انتي..؟؟
ريم : حرااااام عليك ... وربي بموووت وانا لوحدي ف البيت ....
رائد : لا مافي ... انتي برجعك البيت بعدين بروح لها لوحدي....
ريم : اففففف.. طيب ... بس والله كل اللي باخذه الحين على حسابك .. ما باخذ ولا بطاقة من بطاقاتي ....

رائد : هههههه بخيلة ... انا وش دخلني ف عيد ميلاد بنت عمك ...؟!؟!؟!
ريم ضربته بالخفيف على كتفه : تراها بنت عمك بعد يالمفصخ اللي ما تستحي... !!!

رائد : ههههههه من قال لك طالعي ...؟؟ غمضي عيونك او لفي وجهك ... او الاحسن .. اطلعي برى ...
قامت ريم بتهديد : كاشي يا اووووستاااز رائد ... انا حوريـــــــــــــــك ....!!! معاك 10 دقايق وراح اكون لابسة ومخلصة وبتوديني ... تغديني وبعدين نبدا نتسوق ...
رائد : تتشرط بعد ..؟؟ !!!

___________________________________

(( بيت ابو فيصل ))

( الساعة 2 الظهر )

نزل ابو فيصل من السيارة ... وتفاجأ بسيارة الشرطة الواقفة عند البيت ...

ابو فيصل : لا حووووول .. وش هالورطة اللي طحنا فيها..؟!؟!؟

نزل شرطي من السيارة لابس نظارة سودا : السلام عليكم ..
ابو فيصل : وعليكم السلام ..
الشرطي : عثمان الـ ( ..... )؟؟؟؟
ابو فيصل : ا... أي نعم ...

الشرطي : طيب ممكن اخ عثمان تتفضل معانا لمركز الشرطة ...؟؟
ابو فيصل : خير ...؟؟ شسالفة ..؟؟
الشرطي: تفضل معانا .. وراح تعرف كل شي ف المركز ...
ابو فيصل : طيب بس ... زوجتي حامل وتحتاج اوديها المستشفى ...

الشرطي : تطمن .. زوجتك بخير.. تونا مكلمينها على الجرس وقالت انها بخير وما تحتاج شي....
ابو فيصل " رحنا فيهااا...!! " : طيب .. مو مشكلة ..

دخل ابو فيصل السيارة وراح معاهم للمركز ...

الضابط : الاخ عثمان الـ ( ..... )؟؟
ابو فيصل طفش : أي...
الضابط : طيب اخوووي .. في شكوى جاية ضدك ..
ابو فيصل بتمثيل دور البريء : خير..؟؟
الضابط : ف يوم الاربعاء .. الموافق ؟ / ؟ / ؟؟؟؟
ابو فيصل : شفيه..؟؟
الضابط : متى رجعت البيت ..؟؟
ابو فيصل : ما داومت ...
الضابط : ما داومت ...؟؟
ابو فيصل : لأ...
الضابط : غريبة ... لانه عندي ف الملف هذا .. توقيعك انك حضرت ف الدوام الساعة 7 الصباح .. وطلعت من الدوام الساعة 2 الظهر .. وهذا بحسب معلومات الكمبيوتر .. يعني مو احد يمكن يكون ملبسك التهمة ولا شي.... !!!!!!!!

وطاااح فيها ابو فيصل .....

___________________________________

(( شقة دلع وسعود ))

( الساعة 2 ونص )

سكرت دلع الثلاجة بقهر : اففففف .. وين الاغراض اللي كتبتلك اياها عشان تجيبها..؟؟ الحين وش اطبخ ...؟؟؟؟؟!!!!!!

سعود اللي كان قاعد فصالة كعادته قدام التلفزيوووون : ما جبتها....

طلعت دلع للصالة معصبة : انت متى بتتعلم المسؤووولية ..؟؟ الحين فاتح بيت ومتزوج .. وما تبغى تقوم تجيب اغراض للبيت ... وتقول اطبخيلي بعد ..!!!! وش اطبخلك ...؟؟؟

سعود سكر التلفزيوون بزهق : اووووووه ... انتي لما تفتحين فمك ما يتسكر ..؟!؟!؟ ذبحتينا عاااااد ..... اطبخي أي شي ...
دلع : وش اطبخ ..؟؟ ماف ولاشي ... تعال شوف الثلاجة فاضية...!!!!!

سعود رمى الريموت على الكنب : وش اسوي يعني..؟؟ من وين لي الفلوووس... ها..؟؟ من وين لي اجيب واصرف عليك من ويييين ...!؟!؟!؟!!؟ قوليلي ....
دلع : وين الفلوس اللي حولها لك عمي...؟؟

سعود : خلصت .. كلها صرفتها عليك ف الكويت وعلى الطلعات اللي اطلعك اياها ...
دلع فتحت عيونها الثنتين : وليش تطلعني..؟؟ كم مرة اقووولك ما ابغى اطلع .. ليش تطلعني دامك ما تقدر....؟!؟!؟!!؟!؟ شايفني ميتة على الطلعة معك؟؟ ... دامك مو قد الطلعة لاتطلعها...!!!!!

سعود قام شايل مفاتيح سيارته : تدرين شلووون .. انتي وحدة ناكرة جميل ... محد يسويلها خير........

وجا بيطلع من الشقة بس دلع راحت ووقفت عند الباب : لا ما بتطلع ... مو كل ما حسيت انه الوضع مو لصالحك وما يعجبك تطلع وتنسحب .. وتخليني هنا بروحي... تخيل احد يكسر الباب ويدخل وانا لوحدي ف البيت ...!!!!!!!!!!
سعود : وخري عن طريقي .. ماعندي شي اتفاهم معاك فيه .. وما عليك شر ..
دلع فتحت الباب بقهر: طيب .. اطلع ... اطلع .. وشوف وش بيصير .. انا اوريك ..

سعود : اشوف قمتي انتي اللي تهددين الحين .. انقلبت الادوار..؟؟؟؟
دلع : أي انقلبت .. اطلع الحين روح ودور مع ربعك اللي بيضعووونك ... وانا اعرف كيف اتصرف معاك ....

طلع سعود من الشقة وهو يضحك ويتطنز عليها .. اما دلع فسكرت الباب بكل قوتها وقفلته : انا اوريك .... ان ما خليتك تتعلم المسؤووولية وتصير رجال ... !!! خليه يروح ويصيع ويخاوي ..... كل شي بحسابه قريب....

___________________________________

(( عند رائد ودانه ف السوووق ))

( الساعة 5 العصر )

ريم : رائد رائد .. شيل الكيس هذا كسر يدي.....!!
رائد اخذه منها : وهذا الكيس رقم 7 اللي اشيله ......
ريم : ياحلوك والله شكلك كيوووت فيهم ..

رائد تعبان : كيوووت بعينك .. هديتي حيلي انتي ومشوارك اللي ما خلص لسه ..
ريم : معليه رؤووودي اصبر شوي .. لاحق .. والله بتروح لدانه ماهي طايرة ..
رائد : وين اروح لها وانتي تفرين من محل لمحل وتشيلين كل البضاعة اللي فيه..؟!؟!!؟!

الا ويرن جواله ...

رائد : الحين وين ارد وكل هالاكياس بيدي .... ؟!؟!؟!؟
اخذت ريم منه كيسين .. وخلت الباقي ..
رائد : لا والله .. سويتي خير يعني..؟؟

قام ويرمي الاكياس بالارض ويطلع الجوال من جيبه ...

رائد : الووو ... وعليكم السلام ... ( ابتسم ) هلا جابر ... بخير الحمدلله .. وانت كيف الحال..؟؟ ووش اخبار الشغل..؟؟ الحمدلله ... والله الشغل عندي ماشي تمام التمام ... آمر ... بكرة..؟؟ ليش...؟؟ ضرووووري مرة يا جابر...؟؟؟ خلاص طيب .. ابشر .. بكرة الصباح الساعة 10 بكون عندك ... ماشي .. انشالله .... تامر امر .. مع السلامة ..

رائد تنهد : شفتي..؟؟ ماخلصت منك عشان يطلعلي شغل جديد .....
ريم : يوووه ... لاتحن كثير .. اصبر قريب اخلص... بس باقي اروح محل aldo

رائد : امري لله ... يللا ..

___________________________________

(( بيت ابو فيصل ))

( الساعة 8 المسا )

دخل فيصل خايف البيت .... وشاف نسايم مرعوووبة ف الصالة وجنبها شوق تصيح ...

فيصل : نسايم ... شصاير....؟؟
نسايم : فيصل ابوك من طلع الصبح ما رجع ....
فيصل : معقوووله ..؟؟!! يمكن طالع مع ربعه ... تعرفينه دايم معاهم ...
نساايم : حتى ما يرد على جواله .. والشرطة اتصلت اليوم الصباح وسالت عنه ..
فيصل بكل هدوء : يمكن مسكوووه ...

نسايم : مسكوووه ..؟؟ ليش هو ايش سوى...؟!!؟
فيصل : مدري عنه .. يمكن مهربله قارورة خمر ولا شي من خرابيطه المعتاده .. هدي بالك .. ما يستاهل تخافين عليه كذا ...!!!

شوق تصيح وتاشر على اصبعها المجروح: مامااااااااااااااا .... ماما يعورني ....
نسايم : معليه حبيبتي .. الحين يخف الالم .. اكيد بيعورك شوي ...

راحت عند فيصل : فيييييييييييييثل .. مررررة يعووووووور .. ثووووف ...
فيصل شالها وقام يدور فيها ف الصالة : معليه . الحين بيخف .... انفخي عليه انتي عشان يخف بسرعة ....
___________________________________

(( شقة سعود ودلع ))

( الساعة 9 ونص المسا )

نزلت دلع من التاكسي اللي كانت راكبته .. ونزل وراها راعي التاكسي شايل الاكياس..

دلع : شووف .. حطهم عند الباب هنا .. والحارس الحين بيطلعهم ...
سواق التاكسي السعودي قام يتميلح : لا معليش .. انا بوديها لفوووق عادي ..
دلع " يا شينكم سالسعوديين لاقمتوا تتميلحون ...!!!! " : لا مشكووور .. خلاص

السعودي طلع ورقة من جيبه : هذي بطاقتي اذا احتجتي تروحين مشوار وما عندك احد يوصلك ....
دلع طالعته باستحقار وراحت تنادي حارس العمار .. اما السواق ف هالوقت .. قرر ينسحب حفاظا على ما بقى من ماااي وجهه ....

دلع : افففف ... وين راح هذا بعد ..؟؟

دورته بكل مكان بس ما حصلته : الحين وش يطلع هالاغراض هذي فوووق ..؟؟ والله ابتشلت ...!!!

وقفت تستناه عند الباب حق العمارة ...

وبعد 10 دقايق .. دخل واحد العمارة .. كان رجال ف العشرين .. مو اكثر ولا اقل .. طويل وشعره مرتب .. ولابس الزي العسكري... مع الطاقية حقتهم<< ما تعرف وش يسموونها خخ

دخل ويوم شافها كمل طريقه ومشى للاصنصير .. وهو واقف يستنى الاصنصير .. شافها واقفة وتتحرطم والاكياس بالارض بكل مكان ... ومحد شكله موجود معاها ..

طالعها مستغرب وهي يوم شافته يطالعها " بسويها واللي فيها فيها .. وش بيصير يعني..؟؟؟ ع الاقل هذا مو سعووود ...!! "

دلع بكل ادب : لو سمحت اخوي بغيت منك خدمة ....
الرجال طالعها مستغرب ونزل راسه ف الارض : تفضل ...
دلع : لو سمحت والله توهقت .. اشتريت هالاغراض مو السوبر ماركت وما عندي احد يشيلها .... والحارس مدري وينه ... تعرف وين ممكن احصله .؟؟

الرجال : لحظة بس..

ومشى شوي برى العمارة ....
دلع " ياربي وش هالاحراااج ..؟؟!؟!!؟ في اكثر من كذا فشلة ..!!! "

شوي الا رجع الرجال وهو يدور بعينه ف المكان : والله يا اختي مدري وين راااح ...؟؟ بس خلاص انا بطلعها لك ...
دلع " يووووووووه .... " : لا لا لا خلاص ماله داعي .. بنتظره لين يجي واخليه يطلعهم ... مشكووور ما تقصر ...

الرجال ما سمع كلامها وشال الاكياس كلها : ما عليك .. وين شقتكم..؟؟
دلع منحرجة مرة : والله ماله داعي .. بنتظر الحارس يجي يطلعهم ... خليهم
الرجال يضحك بكل تسامح وطيبة : ههههه والله لو تقعدين للصباح موب جاي.. انا بطلعهم وحلفت عليك ..

دلع ووجهها احمر : مشكووور ..
الرجال : بس أي دور ..؟؟
دلع : الخامس ...

الرجال : طيب بس ممكن تفتحيلي الاصنصير الله لايهينك ...
ترددت دلع .....
الرجال حس بانها منحرجة : ولا خلاص .. اسبقيني انتي لفوووق وانا بطلعهم ..
دلع " الله ياخذني .. الرجال يبغى يساعد وانا متنحة ؟!؟؟! " : لا عادي

ضغطت على الزر وفتحت الاصنصير ... ودخلت هي وياه ف نفس الاصنصير ...

وف الاصنصير محد فيهم تكلم ... بس الرجال قام يطالع نفسه بالمرايا ف الاصنصير

ويوم وصلوا للدور الخامس... طلعت دلع وضغط الزر عشان ما يتسكر الباب ..

وهو يوم طلع من الاصنصير ابتسم: مشكوووورة ..
دلع بصوت واااطي : العفو ..

وصلوا عند باب الشقة ..

دلع : خلاص مشكووور .. تعبتك معاي .. انا بدخلهم ..
الرجال : براحتك ...

حط الاغراض عند عتبة الباب ...
دلع : شكرا .. والله ماكان ودي تطلعهم ...
الرجال : احنا جيران ويمكن يجي يوم احتاج انا مساعدة صح ..؟؟

مشى الرجال ودخل الاصنصير من جديد .. اما هي فدخلت الاغراض الشقة " وه .. والله انه شهم ورجااااال .. مو زي الثوووور اللي عندي ..!!!! "

(( اليوم اللي بعده .. يوم الأحد .. شركة ابو رائد ))

( الساعة 7 الصباح )

دخل رائد الشركة تعبااان مرة ومواصل .. ما نام امس من التفكير ف وضعه الحين .. دانه حاليا اغلى ما يملك .. وما يبغى يخسرها عشان الماضي الغلط اللي كان يعيشه .. والمشكلة انه مو متوقع دانة تتقبل فكرة انه يكون له سوابق مع البنات والخرابيط ..

رائد وهو يحك شعره " ياخوفي ينتهي هالزواج قبل ما يبدا..... شكلي بضطر اخبي عليها لين نتزوج واءمن انها صارت لي .. بعدين بقول لها .. وساعتها يمكن تساامحني ونبدا من جديد .... "

فتح الاصنصير ودخل ... وضغط على الدور الثاني ...

وخلال ما الاصنصير كان يطلع ... وقف رائد قدام المرايا وعدل ملابسه ... وشعره رجعه على ورى ....

وصل للدور الثاني وتوجه لمكتب ابووووه الموجود ف نفس الدور ...

دخل والتفت على مكتب السكرتير بس ما حصله موجود ....

رائد : وين راح هذا ..؟؟؟

جا بيطلع يدور عليه بس سمع صوت وراه : اوووخص .. اول مرة اعرف انك تجي قبل مواعيدك بـ 3 ساعات ....!!!!

ابتسم رائد وسلم عليه : هههه هلا جابر
جابر : بخير الحمدلله وينك ما تنشاف...؟؟
رائد : والله تعرف الشغل كيف .....
جابر : عندك اجازة الحين صح ...؟؟
رائد : أي...
جابر ضرب ظهره بالخفيف : معليش سامحني .. ماكان ودي اقطع عليك الاجازة .. بس الحالة طارئة مرة ...
رائد مستغرب : ليش وش السالفة ..؟؟

جابر : تعال داخل واشرب قهوة وروّق وانا بقول لك كل شي....

(( مدارس الظهران ))

( الساعة 11 الصباح )
بين ما الابلة كانت توزع اوراق الاختبارات الدورية اللي تأثر ف المعدل النهائي ...

الابلة : لينا عبدالله ...
لينا : نعم ..؟؟
الابلة وهي تعطيها الورقة حقت اختبار الرياضيات : ربع من 10 ....!!!!!!!!!!!!

لينا انصدمت : ربع..؟؟؟!!!!!
الابلة : والله هذي ورقتك .. وهذا حلك ... ما جبت شي من عندي ...
اخذت لينا الورقة مصدوومة .. ضاقت فيها كل الدنيا ... فوووق ما نفسيتها زفت .. جات ورقة الاختبار هذا وكدرتها زيادة .....

الابلة : بسمة .....
بسمه : الله يستر .....
الابلة ابتسمت ...........
بسمة استانست : كااااامل..؟!؟!؟

الابلة : ههههه والله يا بسمة انتي جبتي رقم قياسي .... ما توقعتها منك بكل صراحة
بسمة : ادري ما شالله علي... ذاكرت طول الليل....
الابلة : ذاكرتي طول الليل...؟؟؟ شكلك ذاكرتي زين على هالنتيجة ....
بسمة : هههههه كم ..؟؟
الابلة عطتها الورقة : صفر .............!!!!!!!!!!

___________________________________

(( شقة سعود ودلع ))

( الساعة 12 الظهر )

قام سعود وطلع الصالة بعد ما لبس واخذله شاور .. وشاف دلع ف المطبخ ... راح للمطبخ .... وفتح الثلاجة يبغى شي يشربه ... وشاف الثلاجة مليانة ...

سعود مستغرب " !!!! من وين هالاغراض ..؟؟ انا على ما اذكر امس كانت الثلاجة فاضية .... !! "

التفت على دلع اللي كانت تسوي سلطة : من وين هالاغراض ..؟؟
دلع : ............... ما ردت

سكر الثلاجة بقهر : اكلمك ردي .... من وين هالاغراض ..؟؟؟؟
دلع : انا اشتريتهم ....
سعود : اشتريتيهم ...؟؟؟ من وين ..؟؟ وكيف..؟؟

دلع حطت السكينة بزهق : يووووه ... امس يوم انت طلعت انا قلت لازم واحد فينا يتحمل مسؤووولية البيت ... وبما انك مو مستعد لهالشي وماهمك غير الطلعة والقعدة قدام التلفزيووون ... اخذت بطاقة البنك حقتي اللي فيها فلوووس بالحساب ... ورحت السوبر ماركت ... اشتريت الاغراض اللي احتاجها ورجعت ..... افففففففففف

سعود بدى يعصب : وكيف رحتي...؟؟؟؟؟
دلع : كيف رحت يعني..؟؟؟ بالتاكسي....
سعود فتح عيونه الثنتين : ركبتي مع التاكسي بروحك...؟؟؟؟
دلع بكل هدوء تبغى ترفع ضغطه : أي عادي .. تاكسي سعوودي ما منه خوف ...
سعود علا صوته : وسعوووودي بعد ....؟!؟!؟؟!؟!؟!
دلع والوضع بالنسبة لها هادي : أي عادي.. شفيك ..؟؟

سعود : ومين سمحلك ..؟؟ شلون تطلعين بدون ما تشاوريني وتعطيني خبر.....؟؟!؟! لو صارلك شي ولا خطفك راعي التاكسي...؟؟!؟!
دلع طلع كل اللي بقلبها :شايف الناس كلها زيك ..؟!؟!؟!؟؟!

سعود هنا ما مسك اعصااابه ابد..... هجم عليها ومسكها من رقبتها على الجدار وحط عليها السكين يهددها : ان عدتي اللي قلتيه من شوي ... قسما بالله يا دلع .. لايكون آخر يوم لك بالحياة فاهمة ..؟!؟!؟!؟
دلع بلعت ريقها بخوف : اذبحني... يللا اذبحني... اذبحني وخلينا افتك منك ومن وجهك يللا ....!!!!

خزها سعود بقوة شوي ... وبعدي رمى السكين بالارض وطلع من البيت ..

وتركها واقفة مصدووومة ومرعوووووبة .....
رفت يدها بشويش ومسكت رقبتها ...... انتبهت للسكين بالارض .. شالته ورمته على الطاولة بخووووف ودموعها تنزل بسرعة ....

___________________________________

(( شركة ابو رائد ))

( الساعة 2 ونص الظهر )

كان رائد ف اجتماع يوم دقت عليه الخدامة .....
رائد منحرج : آسف يا جماعة تليفون ضروووري .. دقيقة وارجع ...

طلع برى قاعة الاجتماعات .. ورد ..
رائد : نعم ..؟؟
الخدامة : مستر رائد ...
رائد : ايش تبغين..؟؟
الخدامة : بابا ابغى اغراض حق البيت ...
رائد : افففففف ... طيب لما ارجع بجيبها ....
الخدامة : متى انتا ارجع ..؟؟
رائد : لاحووووول ... وش دراني .... ليش تسالين..؟
الخدامة : مافي سي حق اكل ف البيت ....
رائد : يا الللللللله .... طيب خلاص ... ارسلي لي الاغراض اللي تبغوونها وانا بشووف ..

سكر رائد وجات ف باله فكرة ....

طلع للدور اللي فوووق .. ودخل المكتب .... وشاف احمد يصلح شماغه على المرايا ..
رائد : السلااااااااام
احمد : هلا رائد .... انا رايح اجيب اختك ريم ..
رائد : ادري بغيت منك خدمة بالطريق....
احمد مستغرب : آمر ..
رائد : ما يامر عليك عدوو.. بغيتك تغطي مكاني ف الاجتماع ... لاني بطلع الحين ضروووري....
احمد : ليش..؟؟
رائد : بمر اجيب ريم اليوم ... وبالطريق بمر اشتري اغراض للبيت ... البيت فاضي وتدري الوالد والوالدة مسافرين .. والسواق مافي... عشان كذا غطي مكاني وقول لجابر اني ما بتاخر .. بالكثير ساعتين وبرحع ...

احمد بخوف : لا حبيبي ... انا عندي اروح اشتري اغراض البيت ولا اني اقعد ف الاجتماع مع كل هالعجايز .....
رائد : طيب تعب عليك تجيب ريم وبعدين تشتري اغراض للبيت .. واحسها فشلة .. انا رجال وش كبري .. واخلي صديقي يروح يشتري اغراض للبيت حقي.... لا لا لا مو حلوة

احمد : ههههههه مسوي فيها اخلاق الحين ..؟؟ بعدين وش عرفك باغراض البيت انت..؟؟ انا عندي خبرة اكثر منك في هالموضوع ... والله بيت اخوي كل دقيقتين طالبين غرض من البقالة .. ومافي غيري اقوووم وانقز واجيبلهم اياه ...

رائد فكر فيها شوي.....
احمد : شرايك ...؟؟
رائد : خلاص طيب ... بس جيب ريم قبل ما تشتريهم .. عشان تساعدك ... هي تعرف شوي بهالخرابيط .....
احمد : خلاص ولا يهمك ... انا ومرجع اختك البيت بمر اجيبها .. بس وش هي الاغراض..؟؟
رائد : برسها لك بمسج .....
احمد : اوكي...
رائد : انتبه لا تسرع ....

احمد بنص عين : لان اختك معاي صح ..؟؟ ولا لو اختك مو معاي .. كان قلت لي بللي ما يحفظك هههههههه ....!!
رائد : هههههههه

___________________________________
(( سيارة فيصل ))

( الساعة 2 ونص الظهر )

سالم : يعني ما بتدخل اليوم ..؟؟
فيصل : لا والله يا سالم .. بروح البيت اشوووف وش صار على الكلب هذاك ...!!
سالم : احححح .... بلاك هالكلام يا فيصل .. خذا ابوووك
فيصل بنص عين : بتقنعني انه ابووو ..؟؟؟ المهم ... انا بكرة اذا ما رجع الاخ ماني مداوم ....

سالم : ليش..؟؟
فيصل : والله ما اقدر .. نسايم المسكينة بتستخف .... وامل ماهي راضية تسكت عن الصياح .. وشوووق ماهي راضية تبطل الدلع حقها ... تبغى الواحد يشيلها 24 ساعة !!

سالم بحزن وتفهم لوضعه : الله يعينك ... شكلي بتغدى وبمرك ...
فيصل ابتسم : يكون احسن ....
سالم : بس اخاف نسايم تستحي ولا شي...
فيصل : لا عادي ...
سالم : خلاص بشووووف وش بيصير معاي واكلمك ..

وقف فيصل السيارة ونزل سالم : باي
فيصل ابتسم : باي ..

___________________________________

(( أسواق التميمي ))

( الساعة 3 وربع )

دخل احمد بالسيارة للمواقف ...
ريم مستغربة : احمد ما اشوووف ... وين احنا..؟؟
احمد ابتسم : التميمي ....
ريم : لييييش...؟؟

احمد فتح باب السيارة ونزل : انزلي وبتعرفين ....
ريم خاقة " يارييي منه ... يستعمل الاسلوب الغامض عشان يسجبني وراه " ....

نزلت وراه ودخلوا داخل ... سحبله عربيّة ( عربة للي ما يعرفها ) .. وفتح جواله يشوف الاغراض ....

احمد : تعالي يللا
ريم مسكت يده توقفه : طيب قول لي ايش نسوي هنا..؟؟
احمد خق على حركتها بس سوى انه ثقيل وكووول : اخوك قال نمر نجيب اغراض للبيت لانه بيتكم فاضي...

ريم : والله...؟؟
احمد : ههههه وش دراني انا .. اعرف بيتكم..؟؟
ريم بحماس " وااااو ... بنشتري اغراض للبيت .. زي المتزوجين بالضبط .. ياااآآاي " :وناااسة ..... !!!!

احمد ماسك ضحكته ويقول بجدية: اقووول .. بسك ضحك وصرااخ .. وجيبي الــــ.. ( يقرا الرسالة ) الكورن فليكس ( انتبه ) الحين مين في ف بيتكم ياكل كورن فليكس...؟؟؟

ريم ابتسمت ابتسامة واسعة ........
احمد ما قدر يكتم ضحكته وهو يحط العلبة بالعربية : ههههههه يالبزر ...!!!!!

___________________________________

(( شقة سعود و دلع ))

( الساعة 6 المغرب )

كانت دلع حابسة عمرها ف الغرفة .... مسكرة الباب وطايحة صياااح ع الارض ...

ويوم سمعت صوت الاذان يعلا ...

الله اكبر .. الله اكبر..
الله اكبر .. الله اكبر ..

اشهد ان لا اله الا الله ...
اشهد ان لا اله الا الله ..

اشهد ن محمد رسول الله..
اشهد ان محمد رسول الله ..

حي على الصلاة .. حي على الصلاة
حي على الفلاح .. حي على الفلاح

الله اكبر .. الله اكبر ..
لا الـــه الا الله ...

دلع وهي تمسح دمووووعها : استغفر الله .... استغفر الله ...

قامت للحمام وتوضت .. طلعت مدت السجادة وصلت على طوووول ...

ويوم خلصت .. بدى بالها يرتاح شوي .. وبدت تروووق وتنسى اللي صار ...

طلعت من الغرفة بعد ما اتاكدت انه سعود مو ف الصالة ... مشت ف الصالة شوي .. تفكر وتفكر ... في حياتها ... تفكر بمستقبلها .. اللي ما تدري وش ممكن يصير فيه ..

مشت للباب .. وطلت من الفتحة الموجودة ... بس اللي شافته شي عصر قلبها لنصين ....

شافت واحد قاعد ع الارض .... ويدخن ... وتحت عيونه اسووود مرة .. وشعره مبعثر حول وجهه .... وكان واضح عليه انه مهمووووم ....

دلع فجاة " هذا هووو...!!!!! هذا العسكري اللي ساعدني امس ..هذا هو ... بس ... ليش كذا شكله الحين ..؟؟؟ ليش كذا مهمووووم ..؟؟ معقووولة حتى هو حياته هم زيي....؟؟؟؟ "

وقفت تراقبه وهو ياخذ نفس السيجارة بكل تلذذ .... ويطلع الدخان من فمه بقهر وببراعة وكانه فن من الفنووووون ....

دلع جاتها مشاعر رهيبة " اففففف وش فيها بطني صارت ثقيلة ..؟؟ احس كانه في حجار ببطني ... مع انها فاضية .. هذا الشعور ما يجيني الا لما احس بشي غريب "

شوي الا سمعت صوت الاصنصير ينفتح .... ويوم التفتت من الفتحة الصغيرة .. شافت واحد واقف .. بس ما قدرت تلمح وجهه ... وسمعته يقول ..

.......: ياهووو .... قوووم ... قوم لا تكبر السالفة .... انشالله بتنحل ..

راقبت ردة فعل اللي قاعد ع الارض .. بس ماكان يستجيب للي واقف ابد .. كان قاعد .. ياخذ نفس ويطلعه ... ويرجع ياخذ نفس ويطلعه ....

الين ما قرب منه اللي واقف معاه .. وعطاه ذاك الكف القوي ... اللي دخل لداخل اذن دلع من قوته .....

حطت دلع يدها على فمها من الخوووووف ... وكانها هي اللي انضربت مو هو .. وكانها هي اللي تتالم مو هو ........

وبدون شعووور .. نزلت دمووووعها ....

بس سرعان ما نشفت يوم شافت اللي واقف نزل بمستوى الرجال وقام يقوله ..

.........: طلال .. طلال اسمعني .. انت مو اول واحد يصير له كذا .... ولا آخر واحد .. كثير ناس صارلهم اللي صارلك ... انت ما تقدر تغير شي .. الدنيا كذا .. الدنيا كذا غداااارة ... مالها أمان ... واللي تعطيهم الثقة مو شرط يكونون كلهم قدها .. في ناس ماعندها ضمير ابد ..... بس انت الحين .. ما ابغاك تتكدر ... ( مسكه من كتوووفه وهزه بثقة ) انت تقدر تنسى .. بتنسى يا طلال وبتكمل حياتك عادي .... وبتحضر عرس يوسف ... وتكشخ وترقص وتباركله .... وانت راسم اوسع ابتسامة على شفايفك فاهم..؟؟ ما ابغاك تخرب على يوسف هالليلة ... خصوصا انه واحد منا وفينا .. فاهم..؟

طلال سرح شوي وبعدين قال بصوت مبحوووح : ابغى افصل ثوووب .... !!

ابتسم الرجال وحضن طلال ... وقام معاه ودخلو الشقة اللي مقابل شقة سعود ودلع ..

اما دلع .... فالاخت سمعت كل شي انقال ....

دلع : طلال ...!!! والله اسم حلوو .. بس ... وش السالفة ..؟؟ شصاير..؟؟
( انتبهت لعمرها ) انا وش قاعدة اقووول ..؟؟؟ صدق اني انهبلت ... الله ياخذك يا سعوود ... حتى عقلي ما سلم منك ..... !!

___________________________________

(( بيت ابو فيصل ))

( الساعة 6 ونص )

صبت نسايم فنجان شاهي لسالم : تفضل ...
سالم اللي كانت بحضنه امل الصغير تلعب باصبعه : مشكووورة .. ارتاحي ..

قعدت نسايم ع الكنبة اللي مقابلهم ....

فيصل : ما اتصل احد ..؟؟
نسايم تنهدت : لا لسه ... الله يستر ...

سالم : فيصل .. انا اقدر اخلي ابوي يتصل ف المركز ويسال عنه اذا تبغى ..
فيصل : لا ماله داعي ..

نسايم على طول : الا سالم تكفى .. اذا تقدر
سالم : مو مشكلة .. الحين بكلم ابوويي ... خذ امل عشان اطلع اكلمه ..

اخذ فيصل امل من حضنه وطلع سالم يكلم ابوووه ...

ابو سعود : الوو
سالم : السلااااام ..
ابو سعود : هلا سالم وعليكم السلام
سالم : يبا بغيتك بخدمة ...
ابو سعود : خير يا سالم .. وش فيك ..؟؟
سالم : يبا بو فيصل ...
ابو سعود : وش فيه ...؟؟

سالم : من امس جوو الشرطة واخذووه معاهم .. وللحين ما سمعوا له خبر ... وكنت اسال اذا كنت تقدر تخلي احد يسال عنه ويشوف وش فيه ..... ؟؟؟

ابو سعود : غريبة ..؟؟ ما اتصل فيهم ..؟؟
سالم : لا والله ... وزوجته بتستخف وبتمووت من الخوف .. تدري مالهم غيره ..

ابو سعود بتفهم : خلاص انشالله .. ربع ساعة واردلك ...
سالم : مشكووور يبا
ابو سعود : العفوو ... انتظر مني اتصال ....
سالم : انشالله ما تقصر ...

سكر سالم عن ابوووه ورجع لهم : ربع ساعة انشالله ... وبيتصل فيني الوالد ويقول لي وينه وايش فيه ...؟؟
نسايم : الله يستر ياااارب .... !!

___________________________________

(( بيت ابو سعود ))

( الساعة 8 بالليل )

كانت لينا منهارة صياح ف غرفتها ..... تحس بالوحدة ... والزهق .. والكآبة .... كل ما حاولت تستانس حياتها .. يطلع لها شي ينكده ....

امها مو مهتمة غير ف زوجها وطلعاتها صديقتها .... ابوها مشغووول ف الشغل والشركات والمنصاب .... سالم دايم برى البيت ومع فيصل ... دلع اخذوووها منها .. الوحيدة اللي كانت تفهمها وتواسيها وتصبرها على الحالة اللي هم عايشين فيها .. اخذوووها بالغصب ...

لينا : اكيد الحين هي بعد تعاني من سعووود ... انا اعاني من كل شي حولي ... وهي تعاني من سعود ... آآآآآآآآآآآآآه ياريب ليش يصير فينا كذا ..؟؟ احنا وش سوينا ف الحياة عشان نتعاقب كذا ..؟؟؟؟؟؟

طلعت الالبوم حق الصور اللي جنبها وقامت تتفرج على الصور وتصيح ...

اول صورة .. هي ودلع
ثاني صورة .. هي وسالم ودلع
ثالث صورة : سالم ودلع ..
رابع صورة : هي ودلع
خامس صووورة : هي ودلع

الـــــــــــــــــخ.....

عصبت ورمت الالبوووم وهي تصيح بقهر : ويييييييينك ...؟؟ ورينك خليتيني ورحتي ..؟؟ ليش خليتيهم يغصبووونك على الزواج لييييييييش...؟؟؟ ليش ما دافعتي عن نفسك ليش...؟؟؟ ليش تركتيني ....!؟!؟؟!؟!!؟؟!!؟!؟

وجا على بالها صورة سعود ... ضحكته اللي كلها خبث .... ولؤمه .. وعناده .. وعصبيته .. ومزاجيته .. ونذالته ... تذكرت كل اشكال سعود اللي هو عليها ..

ومن قهرها منه وكرهها له ... مسكت تليفون غرفتها .. ودقت عليه وهي تمسح دموووعها ويدها ترتجف من العصبية ....
سعود رد : الووووو
لينا بكل الكره : عطيني دلع ...

سعود رفع حاجبه : لينا ..؟؟ ليش تكلميني كذا ..؟؟
لينا : اففف .. قلت لك عطيني دلع ....
سعود : تراني اخوك الكبير احترمي نفسك ...

لينا وصلت معاها : الله ياخذك عطيني دلع ...
سعود سكت ....

وبعد كم ثانية اختفى الصوت اللي حوله وعلا صوته بعصبية : الله ياخذك انتي ... احترمي نفسك يا بنت الناس ... لاتخليني اجي البيت الحين واكسر عظامك عشان تتربين .. فاهمة ..؟؟

لينا صاحت : انقللللللع ... انت اكره واحد ف هالدنيا .... عطيني دلع ما ابغى اسمع صوووتك ..... عطينيييييييييييييييي دلع ....!!!!

سعود : ماني معطيك اياها يا حيوانه .. فارقي ...!!!

سكر الخط بوجهها ... بس هي رجعت تدق وتدق ... بس مافياي فايده .. هذا سعود مو أي واحد ...

قامت معصبة ودموعها مغطية وجهها ... مسكت التليفون بكل قوتها رفعته ورمته على الجدار .... بأقوى ما عندها .. لين تكسر لقطع صغيرة .. وتناثرت القطع ف كل زوايا الغرفة ......

___________________________________

(( بيت ابو فيصل ))

( الساعة 8 ونص )

دق جوال سالم اخيرا .. بعد ساعتين من الانتظار ....

سالم : هلا يبا ...
ابو سعود : هلا سالم .. وين فيصل..؟؟
سالم التفت على فيصل : هنا موجود ...
ابو سعود : طيب ابغى اكلمه شخصيا ...

مد سالم الجوال لفيصل ...
فيصل : الووو
ابو سعود : السلام عليكم
فيصل : وعليكم السلام هلا عمي ...

ابو سعود : كيف حالك يا فيصل..؟؟
فيصل : بخير الحمدلله ..
ابو سعود بجد : شوووف يا فيصل .. انا اللي بقولك اياه الحين شي خطير ... ولازم تفكر بالطريقة اللي بتوصله فيها لزوجة ابوووك وخواتك فاهم ..؟؟ ما ابغاك تخاف ولا تنفعل .. اسمعني لين اخلص كلامي .. واجلس معاهم بعدين على هدوووء وبلغهم اللي بقوله الحين ...

فيصل مستغرب : خير يا عمي..؟؟

ابو سعود : فيصل .. انا كلمت مركز الشرطة شخصيا .. وكلمت الضابط .. وعرفت كل شي .... ابوووك متورط ف حادث ... صادم له ولد صغير وما بلغ عن الحادث .. وخلا الولد الصغير ينزف ف الشارع .. وكان بيمووووت ....

فيصل مرعوووب : وبعدين ..؟؟

ابو سعود : بس ربك ستر والولد ما مات .. ولا كان انحكم على ابوووك بقطع راسه ... بس حتى ولو .. الحين هم موقفينه عندهم لين ما يصدر حكم المحكمة .. بس من الحين اقووولك ما بيكون حكم سهل ابد ... يعني ع الاقل سجن 7 سنين ... هذا اقل شي ....

فيصل : ............ ساكت
ابو سعود : اسمعني يا فيصل .. بقولها لك بكل صراحة .. انت ما تعودت على وجود ابوووك معاك وجنبك .. عشان كذا ماهي فارقة معاك .. صح ولا لأ...؟؟
فيصل ازداد كرهه لابوووه : صح ..

ابو سعود : عشان كذا .. انا اقووولك من الحين .. شد حيلك بالدراسة .. وحصل لك بعثة ... اطلع ادري برى .. وبعدين ارجع واشتغل شغلة محترمة ... واصرف على عيلتك ... لانه من الحين اقووولك مستحيل ابوووك يطلع من السجن خلال الخمس السنين الجاية ... ولا تنسى انت عندك خوات وزوجة ابووو لازم تصرف عليهم ... لانه مالهم غيرك ....

فيصل تاثر بكلام ابو سعود وخنقته العبرة : انشالله يا عمي ...

ابو سعود : وحتى لو ما حصلت بعثة .... دراستك كلها على حسابي انت وخواتك ..
فيصل : ما تقصر يا عمي ...
ابو سعود : فيصل .. ابغاك تعرف انك انت زي ولدي سالم .. لا اقل ولا اكثر... واذا احتجتوا شي ... امانة عليك ليوم الدين ف رقبتك انك تبلغني وكل شي بيكون موفر لكم ....

فيصل غطى عيونه خوفا منه انه تنزل دمووعه ف أي لحظة .. حس انه لاول مرة عنده ابووو ... يهتم فيه ويخاف عليه .. حتى لو ماكان ابوه الحقيقي ....

___________________________________
نهاية الجزء الـ 19 ...

*شفتوا كيف ... ابو فيصل راح يدخل السجن .. وش راح يصير ف نسايم وبناتها وفيصل..؟؟
*دلع وسعود ... لوين بالنهاية ..؟؟؟ وطلال .. وين موقعه بالرواية راح يكون بالضبط ..؟؟

*لينا .. متى راح تلاقي الحنان والحب اللي كل بنت ف هالعمر تحتاجه ..؟؟

*اروى وعيد ميلادها كيف راح تكون ردة فعلها ...؟؟

*رائد .. والمشكلة الجديدة اللي طلعت له ف حياته .. كيف راح يحلها ..؟؟ وهل بتتفهم دانة الموضوع ..؟؟ وهتووون وبعدين معاها ..؟؟

*ريم واحمد .. الثنائي الراااائع .. في تطورات ولا الحال زي ماهو..؟؟

*واخيراً .. ثامر ومها ... بندر وخلووود .. ما صارلهم شي ف هالجزء ... برايكم راح يكون لهم دور ف الجزء الجاي ...؟؟

الجزء الـعشرين:. << مستانسة لانه رقم ياسر خخخخ

(( بيت ابو عوض ))

( الساعة 6 المغرب )

وقفت اروى قدام المرايا لابسه الفستان الجديد ....

ام عوض : ماشالله ... قل اعووذ برب الفلق ...
اروى بشك : حلووو ..؟؟

ام عوض وهي تطالعها معجبة : يجنن...!!

دارت اروى حول نفسها قدام المرايا تشوف كيف طالع عليها ... وعجبتها النتيجة بالفعل..

ام عوض : يللا بسرعة ما بقى شي وتوصل غادة ...
اروى ابتسمت وهي تلمس شعرها الناعم اللي طايح على كتفها : طيب ..

طلعت امها ووقفت قدام المرايا ...
اروى ابتسمت : والله الكم كيلو اللي نزلتهم جابوا نتيجة حلوه ... !!

انتبهت لشعرها الناعم الي نازل على كتفها ومغطيه ...

اروى باستغراب : ابغى افهم وش اللي يخلي عوض يحب الشعر السااايح ... والله كاني فلبينيه ... الشعر الكيرلي احلى بكثير ........!!!!

وقعدت كذا .. تسولف مع نفسها وتضحك ... وتتمايل من الفرح .. ومرات تعقد حواجبها وتعصب ....

غاده واقفة عند الباب ومنصدمه : اروى ..........؟؟

التفتت اروى مرتبكة ومرتعبة : ا... غ .. غاده...!! هلا...
غاده دخلت مستغربة : اروى شفيك ..؟؟
اروى مو عارفه وش تقول : م.. مافيني شي .... انتي من متى هنا..؟؟
غاده مو عاجبها الوضع : من حوالي 5 دقايق ...

اروى التفتت تصرف الوضع : ا... وين عبايتي عشان نمشي ... ؟؟؟

___________________________________

(( شقة سعود ودلع ))

( الساعة 7 المسا )

كانت دلع منسدحة ف الصالة ببيجامتها الوردية وشعرها المفتوووح .. وتتفرج على مسلسل ....

وسعود قاعد ع الكنبة اللي جنبها وزهقااان وكاره عمره ...

سعود : افففف .... اقووول ذبحتينا انتي ومسلسلاتك السخيفة .. واحد حب وحدة .. وبعديت تزوجوا .. زهقنااأ... ممكن تغيرين المحطة..؟؟

غمضت عيونها بقهر وهي تاكل البوب كورن : لأ ....

سعود عصب وقام وطفى التلفزيووون من الزر ...

تاففت دلع " يارب صبرني " ... تعدلت ف قعدتها وكملت اكل ....

سعود وقف مكتف يدينه : هذا اللي انتي فالحة فيه ... تلفزيووون وبلع ... !!!!!

دلع تاكل ولا معطيته وجه ..........

سعود يخزها : اكلمك انا .... طالعيني...

طالعت فيه بكل روقااان وابتسامة واسعة وكملت اكلها ....

سعود باستحقار يبغاها تتحرك وتقول شي عشان يهزئها ... لانه ما عنده أي شي يسويه .. غير انه يتضارب معاها ...

سعود قرب وتربع قدام الكنبة : تدرين ... وزنك زايد ... صاير جسمك وع ...
دلع مروقة ترفع ضغطه : والله ... كويس ..
سعود " كويس؟؟" : حتى انتي وتمشين صاير شكلك يلوع الكبد ..
دلع مبتسمة بهبالة : احسن ...
سعود " اففففف .. " : وشعرك مقرف .. كانه مصبوووب بصحن زيت من الوصاخة
دلع بابتسااامة واسعة : هذا المطلوووب ...

سعود " مااالت عليك " .. وقف معصب ومنفعل : مااالت عليك ... خليكي معفنة كذا وريحتك طالعه .. وشكلك يلوع الكبد ... ومنظرك مقرررف ... ما غير اكل وبلع ودخلة حمااااام ... زي البقر................!!!!!!!

دلع سكرت عيونها تحاول تمسك نفسها " امسكي نفسك .. ما عليك منه... هدي يا دلع " ..................

سكرت يدها بقهر ... تحاول تكتم غيضها ... بس ما قدرت ... قامت بسرعة .. رمت البوب كورن على الكنب ولحقته للغرفة ....

وقفت بنص الغرفة مقهووورة وكل الغيض فيها : ع الاقل .. انا معفنة وشينة ومقرفة .. بس اشتغل وانظف البيت ... وقايمة بشغلي وشغل بيتي وزوجي ... مو زيك قاعد ف البيت زي الحريم ... بدال منت قاعد تعلق علي وعلى شكلي .. اطلع اشتغل واصرف على بيتك ... مو تخلي ابوووك يصرف عليك .... في رجال عااااقل زيك ..؟؟ احد يرضى على نفسه ابوووه يصرف عليه وعلى بيته وزووجته ..؟؟؟ صدق ما تستحي ولا فيك لا دم ولا حياااا .........................!!!!!!!

سعود في لحظة رفع يده بيضربها على كل اللي قالته ... ولانها جابتها على الجرح .. بس يوم شافت عيونها اللي تغمضت من الخوووف ويدها اللي غضطت فيها وجهها .. حن قلبه .. بس ما بين هالشي على ملامح وجهه ... نزل يده وسكرها بقوة يحاول يمسك نفسه عن ينزل فيها ضرب ويمكن يموتها من العصبية ....

فتحت دلع عيونها بخوووف ... بس ما حصلته قدامها ... شوي الا سمعت صوت الباب يتسكر باقوى شي ............

قعدت ع الارض ورجعت شعرها على ورى : اففف .. والله شي ما ينطاااااااق ابد .. مالت عليه هالحرمة ... صدق مو رجاااااااااال ... !!

وبين ماهي غارقة ف تفكيرها .. سمعت صوت رجووولي مرررة وعميق ... جذبها على طول لفتحة الباب ...

ابتسمت من بين دموووووعها ... وتاملت بفضووول ..

يوسف : ها طلال اخذت جوالك ..؟؟ مو زي ذيك المرة ترجعنا من الخبر عشان جوالك ..
طلال ضحك : ههههه لا لا جبته .. اتطمن ..

ومشى بكل جاذبية وهو لابس بنطلونه الجينز اللو ويست والتيشيرت الكحلي .. هذا غير شعره المبعثر على وجهه .....

دلع " وهــ.... يا زينه بس ...!! "

وراقبته لين ما دخل الاصنصير ..... ونزل ...

تنهدت وهي تتسند على الباب " في ناس من اول لمحة يدخلون القلب .. وفي ناس .. لو تقابلهم العمر كله .. ما حسيت معاهم بالراحه ....!!! ( تنهدت ) الله يهديه بس........... !!! "

___________________________________

(( بيت ابو رائد ))

( الساعة 7 وربع )

ريم بوناااسه سكرت عن اروى وقالت لرائد : وصلت وصلت وصلت ....!!!!!!
رائد ابتسم : طيب وش قاعدة تسوين ..؟؟ روحي اشوووف ..

ريم نطت بوناسة وطلعت من الديوانية ..

وتوجهت هي والبنات كلهم للباب الرئيسي ... واول ما فتحوووه ودخلت اروى ووراها غاده ....

طلعت صواريخ من الرغوة والاوراق المقصصة الصغيرة .. كلها على وجه اروى ...

ريم تصارخ بفرح : هااااااااااااااااآآآبي بيرث دااااااااآآآآآآآآآآآآآآآآآآآآآآآآآآآآي

فتحت اروى عيونها الثنتين متفاجأة وهي تشيل كل الخرابيط اللي لصقت بوجهها ....

غادة حضنت اروى من ورى : مفاجأأأأأأأأأأأأأأأأأأأأأأأأأأأأة ....!!!
اروى لفت متفاجأة : حتى انتي تعرفين ..؟!؟!؟
غادة باستها على خدها : أي اكيد اعرف ... انا اللي تعاونت مع ريم بنت عمك وسوينا كل شي ... طبعا بمساعدة كل الموجودين هنا ...

التفتت اروى مبسوووطه .. الدنيا مو واسعتها من الوناسة : واااااااااااااااااااااااااااااااو ...

قربت اروى وسلمت على البنات وحدة وحدة وباركوا لها .. وكانوا كل وحدة اطيب واحلى من الثانية ....

وبعدين دخلوا البيت .. وفصخت اروى عبايتها ...

ريم بحماااس : بنااااااات ... يللا اليكة .. خلووونا نقطع الكيكه ...

غاده مسكت اروى وراحت فيها لعند الكيكة اللي اروى تفاجأت فيها مرررة ... كانت اطول كيكة شافتها بحياتها .... ممتدة من اول الطاولة حقت الاكل لآخرها .. وصورها مطبوووعه ع الكيكه ف كل مكان ... وكل زاوية وجهة ...

اروى حطت يدها على فمها : يووووووووووووه ....
ريم متحمسة وتناقز بجنوون : شراااايك ...؟

غادة عطتها السكينة بفرح : يللا اقطعيها ...

ريم نطت : ستوووووووووووب ... بنات سكروا اللمبات شوي ... ووحدة تشغل الستيريو..

خفت الاضاءة .... وعلا صوت الستيريووو ...

والكل بدا يغني ..

Happy birthday to you
Happy birthday to you

Happy birthday to Arwa
Happy birthday to you

واشتغل التصفيق .......

غاده مسكت يد اروى اللي ماسكه السكين وقالت لها بصوت واطي : اتمني امنية
اروى بنص عين : اللي يسمع بتحقق ...!!
غاده : هههه يا غبيه .. مو لازم تتحقق .. بس كذا عبط سوي هالحركة ...
اروى ابتسمت : طيب ..

وقفت ثانيتين تطالع الكيكه ... وبعدها قالت : اقطعها ..؟؟
ريم : قلتي امنية ..؟؟
اروى : أي...
ريم : يللا حبيبتي .. وش تنتظرين ... اقطعيها ...

وقطعت اروى الكيكه ...

___________________________________

(( بيت ابو فيصل ))

( الساعة 9 بالليل )

دخل فيصل البيت بعد ما كان راجع من سهرة مع سالم وكم واحد من الشباب .. وكان مرة تعبان ...

واول ما دخل البيت شاف نووور ف المطبخ وسمع صياااح امل اخته ..

مشى بسرعة للمطبخ وشاف نسايم حااايسة ومو عارفة وش تسوي ... وامل ف الكرسي حقها وميتة صيااااح ...

فيصل : شفيها..؟؟ ليش تصيح ..؟؟
نسايم مشت لفيصل بارتياح وهزته بترجي : الحمدلله.. فيصل الله يخليك روح للبقالة وجيب لاختك حليب ... توني انتبهت انه مخلص ...

فيصل بتفهم : طيب 10 دقايق وانا راااجع ..
نسايم شالت امل تهديها : بس يا ماما .. بس.. الله يخليك بسرعة ... بتمووت علي من الصياح ...

طلع فيصل وركب سيارته .. وعلى طول لاقرب بقالة ... وهناك ما عرف وش يجيب .. فجاب 3 علب حليب بودرة ... ركب السيارة وطاااار بسرعة للبيت ... وقف السيارة ونزل ودخل البيت .. وشاف نسايم للحين ف الصالة وتحاول تهدي امل اللي ما عاد فيها صبر وتبغى ترضع ...

فيصل : ما عرفت وش اجيب.. جبت كل الانواع ..

نسايم اخذت الكيس وعطته امل : امسكها شوي بين ما اسوي لها الرضاعة ..

اخذ فيصل امل .. ونسايم راحت للمطبخ تركض ....

فيصل طالع اخته اللي تصيح وماهي راضية تسكت .. بالرغم من كل الهز اللي هزه اياها ............

شوووق من بعيد : وث فيها امل...؟؟
التفت فيصل وابتسم لشكلها : هلا شوووق حبيبتي .. ما فيها شي .. بس جووعانه عشان كذا .. الحين تاكل وتنام...

شوق قربت من فيصل فاتحة يدينها : عطيني اياها تثكت ( تسكت ) عندي ...
فيصل ابتسم ونزل لمستواها وخلا شوق تمسكها بس بقى شايلها عشان ما تطيح ..

امل زاااد صياحها ............
شوق : اشششش... اششش.. لا تثيحين ...

جات نسايم تركض ونفسها رايح من التعب : هذاني جبت الرضاااعه ..
فيصل ابتسم بارتياح : ههههه ... اخيرا ..؟؟

اخذت نسايم امل .. وقعدتها ف حضنها ومجرد ما حطت بفمها الرضااعه ... سكتت امل وبدت ترضع بكل هدوووء .. ولا كانها المخلوق اللي قبل شوي قلب الدنيااا صراااخ وصيااح ...

شوق : خلاااث ثكتت ...
فيصل : هههه ... ما عمري شفت احد يسوي كذا على حليب...!!
نسايم : مسكينة طفله وش فهمها ... ؟؟؟

فيصل : ههههه خلتني اركض ف البقالة كاني اهبل .. وما اعرف وش ابغى ..
نسايم : يعطيك العافيه .. تعبتك معاي .. بس ما قدرت اتصل فيك .. تعرف تليفون البيت ما يدق على الجوالات ... ولا اعرف انت وين .. عشان كذا قلت بنتظرك .. بس انت تاخرت وهذي بدت تصيح .....

فيصل ابتسم : ما عليك ... اهم شي انها سكتت الحين ..
نسايم : اطلع غير ملابسك .. وبسويلك العشا
فيصل : لاااا .. تعشيت مع ربعي من شوي ..
نسايم : بتنام ..؟؟
فيصل : لا توني وين انام..؟؟ بس بغير ملابسي واجي اقعد معاكم ..
شووق : انا ابغى انام ...
فيصل قرب منها وشالها : خلاص انا بوديك للسرير شرايك..؟؟
شوق : وتقرالي قثة..؟؟
فيصل : واقرالك قصة بعد ... تامرين امر ... !!

___________________________________

(( بيت ابو سعود ))

( الساعة 9 ونص بالليل )

طلع سعود من غرفته بعد ما غير ملابسه .. وكان حاط براسه انه بكرة بيغيب لانه آخر اسبوع قبل الاختبارات .. وماله حيل يدوام .. وطبعا عنده حجة الدراسه ..

وهو يمشي ف المرر سمع صوت عالي من غرفة لينا ....

قرب وحط اذنه ع الباب ...

....... : لا تيأس .. فاليأس قنووط ... وكيف لك ان .. لأ .. وكيف تياس وانت لاتقوم لوحدك .. ا .. لا تقوم وحدك ... لأ ... ا ... اووووووووووووه ... افففف

وبعدين سمع صوووت اشياء تنرمي على الارض ...

دق الباب ووصله الرد : اففف .. مين بعد ..؟؟

فتح الباب ودخل وسكره وراه وابتسم : مسا الخير...
لينا وهي شاده شعرها لورى : مسا النووور ..

قعد على السرير جنبها وحضنها وباسها على خدها : وش فيك لينا ..؟؟
لينا صاااحت بحضنه : ماني عارفة ادرس... وبكرة علي اختبااار ..

سالم يهديها : بس..؟؟ عشان اختبار تصيحين..؟ مااالت على الاختبار .. وخير انشالله .. مو لازم تدرسين .. ماتسوى عليك تتعبين نفسك وتنزلين دموعك على ابو اختبار..؟!

لينا تمسح دموووعها : انت ماتدري .. مستواي مرة ناازل .. والبنات الاغبية صاروا ياخذون احسن مني ... صرت احس اني متخلفة !!!! تخيل اخذت ربع ف اختبار الرياضيات ....ّ!!!!!!!!! تخيل...!!!!!

سالم بعطف يمسح على شعرها : طيب خلاص هدي .. هدي .. مافي اعادة .؟؟
لينا وهي تصيح : الاعادة بكرة .. وانا لسة ما خلصت حفظ النصوووص .. وباقيلي احفظ الشرح .. وابدا بالرياااضيات .. وكل هذا والساعة الحين 9 ونص ...!!!!! شلون بلحق اسوي كل هالاشياء............؟!؟!؟!

سالم حضنها بكل حنان : ههههه طيب وقفي صياااح عشان نعرف نفكر وش راح نسوي لهالمشكلة .....................!!

لينا قامت فجأة : سالم .. بليز .. عندي طلب.. لو تسويلي اياه ... والله لا اقعد ادرس للفجر .. لين ما يدق المنبه وتجي الخدامة تقومني عشان اقووم .. ولا راح انام ولا دقيقة بدون ما اخلص المنهج.....

سالم : اووووو .. وش هالطريقة السحرية هذي..؟؟
لينا : الله يخليك .. خليني اشوووف دلع .. او ع الاقل اكلمها ... الله يعافيك .. بليـــــز... ابوس يدك يا سالم ... والله ابوووس يدك ..

سالم يفكر : يا لينا انا ماعندي أي مانع ... بالعكس انا معاك .. حتى انا ابغى اتطمن عليها ... بس سعود هذا .. مو مخلي احد يكلمها او يعطينا عنوانه .. حتى يوم اسال ابوي عن الشقة ... يقووول مالك دخل وانسى انه في ناس بهالاسم ...!!!

لينا رجعت تصيح : افففف ... كله من امي... هي كل السبب .... هي وسعووود الحقيييييييييييييييييير ....!!!!!
سالم : بتعلميني هالشي... من يوم يومه حقير .. من اول دقيقة انولد فيها انولدت معاه الحقارة ف كل الكووون ...
لينا : اكرررررررررررررررهههههه والله اكرررررررره ... هو وامي هالسخيفة هذي ..

سالم لف عليها بعتب : ها يا لينا .. من متى انتي تسبين امي..؟؟
لينا : لأ .. بسبها .. لانها تستاهل .. ما طلع ولدها الا عليها ...
سالم : ولوو .. احنا يوم كانت دلع موجودة ما كان احد فينا يسب امي ولا ابوي ..
لينا : افففففف .. ابي دللللللللللع !!!!!!!!!!!!!!

سالم : خلاص تدرين شلون ... نامي الحين ..
لينا فتحت عيونها الثنتين ع الاخير : وين اناااام ..؟؟ اقووولك عندي اختبار وما حفظت ولا شي ....
سالم خلاها تنسدح وانسدح جنبها : نامي بس .. اهدي ونامي .. وكل شي بينحل انشالله .. بعدين حتى لو حاولتي تحفظين ما راح تقدرين بهالنفسية ...اعرفك انا دلوووعه وحساااسه ... ارتاحي الحين وبكرة يصير خير ....

___________________________________

(( بيت ابو بندر ))

( الساعة 12 )

دخلت دانه تعبااانه مرررة .. ما خلت شي ما اشترته ... اشترت لها بيجامات وملابس نووم ... وبدلات لبعد العرس ..... والكثير الكثير من المكيج والصنادل والاكسسوارات ..

حطت الاكياس فوووق السرير .... وانسدحت .... تذكرت رائد ... وانها بتكون زوجته الاسبوع الجاااااااااااااااااي ...

دانة " يا ماما ... توني استوعب اني بكون معاه .. ما كنت افكر بهالطريقه .. بس الحين .. استوعبت ايش الموضوع .. انا بتزوج ..!!!! برتبط بواااحد ...!! بكون له لوحده .. ويكون لي لوحدي ..... "

قعدت على حيلها ... وتاملت خاتم خطوبتها ... وابتسمت ..

" وااااااااي ,, انا ورااائد .. لوحدنا ف جزيرة .. على البحر.. قدام المووج الازرق ... يشيلني ويمشي فيني.. يبوســــــــــ "

قطع تفكيرها شاشة الجوال اللي بدت تنور ويرتفع صوووت الاغنية ..

انا مقدر .. اكوووون اصدق
من احساسي .. ومن اشواقي
تبي تعرف كبر شوووقي ..
شوف عيوني وتكفيك ..

اذا ما يكفي اني اصرخ
باسمك داخل اعماقي
واشوووف اعمر بك وحدك ..
فرحي صاار ... ملك ايديـــك ..

ابتسمت زياااده والضحكة جاتها ...
دانه " الله يقطع ابليسك يا رائد .. كنك حاس فيني..!! "

ردت وهي تضحك : هههه الو ..
رائد : توقعت ..
دانه : ايش اللي توقعته ..؟؟
رائد : حاس انك تضحكين بدوووني ...
دانه : ههههه طيب وش فيها..؟؟
رائد : مافيها شي .. تسلم لي هالضحكة ..

دانه : احم .. احم
رائد : طيب قوووليلي انا بعد شي ..
دانه : وش اقووولك..؟!؟!
رائد تعدل ف القعده : يعني امدحيني .. غازليني .. دلعيني ..
دانه وجهها .. احمر احمر احمر :............................

رائد : خخخخ كله لاني قلت لك دلعيني .. يعني طيبي خاطري بكلمة ..
دانه : حبيبي غير الموضوووع ..
رائد تنهد بتعب : وهـــ ... ياربييي .. متى يجي الاسبوع الجاي..؟؟!!
دانه : رؤووودي بسك حنّه ...ما بقى شي .. كلها كم يووم.. قول لي وش سويت اليوم..

رائد : اسكتي الله يخليك ... للحين الوالد ف ايطاليا ..
دانه : وخالتي ..؟
رائد : كان المفروض تجي اليوم ... بس جاتها دعوة لمعرض هناك .. فتاجلت رجعتها لبكرة ...
دانه : يوووه ... مسكينة ريم ... اكيد لوحدها ف البيت ...
رائد : هههههه لوحدها ..؟؟ ما خلت سوووق ما ودتني له .. وما خلت شي ما اشترته.. وحتى لما نرجع البيت ما تخليني اطلع .. وتقعد تصيح .. تكسر خاطري واقعد معاها ...

دانه : حراآآآم .. خلاص لا تزوجنا .. كل يوم توديني لها .. والله مسكينه .. ماعندها احد ف البيت ..
رائد : نعم نعم ..؟؟ حبيبتي لما نتزوج بتقعدين معاااي .. حتى انا فاقد حنان مو بس هي....
دانه برومانسية : لاتخاف .. انت بغرقك حنااان ودلع لين تقول بس .. !!!

___________________________________

(( شقة سعود ودلع ))

( الساعة 2 بعد منتصف الليل )

دخل سعود الشقة زهقااان وضايق خلقه ... وشاف الصالة زي ما تركها ... التفت لغرفة النوم وشافها مفتووحة ...

سعود " غريبه ما نامت هذي..؟! اكيد الحين مسويه سمفونية الصيااح والنيااح حقتها!"

مشى للغرفة بهدووء بدون ما يلفت الانتباه .. دخل وسكر الباب ورااه ... وشاف دلع قاعدة على السرير وتقرا مجلة من المجلات الموجودة ... ولا عطته وجه ..

سعود : مسا الخير..
دلع " مسوي فيها الحين طيب ..!! " : .................

سعود مشى وقعد جنبها على السرير : وش تسوين ..؟
دلع رفعت حاجب " ما تطالع يعني؟ " : .....................
سعود " افففففف .. هذي انشالله تبغاني اراضيها..؟؟!! "

تعدل ف جلسته .. وسحب منها المجلة شوي شوي .. ومسك يدها وابتسم : .................... زعلانه ؟؟
سحبت دلع يدها على طول وحطتها بحضنها ولفت وجهها للجهة الثانية وقالت والعبرة خانقتها : عادي متعودهــــ ........!!!

سعود " !!!! " : دلع .. انا آسف .. والله م ... ما قصدت اللي قلته ... مدري وش جاني..
دلع ودموعها تنزل : شلون يعني ما تقصد شلووون ..؟؟ ممكن تفهمني ...!!
سعود : اهدي شوي .. ووقفي صياح .. انا من الزهق مدري وش صارلي .. قمت ارمي كلامي واتسبب بدون أي داعي ..

دلع طالعته : سعود .. انا تعبت .. والله تعبت .. يوم كنت ف بيت عمي .. كان ع الاقل في احد اقدر اكلمه .. كان في احد اشاركه الفرحة والحزن .. بس الحين .. انا لوحدي هنا ... ماعندي أي احد اتكلم معاه غير الجدران .... من جد انا زهقت يا سعوود .. وانت منت تاركني بحالي ... !!

سعود : طيب والحل..؟؟ قوليلي وش تبغيني اسوي وانا راح اسويه لك ..
دلع نزلت راسها تفكر : ................................

سعود قام ووقف : انا ما اعرف اتصرف لوحدي يا دلع .. انا ما اعرف ادبر عمري .. انا اعرف اصرف الفلوس واستانس بالحياه .. لكن اتحمل مسؤولية بيت وزوجه .. كل هذا بصراحة فوق طاقتي ... وتحملي ..

دلع : ايش اللي فوق تحملك..؟!! وايش اللي يتعبك ف الموضووع ..؟؟ ليش انت تقعد تشتغل من الصباااح وتكد عشان تجيب لنا اللقمة..؟؟ ولا تقضي وتشتري اغراض البيت اللي نحتاجها ..؟؟ ولا تنظف وتغسل وترتب البيت ..؟!؟!؟ ها..؟؟ قول لي ..

سعود : انا ماني مستعد اشرحلك أي شي .. انا سالتك سؤال .. انتي وش تبغين مني اسوي ..؟؟
دلع : انا ماني قاعدة اقولك سوي كذا ولا تسوي كذا .. انا ما يهمني شي .. بس الحياة اللي احنا عايشينها سخيفة .. انت قاعد بوجهي 24 ساعة وماعندك غير الصراخ والهواش والاستفزاز .. وانا قد ما اسوي ما يعجبك .. وقد ما احاول اصلح الوضع تجي انت تدمره بزياده ... شوووف لنا حل ياااخي..!!!!

سعود منفعل ويحرك قميصه بقهر : وش اسويلك..؟؟ وش تبغيني اسوي ..؟؟
دلع وقفت ودموعها تنزل : شوووف لك شغل زي باقي الرجال... وروح اشتغل واصرف على نفسك بدال ما تخلينا نستنا كل شهر الفلوس من عمي .. ونخلي كرامتنا تنداس.. ما تفهم .. عمي ما يطيقك ولا يطيقني.. ما تفهم .. معتبر الفلوس اللي يصرفها علينا صدقة لا اكثر .. !!!!!!!

سعود : انتي محسبة بحصل شغل .. لو الف الدنيا كلها ما بحصل شغل ... بعدين حتى لو حصلت .. وش تبغيني اشتغل ..؟؟ سباك ولا نجار ولا بياع بمحل ..؟!؟! لا يا ست دلع ... كلامك هذا ما يصلح .. انا سعود ولد عبدالله الـ( ..... ) اشتغل هالاشغال ..؟؟ انا اذا ما تعينت بمنصب يناسب مكانتي عساني ما اشتغلت ...!!!!!

دلع باستهزاء : منصب يناسب مكانتك..؟؟ ممكن تفهمني انت وش مكانتك بالمجتمع..؟؟ رئيس التربية والتعليم .. ولا من اكبر التجار .. ولا هامووور ف سوق الاسهم..؟؟!! فهمني .... وش موقعك من المجتمع بالضبط ..؟؟!!

سكت سعود .. ما عنده أي شي يقدر يرد فيه عليها " بالفعل.. انا وش سويت ف حياتي شي يشفعلي اكون مهم ..........؟؟؟؟ "

(( بعد 3 ايام .. بيت مزنه .. يوم الخميس ))

( الساعة 6 المغرب )

دخلت مها معصبة ورافعة خشمها تطالع خلود باستحقار : انتي شلون تجرأتي وسويتي اللي سويتيه ....؟؟
خلود استغربت : بسم الله الرحمن الرحيم .... شفيك...؟!! شسويت انا..؟
مها حطت يدها على خصرها وهزت شعرها الاسود : لا والله ..؟؟ مسوية بريئة وما تدرين ......؟؟؟ انتي بلسانك اللي متبري منك ... خربتي علي كل الخطط اللي مسويتها ......

خلود عقدت حواجبها : أي خطط واي خرابيط..؟؟ انتي وش تقولين ...؟؟
مها : ترى حركاتك البريئة السخيفة هذي ما بتمشي علي... تكلمي زي الناس يللي ما تربيتي ...!!

خلود عصبت .. اكثر من كذا كرامتها لا يمكن تنمسح ف الارض : لو سمحتي يا مها .. انتبهي لالفاظك ... واحترمي البيت اللي احنا فيه ....
مها تنرفزت : انتي ابغى افهم .. شايفة نفسك على ايش ... انا اول مرة اشوووف وحدة امها شااارده مع واحد وتاركه زوووجها ترفع خشمها ...!!! وزي ما امك سوت سواتها وشردت من بيت زوجها وهربت مع واحد ثاني .... بنتها ما بتكون غير ...!!!!
انا مدري شلون خالتي ابتلت عمرها فيك وبابوووك ..... !!

هنا وبس .. الا ابوووها ... قامت وعطت مها ذاك الكف اللي قام صداه يتردد ف الغرفة ..
خلود معصبه حدها : شوفي يا بنت الناس .. انا تحملت منك الكثير .. وصبرت وصبرت مو عشان سواد عيووونك .. الا عشان البيت المحترم اللي انا فيه ... سكت وانا اسمعك تتكلمين على امي وما اقدر اقووول شي لانها غلطانه ... بس ابوووي .. الا ابوووي .. فهمتي ..؟؟ لسانك هذا لو يجيب طاري ابووووي والله لا اقصه لك .. وقدام كل الحريم بعد ....!!!! فاهمة ..؟!؟!؟!؟

مها اللي انجرحت كرامتها من هالكف .. طلعت بسرعة تركض من الغرفة بعد ما قالت بتهديد : طيب يا خلووود ... والله لا اخليك تندمين على هالحركة طوووول حياتك...!!

وطلعت بسرعة من الغرفة تجر معاها ما بقى من كرامتها .......

___________________________________

(( المطـــار ))

( الساعة 6 ونص )

وقفت ريم متحمسة ومو قادر تمسك نفسها من الوناسة : ياربيييييييي وش فيه تاخر..؟؟!!

رائد : هههه اصبري يا هبلة ... لازم يخلص الاجراءات داخل قبل ما يطلع وياخذ شناطه..
ريم : تتوقع جاب لي هدية..؟؟
ام رائد : انتي ما همك غير الهدية ...؟؟؟!!
ريم : هههههه لازم اطلب منه شي .. الاخ رايح ايطاليا وما اخذني .. لازم تعويض ..

رائد انتبه لها : انتي مو صرتي تتغطين ..؟!؟؟! ليش كاشفة وجهك...؟؟!؟!

ريم نقزت تركض : جا بابااااااااااااااااااااااااا ......

وطاحت بحضنه تبوووووسه
ابو رائد : هههه هلا بريم حبيبتي ....
ريم : بابا حبيبي .. وحشتني ...

ابو رائد : حتى انا يا قلبي....

ام رائد قربت وسلمت على زوجها وباسته على خده : الحمدلله على السلامه !!
ابو رائد : الله يسلمك .... كيفك..؟؟
ام رائد : بخير بشوفتك .... طولت ...!!!
ابو رائد : وش اسوي .. الله يقطع هالشغل .. هلكوووني بالاجتماعات .. وكل اجتماع مدته 6 .. 7 ساعات ....
ام رائد : الله يعطيك العافيه ...

قرب رائد شايل الشنطه : الحمدلله على السلامة ابو الشباب ...

وضرب حضنه وسلم عليه ....

ابو رائد ابتسم : الله يسلمك .... شعندكم اليوم ...؟؟ غريبة جايين المطار تستقبلوووني ..... كل هذا اشتقتووولي...
ريم تسندت على يده : فديتك بابا .. والله البيت مو شي بدووونك ..
ام رائد : اقووول ممكن تسكرين لي فمك وتمشين مع اخوووك .. حتى زوجي ما اقدر اوقف معاه دقيقتين بروحي..!؟!؟!؟!؟!؟

ريم : ههههه قولي انك تغارين ... ماني رايحة ... !!!!

___________________________________

(( بيت مزنة ))

( الساعة 8 المسا )

قاعدة ف غرفة خالها والكره والحقد عامي قلبها ....
مها بتوعد : انا اوريك يا خلووود ... على آخر عمري تجي وحدة زبالة تمد يدها علي وتهزئني....؟!؟!؟!؟!؟ طيب .. ما اكووون مها لو خليتك بحالك....

وفجأة طرت على بالها فكرة خطيرة .. وبسرعة قامت واخذت الجوال حقها ... ودقت على ثامر ....

___________________________________

(( بيت ابو سعود ))

( الساعة 8 ونص المسا )

دخل سالم البيت ومعاه فيصل وامل اخته ....

سالم : ههههه بتستانس عليها لينا الحين ..
فيصل : اخاف تتعبها امل....!!
سالم : امل تتعبها ..؟؟ لينا زي الجنية ما يتعبها شي .....!!

وطلعوا للصالة اللي فوووق ... وقعد فيصل على الكنب وحط امل اخته جنبه ع الكنبة ..
سالم : وينها هذي..؟؟
فيصل : يمكن بغرفتها....
سالم : لحظة بروح اشوووفها ....
فيصل : امك وابووك وين ..؟؟
سالم : مدري .. شكلهم طالعين .. مالهم حس ولا خبر ...

راح سالم لغرفة لينا .. دق الباب بس محد رد ....
سالم : لينا ... لينااااااااا ... ليووووونز .... افتحي الباب انا سالم ....

ويوم ما حصل أي رد ... فتح الباب .... ودخل
بس يوم شاف لينا ممدة ع الارض بغى يغمى عليه : ليناااااااااا ..........

راح لها وقعد جنبها وقام يضربها بالخفيف على وجهها : لينا .. لينا وش فيك..؟؟ لينا قووومي .... قووووووووووووومي .....

وعلى صراخه وصل فيصل للغرفة مرعووووب : وش فيـــــــــــــــــ.......

انقطع كلامه يوم شاف لينا ع الارض وسالم يحاول يقومها ....

فيصل : شفيها ...؟؟؟
سالم بينجن : مدري ... مدري وش فيها ... لينااا.. لينا حبيبتي قوومي ...

طلع فيصل من الغرفة بسرعة .. ويوم شاف الخدامة بوجهه : وين بابا وماما...؟؟
الخدامه متخرعة ومو دارية وش صاير : بابا ماما كله مافي موجود .. كله برا ...

فيصل رجع شعره لورى بخوووف ورجع يركض للغرفة : سالم ... قوووم ... قوم خلينا نشيلها نركبها السيارة ونوديها المستشفى ....
سالم فتح عيونه الثنتين : مستشفى ..؟؟ ليش..؟؟ شفيها..؟؟
فيصل منفعل ويصارخ : وش دراني وش فيها..؟؟ ما تشوفها مرمية على الارض وجها اصفر ... قوووووووووووووم ...!!!

سالم : طيب طيب ... روح شغل السيارة وانا بشيلها والحقك ....
فيصل سبقه : يللا بسرعة ...

دخلوها السيارة وراحوا فيها للمستشفى ....

___________________________________

(( بيت مزنة وقت العشا ))

( الساعة 9 ونص المسا )

وقف ثامر مرتبك وخايف ......
ثامر " افففف ... الله يستر لا يطلع احد ويشوووفنا ... الله يهديها ما تسمع الكلام .. اقول لها خطر نتقابل ف بيت جدتي .... بس عنيده ....ماتفهم!!! "

وقف قدام باب المطبخ ينتظر بترقب .... يلتفت كل دقيقة يمين ويسار لايكون احد موجود ويشوفه او يراقبه .... شوي الا انفتح باب ....

وقف يطالع البنت الحلوة والناعمة اللي طالعه ... لابسة فستان اسود قصير للركبه ... ومسشورة شعرها بطريقة ناعمة .... وحاطة روج احمر ..... وشايلة دلة القهوة ..

تعدل ف وقفته مع انه مرتبك .. بس حاول يمسك اعصااابه ..
ثامر : مسا الخير.....!!

وقفت منصدمه ... طالعت فيه بشك وخوف .. بعدين قالت : يووه ... بسم الله ... شفيه شكلك متغير...؟؟
ثامر رفع حاجب مسوي فيها شخصية : شلون متغير..؟؟ من أي ناحية..؟؟
ردت عليه وهي تتامله شوي : ممم .. مدري بس فيك شي متغير .... ( انتبهت لشكلها وهي واقفة ) ا... وين ابوي..؟؟

( في نفس الوقت )

يوسف : وينه اخوك هذا ..؟؟ ما كمل عشاه ...
بندر : والله مدري .. يمكن واحد من ربعه دق عليه او نسى شي ف السيارة ...
يوسف جا بيقوووم : بقوم اشووف وينه ...

بندر مسكه بسرعة مرتبك : ها ..؟؟ لا لا ... اجلس وارتاح وكمل عشاك انت .. وانا بروح اشووفه ...
يوسف : معليه انا بقوم ...
بندر : لا والله ما تقوووم .. حلفت عليك .. انا اصلا خلصت اكل ... بغسل يدي واروح اشوووفه ... اقعد وكمل اكلك بالعافيه ....
يوسف : الله يعافيك ...

طلع بندر مرتبك وخايف ... بس مرتاح بنفس الوقت انه يوسف ما طلع ....

بندر " الله يهديك يا ثامر ... قلنالك ما ينفع تقابلها بالبيت هنا قدام كل خلق الله ... افففف وينه هذا الحين ..؟؟ "

( وفي نفس الوقت )

ثامر وهو يعدل شماغه : ابووك..؟؟ ههه ادري انها تصريفه لانك مستحية .. بس ما قلتيلي .. متغير للاحسن ولا الاسوأ..؟؟
طالعته وهي خايفة وتدووور بعيووونهها حواليها : ا... عادي ... ممكن تناديلي ابوووي..؟
ثامر : يعني حلو ..؟؟
"افففف هذا وقته الحين..؟؟" : ممم ... أي ... اخلص شفت ابوووي ولا ادخل..؟؟
ابتسم ثامر وطلعت اسنانه : فديتك ... حتى انتي متغيرة ... توني ادري انك لما تستحين تغيرين الموضوع وتمثلين ببراعة ..

طالعته باستغراب : امثل..؟؟
ثامر : أي ... بصراحة طلبك انه نتقابل كان جريء ... بس الحين عرفت انك تستحين..
عقدت حواجبها مستغربة ومو فاهمة شي : انا ..؟؟ متى كلمتك انا ..؟؟

بس ما لحقت تسمع الرد لانه صوووت من بعيد ناداها والتفتت هي وياه لمصدر الصوووت .......

بندر مستغرب وفاتح عيونه ع الاخير : خلووووووووووود..........؟!؟؟!؟!

ثامر مستغرب : انت تعرفها ...؟؟
خلود منصدمه : بندر ...!!!! ... ا. اجل ... ( لفت على ثامر ) مين.. ه .. هذا ...!؟!؟!؟

بندر بعصبية ما قد احد شافه عليها ... هجم على ثامر وعطاه بوووكس قوي على خده ... خلا ثامر يطير مترين ويطيح ع الارض : سويتها يا حيوااااااااااااااااااااااااااااان ...!!!

سكرت خلود فمها عن تصارخ او يطلع صوتها وينتبه لهم احد .... ودموعها كانت تنزل من الخوف : ياربي .... انا شسويت ..؟؟!! بندر الله يخليك اتركه .... بندر ....

بندر لف عليها معصب وواصله معاه : ادخلي البيت بسرعة .. ما ابغى اشوووف وجهك قدامي ... بسرعة لا اخلي اللي جاله يجيك فاهمة ..؟؟؟؟!!!!!!

خلود : بـــ.....
قاطعها وصوته علا : لا بس ولا شي .... ما ابغى اشوووف وجهك ولا اسمع صوتك بعد اليوم فاهمة ...؟؟!!؟!؟!؟ انقلعي من وجهي لا اسويلك فضيحة الحين .... تسمعين ولا لأ ....؟؟؟؟؟

ثامر وقف معصب : انت وش فيك..؟؟ ممكن تفهمني ..؟؟ باي حق تهجم علي كذا وتضربني قدام البنت ..؟؟!!!!!
بندر مسكه من ثوبه بقوة : وتسال بعد ... انت تدري هذي مين ... تدري..؟؟
ثامر : انا قايل لك .. هذي خلود بنت خاله بدريه ........................!!!!

بندر وقف منصدم : انت وش تقوووول ..؟؟ يعني اللي كنت تكلمها 24 ساعة وتتواعد معاها تتلاقون كانت خلووود ...؟؟
ثامر وخر بندر عنه : والله العظيم خلوود ... هي قالت لي بنفسها ..... وقالت بطلعلك من باب المطبخ ... انتظرني هناك ....

بندر عصب وعطاه بوكس ثاني : تدري انك واحد حقير وخسيس...؟؟؟ تدري ولا لأ...؟؟
واللي سويته اليوم .... ياكد هالشي ....

وترك بندر ثامر اللي بدا يسيل الدم من شفايفه .... وركب سيارته وطلع من البيت ...

___________________________________

(( بيت ابو غاده ))

( الساعة 2 بعد منتصف الليل )

تم الجوال يرن ويرن ...... لين ما قامت ام غاده ....

نورة : ابراهيم ... ابراهيم .. قوم شوووف التليفووون .. شكله ضروووري
قام ابراهيم بثقل : اففف .. مين بيتصل فهالوقت ...؟؟
نورة عطته الجوال : مدري شوووف ...

اخذ ابراهيم الجوال ورد : الو ..... مين..؟؟ آآآه هلا محمد ... شفيك..؟؟ ها..؟؟ احلف..!؟!؟ صحيح والله ...!!!! طيب طيب .. انا جاي الحين .. وين..؟؟ خلاص طيب ... ربع ساعة واكون عندك .. يللا مع السلامة ....

سكر التليفووون مرعوووب وفز واقف للدولاب وطلعله ثووووب ....

نورة متخرعة وقلبها ناغزها : ابراهيم ..؟؟ شصااااير..؟؟
ابراهيم وهو يلبس الثوووووب : امي طاحت وودوها المستشفى .. ومحمد واحمد هناااك ... ويقولون حالتها خطرة
نورة حطت يدها على قلبها من الخوووف : طيب وش فيها ..؟؟
ابراهيم وهو يسكر ازرار الثوووب : مدري يا نووورة .. خليني بس اوصل هناك واتصل عليك ...

قامت نورة بسرعة من على السرير وفتحت الدولاب : لا والله ما تروح بدوووني .. انا بجي معاك ....
ابراهيم وهو متوتر : ما يحتاج يا بنت الحلال ... اذا صار شي .. جيت واخذتك .... خليكي هنا مع البنات ....
نورة طلعت لها أي ملابس : البنات كبار ويعرفوا يتصرفوا لوحدهم .. وانا رايحة معك وهذا آخر كلام ...
ابراهيم ماعنده وقت للنقاش والجدال : طيب بسرعة ....

(( يوم الجمعة ... بيت ابو بندر ))

( الساعة 9 الصباااح )

تعبت دانة من اللف ف الغرفة رايحة جايه : اف .. الله يستر يااارب .... شفيهم طولوا...؟؟
ثامر اللي قاعد وسرحان وخايف بنفس الوقت : اصبري شوي .. اكيد للحين ما صار شي .. اذا صار شي اكيد بيتصلوا ...

دانة قعدت جنب ثامر تترجاه والدموع ف عيونها : ثامر ... انت عندك سيارة .. الله يخليك .. وديني لهم ... الله خليك يا ثااامر ..

ثامر ضايق صدره وباله مشغووول : يا دانه خلاص اهدي ... لو في شي طارئ صاير .. كان اتصلوا فينا ..... بس ما اتصلوا .. يعني للحين ما صار شي ... انتي اهدي وروحي نامي شوي .. من امس ما نمتي .....

دانة بعناااد : ماني نايمة .. جدتي ف المستشفى طايحة وانا نايمة بالبيت ..!؟!؟!؟!
ثامر : يعني لو رحتي وش بتسوين ...؟؟؟؟؟

دانة منفعلة : أي شي .. بس ما اقعد هنا كذا .. ع الاقل اككووون مطلعة ع الوضع من المستشفى .....
ثامر : اففف ... اصبري .. نستنى ساعة اذا ما جانا خبر .. انا بنفسي بوديك .. طيب..؟؟
دانة بياس وخووووف : افف .... طيب ...

وقف ثااامر ...

دانة مستغربة : على وين...؟؟
ثامر : بروح ابدل ملابسي .. من امس وانا بهالملابس ... باخذلي حمام سريع ..
دانة : طيب بس لا تطول ....
ثامر واصلة معااه : خلاص زين ...

طلع فوووق معصب ....

دانه " يوووه ... شفيه هذا بعد..؟؟ من امس وهو قالب وجهه ..؟؟ ياربي مانا ناقصين مصااايب ارفق فينا يااارب " .....

___________________________________
نهاية البارت الـ 20 ...

ايش رايكم بالاحداث اللي صااارت ..؟؟
بندر وثاامر ... معقولة تفرق من بينهم بنت ..؟؟
وخلود وش بيصير فيها ...؟؟
ومها .. تعتقدوا بنتفذ من العقاااب ..؟؟
سعود ودلع ... هل بيصير تغيير ف حياتهم ..؟؟
ولا الوضع راح يبقى زي ما هوو..؟؟

» رواية عيون فارس : رومانسية روووعة :
» مسجات رومانسية
» رواية (( بنات السفـ ي ـر))
» سعوديات في بريطانيا ...رواية رومنسيه...