ودك تنامين ؟ نامي .. رواية رومانسية

@@@@@@@@@@@@@@@@@@@@@@@@@@@@@@@@@@@

>> الفصل الثاني <<

(( الفندق ))

( الساعة 7 الصباح )

في وسط اجواء الهنا والسعادة اللي ف الغرفة .. فتح رائد عيووونه .. التفت جنبه وشاف دانة نايمة .. زي الملاك الصغير ...

قام وقعد .. ومد يده العريضة لوجهها الناعم البري .. لمس نعووومة خدووودها .. وبكل رقم قرب راسه وباسها : دنّووو .. دنّووو يا عمري ..

دانة فتحت عيووونها شوي شوي وشافته فوووقها .. ابتسمت على طوووول ابتسامة واسعة ...
رائد ضحك على طووول وغمازاته طلعت : فديت ضحكتك انتي... قومي حياتي يللا ما بقى على الطيارة شي...
دانة مستغربة : طيارة ..؟؟ أي طيارة ..؟؟
رائد ضحك بزيااادة : هههههه... دانة حبيبتي شفيك .. الطيارة اللي بنروح فيها شهر العسل هههههه ...
دانة تذكرت وقامت قعدت : آآآآآآآه .. أي صح .. ههههه مدري شلون نسيت ..؟؟
رائد بنظرة تخقق قرصها على خدها : معذووورة .. من شاف هالحلا قدامه ما يتذكر نفسه .... !!

دانة فتحت عيووونها وهي تاخذ المخدة اللي جنبها وترميها على رائد : لاوالله ...!! قووم.. قووم الحق عمرك وروووح الحمام قبل ما اضربك قوووم ..

رائد قام بسرعة وهو يضحك ويشرد للحمام : ههههه خلاص تووبة .. اقووولك توووبة هههههههه

___________________________________

(( شقة سعود ودلع ))

( الساعة 11 الصباح )

قامت دلع بعد ما تقلبت شوي بتعب ... ووقفت على رجولها وتذكرت اللي صار امس .. ابتسمت بزيااادة وهي تعض شفايفها ... فتحت يدينها وقامت تدووور ف الغرفة زي المجنوووونة ...

وقف فجأة وحطت يدها على بطنها تتذكر اللي صار فيها ذيك المرة .. خافت .. خافت مرة تفقد الجنين هالمرة ..
دلع " لأ .. انا مالي دخل .. هالمرة بالذات محد بيمنعك انك تجي ... اوعدك... اوعدك يا حبيبي .. هالمرة غير .. هالمرة ابوووك هنا .. هالمرة لك الحق انك تطلع .. لك الحق انك تعيش ... تعيش زي أي طفل من الاطفال .. وانا ما بقصر معاك ابد .. اوعدك..!! "

___________________________________

(( بيت ابو راكان ))

( الساعة 12 الظهر )

بينما الكل كان قاعد يقوم من النوم ... طلعت مها توها لغرفتها عشان تنام .. كانت طول الليل .. تفكر ف حل للي هي فيه ... يوم شافته امس .. حست انه روحها بتطلع مكانها من الفرحة ... كان كاشخ ع الآخر .. ويمشي بكل هيبة ورزة .. كان خاطرها تروح تركض له .. وترتمي بحضنه .. كان ودها تعترف له بالحقيقة ... وتقوله عن مشاعرها تجاه..

بس كل هذا ما صار ... دخلت غرفتها .. وسكرت الباب على نفسها ..
وقعدت ع الارض بقلة حيلة ...
مها " انا الغبية .. انا الغبية .. على بالي بنتقم من خلووود .. !! خلود وش خسرت ..؟؟ ما خسرت شي.. انا اللي خسرت ثامر وخسرت حبه لي ووده .. اما خلود .. خلود ما تحبه .. وش استفدت غير اني هدمت حبي اللي بنيته بيدي مع الايام ...؟؟!؟!

___________________________________

(( بيت هشام ))

( نفس الوقت )

حال خلود ما كان مختلف مرة عن حال مها .. غير انه خلود كانت مستغربة ... ليش يصير فيها كذا وهي بريئة.... مالها ذنب ف كل اللي صار ..

خلود اللي كانت قاعدة على السرير وحاضنه دبدوووبها بقوة لصدرها وتصيح " كيف تتهمني بهالتهمة ...؟؟ كييييييييف..؟؟ كيف وانا اللي حبيتك من كل قلب .. وانا اللي حلمت فيك طول الليالي وتمنيت اننا نكون مع بعض ولا يفرق بيننا أي شي...؟؟؟ وكيف أصلا اقدر اسوي هالشي...؟؟ كيف اقدر اجرح روحي..؟؟ قول لي كييف..؟؟ "

رفعت راسها لفوووق .. تلتمس الرحمة من ربها ... " يا رب .. يا رب ارحمني .. يااارب اذا مالنا امل .. شيل حبه من قلبي يااااآآرب ... شيله ... خليني انسااه .. يا رب لا توفق كل من كان له يد فللي صار .. يااارب لا توفقه يااارب ف حياااته ... "

___________________________________

(( بيت ابو بندر ))

( الساعة 2 الظهر )

سكرت ام بندر وهي مستانسة : الحمدلله وصلوا بالسلامة ...
ابو بندر فرح : والله ..؟؟
ام بندر : أي والله .. توها دانة مكلمتني .. تقول وصلوا وهم الحين ف الفندق .. بيرتاحوا شوي وبعدين بيطلعوا ...
احمد فرحااان : شلون شفتي صوتها ..؟؟ مرتاحة ..؟؟
ام بندر : أي الحمدلله .. متحمسة مرة .. الله لايغير عليهم ...
الكل : آمين

ابو بندر : الا وين عيالك ..؟؟
ام بندر : يعني فوووق كالعادة .. نايمين اكيد ..
احمد : هههههه امس يوم دخلوا الصالة .. كل واحد كانه جاي من حرب ..
ام بندر ضحكت : ههههه أي انا عطيتهم زفة محترمة ..
ابو بندر مستغرب : ليش..؟؟ شسوو..؟؟
ام بندر : والله ما سوو شي .. بس انت تعرف عيالك .. طايشين وما يفكرون بللي يسوونه ولعابين .. عشان كذا انا كنت ابغاهم يوصلون بنات خالاتهم الصالون .. وعطيتهم زفة .. ونبهتهم انه اللي يغلط مع أي وحدة من بنات خالته او بنات عمه ما راح يكون حسابه يسير .....

احمد فتح عيووونه متفاحئ وفيه الضحكة : ههههههههااااي ... انشالله هاوشتيهم قدام البنات ...
ام بندر : أي نعم .. عشان يسمعوون الكلام ..
ابو بندر : زين سويتي فيهم ..
ام بندر وف خاطرها شي : والله امس البنات كل وحدة احلى من الثانية .. ماشالله عليهم اميرات ...

ابو بندر : أي والله .. امس يوم شفت سمر وغادة ماشالله عليهم ... كل وحدة قمر ..
ام بندر باعجاب وااضح : لااا ... انت ما شفت اروى .. ما شاء الله عليها .. مسكته الكل..
حتى خلود بنت هشام ما تجي جنبها شي .. لا اله الا الله ...
ابو بندر : اروى هذي اخت رائد ..؟؟

احمد بسرعة رد : لا هذي اخت عوض .. يعني بنت عم رائد ..

ابو بندر طالع احمد بنص عين .. قام احمد انحرج وسكت
ام بندر عجبها الوضع : جمال واخلاق .. ما شاء الله عليها .. حتى ريم اخت رائد حلوة مرررة .. وناعمة .. ومرة انيقة بفستانها الفوووشي الفاقع .. بس .. مدري .. حسيتها جريئة شوي .. يعني ماشفتها ولا مرة انحرجت لما الحريم يكلمووونها .. تحسها طايشة مع انها اكبر من اروى .. بس اروى اعقل .. واعية ورزينة ...

ابو بندر : أي لا تنسين اللي صار لها بعد وفاة اخوها مو سهل .. اكيد بتتاثر وتعقل .. صدمة قوية اللي تعرضت لها ..

احمد طلع جواله ومسوي يلعب فيه وهو يسمع كلامهم .. اعجابه بهالبنت يزيد يوم عن يوم ..

ام بندر التفتت على احمد بعد ما غمزت لابو بندر اللي فهم الموضوع : ها احمد .. شرايك بالموضوووع ..؟؟

احمد بنظرات متفاجأة : ها..؟؟ عن ايش..؟؟
ام بندر : عن البنت .. اروى .. اللي تونا كنا نتكلم عنها ..
احمد حط عيووونه بالجوال : ماشالله عليها .. مو ناقصها شي من اللي سمعته ..
ابو بندر عطاه اياها كااش : يعني تبغاها ولا لأ...؟؟

احمد فتح عيووونه ... ما قدر ينطق .. السؤال اللي سأله اياه اخوه سؤال صعب ..
احمد : .....................انعقد لسانه ..
ابو بندر : يووووه .. احمد شفيك .. رد ..؟؟ شرايك..؟؟ تبغى نخطبها لك ولا لأ..؟؟ ما اعتقد انك صغير .. انتا الحين بسن مناسب عشان تتزوج .. و اروى زي ما تقول ام بندر ما يعيبها شي... وش قلت ..؟؟

احمد : ا... م...ا .. مدري ..
ام بندر : شلون ما تدري..؟؟تبغاها ولا لأ... بعطين انتا شوفها اول .. يمن تعجبك ..

احمد بلع ريقه مو عارف وش يسوي " ياربييي وش هالورطة .. أي اقوول الحين ..؟ "
وقف احمد وجا بطلع من البيت : عطوني فرصة افكر ...

طلع من البيت .. ووقف ف الحوووش يفكر " معقووولة .. انا آخذ اروى..؟؟ اخت عوض.. انا آخذهااااا ...!؟!؟!؟ آآآآآآآآآآآآآآه والله البنت ما يعيبها شي .. حلوة وعاقلة زي ما قالوا ..بس ... بس .. ريم ... ريم شلووون اخليها وافرط فيها بهالشكل ..؟؟ ريم اللي حبتني .. ريم اللي وقف جنبي يوم ضيقتي .. ريم اللي طلعتني من قوووقعة الهم اللي كنت عايش فيها ... ريم اللي خلتني اعيش الحياة من جديد ... يووووووه يا احمد .. انت شفيك..؟؟ لسة الموضوووع مو اكيد .. يعني تقدر ترفض .. وتقدر توافق .. فكر فيها زين ... ولا تضيعها ابد .. ما تدري ايش ممكن يصير.......!!! "

___________________________________

(( بيت ابو رائد ))

( الساعة 3 العصر )

ريم نقزت يوم امها سكرت التليفووون معصبة : يوووووه ... ماما الحين قاعدة ساعة اصاااارخ واقولك ابغى اكلمه ... ليش ما عطيتيني اياه ...

ام رائد : افففففف .. ريم حرام عليك ... توهم طالعين من الفندق ورايحين يتغدووون .. حرام عليك .. خليهم شوي مع بعض . ولا تتصلين فيه فاهمة ...؟؟
ريم : ليش يعني..؟؟ ما بتضر دقيقة ... لو كلمته

ام رائد : اخوك توه معرس .. ما يصير تزعجيه ف شهر عسله .. خليه مع زوجته ينبسطوا ...
ريم : اففف ... متى انبسط انا واروح شهر عسل ياربييييييي...؟؟
ام رائد : انتي دامك كذا زي الهبلان عمره محد ماخذك ...

ريم بغرووور ونعوومة : نعم ..؟؟ اصلا انا كل يوم طوابير الخطاب على الباب .. بس انا للحين ماجا اللي ابغاه ويبغاني ... اناسبه ويناسبني ..

ام رائد تتظنز : ماااالت .. انا مدري مين اللي ناوي على عمره وبياخذك ..
ريم : طيب طيب .. بكرة بتشوفين ...!!

___________________________________

(( جزر الباهاما ))

( الساعة 11 المسا )

في ظلام الليل وتحت نور القمر ... اصواات الامواج اللي تصدم ف رمال الشاطئ هي الوحيدة اللي تنسمع ... ولغة العيووون بين رائد ودانة اللي يتمشوووون جنب البحر .. هي سيدة الموقف ....

رائد قطع الصمت : الجو مررررة حلوو ..
دانة غمضت عيووونها تتنسم الهوا البارد : مممم... فرق عن الجو اللي طلعنا منه ..
رائد : لا تذكريني بالحريقة اللي كنت فيها .. والله لما ارجع من الجيم اعصر التيشيرت ويصب ماااي يروي بلد ...!!!!
دانة بدلع : هههههه يعععععععع ...

رائد طالعها شوي ...
دانة مستحية : شفيك ..؟؟
رائد لف يده حولها وقال وهو يهمس لها : احبك...
دانة طالعته بخجل وقالت بكل رقة : حتى انا احبك ..

رائد وقف مستغرب ومتفاجئ وكانه احد معطيه كف ....
دانة مستغربة : بسم الله شفيك..؟؟
رائد غمض عيوووونه مبسوووط : الللللللللله ... عيديها .. عيديها تكفين .. !!
دانة تضحك على شكله : ههههه شوووف شكلك شلون صاير .. ماني عايدتها ..
رائد قرب : الله يخليك عيديها ..
دانة فعت حاجب : واذا ما عدتها ..؟؟

رائد التفت حوله وضحك : بشيلك .. قدام كل هالناس وادووور فيك واصااارخ
دانة : هههه صراحة هذا عرض ما يتفوت ..
رائد : كيفك ..

قرب وشالها من رجوولها وهي تضحك
دانة : يا مجنووون نزلني .. لا احد يصورنا ولا شي.. والله نروح فيها فضيحة .. !!
رائد : لا تخافين محد بيصورنا ... الا تعالي .. انتي ليش ما تاكلين؟؟ زي الريشة ..
دانة متعلقه فيه : انا مو ريشة .. بس انت ما تعودت الا على رفع الاثقال .. لازم تتعود على رفع شي اخف من اليوم ورااايح ..
رائد : انتي تامرين امر ..
دانة قربت راسها منه وقالت : احبك ...

رائد من الوناسة قام يناقز فيها ويدووووور .. ودانة تضحك وتصاااارخ

@@@@@@@@@@@@@@@@@@@@@@@@@

(( بيت ابو رائد ))

( الساعة 5 المغرب )

ريم اللي كان الزهق واصل معاها حده ...
ريم : افففف .. ماما .. والله طفشت !! ما صاااارت
ام رائد وهي تلبس عبايتها : يللا ما بقى شي .. بعد بكرة احنا ماشيين ...
ريم : افففففف
ام رائد : انتي خلصتي كل شي ..؟؟
ريم : أي .. كل شي جاهز حتى الشنطة سكرتها .. الله يخليك خليني اكلم رائد ..
ام رائد بتحذير: لأ يا ريم .. والله لو ادري انك دقيتي عليه بزعل منك والغي السفرة

ريم بخوف : لا لا لا خلاص خلاص ما ابغى اكلمه .. كله ولا السفرة ..
ام رائد : طيب انا طالعه
ريم : وين ..؟؟
ام رائد : بروح اشتري لي كم شيلة ملونة ..
ريم : اهاااآآ يعني سووووق
ام رائد : أي.. تجين ..؟؟
ريم : اففف ... لأ .. وين بابا ..؟؟
ام رائد وهي طالعة : ابوك راح مشوار مع واحد من اللي يشتغلون عنده وبيرجع بعد شوي .. أي صح .. ( التفتت ) شوفي .. يمكن احمد هذا هو اللي رايح معاه .. خلي الشغالات يجهزون المجلس طيب.. خليهم يبخروه ويجهزون القهوة وصحون الحلا ..

ريم نقزت بونااسة : والله ..؟؟ مو مشكلة انا بسويهم ...
ام رائد : من متى انتي تسوين قهوة ..؟؟ لا تسوينها .. اخاف تخربينها وتفشلينا قدام الرجال.. بعدين ليش مهتمة للموضوع لهالدرجة ..

ريم تورطت : ها..؟؟ ا.. لأ ... ب ..بس حصلت لي شي اسويه
ام رائد : طيب زي ما قلت لك .. لاتنسين
ريم : اوكي ..

طلعت ام رائد وريم صرخت من الوناسة : يس......!!!!

وعلى طول طلعت تغير ملابسها بعد ما قالت للشغالات يجهزون المجلس ..

___________________________________

(( بيت فيصل ))

( الساعة 6 بعد المغرب )

الكل تجمع ف الصالة حسب رغبة ابو نسايم و أمها ....

نسايم : الله يستر .. ايش عندكم ..؟؟
ابو نسايم : حبيبتي .. انتي شفتي ايش صار فيكي هنا مع اللي ما يتسمى المحروووس زوجك ... ودحين هوا ف السجن ... وانا رفعت عليه قضية طلاق وان شاء الله راح نكسبها .. وبعد الطلاق وبعد ما تخلصي العدة بإذن الله .. انا و امك ناويين ترجعي معانا جدة ....

فيصل : ايش...؟؟!؟!؟
نسايم بلعت ريقها : بس بابا .. انتا ايش قاعد تقووول ..؟؟ انا بيتي هنا.. وبناتي هنا .. و زي ما تعرف انا الحين حامل ف الشهر الرابع .. ما يصير
ابو نسايم : و ايش اللي ما يصير ... اول ما تولدي ترجعي انتي وبناتك وفيصل معانا جدة .. وهناك حتكونوا جنبنا .. ومعانا ف بيت واحد .. يكفي اللي صار عليكي للحين ..

فيصل مو عاجبه الوضع ابد : بس يا جدي .. انا مولود هنا ومتربي هنا .. وكل ذكرياتي والناس اللي اعرفهم هنا .. وبعدين انا سجلت ف جامعة وانتظر منهم يقبلوني .. والوظيفة حصلتها وكل شي متيسر لي هنا ...

ابو نسايم : ايش اللي تقوله انتا..؟؟ انتا من جدك ناوي تشتغل و انتا لسه صغير ما دخلت جامعة .. ما معاك الا شهادة التانوي...؟؟ لا يا حبيبي .. تعال جدة وكمل دراستك .. وإذا تبغى انا راح ارسلك تدرس في أمريكا وترجع لنا واحد متعلم ومثقف .. مو زي البدوووو .. انا ما عندي أولاد زي البدووو .. انتا لازم تتحضر وتكمل دراستك وتبني مستقبلك زي الناس...

ام نسايم : انا فاهمتك يا فيصل .. انتا تربيت هنا وتعودت على العيشة هنا.. بس جدة احلى .. صدقني .. جدة مرة احلى عن الشرقية .. وصدقني راح تحبها .. هناك الانفتاح اكتر من هنااا..وصدقني راح تنبسط وتحبها .. بعدين راح يكونوا أخواتكم ف أمان .. تحت عيني وتحت عين جدك هنا .. إحنا ما نبغى الا اللي فيه مصلحتك ..

فيصل سكت .. كل اللي يقولوه صح .. مصلحتهم هناك أحسن .. وفرص عيشهم حياة بسلام أوفر .. بس .. هنا .. المكان اللي تربى فيه .. الناس اللي عرفهم .. واهم شي ف باله .. سالم ولينا ...

___________________________________

(( بيت ابو رائد ))

( الساعة 6 ونص )

وقف ريم قدام الشباك .. تنتظرهم يوصلون ..

واول ما انفتح باب الحوش .. شافت سيارة ابوها المرسيدس تدخل .. وهو داخلها .. بس محد معاااااااه ... انتظرت سيارة ثانية تدخل .. بس مافي أي سيارة دخلت وراه سيارة ابووها

ريم خافت " لأ... لا تقولون ما جا لأ.... مستحييييييييييييل ... !!! "

طلعت للحوش ونزلت تسلم على ابوها : بابااااااااااااااااااا
ابو رائد اول ما شافها ابتسم ... وهي على طول حضنته وباسته : وينك تاخرت..؟؟
ابو رائد : معليه حبيبتي كان عندي شوية شغل .. امك داخل..؟؟

ريم : لأ ... راحت السوق تشتري لها كم شي حق السفرة ..
ابو رائد : خلاص يعني قررتوا بعد بكرة...
ريم : أي .. الله يخليك تعال معانا....

ابو رائد وهو يمشي جنبها لداخل البيت : والله يا حبيبتي ما يصير اخلي عمك صالح لوحده مع هالشغل الكثير ... لازم اكون معاه واساعده ...
ريم بحزن : طيب ..

ابو رائد : شوفي حبيبتي .. انا رايح اتروش ..وبعد شوي بيجي احمد .. اذا جا .. خليه يدخل المجلس ... اوكي .. ؟؟
ريم استانست : اوكي ..

طلع ابو رائد فوق عن طريق الاصنصير الموجود ف البيت .. اما ريم فراحت تسنتر قدام الشباك لين شافته يدخل بسيارته اللكزس ...

وساعتها قعدت تنااقز من الونااسة .. خصوصا يو شافته ينزل بثوووبه الانيق الرسمي.. والشماغ الاحمر اللي مشخص فيه ..

ريم وقفت مترددة " اطلع ولا لأ..؟؟ اطلع..؟؟ لا لا .. ادري بيعطيني زفة لو طلعت قدامه كذا .. احمد واعرفه .. لو يشوفني كذا بيسفهمني ولا يكلمني لين البس عبايتي .. اففف "

نطت تراقبه وهو جاي بيدخل المجلس حق الرجال اللي برى ..

ريم " تدرووون شلون .. انا من اليوم بصير ثقيلة شوي .. ههههه بجرب الحيا لمرة ف الحياة ... "

@@@@@@@@@@@@@@@@@@@@@@@@@@@@@@@@@@@@

(( اليوم الثاني .. شقة سعود ودلع ))

( الساعة 2 ونص الظهر )

دخل سعود الشقة وشاف دلع قاعدة ع الكنبة ..
سعود : السلااااااااام
قامت دلع : وعليكم السلام ...

سعود قرب وحط الاكياس على الطاولة : اقعدي اقعدي .. لا تتحركين ..
دلع : هههههههه سعود من لهالدرجة ..
سعود : لا والله .. انتي ما شفتي الدكتووورة شلون عطتني محاضرة .. ما تتعبهاااش وخليها ترتاح .. وما تزعلهااش وخليها فرحانة ... !!!!؟؟
دلع : هههههههه كانت تبالغ ..

سعود شق حلقه : انا اليوم بحط الاكل .. جبت لك مشاااوي ...!!
دلع : احلف..!! الحمدلله كنت مرة مشتهيتها ...

سعود شال كيس من الاكياس .. وكان ملون : وجبت هذاااا ...
دلع مستغربة : وايش هذا..؟؟

سعود عطاها الكيس وهي فتحته .. وطلعت اللي فيه وقااامت تضحك هي وسعووود ..
كان ف الكيس لعبة على شكل garfield .. وكان مرة كيوووت

دلع : واااااااااو ... هههههه مرررررة حلوو ..
سعود : هذا خليه لا جا ولدي .. يلعب فيه ..
دلع : ولو طلعت بنت ....؟؟؟
سعود يفكر : ممممم .. حتى البنات يجبون Garfield صح...؟؟
دلع : ههههه أي صح ...

___________________________________

(( جزر الباهاما ))

( الساعة 11 الصباح بتوقيتهم المحلي ) << على فكرة فرق الوقت تخريف من مخي يعني مشي حالك خخخخخ تدرون معلوووماتي في هالشي ميييح ...!! هههههه

قامت دانة من بدت اشعة الشمس تدخل الغرفة ..دخلت الحمام وغسلت وجهها وطلعت .. لبست ملابسها وكشخت وهي مروقة ع الآخر .. التفتت وشافت مزهرية ورد حطوها الفندق .. وكانت كلها ورود حمرا ... ابتسمت وهي تاخذ الوردة وراحت لعند السرير ...

حطت الوردة على خشم رائد .. بس .. ولا كانه صااير شي .. ما حس ابد ..
فقامت ابتسمت بشرااانية وحطت الوردة على رجوووله تدغدغه لين فز من نووومه ..

دانه : خخخخخ عرفنا نقطة ضعفك ..
رائد ابتسم وفيه النوم : هههههه صباح الخير
دانة ابتسمت متحمسة : صباح النووور .. يللا رائد قووم بسرعة والله متحمسة ابغى اطلع ..

رائد بعناااد : لأ مافي ..
دانة : لييييييش...؟؟
رائد شق الحلق : بس كذا .. ما نبغى نطلع اليوم .. خلينا شوي لحالنا مع بعض ف الغرفة .. ما شبعت منك ...
دانة ابتسمت : ا.. اوكي .. بس بشرط ..
رائد : آمري .. تدللي يا روح رائد ..
دانة بدلع وهي تقعد جنبه وتلصق فيه برومانسية عجيبة : ابغاك تخليني ف حضنك طول اليوم .. !!!

___________________________________

(( بيت ابو بندر ))

( الساعة 7 المسا )

ثامر اللي كان يدور على حقيقة السالفة اللي صارت .. ويبغى يعرف ايش قصة خلوود .. بدا باول خطة من المهمة اللي رسمها ..

راكان : الووو
ثامر : هلا براكاااااان ..
راكان : ثامر ...!! هلا والله ..
ثامر : كيف الحال ..؟؟ وكيف امووورك ..؟
راكان : بخير الحمدلله .. انت و شخبارك..؟؟ وكيف الصيف معاكم ..
ثامر: خلها على الله .. هالحر مو طبيعي...
راكان: هههه هذا شي عااادي .. ترانا ف السعودية ..

ثامر : المهم .. شلونك..؟؟ وشلون الاهل..؟؟
راكان : كلهم طيبي الحمدلله .. اختك وزوجها كيفهم..؟؟
ثامر : والله بخير .. تخيل راحوا جزر البااهاما .. حتى مدري ايش هذي..
راكان : والله ..؟؟ هذي جزر مرررة حلوة يمدحووونها .. دايما اللي يبغون يروحون شهر العسل يمدحون الروحة هناك ..
ثامر : والله انا ما عجبتني الفكرة .. انا اقووول اللي بيروح شهر العسل ليش يطلع برى..؟؟
راكان : خخخخخخخ وين تبغاه يقضي شهر عسله ..؟؟ عرعر ..؟؟
ثامر : لا عاد مو عرعر .. يعني .. الكويت .. دبي .. صلاالة ..

راكان : خخخخخخااااااااااااي ... والله انك من جنبها يا ثامر ..
ثامر : ههههههه طيب .. راكان ابغى اشوووفك متى اقرب وقت تكون فيه فاضي..
راكان مستغرب : عسى ما شر..؟؟
ثامر : لا .. خير انشالله .. بس زهقان وما عندي احد .. قلت اطلع اتمشى وياك .. من زمان عنك ....!!

راكان : خلاص مو مشكلة .. انا رايح الحين الراشد ..
ثامر :خلاص .. وين اتقابل وياك ..؟؟
راكان : انتظرني عند ميد اللي قدام المغربي حق النظارات ..
ثامر : خلاص .. يعني بعد حوالي ربع ساعة ..؟؟
راكان : اووكي ..
ثامر : يللا اشووفك ف امان الله ..
راكان : مع السلامة ..

سكر ثامر عن راكان وكان لابس وجاااهز .. نزل لتحت عشان يطلع وشاااف احمد قاعد ف الصالة وامه توها طالعة من المطبخ...

ثامر : يما تبغين مني شي انا طالع مع راكان ولد خالي...
ام بندر : لا حبيبي روووح ..
احمد : سلم عليه ..
ثامر : تعال معاي ...
احمد : ها..؟؟ لا بمر على عمي صالح شوي .. من زمان ما سلمت عليه ..
ثامر : كيفك ..

طلع ثامر وجا احمد بيطلع بس نادته ام بندر : لحظة احمد ..
احمد التفت : سمي ..
ام بندر : وش قلت ع الموضوع اللي كلمتك فيه ..؟؟
احمد ارتبك : و.. والله .. ب .. بصراحة ..
ام بندر : يا احمد ما يبغالها كل هالتعقيد .. أي ولا لأ..؟؟

احمد قعد ع الكنبة وه يجمع كلامه : ام بندر .. اقعدي شوي واسمعيني ..
ام بندر قعدت ع الكنب :احمد .. اذا حاط ف بالك وحدة ثانية وودك فها قول لي .. انا مستعدية من بكرة اروح واخطب لك اياها ..
احمد ضحك : ههههههه لا يا ام بندر .. السالفة كلها .. انا ماني متاكد من اني ابغى اتزوج الحين .. او بالاحرى .. ماني عارف ايش ابغى.. عطيني فرصة شوي افكر .. وانا متى ما حسيت اني جاهز .. اوعدك اجي بنفسي واقوولك اخطبيلي..

ام بندر بتفهم : انا فاهمتك وف أي وقت انا جاهزة .. ادري انه اللي مريت فيه مو سهل .. بس .. انا قلت يمكن لو تزوجت تخف وحدتك شوي .. يصير عندك مين يونسك .. بس على راحتك .. انت ادرى بمصلحتك .. وماني ضاغطة عليك ..

احمد ابتسمت : شكرا لانك تفهمتي الموضوع .. طيب .. الحين توصين على شي .. انا بطلع ..
ام بندر : لا سلامتك .. بس لاتتاخر ..
احمد قام : انشالله ..

(( شقة سعود ودلع ))

( الساعة 7 ونص المسا )

طلع سعود من الغرفة : يللا دلع .. انا رايح ..
دلع : وين ..؟؟
سعود : رايح عند خالد .. بروح اشوووفه .. من زمان ما رحت له .. توصين شي؟؟
دلع ابتسمت : لا حبيبي سلامتك .. بس شوووف
سعود التفت : آمري...
دلع : بطلب بيتزا .. مرة جوعانة ...
سعود جا بيمشي : اوكي
دلع نادته : متى بتجي عشان لما يوصل تستلمها منه ...؟؟؟
سعود بلا مبالاة : انتي خذيها منه .. الباب مو بعيد عن الكنب صح ..؟؟ تتعبين لو مشيتي لهناك..؟؟
دلع تحطمت وباان هالشي على وجهها " رجعناا..؟؟!! " : لا ما اتعب ... بس.. كنت ابغى ناكل سوى ...
سعود انتبه لها " شفيها زعلت ..؟؟ انا قلت شي يزعل ..؟!!؟ " : حبيبتي والله اتوقع اتاخر عنده شوي .. حوالي ساعتين لاني من زمان ما شفته ...

دلع لفت وجهها عنه : طيب ..
سعود : باي..
دلع : ............... ماردت عليه .

طلع من البيت ...

___________________________________

(( بيت ابو عوض ))

( الساعة 8 المسا )

ابو عوض : ما سمعتوا شي عن رائد ودانة ..؟؟
احمد : الا .. اتصلت امس دانة وكلمتنا ... وكلمت رائد ... يقولون مستانسين الحمدلله
ابو عوض : الله يهنيهم ..

احمد : وانت شخبارك عمي..؟؟
ابو عوض : انا الحمدلله .. طبعا ما بقدر اسافر لانه زي ما تعرف الشغل ف الشركة كثير .. و لسه ما خلصنا ..
احمد : والعائلة ما بيسافرون ..؟؟
ابو عوض : الا .. زوجتي بتروح مع ام رائد جدة عشان يزورون اهلهم هناك .. بس .. اروى ماهي رايحة... لانه قدمت طلب للجامعة وتستنى الرد ..

احمد مستحي : ا... عمي .. انا آسف ..
ابو عوض استغرب : على ايش..؟؟
احمد طلع الالبوم اللي كان عنده ف السيارة : انا ذيك المرة اخذت البوم صور عوض معاي اتفرج عليه .. صدقني لو ما كنت محتاج له كان ما اخذته .. بس كنت ابغاه يخفف شوي علي .. والحين .. يوم خلصت منه لازم ارجعه .. وآسف لاني اخذته بدون اذن .. سامحني وحقك علي ...

ابو عوض ابتسم : دومك رجال يا احمد .. الله يحفظك يارب ويوفقك ... واذا تبغى .. خلي الالبوم معاك ... يمكن تحتاجه مرة ثانية .. انا مقدر وضعك ...
احمد : لا عمي .. انتوا تحتاجوه اكثر مني .. انتوا اهله اللي ربيتوه واعتنيتوا فيه لين كبر .. اتوقع انه من حقكم تكون عندكم الصووور ...

ابو عوض : خلاص يا احمد .. مدامك مصر .. روح رحعه ..
احمد قام بيطلع فوق .. بس وقف : ا... عمي .. في احد فووق ..؟؟
ابو عوض : ممم .. لا لا مافي ... ام عوض ف بيت جارتنا .. واروى ف غرفتها كالعادة .. نادر ما تطلع ... .. روح محد موجود ..
احمد ابتسم بشكر : عن اذنك ..

طلع احمد للدور اللي فوق ودخل غرفة عوض .. فتح درج التسريحة وحط الالبوم هناك .. وسكر الدرج ... بعدين تذكر.. طلع الصووورة من جيبه .. ووقف يطالعها شوي ..
احمد ابتسم وهو يطالع صورتها " الله يحفظك يارب "

حط الصورة على التسريحة وجا بيطلع ف الغرفة بس .. سمع صوت وحدة جااااية ..
اروى : مين ف الغرفة ..؟؟؟ مامااا..؟؟

احمد ما عرف وش يسوي .. وبخلال لحظة . تخبى ورى الباب بدون تفكير " لا حوووول .. وش هالمصيبة هذي..!؟؟! يارب تطلع من الغرفة يااارب "

اروى دخلت الغرفة ودارت فيها مستغربة : غريبة..؟!؟ توني سامعة صوت احد هنا.. اجل شلون الليت صار مفتوووح ...؟!؟!؟

التفتت ف الغرفة يمكن تحصل اثر لاحد كان هنا " لأ..لأ..لأ انا مو مجنووونة انا سمعت صوت آدمي هنا ..
مسكت راسها تحاول تهدي نفسها وهي تتكلم : اروى .. اروى يا بقرة اخوك مات .. مات .. واللي يموت ما يرجع فهمتي ..؟؟ لاتقعدين تتخيلين اشياء ما تصير .. الميت مستحيل يرجع ... افففففففففف

وهي تدور ف الغرفة لمحت صوورتها على السرير ووقفت لحظة تفكر : ه .. هذي صورتي..!! بس.. مين طلعها من الالبوم ..؟؟ شلون وصلت هنا ..؟؟ .. سم الله الرحمن الرحيم ... بسم الله .. قل اعوذ برب الفلق ..!!!

شالت الصورة وجات بتطلع من الغرفة بسرعة قبل لا تنجن .. بس رجولها ما قدرت تتحرك ... وقفت والدم كله تجمع ف عروقها .. قالت بخوف وهي ترحع على ورى : ا..ا...انت .. ش.. شتسوي .. هنا ..؟؟

احمد حس الدنيا دااارت فيه .. ايش يقول الحين ..؟ جاه بيتكلم بس .. انعقد لسانه .. فتح فمه ينطق .. بس .. عيت الحروف تطلع .. بلع ريقه وحاول يتكلم من جديد : ا...انا.. ا..

اروى بدا صوتها يعلى والخوف مبين على ملامحها : اقووولك ايش جابك هنا..؟؟؟ تكلم..
احمد تمنى الارض تنشق وتبلعه : ج .. جيت ارض الالبوم .. و.. و ال.. ال... هذا..!!
اروى : ترجع ايشششششششششششششش...؟؟
احمد " خاربة خاااربة .. قول الصدق " .. نزل راسه بندم وقال: الالبوم وال .. ال.. الصورة ..............!!!!!

اروى فتحت عيونها الثنتين منصدمه ... فتحت الدرج ورمت الصووورة اللي بيدها فيه وسكرت الدرج : ومين سمحلك تاخذ الالبوم ..؟؟ وكيف دخلت هنا..؟؟ بعدين هذا جزاتنا وثقنا في ودخلناك البيت ..؟؟ تسوي كذا ..؟!؟!!

احمد مو عارف ايش يقووول .. حس بالاهانة صدق .. فقرر ينسحب قبل لاتنمسح كرامته ف الارض وهو واقف يتفرج .. لانه عارف انه مواجهة اروى شي مستحيل .. خصوصا انه يكون ف اضعف حالاته قدامها ..

طلع من الغرفة قبل لا يسمع منها أي كلمة ثانية .. بينما كلماتها كانت ترن ف اذنه وتطعن زي السكاكين ف قلبه ..

ابو عوض : طولت ...
احمد ابتسم مجاملة : اللي يدخل هذي الغرفة ما وده يطلع منها ..
ابو عوض ابتسم بحزن : الله يرحمه
احمد بالم : آمين .. يللا عمي انا استاذن ..
ابو عوض مستغرب : وين ..؟؟ تو الناس..
احمد مو قادر يجلس دقيقة زيادة : معليه يا عمي .. اعذرني هالمرة .. والله ضروري..
ابو عوض بتفهم : طيب على راحتك .. سلم على ابوك .. ولا تقطع عااد .. خلينا نشووفك ..
احمد : انشالله توصي على شي ..؟؟
ابو عوض : سلامتك يا ولدي ..

طلع من البيت والدنيا ضايقة فيه .. قام يلف بالسيارة الشوارع بدون ما يعرف وين يروح .. شاف موقف فاضي ف مكان مظلم شوي .. ووقف على طول .. لانه حاس انه اذا كمل سواقة بتنتهي الليلة بحادث .. خصوصا انه مو قادر يركز وهو يتذكر شكل اروى وهي معصبة .. وهي خايفة .. حس بتانيب الضمير ...

ضرب الدركسوون بقوة وهو يصااارخ : انااااا غبي... اناا غبي ...!!! شلون آخذ صورة البنت ..؟؟ مو من حقي اسوي هالشي.... كل اللي قالته صح ... اهلها وثقوا فيني .. وءاتمنوني على بيتهم .. اسوي فيهم كذا ..؟؟ اقابلهم بهالشكل ..؟؟

___________________________________

@@@@@@@@@@@@@@@@@@@@@@@@@@@@@@@@@@@@@

(( اليوم الثاني .. بيت ابو سعود ))

( الساعة1 الظهر )

رمى سالم جواله منقهر : اففففففف ...
لينا : شفييييييييك ..؟ ليش معصب..؟؟
سالم خايف : صار لي يومين ادق على فيصل ولا هو راضي يرد علي .. و احيانا يكون جواله مسكر .. و احيانا يسكر بوجهي ...

لينا : ا... يمكن عنده ظروووف .. تدري جده وجدته قاعدين عندهم الحين ..
فيصل حاس فيه شي : لا لا لا انا قلبي ناغزني ..

قام من على الكنب وبما انه طلع الرخصة .. فصار عنده سيارة ويقدر يسوقها : انا رايح اشوووفه ...

لينا بعد حاسة في شي : سالم ...
سالم التفت : ها..؟؟
لينا ودموووعها ف عيووونها : سالم الله يخليك بروح معاك .. الله يخليك ..
سالم استغرب : لينا شفيك تصيحين ..؟؟
لينا : م .. مدري .. بليز .. بليز سالم وديني معاك ..
سالم حضنها يهديها: طيب طيب ... خلاص .. روحي جيبي عبايتك والحقيني ..

راحت لينا تركض .. اخذت عبايتها من الغرفة .. ووهي طالعة .. سمعت صوت صرااخ امها وابوها طالع من الغرفة ....
لينا " الله يعينك يا بابا .. مدري شلون بليت نفسك بهالزووجة ...!! " .....

نزلت على الدرج وهي تركض لين وصلت للسيارة ف الحوش وركبت جنب سالم ..

سالم : خلصتي..؟؟
لينا دموعها للحين ف عيوونها : أي بس .. ما حصلت الشيلة ..
سالم من الخوف : خلاص مو مشكلة .. مو لازم ..

سكرت لينا عيووونها وهي ماتدري دموووعها ليش تنزل .. حاسة انه شي بيصير .. يدها ترتجف ... ومو راضية تثبت .. اما سالم .. فنفس الشي .. ونفسه كان ضاااايق .. ما يدري ليش.... هو بعد حاس انه في مصيبة بالطريق ....

سالم تنهد يبعد عنه الخوف " الله يستر !! "

::
::

وصلوا الاثنين بيت فيصل .. وهم ف السيارة شافوا فيصل طالع من البيت وجاي بيركب سيارته ....

نزل سالم ببسرعة من السيارة وناداه : فيصل ... فيييصل ..
التفت فيصل متفاجئ من وجود سالم : سالم ..؟؟
فيصل تنهد براحه : انت وينك ..؟؟ عجزت من كثر ما ادق عليك ... خفت لايكون صار عليكم شي.....
فيصل مو عارف ايش يقول له : لا تطمن .. الكل بخير..
سالم مستغرب : فيصل .. شفيك..؟؟ فيك شي..؟؟ صاير عندكم شي..؟؟
فيصل وهو يفتح باب السيارة : اركب اركب .. بقولك واحنا ف الطريق..
سالم : وين رايحين..؟؟
فيصل : انت اركب الحين ....

سالم : ما اقدر ..
فيصل : ليش..؟؟
سالم : لينا معاي ف السيارة .. من درت انك ما ترد وشافتني خايف ... لزمت تجي معاي ..
فيصل " يا بعد قلبي انتي ..!! " : طيب خلاص ... جيبها خلينا نطلع نتمشى شوي .. وبعد ما نوصلها البيت بقولك كل شي...
سالم : فيصل تكفى قول لي صاير شي...؟؟
فيصل تنهد : ه ... أي صاير ..بس مو الحين بقووولك .. بعدين .. نادي لينا اشوووف .. ولا اقولك .. انتا ادخل السيارة انا بناديها ...

راح فيصل ينادي لينا اما سالم فوقف مستغرب ..
سالم " وربي اني حاااس ف السالفة شي ...!! الله يستر ... بس .. ايش ممكن يكون صاير............؟؟ "

قطع تفكيره صوووت جواله اللي رن .. وشاف اسم امه مكتوووب على الشاشة
سالم : لا حوووووووول ... هذي ما بنخلص منها يعني..؟؟

رد عليها بصوت زهقان : نعم ......؟؟

..
...

فتح فيصل الباب وابتسم : انزلي اشوووف ..
لينا بخوف : فيصل انت فيك شي..؟؟ ولا خوفتني عليك ...!!!
فيصل ابتسم يطمنها : ما فيني شي يا بنت الحلال .. امشي مجهز لك مفاجأة ..
لينا نزلت من السيارة : مفاجأة ايش...؟؟
فيصل : بنروح مشوااار انا وياك وسالم .. امشي ..

لينا لحقته وهي مو فاهمة شي ... ويوم شافت بعد وجه سالم اللي ما يتفسر وهو واقف ويطالع الجوال وهو فاتح عيووونه الثنتين حست انه شي صااااير ...

ركضت لعند سالم بسرعة : سااالم ... سااالم شفيك...؟؟ شصاااااار ..؟؟
سالم مو قادر ينطق ويطالع الجوال متفاجئ ....
فيصل استغرب : سالم ... سااالم .. اكلمك انا ...

انتبه سالم لهم... وانتبه للينا اللي دموعها بدت تنزل بدون ما تحس : ا..ا..ابوي مات..!!

فتحت لينا عيونها الثنتين وحست الدنيا تدووور فيها .. وشوي شوي قدام عيون فيصل وسالم بدت تطيح على الارض مغمى عليها ....

فيصل لحق ومسكها : لينااا... لينا قوومي .. قووومي ..
سالم ما عرف وش يسوي .. كل جسمه متخدر ومو قادر يتحرك ...

دخل فيصل لينا السيارة وخلاها تنسدح ورى بعد ما شاف انه سالم ما منه فايدة ف الوقت الحالي .... وراح مسكه وركبه قدام : اركب اركب .. خلينا نوديها المستشفى ..

وطار ف السيارة لاقرب مستشفى ......

___________________________________
نهاية البارت ال26 ...

ايش تتوقعون راح يكون مصير سالم ولينا ..؟؟ خصوصا بعد اللي صار ..؟؟
وايش حقيقة اللي صار لابو سعود ....؟؟
دلع وسعود ... وحياتهم الجاية .. كيف راح تكون ..؟؟
دانة ورائد : هل هالقفص الوردي راح يتم كذا ..؟؟ ولا راح تتدخل هتون من جديد..؟؟
ثامر ... شلون راح يعرف حقيقة مها .. ومها ايش مصيرها..؟؟
احمد .. هل راح فعلا يفكر يخطب اروى .. خصوصا بعد اللي صار ..؟؟ وهل اروى راح تقبل فيه ... وايش راح يكون تاثير غياب ريم عن الساحة ..؟؟؟
فيصل ونسايم والبنات .. هل راح يقبلون يروحون جدة ..؟؟

الجزء السابع والعشرون ( سبعة وعشرين ) :.

- ابو نسايم وام نسايم .. قرووا ياخذون نسايم وعيالها عشان يسكنون عندهم بجدة ..
- احمد انحط بموقف محرج قدام اروى يوم عرفت انه اخذ صورتها
- ثامر قاعد يحاول يعرف ايش قصة رقم خلود اللي مسجل باسم راكان
- دانة ورائد .. ايام حلوة ف شهر العسل
- دلع وسعود .. الفرحة تغمر حياتهم بعد حمل سعود .. ودلع منقهرة شوي من سعود اللي تعتقد انه ما يغار عليها ..
- لينا وسالم .. وصلهم خبر موت ابوووهم .. يا ترى ايش السالفة ..؟؟

(( المستشفى .. يوم الأربعاء ))

( الساعة 1 ونص )

اعصااب الكل كانت رايحة فيها ... خصوصا ام سعود اللي كانت تصااارخ ف الممرات وتضرب نفسها زي المجنوووونة
ام سعود : لااااااااااا... لا انا ماسويت شي...!! ما سويتله شي... شلون يموووووووووت ... آآآآآآآآآآآآآآآآآآآآآآهههههه يا عبداللللللللللللللللللللللله ....

الكل كان يمر ويطالع فيها بشفقه .. مادروا عن حقيقتها ... الممرضين حاولوا يهدوونها ويخلونها تقعد ع الكرسي .. بس هي ماهي راضية ... تصااارخ وتصيح وتضرب نفسها .. وتطيح بالارض وترجع تصاااارخ .... لين ما قرروا الممرضات يودونها غرفة ويعطونها ابرة مهدئة ... عشان تنام شوي ... لانه اللي تسويه مو زين على صحتها ...

:
:
:

(( ف غرفة ثانية من غرف المستشفى ))

كانت لينا نايمة ف الغرفة ولا تدري عن اللي يصير .. ومع انها كانت نايمة والمغذي مشبوك بيدها ... الا انه دموعها كانت تنزل على خدا الناعم ...

فيصل " لا حول ولا قوة الا بالله .. والله هالبنت ما تستاهل اللي يصير فيها "
مد يده بكل حنية ومسح الدموع اللي قاعدة تنزل من عيووونها ...

استغفر ربه وجلس ع الكرسي يفكر بحالة خويه .. من وصلوا المستشفى راح يشوف ابووه ولا رجع ... وهو مو قادر يتحرك .. يخاف ف أي لحظة تقوم لينا .. وما تحصل احد وتخاف او تنهار من جديد .. يكفي اللي صابها ...

___________________________________

(( محل الورد ))

( الساعة 2 الظهر )

وقف سعود مستغرب وهو شايل بوكيه الورد اللي توه مشتريه لدلع .. شاف رقم غريب بالجوال يدق عليه ...
سعود " خير انشالله ..؟؟ " : الو ..
سالم وصوته رايح : الو سعود ...
سعود ما عرف مين معاه : مين ..؟؟
سالم اخذ نفس عشان يقدر يتكلم : سعود .. انا سالم ..

سعود استغرب : سالم .. شفيه صووتك ..؟
سالم : تعال لنا ضروري ف مستشفى السعد ...
سعود : ليش..؟؟ لينا فيها شي..؟
سالم : أي .. مو بس لينا ..
سعود " شفيها هذي بعد ..؟؟ " : تكلم شسالفة ..؟؟
سالم " ما منه فايدة ...!! " : ابوي م .. مات ...!!

سكر سالم الخط بوجه سعود اللي وقف منصدم من اللي يقوله سالم ..
سعود " هذا من جده ولا يمزح معاي..؟؟ المشكلة سكر ولا عطاني فرصة افهم .. "

وبسرعة ركب سيارته وحط الورد على الكرسي اللي جنبه وتوجه للمستشفى .. وهو بالطريق ..
سعود " يوووه .. نسيت دلع " .. اخذ جواله ودق على الشقة ...

دلع : الوو ..
سعود : هلا حبيبتي .. بتاخر اليوم شوي ..
دلع : طيب حبيبي . بس .. فيه شي..؟؟
سعود : مدري يا دلع .. اتصل فيني سالم وقال انه ابوه مات .. وسكر قبل ما يعطيني فرصة افهم شي....
دلع انصدمت وما قدرت توقف على حيلها .. فقعدت ع الكنب : ايش..؟؟؟!! عمي مات!؟!
سعود : والله ما ادري شسالفة يا دلع .. ويقول انه لينا تعبانة ...
دلع : طيب الله يخليك مر علي .. الله يخليك يا سعود ..
سعود : دلع حبيبتي .. انتي خليكي ف الشقة .. انا بشوف وش القصة .. اذا طلعت السالفة صدق رجعت واخذت والله ..

دلع : طيب .. بس أي شي يصير معاك تبلغني على طول ..
سعود : خلاص انشالله .. باي
دلع : باي ..

___________________________________

(( شركة ابو رائد ))

( الساعة 2 ونص )

ابو رائد كان على وشك يطلع من الشركة .. يوم دخل عليه احمد ..

احمد : السلام عليكم
بو رائد : هلا احمد وعليكم السلام ..
احمد : بو رائد بعد اذنك بغيتك توقع هالاوراق عشان المناقصة ..
بو رائد طالع الاوراق شوي وبعدين رفع عيونه : معليه يا احمد .. خليها بعدين والله ماني فاضي .. الحين بطلع بودي زوجتي وريم المطار ...

احمد ابتسم : بيروحون عنك ويخلووونك .. افااااااااااا
بو رائد : أي شفت كيف .. كله بسبب الشغل ..
احمد : يللا يرجعون بالسلامة ...
بو رائد : الله يسلمك .. المهم .. انا اتاخرت .. اجل توقيع هالاوراق شوي لين ما اجلس واقراها على روااق شوي شوي ..
احمد : انشالله ..

طلع بو رائد من الشركة واحمد رجع مكتبه وجلس سرحان يفكر " تراك ذبحتنا انت .. مرة اروى .. ومرة ريم ... فكنا واختار وحدة ... لازم تقرر .. ما يصير كذا .. يا هذي يا هذي .. بس.. ريم بتروح اليوم .. الله يردها بالسلامة انشالله .. بس .. اروى .. اخخخ من اروى .. والله الكلام اللي قالت لي اياه امس للحين يعورني .. ما انساه لو ايش.. بس زين انها قالته .. انا استاهل .. صدق اني قليل حيا .. اجل آخذ صورة البنت واقول لها بكل قواة عين اني اخذتها ...!!! صدق ما استحي .. بس .. معقولة تكرهني على هالشي ..؟؟ اكيد طحت من عينها .. بس .. انا ولا عمري غلطت هالغلطة .. شلون قدرت وسويتها.. انا ولا عمري سرقت صورة بنت .. اكيد ما كنت بعقلي يوم اخذتها .. معقوولة الكآبة تسوي فيني كذا ...؟؟ اففففففف ... ياربي وش اسوي..؟؟ انا ما ابغى احد يفكر اني واحد موب زين ولا لعّااااب .. لازم احصل فرصة اشرح لاروى اللي صار .."

انتبه على نفسه وش قاعد يقووول وضرب نفسه كف خفيف " انت مجنووون .. ناوي تشووفها من جديد ؟؟.. والله راح تطيح من عينها زي الناس هالمرة اذا سويتها .. !! "

(( ف المستشفى ))

( الساعة 3 العصر )

وقف سعود منصدم من اللي يسمعه .. قال بنظرات مو فاهمة شي : ها..؟؟
الدكتور باسف : زي ما قلت لك .. المرض يوم جا المستشفى كان ميت اصلا.. فما قدرنا نسوي له شي....!!
سعود : ط.. طيب كيف مات .. ما عرفتوا..؟؟
الدكتور : زي ما تعرف .. ابوك كبير بالسن .. والكبير ف السن يكون معرض لسكتات قلبية ..
سعود : يعني مات بسكتة قلبية..؟؟
الدكتور : هذا اللي اتوقعه .. الانفعال ساعات يسبب سكتات قلبية .. وعظم الله اجركم ..
سعود : جزاك الله خير .. ما قصرتوا والله ..

راح الدكتور عنه ووقف هو ف الممر مو عارف ايش يسوي... يفرح ..؟؟ يزعل ..؟؟ يضحك ..؟؟ ولا يصيح ..؟؟ ولا يطلع من المكان ..؟؟ في هاللحظة وصله صوت صراخ امه من الغرفة القريبة .. صراخ هستيري...

سعود ضحك باستهزاء من القهر اللي فيه : ههههه .. تصيحين..؟؟ الحينقمتي تحسين وتصيحين..؟؟ بعد ايش..؟؟ بعد ما مات زوجك..؟؟ ههههه والله هالزمن مسخرة ... !!

قعد يمشي وهو يتذكر اللحظات اللي قضاها ف حياته مع ابوه .. واغلبها كان يهزئ فيه..

تردد هالكلام ف عقل سعووود وهو يمشي " انت اكثر واحد مهمل شفته ف حياته .. ما منك فايدة .. مالت عليك من ولد .. لو ادري اني بجيب ولد كذا كان ما جبتك .. روح لا بارك الله فيك .. طيب شغلك معاي بعدين .. ان ما ربيتك زي الناس ما اكون عبدالله "

هز راسه متضايق وطلع الجوال يتصل على دلع ...
دلع اللي كانت قاعدة تنتظر جنب التليفون : الووو ..
سعود : الووو
دلع : ها سعود شصااار ..؟؟
سعود : طلع كلام سالك صح .. ماات ...!!

دلع طاحت دموووعها : لا تقوول ..
سعود : والله
دلع : لا حول ولا قوة الا بالله.. انا لله وانا اليه راجعون ..

وشوي شوي .. بدت تصيح ..
سعود مشاعره متخدرة : لا تصيحين .. ما يسوى دمعة على اللي سواه فينا ..
دلع ما عطته وجه : انت وين الحين..؟؟
سعود : للحين ف المستشفى ..
دلع : تعال خذني .. الله يخليك ابغى اشوووفه ..

سعود : انتي من جدك..؟؟ بعد كل اللي سواه فيك ..؟؟ ارتاحي ف بيتك احسنلك .. ماله داعي تتعبين نفسك عليه .. خلاص مات الله يرحمه ..
دلع : اقووولك تعال خذني الجين والا والله لا اجي بتاكسي .. ترى اسويها ..

سعود : طيب طيب .. الحين بجي آخذك ..
دلع : انتظرك ..

سكر سعود : والله هبلة .. انا منها ولا اطالع ف وجهه بعد اللي سواه ...!!

___________________________________

(( بيت ابو راكان ))

( الساعة 4 العصر )

دخلت هيفا على مها الغرفة متحمسة بدون ما تدق الباب : الحق..

سكتت يوم شافت مها مرعوووبة تطالع ف العلبة اللي طايحة ف الارض ومتناثر منها حبوب كثيرة ف كل مكان ...

هيفا مستغربة وحاسة انه في شي غلط قاعد يصير : مها..؟؟ ايش هذا..؟؟

مها خافت من داخلها .. بس من برى .. سوت انها قوية وبوقاحتها المعتادة : انتي ما تعرفين تدقين الباب ..؟؟ من وين جاية انتي من وين...؟؟ انقلعي برى اشوووف .. !!

هيفا خافت وتحطمت ف نفس الوقت : بس انا .. ك.. كنت ب.. بقولك ...
قاطعتها مها ولا عطتها فرصة تشرح .. ودفتها لبرى الغرفة : انقلعي برى ولا اشوووف وجهك مرة ثانية فاهمة ..؟؟

هيفا تطالع الباب اللي انصقع ف وجهها مستغربة " هذي الحبوووب ايش..؟؟ لا يكوووون ... لا لا لا انا مالي دخل .. والله لو تدري مها اني قلت شي لا تدفنني حية .. ماني ناوية على عمري .. !!! "

___________________________________

(( المستشفى ))

( الساعة 4 ونص العصر )

طلعت دلع من الغرفة وهي ماسكة سعود عن يعصب ويطلع منه كلام مو زين قدام خلق الله ...

ويوم صااروا برى الغرفة ....
سعود منفعل ومعصب : شفتي يوم اقووولك ما تستاهل ...؟؟ ولا تربت .. مات زوجها وللحين لسانها طول الحية ...!!!
دلع تحاول تهديه : خلاص .. خلاص سعود .. معليه .. قدر ظرووفها زوجها توه اليوم ميت .. معليه .. وبعدين مو من اول مرة بتتقبلك ...
سعود عصب زيادة : ليش انا ميت عليها..؟؟ ماني ميت عليها ولا ابغى حبها .. مالت عليها .. ليتها هي اللي ماتت مو زوجها ..!!
دلع : بس ..بس يا سعوود .. ما يصير قدام الناس تسوي كذا .. خلاص اهدى .. انتا ما تغديت عشان كذا معصب واعصابك تلفانة ... اكيد جوعان .. قوم خلينا نشتري لك شي عشان تاكله من الكافيتيريا ... قوووم خليك تروووق شوي وتهدى ...

سعود مشى معاها بدون ما يقول ولا كلمة ... فوق الجوع اللي ذابحه .. وكلام امه وهي تطرده مع زوجته من الغرفة يوم جو يتطمنوا عليها زاده عصبية وجناااان ..

ويوم وصلوا الكافيتيريا .. اخذ سعود له ولدلع ساندوش وعصير وقعدوا على طاولة من الطاولات ...
دلع ابتسمت تحاول تخليه يروق مع انها كانت زعلانة مرة على اللي صار ف عمها : ههه انت لما تجوووع .. تجن بشكل مو طبيعي ...!!
سعود رجع تذكر وقام يصارخ من جديد : انا..؟؟ انتي شفتيها كيف تتكلم .. تقول اطلعوا برى ومدري ايش..؟؟ مااالت عليها .. انا من اول قايل لك ما سحتاج ندخل .. ما تستاهل احد يكلمها .. انا اوريها ان ما رميتها الحين ف دار العجزة ما اكون سعوود ..

دلع فتحت عيووونه الثنتين : انت من جدك..؟ هذي امك .. مهما سوت تبقى امك ..
سعود : بلا امي .. بلا بطيييخ .. انا برميها ف الدار .. عشان تتعلم مرة ثانية شلون تتكلم مع الناس .. محنا خدامين عندها تصاارخ فينا وتشخط على كيفها...!!!

دلع تذكرت لينا : أي صح ... ما شفنا لينا..؟
سعود بلا مبالاة : ما فيها شي .. كالعادة .. تتدلع ..!!
دلع : حراام عليك البنت مات ابوووها ..
سعود : هذا انا مات ابوي .. ا اغمى علي وسويت زيها حركات ودراما ...!!

دلع سكتت .. النقاش مع سعود الحين غير مفيد ابد .. وما بزيده الا عصبية .. اكلت الساندوش حقها بسرعة لانها تحتاج تغذية ف هالفترة عشان ينمو الجنين زين .. وقامت وهي شايلة شنطتها ...

سعود يطالعها : وين رايحة ..؟؟
دلع : بروح اشوووف لينا .. انتا خليك هنا كمل اكلك ..
سعود سوى انه مو مهتم : طيب .. لا خلصتي انا بكون هنا ...
دلع : ليش ما تخلص وتلحقني..؟؟ والله اذا شافتك جاي تزورها يمكن تخفف عليها شوي... تراها يتيمة الحين .. ع الاقل تحسسها انها عندها سند ماهي وحيدة..
سعود : مالي دخل .. ما ابغى ..
دلع تنهدت " عنييييييييييد ..!! " : طيب على راحتك ..

,,,,,
.....
,,,,,,,
.........

طلعت سعود بعد ما سالت عن غرفة لينا .. صح انهد حيلها .. بس لازم تتحمل شوي ..

___________________________________

(( ف مواقف المستشفى ))

( نفس الوقت )

قعد سالم ع الارض وتسند على سيارته الجديدة .. يحاول يتخبى عن الناس عشان لا يشوفون دمووعه .. صحيح كان زعلان من ابوه ف الفترة الاخيرة لانه كان شوية قاسي معاهم ومهمل .. بس كان عارف ومتأكد انه كل هذا من امه اللي كانت تملي راسه شر وفتنة ....

سالم " اكيد ما قدر يتحملها ومات ...!! مات وخلاها لنا .. الله يرحمك يا ابوووي .. والله الدنيا ما تسوي بدووونك ....! "

وفي نفس الوقت ... ونفس المكان .. وقفت سيارة بي ام ف المواقف ونزلوا منها بنتين مع امهم وابوهم وكان الابو شكله تعبان .. والكل خايف عليه ..

سالم اول ما شافه تذكر ابوووه ونزلت دموعه " الله يشفيه ويحفظه لكم يارب !!! "

___________________________________

(( غرفة من غرف المستشفى ))

( الساعة 5 ونص المغرب )

كانت دلع ف الغرفة تصيح بصمت على حالة اهلها .. عمها مات .. وسالم ما يدرون وين راح .. ولينا منومة .. وخالتها اعصاابها تلفااانة

دلع وهي تبوس يد لينا بحنان " يارب ارفق فينا ... "

فيصل اللي كان قاعد ع الكرسي ومبين عليه التعب : طولت صح..؟؟
دلع مسحت دموعها : انشالله شوي وتقوووم ..
فيصل : ليش كذا قاعد يصير معاهم ..؟؟ اول شي امهم .. وبعدين روحتك عنهم .. والحين موت ابوهم .. مو حرااام كذا يضيعون ...؟؟؟
دلع : هذي حكمة ربك واحنا مالنا فيها يد .. الله يفرجها انشالله ....

بدت لينا تفتح عيونها .. دلع انشقت ضحكة على وجهها : فيصل .. قامت يافيصل ..
فيصل قام ووقف على راسها وهو شاق الحلق: أي والله .. الحمدلله .. الحمدلله ..

مدت يدها دلع ومسحت على راسها : حبيبتي .. الحمدلله على سلامتك

لينا اول ما استوعبت هي وين .. قالت برجا ودموعها رجعت تنزل : دلع .. دلع ابوووي .. ابوووي وينه ..؟؟ صدق مااات..!؟!؟!؟ قولي لأ .. قولي لأ تكفين ....!!!

طالعت دلع بفيصل بعجز .. ما هي عارفة وش تقول .. فقرر فيصل يتكلم : لينا .. لينا انتي وحدة مؤمنة بربك .. و انتي تعرفين انه اللي يكتبه ربك لازم يصير ..

لينا تهز راسها خايفة : لأ..لأ لا تقوولها ..
فيصل مكسوور خاطره عليها : إلا يا لينا .. عمي توفى .. ليش نزعل ..؟؟ راح عند ربه .. مو كلنا نبغى نروح عند ربنا ونشوووفه ..؟؟ وكلنا بنمووت .. وعمي الحين لازم تدعي له بالرحمة والمغفرة لانه يحتاجها .. وصدقيني احسن له من العيشة ف هالدنيا صح ولا لأ...؟؟

لينا اللي كانت تسمع بالم ودموعها تنزل .. هزت راسها بالايجاب ..

فيصل ابتسم : الانسان يا لينا انخلق في هالدنيا عشان يعبد ربه .. ويتجهز لآخرته .. وبعدين لازم يموت .. ويروح عند ربه عشان يتحاسب .. صح ولالأ...؟؟

رجعت لينا وهزت راسها بالايجاب ...

فيصل : بعدين .. اللي يصبر وقت المصيبة .. ربي يجازيه ويعوضه ..وما تدرين وش ممكن ربك يكون عوضك فيه ... ( نسى انه دلع موجودة وغمز لها وهو يبتسم ) ما تدرين .. يمكن يكون عوضك فيني خخخخخ !!

دلع فتحت عيونها الثنتين وسوت معصبة : ولد...!! انا ما قلت لك اذا بتتكلم تتكلم زي الناس ولا تستكت...!؟!؟!؟ يللا برى اشوووف .. يللاااا...
فيصل رفع حاجب : الحين انا قاعد اواسيها تقومين تطردديني...؟؟ تبغيني ازيدها صياح واصيح معاها زيك يعني...؟؟
دلع : لا والله تواسيها..؟؟ انا ما اشوووف موساة .. انا ما اشووف غير غزل ...!!!

قامت ومسكته من يده بتطلعه برى : انا اويك .. صدق شباب هالجيل لا حيا ولا مستحى ...
فيصل يضحك : وانتي ليش منقهرة..؟؟ روحي جيبي زوجك وخليه يغازلك .. ولا صح .. زوجك ما يعرف يركب كلمة كلمتين حلوة على بعض .. !!!

دلع ضربته على كتفه : ع الاقل احسن منك .. انت حتى الغمزة ما تعرف تغمزها زي الن.......

سكتت وهي تشوف سعود واقف برى عند باب الغرفة وكان شكله مرتبك ..

دلع تركت فيصل : سعود ....
سعود دخل الغرفة وهو متردد : السلام عليكم ...
الكل طالعه مستغرب : وعليكم السلام

سعود طالع فيصل : شلونك فيصل..؟؟
فيصل بلهجة شبه جافة : بخير الحمدلله .. عظم الله اجرك...
سعود نزل راسه : جزاك الله خير ..

التفت سعود لدلع وشافها مبتسمة وهي تطالعه بشكر .. وبعدها التفت للينا اللي لفت وجهها عنه على طول ..

سعود قرب من السرير وهو مو عراف وش يقول .. صار له زمان ما كلم اخته : ا.. الحمدلله على السلامة ..

لينا بدون ما تلتفت : الله يسلمك ..
سعود درى انها زعلانة منه وحاطه بخاطرها عليها : شلونك الحين ..؟
لينا ما التفتت للحين : زينة ...

ما عرف سعود وش يقول اكثر .. التفت عل دلع .. وقال : وين سالم ...؟؟
دلع : ما شفناه من وصلنا ...

سعود : طيب .. فيصل تعرف وينه ..؟؟
فيصل هز راسه بالنفي : ما عندي أي فكرة .. بس ما اتوقع طلع من المستشفى .. خصوصا انه لينا لسه هنا ...
سعود جا بيطلع من الغرفة : طيب .. تعال معاي عشان نحصله ..

طالع فيصل دلع مستغرب .. ودلع ابتسمت : رووح معاه بسرعة ..

___________________________________

(( بيت ابو بندر ))

( الساعة 6 المغرب )

دخل ثامر اللي كان لابس كالعادة ثوب اصفر على احمد اللي كان يطالع ورقة قدامه ...

ثامر : السلاااااام ..
احمد التفت يطالعه من فوق لتحت : وعليكم السلام .. على وين الاخ ..؟
ثامر قعد ع الكرسي اللي جنبه : ولا مكان ..
احمد رفع حاجب : اجل ليش لابس ثوووب ..
ثامر : يعني ايش البس...؟؟ شووورت مثلا..؟؟

احمد : هههه ليش وش فيه الشووورت ..؟؟
ثامر بقرف : لا يا بابا .. حركات الينات هذي خليتها لبندر .. !!
احمد : ههههههههههههههههاااي .. الله يهديك يا ثامر وتتحضر ..
ثامر ما رد عليه وقال : ها كتبتها ...؟؟

تنهد احمد : ه.... أي بس .. خايف ...
ثامر : من ايش ..؟؟ لا تخاف .. هذي مو صياعة ..
احمد : ادري.. بس .. اخاف ما تتقبلها ...
ثامر حط يده على كتف احمد : ما عليك يا روميوو .. اكيد بتتقبلها .. اهم شي تكون كاتب لها كم كلمة حلوة وكم بيت شعر ...

احمد رفع حواجبه : اقووولك بعتذرلها .. تقول لي اكتب لها كم كلمة حلوة .. وبعدين انا مو رووميو ولا شي...
ثامر دفه بالخفيف : عليناااا...ابو الشباب ..؟؟
احمد قام ببنطلونه الجينز والتي شيرت : يللا انا ماشي..
ثامر ضحك : هههههه وين ..؟؟
احمد : انت ما بنقعد معاك ...
ثامر مسكه : لا خلاص خلاص .. والله آسف سامحني ههههه ... صاير حسااااس مرة .. حتى الكلمة ما تتحملها .... !!!!

رن جوال احمد .. وكان اخوه محمد ..
ثامر : اووووه .. مين ..؟؟
احمد : هذا ابوووك ... (رد ) الووو
محمد : احمد وينك ..؟؟
احمد : انا ف البيت ...
محمد : طيب .. ابغاك تروح السعد وتجيب بنات ابراهيم وزوجته ...
احمد : مستشفى ليش..؟؟ عسى ما شر..؟؟
محمد : بعدين بقووولك .. ابغاك الحين تجي السعد ..
احمد : خلاص انشالله ... ساعة الا ربع واكون هناك ..

سكر احمد وثامر على طول سال : شصاااير..؟؟
احمد : مدري .. يقول محمد اروح اجيب بنات ابراهيم وزوجته من المستشفى ...
ثامر مستغرب : وهو وين ..؟؟
احمد : هو هناك معاهم .. بس يبغاني اروح اجيب اهله ..
ثامر قام : انا رايح معاك ...

احمد طالعه بنص عين : اقوولك بجيب بناااته ... ليش تروح معاي ...؟؟
ثامر صحك : ههههه لا حوووول .. كانك امي .. يا بابا ليش دايما تفكرون فيني بطريقة غلط ؟؟... انا لاني زهقان بروح معاك ..
احمد : بس بدون حركاااااات فاهم ..؟؟
ثامر ضحك ودفه : ههههه مالت عليك .. !!

___________________________________

(( شقة سعود ودلع ))

( الساعة 9 المسا )

لينا اللي لزمت عليها دلع تنام عندهم ف الشقة هي وسالم هالليلة وف غرفتهم بعد : والله الحين سعود بيقلب عليك الدنيا ..
دلع وهي تعطر الغرفة : و انتي ايش دخلك..؟؟ انا تفاهمت معاه ...!!
لينا : دلع .. انا ما ابغى تتهاوشوا بسببنا .. يكفيكي اللي جاكي منه ...
دلع قعدت على السرير جنبها وابتسمت : انتي ليش مو راضية تصدقين انه تغير ..؟؟ ما شفتيه اليوم شلون جا وقال لك الحمدلله على السلامة وراح يدور عن اخوك لين حصله .. والله تغير....!!

لينا تصرف الموضوع : طيب.. ايش الموضوع اللي قلتي بتقولين لي عنه لما نوصل البيت ف المستشفى ..؟؟
دلع ابتسمت : انا حامل...!!
لينا فتحت عيونها الثنتين مو مصدقة : احلفي....!!!
دلع : هههه والله ..
لينا : وااااااااو ... بصير عمة وخالة بنفس الوقت ...!!
دلع : ههههه تقدرين تقولين كذا ...

وبهالوقت طلع سالم من الحمام وهو ينشف شعره .. وكان مبين عليه التعب .. هذا غير عيون لينا اللي منفخة من الصيااح وخشمها الاحمر ..

دلع انكسر خاطرها عليهم : سالم تنام هنا مع اختك ولا افرش لك ف الغرفة الثانية ..
لينا : لأأأأأأأأ ... بينام معاااي ..
سالم قعد على السرير : لا بنام هنا .. ماله داعي تفرشين لي ف الغرفة الثانية .. تعبناك معانا اليوم ...

لينا : أي صح وخصوصا انك حااامل ..
سالم : اييش..؟؟؟
لينا : والله .. توها قالت لي..
سالم ابتسم : مبروووووك .. مع انه ماكان ودي تجيبين منه أي ولد .. عشان لما تتطلقووون ما تصير مشاكل ع الاولاد ...
دلع حطت يدها على قلبها بخوووف : بسم الله علينا ..!! لا تدعي علينا كذا ...!!
سالم انسدح وتغطى : كيفك .. تبغين تعانين طول عمرك ..؟؟

دلع تجاهلته .. ماهي قادرة تجادله آخر الليل .. التعب هاد حيلها .. قامت وطفت النوور : يللا تصبحون على خير ...

طلعت من الغرفة بعد ما سكرت الباب ... وشافت سعووود قاعد ع الكنبة وسرحان يفكر..

دلع جات وقعدت جنبه بتعب و تسندت عليه : بكرة ايش راح نسوي..؟
سعود بتعب : الله يعينني بكرة .. لازم اروح البيت من الصباح واخلي الشغالات ينظفووونه لانه زوجته للحين ف المستشفى .. قال ايش..؟؟ أعصابها تلفاانة ..!! كذااابة بس مسوية تمثيلية ولا هي ما فيها ولاشي ...!!

دلع : خلا هدي لا تعصب من جديد .. خليها .. انا بكرة بروح معاك من الصباح و اشوووف ايش يحتاج البيت هناك .. و ارسل السواق يجيب كل شي .. ضيافة و خرابيط ..
سعود : شلون ..؟؟ ما يعرف..
دلع : انا بتصل ف المحل و أوصي على اللي ابغاه و ارسل السواق بس يستلم الأغراض ويدفع ...
سعود : طيب ..

دلع : بس .. انت لازم توصي على ذبيحة ..
سعود غمض عيووونه بتعب : لا حول ولا قوة الا بالله ..

دلع مراعية شعوووره .. هو لسه مجروح من أهله .. والظاهر هالجرح لسه ما طاب..
دلع : سعود .. لا تعتبر انك مغصوووب على هالشي ... اعتبره اجر.. مو عشان امك ولا ابوك ولا اخوانك .. اعتبره لوجه الله .. كأنك ساعدت أي احد ثاني ..
سعود ابتسم : انشالله .. أي اوامر ثانية ...

دلع باسته على خده : يعطيك العافية ...
سعود حس انه ملك على هالدلال كله : الله .. احس هموومي كلها راااحت ..
حطت دلع راسها من جديد على رجوووله و انسدحت ع الكنب : أي صح شكرا ..
سعود : على ..؟
دلع : لانك جيت تشوف أختك اليوووم ..
سعود ضحك باستهزاء : و ايش الفايدة ..؟؟ ما عطتني ولا وجه ...!!
دلع : معليه طول بااالك .. هم للحين مو مصدقين انك تغيرت .. شوي شوي راح يستوعبون هالشي .. صدقني ..

سعود : تعبتي اليوم صح ..؟؟
دلع ما تبغاه يخاف عليها .. بس صدق هي اليوم تعبت كثير : لا لا تخاف .. انا بخير زي الحصاان ...!!
سعود ابتسم وباس راسها : الله لا يحرمني منك ...!!

@@@@@@@@@@@@@@@@@@@@@@@@@@@@@@@@@@@

(( بيت ابو بندر ))

( الساعة 11 الصباح )

قام ثامر اليوم من الصباااح بدري على غير العادة .. ولبس جينز وتي شيرت .. طبعا ثامر يحس انه جينز قمة الكشخة خخخخخخخ

بندر تضايق من الليت المفتوووح : مممم ... ثامر .. سكر الليت ابغى اناااااام
ثامر يتعطر : قوم بس قووووم ...
بندر غطى وجهه : اففففففف لاحووووووووول .. سكره اشووووووف .....!!!
ثامر شاااق الحلق : قوووم .. بنات عمك ابراهيم ف بيتنا اليوووووم..!!

بندر اول ما سمع طاري بنات رفع اللحاف عن وجهه : أيش..؟؟
ثامر ضحك: ههههه ايوااا.. الحين قمت..؟؟ قوم قوم .. بنات عمك ابراهيم ناموا امس ف بيتنا ....
بندر مستغرب : شعندهم...؟؟
ثامر امس عمي دخل المستشفى بيسوي عملية .. وزوجته تبغى تقعد معاه ف المستشفى .. وما يصير البنات يقعدون ف البيت لوحدهم .. ف جابهم احمد لهنا .. طبعا بعد ما قعد ساعة يوصيني .. لا تعتب عند باب الغرفة ولا اشوووف وجهك اذا كانوا موجودين ف البيت .. ولو تضايقهم بكلمة بذبحك .. و زي المحاضرة اللي عطتنا اياها امي ذيك المرة بالضبط ....!!!

بندر هز راسه وهو يضحك : هههههه ابغى افهم .. ليش ..؟ ايش شايفينا..؟؟ ما شفنا خير وبنات يعني..؟؟؟
ثامر : مدري عنهم .. اللي يسمعهم .. يقول احنا اصيع شباب العالم ..
بندر ضحك وقام : هههههههههه .. انا بقوم اتروش .. واطلع شوي اكشخ لي شوي .. ع الاقل حصلت سبب اكشخ عشانه ...

ثامر : دريت اليوم .. بنروح بين جدتي ...؟؟
بندر لف بسرعة : مين قال..؟؟
ثامر : والله .. امي قالت...
بندر بزهق : افففففففففف .. رجعنا..؟؟ كم مرة قلت لها ما ابغى اروووح ..؟؟
خلاص انا بزور جدتي بس مو لما يكونون كلهم متجمعين ...!!!!

ثامر : انا اقووول لو تروح يكون احسن ..
بندر : ليش..؟؟
ثامر : مدري .. بس .. عشان امي ما تحس بشي..
بندر فهم : أي صح .. لازم ما تلاحظ .. خلاص .. بروح اقعد ساعة .. اسلم على جدتي واطلع ...

___________________________________

(( شقة سعود ودلع ))

( الساعة 12 الظهر )

قام سالم من النوووم تعبان .. وكان يحس بصداع خفيف .. التفت على لينا اللي نايمة جنبه ...وتذكر ابووووه ... تنهد وقاااام " الله يرحمك يا يباااا ...!! "

طلع من الغرفة بعد ما غسل وجهه .. وما حصل احد ف الصالة .. راح للمجلس وبعد ما شاف احد ...
سالم مستغرب " وين راحوا..؟؟؟ يووووووووووه ... اليوم عزااا ... شلون نسيت ..؟؟!! اكيد راحوا البيت يجهزونه عشان الناس ... انا ولينا لازم نكون موجودين ..!! "

رجع للغرفة بسرعة وهو يقوم لينا : لينا.. لينااا قومي ..
لينا : هممممممم ..؟؟
سالم : بسرعة قوومي .. اليوم ورانا عزا لازم نحضره .... قووومي ..
لينا قامت وشوي شوي .. استوعبت سالم ايش قاعد يقووول .. وفزت على طووول : افففف .. أي والله اليوم عزااااا ..!!!! سالم .. روح انتااا... !!!!

سالم فتح عيونه الثنتين ع الاخير : ايييييش..؟؟ لا يا ماما .. حتى انتي لازم تروحين .. الناس بيجون ويعزونا اليوم .. تقومين ما تروحين..؟؟

لينا والدموع ف عيونها : افهمني .. انا ما اقدر اروووح عزا ابوووي .. هذا ابووووووي يا سالم .. ابوووي ... انت مستوعب انه راااح .. مستوعب انه ما بقى لنا غير امك..؟؟؟ امك اللي ما تدري عن هوا دارنا للحين..؟؟ امك اللي طحت ف المستشفى 3 ايام ولا درت عن هالشي......!!!

سالم حس بوحدة فظيعة " لهالدرجة صار مالنا احد..!؟!؟!؟ "

___________________________________

(( المستشفى ))

( الساعة 3 العصر )

الدكتووور : ها جاااهز...؟؟
ابراهيم : انشالله ...

الدكتوور : شوووف .. العملية راح تاخذ من ساعتين ل اربع ساعات ...
ابراهيم : بتنجح..؟؟
الدكتور متفاءل : انشالله

طلع الدكتوووور والتفتت ام غادة وهي تمسك يد زوووجها خايفة وتصيح ..
ابراهسم : وليش الصياح الحين..؟؟ سمعتي الدكتووور ايش قااال ...
باست نورة يد زوجها بكل حب : ادري.. بس.. خايفة ..
ابراهيم ابتسم يطمنها : ما بيصير الا اللي يكاتبه ربك .. تطمني ..
نورة : يللا تطلع بالسلامة .. انا بنتظرك هنا ...
ابراهيم : البنات وين ..؟؟
نورة : البنات ف بيت اخوك محمد .. اتصلت في ام بندر وقالت شوي وبيكونون هنا .. لا تخاف .. اول ما بتطلع بيكونون حولك ..
ابراهيم ابتسم : طيب ..

جو الممرضين وحطوه ف السرير عشان ينقلوووه لغرفة العمليات ....

ابو غادة بعد اللي صار له من الشرب اللي كان يشربه ... وحتى بعد ما بطله وتاب لربه .. كليته اليمين كانت مرة متدمرة .. عشان كذا كان يحس بآلام .. ويوم راح المستشفى .. قال له الدكتووور انهم لازم يشيلون له اياها باسرع وقت .. ويبقى على كلية وحدة .. وهو لانه الحين رجال مؤمن بربه .. ما خاف ولا زعل .. بالعكس .. تقبل القرار بصدر رحب ..

___________________________________

(( جزر الباهاما ))

( الساعة 4 العصر بتوقيتهم )

كانوا دانة ورائد قاعدين يتغدون ف مطعم للمأكولات البحرية .. وكان الجو مررررة حلوو .. والسوالف ماخذتهم و جايبتهم ... وبعدي كل هالونااسة اللي كانوا عايشينها ..قطع الجو .. صوت جوال رااائد اللي رن على الطااااولة...

التفت رائد للجوال وهو يضحك .. بس فجأة .. انقلبت ابتسامته لملامح مو مفهووومة ..
دانة مبتسمة : مين ..؟؟

رائد حط جواله على الصامت ودخله بجيبه وهو مرتبك : اا... ه.. هذا واحد من الربع ..
دانة : طيب رد عليه .. يمكن يبغى شي ضروووري...
رائد ابتسم يصرف الموضوع : ها..؟؟ لا لا .. هو حالف انه بيخرب علي الجو .. لانه منقهر ... عمه مو مخليه يملك على بنته الا قبل العرس بيوم ولا يومين .. عشان كذا بينقم منه فيني خخخخخخ

دانة : ههههههه مسكين ..
رائد تنهد براحه " الله يقطعك ويقطع اليوم اللي عرفتك فيه .. ناوية تخربين علي زواجي!؟؟!!؟ اشواا ما حست دانة ولا كان صااارت فضيحة لها اول ومالها آخر .... !!! "

___________________________________

(( بيت ابو راكان ))

( الساعة 5 المغرب )

قعدت مها ع الارض تنوووح وتصييييح ..
مها : ث...ث .. ثامر ... ثاااااااامر ... ثامر لا تسكت رد علي... ثامر لاتحقرني ... ثااامر.. انا احبك ثااامر .. انا اموووووووت فيك ...

دخلت امه الغرفة وبغت تجيها جلطة يوم شافت بنتها على هالحالة : مهااا... مها شفيييييييييييييييك ..؟؟؟!؟! ليش مسوية ف نفسك كذا ..؟!؟!؟! تكلميي....

مها صااااحت بزياااادة : اااا... اااا.. ي... يمااااا... ابغااااااااااااه ... يما ابغااااااااااااااااااااه ..
ام راكان مستغربة : ؟؟؟ مين اللي تبغيه ..؟؟ ايش تبغي يا مها ...؟؟
مها مسكتها تترجاها وهي مو حاسة بعمرها : يما .. الله يخليك بس مرة ... بس مرة يا يما ... يما لاتقوليله يحقرني يمااااا... يماااا...
ام راكان مو فاهمة ولا شي : حبيبتي .. اهدي شوي .. انتي بس اهدي .. خلاص .. انشالله .. كل اللي تبغيه بيصير .. ولا تزعلين ...
مها تشااااهق : ا.. ا.. اكيد ..؟؟
ام راكان : أي اكيد ... أي شي تبغيه بيصير .. خلاص بس لاتسوين ف عمرك كذا...!!

مها سكتت بس دموووعها كانت على خدها ... تركت امها .. وراحت حضنت دبدوووبها ورجعت قعدت ف الزاوية ...
ام راكان مستغربة : مها..؟؟ حبيبتي تعباانة..؟؟ فيك شي...
مها : ...... ما ردت ..
ام راكان : مها... مها انا اكلمك ... تعبااانة ..؟؟ في شي يعورك ..؟؟
مها : .......................... ولا كلمة ..

ام راكان : طيب حبيبتي ... انا الحين بجيب لك موية .. قومي غسلي وجهك وارتاحي شوي.. عشان بعد شوي احنا رايحين بيت جدتك ... طيب...؟؟

مها على طول قامت زي المجنووونة : بنروووح ؟؟؟ الله يخليك ابغى اروووووووووح الله يخليك...
ام راكان مستغربة : شفيك..؟؟ اقولك بتروحين ... اهدي انتي بس...

مها وكانها ارتاااحت.. رجعت لزاويتها ... ومسكت دبدوووبها ومسحت دموووعها ..

ام راكان : بروح اجيب لك موية ...

طلعت ام راكان من الغرفة خاايفة وحيراانه .. " ياااااربييييي .. ايش اللي قاعد يصير ف هالبنت...!!؟!؟!؟ والله حيرتني ... اخاف تروح من يدي اذا ما تغيرت نفسيتها ... ياااارب تفرح شوي الحين وتتسلى مع بنات خالاتها .. يمكن تطلع من هالعزلة اللي هي فيها "

___________________________________

(( بيت ابو بندر ))

( الساعة 7 المسا )

ام بندر اللي كانت محترقة ف البيت .. تبغى توصل بدري بيت امها ..

ام بندر تصااارخ : يااااااااااا ثااااااااامر ... بننننننننننننننننننننندر ...

ثامر نزل من على الدرج يركض وهو يرمي شماااغه فوووق راسه : هذاااني جيييييت ... يعني ابغى افهم .. انا اعرف انه الحريم ياخذون ساعة باللبس .. انتي ما شالله .. 5 دقايق وتكونين جاهزة شلوووون ....!!؟!؟؟!

ام بندر : لاني ما اقعد ساعة اتامل جمالي ف المرايا زي حضرة جنااابك ... وين اخوووك..؟؟

ثامر : ا... ا... يما بندر مو رايح ...
ام بندر : ايش..؟!! ليش انشالله ...
ثامر : ا.. و.. والله يا يما .. بندر بيروح يزور عمي شوي يشوف ايش صار عليه لانه ما مر عليه العصر .. وبعدين مواعد ربعه ..
ام بندر نادته : بندددددددددددددددررررر ...
ثامر : يما اتركييه .. خلاص هو قال انه بكرة بيمر على جدتي و بيسلم عليها .. بعدين هو مر عليها امس .. مو لازم يروح اليوووم ..
ام بندر بنص عين : وليش ما يبغى يروح اليوووم ها..؟؟ ايش فيه بيت جدتك..؟؟ ولا مين ربعه اللي مواعدهم ...؟؟؟ لا يكون مواعد وحدة وما يبغى يتاخر عليها ... طبعا .. البنات هالايام صاروا اهم من الاهل وجمعاااااااتهم ...!!!!!!!

ثامر ضحك : ههههههه الله يهديك يا يما .. الحين بندر يواعد وحدة ..؟؟ شقااالوووا لك .. ولدك فزاع على غفلة ... تراه الا طالب جامعي على قده ... مين اللي بتطالع فيه ..؟؟

ام بندر تنهدت : مع اني دارية انه يبغى يتهرب من الرووحة ومدري ليش... بس طيب يا بندر .. انا اوريك ..

ثامر مشى قدامها : يللا يما بنتاخر ... هههههههه
ام بندر طالعته : الحين صرت مستعجل..؟؟ والله انك انت واخوك كل واحد اصيع من الثاااني ..!!!!!!

___________________________________

(( جزر الباهاما ))

( الساعة 5 المغرب .. بتوقيتهم )

ف التاكسي اللي كانوا دانة ورائد راكبينه عشان يروحون لاحد المجمعات الموجودة على الجزيرة ...

دانة : رائد ... مو كانه في صوت جوال يهز ...
رائد مرتبك " لا حوووول " : حبيبتي يمكن جوالك ..

طلعت دانة جوالها من الشنطة وهزت راسها بالنفي : لأ مو جوالي .. شوف يمكن جوالك ... لا يكون عمي ولا خالتي يبغوونك ضرووووري ..
رائد طنش وقال : ما عليك .. محد قاعد يدق ..

دانة سكتت .. ما حبت تكبر الموضوع ... يمكن هي غلطانة و ما في أي جوال يرن .. وهي قاعدة تتوهم الصوووت وبس

___________________________________

(( بيت الجدة مزنة ))

( الساعة 9 المسا )

طلعوا البنات كلهم فوووق .. عشان ثامر وراكان وباقي العيال بيدخلون ويسلمون على جدتهم ...

ومها كانت قاعدة فوووق على الدرج ترااااقب بصمت ولهفة .. طول الجلسة وهي تنتظر هاللحظة ..
مها " جات لحظة فرحتك يا مها ... اللحظة اللي بتغير حياااتك وتخليك تعيشين سعادة مالها نهااااية ... "

دخل راكان وبعده ثاااامر ووراهم باقي العيااااال ... وثامر كان منزل راااسه مستحي.. لانه خالاته كلهم موجودات ...

راكان : هلا بالقمر ... ايش الحلا هذااا ... اخق انا يا يما ..
الجدة مزنة : آآآه يا نصااااب .. قووول يللا كم تبغى ..؟؟
راكان : خخخخخخخ افااااا ... يعني انا ما امدحك الا اذا بغيت فلوووس ..!؟!؟
الجدة مزنة : وانت شااايف غير كذا ..؟؟

الكل قام يضحكوووون .. وقرب ثامر باس راس جدته : كيفك يماا..؟؟
الجدة مزنة : هلا بولدي حبيبي .. هلا بثااامر .. ما شالله . ربي يحفظك .. كل يوم تكبر زيااادة وتطول ...

ثامر حمر خده : الله يطول بعمرك يااارب ...
بدرية ( ام عهود ) : ليش مستحي يا ثااامر .؟؟ محد غريب...
ام بندر ضربتها ع الخفيف : هي انتي .. تعرفي ولدي يستحي من الحريم .. لاتحرجيه..

راكان ياشر على ثامر : هذا ينحرج ..؟؟ من جدك..؟؟ هذا وينه ووين الحيااا ..؟!!؟
ام بندر عصبت : حدك على ولدي... والله لا اذبحك ..
ام راكان : هاا..؟؟ اشوووف قمنا نهدد...!!

الجدة مزنة تطالع فيهم مستغربة وتطالع ف العيال اللي كانوا موجودين وتضحك : هذولا من جدهم..؟؟ شوفوا شلون يتهاوشون زي الاطفاااال ..؟!؟!؟ مو صاحيين ..

ام راكان : يما .. بنتك اللي بدت ..
ام بندر : لااأا.. والله يا يما راكان سبب الفتنة ...
راكان رفع يدينه مسوي بريء : انا مالي دخل .. بريء .. والله بريء ..
ثامر بنص عين : أي والله .. مرة بريء ..

وشوي سمعوا الكل صوت احد يركض نازل من على الدرج ...

التفتوا الكل فاتحين فمهم من الصدمة ...
مها نازلة وهي تركض وتصيح ... وارتمت ف حضن ثاااامر قدام كل الموجودين .. بما فيهم اخوووووها .. !!!!!

مها تصيح وهي حاضنة ثامر بقوة تخاف يروح عنها : ثااامر.. تكفى .. تطفى لاتحقرني مرة ثاانية .. والله آسفة .. آسفة .. والله خلووود هي السبب .. تكفى لا تحقرني .. الله يخليك رد علي لما اتصل فيك من جديد .. ثامر انا احبك من جد .. احبك ..!! ثامر انت لما كنت تكلمني قلت انك تعلقت فيني ... الله يخليك لا تتركني الحين .. انا آسفة على كل اللي سويته كله .....!!

ثامر واقف منصدم ومتيبسة اطراااافه .. مو عارف ايش يسوي ... واخووووها راكان شوي ويذبحها ...

ام راكان فتحت عيووونها الثنتين ع الاخير وسحبتها وهي تصااااااااارخ : انتي وش تسوييييييييييين ..؟!؟!!؟ يا قليلة الادب .. يللي ماتربيتي ...

راكان هجم بيضربها .. بس طارق وزياد اولاد عمته .. مسكووووه باقوى ما عندهم ..
يوسف عمها اللي كان معصب .. فصخ عقاااله وجا بضربها ...

بس جاله صوووت امه المعصبة وواصلة معاها : وووووقف ... والله لو تقرب لا اذبحك يا يووووسف ...

التفتت الجدة مزنة على مها اللي كانت تصارع امها ع الارض تبغى تروح لثاااامر بس ماهي قاااادرة : انتيييييي هييييييييي .. مجنوووونة .!.!؟!؟!؟ احد ينزل كذا لابارك الله فيك ولا ف الساعة اللي شفتك فيها ..!! حسبي الله عليك ناوية تفضحينا ...

مها ولا عليها .. ومو منتبهة لجدتها .. عيووونها على ثااامر اللي واقف ومنزل راااسه ف الارض خااايف : لأ... لأ .. ثامر طالعني .. ثامر لاتتجاهلني بعيووونك لأأ.... ثامر والله احبك ... والللله احب....

وصلها كف من امها المعصبة عليها واللي قاعدة تصاااااااارخ بس ما اهتمت : ثامر.. انت قلت لي اني غالية عليك .. وانك ما بتتخلى عني .. لاتتركني ف هالموقف رجااااااااااااء.. لا تتركني .. ثاااااااااامر ارجوووووووووووك ...

التفت يووووسف اللي كان ثاااير على ثامر وهزه بقوة : عن ايش قاعدة تتكلم هذي ها..؟؟؟ قووووووووول ...؟؟ ايش بينك وبينها ...؟؟؟ صار شي بينكم ..!؟!؟!؟ ايش قاعدة تقووووول ..؟!؟!!؟

مها : قووول لهم ثاامر .. قول لهم انك تحبني قووووووووووووووول...!!

نزلت امها فيها ضرب : بس ... بسسسسسسس يكفي فضااااايح يكفي .. انا شاكة فيك من اول بس ما هان علي اتهمك بهالتهمة ..... بس الحين ... حسبي الله عليك من بنت .... !!!!!!!!!!!!!!!

قدر راكان يفلت من زياد وطارق ونزل ضرب ف اخته ... ضرب راسها ف كل جدار ف الصاااالة .. وولا احد قدر يوقفه او يقاااااااومه ... وهي كانت تصااارخ باسم ثااامر زي المجنوونة اللي ما همها شي...

يوسف مسك ثامر من ثوووبه : قسم بالله لو كان لك يد ف الساااالفة لا اذبحك وارميك زي الكلاب فاااااااهم ..؟؟

وضربه بوووكس خلاه يطير مترين ...
ثامر اللي كان يرجف .. جات امه وهي لابسة عبايتها وسحبته لبرى البيت : امشي معااي.. امشي لا بااارك الله فيك انت بعد ...!!!!!

::
::
::

(( بيت ابو بندر ))

( بعد نص ساعة )

دخلت ام بندر وهي ساحبة ثامر من ثوووبه ونازلة سب فيه وف اليوم الي جابته فيه ..
ام بندر : ادخل .. ادخل لا الحين اضربك ضرب ما قد ضربتك اياه ادخل اشوووف ..

ثامر وخرها عنه : يمااا والله ما سويت شي .. ليش مو راضية تصدقيني ..؟؟
ام بندر : لانك كذااااب ... حسبي الله عليك فشلتني قدام اهلي .. وين اودي وجهي منهم ...
ثامر : ليييييه طيب..؟؟ وش سويت انا..؟؟
ام بندر : وش سويييت ..؟؟ بعد تسال .. البنت شبه مجنوووونة فيك وتقول لك كلمني من جديد ومدري ايش وانتا تقول انك ما سويت شي...؟!؟!؟!؟

نزل بندر يركض خايف : شفيكم ..؟؟ شصاااير...؟؟
لفت ام بندر منقهرة من ثاامر وحطت حرتها ف بندر : وانت ما رحت عند عمك ها..؟؟ دارية فيكم .. تربية غلط ... بس والله انت وياه انا اوريكم ... انت ليش ما رضيت تروح بيت جدتك اليوم ها..؟؟ من ايش خايف..؟؟ ولا انت بعد سويلك مصيبة ..!؟!!!
بندر فتح عيووونه الثنتين : انا ؟؟!!! انا وش سويت ..!؟!؟!

ام بندر : انقلع انقلع الحين ... خليني اخلص من قليل الادب والتربية هذا اللي مدري من وين طلعلي بعدين يجي شغلك معاي .....!!

___________________________________

(( بيت ابو سعوود ))

( الساعة 11 المسا )

طلعوا كل الناس من حوالي نص ساعة .. وما بقي احد.. بس البيت كان مقلووووب فوق تحت ... وريحة الذبااايح والرز وللحم ف كل مكان ..

دلع دااارت ف المبخرة ف البيت عشان تروح الريحة شوي ..

سعود دخل البيت : السلام عليكم ..
التفتت دلع : هلا سعووود ..

قرب سعود وهو تعبااان وكاره عمره ورمى نفسه ع الكنب حق الصااالة : افففففف ..
دلع حطت المبخرة وجات قعدت جنبه مستغربة : سعود شفيك ..؟؟
سعود قرفان من نفسه : والله تعباااان .. رجووولي تكسرت ..
دلع ابتسمت وباسته على خده : يعطيك العافية ..

ابتسم سعود وهو يطالعها : ما تقدرين تخليني ازعل شوي يعني..؟؟
دلع برقة : طبعا ...!!

سعود : فديتك انتي بس... وين الاثنين ..؟؟
دلع : لينا فوووق .. تتروش .. مسكينة اليوم ماتت صياااح ... كله من صديقات امك اللي جو الله يهديهم ... قعدوا يصااارخوووون ويضربووون نفسهم ... وكل ما شافوا وحدة دخلت .. راحوا حضنووووها ويصااارخون ... ما سكتوا لين جات وحدة وشكلها ملتزمة وهزأتهم ....

سعود : كان طردتيهم برى .. قوليلهم ما بتقعدون باحترام .. برى...
دلع : بصراحة انا استحيت اكلمهم ... اخاف يقلبوووها علي هنا...
سعود : ما يقلبوووها ولاشي ..ز يخسووون الا هالطقاقات .. اصلا هذولا اللي يشتغلون عند امي ... جايين يسوون حركات تمصلح عشان ياخذون فلووووس .. !!!! الله يقطعهم ويقطع الساعة اللي عرفناهم فيها ....!!!

دلع حست بالم ببطنها وضغطت بيدها شوي على يطنها ...
سعود انتبه لها وخاف : دلع .. فيك شي..؟؟ شي يعوورك ..؟؟
دلع : ها..؟؟ لا لا لاتخاف .. بس يمكن لاني اليوم مشيت كثير .. عشان كذا تعبت شوي .... بس عادي .. الحين ارتاااح ويخف الالم ..
سعود : متاكدة ما اوديك المستشفى ..؟؟
دلع : ماله داعي المستشفى .. اتطمن .. انا بخير..

سعود غمض عيووونه وسند راسه على ورى : طيب .. لا طلعت لينا .. اجهزوا عشان نرجع الشقة ... ما فيني حيل افتح عيوووني دقيقة زيااادة .. ابغى انااااااااااااام ..

سالم وهو داخل البيت سمعه : مانا راجعين الشقة .. انا ولينا بنبقى هنا ..
سعود فتح عيووونه وطالع بسالم : ايييييش..؟؟ ايش امرت يا بو الشباب ..؟؟ مو على كيفك ... شلون تقعد انت واختك ف بيت لوحدكم... لامعاكم لا اب ولا ام ..؟؟ لو شقح حرامي البيت او احترق او صار لكم شي ... شلون بتتدبرون نفسكم .. لا حبيبي.. مانا ناقصين مشاااكل .. انت و اختك بتجووون مهعانا لين ما نشوووف لكم حل .. فاهم ..؟؟

سالم وقف بعناااد : لا ماني فاهم .. وانا مانيطالع من البيت ..
سعود جا بيقوم يتهاوش معاه بس دلع مسكته : اهدى شوي ... سالم .. اخوك اللي يقوله صحيح ... ما يصير تقعد انت و اختك لوحدكم .. صدقوووني خطر .. ما تدرون ايش ممكن يصير ... الدنيا ما لها أمان ..
سالم : بنقفل الابواب .. وانشالله ما بيصير شي...
دلع : حتى لو قفلتوا الابواب .. لازم يكون معاكم احد كبير ... لو صار لكم شي لا سمح الله او اختك تعبت ولا شي .. شلون بتتصرف..؟!؟!؟

سالم : يا دلع انا ماني صغير..
دلع قاطعته : ولا انتا كبير بما فيه الكفاية عشان تتحمل مسؤوووليتك ومسؤولية اختك .. اسمع كلامي وتعال معانا ... صدقني .. مو للابد ... بس كحل مؤقت لين ما نشوووف حل .. طيب..؟؟

سالم مع انه الكلام مو عاجبه .. بس ما وراه الا هالحل : افف .. طيب .. بروح اجيب اغراااضي ..

راح سالم وسعود قام يتحرطم : انا كبير .. واقدر اتحمل المسؤووولية ومدري ايش.. مالت عليك قد النملة وتقول لي كبير...!!!!
دلع : شفت شلووون .. لما تتكلم معاه بمنطق وبدون هواش ... راح يسمع كلامك على طول ... لكن الهواش والصرااخ صدقني ما بيزيده الا عناااااد ...!!

@@@@@@@@@@@@@@@@@@@@@@@@@@@@@@@@@@@@@

(( بيت فيصل ))

( الساعه 12 الظهر )

قعد فيصل على الكنبه يستنى نسايم تخلص لأنها بترووح معاه اليوم العزا عشان تساعد دلع شوي بما انها حامل....

ابو نسايم اللي توه قايم من النوم جا وقعد : صباح الخير يا ولدي
فيصل: هلا جدي صباح النور
ابو نسايم: نسايم وين...؟؟
فيصل: راحت تلبس..بتروح معاي العزا اليوم....
ابو نسايم:زين بس ابغى اكلمكم شوي
فيصل مستغرب: خير جدي...؟؟

جات نسايم لابسه عبايتها: يلا فيصل خلصت؟ (شافت ابوها و راحت سلمت عليه).. هلا بابا ... صباح الخير
أبو نسايم: هلا حبيبتي صباح النور
نسايم: أنا رايحه مع فيصل العزا...حرام دلع لوحدها قايمه بكل شي هناك...و المسكينه توها فأول شهووور الحمل....

أبو نسايم: انتبهي لا تتعبين نفسك زياده
نسايم: لا لا تخاف..منتبهة لنفسي زين..
ابو نسايم: طيب نسايم ابغاكي فموضوع...
نسايم: الحين...؟؟
ابو نسايم: ايوه ..اقعدي شويه ما راح اطول...

نسايم قعدت مستغربه: خير بابا...؟؟
ابو نسايم: نسايم أمس اختك نسرين كلمتنا.. وقالت لنا ان زوجها راح يسافر بعد كم يوم عشان الشغل...وزي ما تعرفين هي حامل..و أخوانك من الطفش كل واحد صار يبغى يسافر .. وانا بصراحة ما ابغى رسلهم مكان لوحدهم ..

نسايم : يعني بتروح انتا وماما..؟؟ عادي ترى .. عندي فيصل واقدر اتحمل مسؤولية نفسي ...
ابو نسايم : لا يا نسايم .. انا وامك ماراح نتركك مرة ثانية .. واحنا قررنا تجون معانا ..

فيصل بسرعة وهو متفاجئ : الحين...؟؟
ابو نسايم : لأ مو الحين .. ادري انه صديقك الحين يمر بفترة صعبة ولازم توقف جنبه .. على الاسبوع الجاي انشالله ..

فيصل " جاهز ومقرر بعد...!!! "

___________________________________

(( بيت ابو بندر ))

( الساعة 12 ونص الظهر )

ابو بندر يصااارخ : بتتكلم ولا شلون يا ثامر ..؟؟
ثامر متوهق " وش اسوي الحين..؟؟ حسبي الله عليك يا مها ..!! " يبا .. قلت لك ما عندي شي اقوووله ... انا مالي دخل .. ما اعرف شي ...!!

ام بندر معصبة : شلون ما تدري عن شي .. والله العظيم يا محمد امس لو شفت البنت كيف متعلقة برجوووله .. تقول ساحرها ولا عامل لها عمل .. ولا همها عمها ولا اخوووها وامها اللي واقفين...!!

ابو بندر متفاجئ : يوسف وراكان كانوا هناك ..؟؟
ام بندر متفشلة : أي والله .. يوسف بغى ينزل ضرب فيها بس امي ما خلته... بس راكان .. حتى طارق وزياد ما قدروا .. يمسكوووه ... راح مسكها وبدا يضرب فيها قدامنا كلنا .. وولا احد قدر يوقفه ... وانا ما قدرت اتحمل .. سحبت ثامر وطلعت من البيت ...!!

ابو بندر : والبنت ايش صار عليها ..؟؟
ام بندر : البنت بعد الضرب تعبت وودوها المستشفى .. ومنومة من امس هناااك .. والله حالة اختي مرة تكسر الخاطر ... كله من ولدك هذا الي يبغاله خلع رقبة ..!!

ابو بندر عصب .. وف لحظة غضب ... عطى ثااامر كف .. رقع صوووته ف كل البيت : عاجبك اللي صار الحين .. كل اللي صار من تحت راااسك وآخرة لعبك يا كلب ..!!

حط ثامر يده على خده منصدم ... هذي اول مرة ابوووه يمد يده عليه .. حس بالاهانة صدق .. وبكبر الساااالفة .. وبدون ولا كلمة .. طلع من المكتب .. ومن البيت بكبره ..

___________________________________

(( بيت ابو سعود ))

( الساعة 1 الظهر )

ام سعود اللي كانت ف بيتها من الصباح لانه المستشفى اتصلوا ف سعود وقالوله انهم بيطلعونها اليوم ... كانت قالبة البيت فوووق تحت .. صياح وصرااااخ وسط الحريم .. وصوتها كان واصل للي برى البيت ...

دلع برجا : الله يخليك يا خالتي .. لا تسوين ف نفسك كذا .. انتي لسة تعبااانة .. حرااام اللي تسوينه ...
ام سعود بانفعاال وهستيريا : وخروا عني .. ابي زوجي . ابي زووووووووووجييييييييي ... آآآآآآآآآآه يا عبدالله .. يا حرقة فؤاااادي علييييييييك .... وش الدنيا من بعدك يا غااااااااالييييييييييي ....!.!!!!!!!!

وصديقاتها كانوا وراها يرددون معاها ويصارخون .. هذا غير الضرب اللي كانوا يضربون فيه نفسهم ..

نسايم معصبة : ايشبهم هدووولا..؟؟ اللي يشوفهم يقول ازواجهم اللي ميتين..!!!!
دلع وصلت معاها : والله لولا حاليا كان فتحت الباب وطردتهم من البيت ..
نسايم : انا مستعدة اسويها .. فقعوا راسي من الصباح وهم يصارخوا زي المجانين ..!! ناس لا حيا ولا اخلاق...!!!!
دلع : لا لا .. والله لو سويتيها تكونين انتي المجنووونة ..!!! ناقصين فضايح احنا..!!؟!؟!؟

نسايم بحزن : يا عمري يا لينا .. عندها حق يوم ما رضت تنزل ...
دلع : وين تنزل..؟؟ والله يغمى عليها لو تشوووف الحركات اللي قاعدين يسووونها ... الله يرحمك يا عمي .. مدري البيت كيف بيمشي الحين ..!؟!؟!؟

___________________________________

(( على البحر ))

( الساعة 3 العصر )

حط سلمان يده على كتف ثامر : مو ناوي تتكلم وتقول شفيك..؟؟
ثامر تنهد : ه .. ايش اقووول..؟؟ ولا لو اقوولك ما بتصدقني ...
سلمان بعتب : افااا .. ما هقيتها والله ... الحين انا خويك .. تقول ما اصدقك .. انا اصدقك في كل شي .. الا في شي واحد ...
ثامر : واللي هو ..؟؟
سلمان : لو تقول لي انك تسمع شاكيرا ...!!! خخخخخ
ثامر ابتسم لخويه اللي قاعد يحاول يخليه يضحك : السالفة .. انه مرة من المرات دقت علي وحدة ..وقالت تبغى تتعرف ...

سلمان قاطعه : اهااااااااا... قول ك1ا من اول .. اجل السالفة فيها بنت ...
ثامر بنص عين : بدينا بالسخافة .. تدري شلووون .. بطلت .. ماني قايل لك ..
سلمان : لا لا لا خلاص .. تووووبة آسف ... كمل كمل ..

___________________________________

(( المستشفى ))

( الساعة 6 المغرب )

دخل راكان لمكتب الدكتووور : خير دكتووور .. عسى ما شر..؟؟
الدكتور : شوووف .. حالة اختك خطيرة .. لانه التحاليل بينت انه اختك كانت تتعاطى ..
راكان منصدم : مخدرااااااااات ...؟!؟!؟

الدكتور : مو مخدرات .. تقدر تقول .. منبهات .. مهدئات للاعصاب .. وادمنت عليها ..
راكان " انا اوريك يا مها ... بس خليك تطلعي من المستشفى .. وانا بربيك من جديد ..!! " : طيب دكتور . والحين وش الحل..؟؟

الدكتور : احنا سوينا لها غسيل معدة .. بس لازم نخليها تترك الادمان .. يعني بنضطر نخليها كم يوم ف المستشفى ...

راكان : طيب .. مو مشكلة ..
الدكتور : بس .. البنت نفسيتها مرة دمراااانة ...
راكان " عساها الموت انشالله .. فشلتنا الله يفشلها " : والحل..؟؟
الدكتوور : انا اقول لو تخلي الاهل والاقارب يجون عندها يزوروها .. يسولفون معاها ويونسوها شوي ... تدري المستشفيات تسد النفس .. عشان تتحسن نفسيتها وتتبل العلاج بطريقة اسرع واحسن

@@@@@@@@@@@@@@@@@@@@@@@@@@@@@@@@@@

(( آخر ايام العزا .. بيت ابو سعود ))

( الساعة 11 بالليل )

دخل سعود البيت تعبااان .. وقعد ينادي : دلع ... يا دلع ..
دلع جات :هلا سعووود ..
سعود : راحوا كل الناس ..؟؟ بقى احد ..؟؟
دلع : أي الحمدلله .. راحوا كلهم .. وخلص آخر يوم عزا..
سعود : وو .. خالتك وين ..؟؟

دلع : فوووق ف غرفتها .. تقول ما تبغى تكلم او تشوووف احد ..
سعود يتطنز : عاااد احنا اللي ميتين عليها ونبغى نكلمها ..!! من زينها .. ولا ومن زين وجهها ...!!
دلع بعتب : وطي صوتك لا يسمعك سالم ولا لينا ...
سعود : وخليهم يسمعوا ...

دلع : يا سعود .. ابوهم توفى الله يرحمه .. وما بقالهم غير امهم .. لا تخليهم يحقدون عليها زيادة .. هم محتاجينها الحين وهي محتاجتهم ... خليهم شوي شوي يمكن يتصالحوا معاها وتتحسن اوضاعهم ...

سعود : اصبري علي بس... انا اوريها .. ان ما رميتها ف دار العجزة .. ما اكون سعوود..!!

___________________________________

(( بيت ابو عوض ))

( الساعة 11 ونص بالليل )

دخلت اروى المطبخ تسوي لها بوب كووورن عشان تاكله .. لانه الفلم ما بقى عليه شي ويبدا ...
وهي قاعدة تتطالع لامايكروويف وهو يدووور .. حست بشي وراها .. التفتت على باب المطبخ .. وشاف ظل واحد واقف ...

اروى " غريبة ...!! معقوولة السواق ..؟؟ وش قاعد يسوي .. "

وزاد استغرابها يوم شافت ورقة تدخل من تحت الباب .. وشافت اختفاء الصاحب الظل ..

اروى " خخخخخ اتخيل السواق يغازل الشغااالة !!!! "

جات شوي شوي وسحبت الورقة ... واخذتها واخذت البوب كورن اللي خلص .. وطارت على الصالة اللي فوووووووق وهي تضحك ...

( ف الحوش )

طلع احمد من البيت شوي شوي .. بدون ما يلاحظه احد .. ركب سيارته وتسند وهو يتنهد براحة على الكرسي : ه ... الحمدلله .. عدت سليمة .. عسى بس تشوووفها .. هذا املي الاخير... يااااااارب لا تخيب ظني ...!!

___________________________________
نهاية البارت ال27 << قطعته بمكان غلط صح خخخخ

طيب ... النهاااية قربت .. وش تتوقعون يصير فيها ..؟؟

احمد .. ايش كتب ف الورقة ..؟؟ ومين تتوقعون ياخذ..؟؟ ولا تتوقعون راح ياخذ وحدة ثانية غير ريم او اروى ..؟؟

ثامر ... مها حطته بموقف صعب .. شلون راح يقدر هالمرة يثبت انه اله دخل ف كل اللي صار ..؟؟

وبندر .. كيف راح يعرف حقيقة خلووود ..؟؟ وهل راح ياخذها بعد كل اللي صار ..؟؟

فيصل والسفرة المفاجأة اللي رتبها ابو نسايم..؟؟ هل راح يروح ..؟؟ ولا راح تتغير الخطة..؟؟

لينا وسالم .. كيف راح تكون حياتهم الجاية ..؟ وام سعود ايش مصيرها ..؟؟ هل راح يوفي سعود بكلامه ويوديها دار العجزة زي ما يقووول ..؟؟

ودلع ... هل راح يصير شي لحملها ..؟؟

ريم .. هل راح تدري بللي يصير من وراها ..؟؟ وايش بتكون ردة فعلها لو درت ..؟؟

جزء ال28 .. ( ثمانية وعشرين ) ]] الأخي ^_^ر [[ :.

- وفاة ابو سعود وردة فعل ام سعود
- سعود توعد ف ام سعود انه راح يوديها دار العجزة
- قرار ابو نسايم برجعتهم كلهم لجدة بما فيهم فيصل الاسبوع الجاي
- احمد .. كتب رسالة لاروى .. ياترى أيش كتب فيها..؟؟
- مها ورطت ثامر قدام العايلة باعترافها انها كلمته .. وعلى ذلك .. اكلت من اخوها ضرب خلاها تدخل من وراه المستشفى
- ريم بعيد عن الساحة لانها مسافرة ..
- هتون شكلها بدت خطتها الجديدة ..

>> الفصل الأول <<

(( بيت ابو عوض ))

( الساعة 11 ونص بالليل )

دخلت اروى المطبخ تسوي لها بوب كووورن عشان تاكله .. لانه الفلم ما بقى عليه شي و يبدا ...
وهي قاعدة تتطالع لامايكروويف وهو يدووور .. حست بشي وراها .. التفتت على باب المطبخ .. وشاف ظل واحد واقف ...

اروى " غريبة ...!! معقوولة السواق ..؟؟ وش قاعد يسوي .. "

وزاد استغرابها يوم شافت ورقة تدخل من تحت الباب .. وشافت اختفاء الصاحب الظل ..

اروى " خخخخخ اتخيل السواق يغازل الشغااالة !!!! "

جات شوي شوي وسحبت الورقة ... واخذتها واخذت البوب كورن اللي خلص .. وطارت على الصالة اللي فوووووووق وهي تضحك ...

( ف الحوش )

طلع احمد من البيت شوي شوي .. بدون ما يلاحظه احد .. ركب سيارته وتسند وهو يتنهد براحة على الكرسي : ه ... الحمدلله .. عدت سليمة .. عسى بس تشوووفها .. هذا املي الاخير... يااااااارب لا تخيب ظني ...!!

قعد ينتظر وينتظر برى البيت ... يستنى أي ردة فعل ... بس بعد ساعة من الانتظار .. قرر يرجع البيت وهو مو عارف ايش مخبي له بكرة .. او ايش ممكن تكون ردة فعل اروى على الرسالة ..

( ف البيت )

قعد اروى وهي ميتة ضحك على الكنبة ... ونست انه الفلم بادي من زمان .. فتحت الورقة المطبقة بعناية وترتيب ..

وتفاجأت انه الكتابة بالعربي .. والاحرف عربية ...
اروى مستغربة " اووخص ... يكتب عربي بعد..!؟!؟ منت هين يا رشيد ...!! "

وبدت تقرا الرسالة .. ومع كل حرف تقراه .. تنطبع على ملامحها الدهشة شوي شوي..

قبل ما ترمين الرسالة ف الزبالة .. او تشقيها .. او تحذفيها بعيد .. اقري حروووفي .. صح اني غلطت .. بس هذا ما يعني انه الكلام اللي بقولك اياه مو مهم ... واتوقع الكلمة المناسبة في هالموقف هي ..

اناآ آسف ..

اللي صار ما كان عمدا .. انا كنت ف الغرفة و.. وانتي جيتي ...
وعلى سالفة الصووورة .. وربي لقيتها بالغلط في الالبوووم ... ما انكر اني غلطت يوم طلعتها وخليتها ف جيبي ... بس .. تبغين الصراحة .. لما شفتها ما قدرت .. ملامحك كلها ذكرتني بعوض .. لما شفتك .. حسيت كاني شفته ... نفس النظرة .. نفس الانف .. ونفس الوقفة اللي يوقفها لما يجي يتصور ... حسستيني انه عوض بيننا للحين
وانه ما مات ..

ما تتصورين افتقده قد ايش... من جد لو اقدر ادفع نص عمري عشان يرجع .. والله ما ترددت ثانية ... لانه الحياة بدون رفيق دربك .. ما تسوى والله .. يصير ما عندك احد تفضفضين له بدون الخوف من الاحراجات .. وبدون الخوف من كلام الناس .. يكون عندك احد قد الثقة .. صندوووق اسرار يعني ..

والحين ... صدقتيني..؟؟ انا ولا عمري سويت هالحركات .. بس مدري وش جاني .. ما كنت حاس بعمري ذيك اللحظة ... واتمنى من كل قلبي تسامحيني .. اذا مو عشاني .. عشان عوض ..

احمد

رمت اروى الورقة جنبها لانها ما بقى عليها شي وتنشق من كثر الدموووع اللي طاحت عليها ..

ذكرى اخوووها دايما تعور لها قلبها ... ولما يطرووون اسمه ... تحس بخنقة فظييييييييعة ...

غطت وجهها بيدها وقعدت تصيح ... تتمنى اخوها يرجع ويكون موجود..؟؟ تناشده يرجع لها ... بس هذا شي مستحيل ..

بعد دقيقة .. مسحت اروى دموووعها وطالعت الورقة مو عارفة ايش تسوي ...

اروى " هذا احمد... هذا صديق عوق ورفيق دربه .. هذا اللي وقف معاه وكان جنبه دايما .. كيف ازعل منه..؟؟ والله ما يهون علي... صح انا عصبت على اللي سواه .. لاني ما احب الغلط .. كل شي وله حدووود .. بس .. ابدا ما شلت بخاطري عليه .."

قامت من على الكنب وراحت غرفتها ... حطت الورقة ف الدرج وسكرت عليها .. ورجعت للصالة تحاول تنسى الموضوع وتكمل الفلم ..

@@@@@@@@@@@@@@@@@@@@@@@@@@@@@@@@@@@@@

(( جزر الباهاما ))

( الساعة 11 الصباح )

قامت دانة من النوم وهي تسمع صوت هزة خفيفة .. خافت لا يكون واحد من اهلها متصل فيها ...

قامت بسرعة وراحت لجوالها .. بس حصلت شحنه مخلص ومطفي ... التفتت على جوال رائد الي كانت شاشته منورة ويهز على الكومادينا .. راحت تركض بسرعة " اكيد لما شافوا جوالي مغلق دقوا على رائد " ...

وبالفعل .. اول ما شافت شاشة الجوال .. كان الرقم سعود ومو مخزن ...
دانة " يوووه .. الحين انا شلون اعرف مين هذا..؟؟ مشكلتي ما احفظ الارقام ..!! "

ردت دانة : الوو
وصلها صوووت مايع : الووووووووووووو

دانة مستغربة : مين..؟
البنت : مرحبااا .. اووبس ..مشغولين ..؟؟
دانة : نعم ..؟؟
البنت : ا.. كنت ابغى رائد .. بس شكله نايم .. طيب حبيبتي .. لا قام .. قوليله اني اتصلت ... !!!!

دانة عصبت " يعني متى بنخلص من هالسالفة ؟؟؟؟ " : لا ليش تدقين بعدين ..؟؟ اقوم لك اياه مو مشكلة ..
ضحكت البنت على دانة اللي مبين انها منقهرة ومولعة نااار : ا.. لا ماله داعي .. حرااام تلاقينه نايم متاخر آخر الليل .. بس شوووفي .. خليه يدق علي على الرقم الثاني طيب..؟؟

دانة وصلت معاها .. قالت وهي تسكر على اسنانها : انشاااالله .. تاآمرين امر انتي بس .. يا قليلة الادب يللي ما تربيتي .....

نزلت دانة فيها سب على التليفون وهي تضحك عشان تستفزها .. وعلى صرااخها ف التليفون .. قام رائد خاايف ومستغرب ...

رائد : ميت تكلمين..؟؟ شفيك..؟؟
دانة للحين تهاوش : هذا هو قاااام .. تبغيه ..؟؟ خذيه ... لا لا حبيبتي .. حلفت عليك تكلميه ...لا تموتين علينا الحين ..

طلعت رائد ورمت التليفون بوجهه .. وهو مسكه بسرعة مستغرب : الووو
هتون تضحك : ههههه هااااااااي بيبي ...!! وربي زوجتك دانة طلعت توووحفة ..!!

رائد دق قلبه من الخوووف " وش هالمصيييييييييبه!!!!! " : انتي كم مرة اقووولك لا تتصلين..؟؟ ما تفهمين عربي انتي..؟؟؟!!

هتون : معليه حبيبي ... عاذرتك لانها جنبك ولازم تسوي حركات قدامها .. بس انا متاكدة من شعووورك ... !!!

رائد فتح عيووونه ع الاخير : انتي وحدة مو صاحية ...

سكر بوجهها .. وراح يدور على دانة ف الغرفة ما حصلها : وين راحت هذي بعد..!؟!؟ الله يستر الحين ... !!!!!!!

سمع صووووت ف الحمام وقرب لعند الباب وقعد يناديها : دانة ... دانة حبيبتي .. اطلعي خلينا نتفاهم واشرحلك القصة ....

دانة اللي كانت تصيح ف الحمااام : ما ابغى تشرحلي .. يوم قلت لك اول اشرحلي .. قلت لي انك شرحت كل شي .. ايش بتشرح بعد .. مو شرحت كل شي..؟!؟!؟! خلاص يااا راااائد .. روووووح عني...
رائد " الله يقطعني .. صدق اني غبي " : دانة .. مو كذا يا دانة .. طيب اطلعي من الحمام .. اطلعي ما يصير تقعدين ف الحمام ..مو زين ...
دانة تصاارخ : الا زين .. اتركني ... هذا جزاتي قررت انسى كل شي وابدا معك من جديد ... تقوووم تسوي معاي كذاااا ..؟!؟!؟ انا وش سويت لك ممكن افهم ..؟؟ ليش قاعد يصير فيني كذاااااااااا ...!؟!؟!

رائد حس بروحه بتطلع .. ما عرف وش يقول لها ... تراجع وقعد على اقرب كرسي ..
رائد " وش سويت يا رائد .. هذا نتيجة كذبك ...!! تستاهل اللي يصير فيك .. بس هي وش ذنبها . وثقت فيك وعطتك قلبها ..؟!؟!!؟ "

شوي وطلعت دانة من الحمام وخشمها احمر وهي معصبة ...

قربت من رائد وهي تهدد : اذا ما رحت الحين .. وحجزت لي اقرب طيارة للشرقية .. والله العظيم لا احجر لي طيارة واتركك هنا لوحدك فاهم ...؟!؟!
رائد جا بيتكلم بس دانة قاطعته : ولا ابغى اتكلم ف الموضوع .. وما ابغاك تشرح لي أي شي... فاهم ..؟؟ ولا مو فاهم ..؟؟

رائد سكت .. ما عرف وش يقووول .. بس استوعب انه الحين دخل ف متاهة كبيرة .. ما يدري شلون بيطلع منها ...

___________________________________

(( سيارة سالم ))

( الساعة 1 الظهر )

كان سالم قاعد يلف مع فيصل ف الشوارع ... يغيرون جو شوي بدال قعدة البيت الكئيبة ...

سالم وقف ينتظر الاشارة تفتح : ما قلت لي .. ايش الموضوع اللي كنت بتقول لي عنه يوم موت ابوي..؟؟
فيصل وهو يطالع الشواااارع : لا تذكرني...
سالم التفت مستغرب : ليش....؟؟ صاير شي..؟؟
فيصل تنهد : ه .. جدي
سالم : شفيه جدك...؟؟
فيصل : يبغى يرجعنا نا ونسايم وامل وشوووق لجدة ... الاسبوع الجاي ...

فتحت الاشارة وسالم للحين واقف منصدم : ................ ايش...؟!!؟!؟
فيصل التفت وراه وهو يسمع اصوات هرن السيارات اللي وراهم : امشي امشي .. تراك عطلت الشارع ...

حرك سالم السيارة ورجع التفت على فيصل : كلمني هنا..؟؟ من جدك..؟؟ طيب ليش..!؟؟
فيصل : يقول ما يبغى يخلي نسايم لوحدها من جديد .. يبغوا ياخذوها مع بناتها جدة .. يبغوا احفادهم يكبروا ويتربوا هناك .. قدام عيوونهم .. يقولوا انه هنا ما في احد يهتم فيهم.. وما في احد ممكن يوفر لي فرص تعليم زينة غيرهم ...

سالم : يعني بتروح ..؟؟
فيصل : للحين ما ادري..بس جدي شكله مصمم .. بصراحة كلامه صح ..بس .. انا ما ودي ... انا انولدت هنا .. وعشت هنا .. والحين اجي وانتقل ...؟؟؟ ما يطاوعني قلبي والله ...!!

سالم : ياربي ... وش هالمشكلة الجديدة اللي طلعت لنا..؟؟!؟!

___________________________________

(( بيت ابو راكان ))

( الساعة 5 العصر )

للمرة الخمسين ردت هيفا على امها : يما .. قلت لك انا ما اعرف شي .. !!
ام راكان : يا هيفا .. تكملي ... مها كيف كانت تعرفث ثامر ..؟؟ كلمته على التليفون..؟؟ شافته مرة ..؟؟ كيف عرفته ..؟؟

هيفا طفشت : يوووه .. انتي ليش ما تصدقيني .. تعرفين مها ما تعلم احد عن اشياءها الشخصية .. شلون تبغيها تقول لي عن موضوع زي كذا ..؟!؟!؟

ام راكان بنص عين : متاكدة..؟؟
هيفا : أي..

ام راكان وهي طالعة من الغرفة : طيب .. اجهزي بسرعة عشان نروح المستشفى الحين ...
هيفا : طيب ..

طلعت ام راكان من الغرفة .. و هيفا قعدت تفكر ..

هيفا : زين اللي اسويه..؟؟ ما يهون علي مهما سوت اختي اعلم عليها .. والله بتروح فيها ... حرااام ..

___________________________________

(( شقة سعود ودلع ))

( الساعة 6 المغرب )

حصل سعود دلع ف المطبخ بعد ما كان يدور عليها : دلع .. دلع
دلع اللي كانت تسوي قهوة لفت على سعود : هلا سعود

سعود قرب ووطى صووته : لينا ف الحمام .. وشكلها تصيح ..
دلع : شفيها..؟؟
سعود : مدري .. روحي شوفيها يمكن صار لها شي..

دلع تركت كل شي وطفت النار وراحت للغرفة ودقت باب الحمام : لينا حبيبتي ..
لينا من الحمام وصووتها مخنوووق : نعم ..
دلع : حبيبتي فيك شي..؟؟
لينا : .... سكتت ..

دلع دقت الباب من جديد : لينا يا قلبي .. اطلعي الله يخليك.. اطلعي شوي ..

وبعد دقيقة انفتح الباب وطلعت لينا بروب الحمام وخشمها متنفخ وميتة صيااااح ..
دلع حضنتها مستغربة : حبيبتي شفيييييييييك ..؟؟
لينا تشااااهق ف حضن دلع : ا .. ا .. ابغى بابااااا ... ابغااااااااه ....
دلع زعلت عليها مرة ... ودمعت عيووونها : خلاص حبيبتي .. خلاص لاتبكي ..

لينا وخرت عنها منفعلة : ما ابغى اهدى ... هدينا كثير بس ما في شي نفع..!! امي ولا تغيرت .. ابوووي ومات ... واحنا للحين على حالنا .. ليش نهدى ..؟؟ على ايش نهدى ..؟ مافي شي يخلينا نهدى عشاااانه .. كل شييي زففففففت ... زففففففففت!!!!!!

___________________________________

(( حزر الباهاما ))

( الساعة 4 العصر بتوقيتهم )

وقف قدام باب الغرفة ..
رائد " والحين يا رائد..؟؟ بترجعووون..؟؟ معقولة خرب هالشهر اللي كانت بدايته خيالية ....؟!؟!؟! معقووولة ينتهي بهالسهوووولة ...!! آآآآآآآآه .. حسبي الله عليك يا حيوااانه ... بس انا اوريك .. حسابي معاك لا رجعت الشرقية .. ان ما خليتك تندمين على كل رنة رنيتيها علي .. ما اكون رائد.....!!! "

دخل الغرفة وهو منزل راسه .. سكر الباب وحط التذاكر على التسريحة ..
طلع ف دانة اللي كانت تحط اغراضها ف الشنطة : حجزت لنا بكرة على الساعة 7 الصباح
دانة : كان احسن لو اليوم ....!!!!
رائد قعد على السرير وحب يفتح معاها سوالف شوي .. يمكن تلين : تدرين كل الحجوزات فل للسعودية .. شكله كل الناس متهاوشين ...
دانة بدون ما تطالعه : اكيد .. دام الرجال السعوديين طلعوا كذا .. اكيد بتصير هواشات قد الدنيا ... معذووورات المطلقات والله ...!!!

رائد " هذي ايش تقووول..؟؟؟!! طلاق..!؟!؟ لا لا .. اكيد تمزح " : طلاق..؟؟
دانة طالعت فيه : اجل اللي تدري انه زوجها يخونها .. ايش راح تسوي غير انها تطلب الطلاق ...؟؟ يعني تبغاها تدوس على كرامتها وترجع له ؟؟ ليش ..؟؟ ما يستاهلها .. مو هو خانها ..؟؟ خليه يتحمل النتيجة ..!!!!

رائد " ليش احس انه الكلام لي انا..؟؟!؟! بس... انا ما خنتها .. والله ما خنتها ... وربي يعلم بالحقيقة...!!! "

___________________________________

(( سيارة سالم ))

( الساعة 8 المسا )

وصل سالم لشقة سعود ودلع عشان يشوووف لينا .. من الصباح ما شافها ..

نزل وطلع للشقة ... رن الجرس وفتح سعود الباب .. واول ما شافه
سعود : ...... هلا سالم ..
سالم " لا حوووول .. هذا وين ما رحنا بيطلع لنا..؟؟ ماني طايق اشوووف وجهه..!! "

سعود طالعه مستغرب " بدينا بالنفسية الزفت ..!! " : تفضل ..

دخل سالم بدون ما يقول ولا كلمة .... دارت عيووونه ف الصالة يدور عن لينا بس ما حصلها .. وفهم سعود نظراته

سعود : لينا ف الغرفة ..
سالم طالع سعود بمعنى وش دخلك .. بعدين راح للغرفة ودخل .. شاف دلع قاعدة وجنبها لينا اللي للحين قاعدة تصيح .. وراسها كان يعورها ..

دلع التفتت وابتسمت : اوووخص .. شوفي مين جا... هلا سالم
دخل سالم وهو مبتسم : السلااااااااااااام ...
دلع ولينا : وعليكم السلام ..

سالم قعد على السرير جنبها : شفيها القمر..؟؟
لينا مسحت دموعها وقالت بصووت مبحوح من كثر الصياح : ما فيني شي..
سالم " اجل شلون لو اقول لها فيصل بيسافر..؟؟ والله بتنجن!!! ".. طالع دلع : شفيها..؟؟
دلع : مافيها شي .. تتدلع بس ..

سالم : جد والله ..
دلع قامت : شوووف .. اقعد معاها شوي وانا طالعة اشوووف سعود برى.. مسكين صار له اكثر من ساعتين لوحده ..
سالم : والله زوجك هذا نشبة .. وين ما رحت الاقيه بوجهي .. !!!

دلع تركته وطلعت من الغرفة لسعود اللي كان قاعد ف الصالة ..
دلع مبتسمة : سوووري تاخرت عليك
سعود : عااادي .. تعودت
دلع باسته على خده وقعدت : حبيبي والله آسفة .. بس اختك مرة تعبااانة نفسيتها هالايام .. مسكينة للحين من العصر ما وقفت صيااااح .. حرااام اللي صار لها .. ما تستاهل المسكينة... وبعدين هي بروحها حساااسة .. واي شي ممكن يهزها ..

سعود تنهد وابتسم : ما علينا .. انا بكرة بروح اقدم على اجازة ..
دلع : أي والله لازم .. خصوصا في هالظروووف ..
سعود : وبروح بعدها .. اودي العقربة دار العجزة ...

دلع فتحت عيوونها ع الاخير : انت من جدك...؟؟ لا لا لا .. مو معقوولة تسويها..!!
سعود وعادي الموضوع عنده : ليش مو معقووولة ..؟؟ اسويها ونص .. هذي ما بتتادب وتحس فينا الا اذا سويت فيها هالشي...
دلع : سعود .. انت ابد مو كذا .. هذا مو من اخلاقك .. مهما سوو فيك .. لاتصير قاسي كذا ...لا تخلي قلبك حجر .. الحرمة الحين ارملة .. ميت زوووجها قدا عيووونها .. خلي ف قلبك رحمة ...

سعود انفعل : وهي اللي المفروووض تكون احن قلب علينا ف الكون .. وين الحنية والرحمة..؟؟ وينها عننا يوم كنا محتاجينها تكون جنبنا ... وينها ..؟؟ لهالدرجة العروووس والحفلات والطق اهم من عيالها..؟؟ دامها مو قد الامومة والمسؤووولية ليش جابتنا..؟؟
ليش اتعبتنا وظلمتنا كذا معاها .. لازم تذوووق شوي منا للي ذقناه احنا..

دلع : سعود .. لو توديها لدار العجزة زي ما تقوول .. والله العظيم لا يكون آخر يوم بيني وبينك فاهم ..؟؟
سعود متفاجئ : الحين انتي ليش تدافعين عنها بهالشكل..!؟!؟ انتي نسيتي ايش سوت فيك ..؟؟ نسيتي شلون خلتك تنزلين الولد غصبا عنك.!.!؟؟ نسيتي الضرب اللي اكلتيه ..؟؟ نسيتي السب والهواااش طول اليووم ..!؟؟! بهالسهووولة سامحتيها..!.!؟؟

دلع : سعود .. انا ما ابغى من احد شي .. كل واحد غلط .. كيفه هو وربه .. انا مالي دخل .. مو لازم آخذ جزائي الحين .. ربي انشالله يوم القيامة ما بيضيع لي حق .. لا تخاف .. ربك ما يظلم احد ....!!
سعود لف وجهه ومبين انه ما اقتنع بكلامها ....

___________________________________

(( المستشفى ))

( الساعة 9 المسا )

دخل راكان الغرفة بالليل بعد ما قعد يحن على راس الممرضة علشان تدخله .. لانه وقت الزيارة خلص..

دخل على مها اللي كانت منسدحة ف السرير وتطالع قدامها وسرحاااانة .. قرب منها ومسكها من شعرها بقوة : تفكرين فيه هاا...؟؟
مها : آآآآآآآآآآآآي ... آي راكان وخر عني... وخر عني .. والله لا اعلم ثامر عليك والله
راكان عصب وقوة يده على شعرها : انطمي .. لاتقولين اسمه قدامي فاهمة..!؟!؟ والله لا اوريك يا مها ... حسابك معاي لما تطلعين من المستشفى .. والله لا اوريك جهنم الارض كيف تكوووون .. راح اخليك تذوووقين الندم على اصوووله ..

مها بهستيريا : وخر عني .. وخر عني انا ما سويت شي ... انا ما سويت شي .. ذا .. هذا كله من خلووود .. خلووود .. خلود السبب .. هي اللي .. اللي

راكان فتح عيووونه الثنتين ع الاخير : خلوود شدخلها بالسالفة ها..؟؟؟ تكلمي ..

غطت مها وجهها بيدينها وقامت تصيح ..................
راكان هزها من كتفها بقوة وهو معصب : تكلمي اشوووووووووووف ... شدخل خلووود؟!؟!

بس مها جاتها حالة الهستيريا من جديد .. ونزلت ف صياااح وضحك .. ومحد يقدر ياخذ منها ساعتها لا حق ولا باطل ..

راكان : ماشي يا مها ... انا اوريك ..

طلع من الغرفة وهو يفكر " خلووود ..؟؟ خلود ايش دخلها بالسالفة ..؟؟ ليش ..؟؟ من متى مها اصلا صحبة مع خلود ..؟؟ طيب يا خلوود .. ان ما عرفت كل السالفة ... ما اكون راكان !!! "

___________________________________

(( جزر الباهاما ))

( الساعة 12 بالليل )

جا رائد بينسدح على السرير يوم شاف دانة جاية وتخزه ...
دانة وهي حاطة يدينها على خصرها : لو سمحت .. خذ مخدتك ونام ع الكنبة .. ماني متحملة اشوووف وجهك ..

رائد منصدم : نعم..؟؟ دانة انتي عارفة وش قاعدة تقولين ...؟؟
دانة : ما راح اعيد كلامي .. يا تاخذ مخدتك وتنام ع الكنبة .. يا بروح واحجز لي غرفة ثانية لوحدي... !!!

رائد طالعها معصب وبعدين اخذ مخدته .. ورماها ع الكنب وهو متضاااايق مرة " يا حبيبي ...!! بعد صرنا ننام على الكنب ... عشتوا والله ..!!! " : ارتحتي ..؟؟

حقرته دانة وتغطت وناااامت بدون ما ترد عليه ..............

@@@@@@@@@@@@@@@@@@@@@@@@@@@@@@@@@@@@@

(( اليوم الثاني .. بيت ابو سعود ))

( الساعة 11 لصباح )

دخلت دلع هي ولينا البيت عشان يشوفون كيف ام سعووود وكيف صحتها ..

لينا : انا طالعة اغير ملابسي ..
دلع : اوكي حبيبتي .. انا رايحة لخالتي..
لينا : الله يعينك ..

ما عطت دلع اهتمام للي تقوله لينا .. وطلعت للدور اللي فوق .. ووصلت عند غرفتها .. دقت الباب شوي وشي .. ولما ما سمعت صوت احد .. دخلت ..

وشافت ام سعوود قاعدة على السرير وسط الظلام اللي كان ف الغرفة لانه الستاير كانت مسكرة وعازلة لنور الشمس عن الغرفة ...

دلع وهي تدخل : خالتي...

ام سعود اللي قاعدة وتطالع قدامها : .....................
دلع قربت وقعدت جنبها .. حطت يدها على كتفها : خالتي .. كيفك ..؟
ام سعود :............. مافي رد
دلع " مسكينة .. الله يعينها !! " .. ابتسمت: ا.. فطرتي.. لاني جاية افطر معاك اليوم ..

ام سعود لا التفتت ولا ردت ...
دلع مستغربة .. هزت خالتها : يا خالتي .... باسمة ... ردي علي .. شفيك ..؟؟

ام سعود بدون ما تلتفت شالت يد دلع من على كتفها و وخرتها عنها ...
دلع حست بالاحراج بس قدرت مشاعرها .. " معليه .. يمكن للحين هي زعلانة علي .. شوي شوي بتلين وتتعود على وجودي .. "

قامت دلع و جات بتطلع : انا بكون تحت افطر .. اذا بغيتي تعالي .. ما يصير افطر لحالي..

انتظرتها ترد عليها او تلتفت .. بس .. ولا ردة فعل طلعت منها .. عشان كذا قررت دلع تنسحب وتتركها لحالها ..

___________________________________

(( بيت ابو بندر ))

( الساعة 1 الظهر )

ابو بندر : ما قلت لك ليش راجعين بدري..؟؟
ثامر شق الحلق : تقووول اشتاقت لي...

ابو بندر خزه بقوة قدام بندر وام بندر واحمد ..
ثامر تفشل .. وسكت ..

احمد : هههه حرام يا محمد .. شوف كيف فشلت والد ..!!
ابو بندر بجدية : يستاهل .. عشان ما يتفلسف مرة ثانية ..

حز ف نفس ثامر معاملة ابوووه له ...

ام بندر نزلت لابسة عبايتها : خلصتوا..؟؟ سللا قوموا ليش قاعدين ..؟؟

قام بو بندر وطلع من البيت وطلعت معاه ام بندر و وراهم ثامر وبندر واحمد ..

..
..
..

بعد ساعة .. خلصوا الاجراءات كلها واستلموا شناطهم كاملة .. طلعوا رائد ودانة من البوابة .. بس رائد كان متفاجئ ...

رائد " احمد..!!؟ بندر وثامر..!؟!؟ والداهية الاكبر .. عمي..!!! .. مين قال لهم اننا بنوصل اليوم ..؟؟ "

وما لحق يفكر لانه دانة قالت وهي تمشي مسوية مبتسمة : سوي نفسك مبسووووط .. انا قلت لهم اننا جايين اليوم لانه اشتقنا للشرقية والها وقررنا نكمل شهر العسل هنا فهم ..؟؟

رائد منزعج من معاملتها له : شكرا ع الاقل لانك عطيتيني خبر ..!!!!

___________________________________

(( بيت ابو سعود ))

( الساعة 5 المغرب )

دلع : لينا .. متاكدة انك ما تبغي تجين معاي اليوم ..؟؟
لينا ابتسمت تطمنها : لا تخافي .. ماراح يصير لي شي انشالله .. وبعدين سالم موجود..
دلع : مع اني ادري انه سعود الحين بيسوي فضيحة .. بس اهم شي تكونين مرتاحة ..
لينا : الله يعينك عليه .. طيب .. ناموا هنا..
دلع فتحت عيونها ع الاخير : ناوية سعود يذبحني..؟!؟!؟ يللا سلاااام ..
لينا تضحك : مع السلامة ..

طلعت دلع من البيت وركبت السيارة ... وسعود للحين اوقف ما تحرك .. يستنى لينا ..
دلع " الحين شلوون اقول له ..؟؟ والله بيسوي فضيحة الحين..!! " : ا.. حبيبي شفيك واقف.... ؟؟
سعود : انتظر لينا ..
دلع : ا.. لينا بتلحقنا مع سالم الحين .. راحت معاه البقالة ..

سعود بدون ما يعترض .. شغل السيارة : طيب ..
دلع " اشوااا .. عدت سليمة على خير ....!! "

___________________________________

(( بيت ابو عوض ))

( الساعة 7 المسا )

جا ابو عوض يطلع يوم جات اروى اللي صار لها من يوم سافرت امها ما طلعت ولا مكان

اروى : يبا
التفت ابو عوض : هلا حبيبتي .. انا طالع تبغين شي..؟؟
اروى غيرت رايها : ها..؟؟ لا لا خلاص ولا شي.. سلامتك ..
ابو عوض : انا رايح عند بيت عمك عبدالهادي .. رائد اليوم وصل من شهر العسل ورايح اشوووفه..
اروى : دانة معاه ..؟؟
ابو عوض : اكيد .. بس اتوقع انها الحين ف بيت اهلها .. تروحين معاي..؟؟
اروى : لا لا ماله داعي ..

طلع ابو عوض من البيت ودخلت اروى غرفتها بتمووووووووووووت من الطفش..!! قعدت على السرير وضحكت وهي تتذكر احلى طلعاتها وسفراتها ..

اروى " خخخخخ وريب كانت طلعات حلوة .. كنا مانروح مكان انا وعوض الا نشوووف لناس يطالعونا كاننا هبلان ... ههههه ما كاننا نروح أي روحة بدون سب بعض او هواش او فضييييحة ... آآآآآآآه على ذيك الايام "

قامت تلعب بالاشياء الموجودة على التسريحة .. حطت لها روج وكحل .. وتعطرت .. فتحت الدرج بتاخذ لها منديل .. بس .. حصلت الورقة حقت احمد قدامها ..

اروى " يوووه .. نسيتها .. "

طلعت الورقة من الدرج وقراتها من جديد .. وبعدين حطتها على التسريحة وقعدت تفكر..
اروى " ليش سوى كذا..؟؟ ليش هو مهتم لهالدرجة اذا كنت زعلت ولا لأ..؟؟ غريبه!! هالاحمد وراااه شي... ارد عليه ..؟؟ لا لا وش قاعدة اقووول انا .. ماني رااادة "

قامت وقعدت تفتح الدولاب .. وبعدين رجعت سكرته بطفش ...
اروى : افففففففف وش هالملل ..!؟!؟ شي مو طبيعي ..

قادتها رجولها من جديد لعند الورقة .. طالعتها شوي ..
اروى " يعني مافي أي مفر..؟؟ شكلي برد .. "

طلعت دفترها الابيض اللي تكتب فيه يومياتها لا زهقت .. وبدت تكتب...
وبعد شق 100 ورقة ... طبقت الورقة بعناااية .. ورشت عليها من معطر الورق اللي عندها ....

وحطتها مع رسالة احمد ف الدرج من جديد ..

___________________________________

(( شقة سعود ودلع ))

( الساعة 9 المسا )

دلع : سعوود
سعود التفت : هلا..
دلع : كنت افكر ..

سعود ابتسم بخقة : ادري انه فيني..!!!
دلع ضحكت : ههههه مشكلة الواثق .. لا مو فيك ..
سعود ضحك : هههه كيفك .. بس انا كنت افكر فيكي..!!
دلع : ههههه مشكلتك ..!! لا من جد الموضوع ..

سعود تعدل ف الجلسة : مشكلة جديدة كالعادة ... ايش..؟؟
دلع : ليش ما نرجع ونسكن ف بيت عمي الله يرجمه مع سالم ولينا .. مو احسن..؟؟ بما انهم الحين وحيدين مالهم غيرنا ... و اريح لك بدال ما تروح وتجي كل يوم.. وتوديني وتجيبني ... ها..؟؟ ايش قلت..؟؟

سعود فورا : لا لا لا .. لا يا حبيبتي .. انا اعيش مع لينا المااايعة وسالم وجه النحس..!!!؟؟؟ لا لا .. ماني موافق .. وهالفكرة انسيها ..
دلع : لييييييييش طيب ..؟؟ والله احسن .. كذا ما تدري ممكن يصير لهم شي لاسمح الله .. واحنا ما ندري عن شي
سعود بعناد : مو لازم ندري .. خلاص يا دلع .. سكري الموضوع ..
دلع " عنيييييد ..!!! اففففف " : طيب .. على راحتك ..

___________________________________

(( بيت ابو بندر ))

( الساعة 11 المسا )

وصل رائد عند بيت ابو بندر ودق على جوالها عشان تطلع له ... بس هي ما ردت عليه .. فقرر يتصل على البيت ... دق على البيت وردت ام بندر ..

ام بندر : الووو
رائد : هلا خالتي.. انا رائد
ام بندر : هلا رائد .. ادخل الباب مفتووح
رائد : تسلمين .. بس بعد اذنك لو تخين دانة تطلع.. لانه الوقت تاخر ولازم نروح بيتنا .. وللحين ترانا ما ودينا شنطنا هناك...
ام بندر : طيب دقيقة ..

التفتت على دانة اللي كانت قاعدة مع ثامر وتسمع منه السالفة كاملة عن مها وخلود واللي صار ..

ام بندر : يا دانة .. قومي البسي بسرعة .. رائد برى يقول يللا ..
دانة : قوليله ماني راجعة معاه اليوم
ام بندر : لييييييييييييش..؟!!؟
دانة : يما والله اشتقت لكم .. بس اليوم الله يخليك..
ام بندر : لا انا ماعندي بنت تنام بعيد عن زوجها .. قومي روحي معاه وبكرة تعالي من الصباااح

دانة : أي .. قولي انك ما تبغين .. لاتحطينها حجة ف رائد..!!
ام بندر هزت راسها : لا حول ولا قوة الا بالله .. وش اقول للرجال الحين..؟؟

دانة : عاادي هو يفهم .. قوليله خليها اليوم عندي ..
ام بندر ردت : الووو

رائد : هلا خالتي ..
ام بندر : شرايك يا رائد تخليها عندنا اليوم .. ولا اشتقنا لها وما شبعنا منها ..
رائد " هاللي ناااقص..!! " : معليه يا خالتي .. والله بكرة من الصباح بجيبها لكم .. ولا بتاخر ..
ام بندر متفشلة منه : معليه يا ولدي .. عشان خاطري هالمرة بس..
رائد تنهد : ه .. خلاص بس عشااانك والله .. ولا انا ما اقدر اتركها دقيقة والله
ام بندر : ههههه يا حلوكم ...
رائد : طيب تصبحي على خير خالتي
ام بندر : وانتا بخير ..

سكرت ام بندر متفشلة من رااائد : ممكن تفهميني ليش ما تبغي تروحي مع زوجك..؟؟
دانة : يما قلت لك .. ما ابغى اروح اليوم .. ابغى اقعد عندكم .. مرة وحشتوووني ..
ام بندر : طيب بس ترى هالليلة فاهمة..؟؟ بكرة تروحين بيت زووجك
دانة : انشااااااااالله ..

@@@@@@@@@@@@@@@@@@@@@@@@@@@@@@@@

(( اليوم الثاني .. بيت ابو سعود ))

( الساعة 1 الظهر )

سالم على التليفون : طيب ادخل
فيصل : هذااني دخلت .. اللللللللللله البيت بااارد .. انت وينك..؟؟
سالم : هههه لحظة هذاني بنزل ..

سكر سالم عن فيصل ونزل للدور اللي تحت وشاف فيصل واقف قدام المكيف ومغمض عيووونه ...

سالم : خخخخخ شعنده مكيف سيارتك خربااان ...؟؟
التفت فيصل كاااشخ ولابس نظارات شمسية : والله كل هالحر من الدقيقة اللي نزلتها من السيارة ودخلت فيها البيت .. الدنيا رطووووبة وحريييييييقة .. !!!
سالم طالعه من فوووق لتحت بدهشة : ايش هذا..؟؟

فيصل وهو يطالع نفسه مستغرب : شفيك..؟؟
سالم : احنا ما اتفقنا على كذا ... طالع اكشخ مني .. شكلي مبهدل وانا امشي جنبك ..
فيصل خق على عمره : هذا هو المطلووووب يا حبيبي.. ( وطى صووته ) وينها ..؟؟
سالم : فوووق .. للحين ما قلت لها .. اكيد ما بترضة .. خليت هالمهة لك ..

فيصل : يا ويلي .. خليت لي الجزء الصعب...!!! طيب .. استنى هنا
سالم بنص عين وهو يحرك حواجبه : لا بطلع معاك ..
فيصل ضحك : ههههه اطلع وش اسويلك..؟؟

طلعوا الاثنين فوووق ..
فيصل وقف : سالم
سالم وقف : شفيك..؟؟
فيصل : تذكر المسدسات اللي كنا نعبيها موية احنا وصغااار ونلعب فيها..؟؟ ها..؟؟
سالم : أي..
فيصل : وينها ..؟
سالم : ا... ا... مممم .. أي صح .. فوووق دولابي..
فيصل : روووح جيبها بسرعة ...
سالم : طيب ..

راح سالم ووقف فيصل ينتظره .. وبعد كم دقيقة .. رجع سالم معاه مسدسين ومعبيهم موية ..

سالم : تيك يووورز ..
فيصل اخذه وهو يطالعه بنظرة شيطانية : هع هع .. جاهز..؟؟
سالم : يللا ..

دخلوا غرفة لينا شوي شوي بدون ما يدقووون الباب وكانت ناايمة ..
فيصل اشر لسالم ... وعلى طوووووول .. بدوا يرشووون الموية على لينا النااايمة .. اللي من حست بالموية تلامس جسمها .. فزت على طوووول وهي تصاااارخ .. والكل يرش عليها .. لين صااارت ع الارض وكشتها الكبيرة فوووقها ...

فيصل : نشرد ..؟؟
سالم : أي نشرد ..

لينا اللي طايحة ع الارض ومعصبة : وين بتشردوووون ؟؟؟؟ حسااابكم معاي .. تعالوا هناااااااااااااا ...

طلعوا فيصل وسالم يركضون برى الغرفة .. اما لينا فلحقتهم بكشتها الكبيرة .. وهي شايلة المخدات وتحذفها عليهم ف كل البيت ..

.......
.........

بعد حوالي ساعة ... كان الكل طاايح ع الارض من التعب ..
سالم : تصدق يا فيصل : خوووش لعبة .. نعيدها..؟؟
لينا : تعيدووونها ها..؟؟ انتوا بس جربوا ...

فيصل : ههههه احلفي انه مو ونااااسة
لينا : لأ مو ونااسة
فيصل : الا ونااسة .. ماشفتي نفسك وانتي مطلقة طقم اسنااانك من الفرح .. ؟!؟!
سالم : خخخخخ

لينا قامت : بروح اغير ملابسي .. كلها موووية ..
سالم : أي صح .. البسي ملابس طلعة
لينا : ليش..؟
فيصل : بوديكم مطعم .. على حسابي ..

لينا : اوووخص .. من وين طالعة الشمس اليوم ...خخخ
ضحك سالم على فيصل .. اما فيصل فشال المخدة وحذفها فيها وهو يضحك : هههه قردة ...!!!

___________________________________

>> الفصل الثاني <<

(( بيت ابو بندر ))

( الساعة 2 ونص الظهر )

قامت دانة من النووم متأخرة لانها ما قدرت تنام امس بالليل من التفكير .. ماهي عارفة ايش بتسوي ف علاقتها برائد ... هو طول الليل كان يدق عليها بس هي ما ردت .. رسل لها مسج يطلب فيه ترد عليه .. بس ولا عطته أي اهتمام ...

بعد ما غسلت وجهها ولبست ملابسها .. طلعت من الغرفة لغرفة اخوانها على طوووول ودخلت : صباااااااااااااااااااااح الخييييييييييييييييييييييييييييييييييير

بس للاسف .. محد عطاها وجه ...
دانة : افففف منكم ومن نومكم الثقيل .. قوموووووووووووووووووووا ....!!

ثامر وهو يفرك عيووونه : ممكن تسكتين واللي يعافيك ..؟؟
دانة : لأ ... ما بسكت الا لما اقووول اللي ف بالي ... قوموا واسمعووووني ..
بندر : اتوقع عندك زوووج مستعد يسمعك .. اما انا .. لأ ...
دانة راحت وشالت عنه اللحاف : لأ بتسمعني ... ما بطول ..

قام بندر وقام ثااامر وهم تعبااانين وفيهم النووم ..
ثامر :قولي اشووووف ..
دانة : بما انه امس انا راجعة .. لازم تاخذووني وتغدوووني .. كترحيب يعني....

بندر سحب اللحاف وتغطى : زين لا قمنا ...
دانة : بس الحين الساعة 2 ...
ثامر : صدقه بندر .. لا قمنا بنشوووف ...
دانة : بس انا جوعااانة ...
ثامر : اتصلي ف رائد وروحي معاه مو هو زووووجك

طلعت دانة من الغرفة مو طايقة عمرها " رائد رائد رائد .. زوجك زوجك زوجك ... طفشت يا ناااس .. محد راضي يفهم اني ما ابغى اشوووووووف وجهه حاليا..!؟!؟! "

دخلت غرفتها وشافت جوالها يرن .. ويوم رفعته
دانة : معروووف ... زوجي رائد ...

قعدت تطالع الشاشة لين ما سكر .. وبعد دقيقة رجع يرن ..
دانة : اففففففففف .. الووو
رائد : الحمدلله ... دانة انتي وينك..؟؟ من امس وانا ادق عليك ما تردين ..
دانة بدون أي نفس : رائد .. انا مشغووولة مع اهلي الحين .. تبغى شي..؟؟
رائد : أي .. متى امر آخذك ..؟؟
دانة : تاخذني..؟؟ لوين انشالله ..؟؟
رائد : للبيت يعني لوين ...؟؟

دانة انفعلت : وانت من جدك تتكلم ..؟؟ مسوي كانه ما صار شي...
رائد : افففف دانة يللا عاد .. بلا عناااد .. انسي الي صار وارجعي ...
دانة : انسى..!؟!؟!؟؟ليش اللي صار يننسى بسرعة ..؟؟ اللي صار سهل يا رائد ... انت للحين ما قلت لي مين هذي وليش دقت ... وبصفتها ايش عشان تدق عليك ..؟!؟

رائد : انا جيت بقووولك بس انتي ما بغيتي تسمعي مني أي كلمة ..
دانة : طبيعي ما بغيت اسمع ... و ولا ابغى اسمع ... طيب..؟؟ و على فكرة .. انا ماني راجعة البيت الا لما احصل حل للمشكلة اللي احنا فيها .. واعرف السالفة كاملة .. عشان كذا لا تحرجني مع اهلي.. انا بتفاهم معاهم .. مع السلامة ..

سكرت ف وجه رااائد والعبرة خانقتها .. ولا عمرها توقعت بتكووون بهالقسوة والعنااد .. وعلى مين .. على رائد .. على اللي ملك روووحها كلها ..!!!؟؟

(( مطعم تشيليز ))

( الساعة 3 العصر )

كانوا الثلاثة سالم وفيصل ولينا قاعدين يتغدووون والسولف والضحك مالية المكان ..

سالم : فيصل .. ابو نسايم حجز ولا لسه ..؟؟
فيصل التفت عليه : ممم .. والله ما سالته .. بس ليش..؟؟
سالم : انا قلت يمكن اكلمه ويغير رايه ...
فيصل ابتسم : ما اتوقع ... لا حط شي ف راسه لازم يصير ..

لينا مستغربة : شفيكم؟؟؟ شفيه عمي يا فيصل ..؟؟

فيصل توهق .. ما كان وده يقول لها الحين .. وبهالمكان والوقت هذا ...
سالم لاحظ انه فيصل مرتبك .. وعرف ليش.. خايف على لينا لو درت : لازم تقول لها الحين .. لانه لو اجلت الموضوع .. ما راح يكون عندها الوقت الكافي عشان تتقبل الفكرة ...

لينا مو فاهمة شي : شفيكم ..؟؟ قولولي .. تراني وحدة منكم..
طلع فيصل بلينا خاايف وما تخيل عمره يقول لها هالشي .. وبوجود سالم بعد .. صعب الموقف : ا... احنا ما قلنا لك... يعني فوق زعلك على عمي عبدالله .. خفت تزعلين زيااادة .. واحنا ما نبغى هالشي ..

لينا حست في شي بالموضوع : خير...؟؟
فيصل : ا.. جدي يقول انه .. يبغى... ا.. ي.. يبغانا نرجع معاه ج.. جده انا ونسايم والبنات ......!!!!!!!!!!!

لينا وقفت من الصدمة : ............... ايش...!!!!!!!!؟؟

سالم : لينا اقعدي ..
فيصل نزل راااسه " ما اقدر اتحمل .. ما اقدر .. ما اقدر ابعد عنها .. انا خلااااااص .. تعلقت فيها ... شلوووون اتركها واترك سالم بعد كل هالعمر..!؟!؟!؟!؟ "

لينا قعدت وعيوووونها كلها دمووووع : انتوا من جدك ولا تكذبووون علي..؟؟ ترى ما يضحك ...!!!!
سالم : لينا .. احنا ما قلنا لك عشان تسوين كذا .. بس عشان تتقبلين الموضوع شوي شوي مع الايام ...
لينا تطلع فيصل وقلبها بيتقطع " ليش تسوي كذا ليييييييش..؟؟ ليش بعد ما قدرت احب لاول مرة ف حياااتي ترووووح ..؟!؟!؟ " : متى بتروووح ..؟؟

رفع فيصل عيووونه : الاسبوع الجاي ...
لينا غمضت عيوووونها بالم وهي تشيل شنطتها وتقوووم : انا شبعت .. بغسل و اجي .. عشان ترجعوني البيت ....!!!

راحت لينا وهي تحبس دموووعها قدام الناس .. ما تبغى تنهاااار ..

فيصل بعتب : ما كان المفروووض تقول لها الحين .. تدري هي شلووون حساااسة .. و مو ناقصها مشاكل ....!!
سالم : يا فيصل لازم تعرف الحين .. لكن لو قلت لها فجأة بتنصدم صدقني ..ا ختي واعرفها .. وبعدين انت تعرف انت قريب لاختي قد ايش..؟؟ لينا ما تفرق بيني وبينك .. كلنا عندها ف نفس المكانة ...

ابتسم فيصل : سالم اذا انا رحت ... اوعدني ما تتركها لوحدها .. اطلع معاها وخليها تستانس .. تراها وحيدة ومالها احد غيرك ... ولاتنسى انها يتيمة الحين ..
سالم تنهد : وهذا اللي انا خايف منه .. بصير لازم اتحمل المسؤووولية .. وانا ولامرة سويت هالشي ...

@@@@@@@@@@@@@@@@@@@@@@@@@@@@@@@@@@@@@

(( بعد يومين .. بيت ابو بندر ))

( الساعة 6 المغرب )

رد احمد على جواله : الووو
رائد : هلا احمد ... كيف الحال..؟؟
احمد قام من قدام دانة وطلع للحوش : هلا رائد .. بخير الحمدلله و انت شخبارك..؟
رائد : الحمدلله .. كيف دانة ..
احمد : دانة بخير .. بس ماهي راضية تقول ولا شي ..
رائد : افففففف .. عنييييدة وراسها يابس ..
احمد : انت شسويت معاها ..

سكت رائد ... ما عرف وش يقوووول ..

احمد تفهم الموضوع : خلاص خلاص .. هذي خصووصيات بينك وبينها .. ما بتدخل ..
رائد : شتسوي الحين..؟؟
احمد : قاعد .. ما عندي شي..
رائد : شوووف .. انا مرة الدنيا ضيقة فيني .. تروح معاي ازووور عمي صالح ..؟؟
احمد " بيت اروى..!! ارووح..؟؟؟ ولو شافتني ..؟؟ وش بتكون ردة فعلها ..؟؟ " : ا... ممم ... مدري..
رائد مستغرب : شلووون ما تدري .. ليش السالفة بيغالها تفكير هالكثر..!؟؟!
احمد : ا.. لا ما يبغالها .. خلاص .. نص ساعة واكون هناك
رائد : طيب .. اشووووفك .. سلم على دانة .. مع السلامة
احمد : يوصل .. مع السلامة ..

سكر احمد عن رائد وهو متردد .. " اخاف تكون زعلت من الرسالة اللي حطيتها لها .. او .. فهمتني بشكل غلط وحسبت اني العب على البنات وحاط عيني عليها ..!! الله يستر ... "

دخل احمد البيت وكانت دانة قاعدة ...
دانة : تعال تعال شوووف ..بيروح عليك الفلم ..
احمد : ما بشووووفه .. انا طالع ..
دانة : وين ..؟؟
احمد : بروح مشوار مع رائد ..
دانة : ..... ما ردت

احمد لف فجأة وقال : أي صح .. سال عنك
دانة : ايش قال..؟؟
احمد : يسلم عليك .. ليش مو راضية تردين عليه ...؟؟
دانة سكتت : .........
احمد : شوووفي .. ردي عليه واتفاهمي معاه .. مهما كانت المشكلة صدقيني بتنحل بالقعدة والتفاهم ....
دانة : طيب شكرا ..

طلع احمد فووووق يتروش ويلبس .. اما دانة فقعدت ف الصاااالة ..
دانة " يا ليتني قلت له يسلم عليه .. بس .. لأ .. بعدين بيحسب اني رضيت عليه .. هو بروووحه للحين مو عارف ايش الغلط اللي سوااااه .. بس .. ايش الغلط اللي سواااه...؟؟ يمكن بالفعل وحدة من اللي كان يعرفهم واتصلت تسوي مشكلة .. هذا سبب معقووول .. بس .. في احتمال بعد يكون لسه على علاقة فيها حتى بعد ملكتنا..!!!! انا لازم اعرف الحقيقة .. بس .. شلووووووووووووون ..

___________________________________

(( بيت ابو سعود ))

( الساعة 9 المسا )

دخلت دلع غرفة لينا : هااااااااي
لينا ابتسمت مجاملة مع انه مالها نفس : هايااااااااااات ..

دلع مستغربة : يوووو .. شفيك مو فرحااانة ..؟؟ شكلك متضايقة من شوفتي...!!
لينا : لا والله بالعكس ..بس متضااايقة شوي ..
دلع : ليش..؟؟
لينا : مافي شي مهم ..

قربت دلع تشوووف لينا ايش قاعدة تسوي وشافتها فاتحة البوووم صورها هي وسالم وفيصل ايام ما كانوا يطلعوا الحارة ويلعبووون مع بعض .. كانت هذاك الوقت ف الابتداااائي ..

ابتسمت دلع : ههههه شوفي شكلك شلووون كان مبهدل .. ولا كانها انتي ..
لينا ابتسمت : أي.. كنت أي كلاااام اطلع .. ببيجاما .. بملابس .. بشووورت .. ما كان يهمني شي هههههه

دلع متحمسة : اوريك شي...
لينا التفتتت تطالعها : ايش..؟؟

طلعت دلع صووورة صغيرة من جيبها وعطتها لينا ... كانت صووورة الجنين اللي توها دلع جاية من المستشفى وجايبتها .....

لينا فتحت عيووونها الثنتين : هذاااا ...
دلع هزت راسها بحماس بالايجاب : ايييييييييي.. شفتي شلووووون يجنن ..
لينا : وااااااااااااااااااااااااي .. أي شهر الحين..؟؟
دلع : دخلت الثاااالث

فرحت لينا : بس .. مو كانه تكرووووووني ...!!
دلع : هههههه لا بس الصووورة غامقة لانه داخل البطن ..
لينا : هههههه على بالي بعد .. ايش راح تسموووه ..؟؟
دلع محتتتااااارة : والله ما ادري .. ما تناقشنا انا وسعود عن الموضوع لسه ..
لينا : الله يتمم لكم على خير ..
دلع : آمين .. أي صح .. قومي انزلي تحت .. فيصل وسالم وصلوا .. وجابوا بيتزا معاهم..

لينا رجع لها الهم .. وبدت ملامح الحزن على وجهها : ما لي نفس .. صدقيني ..
دلع مستغربة : لينا .. فيكي شي... قوليلي ..
لينا : مم .. م .. مافيني شي.. بس .. والله مالي نفس الاكل ..
دلع سحبتها لين قااامت : يللا عااااد ... بسك تغلّي شوي.. الكل ينتظرك تحت ..

سحبت دلع لينا للدور اللي تحت .. واول ما شافت فيصل لفت وجهها عنه .. تخاف تصيييح ..

سالم : اخيرا تكرمتي ونزلتي..؟؟ متنا من الجوووووع .. والاكل برد ..
لينا ابتسمت : سوووري .. كنت البس ..
فيصل : كيفك لينا..؟؟
لينا بدون ما تطالعه و ب رد جااف قالت : بخير ..

حزت ف خاطره فيصل هالكلمة .. بس تفهم انها للحين زعلانة ..

___________________________________

(( بيت ابو عوض ))

( الساعة 10 المسا )

خلص احمد اكله وقام : الحمدلله ..
ابو عوض : وين يا احمد .. ما اكلت ..!!
احمد ابتسم : تسلم عمي والله انتفخت بطني من الاكل ..
ابو عوض: بالعافية ...

طلع احمد من المجلس عشان للحمام الموجود عشان يغسل ... وبعد ما غسل يده .. جا بيدخل المجلس من جديد يوم شاااف الشغااالة جاية باتجاااهه ...
وقف احمد مستغرب " ايش تبغى هذي..؟؟ "

جات الشغالة ومدت له ورقة : هاادي حق انتا من ماما اروى ..
احمد خاااف " رحت فيها يا احمد .. اكيد الحين ما خلت سبة ما سبتك فيها ف الرسااالة ..!!! " : ا.. ط.. طيب .. شكرا ..

حط احمد الرسالة ف جيبه ودخل المجلس وهو محترق يبغى يطلع ويقرأ المكتوووب فيها ..

___________________________________

(( بيت ابو بندر ))

( الساعة 10 ونص المسا )

ثامر المحروووم من الطلعة حاليا .. كان شوي وينفقع من الزهق ..

ثامر " افففف .. الله يقطعك يا مهاااا .. يعني انا اول مرة اشوووف بنت تفضح نفيها زيك .. اغبى منك بصرااااحة ما شفت ... المشكلة مو بس ورطتي عمرك .. ورطتيني معاك .. حسبي الله عليك .... يا مجنوووونة...!!! "

قام وقف وهو يدور ف الغرفة " انا لازم القي حل .. فكر يا ثامر .. فكر .. شلون تطلع من هالورطة .. الكل صار يحتقرك ويلووومك على اللي صار ... نسوا وتجاهلوا انها هي اللي دقت علي اول مرة ....!!!!! بس .. انا ابغى اعرف .. ليش قالت لي انه اسمها خلووود .. ليش حطتها ف خلوود بنت خالتي ... خافت يعني..؟؟ خافت اعرف واعلم اخوووها..؟؟ اففففففففففففففف هالسالفة معقدة وانا عقلي ما يستوعب .. بس انشالله بلاقي حل ....!! "

___________________________________

(( بيت ابو عوض ))

( الساعة 12 منتصف الليل )

رائد قل ما يركب السيارة : ها احمد ..؟؟ وين تبغى نرووح الحين ..
احمد اللي كان سرحان : هاا..؟؟ لا انا خلااااااص تعبت .. برجع البيت ..
رائد : اهاا... خلاص اوووكي .. اشوووفك قريب انشالله
احمد : بيننا اتصااال ..

ركبوا الاثنين سياراتهم وكل واحد راح باتجاااااااه ..

احمد ما قدر يتحمل لين يووووصل للبيت .. وقف ف اقرب موقف وطلع الورقة من جيبه .. وبدا يقراها ..

مهما كان تفسيرك لهذيك السالفة .. اعرف اني نسيتها من زمان .. ولاني بشايلة بخاطري عليك ابد .. اهم شي ما تتكرر من جديد ..

احمد .. انا اذكرك .. انت كنت 24 ساعة مع عوض اخوووي من هو وصغير .. انت اللي وقف معاه .. انت اللي ساعدته .. وو .. انت الوحيد الي شفته قبل ما يموووت ..

حتى انا اتمنى الايام هذي ما راحت .. بس .. هذي كلمة ربك ولا زم نرضى فيها ..
مع اني مرة اشتاااقله .. بس .. هذا نصيبي ..

بس تعرف شي..؟؟ تراك كبرت بعيني مرة يوم قرأت لارسالة .. صح اول ترددت وما بغيت ارد عليك .. بس .. شفت انه تبعا لاسلوووبك المحترم .. انا مجبرة اني ارد عليك .. ولو بكلمة .. ف.. شكرا على احترااامك واخلاقك .. وو .. حياك الله ف بيتنا ههههه

اروى ..

سكر الورقة وهو يضحك على آخر جملة قالتها .. حي بفرحة مو طبيعية .. ودون تفكير .. جا ف باله يرسل لها رسالة ثااانية ..

» رواية عيون فارس : رومانسية روووعة :
» مسجات رومانسية
» رواية (( بنات السفـ ي ـر))
» سعوديات في بريطانيا ...رواية رومنسيه...