احلى ماخلق ربي (قصه سعوديه)روووعه

الجزء السادس عشر

الفصل الأول
: : :

من بكرى العصر...
البنات جالسات بغرفة هيفاء يسمعون اشرطة
ريما:عندك شريط الوسمي اغنية مشتاقلي؟
هيفاء:لا والله ماحب اغانيه
ريما:حرام عليك اغنيته خطيرة
ندى:طيب عندك اغنيه انت بحري لفيصل العماني
هيفاء:لا والله..وش هذولا المطربين انا ماعندي لهم شيء
ريما:وش عندك اجل؟
هيفاء:ابو نورة فديت قلبه رشود
ريما:من هو رشود؟
ندى:راشد الماجد ههههههههههههه
هيفاء:ليش تضحكن اكيد رشود يستاهل..!!
ندى:يالله حطي اي اغنيه بالله..
هيفاء:حطت اغنيه لمحمد عبدهـ اعترفلك
ندى وهيفاء:يتصفحون بالمجلات وريما جالسه سرحانه بالاغنية
ريما:بنات مدري انا قلبي يعورني حاسه ان اليوم راح يصير شيء
هيفاء:فال الله ولا فالك
ندى:مثل ايش ريوم؟
ريما:مدري والله بس انا خايفة وكل شوي اتصل على امي وابوي واتطمن عليهم
ندى:تفائلوا بالخير تجدوه
هيفاء:حبيبتي تعوذي من ابليس وارتاحي ماراح يصير ان شاء الله الا كل خير
ريما:ان شاء الله..وكانت ميته من الخوف وعلى اعصابها نست مباراة نواف..كل تفكيرها مشغول على امها وابوها1111
....

: : :
بدت المباراة حقت نواف وفيصل
ولعبـــــــــوا طبعاً كانوا يلعبون من قلب ومتحمسين بس الفريق الثاني كان لعبه خشن بالحيل..فيصل سجل هــــــــــــدف..ونواف كان ماسك الكورة وكان حمد من الفريق الثاني وراهـ وانزلق على رجل نواف طاح نواف على ركبته كان بياخذ الكورة حمد منه..والتوت رجل نواف..وقفوا اللعب
نواف كان يتألم بالحيل..والشباب خافوا عليه..
فيصل:نواف وش فيك؟
نواف:آهـ يافيصل تعورني آهـــ
وليد:يالله قوموا خلونا ناخذه للمستشفى بسرعة
فيصل:يالله ابغى اروح اجيب السيارة

فيصل كان معصب ومتضايق وعلى طول اخذوهـ للدكتور حق العظام..اتصل فيصل على محمد وقاله عن الموضوع..محمد كان خايف على اخوهـ وجاء طاير للمستشفى
محمد:هاه وش السالفه وش صار
فيصل:ماصار الا الخير الدكتور دخل عليه واحنا بنتظارهـ
الشباب كانوا يهدون بمحمد ويطمنونه ويخففون عنه

دخل الدكتور عليه وجلس ساعه ونص
فيصل كان متوتر وخايف ومعصب..الشباب كلهم برى العيادة على اعصابهم وكانوا كثا111ر ومالين الممرات حقات المستشفى لدرجة ان اشكالهم ملفتة للانتباهـ من كثرتهم..وكلهم خايفين على نواف لان اصابته كانت قوية..وتعورهـ بالحيل..

طلع الدكتور
محمد راح يركض للدكتور
محمد:تكفى يادكتور وش فيه وش صار عليه؟
فيصل:هاه دكتور وش فيه؟
وليد:تكفى طمنا..
الدكتور:فين والده؟
محمد:انا أخوهـ
فيصل:انا ولد عمته وابوهـ في البيت..
الدكتور يناظر في الشباب:انتم اصحابه؟كنتوا بتلعبوا كورة؟
وليد:ايه
الدكتور:لازم اقابل والدهـ ضروري!!ودي الوقت!!
محمد:بس ابوي مشغول اللحين
فيصل:في شركته ومرتبط ومايقدر يطلع..
الدكتور:حالته ماتسمح لازم نتكلم مع والدهـ بسرعة
محمد:وش فيه تكلم يادكتور تراك خوفتنا!!
الدكتور:لا اتطمن يابني بس مقدرش اقولكم الا لمن اشوف والدك
محمد:انا ابي ادخل عندهـ ممكن؟
الدكتور:اكيد ممكن متل مانت عايز!
دخل محمد والشباب وجلسوا عند نواف..وفيصل راح واتصل على خاله
فيصل:هلا خالي
ابو نواف:هلا فيصل
فيصل:خالي بس ابي اقولك ان اليوم مباراتنا انا ونواف بس نواف اصيب في المباراة
ابو نواف ارتفع صوته:وش صار فيه؟ وينه اللحين؟
فيصل:لا ياخالي الحمد لله مافيه الا العافية واللحين كلنا عندهـ انا ومحمد والشباب بس الدكتور يبغى يتكلم معاك اللحين
ابونواف:يالله دقايق واكون عندكم ان شاء الله..بس بأي مستشفى؟
فيصل قاله على المستشفى وعلى اسم الدكتور..

جاء ابو نواف بسرعة واول مادخل المستشفى راح لنواف
ابو نواف:السلام..هاه شلونك وانا ابوك؟
نواف:هلا فيك يبه..يعني بس احس بألم في ركبتي
ابو نواف:تعورك حيل؟
نواف:تقريباً<مايبغى يخوف ابوهـ
ابونواف:قايل لك اترك الكورة ماوراها الا الاصابات والعوار..
محمد:يايبه نواف مايقدر يصبر عن الكورة..وبعدين قدر الله ماشاء فعل
ابونواف:ونعم بالله
نواف:امي عرفت؟
ابونواف:لا والله ماقلت لها هي عند خالتك..
فيصل:خالي الدكتور يبيـــــك ضروري
ابونواف:يالله انا رايح له

دخل ابو نواف للدكتور
ابونواف:السلام عليكم يادكتور انا والد نواف
الدكتور:يامرحبا تفضل استريح
ابونواف:خير يادكتور؟ولدي وش فيه بالضبط؟
الدكتور:كل خير ان شاء الله..والله يابو نواف انا مقدرش اكدب عليك واقولك ان نواف حالته مش حرجة يعني هو بحاجة لعمليه لان فيه رباط صليبي والدكتور المختص بالعملية مش موجود في الرياض هو في الدمام في المنطقة الشرقية..
ابونواف:لاحول ولاقوة الابالله..وهذا الدكتور اكيد شاطر
الدكتور:ايوة هو معروف وبيعلاج حالات كتير ومسوي عمليات للاعيبين معروفين فيهم رباط والحمد لله تشافوا واللحين بيلعبوا ورجعوا للملاعب..
ابونواف:طيب مافيه علاج غير العملية؟والعملية ايش مدى نجاحها؟
الدكتور:الرباط والله مافيش علاج له غير العملية..وهي عملية يعني مش خطيرة..ونجاحها بعون الله مضمون بس انا مش عايز اغشك يعني الدكتور المتخصص مش موجود غير في الدمام في المستشفى...
ابو نواف:خير ان شاء الله..انا ونواف ان شاء الله بكرى بكون في الدمام..مشكور يادكتور
الدكتور:لاشكر على واجب..وانا حاتصل بالدكتور سالم وحاقوله عن نواف ..وحاتصل كتير واتطمن على نواف..الف سلامة عليه
ابو نواف:فمان الله

طلع ابو نواف وكان متضايق واتصل وحجز له ولنواف ..رجع لعند نواف وقاله..نواف كان متضايق وبعدين محمد اتصل في امه وقالها وخافت عليه..وعلى طول جتهم للمستشفى
ام نواف وهي تبكي:انا آخر من يعلم يانواف
نواف:لا يايمة هي مو بشارة يعني طحت ومافيها شي
ام نواف:عورتك اكيد
نواف ابتسم لها ابتسامه صفراء:مو كثير
ام نواف:وش قال الدكتور يابو نواف
ابونواف:رباط صليبي
ام نواف:ياربي ياخوفي على وليدي..وش تبغي بالكورة..اهم شي صحتك
نواف:يايمة لاتكبرين الموضوع
ام نواف:وكيف يتعلاج
ابونواف:عمليه
ام نواف:عمليـــــــــــه؟
محمد:يمة عملية بسيطة جميع اللاعيبين تعرضوا للرباط الصليبي وسووا العملية والحمد لله تشافوا ورجعوا..
نواف:يمة لاتكبيرين الموضوع..بكرى بسافر ان شاء الله وبسوي العملية
ام نواف:ليش تسافر؟
ابو نواف:اشطر دكتور في المملكة رايح للشرقية واخذنا موعد عندهـ وحجزت على طيارة بكرى للشرقية
ام نواف:ياحياتي ياوليدي..والله قطعت قلبي..جلست تبكي
نواف:يايمة ماحب اشوف دموعك تكفين..لاتضايقيني
محمد:يمة خلاص مافيه شي الولد

فيصل كان برى مع الشباب ..راحوا الشباب بعد ماشافوا ام نواف وقرروا انهم بيزورنه قبل لايسافر بكرى..

فيصل دخل على غرفة نواف
فيصل:السلام
الجميع:وعليكم السلام
فيصل:خالي اكدت على الحجز واحد من اصدقائي يشتغل في المطار وبكرى ان شاء الله الرحلة الساعة 6 المغرب
ام نواف:ابي اروح معاكم
ابو نواف:وش يوديك معانا؟
ام نواف:ماراح اصبر
ابونواف:كلها يومين واحنا عندكم ان شاء الله
ام نواف:مالي شغل ماراح اترك ولدي
محمد:يايمة ابوي عندهـ
فيصل:انا بتصل وعساني ادبر مقعد
ام نواف:ايه تكفي يافيصل الجزء السادس عشر

.................................................. ............
رجع فيصل بعد ماتصل على صديقة الي في المطار..وقاله ان المقاعد كلها مشغولة ولافيه امل حتى في مقاعد الانتظار ..فيصل دخل لغرفة نواف

فيصل:السلام عليكم
الكل:وعليكم السلام
ام نواف:هاه يايمة فيصل وش قالوا لك؟
فيصل:والله ياخالتي مافيه مقعد..
ام نواف:وش العمل ماراح اخلي ولدي يروح لحالة..ويسوي العملية وانا هنا جالسة
نواف:يايمة ان ماراح اطلع برى المملكة في الدمام..وبعدين كلها يومين ان شاء الله وانا عندك..بس انتي طولي بالك..
ابونواف:خلاص يام نواف كل دقيقة راح نتصل عليك..

: : :
في الشرقيــــــــه
تركي:بنات ترى بكرى بآخر الليل موعد رحلتنا لاتنسون
هند: والله تونى مابعدنا شبعنا منكم..وش بنسوي بعد ماتروحون
خالد:كالعادة هدؤء البيت وطفش
ندى:والله ياهند الود ودي اجلس معاك على طول..بس امي ودراستي وتعرفين
ريما:ماعليك ياخالتي ان شاء الله كل ماصار عندنا فرصه راح نزوركم..
هيفاء:ياربي اكرهـ لحظات الوداع
خالد:الحمد لله والشكر مابعدهم سافروا قالوا لك بكرى مو اللحين وش وداعه بعد انتي؟
تركي:هههههههه ياحليلك ياهيفاء..
هيفاء كانت متضايقة وفيها عبرهـ تخنقها..بعد ماانبسطت مع ندى وريما واللحين راح يروحون راح يتفرقون ويتركونها لحالها بعد الضحك والصرقعة راح تفقدهم كثيــــــــــــر...!!

خالد:اقول خالي تركي يالله خلينا نطلع للشباب
تركي:يالله

بعد ماقاموا الشباب
هند:يالله من زمان عن امي ابغى اروح اتصل عليها..عن اذنكم
اول ماقامت هنــــــــد..!!
ريما:بنات اتصلت على نواف ومقفل جواله..!!
ندى:انتي وش تبين فيه؟
ريما:الليلة مباراته وبس يسولف لي عنها ومتحمس لها..ابي اشوف وش صار عليه!
هيفاء:تلاقينه تعب بعد المباراة واخذ له نومـــــــــه
ندى:ايه صادقة الكورة تتعب واكيد اللحين نايم..
ريما:يمكن ليش لا!!

: : :

من بـكـــــــــــرى...!!
ابو ريما وابو عبدالرحمن وعبدالرحمن وفيصل والعمة نورة وام ريما..وخالة نواف ام سعد ومحمد وامه وابوهـ واصدقائهـ كلهم زاروهـ

فيصل:يالله ياخالي اللحين موعد الرحلة
ابونواف:يالله
ابوريما:يالله يانواف قوم..وان شاء الله ترجع لنا مافيك الا العافية
ابوعبدالرحمن:تطمن ياولدي ترى الدكتور سالم اشطر دكتور مو بس في المملكة حتى في الخليج كله!!
نواف:ان شاء الله..والله شاكر لكم ياعمامي وقفتكم معاي
ابوريما:ولو يانواف هذا واجبنا انت ولدنا
ابوعبدالرحمن:اقول يالله انا راح اجيب لك العربية علشان تمشي فيها
فيصل:لا خالي خــلك في مكانك انا الي بروح اجيب العربيهـ

راح فيصل للدكتور واخذ منه عربيهـ وبعدين شالوا نواف عليها..كان شكله يكسر الخاطر..صعدوا للطيارة وكل عماامه معه في المطار وفيصل كان متأثر بالحيل وخايف على نواف!!

بعدماوصلوا للشرقية وراحـــــوا للدكتور سالم..الدكتور طلب من نواف انه ينام في المستشفى وابونواف طبعاً ماراح يترك ولدهـ لحاله قرر انه ينام معاهـ في المستشفى..!!وصار موعد العملية بكرى العصر
: : :

ريما اتصلت على الهنوف
الهنوف:هلا وغلا بريوم القاطعة وينك فيه يادبا
ريما:ههههههه شوي شوي علي اكلتيني
الهنوف:معذورة ياسخيفة من روحتك للشرقية ماتصلتي الا مرة
ريما:والله مشغولة تعرفين هيفاء ماتركت مكان ماخذتنا له..
الهنوف:الا تعالي وش صار على نواف؟
ريما بتعجب:وش صار عليه؟
الهنوف:يعني متى موعد العملية؟
ريما قامت من مكانها وبصوت حاد:وش عمليته؟وش السالفة هنوف تكفين؟
هنوف:افا1111 شكلي عفست الدنيا
ريما بعصبيه وصوت مرتفع:هنوف تكلمي اقولك
هنوف:لابس تعرفين مباراتهم هو وفيصل طاح نواف اصيب في المبااراة وجــاهـ رباط صليبي
ريما نزلت دموعها بحرارة وبصوت متقطع:طيب والعمليه؟
هنوف:ريوم لاتبكين تكفين ..الدكتور المتخصص بالعملية مو في الرياض في الشرقية واليوم سافر نواف وخالي سعود واعتقد انهم وصلوا لاني سمعت فيصل يقول ان خالي سعود قال انهم وصلوا!
ريما:طيب متى موعد العملية؟
هنوف:فيصل توهـ يقول لأهمي انها بكرى العصر
ريما:ياربي كل هذا يصير وانا محد يقولي ليش؟ليش ياناس!!؟
هنوف:ماحبوا يضايقونك
ريما:لا وش يضايقوني امي ماقلت لي شيء بس حسيت ان صايرهـ سالفة ومخبيتها عني!!
هنوف:اقول انتي متى تجيبن للرياض؟
ريما:اي رياض بعد انتي اللحين نواف هنا في الشرقية وعمليته بكرى..
هنوف:يعني شلون بتجلسين؟
ريما:لا الليله الساعة 4 الفجر رحلتنا بس ماراح اروح الا لما اشوف نواف واتطمن عليه
هنوف:براحتك
ريما:يالله باي
هنوف:باي

ريما نزلت تحت وكان بالصالة هند وندى
هند:وش فيك ريما؟
ريما:لامافيني شي
ندى:الا عيونك مو طبيعيات
ريما غمزت لندى يعني اسكتي
هند:ريما يمه تكلمي وش فيك؟
ريما:لابس آآ<خجلانه كيف تقول السالفه لخالتها
ندى:ريما تكلمي
ريما:نواف
ندى:وش فيه؟
ريما:اليوم راح يسوي عمليه هنا في الشرقيه
ريما ماقدرت تمسك نفسها جلست تبكي
هند راحت لعند ريما ومسكت كتفها:وش فيه ليش العمليه
ريما قالت لهم السالفه
ندى:طيب روحي له اليوم زوريهـ
هند:ايه صح قبل لاتسافرين..بس اول شي قولي لأمك وابوك
ريما:اكيـــــــد..انا بتصل عليهم

ريما اتصلت على أمها وقالت لها ليش ماخبرتها بسالفة نواف تبيها تنبسط وماحبت تغثها وتنكد عليها ريما استئذنت من أمها انها تزور نواف وعمها ..امها وافقت لها على شرط ان تركي يروح معاها..

ريما اتصلت على خالها تركي وقالت له ..تركي جلس يتذكر ان آخر مرة شاف فيها نواف يوم يطق ريما في السوق ويعورهـــــا!!!

: : :
ياترى تركي راح يروح مع ريما لزيارة نواف؟

ريما وش موقفها اول ماتشوف نواف طايح ع السرير؟

هل من الممكن تفشـــــــــل عمليه نواف ويصبح انسان عاجز "مشلول"؟الجزء السابع عشر

الفصل الأول

: : :

تركي جلس يفكر..يروح لنواف ولا لا!!بعد ماصارت السالفه .
تركي(حرام الولد مريض ولازم ازورهـ والي فات مــــات وهو اللحين بحسبة زوج لريما ..ريما بنت اختي ريما الغالية الي ماترفض لها طلــــــــــب!!)

جاء تركي واخذ ريما وراحــــــوا للمستشفى ريما كانت تركض ركض وتركي يهديها..اول مادخلت الجناح حق نواف ودخلت لغرفته وشافت شكلة على السرير الابيض متمدد وعمها سعود جالس عندهـ عورهـــــا قلبها ونزلت دموعها وحاولت تمسحها ولاتبين لنواف اي شيء...

نواف اول ماشاف ريما جلس بعد ماكان متمدد على السرير
نواف:ريمــــــــــــــــــا
ريما:ماتشوف شر يانواف
نواف:الشر مايجيك
العم سعود:شخبارك ياريما؟
ريما:بخير الله يسلمك..انت شخبارك ياعمي
العم سعود:انا تمام يابنيتي
نواف:كيفك ريما؟
ريما:انت الي كيفك؟وشلونك اللحين؟
نواف:انا بخير
ريما:تحس بعوار؟
نواف:يعني
ريما:طيب متى موعد العملية
العم سعود:بكرى ان شاء الله العصر على الساعة5 تقريباً
ريما:الله يشافيك وتقوم لنا بالسلامة..ايه نست خالي تركي برى يبغى يدخل يتطمن عليك يانواف
العم سعود:افا واللع واقف برى خليه يدخل حياهـ ربي

تركي:السلام عليــــــكم
الجميع:وعليكم السلام
تركي:ماتشوف شر يابو سعود
نواف:الشر مايجيك ان شاء الله
تركي:شخبارك يابو نواف؟
العم سعود:والله بخير وانت شخبارك ؟
تركي:بخير الله يسلمك
العم سعود: متى تمشون للرياض؟
تركي:اليوم الفجر

نواف تضايق لما عرف ان ريما بتروح وتتركه..عقد حواجبه وبانت على ملامح وجهه الضيق
ريما:طيب شلون صار فيك كذا يانواف؟
نواف جلس يحكي لها السالفة..وتركي وابو نواف يدردشون ويسولفون..
ريما:والله انا قلبي حاس امس العصر وانا اقول للبنات حاسه انه راح يصير شي
نواف ابتسم لها ومسك يدها..ريما سبحت يدها علشان مايلاحظون عمها وخالها..

تركي:يالله انا استئذن..
العم سعود:وين تو الناس؟
تركي:تعرف يابونواف السفرة قرب موعدها بنروح نجهز الاغراض وكذا
العم سعود:ايــــه..الله يوصلكم بالسلامة
تركي:آمين..ريما بتروحين معاي ولا امرك بعد شوي؟
نواف:لا بتجلس شوي معنا انا وابوي
العم سعود:اي والله طفشنا لحالنا خلها عندنا
تركي:خلاص اجل ..مع السلامة
ريما:مع السلامة

العم سعود:يالله احس راسي مصدع يامن شرب له فنجال قهوة
ريما:ابشر ياعمي شوي وبتكون القهوة عندك
نواف بتعجب:شلون؟
ريما:مالكم الا تشربون قهوة ان شاء الله

ريما اتصلت على خالتها هند وطلبت منها ترسل لها ترمس قهوة وشاي وتمر ..وعلبه شاكلت..

وصلت الاغراض الي طلبتها ريما
العم سعود:شلون ياريما؟
ريما:لابس قلت لخالتي تصلح قهوة وترسلها
نواف:خالتك هند؟
ريما باتسامة ناعمة:ايه
ابوسعود:والله فشلة كلفنا عليها وتعبناها
ريما:وش كلافته ياعمي هي كلها قهوة..وبعدين خالتي هند احسن وحدة تصلح قهوة
ابوسعود: شوقتينا على مانذوقها صبي لنا يابنيتي
ريما:تآمر آمر ياعمي..
صبت ريما القهوة وقدمت التمر والشاكلت..وبعدين راحت وجلست قبال نواف..
نواف يبتسم لها ابتسامة تذوب الصخر
ريما استحت ودنقت راسها

جاء اتصال للعم سعود..وبعدين طلع برى الغرفة
نواف:الريم تعالي اجلسي جنبي
ريما:لا تكفى نواف فشلة اذا دخل عمي
نواف:يابنت الحلال انتي مرتي على سنة الله ورسولة
ريما:لا مقدر
نواف:خلاص اجل انتي كذا بتضايقني وتعبيني
ريما:لا كل شي ولا تعبك طيب راح اجي عندك بس ماراح اطول..راحت ريما وجلست على الكرسي الي جنبه

نواف:يالله ياني مشتاق لك حيل
ريما:خلاص نواف
نواف:تصدقين عاد كان عندي احساس اني راح اقابلك في الشرقية وشوفي كيف يأشر على رجله..
ريما:والله تمنيت اقابلك بظروف احسن من كذا بس يالله قدر الله ماشاء فعل
نواف بيرفع ضغطها: تدرين انك انتي السبب في الي انا فيه
ريما بكل خوف: كيــــــــف؟
نواف:كنت افكرفيك وشاغله تفكيري ليل نهار حتى باللعب وانا سرحان فيك ماحسيت بنفسي الا وانا طايح ع الارض..
ريما وعيونها مليانه دموع: بس انا مالي ذنب
نزلت دمعه من عيونها
نواف كان يضحك من قلبه وكأنه اول مرة يضحك ..شوي وينفجر من الضحك<تشبيه رائع
ريما بعصبيه:وش يضحكك؟
نواف ماقدر يتكلم من الضحك
ريما معصبة قامت من الكرسي وراحت بعيد عنه:طيب هذي جزاتي الي خايفه عليك
نواف:لا ياقلبي بس ماتوقعتك كذا لذي الدرجة حساسه..آسف وحقك علي..لاتزعلين بالله
ريما ساكته وتضرب برجلها في الارض<من العصبية
نواف بيستدرج عطف ريما:آهـ يارجلي
ريما قامت من مكانها: تعورك؟
نواف بكل مكر:ايه بالحيل تعور
ريما:تبغى اطلب لك الدكتور..اكيد راح مفعول البنج
نواف:آهـــــ آهــــ
ريما راحت عندهـ وحطت يدها على ركبته :من هنــــا تعورك؟
نواف:ايه
ريما:انا بروح انادي عمي والدكتور
نواف:ريما وقفي وقفي خلاص خفت الحمد لله
ريما:شلون يعني كنت تلعب علي؟
نواف:لا بس اول مالمستيها خلاص خفت..يدينك بلسم لجروحي
ريما دنقت راسها وبتضيع السالفة:عمي تأخر وش فيه؟
نواف:مدري بس اكيد يكلم الشركة هو مايطول الا اذا كلم الشركة
ريما:اها1111111

دخل العم سعود وكان متضايق وجهه اسود
نواف بجديه:وش فيك يبه؟
العم سعود: لا بس لازم اكون في الرياض الصبح
نواف:شلون يعني
العم سعود:البضاعة الي طلبناها..ماراح توصل الا بتوقيع العقد مع الشركة..والشركة مافيه فروع لها على مستوى الخليج غير في الرياض..
ريما:طيب عمي ليش ماتخلي اي احد يوقع عنك؟
العم سعود:لازم توقيعي الشخصي لاني انا رئيس مجلس إداراة الشركة..
نواف:طيب وش العمل؟
العم سعود:مستحيل اروح واتركك وانت في ذي الحاله
نواف:والشركة..هذا اهم عقد توقعه
ريما:طيب مايرسلون الورقة بالفاكس؟
العم سعود:طلبت منهم..بس رفضوا لازم اجي انا شخصياً لمقر الشركة
نواف:يبه روح وقع العقد..
العم سعود:وانت؟ماراح اتركك لحالك
نواف:يايبه مستقبل الشركة
العم سعود:والله ياولدي مدري بس ماراح اتركك لحالك..
ريما:عمي انا بجلس عند نواف
نواف طارت عيونه
العم سعود:شلون؟وطيارتك اليوم؟
ريما:معليش اجلس عندهـ وانت روح على نفس الطيارة الي اليوم الفجر لان مافيها زحمة حيل طيارة الفجر
نواف:بس ياريما
ريما قطعت كلامة:لابس ولاشي..انا ماوراي شي اجلس عند نواف وان شاء الله بكرى بالليل واحنا عندكم
العم سعود:كفو والله.عشتي يابنيتي حليتي لنا ازمة..انا بروح احجز لي تذكرة وعندي هنا زملاء ان شاء الله يساعدوني..يالله انا رايح فمان الله
نواف+ريما:الله معاك
نواف:مشكورة يالريم..والله مدري وش اقول يعني لساني عاجز عن الكلام
ريما:ولو يانواف كذا بتزعلني منك..اذا ماوقفت جنبك اللحين متى راح اوقف
نواف :ريما انا محتاجك
ريما:وان معاك يانواف..وماراح اتخلى عنك ان شاء الله
نواف:عسى الله مايحرمني منك
ريما ابتسمت له:ولا منك..

العم سعود حصل على مقعدة في طيارة الفجر..ريما اعتذرت من خوالها انها بتجلس عند نواف..واستئذنت من ابوها وهو افق وكبرت في عينه بعد موقفهـــــــــــا!!!

: : : الجزء السابع عشر

الساعة 5 الصبح نواف حس بألم فضيع ..ريما خافت عليه ونادت الدكتور ..دخل عليه الدكتور واعطاهـ ابرة ثانيه علشان ينوم ومايحس بالتعب قبل العملية..ريما مادخلت ابداً عليه..عورها قلبها..وحست انها يتموت لمن تشوفه يذي الحالة... كانت تبكي برى الروم حقت نواف..واقفة في الممر وتبكي من قلبها!

طلع الدكتور وشافها تبكي
الدكتور: انتي اخت نواف؟
ريما ارتبكت: لا
الدكتور:زوجته؟
ريما:ايه
الدكتور:ماشاء الله شكلك صغير..وش فيك تبكين؟
ريما:تكفى يادكتور وش صار على نواف؟وش سبب الألم؟
الدكتور:راح مفعول البنج..وانا اعطيته ابرة علشان ينام قبل موعد العملية وان شاء الله ماراح يحس بتعب
ريما:مشكور دكتور
الدكتور:بس لاتبكين مرة ثانيه
ريما:ان شاء الله..

راحــــــت ريما تشتري بوكيه ورد جوري طبعاً ..وبعدين دخلت الروم حقت نواف..أخذت قرآن وجلست على سريرة واخذت تقراء بصوت رائع وترتيل الآيات وبخشوع..

حست ان نواف بعد ماقرت عليه القرآن ارتاح كان واضح عليه وهو نايم ..نزلت من السرير وجلست بالكرسي كانت جنبه..تطالع فيه وتتأمله..مسكت يدهـ(وكانت أول مرة تمسك يدهـ فيها) ماحست بنفسها الا وهي نامت..

بعد مرور 3 ساعات
صحى نواف وشاف ريما الي كانت متمسكة في يدهـ ..وكيف كان شكلها وهي نايمة..حس برائتها وكيف تحبهـ...سحب يدهـ منها واخذ لها وسادة(مخدة) ورفع راسها واسندهـ عليها..ريما على طولت صحت
نواف:صباح الخيــــــــر
ريما بابتسامتها ذاب منها نواف:صباح النور..عساك نمت زين؟
نواف:الحمد لله..آسف شكلي صحيتك ارجعي نامي مانمتي شي!!
ريما:لا انا غفيت ماحسيت بنفسي
نواف:والله عارف اني تعبتك معاي
ريما:لاعاد ترى هذا الكلام يضايقني
نواف:ابشري يالغلا..
نواف:يالله ياريما ياني نمت لي نومة ولا اروع مدري ليش حسيت براحة وكأن شيء ثقيل وانزاح من صدري
ريما:الحمد لله..(كانت عارفة ان القرآن هو الي ريحه).
ريما:.الا على فكرة ترى عمي وصل
نواف:صدق متى؟
ريما: الساعة 6 ..اتصل علي وتطمن عليك وامك تسلم عليك
نواف:الحمد لله على سلامته..ياحياتي يامي فديت قلبها..
جلس يطالع في الورد
نواف:ياسلام وش ذا البوكية؟
ريما:ايه وانت نايم طلعت وجبت ورد يعطي جو للغرفة
نواف:ياسلام وبعد جوري..بس انا ماعجبتني
ريما متفاجأة:لييش؟
نواف:لاني وردتي عندي وتكفيني....وانتي احلى وردة شفتها بالدنيـــــــا كلها
ريما دنقت راسها..وقامت من مكانها
نواف:وين؟
ريما:بفتح الستارة لازم شعاع الشمس يدخل للغرفة وبعد نهوي الغرفة
نواف:حاضر..امرك يامدام ريما
ريما ابتسمت له

طق باب الغرفة..قامت ريما وفتحت الباب وكانت خالتها هند ولدها خالد..ريما لما شافتهم كانت مبسوطة ..ودخلتهم لغرفة نواف

ريما:نواف خالتي هند و ولدها خالد جوا يبون يتطمنون عليك
نواف:دخليهم..والله وفيهم الخير
هند+خالد:السلام عليكم..
نواف:وعليكم السلام
خالد:ماتشوف شر
نواف:الشر مايجيك ياخالد
هند:والله ان ريما خوفتنا عليك جلست تبكي وحالتها حالة..وربي اني كنت ميته من الخوف
نواف ابتسم لريما:ايه ريما قلبها حساس
خالد:ياعيني وش عليك ياريما نواف يمدحك
ريما ولعت من خالد:خالد مو وقت فلسفتك
هند:ابو طبيع مايجوز عن طبعه
ريما:ههههههههه والله انك صادقة
نواف:ههههه خلوهـ على راحته
هند:خالد يمة روح جيب الاغراض الي برى
ريما:اي اغراض خالتي؟
هند:انا عارفة ان فطور البيت غير فطور المستشفى..حبيت تذوق شغل يدي ياولدي يانواف يعني اشياء بسيطة..
نواف:مشكورة يام خالد..والله تعبتك معاي..امس قهوة واليوم فطور..كلفنا عليك
هند:وش دعوى يانواف..انت غالي علينا بغلاوة ريما
ريما:تسلمين لي ياخالتي
نواف:ماتقصرين يام خالد
خالد:عاد ريما هذي شيء كبير عند امي..!!صرت اغار منها
ريما:ياحظــــــي والله..وانت خالد مافيه احد ماتغار منه
نواف:هههههههه انتم كذا على طول
هند:ماشفت شي يانواف خالد ملقوف وريما دلوعه
نواف:ايه اكيد ريما دلوعتـــــنا
ريما استحت من كلام نواف
هند:يالله ياخالد احنا نترخص والعصر ان شاء الله بنزروكم..اجر وعافيه يانواف
خالد:ماتشوف شر..يالله فمان الله..وانتي ريموة خفي على الولد اخبرك ملقوفة
ريما:اقول فارق عن وجهي بالله هههههه
خالد:ههههههه تامرين امر ياحرم نواف
ريما كانت ميته من الفشيلة بعد ماقال خالد حرم نواف
نواف كان مبسوط ع الآخر ويقول (الله عليك ياخالد جبتها على الجرح) كان يطالع ريما ويضحك
ريما:يالله نواف وقت الفطور
نواف:مالي نفس
ريما:ياسلام مو عند ريما مالي نفس..قلت لك اللحين بتاكل يعني بتاكل
نواف:حاضر ياست ريما
طلعت ريما الفطور لنواف وصفته بترتيب ومدت له العصير
نواف:بس انا عندي مشكلة
ريما:وش المشكلة؟
نواف:ماعرف آكل
ريما:هههههههههههه شلون يعني
نواف:يعني تعالي وكليني
ريما:لاوالله بزر (طفل) يعني؟
نواف بيقهرها:قلت لك ماعرف آكل ..تدرين شلون خلاص مابيه كله
ريما:لا والي يسلمك لازم تاكل حرام عليك..كذا تتعب زيادة
نواف:ومين يوكلني؟
ريما:امممممم انادي لك النيرس الي برى تأكلك
نواف:ياسلام انا متزوجك انتي ولا النيرس؟
ريما:هههههههههههههه
نواف:والله وتضحكين بعد.
ريما:ياعيني على الي معصبين..ولايهمك كم نواف عندي راح اوكلك بس ترى هذي آخر مرة علشانك مريض..
نواف ابتسم ابتسامة نصر
جلست ريما تأكله وهو مبسوط وحالته حالة..بعدين دق جوال نواف وكان فيصل يتطمن عليه..

جــــــاء العصر "موعد العملية" ..
دخل نواف لغرفة العمليات..وريما برى عند الباب تنتظر على احر من الجمر تروح وترجع ماتعرف وش تسوي..دخلت عليها خالتها هند وخالد ولد خالتها وبعد هيفـــــاء..وكانوا ينتظرون..طبعاً جوال ريما ماسكت ابداً من الاتصالات ام نواف وابو نواف..وابوها..وعمتها نورة..وعمها طلال ومحمد الكل يتصل

بعد مرور 4ساعات طلع الدكتور
ريما:بشر يادكتور؟
الدكتور:الحمد لله العملية نجحت
ريما:الله يبشرك بالخير..الحمد لله..
خالد:متى يصحى يادكتور؟
الدكتور:تقريباً بعد ساعة ونص
خالد:مشكور
هند:حمد لله على سلامتة
ريما:الله يسلمك
هيفاء:الف الحمد لله على السلامة ريوم..ههههههه شكلك بتطيرين من الفرحة
ريما:الله يسلمك..هههههههه

اخذت ريما جوالها وجلست تتصل على عمها وزوجته وتطمنهم ان العملية نجحت..!

جلست عند نواف بالغرفة تتنظرة متى يصحى..دخل الدكتور عليها..وكان بيتطمن على نواف
الدكتور:انتي اسمك ريما؟
ريما بكل خجل:ايه
الدكتور:نواف وهو بالبنج ماسكت بس ينادي بأسمك..
ريما كانت خجلانه من كلام الدكتور..
ريما:طيب دكتور متى يعني تأذن له ويطلع
الدكتور:اذا صحى ان شاء الله بنسوي له فحوصات..وان شاء الله بكرى العصر
ريما:الله يجزاك خير يادكتور

صحـــــى نواف من البنج وكانت ريما جالسة عندهـ..طبعاً انتهى موعد الزيارة
ريما:الحمد لله على سلامتك
نواف:الله يسلمك
ريما:طيب انت اللحين شلونك..تحس بشي؟
نواف:الحمد لله..لا بس احس بخمول
ريما:ايه شي طبيعي توك طالع من العملية
نواف:الريم قولي آمين
ريما:آمين
نواف:الله لايحرمني منك
ريما ابتسمت له

جاء الدكتور وسوى الفحوصات اللازمة..وطلع نواف مافيه شيء..وقرر بكرى موعد خروجة المغرب..طبعاً الطيارة حقت ريما ونواف بكرى بالليل الساعة7..

نواف رجع ينام كان تحت تأثير العملية..ريما ارسلت سواق خالتها يشتري عصير فريش لنواف..وبعدين راحت واشترت بوكيهات ورد جوري وعبت الغرفة صار شكلها فن تاستك ..ومعطي شكل للغرفة..

ريما خافت على نواف لانه تأخر بالنوم..راحت وقف عندهـ وحطت يدها على راسه..نواف حس فيها ..صحى ابتسم لها
ريما:الحمد لله خوفتني عليك يانواف
نواف:ليش؟
ريما: طولت في النومه.
نواف: خلي قلبك قوي..
ريما:أنا ماتعبني غير قلبي!!
نواف:انا من غير حنيه قلبك وش اسوي؟
ريما بتضيع السالفه:يالله هذا عصير جوافه اعرفك تحبه
نواف:وش عرفك؟
ريما:لاتسأل انا اعرف عنك كل شيء صغيرة كانت او كبيرة..
نواف:والله خطيرة مرتي
ريما بتموت من الفشلة..كلامه يحرجها بشكل..
نواف:ماعرف اشربه..لازم احد يشربني..
ريما:ههههههه حتى هذا..طيب يالله انا بشربك افتح فمك ياماما يالله طيارة جت طيارة
نواف:ههههههههههههههههه
ريما:ياهـ من زمان ماسمعت ل\ذي الضحكة..اشتقت لها<زلت لسان
نواف:ياسلام عليك ياريوم وعلى كلامك..جد اشتقتي لها؟
ريما: الا على فكرة تدري ان خالد ولد خالتي هند من شوي جاء وطردته!!
نواف:افا ياريما مو من عوايدك ليش؟
ريما:هههههههههههههه والله جاء الأخ وهو كاشخ وريحة عطرة بالممرات..وتعرف انت توك طالع من العملية وخفت ان جرحك يشتم العطر ويلتهب..
نواف:تخافين علي؟
ريما استحت..نواف حس فيها ورحمهـــــــــا..مدنقة راسها بالارض..

نواف:اول مادخل خالد فتشتي عنه(كاشفة وجهك)ارتفع ضغطي وكنت مقهور بشكل وانتي تسولفين وتضحكين معاهـ..بعدين تذكرت انك اخته من الرضاعة..وارتحت!!
ريما:ههههههه انت دايماً متسرع
نواف:لاتلوميني عندي كل ذا الزين..وماتبيني اغار
رن جوال نواف..وكان محمد اخوهـ
ريما:ياربي لك الحمد الي فكني )..جلس يتكلم ع الجوال نص ساعة..بعدين سكر..تذكر سالفة محمد يوم العيد وقتها محمد ارتبك يوم شاف نوف ..نواف(اكيد ياريما عندك خبر)
نواف:ريما..وش سالفة محمد ونوف..؟
ريما ارتبكت:هاه..ليش قالك شي؟
نواف:اللحين اسئلك وتردين علي بسؤال
ريما تستغبيء:ماني فاهمة..!!
نواف:بس محمد يوم كنا في المخيم قالي ان نوف تحبه
ريما:شكل بتصير قصة حب بين محمد ونوف
نواف:ههههه والله خطير يامحمد تحب !!
ريما:ليش ناقصة يد ولا رجل
نواف:لا بس مدري احس شكله غلط محمد يحب ههههههههه
ريما:هههههههه..والله انك رايق

: : :
ندى كانت تفكر بماجد ليل نهار..
ندى(المفروض انساهـ..سالفة وعدت..بس ذي المواقف الي صارت معاهـ. مقدر انساها...يعني اللحين كأني متمسكه في حبال من سراب..طيب يمكن هو مايبادلني نفس الشعور..يمكن كل الي في بالي مجرد اوهام..آهـ ياريوم ابي افضفض لك عما في قلبي..بس والله احبـــهـ..ياترى هو في الشرقية ولا جاء الرياض؟!!)

راحت وشغلت أغنيه يامهاجر(اشوفك وين يامهاجر..قلي باي بلد صاير..فراقك مو سهل عندي..ولاهي ازمة وتعدي..تعال وطيب الخاطر..اشوفك وين يامهاجر..فراقك علة العلة........)

: : :
في الشرقيـــــــــــة
ام ماجد كانت مع ماجد..بتفاتحة في الموضوع

ام ماجد:ماجد انا صرفت خواتك..وحبيت اجلس معاك جلسة لحالنا..ابي اكلمك في موضوع
ماجد:سمي يمة
ام ماجد:يايمة ياماجد..انت ماشاء الله كلها سنتين وتخلص من دراستك..صح؟
ماجد:ايه صح..وبعدها بسافر برى اكمل الدراسة في تخصصي
ام ماجد:طيب ..انا شلون برتاح وانت كذا مرة في الرياض وبعدين بتسافر برى..يعني لازم معاك احد يهتم فيك ويعتني بك..يشوف امورك وش تحتاج..وش ينقصك!!
ماجد حس انها بتفاتحه بموضوع الزواج:المطلوب يمة
ام ماجد:ابيك تتزوج...تكمل نص دينك...
ماجد:اذا رجعت من برى يحلها الف حلال
ام ماجد:يومها بتكون كبير وشايب..ومحد يبيك..اللحين البنات يبون الشاب الصغير المثقف..وانت ماشاء الله زين وعلم ومنصب واخلاق..يعني حتى محلات ابوك في الرياض انت الي ماسكها..يعني كل شيء موفر لك ولله الحمد...الف وحدة تتمناك..يايمة ودي اشوف عيالك قبل ماموت..
ماجد:بعد عمرٍ طويل
ام ماجد:الواحد مايضمن عمرهـ وانا امك..فرحني ياولدي..وانا عندي بنت الحلال والله زين واخلاق وعلم..كاملة والكامل وجه تعالى
ماجد عورهـ قلبه مايدري وش يقول هو في باله ندى ولايمكن ياخذ غيرها..بس كيف يقول لأمهت عنها!!
ام ماجد:وش فيك سكتت
ماجد:من هي بنت الحلال الي جالسة تمدحين فيها لك ساعة!!
ام ماجد: والله خايفه انها تطير منك..لان عيون الناس عليها..
ماجد:هههههه لذي الدرجة..طيب منهي؟
ام ماجد:اخت هند مرت جيراننا..بنت وش حليلها اسمها ندى
ماجد ابتسم ابتسامة عريضة..ودهـ لو يطير من الفرحة..بدون أي تردد
ماجد:الي تشوفينه يمه
ام ماجد:صدق والله لولولولولييييييييييش
ماجد:ههههههه شوي شوي يمة
ام ماجد:اسمع بنروح نخطبها خير البر عاجلة
ماجد:تونى يايمة
ام ماجد:ماعليك انا ابي المح لهند عنها..واخذ رقم امها في الرياض...وبعدين نروح نزورهم ونخطبها..
ماجد:ههههههههه براحتك يايمة

: : : الجزء الثامن عشر

: : :

من بكــــرى العصر
نواف:الريم صراحة تعودت عليك..وش يصبرني في الرياض؟
ريما:كل ماتبي شي اتصل علي!!
نواف:ارجع مثل اول..لا انا ابيك معاي على طول..
ريما ساكته وماتدري وش تقوله ريما(حتى انا يانواف وربي حبيتك اكثر من اول..ومدري كيف ابي اصبر..!!)

جت النيرس..تطلب ريما كان الدكتور يبغى يتكلم معاها..!ريما كانت خايفة لايكون اكتشف شيء جديد في حالة نواف..وعلى اعصابها ..تمشيء للعيادة ببطئ شديد وانامل يدها من الخوف كانت باردة..

دخلت ريما على الدكتور
ريما:السلام عليكم دكتور ناديتني؟
الدكتور:وعليكم السلام..ايه انتي زوجة نواف..حبيت اعطيك هذي الادوية ومتى مواعيدها..!!ولو سمحتي احرصي على انه مايسوي مجهود يتعبه..
ريما:طيب يادكتور متى يترك العربية؟
الدكتور:يمكن شهر كذا ..ولازم بعدها يشترك بنادي صحي..يعني يسوي له تدليك ومساج علشان يستعد لياقته البدنيه
ريما:ان شاء الله يادكتور..والله يجزاك خير ..مشكور
الدكتور:لا ماسوينا شي هذا واجبنا

ريما طلعت من العيادة وراحت واشترت الادوية الي صرفها الدكتور لنواف واخذتها معاها..
دخلت على نواف وقالت له وش يبي منها الدكتور..وبعدين رتبت شنطة ملابسه...وجهزت حالها علشان يروحون للمطار..

جاء خالد ولد خالتها هند واخذهم للمطار ودعهم...ركبـــــوا الطيارة وجلسوا ريما ونواف بمقاعد جنب بعض..

ريما:مين بيستقبلنا بالمطار؟
نواف:والله مدري يالريم.بس انا قلت لأبوي ومحمد
ريما:ياسلام ..وانا..؟
نواف:ليش وش فيك انتي؟
ريما:مين بيوديني لبيتنا؟ابوي ماقلت له!!
نواف:يامدام ترى انتي زوجتي يعني محد بيوديك غيري فاهمة
ريما تمنت لو ماسألت هالسؤال سببت احراج لنفسهــــــــا!!

وصلــــــــــوا للمطار وكان في استقبالهــــــم ابو نواف وأبو ريما وفيصل ومحمد...طبعاً نواف وريما آخر من نزل في الطيارة علشان نواف مايقدر يمشي ولازم في عربة..طبعاً نزلوهـم في لفت خاص..

وأول ماوصلوا المطار كانت ريما تدف عربة نواف..أشكالهم رايقة ..لايقين لبعض واضح عليهم الانسجام..وهذا الشيء طمن قلب ابو نواف وابو ريما..

ريما أول ماشافت ابوها راحت تركض ..وحضنته بقوة ونزلت دموعها ..كان منظرهم يكسر الخاطر..ابوها مبين عليه كيف كان مبسوط برجعة حبيبته وبنته الريــــــم..وريما كيف كانت مشتاقة

لأبوها وكيف ضمته ..نواف كان يطالع فيهم وشاف كيف احترام ريما لأبوها..ومحبة ابوها لها..!!

ابو نواف:ياحي الله من جاء..حمد لله على سلامتك وانا ابوك..
نواف:الله يسلمك يالغالي
ابونواف:الحمد لله على السلامة يابنيتي ياريما
ريما:الله يسلمك عمي
ابو ريما:الحمد لله على سلامتك نواف..تو مانورت الرياض
نواف:الله يسلمك ياعمي..ومنورهـ بوجودكم..

نواف لف العربية وكان فيصل ومحمد واقفين مع بعض ينتظرون متى ينتهي نواف من السلام على ابوهـ وعمه علشان ياخذون نصيبهم منهــ....

محمد جاءبسرعة ونزل لعربية نواف وضمة حيل..وباس راسه
محمد:الف الحمد لله على السلامة
نواف:الله يسلمك
محمد:نواف والله فقدتك..والله لايحرمني منك
نواف:ولامنك..اشوى يعني سفرتي علمتني كيف قدري عندك
محمد:ولو يابو سعود غالي ..ياني مشتاق لك يالله ع البيت عندي لك سواليف وخرابيط ابي اقولها لك
نواف:ههههههه الله يعيني عليك

فيصل:يامحمد خلاص جاء دوري اقلب يور فيس
محمد:اخــــــس ع الثقافة
فيصل:هلا وغلا بابو سعود..الحمد لله على السلامة..
نواف:هلا والله بابونايف الله يسلمك
فيصل:شخبارك..وشخبار رجللك؟
نواف:لا الحمد احسن من اول
فيصل:الحمد لله..تصدق يانواف اشتقنا لك
نواف:هههههه وش فيكم كل ماشفت واحد قال اشتقنا لك..كلها يومين الي غبتها عنكم..بس اشوى والله اثاريكم فقدتوني حيل..
فيصل:يوووة اللحين ينغر علينا سعادة المهندس...ويكبر راسه
نواف:هههههههههههه حرام عليك

محمد:الحمد لله على السلامة ريما
ريما:الله يسلمك
فيصل:الحمد لله على السلامة..نورتوا الرياض
ريما:الله يسلمك ..منورة بوجودكم

نواف سهى وجلس يطالع ريما ويشوف كيف مبسوطةأول ماشافت ابوها...كأنه بعالم ثاني
فيصل:نواف يالحبيب وين رحت
محمد همس لنواف:شكلك صاير روميو زمانك
فيصل:ههههههههههه..ايه شف كيف عيونه على المدام ..ياهوة ترى ماهيب طايرة
نواف:ياربي وش جابني عندكم..مامداني وش حليلي جالس معاها ومبسوط..اللحين ابي اقابل وجيهكم الله يعيني ويصبرني
محمد:افا والله الشرهه مو عليك الشرهه علينا احنا الي فقدناك ومشتاقين لك
فيصل:نوافوه يادب لاتصدق الكلام الي من ساع قلت لك ترى ..هذا كلام مجاملة ينقال لأي واحد توهـ راجع من السفر
نواف:هههههههههه انا اقول وش عندهم صايرين ذوق الشباب ومنقلبين وهالاحترام..بس ابو طبيع مايجوز عن طبعه انت وياهـ

ريما:يالله ياني ولهانه عليكم وعلى امي..والبنات
ابو ريما:هههههه حتى امك كل شوي تطالع في الساعة اللحين تجي ريما
ابونواف:ايه ترى كلهم مجتمعين عندنا في البيت
ريما:صدق..ايه احسن والله مشتاقة لهم

ابو نواف:يالله مشيــــــنا
نواف جلس يطالع بريما ..ريما فهمت من نظراته انه يبيها تدف العربيه..بس ريما استحت قدام ابوها وعمها والعيال انها تدفه.. طبعـــــاً الي دفه فيصل
نواف:هذا وقتك ياخي ابي حرمتي هي الي تدفني
فيصل:احمد ربك اني انا شخصياً الي راح يدفك..وبعدين استحي انت وجهك
محمد:تصدق انك ماتنعطى وجهه..عيب ياخ
نواف:آهـ آخر زمن نسمع النصايح من محمد وفيصل..ههههههههههه
محمد وفيصل:نعم نعم..
فيصل ترك نواف ومشى وخلاهـ..ومحمد بعد ..نواف يناديهم ولاحياة لمن تنادي ..جلس يدف نفسه..وهم ماشين وبسرعة علشان يضيع عنهم وبما ان المطار كبير..مايعرف على اي بوابة جايين
نواف اخذ جواله واتصل على ابوهـ الي كان راكب في السيارة هو وابو ريما وريما ينتظرونه..

ابو نواف جلس يضحك بعد ماكلمة ..
ابو ريما:وش فيه نواف؟
ابونواف:تعرف العيال محمد وفيصل تركوهـ لحاله بالمطار
ريما:ليييييييش.؟
ابونواف:تهاوش معهم هههههههههه
ابوريما:ههههههههههههه
ريما:اجل انا بروح اجيبه دقايق ان شاء الله واجي
ابونواف:عشتي يابنتي

بعدمانزلت ريما
ابونواف:ونعم التربية يابو ريما..فعلاً بنتك طيب واخلاق..
ابو ريما:ماعليك زود يابونواف..وبنتي هي بنتك
ابونواف:الحمد لله الي صارت من نصيب ولدي نواف..والله مانساها يوم قالت لي روح وانا ابي اجلس عند نواف..كبرت بعيني وحسيت بالفخر والله..يعني رافعة روسنا باخلاقها وتعليمها الله يحفظةها ويحرسها..
ابوريما:آميـــــــــــــــن...,,,وبنتنا لولدنــــــــا هذا الي تمنيته يابو نواف
ابو نواف:اي والله..والحمد لله على كل حال.,,

راحت ريما..ومحمد وفيصل كانواف واقفين عند البوابة حقت المطار..شافوا ريما وهي تروح تجيب نواف.وقفوا عند البوابه علشان يتريقون على نواف...

ريما شافت نواف وراحت لعندهـ
نواف:ياهلا وغلا بالغالية..شفتي النصابين وش سوو فيني
ريما:هههههههههههه بس اكيد قلت لهم شي..والله حرام
نواف:لا والله بس هم مهبل ..وانا اعقل منهم وتعرفين الواحد مايمشي مع مجانين
ريما:هههههههه ..شكلهم من كلامك عليهم تركوك
نواف:خليهم ..وش عليك منهم دامك معاي والله ولا واحد راح يهمني
ريما:يااستاذ ترى ابوي وعمي برى ينتظروننا
نواف:افا يالله اجل خلينا نروح لهم

ريما دفت عربيه نواف ويوم وصلوا عند البوابه الا ذا فيصل ومحمد
فيصل: ياعيني يامستر نواف ..تصدق أول مرة اشوفك كذا رومنسي
محمد:هههههههههههههههه
نواف:بسم الله الرحمن الرحيم..انتم وش جابكم..هامكم رايحين للبيت
محمد:لا بس قلنا نشوف رومنسيتك..تصدق تصلح تسوي افلام في هوليوود
نواف:اقول فكنا
فيصل:انا اقول نواف وش عندهـ يسمعنا من هالكلام الي يرفع الضغط..طلع طابخها يبي ريما تمشي العربيه
محمد:والله وطلعت يانواف منتب قليل ..
نواف:انتم وش فيكم علي..يووووهـ عاد اللحين نروح لعبدالرحمن وتكمل بعد
فيصل:ياليته معنا كان يشوف نواف الرومنسي ههههههههههه
محمد:ههههههههه اسمع ترى بعد ماطلع رومانسيته الزايدهـ مستحي من الناس
نواف:وش رايك ياريما وانتي تقولين لي حرام الي تسويه فيهم..آمانه مايستاهلون
محمد:افا مرت اخوي تمدحنا..
فيصل:والله ياريما ترى احنا بريئين بس نواف صاير مايطيق شوفتنا ماندري وش فيه
محمد:بعد ماتدري وش فيه..توهـ جاي من الشرقيه (غمز لنواف)
ريما كانت ميته من الضحك على هوشتهم..وتتذكر البزارين اذا تهاوشوا
نواف:بالله ريما انتي مع مين..مايرفعون الضغط؟
ريما:ان جيت للصراحة.مالومك فيهم..سوي الي يريحك يانواف
نواف:بعــــــــدي والله يالريم
محمد:عاد انت بالله تبيها تصير بصفنا وزوجها بالصف الثاني
فيصل:اي والله..آهـ بس على هالنواف انا اوريه الشغل بس موباللحين بعدين
ريما:هههههههههههههههه
نواف:هههههههههههههههه
رن جوال ريما وطلع ابوها..ويقولها تجي بسرعة هي ونواف..لانهم ينتظرونهم بالسيارة..محمد وفيصل راحوا على السيارة الثانية سيارة فيصل..

نواف:فشلة تركناهم..
ريما:اي والله
نواف:كله من الثنائي المرح
ريما:هههههههههههه

ركبوا السيارة..
ابوريما:وينكم فيه تأخرتوا؟
نواف:والله ياعمي محمد وفيصل نشبوا في حلقنا ويالله افتكينا منهم
ابونواف:ايه وانت الصادق محمد فيه عز الله انه ينشب في الحلق
ابوريما:هههههههههه
ريما:هههههههه
نواف:يبه شلون امي؟والله لها وحشة
ابونواف:يالله من الظهر وهي تبي ترسلين للمطار علشان استقبلك..وكل شوي روح جيبهم روح جيبهم..دوختني
ابوريما:لاتلومها يابو نواف..متاقة لولدها..وتبي تطمن عليه..وبعدين عندنا وعندكم خير ..هذي سلمى كل شوي متى تجي ريما تأخرت ريما
نواف:الله يخليهم لنا
ريما:آمين..

: : :

اللي بعدوو قموووره قلبي

: : :

وصلــــــوا لبيت ابو نواف..وكان العم طلال وعبد الرحمن باستقابلهم..سلموا على نواف وريما ..وبعدين ريما راحت لقسم الحريم..أول مادخلت..وتصرخ هنوف
هنوف:ريما11111111111 جت
نوف قمزت من مكانها:احلفي
راحوا عندها وسلموا عليها...

ام عبد الرحمن:الحمد لله على السلامة ريما..شلون نواف عساهـ احسن
ريما:الله يسلمك خالتي..الحمد لله احسن بمراحل من اول

.وتجي ام ريما وتحضن ريما وتبوسها
ام ريما:الحمد لله على سلامتك ريوم..
ريما:الله يسلمك يالغالية
ام ريما:والله هذي الايام مدري كيف عدت علي انا وابوك..البيت بدونك ماله طعم
ريما:عساني مانحرم منك ..وسحبت يد امها وباستها

العمة نورة:الحمد لله على سلامتكم
ريما:الله يسلمك عمتي..
العمة نورة:شلونه نواف اللحين؟
ريما:والله اشوى الحمد لله
العمة نورة:انا بروح اشوفة

ام نواف:ياهلا وغلا بريما..الحمد لله على السلامة
ريما:هلا خالتي الله يسلمك
ام نواف:وين نواف ؟
ريما:عند رجال..خالتي روحي له..ترى مشتاق لك بالحيل
ام نواف:آهــ والله حتى انا ..وراحت ركض لقسم الرجال واخذت معاها الجلال ونادت نواف بالصالة وطلع لها وجلست تحضنة..وتبوسه وتسمي عليه..وهي تكبي بحرارة اول ماشاقته على الكرسي المتحرك..ونواف يهيدها ويسكتها11111111 هو وعمته نورة,...

ريما جلست مع البنات
الهنوف:ريما نعنبو بليسك ..فقدناك
نوف:اي والله الاسبوع هذا كنه شهر مو شهر الا سنة
ريما:ياحظي والله..توي اعرف اني غالية
نوف:افا ياريوم توك تعرفين
ريما:هههههههههه لا امزح انا عارفة من زمان بس اتدلع عليك
هنوف:هاه وش اخبار السفرة؟
ريما:الحمد لله انبسطنا كثير..ولاسيما ان عملية نواف نجحت
نوف:ايه صح الحمد لله على سلامته
ريما:الله يسلمك
هنوف:فا11111111تك خالتي ام نواف والحريم بس يمدحون فيك..وحالتهم حالة ومافي بلسانهم غير سيرتك وموقفك انك بتجلسين بدل خالي عند نواف
نوف:الا تعالي كيف جتك الجرآءة تجلسن عندهـ مرافق,,,اخبرك تستحين من ظلك؟
ريما:مدري حتى انا تفاجائت من نفسي ..بس حسيت ان نواف محتاجين..وان بيدي اساعدهم ..فاليش ماساعدهم..
هنوف:والله خطيرة ياريوم..صرتي تفكيرين تفكير حريم
ريما:هههههههه ليش وش قالوا لك اول تفكيري تفكير بزران
هنوف:تقريباً ههههههههههههه
ريما:اخذت شنتطتها وضربت ظهر هنوف
هنوف:آي ظهري ههههههههه
ريما:تستاهلين
نوف:هههههههههههه الحمد لله والشكر مهبل انتم..!!!

ام نواف جت وباست راس ريما..ريما استحت وجهها صار لونه احمر من الحيا
ام نواف:والله ياريما مدري كيف اشكرك..الله يوفقك يابنيتي..والله انك مرهـ وتعبناك معانا رايحة تنبسطين وتعبناك..سامحينا وانا امك..غثيناك
ريما:لاياخالتي لاتقولين هالكلام..انا ماسويت شيء..وبعدين هذا واجبي اذ ماوقفت معكم اللحين متى راح اوقف..
ام نواف:الله يسعدك مثل ماسعدتينا

جلسوا يسولفون البنات..وبعد العشاء..راحوا وجلسوا بالصالة

ريما:اللحين موعد دواء نواف..هذا الكيس معاي
ام ريما:روحي اعطيه الدواء
ام نواف:الله يجزاك خير يايمة ياريما...

ريما اتصلت عليه وقالت له يطلع لها..نواف طلع
نواف:هلا بك..اشتقت لك
ريما ابتسمت له:يالله موعد العلاج
نواف:مانسيتيه..
ريما:شلون انساهـ تراني حريصة عليه..لان الدكتور وصاني
نواف: ياليت لو كل يوم تجين وتعطيني اياهـ
ريما:وبعدين معاك نواف..
نواف حط يدهـ على فمة:خلاص وفمي وسكرته..بس لاتزعلين علينا
ريما تضحك عليه..
اعطته الدواء وعلمته متى مواعيدها..
ريما:تبي شي انا بروح
نواف:لا سلامتك وماقصرتي
ريما:الله يسلمك..ترى راح ازعجك كل يوم بتص ابي اتطمن وش صار عليك
نواف:ياحلاته من ازعاج والله
ريما استحت..وراحت للحريـــــــــــم...

وجلسوا سوالف هنوف ونوف وريما ماسكتوا ولادقيقة..<سوالف بنات اكيد

وبعد ماجت الساعة 12 بالليل الكل راح لبيته..ريما اول ماوصلت لبيتها..راحت لغرفتها وامها كانت مرتبتها ومبخرتها111..ريما(ياحياتي ياامي تعبتها..)اخذت شاور دافيء وبعدين حطت راسها ونامت ..غطت في سابع نومــالفصل الثاني

: : :

ريما صحت من النوم ...وطالعت جوالها وكانت فيه 8 مكالمات خافت لايكون صاير شيء..وطلعت6مكالمات من ندى و2 من الهنوف

اتصلت على ندى..
ريما:الو ندى وش فيكم؟
ندى:هههههه مافينا شيء..اول شيء سلمي
ريما: ياختي صحيت وطالعت في جوالي 6 مكالمات يعني وش تبيني اسوي
ندى:حمد لله على السلامة
ريما:الله يسلمك
ندى:شخبار زوجك
ريما:ههههههه ياكبرها ذي زوجي..بخير
ندى:الحمد لله..ريوم وش عندك الليلة؟
ريما:no Thing
ندى:كويس..طيب تعالي
ريما:افكر
ندى:ياكرهك اذا جيتي تفلسفين
ريما:هههههههههه رفعت ضغطك صح؟
ندى:طالع اسئلتها الحمد لله والشكر
ريما:ندوش وش فيك معصبة
ندى:انا ندى اعصب من ذي الاشكال
ريما: وهالاشكال ليش ازعجتيهم وجننتيهم علشان يجونك؟
ندى:اقول تبين تجين ولا لا؟
ريما:فاهمني ولا لا ؟ اشتقالك لا لا ؟لكني ميت فيك فاهمني ولا لا
ندى:لا البنت مو صاحية..وش سوى فيك ولد عمك
ريما:فديـــــــته ماسوى لي اي شي
ندى:ترى امك بتجينا الليلة ولازم تجين
ريما:ابشري يامس ندوش
ندى:زين حصلت هالموافقة..والله لو ابي اخطبك
ريما:سووري انا مخطوبة لولد عمي
ندى:هههههه عز الله البنت استخفت..ريوم اثقلي ترى وراك ثانوية عامة
ريما:الله يقرفك اللحين انا مبسوطة وفالتها وتذكريني بالهم والشقاء
ندى:ياعيني هم وشقاء تصلح قصيدة هههههههههه
ريما:هههههههههههه..يالله بنزل امي تنادينياشوفك الليله ان شاء الله.. باي
ندى:باي

كانت هنوف متصلة وتبي ريما تجيهم...بس اعتذرت منها وقالت لها يوم ثاني...نزلت ريما عند امها وابوها وجلست عندهم وجلست تسولف لهم بالتفصيل الممل..وش كانوا يسوون في ..ويوم العيد الحفلة الي سوتها خالتها هند..والكورنيش..وعزيمة ام ماجد..وفي المجمعات....ماتركت شي ماقالته... واعطتهم الهدايا الي جايبتها
ابو ريما:ليش مكلفة على نفسك..انا اعطيتك الفلوس علشان تنبسطين وتشترين الي في خاطرك
ريما:ولو يايبه هذي اشياء بسيطة.. والله تستاهلون اكثر
ام ريما:تسلمين ياحياتي عقبال ماتجيبن لنا هدايا زواجك وانتي جايه من شهر العسل
ريما انحرجت..وتبي تقلب الموضوع

ريما:يمة بتروحين الليله لخوالي؟
ام ريما:ايه جدتك مشتاقة لك ..
ريما:عدك علي يايمة والله ولهانه عليها..
ام ريما:ترى بنروح لهم العصر
ريما:اوكي

راحت ام ريما وريما لبيت الجدة هياء..وانبسطت لما شافت ريما وجلست تبوسها
ندى:يمة يوم رجعت من السفر ماسويت كذا..وش معني هالغثة الي فرحتي برجعتها؟
ريما:يالله ياغيرتك..وبعدين هي تدري بعد اني مشتاقة لها..القلوب شواهد... يمة هياء شخبارك؟والله وحشتني
الجدة هياء:الله يسلمك ..انتي شخبارك...عساكم انبستطوا؟
ريما:ايه الحمد لله مع ندى وهيفاء اكيد ابي انبسط
ندى:علشان تعرفين انك ماتنبسطين الا معاي
ريما:لا ترى امزح بس مع هيفاء انبسطت
ام ريما:هههههههه ياحبكم للمناقر والمهاوش
ندى:ايه انا مانبسط غير ماشوف ريما مقهورة
ريما:من قالك اني انقهر منك ياخالتي الموقرة
الجدة هياء:وش اخبار نواف وشلون رجله اللحين
ريما:لا الحمد لله اشوى من اول
الجدة هياء:الحمد لله

جلســــــــــوا مع بعض في الصالة..تركي طالع مع اصدقائة..
ندى:ريما تعالي فوق لغرفتي ابي اوريك عبايتي
ريما:صدق طلعت
ندى:يالله يابردك تعالي..يعني لو ماطلعت ماراح اوريك اياها يالذكية
ريما:طيب يالله

قاموا البنات
ام ريما:وين تبون؟
ريما:فوق لغرفة ندى..بشوف عبايتها الي مفصلتها تقول انها طلعت
ام ريما:صدق ندى متى طلعت
ندى:قبل يومين
ام ريما:وشلون خياطها زين؟
ندى:ايه والله روعة
ام ريما:وانتي نازلة جيبها معاك ابي اشوفها..اذا اعجبتني باروح افصل عند نفس المحل
ندى:ابشري

صعــــــدوا للغرفة ندى..وجلست توريها العباية..كان شكلها حلو وناعم..
ريما:يا1111111ي روعة ندى..صدقك انك ذويقة
ندى:ايه علشان تعرفين انه مو بس انتي الي عندك ذوق..واالناس ماخذين في ذوقك مقلب
ريما:نعم ..اقول انتي اذا مدحناك ابتلشنا فيك..وان سبيناك ماسلمنا من لسانك..
ندى:ههههههههه والله اني كايدتكم
ريما: ايه هين ..بالحيل كايدتنا هههههههههه
ندى:هههههههههههههه
ريما:وش صار على صديق خالي تركي ماجد؟
ندى ارتبكت:ليش وش صار ؟
ريما:بسم الله عليك ..بس اسئلك ماتكلم عنه..يعني زل لسانه
ندى وهي تتنهد:آهـ لا ابد ماجب طاريه
ريما:هاه ندوش اشوف القلب هاليومين في الشرقية ناسيته..ماجاء معك للرياض
ندى:ياسخفك
ريما:حطي عينك بعيني اشوف
ندى:ههههههههههه
ريما:اقول حطي عينك بعيني
ندى باستخفاف:هاه حطيت عيني
ريما:اقسم بالله انك تحبينه
ندى:لاتحلفيــــــن
ريما: والله ثم والله
ندى جلست على سريرها
ريما:ندوش وش فيك؟لايكون زعلتي من كلامي؟بس اعرفك ماتزعلين
ندى:لا مو زعلانه..بس
ريما:ايه وش بعد هالـــــــ بس
ندى: انا ياريما اذا سمعت طاري ماجد مدري ليش احس باحساس غريب تجاهـ يمكن حب..يمكن اعجاب.. بس احاول ابعد نفسي عن الاوهام هذي
ريما:ليش؟
ندى:اللحين اربط نفسي في انسان يمكن مافكر فيني..انا اذا حبيت شخص احبه بكل مافيني يعني اقدم حبي للانسان الي شاريني....ماحب اي شخص كذا..
ريما:بس نظرات امه ذاك اليوم..واضح انك اعجبتيها..وشفتيها بس تمدح بماجد قدامك قال ماجد وسوى ماجد
ندى:اكيد ولدهــــــــا الوحيد
ريما: ندى انتي بنت طيبه وتستاهلين كل خير..وانا اتوقع ان ماجد بيكون من نصيبك
ندى:ههههههههههه اقول فكينا من هالموضوع..وخلينا ننزل لسلمى اوريها عباتي بس..

ريما استغربت ندى ليش بتفتك من الموضوع معقولة تحب ماجد..آخر ماكنت اتوقع ندى تحب..بس ليش هي مو انسانة لها عواطف ومشاعر..بس احنا ماخذين انها ندى المصرقعة الي دايماً ابتسامتها ماتفارق وجهها..الله يوفقك ياندوووش

نزلوا البنات وجلسوا عند التلفزيون..
ريما:يا11111ي اتركي روتانا خليجية
ندى:ياربي قصايد من ذهب..
ريما:ايه ياسر التويجري ياسلام عليه..اسمعي هالقصيدة خطيرة
ندى:ههههههه اقول اقلبي وجهك ابي شيء يونسني يعني يرقص
ريما:بس شوي هاللحين تخلص القصيدة
ندى:ياربي رحمتك..
ريما:ايه اللحين ابو نورة
ندى:ايه هذا الطرب الاصيل قومي خلينا نرقص الاغنيه تهبل
اغنيه محمد عبدهـ (رحت يم الطبيب..الي يداوي الجروحي..قال جرح المودة..مالقينا له دواء......

بعدين رجعت للبيت ريما وامها..وجلست سواليف هي وامها..
ريما:ياربي بعد بكرى مدرسة
ام ريما:يابنت الحلال..كلنا بالهواء سواء انا مثلك بعد بكرى دوام
ريما:لا سب انتي مديرة وتوجهين اومراك للناس..وانا طالبه ويأمر علي
ام ريما:بلا دلع بعد بكرى يعني بعد بكرى مالك مفر منها
ريما:ايه هذي المشكلــــــــــــــة
ام ريما:وش مشكلته ..يانك تسوين من الحبه قبه ...انا بقوم انام....وانتي ماودك تنامين؟
ريما:الا يالله تصبحين على خير
ام ريما:وانتي من اهله

صعدت ريما لغرفتها..وجلست على النت ماجاها نوم..

تذكرت نواف..وقمزت من على الكرسي..وراحت واخذت جوالها تتصل عليه وتطمن عنه..
ريما:الوو..هلا نواف
نواف:هلا والله وغلا ومسهلا
ريما: يسلمووو..شخبارك.؟
نواف:تمام..دامني سمعت صوتك..
ريما:وشلون رجلك ؟
نواف:لا الحمد لله بس اذا حركتها تعورني يعني عادي
ريما:الحمد لله..ايه وعلاجك عساك اخذته
نواف بيرفع ضغطها: يوووهـ نسيته تصدقين مابعد يوم تعطيني اياه ذاك اليوم..
ريما بعصبية:وش تقوووووووووول؟
نواف ماقدر يمسك نفسك:هههههههههههههه
ريما:وش فيك
نواف:لا امزح عليك..ليش عصبتي؟
ريما:اكيد بعصب يعني ماخذت الدواء وتبغيني ماعصب
نواف:ياحياتي والله..يعني حريصة علي؟
ريما: نواف الوقت تأخر قوم نام
نواف:مانيب نايم الالمن تقولين لي
ريما نست:وش اقولك؟
نواف:ياسلام نسيتي؟طيب انتي حريصة علي؟
ريما: يالله منك
نواف:هههههههههههه
ريما:ماشاء الله عساها دوم هالضحكة
نواف:تسلمين لي ياذوق
ريما:يالله تصبح على خير
نواف:استني ريوم
ريما:هلا بغيت شي؟
نواف:انتي حريصة علي
ريما:اكيــــــد حريصة عليك مثل ماني حريصة على نفسي
نواف:ويلومني في حبك فيصل
ريما:ههههههه هذا فيصل يبي له هوشه محترمه
نواف:اذا كانت الهوشه منك يازينها
ريما:مستر نواف المفروض تنام..يالله تصبح على خير
نواف وهو مبسوط:وانتي من اهل الخير..

: : :

بعد مرور اسبوع..ندى وافقت على ماجد..واتصلت ام ماجد..وكانت فرحانه لما عرفت بموافقة ندى...وبعد 3ايام جاء ماجدمن الشرقية ومعاه عمه وزوج اختة غادة...يخطبون ندى..وكان في استقبالهم تركي وابو ريما..وخطبوا ندى رسمي..

: : :

نواف فتح مشروع خاص فيه..وهو مكتب للهندسة..يشتغل فيه وطبعاً وظف اصدقائه فيه..وسوى حفلة بسيطة له ولاصحابة في مقر المشروع في المكتب..

طبعاً ريما عرفت وانبسطت بفكرة نواف وحست انه عرف كيف يفكر..ريما راحت مع السواق لمحل الحلويات..واشترت تورتة كبيرة لونها ازرق وابيض <علشانه هلالي..كتبت عليها الف مبروك افتتاح المكتب الجديد وبالتوفيق..وارسلت بوكية ورد جوري ومعاهـ بطاقةمكتوب عليها

حبيبي نواف

الف مبروك المشروع

والله يعطيك من خيرة ويكفيك شرة..

بالتوفيق لك

الريم ...

وراحت لمكان المكتب وارسلت السواق ينزّل الاغراض والبوكية معاهـ ..وصته يعطية نواف شخصياً(حتى السواق يعرف نواف)

نواف لما استلم الاغراض وفتح البطاقة كان مبسوط من حركة ريما..وارسلها مسج يقول فيه..:

اهلاً هلا يابعد كل من لي
ياغلى من الغالين ياروح روحي
يفز لك قلبي ورابح واهلي
وتطيب في قربك جميع الجروحي
فديتك يالغلا

وعساني مانحرم منك..

حبيبك:نواف
: : :

مرت السنة الدراسية بسرعة..وجاء وقت الاختبارات النهائية..مر الاختبار الاول وكان رياضيات
طلعت ريما من قاعة الاختبارات آخر وحدة..
رشا:هاه بشري ياحرم نواف وشلون اختبارك؟
مشاعل:وراك ماطلعتي بدري؟
ريما:مدري انا حليت كويس .بس متوترة الاسئلة صعبة شوي
اسماء:دايماً الرياضيات مشكلة..بس ان شاء الله نعوض بالمواد الجاية
رشا:اجل انا وش تقولون عني ماحليت ولاشيء..تخمين وسؤال الاختيارات جالسه اقول حقرى بقرى قلي عمي عد العشرة
ريما:ههههههههههههههههههههه حتى بالاختبارات ماتتركين هبالك!!
مشاعل:مثلي والله تخمين وجالسة اعد الي تصير عليها العشرة اختارها إجابة
اسماء:فكونااااا تكفون الرياضيات وراح فكروا بمادة بكرى
رشاء:تدرون عاد انا بطلع كتاب من تأليفي جديد اسمة الرياضيات في عيون رشاء..واصير بنت نيوتن
اسماء:امحق بنت خطيرة.. النظارات ماجات من عبث(رشا تلبس نظارات)
ريما:تعالوا بنات انا بعزمكم اليوم ع الفطور يالله خلونا نروح للكفتيريا حقت المدرسة
رشا:تسلمين يالغالية ياحرم نواف
ريما:ههههههههههههه ياقلبي نواف..ياحبني له ياناس
مشاعل:عيب عليك ياقليلة الحياء..احنا بعدنا مانخطبنا قدري مشاعرنا
رشاء:هههههههههههههههه
اسماء:هاه عاد متى آخر مرة كلمك الغالي (غمزت عينها)
ريما:ياحبكم للتطفل انتي وياها ..وش دخلكم؟
مشاعل:ايوة كذا ياريما احقريهم الحقران يقطع المصران
رشا:كح كح كح وش ذي الامثلة القديمة الغبار,حقران,,مصران
البنات:هههههههههههههههههههههههههههههههههههه

طلعت ريما من المدرسة وأول ماوصلت البيت كانت امها واقفة عند الباب
ام ريما:هاه بشري.؟
ريما:يعني الرياضيات ماعتقد احد بالمملكة راح يجيب الدرجة الكاملة
ام ريما:يعني زين ولا لا؟
ريما:انا راضية عن حلي..واعتقد انه زين
ام ريما:الحمد لله شدي حيلك بس هالاسبوعين..يالله افطري تلاقين الفطور جاهز بالمطبخ
ريما:لايا الغالية انا افطرت بالمدرسة مع البنات..بس ابي انوم اللحين لاني حاسة ان الارض تفتر فيني ..صحوني الساعة 3 العصر اووكي!!
ام ريما:نووم العوافي..انا بروح اطمن ابوك لانه كل شوي يتصل علي من الشركة ويسئل عنك!!
ريما:ياحياتي والله يابو ريما

صعدت ريما لغرفتها وكانت باردة ..وظلام فيه نور خفيف حق الابجورات..امها مجهزة الغرفة علشان تجي وعلى طول تنام..ريما(الله لايحرمني منك يايمة) غيرت ملابسها ولبست قميص ودخلت وانتوا بكرامة الحمام ورن جوالها طلعت من الحمام وهي مستغربة مين يتصل ذا الوقت؟طلع نواف..
نواف:الو صباح الخير!!
ريما:صباح النور والسرور
نواف:كيفك؟
ريما:تمام وانت شخبارك؟
نواف:دوم ان شاء الله..هاه بشري شلون اليوم الرياضيات عسى حليتي زين؟تراني على اعصابي من اليوم وانا اطالع الساعة علشان اكلمك
ريما:ايه انا سويت الي علي ومدري ربي كريم..تسلم لي ..الا تعال وش عرفك ان علي رياضيات؟
نواف:يعني حرمي المصون تختبر وانا مدري وش عليها افا بس افا!!
ريما:هههههههههههههههه
نواف:وش فيك تضحكين؟
ريما:لا بس تذكرت اليوم رشاء صديقتي ..ماتقولي غير ياحرم نواف
نواف:هههههههههههههههه ,,والله صديقتك خطيرة تدرين ليش؟
ريما:ليش؟
نواف:علشانها تذكرك فيني حتى بالاختبارات
ريما بإستهتار:هاهاها <ضحكة طنازة...ومن قالك انه لازم احد يذكرني فيك..انا مانسيتك ابد
نواف:ههههههه حلوة ذي الضحة..يعني مانسيتيني ابد ابد!!!
ريما:ابد ابد
نواف:ابد
ريما:ههههههههه بتخلص المكالمة على ابد
نواف:يالله روحي نامي..وذاكري نحو زين اوكي!!
ريما:ان شاء الله ..بس دعواتك لي
نواف:الله يوفقك ويسهل عليك الاختبار..
ريما:لحظة نواف ...بالله ايش عرفك ان علي نحو
نواف:حبيبتي انا معاي جدولك واعرف وش عليك..يالله ماطول عليك روحي نامي مع السلامة
ريما:ههههه مع السلامة

..

ريما ماتاكل ماشرب ماتنام حالتها حاله على طول تدرس وتذاكر ام ريما وابوريما متوترين واعلنوا حالة التئهب في البيت....كان بيتهم متكهرب علشان ريما والثانوية العامة ...

: : :
في بيت العم سعود
محمد يذاكر ومجتهد..ومدرس داخل ومدرس طالع.

.الساعة 3 الفجر مر نواف يبي يروح لغرفتة ولقى باب غرفة محمد مشغلة واللمبة (الليت)شغالة
دخل نواف على محمد يبي يتطمن عليه..وحصلة نايم على المكتب والكتب متبعثرة وراسة مدفون بين الاوراق ...شكله يكسر الخاطر

نواف راح للسرير وسحب وغطى فيه محمد...وطفى النور..حس ان محمد محتاج ينوم...

بعد ماذن الفجر نزل نواف وصلى بالمسجد وبعدين صعد وراح يصحي محمد وجلس يدردش معاهـ..ويشجعة على المذاكرة..

: : :
آخر يوم في الاختبارات

ريما جلست تبكي وهي تودع صديقاتها..والاوتجرافات من بنت لبنت والعالم حالتهم حالة يصيحون <ماكرها لحظة وداع الاحباب..

ريما طلعت..من باب المدرسة..وكان نواف واقف عند الباب..ريما تفاجأت وكانت ميته من الخوف مو من عوايدهـ يجي وياخذها من المدرسة..رشا واسماء ومشاعل صديقات ريما..تخبلوا على نواف واعجبهم وبس يطالعون فيه..ريما عصبت من حركتهم وهاوشتهم وركبت السيارة..وهم يضحكون عليها11111

ريما:هلا نواف خير وش فيكم؟
نواف:ههههه لا مافينا شيء..حرام اخذ زوجتي؟
ريما:يعني مافيكم شيء؟
نواف:ههههه مافينا شيء
ريما بكل هدوء اعصاب:اهـ الحمد لله
نواف:هاه وش اخبار الامتحان اليوم؟
ريما:الحمد لله.
نواف:كوييس..نبي نسبة ترفع الراس علشان مايقولون زوجتك ماجابت نسبة
ريما:ابشر ولايهمك
نواف:ريومتي وش فيه صوتك؟ واحس انك طفشانة مع انك اليوم خلصتي الاختبارات والمفروض تكوني مبسوطة
ريما لاشعورياً حطت يدهأ على وجهها وجلست تبكي
نواف خاف ارتبك توتر وقف السيارة
نواف:ريما وش فيك؟
ريما:لا بس صديقات عمري بنفترق انا وياهم!!تخيل من يوم كنا في الروضة ومن مرحلة لمرحله مع بعض..والله اعتبرهم خواتي الي ماجبتهم امي.. واحنا مع بعض!وبالاخير نفترق..
نواف:حبيبتي..تذكرين يوم صديقي يروح ويتركني ..كنتي تخففين علي..وتقولين ان الواحد لازم يشوف مسقبلة هذا اهم شيء..واللحين فيه وسائل اتصالات والنت وتقدرين تزورينهم ويزورنك وتشوفينهم..وبعدين انتي بتتزوجين وراح انسيك مو صديقاتك حتى هنوف ونوف وندى راح انسيك اياهم
ريما ابستمت له..نواف راح واشترى لها عصير
ريما:مالي نفس
نواف:ترديني؟
ريما:ماعاش من يردك..
نواف:بعدي والله..
طبعاً اعطى نواف ريما العصير وجلسوا يدردشون شوي..وبعدين وصلها بيتهم..

: : :

في الليل كانت ملكة نــــــــــدى ..جوا خوات ماجد غادة وعبير وشيخة وامه...وهند وهيفاء..وطبعاً ريما وامها..وحضروا حفلة الملكة ام نواف والعمة نورة وهنوف ونوف وامها..وحريم الجيران وقرايبهم..

طبعاً البنات اشكالهم خطيرات بس اكيد ندى راح تغطي عليهم.....ندى لابسة فستان ذهبي وفيه كريسلات لونها احمر وعنابي على الصدر ومع تحت فيه شيفونات نازلة من وراء.. ومسوية تسريحة نعومة طالع شكلها تحفة الكل تخبل عليهااااااا

ريما لابسة عنابي...كان موديله قصير من قدام وطويل مع وراء..وعلى الصدر تكسيرات ولابسة طقم الماس هدية ام نواف يوم ملكتها..وشعرها مسوية فيه تسريحة الكيرلي..شكلها ملفت للانتباهـ الكل يطالع فيها ويذكر ربة..طبعاً ام نواف بس عندها وتسولف معاهـا ومبسوطة فيها...!!

وجلست ندى على الكوشة الي كانت في الصالة..وبعدين دخل ماجد عليها كانت ترتجف من الخوف ومتوترة..ريما جلست تهديها وبعدين طلعت ...وبقى خواته وامه والجدة هياء وام ريما وجلسوا تصوير مع ندى..

ريما وهيفاء جلسوا برى بالحديقة ريما وهيفاء نزلت دمعاتهم يوم شافوا ندى على الكوشة(مو يقولون دموع الفرح؟)هذي دموع الفرح..والهنوف ونوف جالسات معاهم ويستهبلون ويتريقون على ندى..!!

وبعدين جابوا استريو كبير واشرطة وجلسوا البنات مبسوطين!!

الهنوف:بنات ابي اروح انادي امي داخل فيصل جاء..
هيفاء:لا ياشيخة تونى
ريما:جاء فيصل مافيه امل يروح
نوف:هههههه ايه هذا فيصل
الهنوف:الله يعين قلبي عليه..

نادت الهنوف العمة نورة وسلموا على الحريم وبعدين طلعوا معهم الجدة هياء وام ريما(سلمى) يودعونهم ويوصلونهم للباب.. واول مافتحت الهنوف الباب بتطلع..وكان في وجهها تركي..الهنوف على طول تغطت وطلعت..

تركي كان مبسوط انه شاف الهنوف وتولد في داخلة احاسيس اول مرة يحس فيها من شاف الهنوف..!!
وظل واقف يطالع فيها..ام ريما حست ان تركي معجب في الهنوف من نظراته وابتسامتة الي اول ماشفها..

الجدة هيا:تركي وش فيك؟
تركي:هاه مافيني شيء
الجدة هياء:اجل وراك جاي للبيت بدري؟
تركي:لا بس ابي اخذ لي اغراض نسيتهم وبطلع..
ام ريما:ياملحها الهنوف وش رايك فيها يمة؟
الجدة هياء:بنت نورة؟
ام ريما:ايه
الجدة هياء:ماشاء الله عليها ملح وادب...
ام ريما:ياحظ من تكون من نصيبة..<جلست تطالع لتركي
تركي ابتسم لها..ام ريما حست انه عارف انها تقصده

: : :

في اليوم المحدد الي تطلع فيه النسب..حقت الثانوية العامة..الصبح الساعة 6

ريما:هاه يبه ماطلعت على النت؟
ابو ريما:لا لسى
ام ريما:ان شاء الله نسبتك بتكون زينه..لانك قطعتي نفسك بالمذاكرة
ريما:يا11111رب

ندى وتركي يتصلون يتطمنون..وريما تقولهم مابعدها نزلت..

ريما على اعصابها نزلت تحت هي وامها جالسات بالصالة وكانوا متوترات
ابو ريما بصوت عالي من فوق:ريما1111111111 تعالي طلعت النسب
ريما وامها يركضون على الدرج
اول ماوصلت ريما لعند ابوها..قام وباس راسها
ابو ريما:مبروك 95%
ام ريما حضنت ريما وجلست تبكي هي وريما
ابو ريما:لاحول اللحين احنا مبسوطين وتجون وتبكون..
ريما:مانيب مصدقة الحمد لله يارب
اتصل نواف وندى وتركي وهيفاء الكل يبارك لريما

الهنوف نسبتها89%...محمد97%..عبدالرحمن94%..خالد ولد هند 92%

: : :

ام ريما قررت من بكرى تسوي حفلـــــــة نجاح كبيرة وتدعي اهلها وناسها وصديقات ريما..!!

: : :

حفلـــــة ريما كانت كبيرة...(نسائية)..وحضروا من خوال ريما (الجدة هياء..ندى..هند..هيفاء..)اما من عمامها(ام نواف..ام عبدالرحمن..نوف...العمة نورة..الهنوف...) وصديقات ريما(اسماء ..رشاء..مشاعل..)

اول ماتجمعوا الناس واكتملوا جلسوا في الصالة..وبعدين طفت الانوار....والليزر على الدرج نزلت ريما على اغنية احلام(نجحنا والله وفقنا..واخر صبرنا نلنا..) وكانت لابسة عباية التخرج وقبعة التخرج..

اول مانزلت الكل جاء وبارك لها..بالنجاح وريما كانت مبسوطة ..وبعدين قطعت ريما والهنوف وصديقاتها تورته النجاح..

بعدين شغلوا المسجل ومع الاشرطة يعني وناسة بمعنى الكلمة<طبعاً

الكل كان جايب لريما هدايا بمناسبة نجاحها..ريما كانت جالسة مع البنات وصديقاتها
اسماء: ريما وينها خالتك ام نواف؟
ريما تأشر:هذيك الي لابسة تفاحي..!!
مشاعل:ماشاء الله ياحلوها..تصدقين ماكأن لها ولد يبي يتزوج
هيفاء:انتي مثلي انا تفاجأت لما شفتها ..كأنها اصغر من ريما ههههههه
رشاء:ههههههههههههههههه صادقة
ريما:عز الله ياحبكم للشر انتي وياها..ا
ندى:ايه ماشاء الله ام نواف تزوجت وهي صغيرة ولاتنسين اناقتها وشياكتها يعني مررة مصغرتها...!!
رشاء:والله حركات ريما خالتك خطيرة راح تنافسك على الكشخة..وانا اقول نواف طالع حلو لمين
ريما:وجع رشوووهـ..لاتكلمين على نواف..
الهنوف:بدء شغل الغيره هههههههههه
رشاء:خلاص ولاتزعلين..وش ذاك النواف ياربي لك الحمد طويل وابيض ومملوح وع هههههههه
ريما قامت :رشاء ترى قمت عليك ياويلك مني..تسبين نواف قدامي ياوسيعة الوجهه
ندى:هههههههههههه
رشاء:والله ابتلشت فيك ياحرم نواف..خلاص الشرهه علي الي جالسة اتكلم عنك وعن مستر نواف
أسماء:عاد كل شيء ولانواف ..هذا الموضوع حظر..مايتكلم فيه
هيفاء:حتى احنا نواف ونواف كأن مافيه بالوجود غير نواف
نوف:ههههههههه حلوة هذي
ندى:الله يعينه عليك ياريما انتي وغيرتك
رشاء: بيني وبينك ياندى لازم تغار على ذاك المزيون
ريما:رشااااااااااااااااااااااااااا وجع انتي مالي الا ازوجك علشان افتك منك
رشاء:على يدك تكفين
ندى:ههههههههههه والله انكم مرجوجات
مشاعل:ترى كذا كل يوم بالمدرسة اذا حبينا نعصب ريما نتغزل بنواف ..تولع هههههههه
اسماء:ابي اروح ارتز قدام خالتك ياريما ..يمكن تخطبني لولدها الثاني..وش اسمه
ندى:محمد صح؟
الهنوف:ايه اسمه محمد
اسماء:ياعيني اسماء ومحمد لايقين على بعض صح؟
مشاعل:ههههههههههههههههه خبلا..الله يعين ريما الي بتصيرين حماتها
الهنوف: انا اقول وش فيها البنيه حالتها حالة اذا جت خالتي ام نواف..طلعتي موب هينه مخططة على ولدها يالدبا
هيفاء:افا111 يااسماء طلعتي مرتبة كل شيء..!!وراح تصيرين حمات بنت خالتي..خوش والله ..والله يعين ام نواف عليكم
رشاء:ههههههههه اي صادقة شكلكم بتجننونها...!!
اسماء:خلاص من اللحين قلت لكم محجوز ياريما ولد عمك
رشاء:والله لو هو علبة حلاو محجووز

نوف تضايقت من كلام اسماء وقامت عن جلستهم ..وراحت وجلست عند الحريم الكبار
ريما حست فيها..قامت ريما عندها
ريما:نوف ترى اسماء ماتقصد..كل يوم كذا كلامها يعني تخربط
نوف: لا انا ماقمت علشان اسماء انا بس كذا قمت..طفشت وقلت خليني اسمع سواليف الحريم الكبار..
ريما:يعني مو زعلانه علشان محمد؟
نوف:وش دخلني بمحمد؟يعني ولد عمي مثل ماهو ولد عمك
ريما:لاتكابرين..انا والهنوف كاشفاتك ونعرف انك مو بس تحبينه الا تموتين على محمد..وهو بعد يبادلك نفس الشعور
نوف:وش عرفك؟
ريما:اللبيب بالاشارة يفهم..يالله قومي معاي عند البنات نبي ننبسط..
قامت نوف مع ريما ..ورجعوا عند البنات..

ندى:الهنوف خلينا نجيب العصير للحريم الكابر...فشة ماقدمنا لهم شيء
الهنوف:يالله ...ولاتنسين الصبايا
راحوا البنات يجيبون العصيرات..ويدرون فيهم على الحريم

الهنوف ومعاها العصيرات واقفة عند هند والجدة هياء..
الجدة هياء:هذي بنتك يانورة؟
نورة:ايه الهنوف
الجدة هياء:ماشاء الله لااله الا الله..قمر
الهنوف وجهها صاير احمر من الحياء..
هند: نورة والله بنتك تجنن ماشاء الله..كبرت..اخبرها وهي صغيرونه..
الهنوف ميته خلاص (كله منك ياندى يادبى تقولين قومي ندور بالعصير شوفي وش صار..!!)

الساعة 11 ونص باليل..راحوا صديقات ريما ..ريما كانت جالسة عند خالتها ام نواف يتكلمون مع بعض ..وهيفاء وندى والهنوف ونوف يتريقون على ريما..رن جرس الباب.راحوا الخدمات يفتحون..وبعدين رجعوا وكـــــانوا شايلات معهم صندوق كبير لونه احمر وابيض يالله يشيلونه الخدامات ثقيل بالمرة...

ريما قامت تفتح الصندوق..كان فيه دبدوب لونه بنـــــــــي كبيررررررررر بالحيل ماسك في يده اليمنى بوكية ورد كبيررر جوري وفي يدهـ اليسرى ماسك بوكس كبير..ريما فتحت البوكس الكبير كان فيه طقم من الماس عبارة عن عقد(قلادة)دوائر ملتفة على بعض..وبعدين كأن فيه الماسة نازلة مكتوب عليها(ريما) من الماس وحلق على شكل دوائر ملتفة على بعضها الماس.. وفيه بطاقة حلوة بالاحمر مكتوب فيها

حبيبتي ريما..

الف مبروك النجاح..

مع اطيب التمنيات لك بالتوفيق..

نواف..

: : :

الكل تخبل على الطقم..والبوكية كان انيق مرتب..

هند:والله ذوق هالولد ماشاء الله عليه
الجدة هياء:مبروك يابنيتي ياريما
ريما:الله يبارك فيك
ام نواف:والله ان ريما تستاهل اكثر من كذا..وماسوينا اي شيء يستاهل..
ام ريما:لا والله يام نواف.ايش ماسويتوا..الله يعطيه العافية نواف..والله يوفقهم ان شاء الله
العمة نورة:نواف ولد طيب وخلوق..وريما تستاهل كل خير..
ام عبدالرحمن:الله يوفقكم ياريما..!!
ريما استحت من كلام الحريم ..وراحت للبنات

ندى:والله خطير ولد عمك
الهنوف:يا111111ي ريموة تكفين اعطيني الدب..هدية نجاحي!!
ريما:هاهاي كثري منها..مابقى الا هي اعطيك دبدوب ومن نواف بعد..سوري..اطلبي أي شيء غير الي من نواف..
هيفاء:تصدقين عاد والله نواف عندهـ ذوق شوفي الطقم كيف صاير شكلة..ماشاء الله من حظك زوجك ذويق.
نوف:لا لوتشوفين بعد ياهيفاء اناقتة يعني هو الوحيد من الشباب الي تحسين انه نظيف ومرتب..ديام هندامة روعه!!
ريما:يالبى قلبه..ابي اروح اتصل عليه
ندى:تونى..بعدنا ماراحنا يالدبا
الهنوف:اخري الاتصالات شوي..اشتقتي؟
نوف:جاملينا على الاقل اجلسي معنا شوي..
ريما:يمة اكلتوني..
هيفاء:هههههههه تستاهلين تروحين وتكلمين حبيب القلب واحنا جالسين نتفرج..
الهنوف:هههههه أيه صادقة هيفاء
ريما جلست:وهذي جلسه..آمروني بعد..
نوف:خليك كذا دايم مطيعة
ندى:ههههههه

والساعة 1باليل..راحوا الناس..وكلمت ريما نواف تتشكرهـ على الهدايا..

: : :

بعد يومين..

ريما تجهز شنطتها حقت السفر..بتروح مع اهلها تجهز لزواجها لانه قرب..ابو ريما قرر تكون السفرة طويلة لانه آخر سفرة بتكون مع ريما قبل زواجها..وسافروا لماليزيا..

ريما قصت شعرها شلال صاير شكله روعة وكثير..وعملت حمامات زيت وماسكات لشعرها وبشرتها ..وكريمات ومرطبات..ومساجات وتدلييك..(تعرفون الماليزيات معروفات بالحركات هذي)

ريما:وش رايكم بشعري؟
ام ريما:يالله مرة حلوه قصة شعرك
ريما:ايه انا اعجبتني قد مررة شفتها في التلفزيون ونويت اقصها
ابو ريما:اللحين بنروح نتعشى بمطعم ماليزي
ريما:يا11111ي احب اجرب اكلات الدول الثانية
ام ريما:بس انتبهي لنفسك لا تسمنين هههه
ريما:ههههههه لاتوصين حريص
ابو ريما:لا يايبه انت كلي وانبسطي..بلا رجيم بلا هم
ريما:لا يبه لازم لزوم الاناقة..
ام ريما:صادقة لازم تنتبه لحالها..

تعشوا وانبسطوا..ريما يومياً بالاسواق والمحلات..واشترت اشياء كثيرة ..وجلسوا حوالي اسبوع فيها..كلهم انبسطوا فيها من جزيرة لجزيرة والمناظر الطبيبعة والأماكن النظيفة..والبحيرات والمسابح...!!

ابو ريما:طفشتوا من ماليزيا؟
ام ريما:لا والله تهبل
ريما:والله كثير مدحوها لي..بس ماتوقعتها كذا روعة الطبيعة..والناس يهبلون نظيفين
ابو ريما:ترى الماليزين معروفين عند جميع الشعوب بالنظافة وحب العمل..!!ايه على فكرة انا مسوي لكم مفاجأة
ريما:ايش هي المفاجأة تكفى يبه..؟
ام ريما:الله يهداك يافهد .... اللحين بتنشب في حلقك لما تقولها
ابو ريما:بس ماتصير مفاجأة اذا قلتها
ريما:يبه تكفى ياقلبي يبهــ ايش هي؟
ابو ريما:نفسكم تشوفون برج ايفل؟ونكرر رحلتنا الي قبل
ريما:الله يايبه..صدق؟يعني نروح لفرنسا؟
ام ريما:والله انا نفسي اجلس في ماليزيا..
ريما:لا يمة تكفين نبي نروح..ابي اتسوق واشتري
ام ريما:هههههه ايه علشان الزواج؟
ريما استحت
ابو ريما حس في ريما:على العموم انا معاي التذاكر وبكرى بالليل ان شاء الله نكون في وسط فرنسا..
ريما قمزت من مكانها:ياعيني عليك يابو ريما ..راحت وباست راسه..
ابو ريما:ههههه لو انا داري انك بتنبسطين كان رايحين فرنسا من زما1111ن
ام ريما:هههههههههههههههه

: : :
راحوا لفرنسا..ريما من محل لمحل ومن مصمم لمصمم...اشترت اشياء كثيييييييييييررررررر وكل شيء احلى من الثاني..من فساتين بنطالونات وتنانير وبلايز وتيشرتات وصنادل(وانتوا بكرامة)وشنط وعطورات..

وراحت لمحلات التجميل وعملت ماسك لبشرتها ..وبديكير ومنيكير..

وفي احد محلات المصممين العالميين..ريما اعجبها فستان للزواج ستايله هندي وفيه اشياء تلمع وطرحته كانت طويله وفيها دانتيل وتل الي فيه لمعة الفستان والطرحة غاية في الفخامة...ريما جربت الفستان وطلع عليها روعة راكز على جسمها وكأنه مفصل لها..

انبسطوا كثير في الرحلة..وبعد مرور اسبوعين..رجعوا للرياض ...!!

: : :

طبعاً زواج ريما ونواف كان موعدهـ قريب بعد اسبوع بالتمام والكمــــــا11111ل.الكل كان مشغول وريما اكثر وحدة مرتبكة وخايفة ..

: : :

: : :

بكـــــــرى زواج ريمـــــــا.....

ندى نامت هي وهيفاء عند ريما..ريما كانت متوترة وخايفة..!!وام ريما كل ماشافت ريما تبكي ..

ندى:الله ياريما بكرة بتصيرين عروس
هيفاء:والله وكبرنا ياريموة
ريما:بنات مو مصدقة بكرى راح اكون انا ونواف في بيت واحد!!مانيب مصدقه اني راح اترك امي وابوي..خايفة موت
ندى:كلنا على هالطريق بنتزوج وبنترك اهلنا..بس لاتكبرين الموضوع انتي ..
هيفاء:انا صديقتي تزوجت وكانت بس تبكي وخايفة ..وبعد شهر من زواجها كلمتها تقول والله اني اضحك على نفسيعلى كثر البكاء الي بكيته يعني هونيها وتهون..
ندى:وانتي موب رايحة لناس غريبين والي بتاخينه نواف ولد عمك
ريما:بس ولو ..طيب اذا صرتوا عرايس راح تحسون بالي انا فيه
الهنوف ونوف يتصلون على ريما ويهدونها...

الهنوف:حبيبتي ريومة..بكرى عرسك الله يالدنيا..عساك مسترخية؟
ريما:وين الناس والرخاء..احس ان اعصابي مشدودة..
الهنوف:لا انتبهي..خليك ريلاكس..بكرى بتتزوجين يعني وش فيها
ريما:ههههههههه الا فيها يالخبلا بكرى زواجي

ندى:لولولولييييييش شفنا ريما تضحك
هيفاء:الف شكر يالهنوف على انك ضحكتيها
ريما:ايه صادقات البنات..ترى اول مرة اضحك اليوم ..
الهنوف:زين والله..الا تعالي مو عاد تنسينا11 اذا تزوجتي ورجعتي من شهر العسل مو يكبر راسك علينا فاهمة ولالا؟
ريما:ههههههه طيب من عيوني
الهنوف:اسمعي اللحين روحي للحمام (وانتوا بكرامة)وعبي البانيو مويا وحطي زيوت معطرة واسترخي فيها...لايكدر خاطرك شيء..كلنا معاك...ونامي بدري..علشان بشرتك ماتتعب..
ريما:اوكي يالغالية..
الهنوف:مع السلامة
ريما:مع السلامة

: : :
هيفاء: ريما وش شعورك في اللحظة هذي؟ وباقي اقل من 24 ساعة وتدخلين القفص الذهبي؟
ريما:كل شي اشعر فيه..يعني خوف وحزن وارتباك وفرح وتوتر و و و و
ندى:ياسلام بكرى بتسافرين شهر العسل..وين؟
ريما:يقول ابوي ان عمي قاله لايطاليا
هيفاء:حركا11111ت..تكفين اخذيني معاك
ندى:وانا بعد..نصير انا وهيفاء..باحد شناطك واشحنينا ومافيه احد راح يحس فينا؟هاه وش قلتي
ريما:هههه والله انكم خبول..خلاص ابشروا..والفندق بعد تبون انام معكم ولا مع نواف؟انتم آمروني
هيفاء:لامانصبر عنك..اكيد تنامين عندنا
ندى:لافشلة توها عروس ونخفطها من زوجها..لانخليها تسهر معانا وبعدين تروح لزوجها
ريما:ههههههههه ياحليلكم..

ام ريما جابت العشاء للبنات فوق بالصالة
ريما:مالي نفس
ام ريما:وش مالك نفس..ماكلتي شي من امس قومي كولي اي شيء
ندى:يالله ريما مايصلح الي تسوينه في نفسك..
هيفاء:والله راح تتعبين..قومي
ام ريما:ان ماجيتي واكلتي راح اقوم واكلك غصبن عليك
ريما:طيب..
جلست ريما على السفرة بس ماكلت شيء..قامت هيفاء وندى بالغصب اكلوها

ندى:ريما اقري قرآن احس انك اليوم مانتــــــيـب على بعضك..
هيفاء:ايه علشان يريحك قومي اقري
اخذت ريما قرآن وقرته..
ريما ماغمضت عيونها ابد مانامت ..كانت دايمة التفكير قلقانه بشكل فظيع ..!!

يوم زفاف ريمـــــــا..

كان الزواج في قاعة ال فور سيزون في برج المملكة..
ريما عند الكوافيرة جايتها للقاعة..سوت لها ميكياج روعة!!وتسريحة شعر رفعت شعرها ونزلت خصلات شعر على الجنب ومع وراء كان مبروم وحاطة على شعرها وردهـ لونها ابيض..شكلها مرررررررررررة يجنن

جت الهنوف ونوف عند ريما..
الهنوف:ماشاء الله قمر ريمووش
ريما اول ماشافت الهنوف كان ودها تبكي..
الهنوف حست فيها حضنتها بقوة..
ندى:لاحول ولاقوة الابالله ..قلبتوها فيلم هندي؟
نوف:ياعيني ياريما..تصدقين نواف راح يتخبل عليييييييك..
هيفاء:من قدهـ نواف الليله ريما عندهـ

دخلت ام ريما على البنات..
ام ريما:يارض احفظي ماعليك ..
ريما مرتبكة انامل يدها ترتجف وباردة
ريما:يمة حلوهـ التسريحة؟
ام ريما:ايه تهبل..صديقاتك جو..يبون يسلمون عليك

دخلوا رشاء واسماء ومشاعل..وريما اول ماشافتهم جلست تبكي..
ندى:ريمااا وبعدين اللحين يخترب الميك آب..
ريما ترتجف

جت ام ريما..يالله ريمي تجهزي اللحين الزفة..
جت ندى عند ريما
ريما:ندى وربي خايفة ماقدر اطلع ..خلاص غيرت رايي مابي اطلع
ندى:على مزاجك..ريما يالله حبيبتي توكلي على الله واطلعي..
رشا:يالله الناس كلها تتنظرك..ريوم
الهنوف:قولي بسم الله..و اطلعي عليهم
مشاعل:لاتخافين كلنا معاك

: : :
أول ماطلعت ريما للناس..
القاعة ظلام..ومافيه غير كوبس على ريما والقاعة كلها شمووع!!يعني جو رهيب

..كان قبلها تمشي مها الصغيرونة لابسة فستان فوشي ومع وراء فيه جناحات الفراشة< على شكل فراشة ومعاها شمعة كبيرة لونها ابيض ونازل منها شرايط باللون الابيض والفوشي ومعها عبودي اخو الهنوف ماسكه يدهـ لابس ثوب وبشت اسود وشماغ وعقال وماسك شمعة بيضاء مثل حقت مها ونازل من عندها شرايط فوشي وابيض

القاعة كانت مليانه شموع لونها ابيــــض وفوشي
ريما اول ماطلعت كانت تمشي على موسيقى(التايتــــنك) وراها بالونات من الصابون شكله حلو... وندى وهيفاء والهنوف ونوف وراها يمشون ومعاهم سلات ورد..يرمون الورد على ريما..وهي تمر من بين الحريم كلهم يذكرون الله كانت تهبل تجنن رووووعة قمر كل شيء اقدر اقوله يعني فعلاً عروس

وصلت ريما للكوشة ..

الكوشة كلها اقمشة حرير ابيض وفوشي..ونازل من فوق فلينات على شكل فراشات الكوشة مليانه ورد لونه فوشي وابيض..الحريم تخبلوا على ريما مع زينها ونعومتها وفستانها..كانت فراشة القاعة

بعدين كانت تشتغل اغنية محمد عبدهـ ياماشاء الله عليه...
ياماشاء الله عليه كل جمال الكون فيه..كل من شافك يقولك ياماشاء الله عليه..
لو فيه مثلك كثير الدنياء صارت بخير..صدقني وبكل صراحة.في كل شيء انت غير!!

ياماشاء الله عليه كل جمــــــــال الكون فيه..
رقة وجمال وحلا..ابهرت كل المـــــلا..تسكن القلب بسهولة تسرق بلحظة الغرام..

ياما شاء الله عليك
ياكثر من يعشقونك ودهم بس يوصلونك..على نفسك اذكر الله..علشان مايحسدونك..

حطوا بروجكتر فيه صور ريما يوم كانت صغيرة وبعدين لما دخلت المدرسة وتعددت الصور لما وصلت يوم تخرجها من ثالث ثانوي وكانت لابسة عباية التخرج..وبالاخير صورتها مع نواف يوم كانوا صغار ..وصورتها مع نواف يوم الملكة..وبعدين حطوا عليها الكميراء وطلعت صورتها في البروجكتر داخل قلب والقلب الثاني حطوا كميراء عند البوابه ودخل نواف على الحريم ...

دخل نواف مع ابوهـ وابو ريما وخالها تركي..

نواف لابس البشت الاسود مع الغترة..البنات انجنوا عليييييييه...جاء للكوشة وشاف ريما..قلبه بدء يدق مو مصدق هذي ريما مع حلاوتها احلوت زيادة..باس راسها..وجلس جنبها طبعاً امها وابوها وعمها وام نواف وعمتها نورة الكل جاء يسلم على نواف وريما

رشا:ياربي وش هالانسان يجنن ياناس
اسماء: أي والله يالله طويل يهبل
مشاعل كانت تبكي:ياحياتي ياريما مو مصدقة انها بتتزوج
رشا:أي والله..مانقدر نقول غير الله يوفقها ويسعدها...
اسماء:آمين..

الهنوف ونوف جلسوا يبكون لما دخل نواف على ريما..
هيفاء:وش فيكم بنات..!!
الهنوف:خلاص ريما راح تروح وتتركنا
نوف:يالله مانيب مستوعبه ان ريما ماراح تكون معانا..
هيفاء:ادعو لها بالتوفيق..
ندى:بنات لاتبكون طالعوا ريما..شكلها يجنن
هيفاء:أي ماشاء الله عليها قمر
نوف:ياحياتي والله ياريوم
هيفاء:ياناس نواف ماتوقعته كذا حلو..قد مرة شفت صور له عند ريما..بس بالطبيعة شيء ثاني
الهنوف:سبحان الله لايقين على بعض..اشكالهم تهبل
نوف:ماشاء الله
ندى:وش رايك الهنوف في تركي؟
الهنوف:مملوح بشكل..!!

الجدة هياء طول الوقت تبكي..!!

ام ريما ماسكة اعصابها..ماكان ودها تبكي قدام ريما علشان ماترتبك بنتها لما تشوف دموع امها..هي تعرف ان اصعب شي على ريما دموع امها..

نوف نزلت دموعها..طلعت برى القاعة وقفت عند الباب وجلست تبكي..تتذكر يوم ريما تصارحهم بأنها تحب نواف واللحين جالسة جنبه..!!..الله يوم كنا صغار ريما كانت دايماً تلعب كنها عروس واللحين هي عروس بحق وحقيقة!!الله يادنياء..نوف نزلت دموعها.. محمد كان واقف عند الباب يبغى امه..وشاف نوف

محمد انصدم يوم شاف نوف تبكي..عورهـ قلبه..كل ذا الزين وتبكي...ودموع نوف غاليه

محمد بصوت عالي:نوف وش فيك؟
نوف يوم شافته وقفت ولاتدري وش تسوي ..على طول راحت وتركته..كان مامعاها شيء تتغطى عنه
محمد ارتبك..

بعدين نادى وحدة في الاستقبال..فلبينيه..وطلب منها تنادي نوف الي من شوي واقفه
راحت ونادتها..وعرفت نوف ان محمد يبيها

جت نوف عند محمد وكان معاها طرحة وتغطت
نوف:خير محمد؟
محمد:وش فيك تبكين من شوي؟
نوف غصبن عليها بكت يوم قالها
محمد:وش فيك تكفين..خوفتيني!!
نوف:لامافيه شي
محمد:ترى انا ماحب اشوف دموعك انتي بالذات يانوف..وش فيك
نوف:ريما..ريما يامحمد تزوجت..!!وتركتنا انا والهنوف مانصلح بدونها..
محمد:الحمد لله احسب فيكم شيء..نوف كذا حال الدنياء..وبعدين ريما ماراح تروح بعيد يعني عند ولد عمها..وكل ماتجمعتوا راح تكون معاكم..وقريب ان شاء الله راح تكوني قريبة منها أكثر من أول..!!
نوف بكل تعجب:نعـــــم؟
محمد:يالله انا بطلع قولي لأمي اذا تبي ترجع تتصل علي..!!
نوف:ان شاء الله..

بعدين قاموا نواف وريما وطلعوا عن القاعة الي فيها الحريم..والبنات ندى وهيفاء وهنوف ونوف طلعوا معهم..وام نواف وام ريما والعمة نورة وام عبدالرحمن الكل طلع وياهم..بعدين جابوا تورته 7 طوابق فيها صورة نواف وريما في ملكتهم..وقطعوها مع بعض..والمصورة بس تصور ريما ونواف..البنات دخلوا للحريم بعد ماودعوا ريما1111...
المصورة طلبت من نواف يوقف وراء ريما ويمسك خصرها ..
ريما استحت وارتبكت..نواف ماكذب خبر مسكها..ريما عيونها في الارض وكانت تتمنى ان الارض تنشق وتبلعها..ماتقدر تقول مابي اصور ولاتدري وش تسوي..استسلمت للأمر الواقع..وصورت..وطبعاً المصورة صورتهم كثيررررررررر صور..وبعدها طلعوا ريما ونواف للسيارة

كان فيصل الي يسوق السيارة وركبت معاهم ام ريما بنفس السيارة..وفي السيارة الثانية مع السواق كانت العمة نورة وام نواف..

نواف وريما راحوا للبيت (بيت ابو نواف)كان مسوي قسم كبير لنواف وريما غرفة نوم وصالة كبيرة ومطبخ ومجلس <كل هذا في قسم ريما ونواف.. هم بيسكنون مؤقتاً لما يجهز البيت حقهم لان نواف بما انه مهندس صمم لهم بيت قريب من بيت ابوه وكان على وشك انه يخلصـ...

وصلوا المعاريس للبيت......دخلت ريما وجلست ويا نواف طبعاً ام ريما ماسكة نفسها شوي وتبكي..كانت مبسوطة انها شافت ريما عروس وكبرت والحين جالسة جنب زوجها..باركوا لهم وطلعوا ..ريما كانت متوترة وخايفة..كانت مستحية من نواف بشكل وماكأنه نواف ولد عمها الي دايماً تكلمة..كأنه واحد غريب اول مرة تشوفة..

غرفة النوم كانت روعة..عبارة عن لونين ليموني على اصفر مع البني الفاتح ..الغرفة كانت من الخشب وارقى انواع الخشب السنديان..كانت كبيرة وروعة شكلها..!!

كانت الغرفة مليانه ورد وكان نوعه (جوري) نواف اختارة علشان ريما تحب هذا النوع..وريحة البخــــور ماليه الغرفة !!

ريما بكامل اناقتها وفستانها الابيض جالسة على الكراسي..ونواف جنبها..
نواف:الف مبروك ياعروس
ريما بصوت متقطع من الخجل: الله يبـ ــ ارك فيـ ـــ ك
نواف:مانيب مصدق الريم قدامي..الله يقدرني واسعدك ..
ريما عيونه في الارض...كانت خجلانه وترتجف من الحياء..نواف بيدهـ رفع راس ريما
نواف:بتحرمني شوفت عيونك هالليله بالذات؟
ريما ارتبتكت وحست بخوف وحياء..
نواف:يالله ياريما الليله احلى ليله الي جمعتني في قمراي..انتي قمراي..
ريما وجهها اصتبغ باللون الاحمر من الحياء...
ريما:نواف وين الحمام؟ ابغى ابدل ملابسي
نواف:تلاقينه على اليمين..

ريما بدلت ملابسها..كان شكل الغرفة كيووووت شموع ورد يعني غرفة معاريس<هع
نواف:حبيبتي ترى بكرى ان شاء الله بنسافر ايطاليا..
ريما :ان شاء الله..أي وقت؟
نواف:خليك جاهزة علىً الساعه 11 الصبح..
ريما:ان شاء الله..
نواف:انا بروح ابدل ملابسي..!!

ريما جلست تطالع في الغرفة كان شكلها روعة..الالوان متناسقة..وغرفة النوم فخمة..والورد والانارة..كلها روعة!!
طلع نواف من الحمام وجلس يطالع في ريما..طاحت عيونه في عيونها..ابتسم لها هي انحرجت ودنقت راسها في الارض..

: : :

ام ريما طول الوقت وهي تبكي..والناس يهدونها..
العمة نورة:احمدي ربك الي شفتي بنتك عروس.. وش يبكيك..المفروض تفرحين؟
ام ريما:الحمد لله والشكر انا فرحانه..بس صعب علي فراق بنتي الوحيدة..
الجدة هياء:يابنت الحلال ادعي لها ان ربي يسعدها..ومافيه داعي هالدموع احنا بفرح يابنتي
ام ريما:مين راح يملي علينا البيت انا وابوها؟ والله يوم راحت للشرقيه تضايقنا ....واللحين بتروح وتتركنا..
العمة نورة:اشتغفري ربك ياسلمى وش هالكلام ريما راحت لبيت زوجها..وكل بنت في الاخير راح تروح لزوجها وتشوف مستقبلها..وش هالكلام ؟

ندى اول ماشافت اختها سلمى تبكي..راح وحضنتها وجلست تبكي
ندى:راحت الريم لزوجها ياسلمى
ام ريما حضنت ندى وجلست تبكي بحرارة..
هند:لاحول ولاقوة الا يالله قوموا مسحوا دموعكم..البنت اللحين مبسوطة مع زوجها وانتم جالسين تبكون عايها...لاتفاولون على البنيه..وبعدين يام ريما ..ريما عندك في الرياض ومتى مااشتقتي لها راح تجيك وتزورك لاتكبرين الموضوع وهو صغير
الهنوف وهيفاء..ماسكات اعصابهم يشوفون منظر ام ريما كان يقطع القلب..فرحانه علشان بنتها..وحزينه لفراقها..

: : :

ابو ريما كان مبسوط وبنفس الوقت حزين..والي لاحظ عليه اخوهـ طلال بعد ماراحوا الرجال وبقى هو وطلال..

طلال:وش فيك يابو ريما متضايق؟ باين عليك وانا اخوك؟
ابو ريما:ماقدر ادخل البيت وريما موب موجودة..ماتخيل البيت بدونها ومن دون صوتها هي الي ماليه علي حياتي هي الي...آهـ يابو عبدالرحمن مدري وش اقولك..اللحين انا وسلمى بنتقابل لاانيس ولا ونيس..!!اللحين برجع البيت وماراح القاها في غرفتها..الله يصبرني..
طلال:بنتك تزوجت وكبرت وهذا شيء لازم تنبسط علشانه..يوم السعد لما الواحد يشوف عياله كبروا وتزوجوا واستقلوا..ومتى ماتبيها تجيك راح تجيك يافهد اللحين ادعي لها بالتوفيق
ابو ريما:الله يوفقهم ..

: :

: : :
انبسطوا كثير في روما..وجلسوا فيها حوالي اسبوع كامل..!!
نواف:بكرى ان شاء الله جهزي الاغراض نبي نروح لفينسيا
ريما:يا111111ي فنيسيا ..بلدة العشاق
نواف:الي مثلك ومثلي!!
ريما:ههههههه
: : :
في السعوديــــــة..وفي بيت العمة نورة..كان الكل متجمع..
الهنوف:ياربي تصدقون فقدنا ريما
ام ريما:ماتفقدين غالي..والله حتى انا الاسبوع مدري كيف طاف..يعني احس انه يالله يمضي
ام نواف:يعني وين بتروح هذي هي عندك في الرياض ومتى ماتبينها بس اتصلي عليها وبتجيك
العمة نورة:والله انها صادقة..
نوف قامت من المجلس كان عبودي الصغير اخو الهنوف يناديها..
نوف طلعت
عبودي:نوف محمد يبيك
نوف:وش تقول؟ من قالك؟
عبودي:هو محمد بنفثه(بنفسه)
نوف:وش يبي؟
عبودي:مادلي(مادري)بس يبيك تدلعين بلى (تطلعين برى)
نوف:مانيب طالعة ..قله وش يبي
عبودي:تيب(طيب)
طلع عبودي لمحمد الي كان واقف برى الباب بالحوش يستنى نوف..
نوف دخلت المجلس ونادت الهنوف..
الهنوف:خير؟
نوف جلست تقولها السالفة
الهنوف:انهبل هذا..والله انه فاصخ الحياء
نوف:ههههههههههه حلوة هذي فاصخ..كلام عجايز
الهنوف:لاتدققين..تعالي انتي..بتروحين له؟
نوف:طبعاً لا
الهنوف: ايه احسن لاتطلعين له خليه ينقهر
نوف:هههههههه طيب
جاء عبودي
نوف:هاه وش يبي
عبودي:يدول لي يبي يكلمك ذلولي(يقول يبي يكلمك ضروري)
نوف:قله تقول نوف ماتقدر تطلع لك
عبودي:يالبي طفستوني انتي ومحمد حلام عليكم تعبت(ياربي طفشتوني انتي ومحمد حرام عليكم)
الهنوف:وجع آخر زمن بزارين ياطول لسانهم..روح وقوله الي قالت لك نوف
عبودي:تيب
نوف:ياحياتي
الهنوف:وجع منهو؟
نوف:ههههههههه عبودي
الهنوف:اشوى حسبالي محمد
نوف:والله لو انا
الهنوف: كمليها..خبلا..ههههههههه
نوف:اقول انطمي بس
جاء عبودي وكان معاهـ كيس كبير لونه احمر<لون الحب خطير
عبودي:خودي هدا من محمد يدولي اعطيه نوف (خوذي هذا من محمد يقولي اعطيه محمد)
فتحته ولقت فيه (ايشارب لونه تركواز وفيه ترتر نعوم شكله..وعلبه خشب مغلفة فتحتها..وكان فيها عطر رايق من إيستيه لودر..وبطاقة مكتوب فيها
كل سنه وانتي سالمة
وعقبال 100 سنه
محمد..
الهنوف:افا11111111 وش السالفة
نوف:يالله اليوم ذكرى ميلادي بس وش عرفة؟
الهنوف:ومن الحب ماقتل
نوف:لا صدق كيف عرف ان اليوم ذكرى ميلادي..
الهنوف:انا وانا معاك وكل يوم وياك مادريت ان اليوم ذكرى ميلادك..
نوف:والله غريبة..!!
الهنوف:هيه اتركينا كيف عرف ومين قاله..اللحين وش بتسوي بالهديه بتاخذينها؟
نوف:والله مدري..ماقدر لو بتشوفها امي بتذبحني لو عرفت انها من محمد
الهنوف:سهلة قولي لها انها مني!!
نوف:والله كويس..
: : :
نواف وريما كانوا في المطار يبون يروحون لفينيساء..
ركبوا الطيارة..
وكان بالمقعد الي قدامهم بنوتة تهبل صغيرة عمرها حدود ال4 سنوات بس تنط على المقعد وتطالع في نواف وريما
ريما خلاص تخبلت على البنيه..
ريما:نواف طالع البنوتة تهبل يالبى قلبها..
نواف:ماشاء الله روعة...
ريما فتحت شنطتها وكان معاها علبت شاكلت صغيرة قامت المقعد وباست البنوتة واعطتها الشاكلت..
نواف:شكلك تحبين الاطفال؟
ريما:اموت عليهم..
نواف:ياسلام اكثر مني؟
ريما:ههههههه تغار؟
نواف:ايه اغار انتي لي انا ماتحبين ولا تموتين الا علي فاهمة!!
ريما:ههههههه حتى البزراين.؟د
نواف:هههه ايه حتى البزارين ليش هماهم آدميين!!
ريما:حرام عليك بزارين..
نواف:واذا كان بزراين
البنوتة مرة ثانية نطت على وراء..
البنوتة:ثانكس
ريما:ولكم..وتس يور نيم<عجزانه تكتب انجليزي
البنوته:ميمي
ريما:وير آر يو فروم؟
البنوتة:ليبنون!!
ريما:واو ليبنون ..كان يو سبيك اربيك؟
البنوتة:يس ..انا اعرف اتكلم عربي كتير
ريما:كويس
البنوتة:شو اسمك؟
ريما:انا اسمي ريما
البنوتة:هيئتك من السعودية؟
ريما:ايوة كيف عرفتي يامورة؟
البنوتة:حجابك
ريما:انتي عايشة بإيطاليا؟
البنوتة:ايه انا عايشة هون من كنت صغيرة
نواف:من كبرك اللحين
ريما ضربت يده:ههههههههه
البنوتة:كيف؟شو بتقول؟
نواف:ابد سلامتك
البنوتة:انت خيه؟
نواف:لا جوزا<زوجها
البنوتة:يه..كنت ظن انكم اخوات
نواف:لازوجتي واموت فيها
ريما ضربت يدهـ
نواف:ياسلام ابي عيالي اذا جو يصيرون مثل كلامها..ماشاء الله سوالفها اكبر منها
ريما سكتت
نواف:ايه وابيهم مثل امهم مزين
ريما:تو الناس
نواف: ليش تو الناس..ابي املي البيت بزارين..ابي 5بنات و5عيال
ريما:اوووف كل هذولا 10 يالظالم..وش بقيت للناس
نواف:ههههههههههههههه
ريما:والله اضحك بعد
نواف زادت ضحكاته..لدرجة ان الناس لاحظوا عليه..
: : :
وصلوا فينيساء..وراحوا لفندق راقي يطل على شاطئ البحر..
ريما:نواف نبي غرفة ماتطل على البحر
نواف:نعم؟
ريما:الي سمعته
نواف:غريبة ليش؟اخبر انك تحبين منظر الغروب والشروق
ريما:لا عيوني علشان تشوف هالحريم الي على الشاطئ الايطاليات
نواف:اهاااااااا..ياعيني على الغيرة..اجل مو بس انا اغار
ريما:هههههههههه..امزح
نواف:يعني ماتغارين ؟
ريما:اكيد اغار..بس انا واثقة
نواف:واثق الخطوة يمشي ملكاً
ريما:هههه شفت كيف..
ناموا ريما ونواف بعد تعب الطيارة..
ريما صحت قبل نواف..وكان فيه سوبر ماركت نزلت واشترت الاغراض الي تبيها..
وكانت جايبه معاها قهوة عربية<مدمنة قهوة
وبعدين صلحت قهوة عربية ومعاهـ حلا..
نواف صحى من النوم لما شم ريحة القهوة وقف عند باب الغرفة وكان شعره محتاس وبيجامته لونها اسود ورصاصي البنطلون مرتفع في ساق والساق الثانية نازل<قايم نوم
نواف:ريما انا اشم ريحة قهوة مدري يمكن جايب معاي الريحة في الحلم؟
ريما:ههههههههه ليش كنت تحلم فيها
نواف: اي والله حتى بالاحلام من زمان عن القهوة يعني اذا ماشربتها احس ان راسي بينبط يعورني..
ريما:زين انا مسوية قهوة ولايهمك اهم شيء راحتك يالغالي
نواف باس يدها:عساني مانحرم منك
ريما:يالله قوم بدل ملابسك وتعال اشرب معاي القهوة..ولا ترى راح اقضي عليها
نواف:ياويلك مني ماتشربين الا وانا معاك
ريما:ياسلام آوامر قرقوش
نواف راح وبعدين رجع
نواف:تعالي ريومتي وش جاب القهوة هامنا في ايطاليا ولا في السعودية؟
ريما:حبيبي فوفو مشتهي قهوة ولا اجيبها له ..ادبرها واجيبها لك
نواف:بعدي انتي..بس صدق من وين لك؟
ريما:جبتها معاي الصراحة انا اذا ماشربت قهوة احس اني مو مضبوطة
نواف:افا حرمتي مدمنة
ريما:هههههههههههههههه
نواف:والله انك بنت رجال...يالله دقايق واكون عندك لاتشربين اقلهوة
ريما:ومسوية حلا تعال الحق عليه قبل لااهجم عليه
نواف:ههههههه يالله بسرررعة اللحين اجيك
:

: : :

نواف جلس ويا ريما يتقهون..
نواف:تصدقين ياريومتي اول ماوصلت كان نفسي بقهوة يعني لو يقولون لي ان فنجال قهوة في ايطاليا بخمس مية وربي لاشتريه
ريما:ههههه ياحليلك طلعت مثلي تحب القهوة
نواف:انا اعشقها ..بس مو اكثر منك هههههه
ريما:هههههه..طيب مادام عندك نيه تدفع خمس ميه على الفنجال خلاص.(سحبت القهوة)
يالله اعطيني 500 انت الى الآن شربت ثلاث فناجيل يعني المجموع 1500
نواف راح جنبها ولزق فيها وجلس عندها يمازحها يضربها بالوسادة
ريما:هههههههه امزح..والله امزح بس قوم عني هههههه
نواف:مانيب قايم ..مرتي كيفي!!؟
ريما:خلاص حلال زلال تفضل هذي القهوة ولا بعد اسوي لك عرض اشرب فنجال واحصل على الاخر مجاناً
نواف:هههههههههههههههه حلوووة هذي مجاناً
ريما:ههههههههههه
نواف:تصدقين كل يوم اكتشف فيك شيء جديد..
ريما:يعني كيف؟
نواف:بالبداية خجلك ورمانسيتك ودلعك عقلك وثقافتك واللحين خفة دمك..ياسلام والله ان اهلي عرفوا يختارون لي
ريما بكل ثقة:ايه حبيبي حطني على بالك انا درة مكنونه لازم تحافظ علي
نواف حط يدهـ على ظهرها
نواف:انتي بعيوني..ياأحلا وارق درة..!!
ريما كانت ميته من الخجل قامت
نواف:وين؟
ريما:ماودك نطلع؟
نواف:الا اكيد ودي اطلع
ريما:يالله انا نفسي اطلع..ابي اروح للسوق
نواف:غالي والطلب رخيص كم ريمية عندي؟
ريما:تسلم حبيبي
نواف حط يده على قلبه:تذبحني كلمة حبيبي
ريما ابتسمت له بكل دلع وراحت للغرفة تبدل ملابسها..

لبست بنطلون شامواه لونه بني وبلوزة طويلة الى الركبة لونها سكري لها ياقة (قبه)كبيرة من الدانيل وحزام على خصرها النحيل شكله جنان لفت حجاب من الحرير لونه سكري ومشجر بالبني..وفتحت علبة مجوهراتها وحصلت ساعة من خالتها ندى هدية تخرجها ماركة شانيل البيت حق الساعة من الذهب الاصفر وكأنها اسوارة من الولو..وفحمت عيونها بالكحل وماسكرا وجلوس ..ولبست وانتوا بكرامة بوت شامواه لونه سكري ..وشنطة بنيه شامواه<انيقــــــة

نواف كان لابس جينز وفنيلة بيضاء طوق وفوقها جاكيت جينز على نفس لون البنطولون..<جنان شكله

طلعوا هو وريما ونزلوا لمجمع كبير..من محل لمحل ..نواف تعب وراح جلس بمحل قهوة ..وريما كملت مشوارها بالتسوق..

ودخلت احد المحلات الراقيه أعجبها بروش برونزي "رجالي" اخذته ونقشت عليه حرفها R وحرف نواف N....ريما استاحلة تطلع من مجمع ولا تشتري حاجة..اشترت حلق كان لونه فضي رايق وفخم.. عورتها رجولها من كثر المشي بالسوق وكثر فرفرتها بالمحلات..

رجعت لنواف بالمقهي
نواف:هلا وغلا اشتقت لك
ريما: حرام عليك كلها نص ساعة
نواف:ايه النص ساعة الي تستهترين فيها كنها عندي نص سنه
ريما: فديـــــتك...
ريما طلعت كيس مخمل صغير ..فتحته واخذت البروش..ريما قامت من كرسيها وراحت عند نواف..فتحت البروش وعلقته على جاكيت نواف
ريما:اعجبني البروش وحسيت انه لايق عليك
نواف:والله روعة..والله الاروع ان حرفك فيه..تسلمين لي يالغلا
نواف قام من كرسيه يبي يبوسها..
ريما:وين نواف؟ تكفى مو قدام الناس
نواف:وش علي منهم..انا عجزت وانا اقولك مادامك معاي ماهتم في كلام الناس..وبعدين انتي زوجتي
ريما:لا والي يسلمك بوستك وصلت
نواف:لا ماوصلت بس اصبري علي الوعد اذا رجعنا الفندق
ريما:هههههههههه الله يستر منك..

رن جوال ريما..وطلعت الهنوف
ريما:هلا وغلا هنوفة شخبارك؟
الهنوف:يامرحبا بمدام ريما شخبار الايطاليه؟
ريما:هههههه ايطاليه مرهـ وحدة ..تمام انتي شخبارك وشخبار عمتى نورة وعبودي؟
الهنوف:الكل بخير ومشتاقين لك حييييل يالله لو تتصورين كيف فقدناك انا ونوف..
ريما:وانا اكثر يالغالية..
الهنوف:شخبار نواف؟وشلونه معاك؟
ريما:نواف فديت قلبه طيب
الهنوف:اووف فديت قلبه مرة وحدة
ريما:ايه يستاهل كم نواف عندي انا
الهنوف:هههههه ولد خالي شكله سوى لك غسيل مخ..
ريما:ههههههههه
الهنوف:ماطول عليك بس حبيت اسلم عليك واقولك انك وحشتينا مووت..
ريما:الله يسلمك من كل شر ياهنوفة..والله حتى انا اشتقت لسوالفكم وخرابيطم وجمعاتكم
الهنوف:تسلمين ..يالله اجل سلمي على نواف
ريما:يوصل..مع السلامة
الهنوف:مع السلامة

ريما سكرت ودخلت الجوال في الشنطة...
نواف:شخبارها الهنوف؟
ريما:طيبه..يقولون مشتاقين
نواف:لاحقين عليهم..
ريما:افا يعني ماعندك نيه ترجع ؟
نواف:مدري بس شكلي راح استقر بإيطاليا وش رآيك؟
ريما:ياسلام اجل ودني على اقرب طيارة للسعودية..ديرتي مقدر اصبر عنها وعن اهلها واااااه فديت تراب مملكتنا..
نواف:ههههههههه امزح عليك..اساساً انا ماصبر عنها وعن اهلها..

رجعوا للفندق..نواف اخذ له غفوة....وريما جلست بالصالة تقلب بالقنوات في الt.v ماعجبها شيء..شغلت المسجل وسحبت من شنطتها شريط..لراشد الماجد وحطت اغنية (يسألوني ليه احبك حب ماحبه بشر!!)

راحت وفتحت النافذة وطلعت برى كان المنظر حلو على البحر ..ريما سحبت الربطة من شعرها وفلته مع نسمة هواء طير شعرها الناعم وتبعثر بالجو..كانت سرحانه داخله في عالم ثاني
فــــجاءة والي حط يدهـ على خصرها .. كان نواف الي ذبحته سلهمت عيونها الواسعة..وشعرها الحريري المتطاير بالجو...وريحة عطرهـا غطت على المكان..نواف حط يده على خصرها واليد الثاني على ظهرها..ريما كانت ميته خجل من حركتة..ماتدري وش تسوي!! استسلمت للأمر الواقع وظلت بمكانها111111..

: :

قمووووووووووره كملي كملي

: : :

نواف:حبيبتي تبغين نطلع ؟
ريما:والله ماهيب شينه
نواف:يالله اجل تجهزي..ع الساعة 8 ونص تكوني جاهزة؟
ريما:يس
نواف:اوكي كويكلي..

ريما راحت اخذت لها شاور وتعطرت بعطر دولتشي أي غابانا...وحست بنتعاش..لبست تنورة مخمل مطرزة على الجنب وفيها فتحات ولونها تركواز ..وبلوزة لونها تفاحي موديلها لف وجايه طبقات ولابس معاها قلايد طويله ملونه..واخذت معاها شنطة(ديور) تركواز مخمل وفيها ترتر بالتفاحي خفيف..!!حطت ميك آب خفيف شدو ناعم وبلاشر مشمشي وجلوس..

على الساعة 8 ونص طلعت من الغرفة..
نواف:ماشاء الله ع الموعد
ريما:افا عليك وانا اقدر اتأخر على الغالي

نواف ان لابس بنطلون برمودا جيشي ومع داخل فنيلة خضراء ولف على رقبته شال فيه جميع درجات الاخضر..شكلة روووعة..ولابس البروش الي اهدته ريمـــــا1111..

نزلوا يتمشون ..نواف ماسك يد ريما..طبعاً الجو كان بارد شويه نواف اخذ الشال الي على رقبته ولفه على رقبة ريما..ومسكها مع كتفها وهم يتشمون..كانت المناظر روعة!!منظر البحر والليل وقمر يعني الجو هادئ..نواف وريما جلسوا على الشاطئ مع الجو الرومانسي ..

اخذوا قارب وفي وسط البحر الجو رايق نواف جلس جنب ريما...ريما حست بالخجل من كلامة ونظراته..!!بس مطيحة عيونها في الارض..

وبما ان الوقت ليل ولافيه احـــــــد الا نواف وريما بالقارب
نواف سحب الحجاب من راسها..تطاير شعرها بالجو<نواف كان يحب يطالع في شعرها الطويل والناعم..دخل اصابعة في خصلات شعرها..ريما خلاص كانت بتموت من الحيــــــاء<تستحي من ظلها!!

وبعد مانزلوا من القارب عدلت ريما حجابها ..وتعشــــوا في مطعم مكسيكي!!ريما وهي جالسة تاكل رفعت راسها ونواف كان سرحان في عيونها..طبعاً ريما صار وجهها احمرررر..ونزلت عيونها

نواف مسك يدهـ :وبعدين معاك يا بنت العم ..انا مابيك تخجلين مني..انا زوجك وحبيبك..
ريما ساكتة ماقالت ولاكلمة..
نواف:طيب يابنت عمي والله لاخلي الحياء يروح منك.!!
ريما:نواف طبيعتي كذا..
نواف:طبيعتك ولا ماهيب طبيعتك..راح اخليك تتأقلمين مع الجو..
ريما:نصبر ونشوق
نواف:تتحديني!!؟
ريما:هههههه لا انا ماقلت اتحداك
نواف:لا قوليها عادي
ريما بكل اصرار:ايه اتحداك..
نواف:طيب وتشوفين يابنت العم..
ريما ونواف طلعوا من المطعم وهم في حالة انسجام تام..وجلسوا يتمشون بالشوارع الايطاليه
ويدردشون ويضحكون مع بعض يعني رايقيين...!!

: : :

من بكرى الصبح افطروا تحت في اللوبي..
نواف:ريما تصدقيين اني فرحان لانك قدامي
ريما:هههههه والله انك مب صاحي
نواف:يعني لاني احبك موب صاحي..اجل انا اكثر واحد موب صاحي في العالم
ريما:ههههههههه
نواف:انتي تحبيني؟
ريما:فوفو قلبي وش فيك على الصبح..؟فيك شيء؟
نواف قام من الكرسي وسحبه وجلس جنبها لاصق فيها
نواف:يالله تكفين مشتهي اسمعها..
ريما:اللحين اللحين
نواف:أيه اللحين وماراح اتحرك من هنا الا وانا سامعها بعون الله
ريما:طيب أجلها بعدين
نواف:مافيه تكفين الريم قوليها..ولا بزعل
نواف سوى مثل البزراين الي زعلانين..
ريما:لبى قلب الي زعلان ..ومسكته مع خدة
ريما:نواف بعد قلبي اكيـــد انا اكثر وحدة بالعالم تحبك..
نواف:قولي احبك
ريما بكل حياء:احـــبك
نواف قمز من الكرسي ...لدرجة ان الكل جلس يطالع فيه وهو ولاكأن احد موجود!!مبسوط
ريما خلاص ميته من الضحك عليه..

: : :

العصر تكشخوا ونزلوا..ريما كانت لابسة بنطلون حرير اسود وعلى حدود البنطلون من فوق شريطة لونها فوشي نازلة وبلوزة سوداء طويله موديلها صيني الى الركبة وعلى الجنب ازرار صينية لونها فوشي..ولفت حجاب لونه اسود وفيه كتابات بالصيني<ركزوا عليها.. لونها فوشي..حطت كحل على برى العين اسود وماسكرا وروج وردي هادئ..ولبست خاتم ذهب ابيض وفيه قطع ضغيرة من الماس لونها فوشي ..واخذت معاها شنطة لونها اسود وفيها فوشي ولها ممسك خشب..

نواف:ياعيني اليوم صايرة صينيه؟
ريما:شفت كيف ههههههه
نواف:دايماً اناقتك تعجبني ذويقة زوجتي
ريما: عيونك الحلوة..شفت حجابي فيه كتابات صينيه..توقع وش مكتوب فيها؟
نواف:ماعرف اقراء صيني ههههه
ريما:مكتوب عليها ريما ونواف
نواف:صدق؟
ريما:ايه يوم كنا في ماليزيا كان فيه بوتيك صيني صغير حق الشغلات هذي وطلبت منه يكتبها بالصيني
نواف:والله انك خطيرة..
ريما ابتسمت له..

: : :

نزلوا يتمشون في مدينة الملاهي..ريما كانت مرعوبة ماتحب تلعب خوافة درجة اولى
نواف:يالله قلبي بنلعب ذيك اللعبة..
ريما:لاتكون ذيك الي تقلب؟
نواف:ايه
ريما:يمة لا والي يسلمك..انا نفسي غاليه علي
نواف:هههههههه..يالله الريم قومي العبي معاي
ريما:والله اني ماحب العب ..بس يالله علشانك راح اغامر والعب

نواف باسها:عساني مانحرم منك
ريما وكأن ماء بارد انكب عليها..استحــــــــــــت موت من حركتة..

طبعاً ركبوها..وريما متوترة..بس نواف ماسكها باقوى حيله...اشتغلت اللعبة ريما كانت مبسوطة واول مرة ماتحس بخوف من الالعاب..يمكن لأنها مع نواف؟

نزلت من اللعبه
نواف:هاه مدام ريما وش رايك فيها؟
ريما:روووعة
نواف:خفتي؟
ريما مسكت يدة بقوة:كيف اخاف وانت معاي
نواف حط يدهـ على راسها:ياحبني لك
ريما:هههههه هذي كلمة نوف المشهورة ياحبني لك
نواف:هههههههه صدق!!

ريما :فوفو قلبي ممكن اطلب طلب؟
نواف:لا
ريما عصبت:ليش؟
نواف:انتي موب تطلبين انت تآمرين آمر..وش بغيت يابعد قلبي.؟
ريما:نفسي في الحلاو هذا شعر البنات الوردي الي بعصا
نواف:هههههه تسترجعين ايام الطفولة؟ولا ايش؟
ريما:ايه وش ورانا ..
نواف:من عيوني..
اخذ لريما وله وجلسوا ياكلونه وهم يضحكون..

نواف كان في كامل كشختة وياكل شعر البنات ووبعدين احتاس في اكله وصاير حوسة
ريما طلعت جوالها واخذت تصور نواف وهو تضحك على شكلة الي متخربط..ونواف يضحك عليها111
نواف: انا اشك ان فيك عرق ياباني ياحبك للتصوير
ريما:ههههه ايه انا عقدت امي وابوي بس امشي واصور معي كاميرا عادية وكاميرا الجوال
نواف:ههههههههه ماشاء الله عليك خبيرة بالتصوير..
ريما:اعجبك...

: : :

طلعوا من مدينة الملاهي وراحوا على كازينوهات على البحر هادية ورايقة ..كلها شموع يعني معطين جو..جلسوا على احد الطاولات وطلبوا عصير..

ريما كان في بالها تسأل نواف هو يحبها؟..هي عارفة انه يحبها بس حبت تسمعها منه..
ريما بكل ارتباك:نواف
نواف:سمــــــي
ريما:آآآ ممم انت تحـ بـ ـ نــ ـي؟

نواف سكت تقريباً خمس دقايق..ريما حست بإحباط..وبعدين تكلم وقال.

نواف:آه ياقرب المسافة بين عقلي والهبال
وقولي للعالم تجنن..جنــــنه صادق هواه
وآه يابعد المسافة بين صدق واحتمال
ماأحبك او أحبك والغلا واصــــــــل مداه
أتعب بقربك وبعدك وأسهرك كل الليال
أغرق بعينك بلحظة ولامعي طوق النجاة
انتي يابين الحنايا انتي يابنت الحلال
فيك عالم من مشاعر وجاك شاعر فيك تاه
أملك الدنيا بيمينى بس لاقلتي تعـــال
وغيرك اصلاً لابغاني قلبي اصـــلاً مابغاه
انتي في كفه لحالك وباقي خلق الله لحال
ويكفي إنك لاطلعتــــــي العمــــر عوّد وراه
ياعذاب القلب دونك ياعذاب بلا وصال
يا مكان انتي تـــــجينه تنقلب ارضه سماه
امطريني لين اسافر بين حلمي والخيال
اعشقينـــــــــي قد قلــــــــبك قد ما أعرف وفاه
انتي اتعبتي ورودك وتسألي نفس السؤال
ريـــحي قلبك أحـبــــــــك وانتي لي طعم الحياه

ريما :صح لسانك ملايين..
نواف:ردي على سؤالك في هذي القصيدة
ريما ابتسمت له ابتسامة بدلع

رجعــــــوا للفندق..ريما كانت مرهقة ..لبست بجامة ورديه حرير ميــدي..والبدي فيه قلب بااحمر كبير..حطت ربطة على شعرها لونها وردي ورفعته..

طلعت لنواف..الي كان جالس بالصالة
نواف:فيك نوم؟
ريما:لا بس احس اني مرهقة بعد المشوار
نواف:سلامتك حبيبتي..

قام نواف وسحب يد ريما ..وجلس على الكنبه وخلها تنسدح على رجله..ريما كانت مستحية ..وقامت ..نواف حلف عليها الا تسند راسها على رجوله..وجلس يلعب بخصلات شعرها ..ريما ماحست بنفسها الاوهي نايمة..راح نواف وسحب غطاء من السرير وغطى فيه ريما..وجلس يطالع فيها ويتأمل شكلها وهي نايمة نواف(ياناس احبها11111)

طلع نواف طفش ريما نايمة وماحب يزعجها نزل تحت..راح لحديقة قريبة من الفندق والصدفة جمعته بصديقة فهـــــد كان يدرس وياه في أمريكا ..نواف كان مبسوط لما قابله..وكذلك فهد ماصدق ان نواف الي قدامه..
فهد:وش عند نواف في ايطاليا؟
نواف:شهر عسل جاي انا وحرمتي
فهد:ماشاء الله تزوجت!!
نواف:ايه
فهد:بالمبارك يابو سعود
نواف:الله يبارك في عمرك..هاه خلصت دراستك؟ولا لسى؟
فهد:الحمد لله هذي آخر سنة
نواف:ماشاء الله شديت حيلك يوم رحنا انا والشباب
فهد:أي والله قلت خلاص جاء وقت الجد..وحسيت بفراغ كبير بعدكم
نواف:ياحبيبي يابو عبدالله
نواف:وش عندك فهد في ايطاليا
فهد:ابد جاي مع الاهل سياحة..
نواف:لايكون عطلتك عن اهلك..خبري بالي عايش بغربة يشتاق لأهله
فهد:ولو يانواف مشتاق لك حيل واهلي لاحق عليهم خلينا نروح لأحد المقاهي نجلس فيه احسن من الوقفه هنا
نواف:وانا اكثر يالغالي ..ايه صدق حتى الجو بداء يبرد
فهد:يالله اجل..

راحــــــوا وجلسوا في كوفي ..وسواليف ومزح وضحك..ماحسوا بالوقت.. جلسوا 4ساعات وهم مع بعض..

ريما ما طولت في النومة..على طول صحت ..وتفاجأت أنها مالقت نواف تدورهـ في كل مكان ماحصلته..

دخلت الغرفة وكان معلق ورقة على المرآيه

حبيبتي ريوم
انا طالع اشم هواء..طفشت بدونك..وماحبيت اصحيك
ماراح اطول..
نواف..

ريما بعد ماقرت الورقة حست براحة شوي..جلست عند التلفزيون ساعتين ..كانت قلقانه على نواف مو من عوايدهـ يتأخر..جلست بكل خوف وقلقل كل شوي تطالع في الساعة..تحس ان عقارب الساعة ماتحرك..تتصل على جواله مقفل..المسكين فضت البطارية عليه..

ريما كل شوي قايمة عند الباب تروح وترجع ماجلست من الخوف..صارله 3 ساعات وهو مختفئ..

ريما(ياربي سترك..وين راح تأخر..هو كاتب في الورقة انه ماراح يتأخر..اكيد صاير له شيء..)
ظلت تمشي وتدور من غرفة للصالة ارتبكت..ماتدري كيف تتصرف..!!الهواجيس تطاردها...وكل شوي تقول استغفر الله ..اعوذبالله من الشيطان الرجيم..!!

ريما(اتصل على ابوي واقوله..بس لا فشلة اذا رجع..لا مو بتصرف هذا تصرف اطفال..يارب يرجع لي نواف...!!)

مرت 4 ساعات ولاجاء او اتصل يطمنها111...

ريما جابت كرسي وجلست عند الباب تستنى نواف رجولها ماقدرت تشيلها من الخوف..

: : :
نواف جلس يطالع ساعته
نواف:اووف يافهد تأخرت على المدام
فهد:ههههه عاد انا ماعلي منك لا مدام ولا شيء توني عزابي
نواف:يالله انا لازم اروح..مر الوقت بسرعة وربي ماحسيت فيه..
فهد:أي والله ماكأنها مرت 4 ساعات ..
نواف:فرصة سعيدة الي جمعتني فيك
فهد:وعاد لازم مانقطع عني..هذا رقمي تفضل
نواف:خلاص اجل بيننا مكالمات..وشد حيلك بدراستك..
فهد:ان شاء الله
نواف:فمان الله
فهد:فمان الكريم

: : :

ريما كانت ميته من الخوف على نواف وعلى اعصابها..واقفة عند الباب تنتظره ..نواف جاء وفتح الباب وشاف ريما واقفة قدامه واصله معاها معصبه لابعد حد..

نواف:مساء الحب ريومتي..
ريما:وين كنت؟
نواف:عند صديقي تخيلي توي اشوفه من كنت في امريكاء
ريما تقطع كلامة:طيب ليش ماتصلت فيني طمنتي عليك..على الاقل تذكر ان فيه وحدة جالسة على نار تستناك..حرام الي قاعد تسويه فيني ...انا انتظرك وميته خوف عليك وانت جالس مع صديقك.. نواف:وش فيك؟
ريما:وش الي مافيني ..حضرتك غايب لك 4 ساعات وتبيني اكون مبسوطة..وانا مادري وين انت فيه..
ريما راحت للغرفة معصبة وصبخت بالباب بقوة ..نواف كان مصدوم وش فيها؟اول مرة من تزوجنا تسوي كذا..صحيح اني غلطان بس مايستاهل تسوي كل ذي الضجة..!!
نواف راح وجلس على احد الكراسي وحط يدهـ على راسهـ..ريما طاحت على السرير وجلست تبكي من قلب..اول مرة اطول صوتي عليه..بس والله كنت مرعوبة عليه..ياربي انا ايش سويت..يمـــة محاتجة لك..ظلت تبكي وهي ماسكة الوسادة..بعدين راحت للمرآية ومسحت دموعها..وطلعت..فتحت الباب لقت نواف جالس على كرسي ويدهـ على خدة ..ريما راحت عنده وجلست على ركبها وحطت راسها على رجوله وجلست تبكي..
ريما:انا آسفة حبيبي نواف على الي سويته..بس تكفى لاتتركني..مقدر اعيش من غيرك...حياتي بدونك صعبه..انا ماتخيل نفسي من غيرك ..لاتتركني..والله احتاجك <كانت تبكي مثل الاطفال..
نواف نزل من على الكرسي وجلس مقابل لها يعني لاصق فيها..رفع راسها بيدينه وكان شعرها مخفي وجهها رفع شعرها وكانت دموعها تنزل مسح دموعها..
نواف:حبيبتي انا لايمكن اتركك او اتخلى عنك..انتي دنيتي كلها زوجتي وصديقتي وحبيبتي..ومايفرقنا ان شاء الله غير الموت!!
ريما حطت يدها على فمه:لاتقولها..بعد عمر طويل..
نواف:اليوم احنا تعبانين..خلينا ننوم..
ريما مسندهـ راسها على كتف نواف..
ريما:براحتك..
نواف مسك ريما وشالها وحط يدهـ وراها ومشى فيها لحد ماوصلوا الغرفة..

: : :

: :

ماجد كان في الشرقية..
دخل على اخته عبير في غرفتها.
عبير:حي الله مجود..تفضل
ماجد:زاد فضلك..شخبار عبورة؟
عبير:عبوره اهااا هات من الآخر..وش عندك؟
ماجد:ماشاء الله عليك..ذكية تفهمينها على الطاير
عبير:ايه مقيوله اخت الدكتور ماجد كيف ماكون ذكية
ماجد:هههههههه
عبير:ايش آخبار ندى؟
ماجد:آآآآهـ بس على ندى
عبير:ههههههههههههههههه طالعة من قلبك ياكبرها هالآآآآآآهـ..وش اخبارها؟
ماجد:مدري عنها..مابعد يوم الملكة
عبير:اووووف طيب ماتتصل عليها او هي ماتتصل عليك؟
ماجد:لا..انا جاي لك بخصوص هالموضوع
عبير:تفضل ايش هو الموضوع؟
ماجد:ابيك تتصلين عليها..وتسولفين معاها..وبعدين تسألينها اذا كان عادي عندها اتصل عليها او لا؟
عبير:ماعليك يابن الحلال خذ رقمها عندي..اتصل
ماجد:لا ياعبير..كذا قلة ادب..لازم تتصلين وتستأذنين..والمكالمات حرية شخصية..اخاف اسبب له احراج..
عبير بكل مكر:طيب ان شاء الله انا راح اتصل بس على شرط
ماجد:كل شروطك راح انفذها
عبير:اسمع ياخوي ..ابي بعد مااكلمها تطلع تتمشى فيني على الكورنيش..وبعدين تعزمني على ستاربكس نفسي بموكا..وبعدها ابي تعزمني على وجبة من ماكادونالدز....وش قلت
ماجد:اووولله كل ذا على مكالمة وحدة
عبير:اجل خلاص ماراح اتصل عليها..وتفضل من غير مطرود
ماجد:خلاص خلاص امززح..وربي امززح..كم عبورة عندي ابشري ولايهمك..كل الي قلتي عليه راح يتنفذ بس اتصلي عليها اللحين..
عبير:طيب
اخذت الجوال من (الكومادينه)وجلست على كرسي..وماجد كان عندها جالس..اتصلت عليها وردت ندى..!!

عبير:هلا ندى..!!
ندى:هلا بك اكثر
عبير:شخبار مرت اخوي؟
ندى:هههه طيبه..انت شخبارك..وشخبار خالتي والبنات؟
عبير:كلهم بصحة ..ماودك تسألين عن بعض الناس؟!!<تطالع في ماجد
ماجد ضربها وجلس يأشر على السبيكر
عبير:آآآي
ندى:وش فيك؟
عبير:لا ابد سلامتك..بس يدي سكر عليها الدرج
ندى:ههههه والله انك ملقوفة بشكل
عبير:هههههههه
..عبير حطت على السبيكر..
عبير:ليش ماسألتي عن الغاليين؟
ندى:شخبار ماجد؟
عبير:طيب ومشتا111111ق لك بالحيل
ندى:ههههههه
عبير:الا تعالي وراء ماتتصلين عليه
ندى:انا اتصل لا صعبه ..
عبير:طيب انا قلت له من شوي اعطيك رقم ندى علشان تتصل عليها..بس هو رفض...تدرين ليش؟
ندى بكل حماس:ليش؟
عبير (تقلد صوت ماجد):يقول اخاف تتضايق وبعدين قلة ادب كذا لازم تستأذنين منها قبل لاتعطيني الرقم
ندى:ماشاء الله عليه..خليك مثله خلوقة..او انتي مافيه امل تطلعين مثله
عبير:هههههههه ليش ناقصني ايد ولا رجل علشان ماطلع مثله؟
ندى:لا ماشاء الله انتي كاملة بس صعبه تصيرين مثله
مـــــاجد كان مبسوط على كلام ندى ..وكان ودهـ ياخذ الجوال ويكلمها بدل عبير..
عبير:هاه وش قلتي؟
ندى:على ايش؟
عبير:اعطي اخوي العاشق الولهان رقمك؟
ندى:لا حبيبتي لا تعطينه
ماجـــــد تحطم بشكل..
عبير:لييييش؟
ندى:ياحبيبتي ياعبورة انا بصراحة ماحب المكالمات الي تصير قبل الزواج..احس ان الواحد خلاص راح يشبع من خطيبته قبل الزواج..يعني بالسواليف والضحك والمزح..
عبير:بس كل المخطوبين كذا؟
ندى:انا غييير..انا ابي ماجد مايعرفني يعني بعد الزواج راح يتعرف علي اكثر واكثر ..واحسن من المكالمات والخرابيط..هذي وبعدين ماجد مشغول بدراسته..وانا بصراحة ماحب اكون شبب يشغله عن الدراسة..

ماجد اعبجة كلام ندى..وحس بالفخر فيها..وكانت قريبه من افكارهــ..والغاء فكرة المكالمات بينه وبينها بعد ماسمع كلامها..

عبير:اكشخ..والله ان تفكيرك غريب..
ندى:شفتي كيف؟ههههههه
عبير:هههههههه...يالله اجل باي
ندى:بايات
سكرت الخــــــــــــط...

عبير:هاه وش رايك في الي سمعته؟
ماجد:ياعيني عليها..والله انها تفكر كويس..اساساً انا مابي الرقم من زمان..بس انتي الي اصريتي..
عبير:نعم نعم.؟اللحين جايني في غرفتي وتترجاني اتصل على الهانم..وبعدها تقول مابي الرقم...والله انك نصاب محترف..
ماجد:يالله انا طالع
عبير:واللي وعدتني فيه؟
ماجد:ماوعدتك بشيء..انا قلت اذا وافقت على الرقم ذاك الوقت اسوي لك الي تبينه
عبير راحت تركض ورى ماجد:حر1111111م عليك توعدني كذا..مانيب ماعلي منك بروح اجيب عبايتي وبركب بسيارتك وسوي الي تبي..
ماجد:ههههه بروح لم الشباب..
عبير:ماعلي منك الشباب ماهم بطايرين ..توديني يعني توديني..
ماجد:طيب يالله جيبي عبايتك بسرعة
عبير طمرت من مكانها:يييييييييييس
ماجد:هههههه الحمد لله والشكر..

: : :

: : :
ريما صحت قبل نواف..وحست انها نامت زين..دخلت الحمام وانتوا بكرامة واخذت شاور..وطلعت وبدلت ملابسها..وراحت تصحي نواف..
جلست على السرير جنبه..
ريما:فوفو حبيبي يالله اصحى
نواف:ريما حرام عليك امس مانمت شيء..طول امس واحنا سهرانين..
ريما:يالله ياقلبي قوم مابي اجلس لحالي..
نواف:بس شوي خليني نايم عشر دقايق
ريما:هههههههه ذكرتني يوم كنت في المدرسة..كنت اقول هالكلام لأمي اذا جت تصحيني
نواف:هههههههههه..نواف قام وجلس على السرير..عند ريما
ريما:ياسلام على الي صحوا..يالله قوم اخذ لك شاور وبتحس بالانتعاش..
ريما قامت من السرير..نواف سحب يدها111 ومن قوة السحبة جلست على السرير
ريما:وش فيك؟هههههه
نواف: وين البوسة؟
ريما:قوم اخذ لك شاور وبعدين
نواف:مانيب متحرك لما تعطيني بوسة
ريما: هههههههه
نواف:يعني مافيه بوسة
ريما تهز براسها
نواف:طيييييييب يالريم
جلس يركض وراهـا وهي تركض وميته ضحك على شكل نواف ..وهو مبسوط ويركض وراها..ريما تعبت من الركض..ومسكها نواف وكتف يدينها..
نواف:هاه يالله مسكتك ومافيه مفر مني..غير انك تبوسيني؟
ريما:غمض عيونك..
نواف غامض عيونه على طول باست نواف وهربت منه وكان وجهها احمررررر من الفشلة..
نواف كان مبسوط من ريما..

نواف اخذ له شاور..وافطر هو وريــــــما.بــــعدين لبــــسوا وتكـــــشخوا ..
ريما لبست بنطلون لونه فوشي..وبلوزة صوف (هاي نك) فيها الوان متدرجة الوان الطيف ولبست فوقه (سدريه)لونها فوشي ومع تحت لها كمر على خصرها...لبست وانتوا بكرامة كاوتش لونه فوشي وفيه الوان على الجنب..كان واطي وحلو....لبست ساعة جلد والبيت حقها مربعات صغيرة..شكلها حلو..حطت ميك آب ناعم وتعطرت..وطلعت

نزلت هي ونواف كان الجو حلو وفينيسا كانها مدينه من مدن الخيال كل شيء فيها له بريقه الخاص..
راحوا للشاطئ وكانوا قريبين من البحر.. نواف جلس على الكراسي الموجودة على الشاطئ وريما تمشي جنب البحر..!!

ريما كانت قريبة بالحيل للبحر..تمشي وهي تفكر ان حبها لنواف كل يوم يزيد عن الثاني..ماتقدر تصبر عنه ولا دقيقة..ماكانت تتوقع انها بتتعلق فيه هالكثر..او بتحبه اكثر من قبل...كانت تتمنى تسعدهـ وتحقق له كلالي يبيه..

ريما كان معاها الجوال..فتحت الاستديو وجلست تسمع..!!..

والله احتاجك انا..خلك بجنبي قريب..
وان حصل شيء بيننا..عن حياتي لاتغيب..

انا من بعدك اتوهـ...وعالمي بعدك يضيع..
تختلط عندي الوجوه..العدو يصبح صديــق..

تدري يالقلب الحنون..انت بالنسبة لي ايش..
وانا بعدك كيف اكون..وليه احـــس ولــــيـــه

يالي شفت احلامي فيك..والتقيت باحلى جنه..
ادعي ربي وارتجيه..ربي لاتحرمــــني منـــــه..

لو تهب الدنياء ريح..وينتهي كل الزمان..
ويصبح العالم جريح..انا في يديك بآمــــــــان..

قلبك البيت الكبير...الي ظللني بوروده..
واصبح الحلم الاخير..صعب ابعد عن حدوده..

نواف جاء وراء ريما..وشالها بين يدينه..وراح يركض فيها..كانت اشكالهم روعة..الكل يطالع لهم..ويحس بسعادتهم وكيف هم متفاهمين ..

ريما:نواف تكفى نزلني..يمممممه
نواف:ههههههه ماراح انزلك وش عندك؟
ريما:هههههههههههههه..تكفى
نواف:مافيه
نواف يزيد بسرعته ويركض فيها على البحر وريما تصرخ..وهو ميت ضحك عليها وعلى صراخها..

: : :

الهنوف كانت تكلم نوف..
الهنوف:صراحة يانوف..هذا ولد عمك يبي له فركة اذن علشان يتأدب
نوف:ههههههه ولد عمي مهوب ولد خالك بعد؟
الهنوف: بس الصراحة ليت لو نواف موجود كان اقول لريما تقوله..يعطيه كف محترم يبرد قلبي ..عاد انا اكرهـ شيء عنـــدي الجرآءة الزايدة
نوف:هههههههه شكله قاهرك
الهنوف:هههههههههه بالحيل..
الهنوف:اتصلت على ريما
نوف:احلفي..شخبارها؟ ياحياتي هي اشتقت لها..
الهنوف:طيبه ومبسوطة..الله يديم المحبه بينهم
نوف:آمين..والله نفسي اكلمها..بس استحي
الهنوف:انا كنت مستحية..بس ماصبرت ماحسيت بنفسي الا وانا اضغط ارقامها واتصل عليها
نوف:والله لها فقدة
الهنوف:اي والله..اللحين ملتهيه بالغالي
نوف:هههههههه

: : :

نواف:حبيبتي اليوم نبي نروح للسينما..
ريما:ياااااي تصدق نفسي اتابع فيلم هندي من زماااااان عن افلام الهنود..
نواف:هههههههه هندي!!
ريما:وش يضحكك؟ ايه هندي
نواف:احنا بنروح ونشوف وش العروض حقت اليوم..!!
ريما:اوكي

كان فيه فيلم اكشن وإثارة..ريما رفضت تدخل..<خوافه
وفيه فيلم رومانسي..وطبعاً اصرت الريم على انها تدخلة..راح نواف واخذ معاه بوب كورن ودخل هو وريما للصالة حقت السينما ..مخصص لهم مقعدين جنب بعض...

ريما كانت متأثرة بالفيلم ومنسجمة..طول الوقت تبكي على الاحداث ..نواف يطالع فيها ويضحك عليها..وعلى برأتها ..وانسجامها الكبير مع الفيلم..!!

نواف قرب من ريما وحط يدهـ وراها..وكل مابكت ريما نواف يضحك ويعطيها منديل علشان تمسح دموعها...وبعد ماخلص الفيلم طفت الاضواء حقت الصالة وكانت ظلام..نواف استغل الفرصة وباس ريما من جبينها..
نواف:كفايه دموع ريومتي..
ريما:ورى ماتأثرت بالفيلم كانت اللقطات تعور القلب لما افترق البطل عن حبيبته..
نواف:هههههههه..انتي سخية بدموعك..
ريما:انا أتاثر بسرعة ..

نواف مسك يد ريما ..
نواف:يالله خلينا نطلع..
طلعوا ريما ونواف..من السينما وراحوا تعشوا في احد المطاعم..

نواف:ريومتي..ترى بعد بكرى بنرجع
ريما:احلـــــــــــــف
نواف:امداك طفشتي مني يعني؟
ريما قربت لنواف :لاحبيبي انا لو اجلس معك في غربة العمر كله مااراح اطفش منك..وش ذا الكلام ياقلبي.. انا مشتاقة حق اهلي..بس كذا
نواف: بس كذا؟
ريما:ايه بس كذا..
نواف:فيك نوم؟
ريما:اييه ميته على مانام
نواف:حتى انا فيني نوم يالله ياقلبي
ريما: لا لا هونت خلاص طار النوم هههههههه
نواف:ههههههههه على مزاجك..
ريما:هههههههههههه

: : :
ام ريما:يالله اش قد اشتقت حق بنتي يافهد
ابو ريما:حتى انا انتظر اللحظة الي اشوفها فيها على نار..
ام ريما:لازم اذا جت نسوي عزيمة كبييرة
ابو ريما:من هالناحية تطمني..انا مرتب كل شيء..بس العزيمة ماراح تكون يوم واحد..
ام ريما:شلون يعني؟
ابو ريما:ماعليك انتي..خليها تجي بالاول..ويصير خير!!
ام ريما:ان شاء الله..

: : :

محمد وعبدالرحمن كانوا يتمشون في السيارة..
عبدالرحمن:هاه محمد وين قررت تسجل؟في أي قسم؟
محمد:انا ماراح ادرس هنا في المملكة!!
عبدالرحمن:وين يعني؟
محمد:انا بدرس برى..في كندا
عبدالرحمن:انت معاك نسبة ممتازة يعني أي جامعة واي قسم يتمناك..وبعدين وش حقة تروح وتغترب وتعذب نفسك..وهنا في المملكة متوفر لك كل شيء وبين اهلك وناسك..غاوي عذاب يعني؟

محمد:ياعبدالرحمن انا بروح ادرس تخصص مو موجود في المملكة..يعني نادر ماتلاقي شباب معاهم التخصص الي في بالي..وبعدين انا اذا اخذت التخصص راح أحاول اكمل دراسات عليا..وبعون الله باحصل على الدكتوارة..
عبدالرحمن:تدري عاد تفكيرك مثل تفكير نوف اختي..تترجى في ابوي انها تسافر برى وتدرس ..بس ابوي رافض الفكرة يقول صعبة بنت تروح وتدرس لحالها
محمد كان مبسوط:احلف..والله انت محظوظ في اختك
عبدالرحمن:شلون يعني؟
محمد:هاه..لابس يعني واحد عنده اخت مثل نوف ولها تفكير راقي مثل كذا يعني محظوظ

عبدالرحمن:طيب فكنا من نوف اللحين خلها تنجح من الثانوية العامة ولكل حادث حديث..انت يالحبيب كم بتجلس يعني؟
محمد:يمكن 7 أو 8 سنين..
عبدالرحمن:اوولله عمر يامحمد 7 سنين..طيب قلت لعمي وامك..وافقوا؟
محمد:ابوي ايه وافق..بس امي تضايقت من الموضوع..تقول صبرت على فراق نواف خمس سنين ويوم رجع بتطير مني..
عبدالرحمن:والله مالومها..الغربة صعبه ولوحدك بعد صعبة!!
محمد:بس انا ماراح اكون لوحدي..
عبدالرحمن مندهش:اجل مين راح يكون معاك؟
محمد:كلها سنتين وبتزوج وباخذ معاي زوجتي وبنروح..خبرك الواحد من المفترض مايسافر برى الا ومعاهـ زوجته..
عبدالرحمن:هههههههههههههههههه
محمد:وش فيه كلامي علشان تضحك..؟ماقلت نكتة؟
عبدالرحمن:خوش بعد بتتزوج..ماشاء الله ع البركة
محمد:الله يبارك فيك
عبدالرحمن:ومن هي تعيسة اقصد سعيدة الحظ الي بتاخذك؟
محمد:انا حاطها في بالي ..بس كل شيء في وقته حلو
عبدالرحمن:تكفى منهي؟
محمد:قلت لك كل شيء بوقته حلو..
عبدالرحمن:طيب انا اعرفها؟
محمد:لاتستعجل قريب راح اعلمك بكل شيء..

محمد بينه وبين نفسه(ايه ياعبدالرحمن..انت اكثر واحد تعرفها..نوف ياعبدالرحمن..هي الي حاطها في بالي..بس ليش كذا تعاملني بكل جفاف وبرود..انا احبها ولايمكن آخذ غيرهااا..)

محمد كان مشغل اغنية..

وصيت قلبي عليك وفكري وظني..ان غبيت عنهم عليك عتابهم هادئ
ماودي تجرح شعروك كلمتن مني ..وانت حياتي وعمري ومهجة فؤادي

ودي تعيش العمر راضي ومتهني..مرفوع راسك ..عليك العز متبادي
ياتاج راسي وانت مني وعني... تامر وتنهي وامرك اول البــــــــــادي

لاتخاف مني وقلـــبي اذا ونــي..اكــيــد مشتـــاق لك ياغــــاية مرادي..
مايتعب القلب غير الشوق لاكني.. اصبره بالقصيد وصوتك الشاجي..

انا احبك واحبك من صغر سني...مابالغ ان قلت لك من يوم ميلادي..
اكبر ويكبر غلاك الي مجنني..غصبن عن عيون حسادك وحسادي

ياشوق قلبي..وروحي وقطعةَ مني..عتابك الطف من النسمة على ..
مايجرح القلب الا غيبتك عني ولا عتابك يشابه طبعك الهادئ..

من كثر خوفي عليك الخوف يمحني..افقد شعوري واشوفك غاية مرادي..
ان غاب صوتك اناجي الليل واوني..واتخيلك واتذكر هامة بلادي..
: : :

يالبى قلبكـ ياقموورة <اشرايكم ببنت المملكة
كملي يالغلا

عبدالرحمن تضايق من سمع الخبر من محمد..انه بيروح ويدرس ويتركة..وهو قريب منه بالحيل كيف بيصر عنه كل السنين..!!

رجع للبيت بدري..مو من عوايدهـ دخل غرفتة وهو طفشان..حس ودهـ يتكلم يفضفض لاحد...طلع من غرفته ولقى نفسة عن غرفة نوف..طق الباب ودخل..

نوف:وش فيك عبدالرحمن؟شكلك اليوم مو على بعضك؟خير؟
عبدالرحمن:والله يانوف مدري وش اقولك؟
نوف:تكلم وش فيك؟
عبدالرحمن:محمد راح يدرس برى
نوف كانت مصدومة مو مستوعبه وش يقول..انعقد لسانها ماتدري وش تقول..متى؟وليش؟وكم بيجلس؟
عبدالرحمن:راح يسافر...ويبي يطول تخيلي..!!
نوف وفي عيونها حزن عميق:وكم بيقعد برى؟
عبدالرحمن:8سنين بالكثير
نوف:اوووف والله ..مدة طويلة..
عبدالرحمن:بعد ماصار لي اخو بيروح ويتركني..
نوف(وحتى انا بيتركني..)
نوف سكتت وماقالت ولاكلمة..حست بصدمة كبيرة..

بعد ماطلع عبد الرحمن وكان متوقع انه بيطلع وهو مرتاح من غرففة نوف..كان يتوقع ان نوف بتتكلم بتخفف عنه اكثر..بس نوف ماتدري وش فيها كانت مصدومة حست بحزن وضيقة..

راحت وفتحت الكيس الي من محمد..وطلعت الإيشارب الي منه وجلست ولفته عليها ونزلت دموعها بحرارة كانت تسمع لمحمد عبدة..

ليت ربي ماكتب لحظة وداع..ولافراق ولادموع ولاضياع..

ليت كل الناس خل مع خليله..وكل ماقيل النهايه بين الاحباب

الرحيـــــــــل قلت احبه حيـــــــــل..

: : :
نواف وريما صحوا من النوم..وجلسوا بالصالة عند التلفزيون..ريما راحت وصلحت شاي..

صبت الشاي لنواف..
ريما:كم ملعقة سكر احط لك؟
نواف:حطي اصبعك فيها هذا احلى سكر
ريما:ههههه لاعاد حبيبي يالله
نواف:انا قلت لك..ابي تغطين اصبعتك فيها..
ريما:نواف
نواف:ههههههه ملعقتين..يالبى قلبك اذا عصبتي تهبلين..خدودك تصير كنها ورد احمر..!!
ريما:ههههههه ياسلام بس اذا عصبت اصير حلوة بعينك؟
نواف:افا والله افا يابنت العم

قام وحط يدهـ على خدها..
نواف:انتي حلوة بعيوني في كل وقت اذا ضحكتي وعصبتي وابتسمتي وكل شيء يالغلا..
ريما حطت يدها على يد نواف:تسلم لي وعساني مانحرم منك..!!
نواف:ولامنك..اسمعي قلبي اليوم تجهزي..ماراح نرجع للفندق الى وجهه الفجر ..تعرفين آخر ليلة لنا في إيطاليا ..
ريما:اوكي اجل انا بقوم ببدل ملابسي..شوي واكون جاهزة..

ريما لبست بنطلون كتان لونه بيج..ضيق من فوق ومع تحت وسيع..وبالطو لونه (توتي)وعلى الرقبة فروا..وعلى الاكمام فرو ..ولبست ساعة رايقة صاير الستيك حلقات..ولبست كاوتش شاموا لونه قريب من لون الفرو..ولفت حجاب شيفون لونه بيج وفيه حلقات لونها توتي على الجنب..!!حطت ميك آب,,,شدو وروج وكحلت عيونها..وطلعت لنواف الي كان ناطرها..

نواف:ماشاء الله وش كل هالشياكة؟
ريما:طول عمري انيقة وبعدين الشياكة ديه كلها لحضرتك ياسي السيد
نواف:هههههههههه يالله بينا عايزة تخرجي؟..
ريما:آهـ ونص
نواف:اشوف قلبنا مصارية هههههههههه
ريما:هههههههههههه

طلعوا ريما ونواف..وتمشوا في آجواء روعة!!
دخلوا اسواق وتمشوا فيها..وريما اشترت لأمها وأبوها هدايا..ومانست ندوش وجدتها..
ريما:حبيبي وش رايك في ذي الأسوارة؟
نواف:روعة وانا واثق من ذوقك..بس لمين انتي شريتي لامك؟
ريما:لخالتي
نواف:ندى؟
ريما:ههههههه لا أمك..
نواف:ههههههه ياحياتي والله ياريومة مانسيتي حتى امي!!
ريما:وشلون انسى ام الغالي..
نواف:آه ياريما شوي شوي علي..ترى بموت والسبب انتي
ريما:لا بسم الله عليك..لاتقول كذا..
نواف:تخافين علي؟
ريما:اخاف عليك؟هذا سؤال يانواف..اكيد اخاف عليك كثر ماخاف على نفسي ويمكن اكثر بعد..
نواف مسك ريما مع يدينها..وسحبها وباس يدها..ريما تفشلت واستحت..لانها كانت في وسط المحل..والي تبيع كانت بنت شابة..انبسطت على حركة نواف ...وراحت عندهم واعطتهم بوكية ورد..وجلست تتكلم مع نواف ايطالي ونواف يتكلم معاها طولت وهي تحاكي نواف..وبعدين..ابتسمت لريما..وراحت

ريما:وش قالت؟
نواف:سئلتني ياطويلة العمر..شكلك تحبها؟قلت لها مو بس احبها انا اموت فيها..!!وقالت ان اشكالكم لايقة على بعض..وانكم اكثر زوجين رومانسيين شافتهم في حياتها.ولما جت تروح قالت حرمتك حلوة حافظ عليها
ريما:ياحليلها
نواف:وهذا الورد هدية منها لك..
ريما:والله انها ذوق..
نواف:ايه صح..

طلعوا من المحل..وراحوا محل ثاني واشتروا لأبو نواف هدية.وبعدين طلعوا من السوق..
ريما:نواف ماكأنك نسيت شيء مهم؟
نواف:مدري بس اعتقد مانسيت احد..
ريما:محمد اخوك
نواف:ايه صح ذكرتيني فيه..لاوازيد من الشعر بيت هو اكثر واحد يقول ابي هدية خاصة من ايطاليا
ريما:هههههه خوش توصية اجل
نواف:لولا الله ثم انتي كان رحت في خبر كان..عاد مين يسلم من لسانه..فديتك يالغلا..
ريما اقترحت على نواف يشترون لمحمد عطر وساعة..وريما اختارتهم لان ذوقها حلو..

طلعوا نزلوا الاغراض بالفندق وارتاحوا شوي وكملوا مشوراهم وطلعوا مرة ثانية..ريما راحت وبدلت ملابسها..

ولبست جاكيت قصير مخمل لونه عنابي.. ومع تحت بلوزة شيفون ولها ياقة(قبة) بارزة..ولفت على رقبتها ايشارب طويل وسخيف لونه عنابي وفيه ترتر خفيف..وبنطلون كحلــــي ومع تحت فيه تطريز بالعنابي...ولبست خاتم من التوباز كان رايق وفخم...عدلت الميك آب بمعنى آخر كثفته لانها بتروح تسهر مع نواف..!!لبست بوت له كعب عالي كان لونه بنفس درجة الجاكيت..ريما تعطرت من كوكو شانيل عطرها المفضل وطلعت لنواف..

نواف سحب كرسي وجلس عند النافذة يتأمل الناس الي تحت كانت الاضواء روعة والمكان يعج بالناس.. والحركة المستمرة نواف نسى نفسة وجلس يطالع فيهم..جت ريما من وراهـ وريحة عطرها تسبقها..حطت يديها على عيون نواف..نواف مسك يديها وحس كيف هم نعومات وصغار بالنسبه ليدينه..!!التفت عليها ..ابتسم لها ابستامة ذابت ريما من وراها..

نواف:والله انك خطيرة ياريما..انا جالس انتظرك برى وانتي تتكشخين..
ريما:ايه حبيبي انا احب التجديد وبعدين علشان ماتمل مني..
نواف:انا لايمكن امل منك مجنون انا ولا مهبول ان قلت مليت منك..!!
ريما:الله يخليك لي....يالله اجل خلينا نطلع
نواف:استني شوي..حتى انا بروح اغير ملابسي..ابي اقلدك
ريما:ههههههههههه

تكشخ نواف ولبس فنيلة لونها ازرق وسماوي مخططه وبنطلون ابيض ولبس فوقه جاكيت ابيض رايق..وحط على خصل شعرهـ شوي جل طالع شكله جنااااااان..

يوم طلع..ريما تخبلت عليه..مسك يدها وطلعوا..!!

: : :

فيصل دخل على امه (العمة نورة)والهنوف وعبودي اخوهـ جالسين في الصالة..
فيصل:السلام عليكم..
الجميع:وعليكم السلام..
فيصل:يالله قوموا خلينا نتمشى من زمان ماتمشيت فيكم..
عبودي:الله من ذمان ما لكبت ثيالتك(الله من زمان ماركبت سيارتك)
العمة نورة:يالله الهنوف قومي جيبي لي عبايتي من فوق..
الهنوف:طيب بروح ركض قبل لايغير رآيه اخونا في الله
فيصل:هنوفوه عن طولت اللسان..روحي جيبي عباية امك احسن لك..
عبودي:يالله بثرعة لوحي تيعي كلام احوك الكبيل(يالله بسرعة روحي طيعي كلام اخوك الكبير)
الهنوف:بزارين آخر زمن!!
فيصل:ههههههههه بعدي والله اخوي..والله انك اخو رجال..
الهنوف:عشتوا قال اخو رجال قال.هههههههاااااااااي
فيصل:كلكم بتروحون الا هذي ..يأشر على الهنوف
الهنوف:لا تكفى فصيل خليني اروح..
فيصل:خوش والله وبعد تقولي فصيل هي وجهها
عبودي:علثاني خليها تلوح(علشاني خليها تروح)
فيصل:علشان عبودي بس
العمة نورة:يالله الهنوف استعجلي..

: : :

كانت غرفة نوف ظلام شديد مافيه غير نور الاباجورات الخفيف..متمددهـ على فراشها البارد..والافكار تروح تجي في مخيلتها..كانت تعتقد ان محمد خلاص مايبيها كل همه دارسته ولافكر فيها..ماتخيلت انها راح ترتبط بشخص ثاني غير محمد ولدعمها..لانها ماراح تنتظرهـ 8 سنوات..حست بحزن يقطع قلبها1111...لكن كبريائها فوق كل شيء ..كانت تقاوم,, تعاند,, تكابر....كانت توهم نفسها بان محمد مايبيها وانه مايستاهلها لأنه باعها ولافكر فيها..كرامتها فوق كل اعتبار..

راحت لمكتباها سحبت دفتر وجلست تخربش فيه خربشات..

عندما حان الفراق..

لن اتوسلك لكي تبقى!!
ولن ارجو منك التراجع عن هذا الموت الذي تعاقبني به (موت رحيلك.!!)

سأقف مكتوفة الأيدي كما يفعل الضعفاء والعاجزون عن مد يد العون لأنفسهم..وسأنتظرك لتأتي مرة ثانية إلى هنا(حيث قلبي)مضرج بخيبتك وملطخ بطين هزيمتك..

ولن اغلق باب قلبي في وجهك..لكنني لن أسمح لك بالدخول..!

يمكنك الأنتظار خارجاً حتى تحين ساعة العفو عنك..وربما لا تدور عقارب هذة الساعة ابداً..!!
كن مخلصاً لما تبقى منك في قلبي...ومنصفاً لما تبقى مني في قلبك..

كن رجـــــــــلاً وهذا يكفـــــــــــي!!....

سكرت دفترها..ونامت كانت بحاجة للنوم..علشان تهرب من التفكير في مصيرها وحبها لمحمد الي حكم عليه بالأعدام..

ريما ونواف رجعوا للفندق في وقت متأخر حسوا بتعب شديد بعد مشاوير اليوم..لانهم ماتركوا مكان ماراحوا له والاسواق والمطاعم والمنتزهات..على طول دخلوا غرفتهم وناموا..علشان يقومون وسيدا يروحون للمطار..!!

ريما مانامت زين..كان نومها متقطع..كانت مشتاقة بالحيل لأهلها..اول ماصحت راحت واخذت لها شاور..ورتبت شنطها وشنطة نواف وجهزت كل شيء..

نواف اول ماصحى كانت ريما منهمكة بترتيب الاغراض ..راح عندها ماحست فيه ..ومسكها من عند خصرها ..
ريما صرخت باعلى صوتها..!!
نواف مات من الضحك عليها..وعلى صرختها..ريما عصبت منه راحت وجلست بالصالون..زعلانه..راح نواف عندها يبي يراضيها
نواف: آسف وحقك علي..
ريما ساكتة وتضرب رجولها بالارض
نواف:يالله قلبو والله كنت بشوف وش تسوين!!
ريما تصد عنه..
نواف:افا الدعوى فيها صد..
راح وباس راسها..
نواف:اتمنى تكون البوسة راضتك
ريما بابتسامة عريضة:انا لايمكن ازعل عليك نواف..بس عصبت شوي
نواف:يعني راضية عني؟
ريما:ايه..
نواف:اشوى هذا اهم شيء..
جلس يطالع ساعته..
نواف:اووووف تأخرت..يالله انا بروح اخذ شاور ع الطاير تجهزي..اوكي بنروح للمطار..
ريما:اوكي انا من زمان جاهزة..

طلعوا للمطار وبعدين اقلعت الطيارة لروما..وجلسوا 6 ساعات في مطار روما كانت الطيارة فيها عطل..وبعدين رحوا من روما للبحرين ومن البحرين للرياض (لأن الطيران مزحوم......)وصلوا للرياض في وقت متأخر بالحيل..

نواف:الحمد لله على السلامة
ريما:الله يسلمك..يالله وانا اطالع من نافذة الطيارة مانيب مصدقة اني في اراضي السعودية..
نواف:واضح عليك كنت فرحانه..
ريما: نواف ماشوف احد استقبلنا؟وش السالفة؟
نواف:انا ماقلت لأحد
ريما:شلون؟
نواف:هههههه لابسوي مفاجأة للجميع..اللحين الوقت متأخر وماحبيت اضايقهم واخليهم يسهرون..والصباح رباح
ريما:وكيف؟ بنروح مع مين؟
نواف:تكسي..!!ومعي مفاتيح البيت وخلاص وخلصنا..حليتها..!!
ريما:ياسلام عليك..!!انت كذا هههههههه
نواف:ههههههههه

راحوا وقفوا تكسي..وركبوا فيه..وصلوا لبيت العم سعود....على وجهه الفجر...كان البيت ظلام واضح ان الكل نايم..دخلوا شوي شوي ومن غير محد يحس فيهم..صعدوا للجناح حقهم..!!ودخلوا الشنط بكل هدوء..

نواف وريما كانوا تعبانين من كثر مادخلوا من مطارات ومن طيارة لطيارة روسهم عورتهم..على طول ناموا..من التعب والارهــــــــاق..!!

الساعة 3 العصر..
ريما قامت بكل كسل تطالع الساعة ..
ريما:يوووة الساعه 3 ماحسيت بالوقت..
اخذت ريشــــة طاووس عندها..تبي تصحي فيها نواف..
نواف يضرب الريشة وهو نايم..ريما كانت تضحك على حركاته..
ريما:يالله حبيبي قوم الوقت تأخر يالله فشلة خلينا نقوم نسلم عليهم..
نواف:طيب يالله
ريما بعد ماحست بالنشاط من الشاور الي اخذته ولبست تنورة لونها ابيض ومطبوع فيها ورد ..ولبست بلوزة لونها اسود دانتيل ومع وراء كلها ازرار على شكل لولو..حطت كحل وروج ..وجعدت شعرها..وحطت فراشه لونها ابيض على الجنب..اخذت معاها جلال احتياط لما تشوف محمد

وهم على الدرج قابلو محمد ريما على طول تغطت محمد كان مصدوم
محمد:مين؟نواف ؟يمة جني!!<يستهبل
نواف:يالخبل وش جنيه..خوش استقبال
ريما كانت تضحك على حركات محمد..
محمد:ياهلا بالمعرس..حمد لله على السلامة..شخبارك ياريما..الحمد لله على السلامة
ريما:الله يسلمك..
نواف:امي وابوي تحت..؟
محمد:ايه..بسرعة الحق على ابوي قبل لايطلع للشركة..
نواف:صدق..يالله ريما

نزلوا نواف وريما للصالة وكان ابو نواف وام نواف..جالسين يسولفون..
نواف وريما:السلام عليكم
ابو نواف:نواف؟ريما؟ياهلا والله ومرحبا الحمد لله على السلامة ياعيالي...
نواف راح وباس راسه..الله يسلمك
ام نواف راحت وسلمت على نواف:الف حمد لله على السلامة..تو مانورت الرياض..
نواف:الله يسلمك يالغالية..منورة فيكم..
ابونواف:الحمد لله على السلامة ياريما
ريما جت وباست راسه:الله يسلمك عمي..
ام نواف راحت وحضنت ريما :الحمد لله على السلامة..متى وصلتوا؟وليش ماقلتوا لنا؟
ريما:الله يسلمك خالتي..والله ياخالتي حبينا نسوي لكم مفاجأة
ام نواف:والله خوش مفاجأة..بس كان قلتوا لنا..
نواف جلس جنب ريما..
نواف:والله يايمة ماوصلنا الا متأخرين وماحبينا نزعجكم..
ابونواف:لا يانواف المفروض اعطيتونا خبر..علشان نفرح فيكم..طيب كيف وصلت هنا وانت مامعاك سيارة؟
نواف:لا اخذنا تكسي..
ام نواف:هاه ياريما عساكم انبسطتوا؟
ريما:ايه الحمد لله..
ابو نواف:وشلونها ايطاليا؟
ريما:والله حلوة ياعمي..
ابو نواف:وش رايك نجدد شهر العسل يام نواف ..!؟
نواف وريما:هههههههه
ام نواف:ههههه والله ماهيب شينه
ابو نواف:هههههههههه
نواف:شخبار عمامي؟وعمتي نورة؟
ابو نواف:كلهم بخير..!!
ام نواف:والله لو انتم قايلين لنا انكم بتجون كان مسوين الليله عزيمة..بس يالله نخليها بكرى ان شاء الله..
ابو نواف:عسى ماتعبتوا؟
نواف:الا والله رحنا لكذا مطار ومن طيارة لطيارة..تعبنا
ام نواف:الله يعين..!!

محمد طق الباب علشان يدخل..ريما على طول تغطت..دخل محمد..
محمد:السلام
الكل:وعليكم السلام..
محمد:انا اقول الرياض منورة ليش؟طلع اخوي وحرمتة منوريناها..ياحي الله نواف وريما
نواف:هههههه الله يحيك..هاه قولي وش صار على تسجيلك؟
محمد:ابشركم قبلوتني الجامعة الي ابيها في كندا
نواف:زين والله ع البركة..اجل سوي لنا حفلة بمناسبة قبولك
محمد:بس الحساب عليك هههههههههههه
الكل يضحك عليه..
ام نواف:مدري وشوله يروح ويتغرب كن مافيه عندنا جامعات..!!وش رآيك ياريما؟
ريما:مادامه له رغبه في الجامعة الي برى المفروض يروح لها..وبعدين التخصص الي يبيه نادر مانحصل شباب معاهم هذا التخصص..وان شاء الله راح يجي كل ماسمحت له الفرصة عطلة او مناسبة وكلنا عندك ياخالتي اذا سافر..
محمد:صح لسانك يامرت اخوي..يايمة التخصص الي احلم فيه من كنت صغير مو موجود عندنا في المملكة..
ام نواف:طيب اختار أي تخصص ثاني
محمد:اشوف يمة توني اصير غالي عندك؟ياليتني من زمان قايل لك ابي اسافر علشان اشوف كل هالغلا!!
ام نواف:والله انك انت ونواف عيوني..بس ماودي تروح
نواف:اتركيه يمة..كل واحد وميوله..يعني هو ماراح يسافر يلعب راح يدرس ويجيب معاهـ شهادة يرفع راسك فيها..ومثل ماأنا سافرت وتغربت هذاني رجعت ولله الحمد..هو ان شاء الله راح يسافر ويرجع لنا..خليه يشوف مستقبله..!!لاتحطمينه
ابو نواف:هذا الكلام الصح!!صادق نواف..
محمد راح وباس راس نواف:وينك عني من زماااان يابو سعود!!
نواف:هههههههه الله الله على المصالح
ام نواف:كيفه براحته..

نواف جاب الاكياس الي فيها الهدايا وحطها عند ريما..وطلعتهم ريما واعطوا ابو نواف وام نواف ومحمد..
ام نواف:والله كلفتوا على نفسكم..
ابو نواف:انتم رايحين شهر عسل المفروض ماعذبتوا انفسكم..
ريما:لا كلافة ولاشيء..والله تستاهلون اكثر من كذا
ام نواف:تسلمين يالغالية..
نواف :وهذي هدية محمد..
محمد:ياسلام والله انها روعة..!!غريبة ذوقك نواف؟
نواف:لا ذوق ريما..
محمد:اييه انا اقول وش هالزين..مو ذوق نواف البايخ..
نواف:طيب يادب الشرهه مو عليك علي انا الي جايب لك..
ريما:ههههههههههه
ام نواف:لا تستغربين ياريما ترى بتتعودين كل يوم كذا..
ريما:ياحليلهم هههههههه

نواف:يالله احنا نستأذن بروح اودي ريما..لبيت عمي وبنسلم عليهم..
ام نواف:والله ياريما لو شفتي امك اش قد ولهانه عليك
ريما:حتى انا ياخالتي
نواف:عندنا وعندكم خير..وهذا وهي كل يوم تتصل عليها
ابو نواف:الله يخليكم لبعض..
ريما:يالله عن آذنكم..

» قمر خالــد.. روووعه
» رسايل وسائط بس روووعه
» احلى شي في الصداقه الوفاء
» أفخم سياره سعوديه (بالصور )ـ
» الحكم جلداً على معلمه سعوديه في الظهرآن ((صورة))