وقال القلب آه: قصة وايد وايد حلوة !!

الجزء الأول:

مع كل ثانية تمر تزيد قوة صوت التلفون في أذن عبير فقامت منزعجة

من نومها ومدت يدها تشيل السماعة وردت بصوت نعسان ويبي ينام:ألوو

ومن الطرف الثاني:هلا عبير ياخيشة النوم ,كيفك؟

عبير:أنتِ ماتخافين اللّة خليني أنام بلا هالأزعاج من أول الصبح,

واللّة إني مانمت أمس بدري حرام عليكِ!

وفاء:ههههااي واللّة مو مشكلتي بسرعة قومي الحين لا بهالجزمة اللي قدامي على راسك,

عبير:أف,أنتِ قولي لي شتبين مني الحين؟!

وفاء:أبي أزور صديقتي وحبيبتي في بيتها حرام يعني؟!

وتقفز عبير من على السرير:صج!صحيح بتجين عشان أشوفك

وحشتيني من زمان ماشفتك..

وفاء:أيوه..صج ياماما يلة قومي حبيبتي غسلي وجهك وعدلي كشتك

وتكشخي أبي أشوفك عروس!

عبير:أصلاً أنا كل يوم عروس وبعدين تعالي إلي يسمعك يقول

هاذي وحدة جاية تخطبني لولدها !

وفاء:أجل أنا أيش باأسوي مو لأن ولدي خلاص صار يشتغل

وأنا طبعاً تمنيت صديقة عمري وحبيبتي تصير مرت ولدي ..

عبير:هههااي حلوة هاذي أقول حبيبتي الشرهه مو عليكِ الشرهه

على اللي قاعدة تكلمك الحين لكن أنتِ تعالي وأنا بارويك شغلك ياالساحرة

وفاء:أقول تراك هذارة وايد الحين أخوي ناصر بالموت رضى يجيبني لك

لايقعد يصارخ مالي خلق هذرتة من الصبح.. يلة بايو

عبير بصوت كلة سرحان:بايـــــــــات,

من قالت وفاء أسم أخوها ناصر تذكرت عبير الموقف المحرج

اللي صار لها معاه لدرجة إن وجهها صار تفاحة حمرا جداً جداً..*

الجزء الثاني:

<< وها الذكرى كانت من أسبوعين لما وفاء أصرت على عبير

إنها تروح معاهم مزرعتهم ملك أبوها مع بيتهم ومع بنات خالتها

وبعد محاولات من وفاء أقتنعت عبير وراحت معاهم

بعد موافقة أمها طبعاً وهناك بعد الوناسة والغدا في العصر

كذا كانت عبير تتمشى مع وفاء بكل حالمية وصوت العصافير

يعم المكان والرومانسية

والحلوة وفاء بهبالها وشجاعتها إللي ماأدري من فين طلعت

قامت وتحرشت بكلب كان قدامهم لأن شكلة كان لطيف

وفجأة ماشافوه إلا توحش عليهم وصار يخوف وقاموْ يركضون

بكل قوتهم خوفاً من الكلب اللي صار يلحقهم وهم من الفزع

ماكانو يشوفون لا إللي قدامهمْ ولا إللي وراهمْ,

وكانت حالة عبير وهي تركض إن شيلتها طايحة وتلهث مع كل نفس

يطلع منها وفجأة صقعت بجسم شخص قوي من قوته دار راسها

وحسبت إنها صخرة منعتها إنها تطيح (وطبعاً الأحراج هني بدا)

ورفعتْ هي راسها والتقت نظراتها بنظراته وتموْ يناظرون بعضْ

بصدمة لمدة دقيقتين تقريباً ثم بعدت عبير عيونها بسرعة

ودقات قلبها تتسارع ووقفتْ تُدور على وفاء بس مالقتها

وفكرت إنها يَِِمْكِنْ هربتْ من طريق ثاني

ومن الأحراج والتوتر ماعرفت شنو تسوي أو تقول ولحسن الحظ

كانت بنت خالة وفاء اللي أسمها جنان مع هذا الشخص

فتصرفت بسرعة وقالت لها:

تعالي عبير معاي داخل وبكل خوف وإحراج ومشاعر غريبة

راحت معها وكانت تحس بجنان نار تغلي من القهر وكأنها متضايقة

من الموقف اللي صار برا فقالت لها تبي تحسن الموقف:

آسفة أنا ماأنتبهت أنو فية أحد لأن الكلب كان يلحقنا و.......

قاطعتها جنان إللي حَسْتْ بالذنب:

أيه ماعليك حصل خير إن شاء اللّة بس وفاء فينها؟

عبير:هاه أيه صج وينها ماأدري عنها هي بعد قامت تركض

أكيد المسكينة للحين الكلب وراها إمشي خلنا نروح نشوفها,

جنان:يلة لا تروح فيها البنت $$

وطلعوا جنان مع عبير عشان يدوروا على وفاء

وشافوا وفاء جالسة على الأرض تأن من الألم وجنبها نفس الشخص

والكلب لحمار (هاذي سبة مو في مكانها هههه)

راحت عبير من دون شعور تركض لصديقتها الباكية وتقول:

وفاء حبيبتي وش فيكِ وش صار لكِ؟!؟!؟!

وفاء:آه يا عبير لحقيني هذا الكلب قليل الأدب السبال شمخني في ريلي,

عبير ناظرت مكان الشمخ وشافت شلون كان الجرح عميق

والدم ينزل بغزارة وما أحد متصرف خلاص ما أقدرت تتحمل أكثر

ولفت وجهها وهي تحس أنو بيغمى عليها وما رفعت نظراتها

إلا تشوف نفس الشخص يراقبها بنظراته وهي أبداً ما أعجبتها نظراته

وأنقهرت منه يشوف البنت تتألم وجالس صنم ولاصمنديقة فقالت لوفاء:

قومي ياقلبي معاي وألتفت لجنان:

بلييز جنان تعالي ساعديني نوقف وفاء وبنفس الدقيقة

كانت وفاء تحاول توقف بصعوبة ومو قادرة تتنفس عدل

ولا هم قادرين يمشونها فعصبت عبير على هذاك الشخص الصنم

(إللي عرفت من وفاء بعدين أنو أخوها ناصر )

وقالت له وهي تناظره بعيونها أللي يتطاير منها الشرر:

هي أنت ما عندك إحساس تشوف البنت مو قادرة تمشي

ولا أحنا قادرين نمشيها وأنت كأنك طوف ما تمد يدك تساعدنا ............!

كانوا كلهم متفاجئين من أسلوب عبير ,

جنان كانت مفتحة فمها وعيونها ع الآخر وحتى وفاء

اللي تتألم كانت مستغربة من فين جابت عبير كل هالجرآة

ما شاء الله عليها حبيبة قلبي أدري بها من زود ما تحبني خايفة علي هههه...

وبعد فترة صمت قام ناصر من الإحراج وحمل أخته للسّيارة

وقال للباقي يجو يركبوا السيارة عشان يروحوا

وكان ناصر يفكر في نفسه:

والله خوش على آخر عمري تجي بنت ماأعرفت تأكل نفسها تقوي نفسها

علي والله لو ما حالة أختي تتطلب السرعة كان غسلت شراعها..!

وبعدها وصلوا عند بيت عبير ونزلت عبير من السيارة عشان تدخل بيتهم

لكن ماطافت عليها نظرات ناصر الساخرة اللي رماها بها وهي نازلة....>>

توقفت ذكريات عبير لهذا الحد لمن رن الجرس

وقامت تكلم نفسها بصوت مسموع:

واااي! جات وفاء وأنا للحين حتى ماغسلت وجهي

شلي بيردني من لسانها الطويل الحين ..؟!

وتقوم عبير بسرعة تنادي الخدامة: لجين يا لجين .......

لجين:نعم ماما؟؟

عبير:اسمعي روحي افتحي الباب لوفاء صديقتي,

أنا بلبس الحين وأنت دخليها المجلس وقولي لها أني دقايق وأنا عندها,,

وفي خمس دقايق كانت عبير بأبهى حلة ونزلت تحت للمجلس

مالقت فيه أحد ,فراحت للخدامة تسألها :لجين وين صديقتي؟ماجات!؟

لجين:لا ماما هذا الهندي اللي يشيل الزبالة..

عبير اهاا أوكي خلاص أنت روحي نظفي المطبخ.

الخدامة:زين ماما..

وما مرت خمس دقايق إلا والجرس يرن فراحت عبير بسرعة من الفرح

عشان تفتح الباب وبدون حجاب لأنها كانت تبي تشوف وفاء بأسرع وقت

وكانت متأكدة أن في الصبح يكون الشارع فاضي,

فتحت عبير الباب وهي شاقة الحلق والابتسامة مالية وجهها الجميل

وتتحول علامات الفرح في وجه عبير إلى تفاجئ باللي واقف جنب وفاء ؟!!!!!!!!

( أكيد عرفتوه.. ).....

الجزء الثالث:

وكان نفس ذاك الشخص وحامل في يده صندوق كبير وبسرعة عبير

خبت نفسها وراء الباب وهي تقول بحيا:هلا وفاء تفضلي

وفاء بمسخرة:

طيب ياحبيبتي روحي داخل خلي أخوي يجيب هذا الصندوق

عند الباب الرئيسي لأنه ثقيل علينا ومن الربكة والإحراج

تروح عبير تركض لعند الباب الرئيسي اللي داخل وتخلي الباب مفتوح

والكل شافها طبعاً ودخّل ناصر الصندوق وراح وهو يقول لوفاء :

متى مخلصتي دقي علي وأنا بجي آخذك ..

وفاء:اوه من فين جاي هالكرم ياأخوي

ناصر:واللّه أني معطيك وجه يلة روحي داخل لا أطيح فيك تكفخ لين ما تتكسر عظامك

وفاء:هه هه هه

وتدخل وفاء داخل البيت لتمضي في يومها,

ويركب ناصر السيارة اللي ما كان داري عن هوا دارة

كانت عبير سارقة بالة وقلبه وكل شي فيه وكان هو يفكر فيها

ويتخيل شكلها:آه شكثر هي جميلة ورقيقة واللّه إنها حلوة

العيون وساع عسلية والشعر ناعم وقصير اسود ويا حظي فيها

لو أنا خذتها لي زوجة, وينبه نفسه:

هي أنت بشنو قاعد تفكر وجنان اللي تحبك وتموت عليك!!

آنا ما علي منها ما احد ضربها على يدها وقال لها تحبني

وأنا ما راح أربط نفسي بإنسانة أنا ما أحبها وممكن إني أعذبها

لا مستحيل آخذها...وفي غمرة تفكيره ما ينتبه إلا .....طرااااخ!!

في بيت عبير:

وفاء :خلاص أنا بروح يا عبير بتصل لأخوي ناصر يجي ياخذني

وتتصل وفاء على جوال أخوها وما يرد استغربت سكرت واتصلت البيت

وترفعه الخدامة:ألو

وفاء:وين ناصر؟؟؟؟

الخدامة:ما فيه بيت..

وفاء: طيب فين بابا ؟

الخدامة: دقيقه بنادي

أبو ناصر:هلا عبير

عبير:هلا يبه أنا أبي أرجع وناصر قال لي بيمر علي بس مو لاقيته

فأتصل للسايق يجيني

أبو ناصر بهدؤ:

أيوه يابنتي أخوك صابة حادث بسيط وإحنا بنروح له الحين

وأنت تعالي لنا وأنا رسلتلك السايق لهناك بس بشويش

ترى أخوك ما صابه شي ..

وفاء إن شاء اللّه يله باي..

عبير:وشفيك كأنك محصلة طراق على وجهك

وفاء:بروح مع السايق أخوي ناصر بالمستشفى..

عبير بفزع: خير وشفيه؟؟!

وفاء بخوف: ما أدري صابة حادث اكو صوت هرن السايق يله باي

وتروح وفاء بعصبية خوفاً على أخوها العزيز وتركب السيارة

وتقول للسايق الهندي:يله راج بسرعة روح مستشفى (...)

وكانت وفاء طول الطريق سرحانة وفجأة

يمسك السايق بريك يطيرها قدام

(وكانوا في وسط الحي يعني مو في شارع عام)

ومن الطرف الثاني كانت السيارة اللي بغت تصقعهم فعصبت وفاء أكثر

من ماهية معصبة وبكل تهور تنزل من السيارة لمن شافت الرجال

اللي فيها نزل وتقول له تشوف بغيت تودينا في داهية ..

الرجال اللي كان يبدو أنه مستمتع: آسف أختي أنا ماأنتبهت.!

وفاء:يعني ناقصة أنا بلاوي أففففففففف,

وتركب وفاء السيارة وتقول للسايق يروح بسرعة وضل الرجل يراقبها

ويراقب السيارة لحد ما اختفت وصار ما يشوفها

والقهر إنه كان يبتسم.....يتبـــع

يعني اندمجت حدي بالقصه وين الباجي حطيه بسرعه غرومه ابي اكلم القصه ..

تسلمين حبيبتي ..

تحياتي .. براءة طفله ..

الجزء الرابع:

وبعد ساعة في المستشفى كانت بدرية أم ناصر

جالسة على كرسي في غرفة الانتظار وتبكي وتصيح بأعلى صوتها:

آه ياولدي ياحسرتي عليك ياولدي لاتروح عني يا ناصر.......

وفا:لا يمه لا تقولي كذا ..

أخوي ناصر بعيش وبيهتم فينا لين ما ترجعوا أنت وأبوي لبعض..

((أم ناصر منفصلة عن أبو ناصر من شهر تقريباً

وذلك بسبب الغيرة والشك والله يهديهم ويرجعوا لبعض

فبرغم من كبر سنهم إلا أنهم لازالوا يحبون بعض مرررررررة))

أبو ناصر: شب سكتوا الريايل يمروا منية وأنتوا جالسين تصارخون

لا يسمعونكم وبعدين الولد إن شاء الله مافيه إلا الخير ..

ويطلع لهم الدكتور من غرفة العمليات :السلام عليكم

أبو ناصر :وعليكم السلام..خير دكتور

الدكتور:أنتوا عايلة المريض ناصر؟

أبو ناصر :أيوة يادكتور أنا أبوة وش فيه ولدي ؟!

الدكتور: طبعا ًمثل ما انتووا عارفين الحادث اللي عملو ناصر مش سهل

وأنتوا ياجماعة إيمانكم بالله قوي ولازم ترضوا بالقدر..

تقاطعه وفاء بخوف: ليش يادكتور أخوي فيه شي؟

أم ناصر:آه ياحسرتي عليك ياولدي! وتبشي..

الدكتور: هدوا بالله يا جماعة الخير الولد مابو شي بس أنتوا لازم تساعدوه

ماتخلوه يحس بالنقص..!

أبو ناصر:خير يادكتور ايش فيه ولدي ؟

أصعب لحظة على الدكتور لما يخبر أهل المريض وش فيه:

إحنا دلوئت عملنا لألو عملية وهي إن شاء الله ناجحة 90%

بس ممكن إنه يتعرض لأشي في رأسوه ..

أبو ناصر:شلون يعني يادكتور ما فهمت عليك..؟!

الدكتور:والله هو إذا صحي راح نعرف نعرف شو صار فيه

بس أنتوا لاتربكوه وتخلوه يخاف طمأنوه لأنوه أي شي راح يصير فيه

راح يكون مؤقت نظراً لقوة الظربه اللي جاتوه في رأسوه فهمتوا عليه

ياجماعه؟

أم ناصر :أيوة والله فهمنا بس هو متى بيصحى؟

الدكتور:أصبروا وإن شاء الله خير ...

وفاء وهي ساهمة :إن شاء الله..

في بيت عبير:

عبير من سمعت بالحادث اللي صار لها كله سرحانة وتفكر في ناصر

هي تدري أنه في شي يجذبها له ما تدري يمكن نظراته

الحارقة بعيونه الرمادية ..ولا يمكن هيئته الرجولية ...أفففففف الله

يستر إنشاء الله ما يصير فيه شي والله إن لو .....

تقطع سلسلة أفكارها أختها الصغيرة وهي تهز ريولها عشان تنتبه لها:

عبير.. عبير.. عبير..

تنتبه عبير وطالع أختها اللي شوي وأصيح :نعم دانتي حبيبتي شنو تبين؟؟

دانه:أنا قاعدة أحفظ جداول الضرب وأبيك تسمعين لي ..

عبير:ولا يهمك لكن كل غلط بضربة !

دانه اللي تدري أنه كلام بدون فعل مثل كل مره:أنزين يله

وكانت عبير تطالع في وجه دانه وتذكرت سلمان اللي مره يشبه دانه

((وهذا سلمان أنولد بعد دانه بسنه وحده وتم عايش معهم سنتين

وكان معاه التهاب رئوي الله يكفينا شره ومات منه

والكل حزن عليه خصوصاً عبير وأمها لأنهم كانوا أقرب النّاس له))

ومع الذكريات المؤلمة تذكرت الحادث اللي صار لأخو وفاء قلبها

نقزها وخافت عليه وعيونها امتلت بالدموع

وتركت أختها وراحت تركض غرفتها وسكرت الباب

خوفاً من إنها تنفضح وتمت تبشي

لين ما انتبهت لأمها اللي كانت جالسة على السرير جنبها :

يمه عبير حبيبتي فيك شي؟

ألتفتت عبير لأمها وهي تمسح دموعها :لا يمه سلامتك مافيني شي..

أم عبير:عيل ليش كل هاالبشي والدموع؟!

عبير:ولا شي بس وأنا أشوف دانه تذكرت أخوي سلمان

وما قدرت أستحمل ..

أم عبير:آه يابنتي كلنا ما نقدر بس هذا اللي الله كاتبنه وإن شاء الله ورزقني

بأسميه سلمان على أسم أخوك الله يرحمه ..

عبير:الله يرحمه..<أم عبير حامل في الشهر الرابع>

دخلت عليهم الغرفة أحلام:هاي وش فيكم وش هالكآبة؟؟!!

أم عبير:مافينا شي يله أنت وأختك تعالوا تعشوا..

عبير+أحلام:إن شاء الله يمه..

((عبير ما عندها ألا أختين :أحلام بثاني ثانوي 16 سنة ودانه بثالث ابتدائي))

وفي المستشفى:

كانت وفاء على أحر من الجمر خايفة على أخوها أما أمها وأبوها

حالهم كان بارد بس أكيد من الداخل يغلون ..

ويقطع عليهم الصمت صوت جوال وفاء يرن وترفعه:هلا ريم

ريم :هلا وفاء ها بشريني كيفه أخوي ناصر ؟؟…

وفاء:والله العلم عند الله بس يقولون أنه طيب ..أنتِ قولي لي هادي شنو يسوي؟.

ريم:لاتحاتين أنا قاعدة معاه وهو نايم…

وفاء بخوف:لا يكون ريم أنتِ لوحدك بالبيت…؟

ريم:لألا تخافين أنا قاعدة مع خالد بس أنتِ مو تنسين

أي شي يصير بلغيني ترى مو معناه أني قاعدة بالبيت ما أحاتي….

وفاء:طيب خلاص يله باي وخلي بالك على هادي..

ريم:أوكي حبيبتي يله باي

((وفاء عندها غير أخوها ناصر الكبير ..ريم أختها

وهي أصغر من ناصر بسنه وحده بس وهي مخطوبة لولد عمتها خالد

وهم يعيشون أجمل لحظات الحياة مشحونة بالحب من شهرين

وبعد أخوهم هادي المسكين اللي لمن كان عمره أربع سنين ماشافوه

إلا مايقدر يمشي إلى الآن وهو عمره 12 سنة ويمشي على كرسي متحرك

ويدرس في مدرسة خاصة الله يعافيه؟))

بعد ما سكرت وفاء التلفون قال لها أبوها:ها كيفهم هناك بالبيت؟

وفاء تتنهد:بخير..بس يبه مو كأنه ناصر طول علينا ..

أم ناصر:خلي عندك صبر يا بنتي..

وما خلصت أم ناصر جملتها إلا والدكتور جاي لهم:

لو سمحتوا تفضلوا معاي ناصر الحين بيصحى من البنج بس بليز بدون إزعاج..

الكل:إن شاء الله…

ودخلوا الغرفه اللي فيها ناصر وكلها دقايق وبدا ناصر يفتح عيونه

تخيلوا ايش شاف؟!

مسكين ناصر ماكان يشوف إلا الظلام ..!! يا حراااااااااااااااااااام!!

يتبع ؟؟؟

الجزء الخامس

وفي مكان ثاني وعالم آخر كان جالس على البحر

يفكر في اللي صار له وأتخذ قرار ماراح يتراجع عنه

وفجأة يقطع الصمت صوت موبايله يرن بنغمة البيت

ورفعه وكانت أخته:ألو راشد؟

راشد:هلا كوثر خير؟

كوثر:الخير بوجهك تقولك أمي متى بتجي؟

أنا جاي في الطريق تبون شي؟

كوثر:لا سلامتك يله باي

راشد:بايات......

وقام ركب السيارة عشان يروح البيت ويبلغ أمه بالقرار

اللي خذه وهي أكيد بتفرح له ........!

<احزرو من هالشخص......لا تستعجلوا لاحقين بنعرفه>

وفي المستشفى..
توه ناصر مفتح عيونه..

أبو ناصر :ها ياولدي إن شاء الله أحسن ..؟

ناصر وهو ماسك يد أمه:

أيه الحمدلله أحسن..بس ليه مسكرين الأنوار ؟؟

!فتحوها أنا أبي أشوفكم.......

وفاء بصدمة تطالع أبوها اللي بدوره منصدم

وكان يطالع الدكتور وأم ناصر كانت عيونها غرقانه بالدموع

لأن إحساسها من قبل بأن بصير في ضناها شي ماخاب..

وما قدرت تستحمل وطلعت برا الغرفة تبكي

ولدها وبكرها وأول فرحة لها:

آه ياولدي ياولدي يامسكين توك صغير مالحقت تشوف النور

والألوان وتنحرم من عيونك وراح مستقبلك ياحبيب أمك آه

مين اللي راح يرضى يوظفك ومين اللي بتقبل تعرس عليك

آه والله وضعت وضاعت أحلامك وصرت يا ولدي

((عمي)) جرحت هالكلمه قلب أم ناصر

ماقدرت توقف على ريولها أكثر من كذا وغمى عليها

وأبو ناصر اللي كان يراقب حرمته وحالتها تقطع القلب

من زجاج الغرفة الخارجي خوفاً عليها

<لأنه طبعاً يحبها مره وماوقف حبه لها ولادقيقه >

وراح بسرعة لها لمن شافها طايحه يسعفها ..

ووفاء اللي ظلت مع أخوها:

ياحبيبي ياناصر هذا العمى بس من قوة الضربة وهو مؤقت

وكم يوم ويجع لك نظرك وتشوف مثل أول.....

ومامدى وفاء تكمل إ لا ناصر توه يستوعب كلامها ويقاطعها ويصرخ:

لالاااااااااااااااااااااااااااالالاااااااااااااااا اا

خلاص أنا انتهت حياتي وراحت أحلامي وانتهى مستقبلي

وقام يبكي مثل الطفل الصغير اللي خذوا منه لعبته اللي يحبها

ووفاء تبكي معاه وماقدرت تتكلم ...

بعد فترة رجعوا أم ناصر وأبو ناصر وهو هدأ شوي ورفع عينه لهم

وسألهم:صحيح أنا صرت عمي؟؟؟؟؟؟؟؟!!

ماحد عرف الجواب وضل هالسؤال في بالهم كلهم ........

ناصر طلع من المستشفى وطلبوا منه يراجعهم بعد أسبوع ..

*بعد أسبوع من هالحوادث كلها*

عبير كانت رايحه تزور وفاء في بيتها وكانت الساعة 4 العصر

وصلت البيت وكان الباب مفتوح ودخلت عبير وبالحديقة شافت.......؟

منو تتوقعون شافت ..أكيد انتو خطأ.......هههه

هي شافت هادي الأخو المقعد لوفاء واللي كان يقطع فؤاد عبير مره ..

وراحت لعنده:كيفك هادي؟

هادي بصوت طفولي:أنا تمام الحمدلله بس ناصر هو اللي مو بخير

وقام يبكي ويقول كلام متقطع ..:

هم مو راضين يقولون لي شنو فيه يفكرون أني صغير ماأفهم ولا لأني ماأمشي ...؟؟

عبير تبي ترجع له الأبتسامه :خلاص ياحبيبي قطعت قلبي أنا لما أعرف ايش فيه

بأقولك..أوكي...

فرح هادي أنه بيعرف وش في أخوه:

أوكي أوكي ياصديقة وفاء وأنا آسف لأني ماراح أقدر أناديها لك أنت أدرى بحالي..

روحي لها في غرفتها داخل..

عبير بأبتسامه:ماعليه حبيبي يله كمل لعبك..

وكان ناصر يسمع الحوار من نافذة الصالة بدون قصد وفكر:

شكثر هالأنسانه حنونة <وبتردد :

لو أنا ...لو أنا ماصار لي اللي صار كان طلبتها وتزوجتها

بس هي الحين أصلاً مابترضى تربط نفسها بواحد عمي مايشوف ..آه..

ودخلت عبير اللي من جد حبت ناصر بصمت ..

وفي الصالة شافته جالس يفكر بعمق وسرحان

وهي عرفت باللي صار له قالت لها وفاء بالتلفون لما كلمتها ...

وماتدري من وين جات لها الجرآه وراحت هناك قدامه وقالت:

السلام عليكم..

ناصر عرفها :وعليكم السلام ياهلا

عبير: شخبارك أخوي ناصر إن شاء الله بخير الحمدلله على السلامه

ناصر ازعجته كلمة أخوي هاي بس حب يجاريها بالكلام :

الله يسلمك أخت عبير ..

عبير اللي استغربت كيف عرفها:ماشاء الله عليك عرفتني..!!؟ومانسيت أسمي؟!!

ناصر دون مايدري فلت لسانه وتجرأ يقول لها مشاعره:

أنا أنسى أسمك وأنا من شفتك وأنا عقلي مقفل وقلبي مشغول بحبك

وبالي دايم أنت متربعة فيه ..وأنا ما أقدر أسوي شي لأني عاجز..! عاجز..

وأكيد مافي وحده بتربط نفسها بإنسان عمي مايشوف..!....

في الطرف الثاني من البحرينأحداث قصتنا تدور بين البحرين والسعودية

بحيث أن معظم الشخصيات من السعودية بس عايشين بالبحرين

لظروف بذكرها بعدين والبعض الآخر من البحرين وكل اللي صار سابقاً في البحرين)

كان راشد وأريج أخته جالسين مع أمهم يسولفون

فاستغلت أم حسين <أمهم >الفرصة أنها تقول لولدها

عن بنت لقتها وتبي تخطبها له:

ياراشد ياولدي أنا لقيت لك بنت الحلال اللي تقدر تسعدك ..

راشد :يمه أنا قلت لك أني قررت أعرس بس مو الحين صبري شوي..!

أم حسين:متى ياولدى أنا بموت وماشفت عيالك ..

راشد: عسى عمرك طويل يمه لا تقولي كذا أنا بعرس بس بعد شهر يعني أخلص

أشغالي..وعشان خاطرك يله قولي لي من اللي أخترتيها لي؟

أم حسين :الحمدلله فكرتك هونت عشان المسعدة اللي في بالي وبالك..

راشد تضايق من ذكر أمه لسيرة مها اللي مو مرغوب فيها

بس عشان مايضايقها قال لها:أفا يمه لا تحاتين أنا ماهونت بس أنت قولي مين؟

أم حسين:والله هي وحدة بنت ناس أجاويد ومحترمين واسمها عبير بنت إبراهيم.!..

راشد: حصل خير بس ها مو الحين بعد شهر أن شاء الله

أريج اللي كانت منشغلة بالتلفزيون: الله يهديك ياخوي ويوفقك..

أم حسين:الله يسمع منك يابنتي...

ونرجع للعاشقين اللي حالهم ماكان يسر :

عبير تفاجأت أنه ناصر بعد يحبها مثل ماهي تحبه وحمدت ربها

وكان الحزن مملي ملامحه وصوته فقالت له:

لا لا تقول كذا أنا وحده والله.........قاطعها ناصر :

عبير بصراحة :أنا لو ماصار لي الحادث وكنت أشوف وتقدمت لك كنت بتقبلي بي؟؟

عبير:ناصر أولاً:

أنت حتى لو تقدمت لي الحين وبحالتك هاذي باأوافق..

وثانياً:ماتدري أن كلمة لو حرام و...

قاطعها ناصر بقساوه و قال لها:

عبير بليز أنا ماابي شفقه من أحد وخصوصاً منك أنت

لأنك الإنسانة الوحيدة اللي حبيتها والقدر يبي يبعدني عنها و.....

هالمره قاطعته عبير وهي تدعي العصبيه :

ناصر شوف أنا ماأشفق عليك ولا أفكر بهالشي أبد, أنا...أنا...أنا أحبك ياغبي..!

يتبع...

الجزء السادس: أما في ذاك القصر الكبير اللي يعيشون فيه أولاد العز في السعودية ..

كانت قاعدة جنان تفكر في ناصر وتبكي ودموعها تنزل مثل المطر

وفي نفسها :آه ياقلبي والله أني ماعدت أستحمل أكثر من كذا..ليه؟..

ليه يازمن ..بالأول كان ناصر حتى مايعبرني ويوم حسيت أنه صار منتبه

ييصير فيه حادث وينعمي ..آه الحين خلاص راح حلمي في أنه يصير زوجي ..

هو صحيح ولد خالتي بس لا أمي ولا أبوي راح يوافقون

..مستحيييييييل ..أبوي رغم أنه مدللني وملبي لي كل طلباتي

بس عنده يزوجني غصباً علي ولا يزوجني واحد عمي وضلت تبكي

لين ماجات في بالها فكرة :

بما أن أبوي مارضى أروح لهم البحرين أزور ناصر ليه ماأتصل؟!

وقامت رفعت سماعة التلفون وضل يرن وصاح في الصالة

وكان ناصر مكانه ماقام من قالت له عبير أنها تحبه وهو بعده يفكر بالكلمة

اللي تحمل معاني وااايد ومو مصدق عمره وفجأة رن التلفون

اللي أعاده لأرض الواقع وحاول يمد يده ويرفعه ونجح ...ناصر:

ألو مرحبا

جنان:مرحبا بك ناصر الحمد لله على السلامة

ناصر:الله يسلمك ياجنان فيك الخير والله

جنان :كيفك الحين أن شاء الله أحسن؟

ناصر حس بصوتها نبرة حزن لأنها أكيد بعد اللي صار له

عرفت أن أبوها المتكبر عليهم وهم في صحتهم أكيد بيكون أكثر غرور

وهو عمي ومستحيل يوافق يزوجها له لو كان يبيها وهذا اللي هي تظنه ...

ناصر:أنا بخير الحمد لله بس.. بس ناقصني عيون ياجنان ..

جنان:عيوني لك لو تبيها ...

ناصر ويبي يوعيها لنفسها لا تتعلق فيه أكثر:

تسلمين يا أختي والله أنك غالية عندي مثل وفاء أختي

ومافي أخو يحب لأخته تصير بدون عيون ..

جنان اللي جرحها أكثر من اللي هي فيه:

مشكور ياناصر أوكي أجل أنا بسكر الحين وسلم على خالتي والبنات مع السلامة ..

ناصر الله يسلمك من الشر يله مع السلامة ..

نزلت جنان السماعة والدموع كانت في عيونها وهالكلمات في قلبها:

مدري يسمونه حب ولا عذاب ..
مدري القمر غافل ولا تعبان..
ياعشاق وين الدليل..
ياورد أحمر من يشتريك..
أصحى ياعاشق لاتنام في نار الحب
ويكويـــــــــــــــــــــــــــــــك...

أما عبير بعد ما سوت عملتها اللي ندمت عليها لأنها تحس

أنها سوت شي خطأ وصار مثل العار لها بنسبة

لتربيتها ولأخلاقها <وهذا كان تفكير عقلها>بس قلبها كان يقول

شي ثاني كانت فرحانة أنها قالت له وريحت نفسها

وتتمنى أنها قدرت ترفع معنوياته وهي مجرد ماقالت له

راحت تركض للدرج عشان تركب غرفة وفاء

وكان الخجل ذابحها مووووووت أما وفاء اللي كانت بتنزل لها

ووقفت فوق مكانها عند الدرج لما سمعت عبير تكلم ناصر

وسمعت كل كلامهم وفرحت لأخوها كثير وخصوصاً

إن اللي تحبه ويحبها هي أقرب صديقة لها وبسرعة رجعت غرفتها

عشان لا تنكشف إنها سمعت شي ...

وثواني ألا عبير تدخل عليها الغرفة وهي تدعي أنها طبيعية

فقامت وفاء تسلم عليها وماتدري ليه سلمت عليها وضمتها بعمق أكثر

يمكن شكر لرفيقة دربها أنها ماراح تترك أخوها وحيد ....

وتمو يسولفون ويضحكون بقية الوقت ..

وفي عقل إنسان آخر وفي مكان ثاني ..

راشد خلاص دخلت مزاجه فكرة أنه يرتبط مره ثانية ..

وكان جالس في المكتب في مؤسسة أبوه يخلص شغله

عشان يقدر يقدم موعد خطبته قد مايقدر وكان يفكر بصمت:

ياترى شلون بيصير شكلها ..وجات في باله (مها) خطيبته الأولى

اللي ماتوافقوا وتركها وظل فترة مو قادر

ينساها فسافر لبنان بحجة أنه بيمسك فرع مؤسستهم اللي هناك

عشان يقدر ينساها وبالفعل تخطى هالمرحلة

ونساها بس بعده عنده عقدة من اللي سوته فيه

<بعدين بتعرفون وش سوت ..كل شي في وقته حلو >

وترك التفكير فيها لأنه من جد كرهها ..

وقام يحاول يتذكر شنو قالت له أمه أسم البنت اللي بتخطبها له :

يارب وش اسمها..؟وش اسمها؟.. أيوه تذكرت اسمها عبير إبراهيم

منو هذا إبراهيم لايكون بس إبراهيم صاحب شركة الخيرات

اللي يشتغل فيها محمود وهو ماعنده اللي بنات ويسمونه أبو عبير...يجوز ليش لا ..

ويقطع أفكاره صوت تلفون المكتب :نعم نادين وش بغيتي؟

السكرتيرة :أستاذ راشد في واحد بدو أياك برا ..

راشد:أوكي خليه يدخل بسرعة...<وهاذي حياته كل يوم تقريباً> ...

ونرجع لبيت وفاء:

كانت عبير تتأمل وجه وفاء..

وفاء:خير فيه شي وجهي.ولا معجبة ..؟

عبير:معجبة..عندك مانع؟؟

وفاء:لا طبعاً ماعندي مانع وأنا عندي غيرك حبيبتي تغازلني..

عبير:ولو لا تصدقي نفسك وايد بس كنت أفكر فيك وأحس فيك شي ...!؟

وفاء:آه حتى أنت شفتي اللي بعيوني..والله ياعبير مو قادرة أرسي على بر ..

لو تشوفين حال أمي وأبوي ..

أمي في السعودية عند أهلها لاهي مطلقة ولا هي معرسة رغم أنها معرسة

ماأدري لمتى بتم تعاند ..

وأبوي كأنه عزابي بس والله أنا حاسة فيه حاول وقال لأمي أنها ترجع

بس هي مارضيت واحنا اللي ضايعين بدون أمي وأبوي ...

عبير تبي تواسي وفاء وتخلصها من الضيق اللي هي فيه شوي:

طيب ياوفاء يمكن هذا أحسن لهم لما أبتعدوا شوية عن بعض

عشان كل واحد يحس بقيمة الثاني عنده

وفاء:أمي من الحادث اللي صاب ناصر كثرت جياتها هنيه عشان أخواني

ناصر وهادي بس ماتبات معانا وهذا اللي مخليني منقهرة

رغم أني أشوف في عيونها لما تجي حسرة ..

آه ما أتمنى ألا أن قلوبهم ترق وينجمع شملنا من جديد ...

عبير: إن شاء الله يارب ......

وقبل مايأذن المغرب رن جوال عبير وكان أبوها يقول لها إنه برا عشان تطلع له

فسلمت على وفاء وطلعت برا الشارع ولقت أبوها يكلم ناصر

اللي طلع برا بمساعدة الهندي الشغال عندهم ويقوله:

الحمدلله على السلامة ياولدي ناصر ..

ناصر:الله يسلمك عم إبراهيم مشكور والله ماتقصر ..

أبو عبير:ياولدي ليش طالع برا روح داخل أحسن لك ..!

ناصر: والله زهقت قلت أغير جو شوية ..

أبو عبير:الله يساعدك ...يله فمان الله سلم لي على أبوك ياناصر ..

ناصر:الله يسلمك ..يله مع السلامة..

عبير+أبوها:مع السلامة..

وكانت عبير في قمة الخجل من الاعتراف اللي قالته لناصر

اللي من سمعه وهو محلق في سماء السعادة وصار عنده هدف في الحياة

ورجع له أمل كبير وقرر أنه يتقدم لها لأنها تحبه وماراح ترفضه

وخصوصاً أنه يحتاجها أكثر في هاذي الفترة ..

هو كان خايف أنه يكون أناني بهذا القرار لكن هو عنده أمل أنه بأذن الله

بيرجع يشوف ويعوضها عن تضحيتها بقبولها الزواج من واحد عمي

ممكن أنه مايشوف مره ثانية..

في اليوم الثاني ..الوقت كان مساء..وكانت وفاء قاعدة مع ناصر في الصالة

وقالت له:ناصر..أخوي حبيبي؟..

ناصر بدون نفس:هاه شتبين مني ياالسوسة..؟

وفاء:حرام عليك الحين أنا سوسة لكن ماراح أقولك شي..

ناصر بمسخرة وطفش:لا أرجوك أبوس ريولك قولي لي..

بعد هذا اللي ناقصني وحدة مثلك الله يعين ريلك عليك..

وفاء:يتحمد ربه ويشكره طول عمره هو أصلاً فين بيلاقي اللي مثلي..

وطيب خلاص ماباقولك وتسوي وفاء نفسها تكلم روحها بصوت عالي:

قومي ياوفاء خبري عبير بالسالفة أحسن لك لاتقعدي محتارة كذا ..

ناصر:أنت مجنونة !تبلشي الناس ببلاويكِ!..

وفاء بأستعباط :أي ناس؟؟!

ناصر:عبير صديقتك ليه تبلشيها بهذرتك الفاضية؟

وفاء:والله ماكانت عنها فاضية ليه من قبل ليه بتكون الحين.؟

ناصر:طيب قولي لي وش عندك؟

وفاء تبي تقهره:كم بتعطيني أول ؟

ناصر:تراني عطيتك وجه يله ضفي وجهك ..

وفاء:خلاص..خلاص..باأقولك <وبجدية:

ماتلاحظ ياناصر إن الظروف اللي أنت تمر فيها قربت أمي وأبوي من بعض من جديد..

ناصر:والله هذا الشي الوحيد المفيد في الحادث

اللي صار لي واللي أنا حاس أنه حلو وأنا أنتظر يصير هذا الشي

وباأكلمهم في موضوع أني أبي أخط........

وفاء اللي عارفة هو ليش سكت ووش كان بيقول بس لازم الإحراج:

وش فيك سكت ؟؟!
ناصر:هاه ولا شي بعدين ..بعدين..

وفاء:هههاااي..يفكر أني غبية و ماأفهم..

وقامت بسرعة وقبل ماتركب على الدرج رن التلفون

وناصر كان جالس على الكنبة اللي جنب التلفون ويسمع صوته فمد يده

ورفعه بصعوبة وقال:ألو مرحبا

عبير:ألو السلام عليكم..

ناصر عرفها وكان ميت على صوتها الناعم:وعليكم السلام ياهلا..

عبير:ممكن أكلم وفاء؟

ناصر بأستعباط عشان يسمع صوتها أكثر :من أقول لها ؟

عبير تكلم نفسها بصوت واطي مره ومع ذلك سمعها ناصر:ماتعرف صوت حبيبتك

ياغبي..:معاك عبير ..

ناصر:ياعمري أنا أعرفك بس لأن مايصير أكلمك بدون صفة

فلازم أسئلك من أنت عشان أسمع صوتك أكثر...

عبير كانت فرحانة ومستحية من الكلمة اللي قالها وقلبها كان طبول

بس هي ماتبيه يحسب أنها من هالبنات :

طيب وين وفاء؟

ناصر المتونس:لحظة شوي أناديها لك ,والله مايحتاج هذي جاية ..

وفاء:هلا بعمري وقلبي وحياتي واللي بتصير...

<سكتت شوي وهي تفكر:وش هالمصيبة كنت باأقول لها مرت أخوي

أشوى أني أنتبهت لنفسي ..<وكملت:واللي بتصير معاي في الجامعة عما قريب..

عبير:بل بل بل وش هالحب اللي نازل عليك..!

وبعدين ليه تذكرينا بالجامعة الحين أحنا ماصدقنا ناخذ منها إجازة ..

(وفاء وعبير سنة أولى جامعة خلصوا سمستر واحد .,

عبير تخصص حاسب,ووفاء تخصص تمريض )

وفاء:هاذي جزاتي أنا اللي أحبك وأموت فيك..!؟

عبير:آه ياعمري أنا بعد أحبك والله يخلينا لبعض

ولا يفرقنا ويخلينا نروح مع بعض اليوم السوق..

وفاء تناظر أخوها ناصر وتذكر اللي اتفقوا يعملونه مع أبوهم.. :

اليوم..أممم ما أظن أقدر..

عبير:أفا ..ليه؟!

وفاء: بعدين بعلمك بالخطة اللي بنسويها..

عبير: أوكي أجل أنا أخليك الحين..باي

وفاء:بايات..

ناصر: هاه دخلت الفكرة عقلك؟...

وفاء:أيوه خلاص أنا بروح أنادي أبوي وأنت تقوله اللي اتفقنا عليه ..

ناصر: أوكي يله بسررررررررررررعة..

الجزء السابع:

..وراحت وفاء تنادي أبوها اللي كان جالس مع هادي بالحديقة ..

وفعلاً جاء أبو ناصر وهو حامل هادي على كتفة

وراحت وفاء سحبت هادي من يد أبوها وباسته على خده وقال لها ناصر:

وصلي لي هدوي حبيبي..وخذه في حضنه يعوضه عن أمه بقليل من الحب..

سعود(أبو ناصر): شبغيت ياولدي ناصر أختك تقول أنك تبيني..!؟

ناصر بدون لف ودوران<طبع في العائلة>:

أيه بغيت أسألك الحين شنو عليك أنت وأمي ترى يايبه مايصير كذا

لا معرسين ولا مطلقين ..!

هادي الملقوف:أيوه صحيح يابابا ..

سعود بهدؤ: طيب أنا عندي لكم بشارة ..

وفاء وقلبها طاير من الفرحة ماتدري ليه تحس انه خلاص

هالمشكلة بتعدي على خير: قول يايبه بشرني وفرحني..

أبو ناصر طلّع تلفونه الجوال وقام يدور في الأرقام الصادرة

على أسم (الغالية)واتصل وحطه على لسبيكر :

الطرف اللي رد:هلا والله بأبو ناصر حبيبي وأبو عيالي..

أبو ناصر:هلا فيك أنتِ ياريحة هالبيت اللي محتاجك ..

شوفي عيالك لعوزوني وكل شوي قالوا لي نبي أمي..!

بدرية(أم ناصر):وش دعوة هذا أنت معاهم وإن شاء الله بكرة أنا عندكم

وماعاد في طلعة مرة ثانية..بس أنت لا تقول لهم خلها مفاجأة ..!

أبو ناصر يضحك ويناظر أولاده اللي قالوا له بتأشيرة من رأسهم

أنه مايقول لها أنهم يدرون..

أبو ناصر:أوكي أجل أنا أخليك بروح أنا عشان أصحي بدري

وأجي آخذك وأنتِ بعد دخلي نامي ترى الساعة 7 أنا عندك ..

أم ناصر:إن شاء الله يله في حفظ الله الغالي..

أبو ناصر:في حفظ الرحمن..

وبعد ما سكر سعود من بدرية شاف وجوه أولاده اللي الدموع مليانة

في عينة واللي الابتسامة مالية وجهه فأبتسم لهم ..

وفي هاالحظة دخلت عليهم ريم مع خالد خطيبها وولد عمتها..

خالد:السلام عليكم..

الكل:وعليكم السلام..

ريم:بسم الله الرحمن الرحيم ..وش فيكم طالعوا وجوهكم كأنكم كنتوا في عزاء ..!؟

هادي:ههههههه..ريم ..ريم ..خلاص ماما بترجع ومابتروح..

ريم وهي متونسة مرة:صج يبه..؟

أبو ناصر:أيوه يابنتي الحمد لله..

خالد:الحمد لله..والله ريم كانت وايد تحاتي وهاملتني..

ويغمز لوفاء اللي تمت ناقعة من الضحك..

ريم تطالع خالد بعين وعين: لا والله ..أحلف..!

خالد يبي يقهرها:والله..<ويطلع لها لسانه..

ريم:صج أنك ما تنعطي وجه هذا وأنا اللي مفرغة نفسي هالأسبوع

كله لك لكن ماعليه شوف اللي تيي وتروح معاك..خل وفاء تنفعك ..

ناصر وهو يضحك على خبال أخته وولد عمته :

هي ياجماعة الخير ترى السالفة ماتستاهل مو تنحل مشكلة الكبار

وتجي مشكلتكم أنتو يالصغار ..

خالد <مسوي نفسه بيصيح>:فال الله ولا فالك..

لاتفاول علي حبيبي<وبنعومة>:أنا مالي غنا عن ريمي حبيبتي ونور عيني..

ريم اللي ستوت خدودها حمرا <بكل رقة>:

أحم أحم طبعاً طبعاً وأنا بعد حياتي مالي غنا عنك أبداً أبداً..

وفاء تقاطع حوار عيون الحبيبين:

هي أنتو ياعصافير الحب أنا هنيه احترموا شوي أو لا تعلموني السخافة..

خالد :أنت بعد حبيبتي ونور قلبي ..

ريم تدز خالد مسويه نفسها زعلتْ:خلاص روح روح مابيك!

خل وفاءوه تعطيك حبها..

وفجأة وبدون سابق إنذار وبسرعة جات لها بوسة في خدها

سوت الفعايل فيها وخلتها تنطم وتحمر وتقوم تركض غرفتها <مستحية البنت>

وفاء: أوه يا خالد وش هالحركات بعد وتصفر.. بس زين لك خليت البنت تقوم ..

خالد وهو يفكر في نفسه بضيق :

هي حاله صار لنا شهرين مع بعض غير مغامرات قبل وللحين

ما تقدر تتقبل مني حتى بوسة ..أففف..!

وفاء:وينك.؟وين وصلت..؟

خالد:لقلبك حبيبتي..

وظلوا يسولفون ويضحكون بدون ريم اللي قرر خالد بعدين يكلمها,..

وأبو ناصر طلع ينام وهو يدعي ربه يخلي عياله في هالسعادة

وماشي يخرب عليهم فرحتهم ويشفي ولده ناصر ويخطب له بنت الحلال

عشان يشوف عياله ويعرس وفاء بنته ويعافي هادي ولده...

كل هاذي الأمنيات كانت في قلب أبو حنون..

في السعودية:

جنان حالها ماكان يسر لا عدو ولا صديق بدت تضعف ودايم تفكر

هي خلاص ناصر شالته من رأسها وعقلها بس قلبها ماتقدر تتحكم فيه ..

شوية ودخلت عليها أمها الغرفة:

أم جنان:وش فيك يابنتي ليه مسويه في نفسك كذا لا أكل ولا نوم ..!؟

جنان بملل:مافيني شي يمه..

أم جنان اللي قلبها يقول لها أن في بنتها شي مخبيته عنها وهي لازم تكتشفه:

زين يابنتي قومي كلي لك لقمه ونامي..

جنان:يمه ما أشتهي ولا فيني نوم..

أم جنان اللي تحاول قد ما تقدر تطلع بنتها من عزلتها اللي حطت نفسها فيها:

طيب وش تقومي نزور خالتك بدرية الحمد لله هداها وتصالحت مع ريلها

وبكرة بترجع البحرين..

جنان:الحمد لله ..خلاص أجل بلبس عباتي وبجي معك..

أم جنان في نفسهاالحمد لله أني قدرت أقنعها على الأقل)..

بنفس الوقت جنان في نفسها:خالتي آه ياخالتي أنت فيك ريحة الغالي..

وجت هالكلمات في بالها:

رغم البعد الذي أملاه علينا القدر حبيبي..
ألا انك دائماً ببالي..
لا أغفو ولا أنام ألا وأراك في أحلامي..
لا أترك لعقلي فرصة التفكير ألا واتخذت المركز الأول في عقلي..
بُعدك يا قلبي أضاف لك لمسة من حبي وشوقي إليك..
بعدك عني جعل إحساسي باللوعة ورغبة الجنون عندي تزداد..
إرجع ياحبي وكلي أمل أن لك مني وعد بأن لا أنســـــاك
لو طـــــــــال الفــــــــراق..

وفي الطرف الثاني من البحرين :

أريج أخت راشد قاعدة مع زوجها محمود اللي من السعودية :

أريج: محمود حبيبي..؟

محمود وهو لاهي بالتلفزيون :هلا عمري..

أريج:ماتبي تأكل شي..؟

محمود:لا شبعان ومالي خلق..

أريج:طيب..سمعت أن راشد أخوي قرر أخيراً يخطب..

محمود أنتبه لها:صج؟!ماقال ولا سمعت..!

أريج:للحين ماراحوا بس بعد أسبوعين كذا بيروحوا يخطبوا له وحدة

اسمها عبير هي عايشه بالبحرين لكن أصلها من السعودية ..

محمود: أوه بياخذ من بني عشيرتي ..

أريج:أيه وهذا اللي مفرّحني لأني أحب السعوديين..

محمود:كلهم..؟؟!

أريج:لا بس أثنين منهم..

محمود:واحد أكيد أنا.. ومن الثاني يا الخاينة..؟

وتدخل من الباب الخدامة ومعها ريهام اللي راحت تركض لحظن أبوها:

بابا ..بابا هبيبي وين لحت ؟ماثفتك! (بابا حبيبي وين رحت ؟ماشفتك!)

محمود:هلا ببنتي وقلبي ..أنا موجود معاك..

ريهام (عمرها 3 سنوات):أسوى فتلتك لحت عني..

(أشوى فكرتك رحت عني)..

محمود:لا لا تخافين مابروح عنك..

أريج تكلم محمود:هذي هي الشخص الثاني ..وتكلم ريهام:يله قومي ماما نروح ننام ..

ريهام:لا ما أبي.. أبي بابا..

محمود:هههه ياحبيبة بابا أنت يله قومي نروح كلنا..

*وأنتهى اليوم والكل كان يحس بطعم السعادة..

ماعدا شخص واحد ما أنتهى يومه وكان جالس عند البحر

اللي تعود في الفترة الأخيرة يروح كثير هناك ويجلس ويناظره

ويشكي له همه بس هذي المرة كان يأخذ رأيه وهو يفكر في نفسه:

آه يابحر.. شفت خلاص معاناتي بتنتهي قول:

يارب.. يرزقني ببنت الحلال اللي تسعدني وتعوضني عن الستة شهور

اللي قضيتها وكأني ميت وأتمناها كل يوم تتصل بي الصباح

وتقول لي ما قدرت أصبر ياراشد ياحبيب قلبي أصبر لين الظهر

ما أكلمك تراك توحشني بسرعة..آه

وترك التفكير شوي وهو يشوف الساعة وتفاجأ لمن شافها 11 الليل :

بل صار لي 3 ساعات جالس عند البحر ولا حسيت بوقتي لهاي الدرجة

صار البحر عندي شي كبير..آه أقوم أروح البيت وأنام أحسن لي..

وفي وادي ثاني كان هناك شخص ثاني بعد ما أنتهى يومه..

كانت جالسة على السرير تفكر باللي صار لها من أول يوم جاب لها أبوها

الجوال هدية نجاحها مع أصرار منها على أن كل صاحباتها عندهم جوال

ألا هي وابتدأت شلالات الذكريات: يا أحلام.. يا أحلام..

أحلام:هلا يبه بغيت شي؟!

أبو عبير:أيه يا بنتي تعالي أبيك..

أحلام:خير يبه..؟

أبو عبير وهو يمد عليها كيس أبيض وأنيق تفضلي يابنتي

هذي الهدية اللي وعدتك فيها وأنت تبينها بس ها حطي بالك على نفسك

ترى الجوال خراب بس أنا واثق فيك أنت الحين ما شاء الله عليك

قريب تروحين ثالث ثانوي وعاقلة

وتفهمين.هاه خلاص أعتمد؟

أحلام أعتمد يبه ومشكور ياأغلى أبو في الدنيا..وراحت باسته على رأسه ومشت...

يتبع ...

ياترى شنو اللي صار لأحلام مع الجوال لما نكمل ذكرياتها بنعرف..

وكيف بيراضي خالد ريم اللي ماتتقبل منه شي هل بيقدر يقنعها..؟

وعبير بتكون من نصيب من. راشد؟ ولا ناصر؟

ووفاء هل بتقابل اللي كان بيصقعها بالسيارة ذاك اليوم مرة ثانية؟

براءة طفله كتب:: يعني اندمجت حدي بالقصه وين الباجي حطيه بسرعه غرومه ابي اكلم القصه ..

تسلمين حبيبتي ..

تحياتي .. براءة طفله ..

يسلموو دلبوو ع هيكـ مرور ..

يلآ سوفي البااغي ..

انساء الله تعجبكـ .. Wink

الجزء الثامن..

نكمل أسراب الذكريات اللي كانت تمشي مثل النهر في بال أحلام..

أخذت أحلام الكيس من عند أبوها وهي راجعة غرفتها:

آه وأخيراً صار عندي جوال مثل صديقاتي ..

وأول شيء بأسوية الحين بأسجل أرقام صديقاتي وبعطيهم رقمي..

بعد يومين صار جوالها ما يسكتْ ..

دقيقة مسكول جاي..ودقيقة مسكول رايح.<من الفرحة>..

ومسج رايح ومسج راد.. ..<<حركات البنات>>..

أحلام تفكر بعد مارجعت من السباحة في بركة الذكريات..:

بس أنا ما صار لي أسبوع من أخذته وتجيني هذي الرسالة الغريبة..

وتخليني أتبهدل كذا..

آه أنا مليت من التفكير ..ليه ما أروح أخبر عبير ...

أفففف بس هي أكيد نامت الحين ..

<آه ياربي أنا السبب لأني رفعته دون ما أشوف الرقم وأتأكد أنه مسجل عندي .

وبدون شعور رجعت مسكت الجوال وفتحت الرسالة

اللي كانت على جزأين وقرأتها :

(مرحبا أنا أسمي نايف..وأحب أقولك إني من سمعت صوتك اليوم

وأنا مو قادر أركز على شيء من أشغالي ممكن نتعرف؟)

المسج الثاني:

(أنا عمري 21 سنة وأدرس وأشتغل..

بليز إذا أنت موافقة دقي لي مسكول وأنا أتصل وإذا مو موافقة مسحي الرقم

وأنسي إني طلبت منك شيء ..ماتدرين يمكن يصير بينا نصيب..!)

أحلام في نفسها:ليش ما يكون صاج بكلامه ومو من هاي الشباب الطايشين

..يله أخليها على الله وأنام الحين أحسن لي وبكرة يصير خير..

وفي طرف ثاني:

كانت قاعدة تفكر:آه ياربي أنا ليه سويت كذا ..أنا ما كان قصدي بي..

(أففف أصلاً أنا ما عندي عذر على اللي سويته بس حتى هو لازم يتفهمني

شوي ويحس على دمه أنه أنا مهما كان إنسان..

وإذا بيزعل خله يزعل!.مرده بيراضيني..

وفي ذاك القلب اللي كانت متأكدة أنه بيراضيها كان يفكر في نفس الوقت:

هي اللي سوته غلط بس أكيد ما كان قصدها..

وأنا صار لي ساعة أبي أنام ومو جايني نوم لأني ما سمعت صوتها..

ليه ما اتصل فيها الحين وأطيب خاطرها بكلمتين حلوين..

وفي هاذي الحظة رن جوال ريم على نغمة راشد:

من يقول أني لغيرك أنا متعلق مصيري ياحبيبي في مصيرك...

طبعاً ريم من سمعت النغمة عرفت أنه خالد وترددت في البداية:

ارفعه ولا لا؟ يله مهما صار لازم بنفتح الموضوع..

ورفعته بصوت تعبان: ألو

خالد اللي عرف أنها زعلانة لأن عادتها ترحب فيه فرد عليها بهدؤ:

أهلاً حبيبتي ..

ريم بكل برود:أهلاً

خالد:وش فيك ريم..؟!

ريم بقسوة شوي:مافيني شي ..وأيش تبي؟

خالد اللي متعود على أسلوبها الصريح القاسي "

(وهذا هو أسلوب مرت خاله وبعد وفاء أكثر وحده متعود عليها

هي أعظم من ريم..ماعدا الأولاد صايرين أرق من البنات..هههه)

رد عليها بحرارة : شنو ريم وش أبي ؟!

أنتِ تعرفين أكثر من أي إنسان آنا وش أبي..أنا أبيك أنتِ..

أنا ما جاني نوم وأنت زعلانة رغم أنه مالك حق تزعلين

بس لو أنا ما أعرفك انك مستحيل تتنازلين وتتصلين والله لحقرتك

بس هم مو بيدي احبــك وما أقدر على زعلك..

ريم أبتسمت لنفسها وتمد ربها على نعمته لها في ولد عمها

للي صابر عليها لأنه لو واحد غيره كان من زمــــان شاف له وحدة ثانية ..

وردت بكل هدؤ :

أنا بعد خالد احبك ومستعدة أفداك بنفسي لو بغيت بس أنت لازم تفهمني

وتصبر علي شوي ..وبحزن تكمل:

والله خالد مو بيدي آنا جالسة أحاول بس...<سكتت بعجز ماقدرت تكمل..

خالد: خلاص ريم آنا بتحمل شوي بعد بس أهم شي الحين ما أبي أسمع

هاذي الرمسة الحزينة أكرميني بوحدة من ضحكاتك الحلوة عشان أعرف أنام..

ريم ضحكت غصباً عنها :

ههههااي أنا قلت أنه مردك بتتصل وتراضيني..يله تصبح على خير

أبي أنام بكرة الماما بتجي..

خالد:وأنت من أهل الخير والعافية والمازولا..

ريم:ههههااي حلوة هاذي المازولا..يله باي حياتي..

خالد:بايات عمري..

وأخيــــــــــــراً حل الســــــــــلام..ههههههه..

بداية يوم جديد والساعة 7 الصباح..وكانت الشمس مشرقة

والسماء صافية وتغريد العصافير منتشر في كل مكان..

<<حشى ولا إذاعة الصباح..ههه>

في بيت أم حسين..

كوثر بملل وهي تشوف أمها نازلة من فوق : صباح الخير يمه ..

أم حسين:هلا صباح الخير يا بنيتي وش فيك قالبة وجهك من الصبح..

كوثر: مافيني شي يمه بس شنو هذا ملينا يمه الناس إجازة وكل الناس تطلع

إلا إحنا هذا واحنا في ثالث ثانوي يعني المفروض تعاملونا معاملة سبيشل..

أم حسين: آه والله وراحت أيام أبوك الغالي اللي كان ما مر خميس

ولا جمعة ألا لازم مطلعنا..الله يرحمه..

وأخوك حسين لاهي في هولندا حتى ما يسأل عن أحوالنا..آه..

ألا أقولك فين أخوك راشد؟

كوثر: هو نايم..بصراحة يمه أنا أمس الساعة 12وشوي كنت بروح الحمام

وسمعت صوت في غرفته الظاهر أنه كان توه راجع..

أم حسين: آه الله يهديه ..طيب فين أختك عنك؟!

كوثر:بعدها نايمة زهقتني وآنا أحاول أجلسها ومو راضية تصحى..!

أم حسين: طيب أ،ا بروح بيت جارتنا سعاد وش رايك تروحين معاي

بدل ما أنت جالسة لحالك..

كوثر في نفسها: أوه من حق بيت جيران ماعندهم ألا بنت دايم تهاوشنا

يوم أحنا يهال وولد ما نسمع حسه ألا بالصريخ على أيام أبوي الله يرحمه..

وترد على سؤال أمها ماتبي تكسر بخاطرها كافيها اللي فيها:

طيب يمه خلاص بروح معاك رغم أني ماطبيت هناك

من وأنا عمري 8 سنين ولا أتذكرهم عدل..

أم حسين: يله بسرعة لبسي عباتك وجيبي عباتي وبتذكرينهم هناك..

كوثر:أن شاء الله يمه

أما أبو ناصر من الساعة 6 ونص وهو يمشي بالطريق

وكله شوق لزوجته اللي صار له 3 أسابيع و8 ساعات و4 دقايق ما جلس معها

(ما شاء الله عليه من الوله عاد حتى الدقايق ماباقي ألا الثواني هههه)

وصل عند بيت حماته في السعودية ودخل ولقى بدريه لحالها

قاعدة في الصالة وهي مبوزة والتلفزيون شغال وما حد له..

أبو ناصر:السلام عليكم لأحلى وحدة شفتها في حياتي..

أم ناصر: وعليكم السلام ..أيه أيه قص علي..وروح ما أبي أكلمك

مقومني من الساعة 5 الفجر..وتقولي الساعة 7 أنا هنيه

والحين الساعة 8 ألا ربع وتوك جاي..

سعود: هههه الحين هذا اللي مزعلك يا عمري شسوي الطريق

كان زحمه والجمارك ما يقصرون ..

وبعدين أنت ِ لمتى بتهونين عن هاذي الحركات.. تذكرين..

من أيام خطوبتنا وأنت تسوين لي كذا..

بدريه:ههههااي محلى ذيك الأيام بجد كانت مثل العسل..

سعود يبي ينرفزها أيه طبعاً أيام اللي كنت صغيرة وحلوة ..آه

بدريه تطقه بخفيف: هي تراني بعدي صغيرة..

سعود ما جوبها لأنها مهما كبرت بتظل نفس أول مرة طاحت عينه في عينها..

وظل يناظر عيونها اللي تناظره ودخلوا مع بعض في عراك طويل

من الشوق والوله ..

في بيت وفاء النشاط قايم فيه:

وفاء:يله ناصر بسرعة خلك أنت مكانك هنيه ما نبي نتعبك وأنا بروح أجيب الأغراض ..

ناصر:فين هادي؟ بعده نايم؟ أمي يمكن تجي في أي لحظة..!

ريم:خلك أنت في نفسك..أحنا عارفين شغلنا ..

خالد قوم أنت جيب العصير والبيبسي من الثلاجة..

خالد: لا بالله فلحت آنا أنت ما خذتني لك زوج ولا خدام..

ناصر:هههه أشوى أنا ما أشوف ولا كان شغلوني..

ريم:بتقوم الحين ولا أفلع راسك بهاذي الكيكة اللي قدامي..

خالد:الله حلوة الكيكة عادي بتمتع بطعمها...

وفاء:ياقلبي يا خالد أحبـــــــك لما تنرفزها..ههههااي..

ريم:أففف أكرهك أنتِ وياه لمن تتفقون مع بعض ..

أروح أجيب العصير أحسن لي من هالريال اللي ما منه فايدة هو ويا أخته اللي معاه..

الكل :ههههههههههههههه..

نرجع لأم حسين وبنتها :

وصلوا بيت الجيران ودقوا الجرس ..

دقايق وفتح لهم الباب ولد تقريباً في 12 سنة :

هلا تفضلوا عمتي في هاذي الغرفة وأشر على غرفة متصلة بالبيت

بس لها باب ثاني برا..

أم حسين :مشكور ولدي...

كوثر:بسم الله مو هذا اللي كان كله مع أبوي وبس يصارخ كيف لين الحين ماكبر..

أم حسين:يمه كوثر وش صاب عقلك فيه شي ..هذا ولد خاله مدري عمه ياحظي..

كوثر:يعنو والله يشبهه..وسكتوا ودخلوا على سعاد جارتهم

وهي علاقتها بأم حسين مرة قوية..

سعاد:هلا وغلا بوخيتي القاطعة<قام سلام النسوان ؟..

أم حسين وهي تبوسها:هلا غناتي والله مو مني تعرفين الظروف في البيت..

سعاد تناظر كوثر:يا مرحب ..من هاذي كوثر ولا نرجس؟

كوثر:هلا خالتي أنا كوثر ..كيفك عساك بخير؟...

سعاد:الحمد لله ما شاء الله وكبرتي وصرتي عروس يا كوثر..

كوثر توردت خدودها:مشكورة خالتي..

سعاد: وليه ماتزورونا أنت وأختك نرجس.مو قد المقام..؟

كوثر:ما عاش من قال كذا ..بس حنا ما نحب نطلع من البيت وايد..

وضلوا شوي سوالف وتناهى لمسامع عبير صوت باب الحمام

اللي جنب الغرفة أحد يدخله ويسكر الباب وفتح الماي وأبتدئ يغني:

أخبارك أيه حبيبي ..طمني عليك حبيبي..واحشيني عينك حبيبي..أخبارك أيـــه..

أأأأأا(ناسي المقطع هههه) ويكمل:

أهدي لعينيك سلامات ..والله بكرة تروق يا حبيبي وأحكي لك الحكايات..وسكت...

كوثر في نفسها: معقولة هذا الصوت الحلو صوت خليلو

اللي كان يلزق في أبوي بس عشان أنه على أسمه..

ومن يتركه يصارخ ويصيح بصوت.. سبحان مغير الأحوال....والله وناسه..

تعالي يا نرجس سمعي اللي أسمعه..

سعاد تقطع أفكارها:يا الله ..من بيسكته هذا الحين كل يوم على هاذي الحالة

ووين شهد هاذي تجي تقول له يسكت ..ما يدري أن عندنا ضيوف..

أم حسين:وش دعوه يعني أول مرة هي ياما جيت وسمعته وشفتْ عمايله

خليه هذا خليل الغالي مدلل المرحوم..

سعاد: والله ذكريات أول وناسه ..

ويسمعون خليل:آي يلعن شكلك (كأنه يسب شي عوره)..

سعاد:غربل الله بليسك يا خليل وتنادي بنتها :

شهد يا شهد شهد يعلك ماتصمخين وينك؟

شهد وهي طفشانه:ها يمه شتبين؟!

سعاد: تعالي يمه سلمي على خالتك..

وتدخل شهد الغرفة:هلا وغلا بخالتي ..وسلمت عليها ألتفتت لكوثر:

أوه من هاذي :أريج؟ ولا كوثر؟ ولا نرجس؟

كوثر: حزري فزري..

شهد: أمممم ما أتوقع أريج لأنها أكبر ..أنت أكيد نرجس..؟!

كوثر:طبعاً...لا... هههه أنا كوثر..

شهد: حي الله كوثر اللي أبد ما تسال..

كوثر تمزح وتأشر على نفسها بصبعها وتطالعها بنظرات تكبر:

أنا أسأل عليك ..وتأشر على شهد بصبعها من فوق لتحت:

وأنت آخر مرة طاردتني من غرفتك وما خليتيني ألعب بلعبتك ليش أنها جديدة...

شهد:ههههااي بعدك تذكرين سالفة من 10 سنين الله يعينك على نفسك

أجل ويعين المطفوق اللي بياخذك بتظلين تتذكرين أقل الأخطاء اللي يسويها..

وضحكوا وضلت تسولف معاها وفجأة يدخل خليل الغرفة

ويتفاجئ بوجود وحدة ويرجع ورا الباب ..

وما حد شافه غير كوثر اللي فقعت ضحك على شكله وهو كان ورا الباب

يبي يسلم على خالته أم حسين اللي متعودة تشوفه بهالشكل

بس من هاي القمر اللي معاها (هذا كان تفكيره)..

وتوصل لأذنه صوت ضحكتها الساحرة<مثل ما سماها>..وأنقهر ومشى ...

كوثر:هههه آي هههه هههه وي ما أقدر آي بطني ..هههه...

شهد:بسم الله عليكِ وش فيكِ؟

كوثر انتبهت لنفسها وأنها مو في بيتهم:

ها ولا شي بس..وتأشر على الباب بصبعها..وترد تضحك..

الكل أستغرب منها..راحت شهد فتحت الباب تشوف وش صاير ..

ما شافت شي بس أنتبهت انه ماكو حد بالحمام..ورجعت:أكيد شفتي خليل..؟!

سعاد:أيوه والله ما أدري هالولد متى بيهون.مهتم في نفسه وكأنه بنت ما يخلي

كريم,شامبو,دواء,مرهم..ألا واشتراه..

نوار أم حسين:أحسن من أنه ما يهتم بعد..

كوثر:السموحه ترى ما كان قصدي أضحك كذا بس شكله كان مضحك..

شهد: عادي حبيبتي خذي راحتك حنا متعودين عليه أصلاً حتى لو تسألين أمك بتقولك ..

كوثر مستغربة مرة وأنهت هذا الكلام بابتسامه حلوة جات لها وحدة بالمثل من

شهد...

يتبع...

تتوقعون أن كوثر بيتبط مصيرها في بيت جيرانهم؟

وتتوقعون أم ناصر بترجع تتهاوش مع زوجه ؟

وريم بتتقبل ولا كيف؟وأحلام كيف بتتصرف؟

الجزء التاسع:

نروح لأحلام في غرفتها:

كانت أحلام جالسه في غرفتها تفكر شنو تسوي بهاذي الرسالة

اللي ماخذة كل تفكيرها وقطع تفكيرها جوالها يرن شافت :

وفاء تتصل بك..استغربت ..ليه متصلة على تلفوني

مو على تلفون عبير..ورفعته..أحلام:هلا والله ...

وفاء:هلا أحلام ..كيفك؟

أحلام:تمام أنت كيفك؟

وفاء:أحلى تمام وأحلى صباح عندي..

أحلام:وش دعوه وش عندك؟!

وفاء ما تبي تفضح أسرار بيتهم وتقول لها عن هواش أمها وأبوها

اللي ما قالته لحد غير عبير لأنها مثل أختها اللي تكتم أسرارها فقالت:

كذا ..فرحانين وبنسوي حفله وكنت أتصل لعبير على تلفونها

لكن ما ترفع ليه؟وش فيها؟

أحلام: ولا شي بس هي بعدها نايمة...

وفاء: اهاا غريبة ..طيب من تجلس قولي لها تكلمني ضروري ..

أحلام:أوكي باي

وفاء:باي..

سكرت أحلام من وفاء وهي تفكر:

ليه ما أكلم صديقتي زهرة وأقول لها عن اللي صار لي وآخذ نصيحتها ..

بس زهرة ما تنفع لأنها وايد متمسكة وبتقول لي:

طنشي..وأنا أبي وحدة تقول لي كيف أـصرف عدل ..

أممم ليه ما أتصل برجاء وآخذ رأيها أنا سمعت أن هي عندها جوال

من زمان وأكيد صارت لها مثل هاذي المواقف ..

وتطلع رقم رجاء وهو مخزن في الجوال وتتصل..

رجاء:ألو أهلييييين..

أحلام:أهلين شخبارك رجاء؟

رجاء:تمام بس وش اللي نازل عليك غريبة متصلة

تسألي عني وأنت حدك معاي مسكولات..!

أحلام:بصراحة كذا أنا متصلة آخذ رايك في سالفة...

رجاء حستْ أن السالفة فيها ولد وأبتدئ عقلها بالخراب:

خير قولي لي وأنا أعطيك الحل تراني مجربة وايد..

أحلام علمتها بكل السالفة ...(تخيلوا شنو ردت عليها..)

في بيت وفاء:

كل شي كان جاهز تقريباً للمفاجأة اللي مجهزينها لأمهم اللي كانت تفكر

أن المفاجأة عندها هي برجعتها دون ما يدرون..

هادي:أوه متى بتجي أمي وايد تأخرت !!..

خالد:وأنت كله ما عنك صبر استني شوية يا أخي.. !

ريم وهي تأشر على خالد بصبعها:

هي أنت يا اللي أسمك خالد هد أخوي في حاله ولا تكلمه بعد أنت ووفاء أحرار

أحنا مالنا خص فيكم بس أخوي هدوي ما عليك منه فاهم؟!؟

خالد:كيفي ولد خالي وأنا حر معاه وش دخلك أنتِ؟

هادي :أختي ولها دخل أنت وش عندك..

وفاء بحماسه: هي أنتوا سكتوا خلاص أ[وي وصل ومعاه أمي..

ناصر فرح من كل قلبه اليوم خلاص بيقول لهم على اللي يفكر فيه من زمـــان..

ودخلت أم ناصر الصالة وما استغربت أن عيالها مو في استقبالها <على بالها ما يدرون..

أم ناصر: آه من جد اشتقت للبيت ..أنا بروح أشوف عيالي ولهانة عليهم..

أبو ناصر :قبل ما تروحين تعالي برويك المجلس ..

أنت رحتي من جهة وجاوا عيالك خربوه من جهة ثانية

تعالي شوفيه عشان تهزئينهم..

وتروح أم ناصر معاه وهي ماسكة قلبها وفتح أبو ناصر الباب..

وبنفس اللحظة كلهم قالوا مع بعض:

أهلاً من جديد بأحلى أم في الدنيا والكون كله..

أم ناصر الدمع أمتلئ في عيونها وما قدرت تحبسه وهي تطالع عيالها

يبكون وأول وحدة راحت لها وفاء وضمتها لصدرها وهي تبكي:

آه يمه يا ريحة البيت اللي

ما يستغني عنك ..اشتقنا لك وايد..

بدريه:وأنا بعد اشتقت لكم..

هادي: يمه ما عليك منها تعالي لي أنا ولهان عليك أكثر منها..

الكل ضحك وراحت بدريه لهادي وضمته لصدرها وهي حاسة

أنها في الفترة الأخيرة مقصرة معاهم كلم ..

أم ناصر:يا حبيبي يا هادي كيف حالك؟

هادي بدأ يصيح:يمه مو زين أنا بدونك لا تروحين عني مرة ثانية ..

أم ناصر:وأنا اقدر أروح عن عيني يا نور عيني..

ناصر:احم أحم أنا هنا ولا ليش أني ما عندي عيون ما أصير نور عينك..

أم ناصر قامت لولدها وضمته لصدرها وهي تبكي عليه:

آه يا حبيب أمك يا ناصر ا،ت الكل في الكل..

ريم مبوزة:أيه وأنا بنت القطه السوداء..

وفاء:ههههااي ..لا أنت مرت القط الأسود..

الكل:هههه

خالد: أنا قطو أسود يا وفاء لكن ما عليه ..اوريك..

أم ناصر: تعالي لي يا ريم يا بنتي أنا مالي غنا عنك أنت مكاني

إذا أنا غبت شلون بنت القطوه وأنت روحي ..

خالد:أحم أحم..شخبارك يا مرت خالي؟ وعمتي..؟

أم ناصر:هههه حتى أنت يا خالد صرت مثلهم ..الحمد لله أنا بخير

بس لأنكم عيالي اللي أحبهم وما أقدر أستغني عن ولا واحد منهم..

الكل: ولا أحنا نقدر .. والكل في هذا البيت كان فرحان برجعة أم ناصر..

وفي بيت عبير..

إبراهيم (أبو عبير):ألا وين البنات للحين ما جلسوا من النوم؟

هدى(أم عبير): لا والله ما جلسوا ما فيه ألا دانه جالسة مع أمك بالمطبخ

تعلمها كيف تخيط شنطة..

أبو عبير:يحليلها وكبرت بنتي وصارت تبي تخيط ..

أم عبير: عجل أيش تفكر ..عبير وأحلام صاروا عروسات وبكرة يعرسوا

ودانه بتلحقهم أن شاء الله واللي في بطني بعد ..

أبو عبير:أن شاء الله..تصدقين هدى صج أني أبي ولد بدل سلمان الله يرحمه

لكن لو بتجي بنت مثل أحلام حبيبة قلبي عادي عندي..

أم عبير: أي والله خانة حيلي هالبنت..

(مساكين ما يدرون أن اللي يتكلمون عنها وواثقين منها ما تفكر نفس تفكيرهم..)

واللي يصير في غرفة أحلام..

أحلام: رجاء أنت من صجك! تبيني أدق له وأقول له أنا موافقة أتعرف عليك..!

رجاء:أيه عادي والله شوفيني أنا صار لي مثلك ..

رسل لي واحد مسج يقول لي أنه يبي يتعرف علي ووافقتْ ولو تشوفيني

كيف عايشه مثل العسل ..هو اللي مفرحني.. كلامه جنان وحلو..

صدقيني ما بيضرك لأنه مجرد كلام في تلفون ولو حبك من صج بيتزوجك..

وهذا اللي صار لوحده أعرفها شخصياً والله جربي وبتشوفي..

أحلام:.....لا تعليق......

رجاء: ها وش بتسوين ؟..

أحلام: آه والله ما أدري وش أقول يمكن أسمع كلامك بس بفكر شوي..

رجاء: لا تفكري ولا تتعبين نفسك كلميه الحين هاذي فرصتك تعيشين حياتك..

أحلام:أوكي خلاص مشكورة ما تقصرين..

رجاء:هههه العفو حبيبتي ما طلبتي شي ..مع السلامة..

أحلام: مع السلامة..

انتهت من مكالمتها مرتاحة مرة وقامت بتنزل بتروح تصبح على أمها وأبوها ويدتها

(اللي عايشه معهم في البيت..)

وقبل لا تدخل الصالة سمعت كلام أبوها على أنه لو جاته بنت مثلها

بيستغني عن الولد ونقزها قلبها:

لهدرجة أبوي يحبني وواثق مني وفرحان فيني..كيف أنا أخونه بسهوله

وأكلم شخص ما أعرفه ولا يعرفني في سبيل تحطيم سعادة بيتنا لا مستحيـــــــــــل..

ودخلت عليهم الصالة..

(ياترى هل خلاص بتنسى الموضوع وما راح تفكر فيه مرة ثانية

وهل بيتركها نايف في حالها)..

في طرف آخر:

سعاد:حياكم الله في كل وقت وأنستونا والله ياريت تعيدوا هالزيارة قريب مرة..

أم حسين:أن شاء الله ما يصير خاطرك ألا طيب..

شهد وكوثر طلعوا قبلهم للحديقة ..

شهد: يله ياكوثر أن شاء الله تجينا مرة ثانية ..ونرجس بعد تراكم مرة وحشتوني..

كوثر:هههه أن شاء الله ولا يهمك أنتِ تآمري أمر بس لي طلب أول..

شهد:آمري وتدللي..

كوثر بكل جدية:أول تجين بيتنا وتدخلين غرفتي وتطلبين مني تلعبين بلعبه

من ألعابي وأرفض وأطردك يعني أنتقم منك ..وبعدين أجي مرة ثانية..

شهد مستغربة ومو مصدقة الكلام اللي قاعدة تسمعه: كوثر أنتِ من صجك..!؟

كوثر: أيه نعم..

شهد بعدها مستغربه وفاتحه فمها:لا ما أصدق أنتِ وش قاعدة تقولين مذله هي..

كوثر ماقدرت تستحمل فقعت ضحك:هههه هههه أنت صدقتي..؟!

شهد خلاص عيونها دمعتْ ضربتها على كتفها وهي تمسح دموعها:

أنت حماره تدرين ولا لا..؟

كوثر:أيه أدري يا حبيبة قلبي..هههه

شهد:وتضحكين بعد هاه ..؟

كوثر:أيه ليش لا..هههه

وطلعت أم حسين في هالحظة من الغرفة عشان ترجع البيت:

يله كوثر بنروح البيت.. يله مع السلامة شهد وهالمرة عليك الزيارة..

وسلمي على خليلو اللي

مايستحي ماجى سلم علي..

شهد: هههه أن شاء الله خالتي مع السلامة ..

كوثر وهي تغمز لشهد: ما قلت لك أن هالمرة أنت اللي بتجين..

شهد:أوه والحين معاك ترى ما أجي..

كوثر:لا والله خلاص شهوده ترى أمزح معك تعالي بأقرب فرصه..

شهد بابتسامه: أن شاء الله يله باي..

كوثر:باي....وراحت كوثر مع أمها البيت..

ورجعت شهد داخل تبي تروح لأخوها تشوفه..

وهو كان في الغرفة الخارجية <الديوانية> جالس لحاله وشاف اللي صار قدامه

من طلعت كوثر مع شهد برا دون ما يسمع كلامهم ودون ما يشوفونه لأنه بعيد..

وكان يفكر: ياترى من هاذي البنت اللي جات مع أم حسين

وأنا ولا عمري شفتها وتقعد مع أختي وكأنها تعرفها من زمان يا الله شكثر

غريبة هالإنسانة خلت شهد في 10 دقايق تمر بكل أنواع المشاعر

أول شي شفتها مستانسة وتبتسم بعدين متفآجأة وبعدين تصيح وبعدين تضحك وتنقهر..

كل هذا في 10 دقايق عجل لو قعدتْ معها ساعة شنو بتسوي..؟

يحليلها شافتني كذا..في ذي الحظة سمع شهد تناديه:....خليل:نعم شهد أنا هنيه ..

شهد وهي تضحك:من صجك شافتك كوثر وأنت كذا...!

خليل ما أنتبه للأسم وهو يضحك:أيه وخير يا طير من هي يعني عشان حرام تشوفني كذا

عادي..

شهد:هههه تصدق تمت دقايق وهي تضحك عليك..

خليل صارت خدوده حمرا بس ما رد عليها من القهر..

شهد لاحظت التغير اللي في أخوها :

تصدق يحليلها من زمان ما شفتها ومع ذلك ما نسيتها

وبسرعة رجع حبها في قلبي هي مرة حبوبه ..

خليل: شهد منو هاذي؟!

شهد: من صجك ما تعرفها تذكر مرة أنت رايح بيت خليل الله يرحمه

وشبصت(لزقت) فيه وجت لك وحدة تمقع (تشد) شعرك وتقولك:

خل أبوي أترك أبوي وجيت أنت منقهر من دلاعتها..

خليل متفاجأ:لا تقولين هاذي هي..!

شهد تضحك عليه:أيوه هاذي كوثر..

خليل: اهاا يعنو نسيتها بس ما شاء الله كبرت وتغيرت..

كوثر:هاه وش رايك نخطبها لك..

خليل: فال الله ولا فالك ..بعدني صغير..

شهد:آه بس الله يهديك وتعرس عشان ألبس أحمر في عرسك..

خليل:هههه أنتوا هذا اللي يهمكم يا البنات...

دخلت في ذيك الصالة الكبيرة المتناسقة على بعضها واللي يحس

الواحد لما يدخلها بالدفء والحنان أحلام:السلام عليكم..

الأم +الأب:وعليكم السلام..

راحت باست أمها وأبوها على رأسهم :صباح الخير..

مع بعض: صباح النور..

أبو عبير:هاه وش عندك للحين نايمة يا بنتي ؟!

أحلام: لا يبه ما عندي بس كان راسي يعورني والحين الحمد لله راح الألم..

أم عبير:الحمد لله يله روحي أكلي فطورك مع يدتك بالمطبخ..

ودخلت عليهم دانه :

يمه يبه شوفوا خيطت هذا وتمد عليهم ثوب صغير حق عروستها(لعبتها)..

أحلام بأعجاب:الـلــّه..دانه هذا مسواك؟؟!

دانه بفرحه:أيه والله ..

أبو عبير يضحك:وليه الحلفان أحنا مصدقينك ..

أم عبير:شاطرة حبيبتي وجزاء لك لأنك تعلمت شي مفيد اليوم

لما نطلع بشتري لك لعبة فله اللي تبينه ..

دانه فرحت:صج يمه والله مشكورة وراحت لصدر أمها الدافئ ..

وعند هذاك الإنسان اللي يحاتي السعادة..

راشد كان بالمطبخ يشرب كافي وسمع أخته تنادي:

يمه ..يمه.. ,كوثر ..كوثر؟ وين راحوا هاذولي وخلوني لحالي..

راشد:نرجس حبيبتي تعالي هنيه..

نرجس فرحت من الخاطر لما سمعت حس أخوها راشد من زمان

ما تكلمت معاه وهم لحالهم..

هي أقرب وحدة له ودايم يسولف معها وراحت بسرعة:

أوه راشد قلبي وعيوني هنيه..

راشد:الناس تقول صباح الخير أول..

نرجس:صباح الخير يا أحلى أخ في الدنيا <قالتها بنغمة موسيقيه>

راشد بنفس نغمتها الموسيقية:صباح النور لأحلى أخت بالكون..

نرجس بجديه:راشد شنو فيك أحسك متضايق ..؟

راشد ابتسم:مثل العادة أول وحدة تحسين فيني..

ابتسمت نرجس بس ما علقت تبيه يطلع الكلام بروحه..

راشد:تصدقين نرجس أنا أعدت التفكير في نفسي وخلاص قررت....

يتبع..

ياترى شنو هو قراره ؟

وناصر كيف بيكون وقع الخبر على أهله ؟

وأحلام شنو بيصير فيها؟وعبير من بتختار ؟ ووفاء من اللي ماخذ تفكيرها؟

وجنان هل بتنسى ناصر ولالا؟؟

الجزء العاشر..

في بيت وفاء..

الكل كان قاعد وبعدها الحفلة مستمرة عندهم ..

ناصر صفق بيده عشان الكل ينتبه له وبالفعل الكل التفت له ..

أم ناصر:خير ولدي بغيت شي

ناصر:أيه يمه الله يخليكم تعالوا كلكم هنيه أبيكم في كلمة رأس..

الكل راح وهو ساكت..

أبو ناصر ماسك قلبه عسى ما فيه ولدي شي..

ووفاء كانت فرحانة لأنها حاسة أن الموضوع عن عبير ..

الكل قعد وهو ساكت ..

ريم:قول اللي عندك خلاص حنا كلنا هنيه..

ناصر:يمه..يبه..أنا قررت أتزوج..

الكل أنصدم ألا وفاء اللي كانت شاقة حلقها..(يعني الضحكة على الآخر )..

والكل كان في باله سؤال بس ما أحد تجرأ يسأله غير هادي الطفل

اللي ما يدري انه ممكن أخوه ينجرح من كلامه..

هادي:طيب ناصر أنت كيف تبي تعرس وأنت ما تشوف مافي بنت بتوافق..

الكل أنصدم من هادي ونفسهم لو يضربونه من كلامه لأخوه ..

بس ناصر جاوبه بقصد أن الجواب يكون لأمه وأبوه :

ياحبيبي يا هادي أنا أخترت خلاص ..والبنت موافقة..

أم ناصر بضيق شوي:ومنو هاذي..؟

ناصر:عبير صديقة أختي وفاء..!

ريم:طيب وش دراك أنها موافقة.؟!

ناصر توهق ما عرف كيف يقولهم أنه كلمها ..فأنقذته وفاء:

هو قال لي وأنا أخذت رايها وقالت لي أنها موافقة..

أبو ناصر:أنتوا متأكدين أن أحنا لو تقدمنا لو تقدمنا لهم ما راح يرفضونا ..

وفاء +ناصر:أيه متأكدين..

خالد:بس يا ناصر أنت بعدك صغير وما تتحمل مسؤليات الزواج ..

قاطعه ناصر بأسى:وأنا ما باخذها لأني صغير ولا كبير يا خالد

أنا محتاجها في حالتي هاذي محتاج اللي يكون ما عنده شي يشغله عني

ويحبني ويخاف علي.. ..

وأذا هي بتتحمل مسؤلية عمي ليش أنا ما أقدر أتحمل مسؤلية زواج..؟! من يقول..!

أم ناصر بحزن:وإحنا ما نكفي يا ولدي..؟

ناصر:يخسي ويهبي اللي يقول ها الكلام يا يمه بس أنت تعرفين الأختلاف بين الأثنين..

ريم تبي تنهي هالحزن:على بركة الله .. إن شاء الله اليوم ولا بكره نتصل فيهم

يا ناصر ونروح نخطبها لك..

ناصر:قبل كل هذا أبي أسمع راي أمي وأبوي ..؟!

أم ناصر:والله عبير إنسانه كلها ذوق واحترام وأخلاق وأن شاء الله يسعدكم

ويسوي اللي فيه الخير..

أحم احم..نرجع للقرار المهم اللي ممكن يؤثر على مجريات القصة..

نرجس:وش قررت ياراشد ..؟

راشد:قررت أقول لأمي نهاية هذا الأسبوع تتصل في بيت إبراهيم

عشان نخطب بنتهم عبير ..والله يا نرجس مليت من الوحدة والهم والكدر..

أبي أغير حياتي وأفرح شوي قبل ما أموت ..

نرجس:فال الله ولا فالك شنو تموت يا أخوي..؟!إذا أنت مت بعد عمر طويل أنا من لي..

راشد:أنت لك ريلك حبيبك..

نرجس:ومن قال لك أني بعرس حبيبي..؟

راشد:وليه أن شاء الله ما بتعرسين..؟!

نرجس بجد:أنا وكوثر متفقين ما نعرس عشان ما نخلي أمي بروحها

وعشان ما نفترق عن بعض أبداً..

راشد:هههه والله أنكم يهال..!

نرجس:أيه هاذي الضحكة ولا بلاش..

أنفتح باب الصالة ودخلت أم حسين وكوثر:السلام عليكم..

نرجس+راشد:وعليكم السلام..

راشد:هلا من فين جايين ..؟

أم حسين: من بيت سعاد جارتنا رحنا نزورها...

نرجس تكلم أمها وهي صاده عن كوثر ما تبي تكلمها:

لكن هين يا يمه تروحون وتخلوني لحالي..

أم حسين:أنت نامي لين الظهر وأحنا ناخذك معنا ..ولي بس عن وجهي مناك..

وراحت نرجس مبوزة الغرفة ولحقتها كوثر..

كوثر:نرجس حبيبتي ردي علي..كلميني..

نرجس مبوزة:مابا أكلمك..

كوثر:والله نرجس جلستكْ قلت لك قومي جلسي معاي ما رضيتي تقومين

ونزلتْ لقيت أمي بتروح بيت جارتنا وقالت لي تعالي معاي

ما حبيتْ أقول لها مابي أروح وأكسر بخاطرها كفاية اللي حسين أخوي..

ورحت معاها..

نرجس ما تقدر تزعل على أختها:طيب والمطلوب مني الحين..

كوثر:إبتسامة...

نرجس غصباً عنها أبتسمتْ..

كوثر:أو يا نرجس ..لو شفتي اللي شفته بس ..هههه..

نرجس: شنو شفتي.؟!

كوثر:تذكرين خليل اللي كان دايم مع أبوي يفكره أبوه لأنه أبوه مات..

نرجس: يس وش فيه..

كوثر:وحنا جالسين عند سعاد سمعتْ واحد يغني في الحمام

بصوت يذبح ولا كأنه ذاك اللي كان يصارخ بصوت يلوع الشبد

وبعدين قام يكلم نفسه ويسب في حاجة في يده

وهو ما يدري أن في أحد موجود مع أمه..

شكله..!؟ (تخيلتوه.؟)

نرجس بتفكير:شلون..؟

نرجس بحماس: ودخل عليكم..؟!

كوثر:أيه..بس تخيلي شلون كان

كوثر:كان محني شعره وحاط عليه قبعة سباحه خضراء

وحاط في وجهه كريم أبيض وصاير كأنه فيه الجدري..و..

نرجس:هههه هههه هههه

كوثر:صبري ما سمعتي شي ..تخيلي شنو كان لابس..؟

نرجس وهي ناقعة من الضحك:شنو..؟

كوثر:كان لابس شورت أحمر وبلوزة صفراء وكلها حنة وكان شكله كول ويضحك ..

وضلوا يضحكون كل ما تذكروا السالفة ويتمسخرون..

في السعودية وبالتحديد في بيت جنان..الساعة 11 الظهر

كانت جنان ملانه وهي بعدها في حبستها اللي حطت نفسها فيها تفكر:

أففف لمتى آنا بظل كذا ؟ لازم أنسى ناصر رغم أن الأمر مو بيدي

بس لازم أحاول وقامت بدون تفكير مسكت جوالها

واتصلت في وفاء بنت خالتها وماردت عليها..

فنزلتْ تحت المطبخ لقت الخدامة هناك سألتها:

وين ماما؟

الخدامه الأندنوسيه:ماما في روح تزور صديقة هي..

جنان:طيب فين سالم أخوي؟...

الخدامه:برا في حديقة..

وراحت جنان برا من باب المطبخ والخدامه الغبية ما قالت لها أن سالم أخوها

عازم صديقه على الغداء وقاعد معه برا ..

يتبع..

الجزء الحادي عشر:

وطلعت جنان برا عند الطاولات ماشافت أخوها

فراحت عند شجر في حديقتهم مصمم على شكل أحواض وفيه ورد أحمر

ووردي صغير ومظهره روعة وقفت عنده وهي ماسكة وردة

وتمت تقص أطراف الوردة وهي ساكتة وتفكر في ناصر لا إرادياً

وقامت تكلم نفسها بصوت مسموع وهي تطالع السماء :

ليه ياربي ليه آنا حظي كذا ليه ولا مره حصل لي الشرف أني آخذ اللي أبيه

من قلب رغم كل هالعز اللي آنا فيه ونزلت دموعها لا إرادياً وهي تكمل:

خلاص آنا مليت أعيش خذ روحي ياربي ولا تخليني أشوف اللي ما أبي أشوفه..

وتكمل صياحها بشهقات وصوت عالي ماقدرت تكتم اللي في نفسها أكثر..

كان حسام صديق سالم جالس في على الطاولات اللي قدام الورد اللي هي واقفة وراه..

وهي ما شافته لأنها بس دورت أخوها في جهة الطاولات اللي وراء الورد..

(تخيلوا المشهد<يعني صف من الورد وراه طاولات وقدامه بعد طاولات..>

فما ظنت أن فيه أحد..

وفي هاذي اللحظة <لحظة اللي بدت فيها جنان بالكلام..>

رفع حسام عيونه عن الورق اللي كان مندمج فيه

في حل قضيه يتناقش فيها مع سالم وهذا هو سبب جيته هنيه..

فتفاجئ وهو يشوف بنت قدام عيونه كانت في عيونه مو أي بنت

كانت لابسة بيجامة نوم صوفيه لونها وردي فاتح فيها رسم دبدوب

ووجهها الأبيض خالي من أي مكياج وعيونها حلوه ولونها عسلي

(يشابه لون عيون أمها وخالاتها..

<هي عندها خالتها بدريه أم وفاء وخالتها ليلى هاذي في سن وفاء وعبير

لأن جنان أكبر منهم بسنه وهي ليلى عايشه في السعودية في بيت اهلها

وهذا شي طبيعي لأنها مو متزوجة وراح تنقل في السمستر الجديد

لجامعة البحرين بتدرس مع وفاء وعبير وتخصصها هندسة

بسبب الحاح من وفاء وبعد بسبب أنها مو مرتاحة في الجامعة اللي هي فيها..>

<نرجع لموضوعنا الأساسي ضيعناه:

المهم وكل شي فيها كان يدل على الفخامة ..

وسمع الكلام اللي قالته وجاته صدمه وهو يفكر :

معقولة بنت مثل هاذي بهالعز والجمال ومو سعيدة في حياتها ؟..

ياترى شنو السبب اللي يخليها تصيح كذا وتدعي على نفسها بالموت..؟1

حسام وهو منزل عيونه للأرض وفي قلبه<زين الوردة مالها ذنب > :أحم أحم ..

جنان نزلت عيونها من جهة السماء وطالعت في الشخص اللي كان يتنحنح وتفاجأت

<ياترى وش بيصير؟>

جلست من النوم مصدعة حدها ورأسها يعورها وما تدري ليه

رفعت رأسها تشوف الساعة وتفاجأت ..

عبير تكلم نفسها:شنو هذا معقولة أنا نايمة لين الحين.!

آه شنو هذا الصداع اللي يأكل راسي..بل عليه..

وقامت دخلت الحمام اللي في غرفتها غسلت وطلعت مسكت جوالها

لقت فيه 5مسكولات :3 من جوال وفاء و1 من وفاء بعد بس من رقم البيت

و1 من بشاير..(بشاير هاذي عضو من أعضاء شلة وفاء وعبير

ومعهم بعد زينب وكلهم صداقتهم قويه بقوة التصاق الجبل في الأرض..)

من شافت رقم وفاء بسرعة اتصلت فيها :

وفاء:هلا يالدبة كل ذيه نوم الحين الساعة 35و11 الظهر..

عبير:هلا حبيبتي سكتي بس قعدت وآنا مصدعة ومو قادرة ..

أوكي شنو عندك متصلة فيني؟؟!

وفاء:أفهم من كلامك يعني يله بسرعة أبي أسكر ..!

عبير:هههه لا بس الحين بيأذن الأذان عشان بروح لأمي أشوفه وبرد أصلي..

وفاء :أهاا بس كنت أبي ابشرك..

عبير فرحت تحس أن لناصر علاقة بالموضوع:ها قولي فرحيني..

وفاء:أمي رجعت البيت اليوم الصباح..

عبير بفرح:صج؟!

وفاء:أيوه صج عيل لعب ..لا وهذا بس نص الخبر ..

عبير:شنو بعد فرحيني قولي..

وفاء: أول تمني أمنية..

عبير:هههه وش دراك أنه فيه رمش على خدي ..

وفاء:هههه..يشوفك قلبي حبيبتي .. هاه تمنيتي؟

عبير: أمممممممم أيوه خلاص ..

وفاء:تحققت أمنيتك..

عبير:وأنت وش عرفك فيها..؟!

وفاء:بتعرفين بعدين..

عبير:والله أنك غريبة الأطوار ..إلا تعالي كيف حال ليلى وحشتني مرة ..

وفاء:عال العال تسلم عليك خلاص بتجي تدرس معانا بالجامعة وناسة ليلوه..

عبير:واو شي جميل أخيرا بتم معنا وايد حبيبة قلبي..

وفاء: هي ترى بعدني على الخط..

عبير:هههه أنت ياعسل أموت فيك..

وفاء:هههه يله بايو وبعدين بكلمك..

عبير:أوكي باي..

وسكرت عبير وهي مقررة أنها بعدين بتتصل لبشاير

وقامت وراحت تنزل تحت لقتهم كلهم قاعدين بالصالة دخلت:السلام عليكم..

الكل:وعليكم السلام..

أم عبير:وش فيك يا بنتي توك جالسة من النوم؟

عبير:ماادري يمه بس مرة رأسي يعورني ..

أبو عبير:وش فيكم أنتوا اليوم كلكم رأسكم يعوركم..!

عبير:ليش منو غيري رأسه يعوره..؟

فاطمة(جدتهم أم أبوهم اللي أصلها بحريني ):أختك أحلاموه منو غيرها..

<أم إبراهيم يدتهم كل مناقر مع أحلام..>

عبير أنتبهت ليدتها وراحت لها باست رأسها :شلونك يمه فاطمة..

فاطمة تتنهد :آه بخير بشوفتك يا الغالية..

عبير:يسلمووو يمة..

أحلام:وآنا يمه لمن شفتيني ماصرتي بخير..؟!

فاطمة تحب تعاند أحلام :لا وعععع ولا شفت الخير مالت عليك <وتمد لها يدها..

أحلام بقهر:لكن ماعليه والله لأوريكم وراحت غرفتها مبوزة والكل ضحك عليها..

أبو عبير:يالله ياهدى أنا رايح أصلي بالمسجد بغيتوا شي وآنا راجع..

هدى (أم عبير:سلامتك الغالي في حفظ الله ..

أبو عبير:أجمعين أن شاء الله يله مع السلامة .

الكل:مع السلامة..

عبير:يبه..يبه..صبر شوي..

إبراهيم:هلا يا بنتي بغيتي شي؟!

عبير:أيه يبه وصل لي هذا الكيس الصغير بيت وفاء

وخلهم يعطونها اياه أذا ما عليك أمر

إبراهيم : أن شاء الله يله روحي صلي ..

عبير:أن شاء الله يبه ..

<وراحت مبتسمة وهي تفكر بليلى لمن تعطيها وفاء الكيس شنو بتقول..؟؟!

يتبع ..

ياترى شنو راح يصير ؟وايش دخل ليلى بكيس عبير؟وجنان ايش راح يصير لها ؟

وأحلام خلاص راحت فكرة نايف من بالها ولا لا؟

الجزء الثاني عشر..

دخلت أريج مع بنتها ريهام لبيت اهلها ..

أريج:السلام عليكم..

أم راشد + راشد :وعليكم السلام..

أريج:كيفك يمه؟

أم راشد:بخير الله يسلمك..

راشد:هلا ريهام حبيبتي تعالي لخالو..

ريهام وهي تروح تركض لحظن خالها:لاسد هنيه (يعني راشد هنيه)

راشد:قولي خالي مو راشد يا الدبة..

ريهام تطلع لسانها لراشد:أنت الدبة..

أريج:ماما ريهام شنو قلنا مو عيب يقولوا لخالهم كذا..

ريهام بندم وشوي وتصيح:أن ساء الله آنا آثفة (أن شاء الله آنا آسفة)

أريج:إلا قول لي يا أخوي يا راشد وش أخبارك وش علومك؟

راشد:بخير والحمد لله بس أنتظركم تخطبون لي !

أم راشد بغضب:شنو يعني ؟! خلاص خلصت شغلك

ولا قلت لي عشان أروح أخطب لك؟؟!

راشد يضحك على ملامح أمه:

هههه هههه لا يمه أنا اليوم بس قررت أقول لك ..

أريج: ولا يهمك من العيون هاذي قبل هاذي لو تبي نروح اليوم نخطبها لك بعد..

راشد بتردد:هاه لا..لا .. خلوها يوم الخميس الجاي..

أم راشد: وأخيراً بردتْ قلبي يا راشد يا حبيبي ..

بس لو أخوك حسين يرضى يرد علينا ..

قوم يا ولدي أتصل فيه الله يخليكم خلوني أتطمن على ولدي

ما سمعت صوته من سنتين <وتبكي بكاء يقطع القلب>

أريج:خلاص يمه لا تعورين قلبك كذا ..

الحين راشد بيتصل فيه وتطالع أخوها بنظرة رجاء..

راشد اللي زهق من كثر ما يتصل ولا يلقى جواب

ما حب يرفض طلب أمه :خلاص يمه سكتي الحين بتصل فيه..

سكتت أم راشد ودموعها على خدها وهي تشوف ولدها ماسك جواله يتصل..

(تتوقعون يرد عليهم)..

نرجع عند جنان وحسام صديق أخوها..

جنان تطالع في حسام بصدمه وبدل ما تروح داخل زاد صياحها وانهارت على الأرض..

حسام ما عرف شنو يسوي البنت مغمي عليها وهو لوحده معاها

وسالم لين الحين مارد <حشى مو عصير هذا اللي بيجيبه..

وفي هاذي اللحظة طلع سالم من باب الصالة وشاف أخته على الأرض

طاح العصير من يده وانصدم وهو يشوف صديقه واقف حيران

مو عارف شنو يسوي راح يركض تجاه أخته :

جنان أختي حبيبتي وش فيك وكان يهزها ومو لاقي منها استجابة فصرخ:

حسام بليز روح المطبخ قول للخدامة تعطيك كاس ماي ..

وراح حسام وهو مو فاهم شي وجاب الماي بسرعة

وهو مايبي يطالع في أخت صديقة إحتراماً له

رغم أنه عيونه كانت غصباً عنه تلتفت لها بس أجبر نفسه يدور وسمع سالم

يقول له:حسام الله يخليك روح بسرعة شغل السيارة

بوديها المستشفى ما ادري شنو فيها..

وراح حسام يشغل السيارة بينما سالم راح يجيب عباية أخته..

وكلها 5 دقايق أو أقل إلا وهم منطلقين بأقصى سرعة للمستشفى ..

(ياترى شنو بيصير

وحالتهم في بيت وفاء كانت:

أم ناصر +أبو ناصر: في دارهم يرتاحون..

وفاء +ناصر :جالسين بالصالة يشوفون التلفزيون ..

ريم وخالد:في غرفة ريم جالسين مع بعض<مخطوبين ومن حقهم هههههاااي ..

وهادي المسكين مثل كل وقت لحاله بغرفته وفي يده دفتر يكتب فيه..

**رن جرس الباب يعلن عن وصول أحد..

وفاء:لجين روحي فتحي الباب ..

وراحت الخدامة تفتح الباب ورجعت:ماما وفاء هذا برا في واحد بابا يبي أنت..!

وفاء مستغربه:واحد بابا يبي أنا..منو هذا؟!

ناصر:خلك هنيه أنا بروح أشوف..

وفاء ما تبي تتعبه:لا خلك أنت يا ناصر ..وتكلم الخدامه:

لجين منو اللي عند الباب ؟!

لجين:ماما هذا بابا مال صديقة أنت عبير..<<كلامها مكسر..هههه..

وفاء:أهاا أوكي الحين بروح ..وراحت لبست شيلتها وطلعت وهي تفكر:

ليش يا ترى شنو اللي يايب عمي إبراهيم هنيه خلني أطلع وأشوف..

وقفت عند الباب :

تفضل عمي أدخل..

إبراهيم :زاد فضلك يا بنتي آنا بروح بس جايب لك هالكيس من عند عبير..

وفاء استغربت :ما قالت لها عبير عن كيس بتخلي أبوها يجيبه لها وهي توها مكلمتها..!!

وفاء أخذت منه الكيس..مشكور عمي سلم لي على الأهل كلهم..

إبراهيم:العفو الله يسلمك..ألا شنو أخبار أبوك وناصر أخوكِ؟

وفاء ابتسمت:الحمد لله يسلموا عليك <وفي خاطرها: وقريب يزوروك>

إبراهيم:الله يسلمك يله سلمي على الأهل كلهم أنت بعد..

وفاء:أن شاء الله ..مع السلامة ..وسكرت الباب وهي تفكر ياترى شنوا هالكيس؟

ونرجع لأحلام بعد ما فشلتها يدتها فاطمة وراحت غرفتها مبوزة:

أحلام تكلم نفسها بصوت مسموع<تتذمر>:

أففف متى بيشبك هذا وترفس الكومبيوتر بريولها<هاذي مشكلتنا والله..هههه>

إلا ورنة التلفون تعلن أن النت شبك..

أحلام والفرحة مو سايعتها :واو وأخيراً..

ودخلت فتحت مسنجرها لقت عندها إضافة .قبلت وهي تفكر :

أقبل وأشوف مين..بس قبلت طلع شابك وهو اللي ابتدأ..

وهذا الحوار اللي دار بينهم من خلال الماسنجر:

(حبيتك والله حبيتك):السلام عليكم..

أحلام(لاتحلم فالحلم خيال):وعليكم السلام ..من معاي؟

(حبيتك والله حبيتك):معاك اللي ذاب في هواك..

(لاتحلم فالحلم خيال):لو سمحت وضح أكثر ما عرفتك؟!

(حبيتك والله حبيتك):أنا نايف اللي خليتيني معلق بين السماء والأرض

ولا رديتي عليّ..أنا فهمت من عدم أتصالك أنك ماتبين تكلميني

بس والله صدقيني ماني من النوع اللي في بالك..

(لاتحلم فالحلم خيال):......لاتعليق........

**أحلام أنصدمت: من وين له هذا إيميلي؟!**

(حبيتك والله حبيتك):وينك ليه ماتردين عليّ؟!

(لاتحلم فالحلم خيال):من وين لك إيميلي؟وكيف أخذته؟وليش تكلمني؟!

(حبيتك والله حبيتك):شوي شوي عليّ يا أحلام تبيني أجاوبك بجاوب بس صبري

مو كذا مره وحدة !

(لاتحلم فالحلم خيال):لا وتعرف أسمي بعد من قال لك به؟ووش عرفك بي؟

(حبيتك والله حبيتك):بل بل صبري وبقول لك كلتيني بقشوري يا بنت الناس..!

(لاتحلم فالحلم خيال):بسرعة قول والله ترى ما عندي غير البلوك..

(حبيتك والله حبيتك):شوفي يا حلوة آنا أخذت رقمك من عند وحدة من صديقاتك

وحتى إيميلك هي اللي عطتني أياه وأسمك بعد..

(لاتحلم فالحلم خيال):معقولة وحدة من صديقاتي تكون خاينة ومنافقة بعد.! لا مستحيل..!

(حبيتك والله حبيتك):أنت معتبرتها صديقتك وهي خانتك..

فهذا يدل على أنك ما أخترتي الصديقة الصح ولازم تنتبهي لنفسك....

(لا تحلم فالحلم خيال):أنا مستغربه شلون كذا..واحد مثلك جاي يسوي نفسه

يبي يتعرف يقعد ينصح ..وبعدين منو هاي البنت الخاينة..؟!

(حبيتك والله حبيتك):لأن آنا قلت لك أني مو من ذا النوع اللي في بالك..

أنا بس مرة سمعت صوتك ومو قادر أنساه أو أنساك

<أيه قص عليها مسكينة .. هههه..

(لاتحلم فالحلم خيال):معقولة يعني مجرد كلمة (ألو أهلين)تخليك تحبني!؟

صراحة ما تدخل العقل..!

(حبيتك والله حبيتك):أنت شكلك مو عايشه في الدنيا ياما ناس تعارفوا من النت

وصاروا أحباب وأصدقاء يمكن أكثر من اللي معهم في نفس المكان

سواء كانوا بنات أو أولاد فمثلاً أنا متعرف على واحد من سورياء

وهذا هو صديقي الروح بالروح كأنه أخوي..

(لاتحلم فالحلم خيال):زين ..بس..والله راسي عورني..

(حبيتك والله حبيتك):عاد وش دعوة يا أحلام هذا وأنت أسمك أحلام

قاعدة تمنعينا من الأحلام..!ليه بس؟!

(لاتحلم فالحلم خيال):هذا الواقع المؤلم هو اللي يمنعنا كلنا مو آنا اللي أمنع..

(حبيتك والله حبيتك):بس الحلم ببلاش ومحد يقدر يمنعنا عنه وأكيد كل شخص له حلم..

(لاتحلم فالحلم خيال):أكيد لكن شنو يسوي الواحد إذا كانت ظروف حياته صعبة..

(حبيتك والله حبيتك):ولا شي بس يتكلم مع شخص يثق فيه..

ترى أنت إذا كلمتيني ما راح تخسرين شي لأني والله وهذا أنا احلف لك

أني ما راح أضايقك بشي أبداً بالعكس لو كنتِ متضايقة راح أريحك..!

(لاتحلم فالحلم خيال):وشنو اللي يثبت لي؟!

(حبيتك والله حبيتك):حبي لك يثبت ..

(لاتحلم فالحلم خيال):لحظات شوي وبرجع..

(حبيتك والله حبيتك):خذي راحتك..

**وراحت أحلام تغير نكنيمها تحس أنها صارت متفائلة وتفكر:

والله صدقت رجاء بكلامها .!

(وردة حياتي):بـــــــــــــــــــاكد..تأخرت؟!

(حبيتك والله حبيتك):لا عيوني عادي حلال عليك..

(وردة حياتي):شوف آنا فكرت في الموضوع واتخذت قراري

(حبيتك والله حبيتك):وشنو هو قرارك؟؟؟

(وردة حياتي):أنا قررت ما أكلمك!!<شنو هالتناقض بالتفكير والكلام..!

(حبيتك والله حبيتك):كذا أنت شكلك ناويه تحطميني..!؟

(وردة حياتي):صبر شوي ..أنا قررت ما أكلمك بالتلفون ..جاست في الماسنجر ..

لأني بصراحة ماأقدر أكلمك بالتلفون وأخليك تسمع صوتي

بس في الماسنجر أخف شوي ..وأنت بكيفك..

(حبيتك والله حبيتك):أكيد بكيفي عجل بكيفك..خلاص ريحتيني كذا أنا موافق..

(وردة حياتي):بس هاه بدون تعدي حدود..

(حبيتك والله حبيتك):هههه على هالخشم ولا يهمك..

(وردة حياتي):بل صار لنا ساعتين نسولف الوقت سرقنا..باي بخليك الحين..

(حبيتك والله حبيتك):باي..

**أم راشد على نار وتدعي من أعماق قلبها لربها أن ولدها حسين يرد عليهم..

أريج متوترة وخايفة على أمها يصير فيها شي من كثر التفكير ..وتدعي بقلبها:

الله يعينك يا يمه..

راشد ماسك موبايله:وهو يرن وينتظره يرد عليه وهو يتمنى أنه يرد عليه

<لأن هو صج مجطل الموضوع (يعني مو مهتم) لكنه أخوه وقلبه يحاتيه ..

ورن فوق الخمس رنات وما رفعه ..

راشد فقد الأمل وكان بيسكره (يقفله) بس اللي حصل أن حسين وللمرة الأولى

من بعد غياب سنتين تقريباً يرد عليهم..

حسين بضعف:ألو..

راشد طار كل الزعل اللي في قلبه على أخوه وبفرح:

ألو حسين حبيبي هذا أنت؟شخبارك؟

حسين :أيه هذا أنا وآنا زين الحمدلله..وحشتوني مره

وودي أشوفكم..

راشد:ليه يا أخوي ما ترجع حنا ودنا نشوفك بعد..

حسين خلاص مو قادر يستحمل أكثر:

ياراشد لا تزيدني أنا تكفيني هالغربة اللي القدر كتب أني كتب كلمته

في أني أتم عايش فيها طول عمري..!

راشد:وليه يعني ؟أنت اللي حاكم على نفسك مو القدر ..

حنا كلنا نبيك هنيه أنت اللي ماتبي تجي..

حسين: .............<<يبكي..

راشد سمع حس أخوه يبكي:ليش تبكي يا حسين يكفي..!

أم راشد كانت قاعدة تسمع ردود راشد على ولدها البكر حسين وتبكي بصمت ..

بس لمن سمعته يقول ليش تبكي ماقدرت وراحت سحبت جوال راشد من يده

بسرعة وبدون مايحس وحتى ماعطته فرصة أنه يعترض ومسكت الجوال

تبي تكلم ولدها وقبل لا تتكلم سمعته يقول وهو يبكي بشهيق عالي

يفكر أنه يكلم راشد:تسألني ليه أبكي ياراشد؟!

أنا أبكي على حظي الرديء..أبكي على أني عندي أم مو قادر حتى أشوفها ..

وأعتبر نفسي مقطوع من شجرة أعتبر نفسي ميت أنا ياراشد ..

ولهان على أمي مره ونفسي لو أسمع كلمة منها وولهان عليكم كلكم

والله يشهد علي بس شلون أجي وأحط عيوني في عيون أمي

أو أتكلم معاها أنا خجلان من نفسي موت ياراشد أنا أحس بذنب

أحس أني آنا السبب في موت أبوي وترمل أمي وتيتم أخواني ......

ياترى ليش يحس حسين انه السبب في موت أبوه..؟

وأحلام هل بتستمر مع نايف ولا لا..؟

وليلى خالة وفاء هل صحيح بتروح تدرس بالبحرين مع وفاء وعبير ولا كيف؟

وجنان شنو بيطلع فيها ؟ووش بيصير موقفها مع حسام؟

ومتى بيروح ناصر يخطب عبير وهل بيلاقي اعاقات في هالسبيل؟

يتبـــــــــع

الجزء الثالث عشر:

أم راشد قطعها قلبها على ولدها بعد ماسمعت كلامه <وقامت تبكي مثله..

أم راشد:ياولدي لا تقول كذا وانا أمك قوم تعال وارجع لي

أضمك واحظنك قبل مااموت ياولدي..!

حسين بقد ما انصدم فرح من قلب:

بعد عمر طويل يا يمه لا تقولين كذا عسانا ما نخلى منك ياشمعة البيت..

شلونك ولهت عليك يا الغالية..؟

ام راشد: كذاب ومن عيونك لو أني واحشتك مثل ما تقول كان جيت لي

ورجعت لحظني مو صابر على فراقي سنتين يا الظالم

<وقامت تبكي وهي تكمل :يا ولدي هذا قضاء الله وقدره وحنا لازم نرضى به

ونخلي إيمانا بالله قوي

وانت مالك ذنب في اللي صار ياولدي ..

حسين:ونعم بالله..صح ان ذنبي مو مباشر بس يرجع ويكون

بسببي لأني انا الوحيد اللي ينلام في هاذي السالفة ..

ام راشد:ياولدي انسي والنسيان نعمه وقوم تعال لي اشوفك واضمك لصدري

وأكحل عيوني بشوفتك يا الغالي ياللي من ريحة الغالي ..

حسين:يمه..مو الحين والله ما اقدر أشوفكم وانا سبب بلواكم ..!

أم راشد بحزن:ياولدي قوم تعال واترك عنك هالخرابيط قوم ياحبيب أمك

ارجع من هولندا بلاد الأجانب وتعال لبلد العرب اللي أنت منهم..!!

حسين:يمه آنا مو في هولندا..!!

أم راشد تفاجأت:شنو؟! عجل فين انت؟؟!

حسين:يمه آنا في السعودية وبالخصوص في مكة المكرمة ..

أم راشد:وكيف ومن متى؟!

حسين:آنا صج لما سافرت رحت هولندا بس ثلاث شهور

وبعدين السنة وشوي الباقيين قضيتهم في مكة

وعايش مع صديقي في شقة وندفع الإيجار نص بالنص ...

أم راشد:طمنتني ياولدي دام انك عايش في بلاد الإسلام وأرض الكعبة الشريفة

لكن يله ياولدي عشان تثبت لي غلاي عندك روح تعمر وادعي لنا

وتعال ارجع قبل هالأسبوع وخلني اشوفك..

حسين ما حب يقطع قلب أمه أكثر ويخليها تتذلل له لا سمح الله

وهو بعد عنده رغبه كبيره بالعودة لهم فقال لها:

إن شاء الله يمه يا أحلى أم بهالوجود..!

أم راشد:يله في أمان الله وحفظة يسلمون عليك خواتك..

حسين:الله يسلمهم ولهت عليهم بلغيهم تحياتي..

ام راشد:إن شاء الله يله ياولدي في حفظ الرحمن..

حسين:أجمعين ان شاء الله ..

سكرت أم راشد التلفون من حسين وهي تتنهد بفرح وارتياح..

وفاء وهي راجعه الصالة ومستغربة من الكيس

اللي ما عمرها عبير ذكرته لها وفيها فضول كاسر

تبي تعرف شنو سالفة هالكيس..؟؟!

وسمعت ناصر يقول:هاذي انت يا وفاء تعالي قولي لي شنو صاير ؟

وفاء:لحظة ياناصر بشوف شنو هالكيس اللي يايبته عبير..؟؟!

ناصر وهو متوتر:زين بسرعة..

وفاء فتحت الكيس وكان فيه هدية صغيره مغلفة وشكلها مرتب

وفوقه ورقة دفتر عاديه مره فتحتها وهي تقرأ بصوت عالي:

وفاء حبيبتي تركي عنك اللقافة ولا تحاولي تحوسي باللي في الكيس

لأني أدري ان الفضول ذابحك الحين ..

وفي اقرب فرصة تقدرين تشوفين فيها ليلى خالتك عطيها اياه وقولي لها

إني ارسلته اليوم يوم مولدها..

وتستـــــــــــاهلين لأني انا اللي غلبتك..
.................................................. .......

وفاء توها مستوعبه السالفة ..وخلاص انقهرت وودها لو تكفخ نفسها

وهي تتذكر أحداث هالسالفه اللي قبل 8 شهور ..

يوم تجي ليلى تبات معاهم وتتجمع مع عبير في بيت وفاء :

ليلى:شوفوا بنات خلونا نتفق ..!

عبير:على شنو نتفق؟؟

ليلى بمسخرة:حنا الحين تقريباً متقاربين في السن ولكن أكيد في وحده قبل الثانية .......

وفاء تقاطعها:ايوه كملي بلا مقدمات..

ليلى:زين صبري يا الغبية خليني أكمل ولا تقاطعيني..

عبير:يله زين كملي وتركوا الهواش..

ليلى:خلونا نتفق ان أول وحده تتذكر يوم ميلاد أي وحده فينا تكون الرابحة..

وفاء وهي رافعة حاجب<كانت منقلبة عليهم ذاك اليوم>

:طيب شنو بتعطوني لو ربحت..؟؟!

ليلى:اللي تتذكر أول وحدة فيكم لها مني مفاجأة بتسرها مرة..

بس لو انا اللي ربحت شنو بتعطوني؟؟!

عبير:بنعزمك على أكبر عشاء في الدنيا في المكان اللي تبينه ..

ليلى وهي تضحك بهسترة :ههههااي قف مي فايف..

وقاموا يضحكون...

وفاء تذكرت هالرهان اللي تراهنوا عليه هم الثلاثة وكانت حاطه في بالها

أنها تبي تهزمهم بس للأسف فازت به عبير..!

ناصر حيران:هي أنتِ وين رحتي؟وشنو سالفة هالورقة وفي ايش عبير غلبتك؟!

وفاء رجعت من عالم سرحانها :ها ناصر خذ شوف وبتفهم,

ناصر أدرك ان وفاء نست انه مايشوف فسكت..

وفاء تداركت الكلمة اللي قالتها فقالت لأخوها تبي تخفف عنه:

آسفة ناصر والله ما كان قصدي أجرحك انا بس كنت..

قاطعها ناصر:وهو يحن عليها لأنه يعرف أخته لمن تحس بأنها جرحت أحد

تقعد تحاسب نفسها وتلومها طول اليوم:

خلاص يا وفاء حصل خير أصلاً انا اليوم في المغرب موعدي في المستشفى

يعني اليوم بعرف مصيري النهائي مع عيوني وإذا كنت برجع أشوف..؟!

في السعودية في المستشفى سالم كان قاعد في غرفة الأنتظار

وهو يحاتي على أحر من الجمر ومعاه حسام صديقة يحاول يهديه:

خلاص يا سالم اختك مافيها إلا العافية..

سالم واللي يعرف عن حركات حسام البطاليه كان حارقة قلبه

على انه شاف أخته اللي يعرف أكثر من أي شخص

شكثر هي حلوة فهو خايف أن حسام يحط عينه عليها فهو هو بيكلمه بعدين

لمن تتحسن حالة أختة: أدري ان مافيها شي..

حسام باستغراب:عجل ليه متوتر ومرتبك كذا وتروح وتجي؟؟!

سالم:بعدين ..بعدين..

طلع لهم الدكتور:السلام عليكم أخوانا..

سالم استلم الرد:وعليكم السلام..ها بشر يا دكتور؟!

الدكتور:شنو تقرب لك المريضة؟

سالم:جنان أختي يا دكتور..

الدكتور:والله ماادري شنو أقول لك بس هي حالتها النفسية مرة زفت

شكلها تلقت صدمة خلتها تطيح..أنا بسألك :هي كيف كانت تصرفاتها هالأسبوع؟

سالم:والله أنا طول هالأسبوع كنت مشغول بس انا سمعت من الوالدة

أنها صار لها أسبوع كل حابسة نفسها في غرفتها

وماتطلع وما تأكل زين كل مالها خلق..

الدكتور:هي محتاجة تغير جو ذي حالتها النفسية مرة تعبانه

شكلها تحاول تبعد نفسها عن الناس فأنتوا بدون ما تحس حاولوا

تقربونها منكم أكثر وغير كذا مافيه..بس أعصابها مرة فالتة فحاولوا ما تثيرونها..

سالم منصدم ويفكر بصمت:

كل هذا في أختي وأنا ماأدري شنو السبب ياترى؟

هي طول عمرها تمشي بفخر وخيلاء بس انا لاحظت عليها هالأسبوع

انها مرة منكسرة الخاطر..الله يستر بس..

حسام كان يستمع للي يقوله الدكتور ويتذكر دعائها على نفسها بالموت

وهو مصمم انه يخلي البسمة تنرسم على فمها ..لأنها عجبته ودخلت مزاجه...!

..................

يتبع

الجزء الرابع عشر..

عبير في غرفتها تفكر بصوت مسموع وهي فرحانة:

قال أيه قال عبير تنهزم وأخيراً رويتك شغلك ياوفاء الحين أكيد الكيس

وصل لك وعرفتي بكسبي للمعركة ههههااي..

بعدها ضحكة ترن في نواحي الغرفة ويصاحبها هالمره صوت جوال عبير

يرن وشافت أن وفاء المتصلة رفعته وهي تضحك:يا مية أهلين وسهلين..

وفاء بحمق وعصبية:في عين عدوك قولي آمين..

عبير وهي بعدها تضحك وبطريقة غرور:قلت لك بحطمك ما صدقتيني وأنتِ على كيفك

وفاء:أكيد على كيفي عجل على كيفك..

عبير:أقول وفاء حبيبتي خلاص سكري الموضوع والله راسي مصدع ومو قادرة..

وفاء بمسخرة:سلامة راسك يا الخاينة..

عبير:أمواه لحبيبة قلبي..سمعي شرايك تشبكين الحين يمكن نلاقي ليلوه نطفشها شوي..

وفاء:تصدقين قود آيديا ..يله بروح اشبك بـــــاي..

عبير:بـــــــاي..

نرجس وكوثر وهم نازلين من غرفتهم ويضحكون راحوا لقوا أمهم

متونسة بعكس حالها لمن تركوها مالها خلق فسألتها كوثر:يمه علامك فرحانة؟

أو راشد:فديتكم والله أخوكم حسين يسلم عليكم..!

نرجس بأستغراب:حسسين؟!ليش هو رد عليكم؟!

أريج:أيه وخلاص كلها أسبوع وهو راجع ..

نرجس:يابعد عمري أخوي أشتقت له..

راشد:هي أنتي وآنا وين رحت؟!

كوثر:أنت بالقلب وهو معاك..هههههههااي

أريج تقاطعهم:يله يمه آنا بروح الحين البيت تعبانة تآمروني على شي..

أم راشد:شنو فيك يا أريج صج أنتِ وجهك صاير لونه أصفر..؟!

أريج زاد توترها:ها يمه ولا شي سلامتك بس راسي يعورني..

<ورن جوالها>خلاص يمه هذا محمود يله باي ..

الكل:مع السلامة..وحطي بالك على نفسك(قالتها أم راشد)..

ريم مع خالد في غرفتها ..وهو منسدح على سريرها وهي جالسة على الكرسي

اللي قدام المرايه وتسحي شعرها(تمشطه)وتقول:حبيبي خلود..؟!

خالد:قلبه..

ريم بخجل:تسلم ...بغيت آخذ رايك ...

خالد بأهتمام:في شنو..؟

ريم:وش رايك نروح اليوم المغرب نخطب لناصر بعد مانتصل وناخذ منهم موعد

وعلى ماتستوي السالفة وتخلص الأجرائات بتاخذ أسبوع

وهو بصراحة معور قلبي وودي أشوفة مع اللي تسعدة ..

خالد:والله فكرة حلوة خلاص قومي نروح نسأله

وإذا موافق هو وأمك وأبوك ماعندي مانع..

وقامت ريم مع خالد عشان ينزلوا تحت لكن اللي حصل أنهم سمعوا كلام

ناصر لوفاء أنه اليوم موعدة في المستشفى ..

وأنهى ناصر كلامة بوصول خالد وريم للصالة فعرف أنهم سمعوه ..

ريم:صج ياناصر؟! مادريت أن اليوم المغرب موعدك في المستشفى

والله توني أقول لخالد أنك تبي لو تبي نروح اليوم المغرب نخطب لك عبيروه بنروح..

وفاء:هي لو سمحتي أسمها عبير..!

خالد:أي والله قاعدة وهي تقلب في أسامي الناس ولو أحد قال لها ريموه تزعل..!

ناصر كان يفكر بكلام ريم:

لا يا ريم أنتِ أتصلي فيهم وخذي الموعد بكرة أن شاء الله

عشان أمون أنهيت فحوصاتي وعرفت مصيري فهي لها الحق بمعرفة كل شي

قبل ما توافق على الأرتباط فيبني ..

وفاء بأعجاب:صح لسانك نصور..

ناصر يدعي الغضب:هي لاتبدين بالغلط أسمي ناصر مو نصور..شنو أصغر عيالك آنا..!

خالد:آآآه بكرة بنشوف أم العيال إذا ماقالت لك نصور وأحلى على قلبك..

ناصر برومانسية:شلون عجل هاذا أنتت قلتها بلسانك أم العيال...

ريم تبي تختبر خالد:أحم أحم ..خلودي..؟!

خالد:شب ! شنو هاذي بعد خلودي ؟أخوك الصغير وأنا ماادري..؟!قولي خالد وعمى..

ريم بتعجب:طالع هذا مو توك تقول لناصر انها لمن تكون من أم العيال أحلى على قلبك؟!

خالد يحب ينرفزها:ايه هذا أنتي قلتيها لو كانت من أم العيال..؟!

ريم:لا والله أحلف..عجل آنا منو..؟

وفاء:هههههااي ..أنتِ حي الله خطيبته الدلوعة..

ريم:شبي أنتِ بس..مااحد دخلك في الموضوع ..

خالد:هي لاتغلطي على أختي الغالية تراها الوحيدة وأنا اللي دخلتها..عندك مانع يعني..!.؟

ريم وهي تمد يدها:مالت عليك بالعشر أنت معاها ..

وفاء تطلع لسانها بحركة تقهر ريم..

ناصر:بسكم أنتوا ماتجتمعون في مكان ألا تهاوشتوا

اللي يسمعكم يقول نسوان ريل ..خلاص صدعتوا راسي..

خالد:سلامة راسك يا الأخو(وهنيه رن جوال خالد )..

خالد وهو رافع التلفون:هلا والله باللي ناسيني..

المتصل:شدعوة عاد أمس شايفك ولا جنبك أحد تبي تقهره..

خالد:ماشاء الله عليك دايم ذكي وتفهمها وهي طايره ..وينك حبيبي أشتقت لك..!؟

المتصل:ههههااي والله أنك نكتة مع هالريم ..شنو صاير بعد متهاوشين؟؟

خالد:لا ياقلبي لا تفاول علي بس كذا تعرف أحبك شسوي بعمري ..

المتصل:هههههه ..أقول وأنا أخوك تراني زهقان وطفشان

وجالس في البيت بروحي ماكأن عندي أخو المفروض يقعد معاي..

خالد:شدعوة حبيبي أنت تآمر أمر الحين جاي لك ..والله ماأقدر أخليك يانور عيني..

المتصل:هههههه أكيد ماتقدر أخوك الوحيد يله أنا أنتظرك..باي

خالد:بايات..

ريم بغضب بس تدعي الهدؤ:شدعوة ..حبيبي ونور عيني..كنت تكلم منو؟

خالد مستمتع:والله كنت أكلم واحد..

ريم:أدري أنه واحد لأنك ماتقدر تكلم وحدة..والله لأقص رقبتك لو تكلم وحدة..

خالد:وأنتِ شدراك يمكن وحدة وأنا قاص عليكِ ؟؟..!!

ريم خلاص عصبتْ:طز فيك أنت معاها..وركبت غرفتها دون ماتعطيه مجال يرد..

خالد يضحك لكنه متألم في قلبه لأنه آلمها وهو يدري شكثر

هي تحبة وتغار عليه من الهواء اللي يتنفسه..

وتذكر هالموقف قبل خطوبتهم يوم يروحون البحر مع بعض كلهم

وتجي له وحدة تقول له:لو سمحت يا الأخو ممكن تجي تساعدني بحمل هذا الكرتون..؟

هو طالع في ريم اللي أحمّر وجهها وتوه بيمشي يساعدها الا وهي تروح لها :

تعالي أختي أنا بساعدك..وتم مبتسم عارف أنها تغار عليه..وتقطع أفكاره وفاء:

هي خلود منو كنت تكلم؟!

خالد:ههههههه كنت أكلم نايف أخوي بس حبيت أحرق أعصابها..

{خالد ماعندة الا أخو واحد ويتيم الأبوين}

وفاء:آآآه الله يهديكم ..أنا بروح أشبك مواعدة عبير

عشان نبي نلعب على ليلوه خالتي يله باي..

خالد :أنا بعد بروح يله باي..

أحلام طلعتْ من الماسنجر بس لأانها ماقدرت تتحمل هالعواصف من المشاعر

الجديدة اللي تجتاح قلبها فخافتْ خافت تسوي شي تندم عليه بعدين وطلعت..

وكاهي بعدها جالسة قدام شاشة الكومبيوتر والنت شابك

ومو قادرة تسوي فيه شي وسمعت أحد يطق باب غرفتها..

أحلام:دخلي..

عبير:وش دراك يا الساحرة أن دخلي مو أدخل؟؟.!

أحلام وهي لازالت سرحانة:لأن احنا يا الذكية كلنا بنات

وماعندنا ريايل في البيت وأبوي بعده مايرجع من المسجد ..

عبير:واااو ماشاء الله عليكِ محللتنها..

أوكي أحلاموه أشوفك حطيتي الكومبيوتر في غرفتك واستحليتيه

كأنه لك وحدك تراني أبي أجلس عليه شوي يله بسرعة...

أحلام:خذيه ماأبيه..

عبير أستغربت أول مرة في حياتها أحلام تتنازل عن النت بسهوله

{هم حالتهم المادية وسط يعني الحمد لله لاهم أغنياء ولاهم فقراء..

على قد الحال فما عندهم غير كومبيوتر واحد في البيت}

عبير:أحلام فيك شي وأنا ماادري عنه؟

أحلام انتبهت لنفسها:هاه ولا شي سلامتك قلت لك أخذية وفكيني من القرقة الزايدة..

عبير:على راحتك..وقامت عبير وفتحت مسنجرها..لقتها شابكة وعلطول كلمتها :

(ناداني الحب ولبيته):هلا والله بالغلا ليلى..

(أنفاس خامدة):هلا فيك عبيروه شلونك؟

(ناداني الحب ولبيته):الحمد لله تمامووو أسأل عنك..؟

(أنفاس خامدة):سألأت عنك العافية..أنا بخير ولله الحمد..

(ناداني الحب ولبيته):دوووم موب يوووووم يارب..

(أنفاس خامدة):يسلمووو

(ناداني الحب ولبيته):صج..كل عام وأنتِ بخير..

(أنفاس خامدة):وأنت بخير بس ليش ؟احنا سنة جديدة الحين؟؟!

<في هاذي اللحظة شبكت وفاء>وعلطول كلمت ليلى..

(في خاطري لو أشوفك مرة ثانية):هاي ليلوه..شفتي عبيروه فازتنا..هئ هئ هئ هئ

<ليلى توها مستوعبه أو متذكره السالفة فأشركت عبير معهم في المحادثة..>

(أنفاس خامدة):يؤ صحيح اليوم عيد ميلادي والله نسيت على البركة عبير

أخيراً قدرتي تهزمي وفاء..ههههههههااي

(ناداني الحب ولبيته):أي والله أخيراً..قف مي فايف..هههههه

(في خاطري لو أشوفك مرة ثانية):

لا والله حلفي أنتِ وياها شرايكم أطق لكم بلوك ونخلص..

(أنفاس خامدة):لا والله حلفي أنتِ بس هذا بعد واليوم فرحتكم بي ..

(ناداني الحب ولبيته):ماعليكِ منها ليلوه أنتِ بس قولي لي متى بتجين لنا البحرين؟؟

(أنفاس خامدة):ليش؟مافالت لك وفاء أني خلاص بجي أدرس وياكم في البحرين؟

(ناداني الحب ولبيته):بلى قالت بس شنو السبب مادريت؟؟

(أنفاس خامدة):ماأدري والله بس أبد مو مرتاحة في الجامعة اللي أنا فيها

وغير كذا في بنات مضايقيني ومفتقدتكم وايد فقلت أجي لكم بدل قعدتي بروحي ..

<ليلى بنت وايد هادئة وماتندمج مع أحد بسرعة تحب الوحدة دوم

وهذا اللي مخليها مفتقدة الناس الوحيدين اللي رافقتهم في حياتها

اللي هم شلة وفاء وعبير>

(في خاطري لو أشوفك مرة ثانيه):

أنا جيت شنو قلتوا عني مامداني رحت أكلم رفيجتي حشيتوا حش..!

(ناداني الحب ولبيته):

بسم الله الرحمن وأنتِ كله شاكه في عمرك..فديت ليلوه ماتحش في أحد..

(أنفاس خامدة):شفتي شلون يا وفاء عندي مدافعين ..

ألا تعالي صج بسألك أنتِ عمرك ماحطيتي نك نيم إلا وأنت تقصدين به شي

ويكون حقيقي فمنو هذا اللي في خاطرك تشوفينه مرة ثانيه هاه أعترفي يامجرمه؟؟

(ناداني الحب ولبيته):أيوه صج يا مجرمة منو هذا؟؟!

(في خاطري لو أشوفك مرة ثانيه):هههههههه هههههه هههههه ..

عارفيني مااقدر أخبي عليكم شي..

يا طويلين العمر هاذي سالفة طويلة ما تنقال بالماسنجر لمن تجون لي بعلمكم بها..

(ناداني الحب ولبيته):واااااااو حتى أنتِ ياوفاء صار عندك سوالف ..

(في خاطري لو أشوفك مرة ثانيه):

هههااي أحترمي نفسك أقول هاذي سالفة عاديه مرة بس لو تسمعونها بتضحكون..

(أنفاس خامدة):خلاص فكونا ..على فكرة ترى انا بجي لكم البحرين بكرة..

والحين لازم اطلع ..أشوفكم على خير..

(ناداني الحب ولبيته): على خير أنا بعد بطلع بـــــاي..

(في خاطري لو أشوفك مرة ثانيه):دامكم بتطلعون شقعد آنا أسوي ..يله سي يو..

<وكل وحدة سكرت جهازها من جهة وفي بالها أفكار من جهة ثانية>

شنو تتوقعون ياتر ى تكون نتيجة فحوصات ناصر.؟

وأيش اللي بيصير في البحرين عند ليلى وعبير ووفاء؟

وشنو السبب الحقيقي اللي خلى ليلى تغير جامعتها للبحرين

ولا اللي قالته لعبير مقنع؟ومنو هذا اللي نفسها وفاء تشوفة؟

يتبـــــــــع ...

الجـزء الخامس عشر

دخل سالم على أختة في الغرفة اللي تلقت فيها علاجها

وعلطول رفعتْ عيونها له وشافت في عيونه كلام..

عورها قلبها من نظراته اللي ماتستحملهم فنزلتْ عيونها ..

هو تقدم خطوتين راح ومسك وجهها ورفعه وخلى عيونه تقابل عيونها

وقدم لها هالكلام بعيونه:

~ ~ ياقمري مالي أرى نوركِ يتذبذب..؟! لم أعهدكِ هكذا من قبل..!
فقد كنتُ دائماً أقتبسُ من ضوء نوركِ لأنير داخلي..!
ففي كل ليلة كنتِ تظهرين لي بإطلالتك البهية ..!
لتجلي الظلام وتبعثي في روحي حياة جديدة ملؤها الآمال والأحلام ..
وتبعثي وتوقظي المشاعر على حبكِ الجارف..!
أما الآن.. فأنني دهش منكِ!!
كيف تعتمين!وأنت مصدر إضاءة القلوب..!
أم أن كوامنها قد أعتمتْ فأعتمتِ معها..؟؟!! ~ ~

{..منقول..<أبراء لذمتي أي شي انقله بقول الا اذا كان من تأليفي.. }

هي فهمت معنى نظراته وكلامهم رغم أنه ماأتكلم فما قدرت غير أنها تتنهد:آآآآه..

سالم:سلامة قلبك من ال آآآآه ... جنان..شنو فيك؟؟

جنان بنظرات حذرة توجهها لسالم : هاه..مافيني شي..!

سالم مثل الأب الحنون: علي أنا ياجنان؟!على أخوكِ سالم؟!

روحي حبيبتي قصي على هندي وقولي له هالكلام ..

أنا عارف أن في شي صاير في حياتك وأنتِ ماتبين تقولينه لي ..

بس ياجنان أنا أخوكِ الوحيد اللي مستعد يسمع كلامك لآخر لحظة في عمره

دون تذمر أو شكوى ..

لا وبعد بحاول أساعدك مهما كانت مشكلتك عويصة <وابتسم لها..

جنان وهي تقدم له بعيونها شكر نابع من قلبها وتفكر بنفس الوقت:

ياحظها اللي بتكون زوجتك ياسالم..وردت عليه:أدري يا أخوي والله أدري بس ....

سالم اللي حس أن السالفة أكبر من أنها تكون عادية:

يا جنان حتى لو كانت السالفة كبيرة أنا بتفهمك وبساعدك تراست مي < ثقي بي ..

للي مايفهمون E ههههههااي ..

جنان بعد تفكير قررت تعلم أخوها بالسالفة يعلى وعسى يقدر يسوي لها شي

فقالت له:خلاص ياناصر أنا بعلمك بالسالفة لكن توعدني ماتخبر أحد أبداً لو شو صار..!!

سالم أبتسم لها وهو ناقزه قلبه عليها: أن شاء الله يله أنتِ لبسي عباتك الحين

وأنا بروح أكمل أوراق الخروج وأدفع الحساب عشان نطلع من هنيه..

جنان:اوكيك..

وطلع سالم من الغرفة وشاف حسام قاعد على واحد من الكراسي اللي برا

وهو متملل في جلسته لكن باله مشغول ..

فراح قال له:تعبناك معانا يا ابو الشباب..

حسام:لا شدعوة يا سالم عزيز وغالي ..

سالم:زين خلاص آنا الحين بروح أنهي الأوراق..وكاهي جنان أختي الحين

بتلبس عباتها وبنمشي..

حسام:أوكي ماعندي مشاكل (وابتسم)..

****************************
ريم بعد ما أنقهرتْ من حركة خالد طلعت غرفتها والعبرة خانقتها

وهي كانت تتحدى الدمعة وماخلتها تنزل من عينها هي تدري أن خالد يلعب عليها

وأنه لايكلم وحدة ولا شي بس هذا الشي خارج عن سيطرتها

تحبه وتغار عليه حتى من كلام المسخرة نفسة!!

ضلت منسدحة على سريرها وهي شابقة (ضامة) الدبدوب

<اللي أهداها اياه خالد في اول عيد ميلاد لها اول ما أكتشفوا مشاعرهم تجاه بعض>

لصدرها وتتنفس شذاه اللي تحس ان شذاه من شذى خالد وهي تفكر :

أيه صج وينه هادي ماشفته اليوم مسكين ماأحد جايب خبره خلني أقوم أشوفه..

وطلعت من غرفتها وراحت لغرفة هادي ودخلتْ وشافته بمنظر يقطع القلب

....نايم على ذاك الكرسي المتحرك ورقبته مايله وشكله بريء بس في شي لفت نظرها!!

شافت في يده دفتر غريب ولونه أسود ومحدد بأحمر ..

راحت شالته من يده وشافت مكتوب بخط يده اللي يبا له تحسين :

~ ~..أشكي عليك الحال ياعارف الحال..

ولو مابيدك شي.. يكفي لك أشكي..يكفي تروح بكلمتك ضيقة البال..

ويكفي تحس بضيقتي دون ما أحكي ..~ ~

يارب أسألك بحق القرآن الكريم أن تشفي عجزي يكفيني اللي أعانيه

من العذاب يا الله ما أبي أتعب أهلي معاي أنا صرتْ مثل الحمل الثقيل

مثل العالة اللي تعكر صفو حياتهم عليهم ياربي ياقادر على كل شي

أتوسل لك أنك ترجَّع لي ريولي يا الله وتحفظ لي أمي وأبوي وأخواني من كل شر ..

عبدك المحب:هـــــــــــــــــــادي..

دمعت عيونها ونزل الدمع بغزارة وغطتْ فمها بيدها خوفاً من أنها تصدر صوت

ببكائها وتفظح نفسها أو تسبب في جلوس هادي من النوم فردت ْ

الدفتر لمكانه وماحاولتْ تقرأ الكلام اللي يبين أنه مكتوب من زمــــان

لأن قلبها مايتحمل أكثر....

وقامتْ أخذتْ هادي وضمته لصدرها وهي حاملته حطته على سريره

وباسته في عجز الإنسان اللي يتمنى يسوي أي شي عشان ينقذ اللي يحبه

من اللي هو فيه بس مايقدر..

وغطته باللحاف عدل وطلعتْ برا الغرفة وسكرتْ الباب بهدؤ وهي تفكر:

سبحان الله اللي يعطي شي ويأخذ شي...

{هادي صج ان عمره 12 لكن جسمه مره ضعيف وقصير

واللي يشوفه يظن أنه ولد عمره 7 سنوات لأنه خفيف مثل الريشة..}

نزلتْ ريم تحت وهي تسمع أذان المغرب يأذن نادت الخدامه الفلبينيه :

لجيندوت (هي اسمها لجيندوت بس وفاء ماتحب تناديها فيه تقول أنه صعب

فصارتْ تناديها بنفس أسم خدامة بيت عبير <لجين>)

الخدامة:نعم ماما

ريم:وين الكل؟؟ماأشوف أحد !!

الخدامه:هذا ماما وفاء في صلي عشان يبي يروح مع بابا ناصر المستشفى بعد شوية

وبابا خالد من عصر في طلع مايرجع وماما في روح بيت الجيران

والحين في يرجع وبابا طلع المسجد يصلي...<<حشى ولا موجز الأخبار..

ريم:اهاا أوكي خلاص روحي..وتمتْ في الصالة تنتظر أمها ترجع

عشان تقول لها تتصل بيت إبراهيم وتأخذ منهم موعد

عشان يروحون يخطبون عبير منهم..

مرت فترة العصر وأنتهت في بيت أم حسين بسرعة البرق وماصار فيها شي

الكل في حاله وفي غرفة نرجس وكوثر:

كوثر:شرايك نرجس نتصل في شهد بنت جيرانا نقول لها تجي لنا وحشتني السبالة..

نرجس:والله أنا من بعد طردتها لي ذيك المرة وأنا كارهتها ماأحبها..

كوثر:ههههه هههه بلا يهاله علينا هاذيك سالفة من 10 سنين وترى أنا شفت البنت

وايد طيبة..

نرجس:أوكيك على رايك..

وفي ذيك الديوانيه اللي في بيت سعاد ..

كانت شهد جالسة مع خليل ومعاهم أمهم ..كل واحد قاعد على كنبة والتلفزيون قدامهم..

خليل:ههههههههه ههههه آآآه والله تعجبني رايتشل لما تفشل جوي ههه..

شهد وهي ملانه ماتحب تشوف هالحلقة:أسكتْ أنت بس يالنحيس بس متولي

التلفزيون وحاط لنا برنامج مثل وجهه.. <تتحنطب عليه هههههه..

سعاد:شفيك ياشهد على أخوك أنتِ من زمان تدرين أن أخوك ِ يحب برنامج

فريندز شنو اللي تغير الحين؟!

خليل يبي يقهرها:شوفي شهوده حبوبة تبين روحي طالعي في تلفزيون ثاني

على ماأظن فيه تلفزيونين غير هذا في البيت..

شهد موصله حدها:أنطم ومالك شغل..

خليل:هههه حره على قلبك ..

(وفي هاذي الأثناء رن التلفون وبكل قهر رفعته شهد وبدون نفس: ألو مرحبا..

كوثر:يامليون مرحبااا هلا والله..

شهد ماعرفتها:هلا فيكِ أنتِ <وسكتت..

كوثر:ها شهوده ماعرفتيني؟؟!

شهد انحرجت من قلب منو هاذي ؟؟والله ماأذكر صوتها يعني اكيد

مو وحدة معاي في المدرسة :آسفة أختي مو قادرة أتذكر صوتك..!

كوثر:مالت عليكِ ياخاينة ماتعرفين كوثر اللي طردتيها من غرفتك قبل كم سنة..

شهد بفرح وأندهاش وبصوت عالي خلتْ أمها وخليل يناظرونها بعجب:شنو؟؟1

كوثر ماغيرها؟؟!

كوثر:لا بنت عمها..شنو قاعدة اللعب وياكِ أنا ..

شهد:صج ياكوثر شلونك؟عساك بخير؟وحشتيني..

كوثر:مايوحشك وحش..أنا بخير والحمد لله..نسأل عنك أنا ونرجس..

شهد براحه:سألت عنكم العافيه والله أني كنت ملانه حدي وهذا خليلوه

مستولي على الرموت وماني عارفة شنو أسوي؟؟!

{خليل قام يطالع فيها بعين وعين }

كوثر تذكرتْ يوم تشوف خليل وفقعت ضحك..

كل ماتبي تتكلم تجي لها موجة ضحك ثانية ..

شهد فهمت ليش تضحك:خلاص كوثر بعدك تذكرين خليلوة تعودي حبيبتي

<وتطالع اخوها بنظرة تقهر وتطلع له لسانها..

كوثر:آآه والله ماني قادرة ..المهم انا كنت متصله أقولك تعالي الليله عندنا

عازمينك على العشاء..

شهد تطالع في امها وتبتسم:ها عازميني الليله..!

أن شاء الله خلاص بس ببلغ الوالدة وأحاول أجي لكم...

سعاد:مايحتاج تحاولين كاني عطيتك الأذن دامك بتروحين بيت الغالية..

شهد:كلللوش كوثروه شنو سويتي أمي على طول رضتْ ياليت تعلميني

الوصفة عشان أجربها كل مرة اذا بغيت أطلع ..

كوثر:ههههههاااي الله يقربل بليسك ياحلوة..

خلاص أنا بسكر الحين وننتظرك مو تتأخرين علينا ..

شهد:أوكي في أمان الله ..باي..

كوثر:وحفظه ..بايات..

سكرت شهد من كوثر وهي تتنهد..

سعاد:أنتِ ماتهونين عن هالحركات..! متى بتكبرين هاه؟؟!

شهد راحتْ عند ريول أمها وأنسدحت عليها وهي تدلع:أنا صغنونتك يمه مابكبر..!

خليل وهو بعدة يفكر في كوثر:يحرك راسة يميمن ويسار ويبوس صبعه

ويحطة عند يبهتة ويقول:الحمد لله والشكر...

طالعتْ فيه وهي مقهورة فيه لكن ماتبي تحرق أعصابها ..

وطلعت له لسانها وضحكتْ على شكلة..

وفاء خلصتْ صلاة وطوت سجادتها وراحتْ لبستْ عباتها وخذتْ شنطتها

ونزلتْ شافتْ ريم في الصالة وراحتْ لعندها وقالتْ :

ها ريم مابتروحين معانا المستشفى؟؟!

ريم:.......لامن جواب....<سرحانة <<اكيد تفكر بالحبيب هههههههههااي

وفاء:تأشر عليها بحركة مسخرة:هي أختاه أين أنتِ؟؟!

ريم أنتبهتْ لها وفاقت من سرحانها:هاا ..وفاء شنو تبين؟؟

وفاء:اللهم صبرك ياروح!أقولك مابتروحين معانا المستشفى ؟؟

ريم:ها..لا مابروح لأني الحين لمن ترجع أمي بتتصل بيت عبير نأخذ منهم موعد ...

وفاء:أهاا زين تسوين <<الا أمهم داخلة الصالة وتقول:

بشنو كنتوا تطروني هاه؟؟اعترفوا..

ضحكوا..وفاء:ولا شي يمه كانت ريم تقول لي أنا مابتروح معانا المستشفى

بتقعد معاك ِ عشان تكلموا بيت عبير ..

بدرية تذكرتْ موعد ولدها وبحزن:على خير..

وفاء رن جوالها:يمه كاهو خالد وصل يله انا بروح ..

بطلعّ ناصر من المجلس عشان نروح ..باي..

بدريه:آآآه حطوا بالكم على نفسكم..

وراحتْ وفاء تساعد أخوها وطلعوا برا وركبّته في السيارة ورا حسب رغبتة ..

وركبتْ قدام مع خالد..

خالد:وفاء وين ريم؟مابتجي؟؟!

وفاء تبي تعذبه شوي:لا هي أصلاً ما طلعتْ من غرفتها ..يؤ تصدق لا يكون فيها شي؟؟!

خالد نقزه قلبه:فال الله ولا فالك.بقوم دقيقة بشوفها ..

وفاء تضحك على شكله وناصر يتكلم:تعال وين رايح؟! بنتأخر..!

ماعليك منها تلعب عليك..ريم مع أمي في الصالة ..يله خلّصنا نبي نخلّص..

خالد حس بالتوتر اللي في ناصر فمشى دون مايتكلم...

راشد في المكتب ينهي الأوراق اللي بيده يبي يرجع البيت ويرن جواله

وأستغرب بادئ الأمر لمن شاف حسين أخوه المتصل بعدين تذكر

أنهم كلموه ورفعه والأبتسامة مرتسمة على وجهه:مرحباااا السااااع..

حسين بضحكة كبيرة:مرحبتين هلا بالأماراتي ..

راشد:هههه كيفك يأخوي أخبارك؟؟

حسين:الحمد لله نسأل عنكم..

راشد:الأهل بخير وعافية بس ننتظرك تجي حق تساعدني في الشركة...

حسين:أنت تآمر أمر حبيبي..

راشد:تسلم بغيت أقول لك شي..

حسين:سم..

راشد:سم الله عدوك...بس أنا قررت أخطب ..

حسين يقلد على صوت البنات:كللللوش..وأخيراً ..

ويرجع لصوتة الطبيعي :مابغيت يارجال بغيت تعنس..

راشد:هههه والله أنك مو في الدنيا ..حسين ترى انا خطبتْ من قبل

بس الله ماأراد لذيك العلاقة الأستمرار ..

حسين عوره قلبه على اللي يسمعه والندم يزيد عنده شكثر أشياء صارتْ

ومايدري عنها ولازم يعوض بيتهم عنها فقال(عسى أن تكرهوا شيئاً وهو خيراً لكم)...

اسمع بغيت اقول لك ترى بعد بكرة انا عندكم

أبيك تجي لي المطار الساعة 11الصباح بس ها لاتقول لاحد خلها مفاجأة..

راشد:والله ! ؟ أوكي خلاص في انتظارك حبيبي...

حسين:يله سلم لي على الأهل..

راشد :الله يسلمك..

يتبع ..

حبيبتي غرووومه

لاتنزلين لنا بالقطااره بسررعه شوي
الحمااس ياكلني لان القصه رووووعه
نزلي اجزاء اكثررر

يسلموو د\لبي ع هيكـ مرور .

وانساء الله الاجزاء وسله ..

الجــــــــــزء السادس عشـــر

جنان لبستْ عباتها وخلصتْ ماعندها أغراض ..

خلاص هي جاهزة وقامت تبي تطلع من الغرفة تستنى أخوها برا

بس خافتْ أن يكون فيه أحد وعملتْ لها لثام بشيلتها ..

يعني ماتبين غير عيونها وطلعتْ وسكرتْ الباب وتسندتْ عليه

وهي تحس برأسها يدور وماأنتبهتْ للشخص اللي رفع رأسه لها

أول ماطلعتْ من الغرفة..

حسام كان يراقبها وكل تهور قام راح لها قريب منها وقال: ماتشوفين شر ياجنان!!

جنان علطول طالعتْ فيه وأستغربتْ من وقاحته أبداً ماأعجبها أسلوبه

فردتْ عليه بنظرة أحتقار لاغير وبعدتْ عنه..!

أي واحد مكان حسام كان ممكن ينقهر من هالحركة كن حسام عجبته

وزاد تمسكه فيها ورد قال:الحمد لله على السلامة

<< مصمم الأخ يبي يسمع صوتها..

جنان طالعتْ فيه بقهر وأحتقار ولا عبرته للمرة الثانية وفي نفسها:

شنو هذا طوف مايفهم .. مابي ارد عليك ياأخي انقلع ..

حسام وبعده مستمتع: اقول, جنان,.بقول لك شيء.. ليش تبين تموتين؟؟!!

جنان اندهشتْ وماقدرتْ تمسك نفسها:شنو ؟؟!! أنت شقاعد تقول؟؟!

ووشدراك أني أبي اموت؟؟! أنت تعرف عني شي؟؟!!

حسام بمسخرة وارتياح انها اتكلمتْ : أيه أعرف..!

جنان بخوف انه يعرف عن حبها لناصر اللي مايعرفها غيرهم:شنو اللي تعرفه؟؟!

حسام بكل ثقة وتهور:أعرف انك حلوه واني معجب فيك و......

مسكين الريال ما امداه يكمل كلامه الا وسيل من الشتمات

تنهال عليه بقوه من جنان اللي ارتاحت من جد على انه مايعرف

وتضايقتْ من كلامه عنها:هيْ أنت ياحمار ياغبي ..! وبعجز تكمل:

أنت ماتفهم ؟! خرعتني..! افففف! انقلع..مالك حق تجي تكلمني أنت فاهم!!

<<بتهديد وهي تأشر له بصبعها السبابه..

حسام بطريقة تحرق الأعصاب:لي الحق ياحلوة..!

جنان: ومن عطاك الحق؟؟!

حسام:حبي عطاني الحق...!!

جنان بقهر وخوف من انه يجي اخوها ويشوفها معاه ويفهم شي غلط: وقح..!

< ودخلتْ الغرفة لأنها ما تقدر تستحمل هالصدمات اللي تجيها وراء بعض...!

أما حسام من جهة ثانية ارتاح جزئياً من اللي سواه ويحسه لمصلحة البنت ومصلحته..

وكلها دقايق وجاء سالم ونادى أخته ومشوا كلهم للسيارة مع سالم

اللي ما يدري عن شيء >>ضايع في الطوشة..خخخخ...

ووصلوا لمواقف السيارات ... جنان تدور بعيونها على سيارة أخوها وما حصلتها ..

سالم حس بحيرتها وقال لها:أحنا لمن شفناك طايحة بسرعة

جينا المستشفى بسيارة حسام..

جنان من سمعتْ أسم حسام علطول دارتْ تطالع فيه

وهو كان جنب أخوها ومن غير ماسالم ينتبه ابتسم حسام باستهزاء

وهي خلاص عصبتْ منه ماتدري ليه مو طايقته الغبي..؟؟!

حسام: ها سلوم بتسوق أنت ولا أنا اسوق ..؟؟!

سالم:سلوم في عينك حسوم..! أنتسوق..

حسام: حسوم في عينك .. طيب أنا بسوق وغمز له وركب...

جنان جات تبي تركب من الباب اللي خليها تجلس وراء أخوها

لكن كان فيه سيارة والباب ما يتفتح بالمقدار المطلوب

فأظطرتْ بأكراه أنها تروح تقعد وراء حسام..

ومشت السيارة بهدؤ والكل يفكر بصمت إلى أن.................

بدرية أم ناصد مع ريم في الصالة..

ريم ها يمه شنو قالت لك..؟؟

بدريه: صبري بس خليني أحط السماعة أسكرها..

شنو أنتِ اللي يسمع أنك أنتِ اللي بتعرسين مو أخوك..؟!!

ريم حست بالجرح من كلام أمها وردت:

يمه أنا وأخوي ناصر سوى ما فرقتْ إذا كنت أنا ولا هو ...!

بدريه حستْ باللي سوته وكبرتْ بنتها في عينها:

زين يابنتي والله موب قصدي بس صبري شوي علي خليني آخذ نفسي وأقول لك...

ريم كأنها ما سمعتْ أمها: يله يمه قولي..

بدريه:شنو يعني بتقول قالتْ لي الله والنبي يحيكم..

ريم: وما سألتك شنو الموضوع اللي تبينها فيه..؟!

بدريه: لا قالتْ لي تعالي ونتفاهم ولا تنسين ياريم أن أنا وهدى أم عبير

رفقه من قبل مو بس من الحين..

ريم:إنشاء الله بكرة المغرب يكتب الله لأخوي حياة سعيدة مع اللي يستاهلها وتستاهله..

بدريه: الله يسمع منك يابنتي..

دخل سعود أبو ناصر وهو يسمع نهاية حوارهم وقال: يارب.. والسلام عليكم..

ريم+أم ناصر: وعليكم السلام والرحمة..

أبو ناصر:هاه شنو صار؟؟ بشروني؟؟!

ريم عرفتْ أن أبوها يتكلم عن ناصر وموعده في المستشفى مو خطبته فردتْ:

والله يا يبه توهم طالعين من البيت من شوي وما ندري شنو صار

أنا قلتْ لوفاء تتصل فيني تبشرني..

أبو ناصر:أنشاء الله خير يارب ..

أم ناصر والدموع شوي وتطفر: أنشاء الله يارب ..

أبو ناصر:يله أم ناصر أنا بروح أبدل ملابسي وأرتاح شوي لين موعد العشاء

تراني مرة ميت يوع..

أم ناصر بأبتسامة:أنت تآمر أمر حبيبي الحين أروح أزهب لك العشاء...

أبو ناصر رد لها الأبتسامة ومشى ..

ريم:أحم أحم انا هنيه.. عيني عينك بعد..

أم ناصر بعين وعين : ريموه والنهايه معاك..

ريم: هههاي والله بس أتغشمر يمه >>

وقالت هالجمله وهي تتخيل نفسها مكان أمها وخالد مكان أبوها..

أم ناصر تركتْ بنتها وراحتْ المطبخ تزهب العشاء لريلها ..

أما أبو ناصر دخل الغرفة وبدل ملابسه وطّلع جواله وأتصل برقم يبين انه حافظنه

وكان ينتظر جواب من الشخص اللي قاعد يتصل فيه ..

ويوم رفعة الطرف الثاني ..بكل حنيه قال:هلا حبيبتي.....!

خالد ووفاء وناصر وصلوا المستشفى صار لهم 10 دقايق

وهم ينتظرون الدكتور يخلص من المريض اللي عنده

وهم قاعدين على الكراسي القريبة من غرفة الدكتور اللي يعالج ناصر

وشوي الا يسمعون صوت وحدة تصرخ شكلها نتيجة علاجها سلبية

وكانت تقول: ياحسرتي عليك ياولدي خلاص الأمل مات ..والله كريم..

ناصر توتر..ووفاء لاحظتْ هالشيء وقالت له:

خلي ايمانك بالله قوي يا نصور ..كل إنسان الله كاتب له اللي في مصلحته ..

خالد لاحظ أن باب غرفة المرضى بدى ينفتح:

يله نصور كاهم المرضى خلصوا وشافوا أم في عز شبابها معاها ولدها

اللي يبين أن عمرة 13 او 14 سنه وتألموا لمشهدها وعورهم قلبهم عليها ..

ودخلوا الغرفة يواجهون مصيرهم.....

خالد + ناصر: السلام عليكم..

الدكتور: وعليكم السلام..تفضلوا..

وجلس ناصر على الكرسي اللي جنب الطبيب وقال له :

ياناصر أحنا سوينا اللازم وأخذنا في الأعتبار كل الأجرائات اللي نقدر نسويها

لترجع تشوف لكن للأسف ماوصلنا اا لنتيجة وحدة بس......

يتبع

الجزء السابع عشر:

شهد تنادي على خليل اللي مارضى يخليها تطلع بدون مايوصلها

بحجة أن الوقت صار ليل ولازم ماتروح لحالها: خليلوه ياحمار يله بسرعة أخرتني ..

وصل لها خليل :أنتِ يالحماره كم مرة قايل لك لاتسبين هاه؟!

شهد لما شافتة قالت وهي رافعة حاجب: ياترى كل هالكشخة لمنو؟؟!

أنت وين بتروح لما توصلني؟؟!

خليل انحرج شوي من كلام اختة لكنه رد عليها:

مو شغلك ومايخصك أنا حر ..والله من متى صار عندي مره وأنا ماأدري؟؟

شهد ضحكت عليه وراحت ركبت السيارة

{بيت ام راشد لما نمشي نوصل له في 7 دقايق تقريباً

لأنه بعد لفه وهم سابع جار خخخخخخ وبالسياره نوصله في اقل من 5 دقايق

بس تعرفون خليلوه..ههههه

خليل ركب السياره ووصلها في 4 دقايق تقريباً نزلت من السياره

وهو بعده واقف ينتظرها تدخل ..دقت الجرس ومااحد فتح لها الباب

!! رجعت دقته ومافي احد ..يمكن دقته 4 مرات ولا أحد فتح لها الباب ..

فتحت شنطتها تبي جوالها عشان تتصل عليهم تشوفهم وماشافت جوالها في الشنطة..

رجعت لخليل:أوه خليل نسيت جوالي عطني جوالك شوي بتصل لكوثر

أشوفهم ليش مايفتحون الباب ..

خليل ابتسم لنفسه بسخريه مايدري بشنو قاعد يفكر ..طلّع جواله وعطاها اياه ..

وسألته:خليل ماعندك رقم خالتي نوار ؟؟

خليل:أيوه عندي بأسم خالتي نوار ..

شهد اتصلت ورفعته أم راشد :هلا وغلا بوليدي..

شهد:هلا والله آنا مو ولدك آنا بنتك هههه

أم راشد:هههه هلا فيك شهوده شعندك متصله لي من جوال اخوكِ خليل ها!؟؟

شهد:لأني نسيت جوالي في البيت وأنا واقفة عند باب بيتكم ولاأحد فتح لي الباب ..

ام راشد:أي والله نسيت اقولك أن الجرس اليوم تعطل ماادري شفيه

بخلي السمكري بكرة يجي يشوفه..

شهد:انزين خلي احد يفتح لي الباب ..

ام راشد:اوه تراني مو في البيت اتصلي على جوال كوثر قولي لها

تفتح لك الباب ..

كوثر ماعندي رقمها عطيني اياه..

ام راشد:كتبي يله..

شهد:دقيقة خالتي..وتكلم اخوها:خليل بسرعة اكتب في ورقة رقم كوثر ..

وترجع لخالتها:يله قوليه..

ام راشد: - - - - - - - - -

شهد:ايوه مشكورة خالتي..

ام راشد:العفو حبيبتي ومو تروحين قبل ماارجع البيت عشان اشوفك..

شهد:هههه انشاء الله يله مع السلامة..

ام راشد:الله يسلمك غناتي ..

شهد سكرت وقالت لأخوها:اشوف عطني الرقم بتصل فيها..

وملى عليها خليل الرقم ورن رن لين قال بس ومارفعته

ردت اتصلت وهي محتارة ورن 3 رنات وانرفع فقالت:الو..

وتسمع صوت ريال يقول لها :الو مرحبا

هي خافت وانصرعت ورمت الجوال على اخوها

وهي تقول بصوت يسمعة الطرف الثاني:يمه بسم الله الرحيم..

خليل:شنو فيك؟

شهد:ماادري خذ شوف من هذا..

خليل:الو السلام عليكم

راشد:وعليكم السلام والرحمه ياهلا من معاي..

خليل :رشود!هذا أنت؟؟

راشد:ههه لاتقول انت خليلوه..!

خليل:ههههههه يقطع بليسك..

راشد:وش عندك متل على جوال اختي هاه..!؟

خليل:هههه لابس صار لنا ربع ساعة واقفين انا وشهد اختي برا

عند باب بيتكم نبي حد يفتح الباب مافيه..

راشد:السموحة والله الجرس خربان ..الحين نفتحه لكم يله باي..

خليل:باي

شهد:يله خلول اذا خلصت بدق عليك ..

خليل:اوكي بس مو تتأخرين..

شهد:مابرجع الا اذا رجعتْ خالتي نوار تبي تشوفني ..وهي نازلة

من السيارة انفتح الباب وكانت نرجس اللي فاتحته وهي لابسة شيلتها

وشافها خليل وابتسم على باله انها كوثر..

اما نرجس بدت تناديها:يله شهوده تعالي..

شهد دارت راسها وشافتها وهي بعد على بالها انها كوثروردت:

اوكي كوثر الحين جاية..

وسكرت باب السياره وهي تقول:باي ناصر..وراحت دون ماتسمع جواب اخوها..

ودخلت تسلم على نرجس وهي تقول لها:شخبارك كوثر؟من زمان ماشفتك..!

نرجس:احم احم ..آنا مو كوثر انا نرجس..

شهد وهي معقدة حواجبها :يوه السموحة ماتنعرفون ابد مره تتشابهون..!

نرجس بمسخرة :عجل ليش سمونا توأم..

شهد:ههههههه وانتِ الصاجة..ودخلوا المجلس بأنتظار سهرة وليلة جميلة مسليه..

أحلام من ذاك اليوم وهي تفكر في نايف لاعجبها مره

وهي حستة ملاذ راحتها في ذاك اليوم وكل يوم فقررت انها بتنزل تحت

وتطلع من غرفتها وان شافت شي يسليهامابتشبك اما لو مافيه فبتشبك..

ونزلت لقت يدتها فاطمة تطالع تلفزيون على محطة أخبار

وماسكة في ايدها كوبة شاي تشربها ..

وامها كانت في المطبخ مع الشغالة <لجين> يعدلون آخر الاغراض

لأن شغالتهم بعد يومين بتسافر وبيجيبون وحده غيرها ضروري

لأن أم عبير قريب تولد وهي عندها دوام فلازم شغالة

عشان تظل مع الياهل اللي بتجيبة..

<< حيث أن هدى ام عبير تشتغل معلمة في مدرسة ابتدائية..وعلى قد الحال..

راحت احلام ومسكت رموت التلفزيون الكنترول وغيرت الأخبار

وحطت على امبيسي تو .. الا ويدتها تهزئها..

فاطمة:شنو هذا انتِ احلاموه ماتشوفيني اطالع الأخبار؟؟هااه؟؟

احلام:شنو يمة وانا ملانة من زمان ولا أحد معبرني..

فاطمة:لو غيرتية على شي عدل كان قلنا ماعليه الا حاطته على هالمحطة السخيفة!

غيره لاأكسر لك ظروسك الحين..

احلام قريب تصيح :اوه يمه تكفين خليني اطالع شوي..لاوالله بتندمون كلكم..

فاطمة عصبت:شبي لاكف على وجهك الحين هذا اللي ناقصني بعد ..

احلام رمت الرموت وقامت مبوزة لأمها بالمطبخ..

احلام:يمة شنو هذا ..حطوا لنا تلفزيون ثاني ..

هدى:آه ..يله فري كيسك آنا ماعندي فلوس..

احلام: اففف هي حاله هاذي..؟! وفتحت الثلاجة وخذت لها قوطي عصير

وراحت فوق غرفتها ..

وشبكت النت اللي هالمره شبك من ثاني محاولة وهذا اللي فرحها..

وفتحت الماسنجر فرحانة وشافت عندها 4 اون لاين ومنهم......

نرجع لأبو ناصر اللي قلنا انه اتصل على رقم ودقة بسرعة البرق

وهالسرعة تبين انه حافظ الرقم صم..

كان ابو ناصر ينتظر الرد من الطرف الثاني..

وكلها رنتين ثلاث ورد عليه الطرف الثاني..

سعود <ابو ناصر: هلا والله حبيبتي كيف حالك؟

الطرف الثاني:هلا بيك انا زينة الحمدلله كيفك انت؟

ابو ناصر:الحمد لله أسأل عن احوالك ياقلبي..!

الطرف الثاني:سألت عنك العافية ياابو ناصر..والله مشتاقة لك وااااااايد..

ابو ناصر:والله انا اكثر حبيبتي بس تعرفين الظروف ..

وتعرفين زوجتي يعني مايحتاج اقولك بس اتمنى مااكون مقصر معاك في شي..

الطرف الثاني:لا يخسي ويهبي من يقول انك مقصر ..ومعذور حبيبي ..

<< وفي هاللحظة تناهى لأبو ناصر صوت بدرية قريب توصل الغرفة

فخاف انها تسمع كلامة وقرر يسكر..

ابو ناصر:يله هيفاء حبيبتي لازم اسكر وحطي بالك على نفسك..

هيفاء:انشاء الله انت تآمر أمر بس مو تطول على ماتتصل مره ثانية

تراني بسرعة اشتاق لك.

ابو ناصر:هههههههه طيب سلمي على يدتك .. يله باي

هيفاء:الله يسلمك ..بااااي

<< وتدخل ام ناصر على ابو ناصر في هاللحظة:يله سعود العشا جاهز

ابو ناصر:اوكي الحين جاي..

بدرية:كنت تكلم منو ؟ليش مابدلت ملابسك؟؟!

سعود تذكر قبل كم شهر يوم تصيده ام ناصر وهو يكلم هيفاء

وتسألة نفس هالأسئلة معناته ان الشكوك تسيطر عليها

وممكن تسبب في انفصالهم من جديد وهذا اللي هو مايبية عشان راحتة

وراحة اولادة لأنه يحب هدى وايد ومايبي يخسرها لأي سبب..

سعود:لا والله حبيبتي هذا مدير الشركة اللي اشتغل فيها متصل

يبلغني انه قدم اجتماع بكرة عشان ما أتأخر عليهم..

ام ناصر ماتدري تصدقة ولا لا هي واثقة منه بس هي تشك

انها سمعته يقول حبيبتي ولاتدري اذا كانت المشكلة من سمعها

ولا منه هو فتناست الموضوع لأنها ماتبي مشاكل:

زين يله قوم الحين تأخرت ياحظي..الأكل برد وأنت بعدك..

وطلعت من الغرفة بس ماابتعدت فسمعتة يتنهد بأرتياح

اللي مسوي جريمة ونجى من عقابها وهذا اللي نقز قلبها اكثر

وخلها تعيش في صراع عظييييم..

وفي السيارة قلنا أن الكل كان يفكر بصمت إلى أن.....

مد حسام يده للأشرطة اللي بالسيارة واخذ شريط موسيقة كلاسيكية

وكان هادئ ورومانسي لأبعد حد وشغله في مسجل السيارة ..

جنان من سمعت الموسيقة أرتخت اعصابها شوي واستغربت مره

وظلت تفكر:هالموسيقة أبدا مو لايقه على هذا الحمار ..

مستحيل يكون هذا ذوقة..<<الا بأخوها يحول هالشك الى يقين بقوله لحسام:

وأنت متى بتفكنا من هالأشرطة ..بعدك عليهم ..

زهقتونا ياأخي لافي البيت مفتكين ولابرا البيت..!!

حسام:ههههههه ليش؟ منو في بيتكم يسمع هالأشرطة؟

سالم:منو غيرها ست الحسن والدلال <جنان <

ويطالع في أخته اللي من غير مااحد يشوفها لأنها مغطيه وجهها

صار وجهها أحمررررر

لكن هي ماقدرت تسكت وتناست وجود هشام في السيارة

ورجعت لها روح العناد والهواش مع اخوها سالم اللي يحبها وااايد

وهي بالمثل وردت عليه: أحسن منك يا الفاشل..!

سالم:هههه كل هذا عشاني ناجح ..حاسدتني..

جنان: مره أنا أحسدك أنت؟.؟! ليش مو شايفة خير قالوا لك..

والله الحمد لله عندي اخوي سالم مو مقصر علي كل شي يعطيني اياه..

سالم يتطنز: ويييع هذا أخوك سالم؟! أنا أكرهه..!

جنان بصدمة:ليش؟؟! أصلاً هو أحسن منك..!

سالم مبوز:لأنه عندة أخت اسمها جنان مثل الملاك وأنا ماعندي..!

جنان :هههههههه ياعمري عليك..

>> حسام اللي نسوا وجوده في السياره كلياً دخلتْ ضحكتها قلبة

وزاد تصميمة على انه يفوز بحبها...وهو يفكر:

شكثر جنان تحب أخوها لدرجة أنهم نسوا انه معاهم في السيارة وكأنهم عشاق!!!

<وفي الحقيقة سالم مانسى ولاغفل عن وجود حسام معاه بس هو ماصدق

على الله انه اختة ترجع شوي لطبيعتها فما قدر يسكتها ..

ووصلوا البيت فقال له سالم:مشكور حسام تعبناك معانا اليوم..

حسام يطالع في شهد من مراية السيارة وهي انتبهت لهالنظرات

اللي تحرق اعصابها ورد: تعبكم راحة ياحبيبي..

سالم:تسلم حبيبي يله أشوفك بكرة على خير..

حسام: الله يسلمك..على خير..

ومامشى الا لما دخلوا وصار مايشوفهم..

ناصر في المستشفى توتره زاد وزادت حرقة اعصابة

لما قال الدكتور أنه هم ماوصلوا الا لنتيجة وحدة بس..

خايف أنها تكون أنه مايشوف من جديد ابدا..

وبان التوتر عليه بشكل مو طبيعي ولاحظوا هذا كل من وفاء وخالد..

ووفاء ماكنت اقل منه توتر وتبي الدكتور يقول النتيجة بسرعة بس ابد الكل صخ!!

فسألته: شنو النتيجة يادكتور؟؟!

خالد دز وفاء من كتفها عشانه مايصير هي البنت وتتكلم وسأل..

خال:قول يادكتور...!؟

الدكتور: بدون مقدمات وبدون لف او دوران انا بقولكم

أن العمى اللي يعاني منه ناصر هو حالة تشنج وأحنا مانعرف بما فيه الكفايه

عن حالات التشنج هاذي عشان نقدر نقول لكم بثقة كاملة متى بيرجع له بصرة بالظبط..

ولكن يجب ان يكون هادئ وأعصابة مرتخية ومو متوترة وتكون نفسيتة

مرتاحة وعلى الله ثم على الظروف وفي أي لحظة ممكن يرجع له بصر

وان الأرادة القوية على الرغبة في الرؤيه من جديد ..<وأبتسم لهم..

وفاء بصوت عالي:الحمد لله على كل حال..

خالد:الحمد لله..

ناصر: الحمد لله والف الحمد لله واكثر بعد...بس....

الدكتور:لابس ولا شي خلي ايمانك بالله قوي ياناصر واذا انت عندك سبب

في انك تشوف مره ثانية الله بيكون معاك ..

ولو في أي شي اقدر اسوية لك بسوية ياناصر..

ناصر براحة شوي:الحمد لله ومشكور يادكتور ماقصرت والله..

الدكتور:لاشكر على واجب ..يله ياحيبي الله معاكم دور المريض الثاني الحين..

خالد: انشاء الله الله يوفقك..<وطلعوا من المستشفى مرتاحين..

في مكان ثاني:

شهد:كيف حالك يانرجس من زمان ماشفناك؟؟!

نرجس:الحمد لله تمام أسأل عنك والله..

بس منقهرة فيك من آخر مرة طردتينا من غرفتك..وتطّلع لها لسانها ..

شهد تضحك ومستغربة:أنتِ وأختك والله تضحكون تذكرون لي سالفة يهال من 10 سنين ..

الا تعالي.. أنتوا مو معاي بالمدرسة؟؟

نرجس:ماادري والله انا مااعرف كل اللي معاي لأن مدرستنا كبير ة

ولو تجيبي لي بنت الحين معاي وانا مااعرفها اقولك كذابة

مو معانا في المدرسة هههههههه ترانا في مدرسة: - - - - - - -

شهد:ههه وااااو يعني معاي في المدرسة يا الخايسين كيف مااشوفكم؟؟!!

نرجس: احنا في ثالث علمي وأنتِ؟؟

شهد:اهاا عشان كذا يمكن لأني في صف ثالث أدبي..

نرجس:وايش مسويه في الدراسة ؟؟ خلاص يوم السبت بتفتح المدارس

وتبتدي من جديد وتيب معاها عوار الرأس..

شهد:افف لاتذكريني وانا اللي احاول انسى ..والله انا دراستي زينة وتمام والحمد لله..

>ودخلت لهم كوثر: هاي

شهد: هايات...> وسلمت عليها وباستها وجلسوا يسولفون..

كوثر: رقم من هذا اللي متصله لي منه ؟؟!

شهد: هذا رقم أخوي خليل..!

كوثر تذكرت خليل فضحكت ومعاها نرجس وشاركتهم شهد....

شنو تتوقعون قولو لي حبايبي..مين هي هيفاء؟؟

وناصر شاللي بيصير في حياتة وبعد احلام وش كانت تقصد بانها بتخليهم يندمون؟

وجنان هل بتظل تكره حسام؟؟وبدرية شبتسوي؟ووفاء شلي ينتظرها؟؟

وخليل هل بيميز بين كوثر ونرجس؟؟

يتبــــــــع ..

الجزء الثامن عشر:

أحلام وهي تتفحص اللي شابكين عندها باللستة شافته ودق قلبها بقوه

انتظرت ثانية الا وهو جاء يكلمها بتحيات الولهان ..

وهذا الحوار صار في الماسنجر حيث كان نايف يكلم وحدة من الضحايا العده

اللي مجمعهم لكن من شاف احلام الضحية الجديدة او اللعبة الجديدة

اللي تجذب الطفل اكثر من اللعبة القديمة فعمل للي كان يكلمها بلوك ورجع لأحلام:

(الا ياليت لي حيلة اكون بقربك الليلة):

مرحباا ملاااييين للي انقطعوا عني وخلوني مثل المجنون انتظرهم..

(تكفيني منك بسمتك تنسيني الألم والجراح):

مرحبااا الآف الملايين سوري والله ظروفي ماتسمح لي اني اشبك في أي وقت..

(الا ياليت لي حيلة اكون بقربك الليلة):

نو بروبلم يا عمري انتِ بس قولي لي كيفك؟ شخبارك؟

(تكفيني منك بسمتك تنسيني الألم والجراح):

زينة ولله الحمد بس عندي شوية أكتئاب..

(الا ياليت لي حيلة اكون بقربك الليلة): أفااا لييييش؟؟!

(تكفيني منك بسمتك تنسيني الألم والجراح):

والله هاذي يدتي هالعيوز مللتني محتلة التلفزيون ومو مخليتني أغير هالأخبار اللي تزهق..!

(الا ياليت لي حيلة اكون بقربك الليلة):

ههههه عييب ياقلبي مايقولون عن يدتهم كذا ..

أحمدي ربك على يدتك على الأقل عندك يدة مو مثلي..!

(تكفيني منك بسمتك تنسيني الألم والجراح): كيف؟ أنت ماعنك يدة؟ ماتت؟

(الا ياليت لي حيلة اكون بقربك الليلة):ايه الله يرحمها هي ويدي وامي وابوي الله يرحمهم

أحلام عورها قلبها عليه وحسته محتاج من يحنو عليه..

(تكفيني منك بسمتك تنسيني الألم والجراح):

الله يرحمهم..اففف عليك ياحبيبي كسرت خاطري والله شوي واصيح..

(الا ياليت لي حيلة اكون بقربك الليلة):

هي أنتِ! آنا ماأبي شفقة من احد..انا الحمد لله أهلي مو مقصرين علي..

لا خالي ولا مرت خالي ولا أخوي الوحيد..

(تكفيني منك بسمتك تنسيني الألم والجراح): ماقصروا والله يجازيهم ..

(الا ياليت لي حيلة اكون بقربك الليلة): أقول أحلام .. ماعندك مايك؟!

(تكفيني منك بسمتك تنسيني الألم والجراح):ليش؟ هو آنا عندي بس مابحطة..!

(الا ياليت لي حيلة اكون بقربك الليلة): أفاا يا أحلام! ليش والله انا مابظرك بشي

خوب أنا ماقلت لك طلعي معاي ولا ابي اشوفك مجرد بكلمك في التلفون لاغير ولا اكثر ..

وأنا بعد اللي بتصل لك مو انتِ!!!

(تكفيني منك بسمتك تنسيني الألم والجراح):

المسأله مو مسألة من اللي بيتصل يانايف المسأله هي أني أحس أني

أخون ثقة أهلي ليش أنت مو قادر تفهمني أنا ودي بس والله خايفة يانايف خايفة..

(الا ياليت لي حيلة اكون بقربك الليلة):

لا تخافين يأحلام ولا شي أنت مابتخونينهم لأني نيتي صافيه ومو من اللي يبون

يضيعون شرف البنت أنا بس أبي اتخذك صديقة تقدرين تكلميني

لو تضايقتي وأنا بالمثل.. وماتدرين لو تعلقنا ببعض أكثر يمكن يصير بيننا نصيب ..

لكن هذا مو وعد الوعد أني ماراح أضرك بشي ابداً ابداً..

أحلام متوترة وهي تفكر >> تحسه صادق في كل كلمة قالها لكنها مازالت خايفة..

(الا ياليت لي حيلة اكون بقربك الليلة): ها شنو قلتي؟؟!

(تكفيني منك بسمتك تنسيني الألم والجراح):

خلاص طيب استسلمت أنت الفايز..بس مو هالمرة المرة الجاية..

نايف ماحب يضغط عليها عشان لاتغير رايها..

وضل يفكر: هو صحيح أني كلمت بنات وايد بس ماادري ليه احس

أحلام غير عنهم كلهم لدرجة اني قلت لها كل شي عن نفسي

صحيح للحين ماكذبت عليها ولافي شي حتى في أسمي..

مو مثل الباقيين ولاكلمة فيها لو ذرة من الحقيقة..الله يستر بس..

< وهنية تذكر ولد عمتة اللي الحين هو في المستشفى

وحب يتصل فيه يتطمن عليه فقال لأحلام:

(الا ياليت لي حيلة اكون بقربك الليلة):

أوكي حبيبتي أحلام أنا لازم أطلع الحين عندي شغل ضروري..

وخليني أكلمك قريب مرة ثانية وبليييز مو تطوليين علي..

(تكفيني منك بسمتك تنسيني الألم والجراح): ههههه أوكي عمري يله باااااااي..

بعد فترة مو قصيرة,,خخخخخ

في بيت أم راشد:

شهد:أقول عيوني الحين أخوي بيصرقعني لو مارجعتْ البيت! متى بترجع أمك تأخرتْ؟!

كوثر:هههه كاهي وصلتْ وكانك طلبتيها من مارد المصباح..!

شهد: ههههههه ههههه

نرجس تنادي على أمها : يمه تعالي يله شهد تبي تروح بيتهم..

نوار وهي تسلم على شهد: هلا والله ببنتي حبيبتي شلونك؟؟!

شهد: بخير خالتي الله يسلمك..

نوار: وين بتروحين قعدي تو الناس ..

شهد وهي تبتسم:أي تو الناس خالتي الساعة الحين عشر ونص..

ويرن جوال أم راشد وترفعة...

نوار: هلا بولدي هلا والله..

خليل:هلا خالتي شخبارك؟

نوار: بخير الحمد لله وينك يالقاطع ماتنشاف؟؟!

خليل: والله الدنيا ياخالتي كاسرة ظهري...!

نوار: ههههه والله مااقدر عليك أنا ياخليلوه الله يقربلك..

خليل: هههه بغيت أقول ياخالتي اذا ماعليك أمر بمر على شهد الحين خليها تتجهز..

نوار:أنت تعال الحين وأنزل ايغي اشوفك ويصير خير..

خليل اللي يعرف انه مابيقدر يوقف في وجه خالتة ولا يعاندها:

أوكي أنا عند الباب ..باي..

أم راشد: يله يابنات روحوا لبسوا شيلاتكم خليل بيدخل

< وراحوا كوثر ونرجس لبسوا شيلاتهم ورجعوا الصالة..

وراشد هو اللي فتح لخليل الباب.. وبعد السلام والعتاب على الإنقطاع دخلوا الصالة..

خليل بعد ماسلم على على خالتة ظل منزل عيونه وماشاف لاكوثر ولاغيرها..

أما راشد شاف شهد وقال لخليلوه يدزه:

خليلوه عاد أرجوك لاتقول لي هاذي أختك شهد! وهو يأشر عليها ..

شهد رفعت له عيونها على طول واستحت شوي..

خليل يضحك: ههههههه هههه ههه وهو في غيرها ؟؟!

راشد يضحك: تذكر يوم اللي كنا نتعاون عليها ونضربها..!وضحكوا..

شهد: لا والله..!!

والكل ضحك عليها..

نرجس كانت تعاني من ألم في بطنها فأنسحبت بهدوء دون مايحس فيها أحد ..!

وقبل لايروحون بيتهم.. رفع خليل عيونه ولمح كوثر وهي سرحانة حدها

وظل يطالع فيها من تحت لتحت دون مايخلي احد ينتبه له..

وكان شكلها درامي مثل الغزالة البرية اللي ملامحها متمردة

لكن داخلها مايعلمة غير رب العالمين..

أم راشد تقطع هالمسرحية اللي ماتدري عن وجودها أصلاً:

كوثر حبيبتي روحي جيبي
عصير حق خليل قبل لايروح..

خليل: لا شدعوة خالتي أنا موب غريب وبعدين أنا بمشي مايحتاج........

تقاطعة كوثر بعناد:لا يحتاج.. صبر شوي مابتضرك دقيقة..

خليل تفاجأ من جرأتها ومن نظرات الأصرار في عيونها فسكت

وأومأ لها براسه دلاله على الموافقة..

كوثر جابت صينية فيها انواع عدة من العصير ومدتها له..

وهو جلس يطالع محتار ياخذ أي واحد..

فشارت عليه: أنصحك تاخذ التفاح تراه لذيذ..

> وهنيه التقت عيونهم لفترة ماتسمى فترة لأنها كانت أقصر من انها تسمى فترة

لكنها كانت نظرة تحوي من المشاعر ما لايمكن تواجدة لو التقت عيون

لمدة طويلة مو بس لفترةاذا ماكانت تحمل الصدق اللي هم حملوه في قلوبهم...

خذة وقال لها: مشكورة ماتقصرين..وطلع لبيتهم مع أختة اللي نبهته

انه مايحب عصير التفاح وكان رده لها بأنها مالها شغل وشربة ذاك اليوم

وعجبة لدرجة أنه حلم فيه .>>خخخخخخ ماصار عصير هذا..!

خالد خلاص مو قادر يتحمل بعده عن ريم طول اليوم

يحس نفسة بيطفر من كثر ما صدته ..

يمكن هاذي المره العشرين اللي يتصل فيها على جوالها وتعطية بزي>مشغول..

رغم أنه في بيتهم مع ناصر وخاله ومرت خاله ووفاء ..

والكل كان راضي بنتيجة الفحوصات .. وكان أملهم بالله كبير..

وحتى نايف أخوه اللي اتصل يتطمن على ناصر

قال لهم انها فترة شدة وتزول والله يسمع منه..

أبو ناصر مل لما شاف خالد مقابل جواله وقاعد:شنو فيك خلووود؟؟

ماكأنك جاي تقعد معنا أنا من جيت وأنا أشوفك ماسك هالجوال..!!؟؟

وفاء اللي كانت عارفه شيسوي ضحكت بصوت خفيف..

أما خالد: لا والله ياخالي مافيني شي بس عندي أتصال ضروري

قاعد أحاول القطة ومو راضي يظبط معي ..

أم ناصر اللي حست فيه وبعد لأنها مانست للحين اللي صار

ومازالت الشكوك تسيطر عليها فتبي بأي طريقة تعاند فيها زوجها

دونمايحس بأنها متعمدةفقالت له:

خالد ياولدي روح نادي على ريم يمكن ماتدري أنه أخوها رجع من المستشفى..

خالد وكأنه الفرصة جاتة من الله نقز فرحان:

طيب الحين بروح..<<رغم انه كان من حقة يروح لها لو بغى بس احتراما

لناصر وخاله ظل معهم في الصالة..

وراح يطق الباب ولا أحد يرد علية..

اتصل فيها وهو عند باب غرفتها وسمع صوت جوالها يرن

وسمعها تقول بصوت عالي تكلم نفسها<< وهاذي عادة فيها:

لو تمووت ماني راده عليك ياخلود والله لأعلمك شلون ماتعيد حركاتك البايخة هاذي ..

ومايدري ليه يحسها كانت تبكي وهي تتكلم..لكنها عطته مره ثانية بزي..

ورد اتصل وسمعها تقول مره ثانيه بصوت عالي:

أوووه متى بيستسلم هذا خله يولي ماني رافعه بس ..مايصير..أنا ابغي...

وكل هذا التردد وهي تكلم نفسها..

خالد عرف انها تبغي ترفعة لكن كبريائها يمنعها فرسل لها مسج:

{ ترى إذا مارفعتيه ياحبي بيصير فيني شي اليوم صدقيني تعبت من نار فرقاك}

>هو كان واقف عند الباب يبغي يسمع ردة فعلها..

ويتفاجأ بشهقه عالية تصدر منها وبعدها تقول:

فال الله ولا فالك ياخلود يا الحمار تبغي تخوفني هاا لكن ما برفعة عناد فيك

والله يحفظك من كل شي..

ودزت له مسج عكس كلامها اللي قالته وكان المسج يقول:

{ عادي تراك ماتهمني بعد اللي سويته}

خالد خلاص كاتم كل الضحك اللي فيه ومو قادر يستحمل .. فرد طق الباب ..

ريم: مين؟؟

خالد ماتكلم لأنة لو تكلم ممكن تعانده وماتفتح له فرد طق الباب مره ثانية..

ريم أستغربت وقامت فتحت الباب وتتفاجأ بخالد في وجهها

وكان مبتسم الإبتسامة اللي تذوبها في مكانها وتصنمت ولا تحركت ..

بس ألتقت عيونهم بحوار عتاب بدون كلام..

لكن قطع خالد الصمت اللي ماعجبه: ممكن أدخل ؟!

ريم رجعت لها القسوة: طبعاً لا..

خالد: أفاا ليه بس ياريم؟؟!

ريم: لو ماتعرف ما كان...... وسكتت ماكملت..

خالد برقه: ما كان أيش ؟!

ريم بتردد: ولا شي بس تسمح تخليني بروحي..

خالد: طبعاً لا..

ريم: لا والله وبأي حق أنشاء الله ...!!

خالد ماعجبته رمستها: بحق أني زوجك ي الحلوة ولا أنتِ ناسية ..؟؟!!

ريم حست أنها لو أستمرت بينقلب كل شي ضدها فسكتت

ونزلت راسها وبدت تذرف الدمع اللي كانت حابسته طول اليوم ...

خالد ماقدر يستحمل يشوف دمعها ينزل فدخل لها الغرفة وسكر الباب ..

وراح لها وضمها لصدرة ولأول مره ما تعترض ريم ..

وكانت تقول له بكلام متقطع: خا... خالد... أنا..آ..آسفة....

والله بس...أنت..تعر...تعرف...

خالد حط صبعه على فمها يفهمها أنها مو لازم تتكلم

وقال بندم على الحركة اللي سواها:

أنا اللي آسف ياحبيبتي أنا اللي حاولت أغيظك من البداية عذريني ياعمري

والله ماكان قصدي أني أزعلك...

ريم بصمت طالعت فيه و الدمع مانشف من على خدها وبحركة لاشعورية

رفع خالد يده ومسح الدمع اللي ظل وقال لها: ماتبين تعرفين نتايج أخوك ناصر؟

ريم: والله أنك ظريف فاكرني أستناك ياحبيبي تجي تقول لي

أصلاً من زماااان قالت لي وفاء..

خالد اللي اندهش: هههه هههه الله يقطع شرك صحيح ان كيدهن عظيم..

ريم: ههههه أعلمك آنا أعلمك..

في اليوم التالي >يوم الثلاثاء<

وفاء قامت من النوم وهي حاسه بنشاط غريب

وقامت غسلت وبدلت ملابسها وعدلت شكلها ثم نزلتْ تحت ..

وتفاجأت لما دخلتْ الصاله وهي تشوف وأخوها ناصر

وفي وحده بنت معانقته بطريقة غريبة واللي أغرب انه أخوها ناصر

اللي كانت تقدر تشوف وجهه وظهر البنت اللي تغطيه العباية

اللي ماكانت غريبة عليها كان مبتسم ماسك البنت براحة ومغمض عيونة..

يتبع..

الجزء التاسع عشر..

ناصر كان مغمض عيونة كأنة في حلم ..

أما وفاء اللي كانت ماتقدر تشوف غير ظهر البنت وهي لابسة عباية

وقفت من هول الصدمة وماجاء في بالها غير ان هالبنت هي عبير...

وظلت واقفة متوترة تراقب المشهد بصمت إلى أن سمعت أخوها يقول للبنت:

ماخلصتي..؟؟!!

البنت بصوت رقيق: إلا خلصتْ...

وفاء أرتاحت نسبياً لأننها تقريباً عرفتْ الصوت..

البنت: كيف ماقلتوا لي؟! لكن والله لأوريكم..! صج ماتستحون آنا آخر من يعلم..!

ناصر: والله ما كان قصدي ياعمري بس هي جات كذا ..

وفاء توها مستوعبة اللي يصير وبشهقة: ليلوه..!!؟

ليلى على طول التفتت على وراها وشافتْ وفاء بنت أختها

اللي تموووت فيها وصار لها فترة ماشافتها ..

وراحت لحظنها وذابوا الثنتين في عناق حار عناق الخوات المشتاقين لبعض..

وفاء:كذا ياللي ماتستحين تجين دون ماتقولي لي؟!

ليلى بدلع:والله حبيت ـأسويها لكم مفاجأة وبعد لاتنسين اني من يوم السبت

ببتدي دراسة معكم كيف ماتبيني اجي واليوم الثلاثاء مابقي شي على بداية السمستر..

وفاء:ايه صج راح عن بالي والله..

ليلى بصوت واطي: سكتي بس لو اقول لك شصار لي وأنا جاية..

ناصر حس ان في شي غريب:شفيكم؟وين رحتوا عني؟!

وفاء: مافينا شي نصور سلامتك احنا معاك بس اعذرنا

حبيبي بنروح فوق عندنا أشغال ..

ناصر:أوف ياللي ماتستحون بتروحون وبتخلوني لحالي لكن ماعليه لأوريكم ..

ليلى: هي أنتِ وفاء بصراحة أنا مايطاوعني قلبي أخلي ولد أختي لحاله..

ناصر وهو يصفر : عاشت لولو خالتي ..

الكل: هههههه هههههه

ريم دخلت عليهم بنشاط وبنغمة رومانسية: صبـــاح الخـير

الكل: صباح الخير..

ليلى:ايش عندها ام الرومانسية..

ريم بصدمة: ليلوه؟!من متى أنتِ هنيه؟!

ليلى مبرطمة:هاذي بدال ماتجين تسلمين على خالتك تقولين لها كذا!

يعني اطلع ارجع بيتنا..!

ريم بمسخرة: بل بل ماتسوى كلمة قلتها !

حياك الله حبيبتي بأي وقت والبيت بيتك..بس منو اللي جابك؟!

 وراحت لها تسلم عليها..

 وليلى تجاوب على سؤالها: جابني السواق..

ناصر انقهر:هي مجنونة انتِ تجين كل هاذي المسافة مع سواق هندي

يعني لو صار لكم شي ماراح يعرف يتصرف..

ليلى تضضحك وهي تتذكر اللي جرا لها:

الله يقطع شرك يانصور ماصارت نص ساعة بالكثير مع الزحمة ساعة الا ربع..

وفاء اللي عرفت ان صار لليلى شيء مثل ماقالت:ولو لولو مرة ثانية مو تعيدينها ..

ليلى: طيب خلاص كلتوني وأنا تعبانة بعد عناء السفر..

الكل ضحك عليها :هههه ههههه

في بيت أم راشد

نوار تكلم سعاد ام خليل في التلفون:

والله هذا هالولد ماادري وين راح من الصبح طلع اقول له وين بتروح

قال لي عندي مشوار وراجع..

سعاد: زين خلي خليل يجيب لكم الكهربائي يصلح لكم

الجرس عادي تراه ولدك مثل راشد وحسين..

نوار: آه ذكرتيني بحسين حشاشة يوفي ..آه ياوخيتي قال لي انه جاي هالأسبوع

عشاني ولا يندرى..

سعاد تبي تخفف عن صديقة عمرها: دعواتك يا الغالية له وانشاء الله يسهل عليه..

نوار : انشاء الله الله يوفقة ويحفظة يارب..

سعاد: يارب.., يلة حبيبتي عن اذنك منو اللي جايني عند الاباب يمكن محمد ولد اختي

<<الياهل اللي شافتة عبير وفكرتة خليل ههه..>>

وطمنيني على احوالكم اول بأول وانا بقول لخليل يجيب لكم اللي يصلح جرسكم..

نوار: انشاء الله حبيبتي ماتقصرين والله يله مع السلامة..

أم راشد قعدت وهي ساكتة وفجأة دخلوا عليها نرجس وكوثر

وهم يضحكون بصوت عالي محزا الصمت اللي كان مخيم على المكان..

نرجس+كوثر:صباح الخير يمه..

نوار مندهشة: صباح النور ..غريبة..ايش فيكم؟؟!

نرجس: مافينا شي يمة..! ليش؟؟!

نوار:لا بس مو من عوايدكم.....

ويقطع عليهم حوارهم صوت راشد يضحك ضحكة من قلبة

من زمان ماسمعوه يضحك كذا وهو كان بيدخل عند الباب..

كلهم التفتوا له وهو وقف مندهش مااتوقع انه يشوفهم كلهم قاعدين

وفي الصالة بعد وظل يطالعم ومنقهر من الحظ النحس..!

أم راشد: اهاا شفييك يمه راشد تصنمت مكانك..

راشد: لا يمه ولا شي بس معاي صديقي وكنا بندخل الصالة

وماتوقعتكم جالسين في الصالة اصلا فكرتكم نايمين فانصدمت

مو من عوايدكم تقعدون مبكر..

ام راشد: روح دخلة في المجلس..

راشد بروح مرحة: لا يمة خلاص بدخله هنيه عادي..

نرجس وكوثر فتحوا فمهم من الدهشة لان اخوهم

اللي لما يطلعون يقول لهم انتبهوا شعوركم لا تطلع تحجبوا عدل ...الخ..

الحين يببي يدخل صديقة وهم قاعدين بدون شيلة..

ام راشد باستغراب: راشد شفيك؟؟! ماتشوفني انا وخواتك قاعدين..

ومامداها تكمل كلامها لأن راشد سحب صديقة اللي كان واقف برا عند الباب

ودخله داخل ..والكل اندهش وظل يطالع بسكون..

في السعودية وفي بيت جنان بالخصوص ..

جنان ملت من الجلسة في غرفتها وهي مو غافلة عن محاولات سالم اخوها

في انه يخليها تنزل وهي ماترضى وهم متفقين انها اليوم في الليل بتقول له

على اللي فيها واللي يجرا لها كله..

فقررت تنزل تشوف لها شغلة تسويها بدال ماتقعد ترثي نفسها

وحملت معاها الدفتر اللي تكتب فيه..

وصلت الصالة وشافت امها قاعدة مع صديقاتها الثنتين..

جنان بصوتها المخملي:السلام عليكم..

ام سالم برفحة يوم اللي سمعت صوت بنتها اللي حابسة روحها بالغرفة

ردت وردوا معاها صديقاتها: وعليكم السلام هلا يمة ..

جنان: هلا..

وحدة من صديقات امها: ماشاء الله عليك ياجنان والله كبرتي وصرتي عروسة..

جنان بحيا: يسلموو خالتي..

تقول الثانية: في أي سنة الحين انتِ ياجنان؟

جنان: سنة ثانية جامعة..

الأولى: مو خالتك ليلى في مثل سنك؟

جنان : لا ليلى ووفاء بنت خالتي اصغر مني بسنة..

ام جنان: تغديتي يابنتي؟

جنان اللي تدري بأمها تحاتيها حاولت تطمنها:

الحين يمه بروح اتغدى بس وينة اخوي سالم؟

ام جنان: والله طلع مع صديقة حسام اللي دووووم يروح ويجي معاه

وقال لي بيرجع معاه بيتعشون هنيه..

جنان من تذكرت حسام لاعت شبدها بس هي مو ناقصة تعكير مزاج فتناستة

وقالت لأمها: اوكي عن اذنكم بروح اتغدى..

صديقة امها الثانية: اذنك معاك حبيبتي..

وبعد ماراحت جنان..

الأولى تقول: ماشاء الله عليها كل ماجالها تحلو زياده..

ام جنان: آه فديتها هالبنت ماادر يشفيها مرضانه هاليومين..

الثانية: ماتشوف شر..

ام جنان:الشر مايجيك..

اما جنان رغم جمالها وغرورها وكل مافيها الا انها فيها طبع حلو

تحب تعتمد على نفسها في كل شي فراحت المطبخ وخذت لها سفن آب

مع بريدة حطت فيها جبن شي على الطاير وراحت قعدت في الجلسة اللي في الحديقة..

ومامدها تقعد 5 دقايق الا والقراج <مكان توقيف السيارة>

يفتح وتدخل سيارة اخوها اللي تعودت تشوفها ..

سالم وحسام بعد لمحوا جنان قاعدة في الحديقة سالم فرح من قلب

لما شاف اختة طلعت من غرفتها وفرحتة نستة ان حسام غريب

وما المفروض يشوف اختة اما حسام حس ان الله استجاب دعاه

كان يتمنى يشوف طيفها لكن هو شافها لكن ماطاف عليه من شكلها

يبين ان نفسيتها زفت في زفت ..

اما جنان لما لمحت الشخص اللي مع اخوها تبهدلت ومااعرفت شتسوي

تقوم تروح وتترك اغراضها ولا تشيلهم معها مرة صار كل شي متوتر

يوم عجزت وما وصلت لحل تركت كل شي وراحت بسرعة تبي تدخل داخل

لأن ماعليها عبايةتسترها..ومن السرعة والبهدلة طاحت المساكة

اللي كانت حاطتها أي كلام من

شعرها اللي انفل وطاح مثل الشلال على ظهرها يعلن عن نعومتة وجمالة

وهي مااهتمت تاخذ شبصتها الا تركتها وراحت داخل بسرعة..

سالم وحسام نزلوا من السيارة..

سالم يبي يلحق اختة بسرعة فقال لحسام:

حسوم حبيبي انتظرني هنية بسوي لك درب عشان ندخل المجلس

ودون ماينتظر منه جواب راح يسرع داخل..

حسام راح وقعد مكان جنان بالظبط ومافاتة ان سالم كان مثل المطيور

يبي بسرعة يروح لأختة وهذا اللي هو مستغرب منه كيف ان حسام يحب اختة

بصورة جنونية ..ومايرضى عليها

فكيف اهو صديق عمره يخونه في تحرشة بأختة وقرر يكلمة في موضوع

انه خلاص يبيها له على سنة الله ورسوله..

وانتبه لدفتر على الطاولة وقال في نفسه :

اكيد هذا حق جنان وبتردد مد يده يبي يشوف ايش فيه يبي يتعرف على شي واحد

على الأقل عنها يخصها ..

فتحة عشوائيا ولقى مكتوب بخط يبين عليه من زمان..

في انتظار الحب
مرّ بي الحب ..
وأنا بعد صغيرة..
شعري المغسول..
منكوش..
ومشط
وظفيرة..

ضحك الحب ..
وأوصاني بنفسي..
هامساً في أذني ..
وفي قلبي..
أنتِ يا بنت خطيرة..

وقال الحب لي ايضاً..

سوف يجري حولك..
الشبان..
والفرسان..
في الصبح وفي الليل..
وفي عز الظهيرة..

واختفى من فتحة الشباك ..
تاركني لأحلامي المثيرة..
ومضى العمر ..
وأنا أجتر..
رؤياي الضريرة..
< م ن ق و ل >
وكان مكتوب تحت هالخاطرة..

هاذي كتبتها في مرحلة مراهقتي السخيفة في الصف الأول ثانوي

في حصة الفيزياء << بل مادورت الا الفيزياء..خخخخخ..مثل صديقتي في الحقيقة..>>

قبل ان اقع في حبه..

حسام انتهى من قراءة المكتوب وجاته حرة من هو هذا اللي وقعت في حبة

ياربي عليها بقتلها انا..

وفتح صفحة من النهاية يبي يشوف آخر شي كتبته..

ولقى مكتوب بخط يختلف جدا خط مرتب انيق وجميل

لأن ذاك الخط كان قبل 4 سنين ماشاء الله...

رفعت رأسي نحو نسمة الأصيل ..
لتحمل معها دموعي وصراخ قلبي العليل..
من ظلم من أحببته بكل كياني ..

إنه ليس ملاكي بل هو شبح وظلم طويل أعطيته حياتي
على طبق من ذهب ومن دون تعليل..
أعطيته حبي,عيني..
عملت له المستحيل ..
بنيت له أمالاً تفوق الوصف بسحر جميل..
لكن بعد كل هذا أنكر وقال أين الدليل ..
صدني بكل جحد..
وقذف بي إلى المستحيل ..
قال ببرودة تموت لها الورود من غير ذبول بعد أن فتحت له أبواب قلبي القتيل..
نظر نحوي بكل لؤم وقال:لقد حان وقت الرحيل ..
سألته : ولكن ماذا عن حلمنا وكلامنا الطويل..
قال بقسوة:كل حلم ووهم أنتِ فيه سيزول..
قلت له: وماذا عن ايام جلسنا فيها معاً تحت شجر ظليل ..
ماذا عن سويعات قضيناها معاً نحدق في الشمس وهي تميل ..
هل هذا جزا~ي لأني أحببتك حباً بل أي تأويل..
وحينما رفعت نظري نحوه أناشدة البقاء
أختفى وكأنه لم يكن إلا سحراً في لحظة الأصيل..

> منقووول<

وكان مكتوب تحت هالخاطرة:

هذا هو حالي ياعالم لكن حالي بشكل غير هذا هو حالي مع الآلام

لكنه مو حالي مع القصة..

انا اتعذب نفس عذاب البنت اللي في الخاطرة بسبب حبيبي

لكنه مو الملام الله اراد له شي عساه يتعافى

منه..وهالشي نهى اللي كان المفروض يصير نهى الحلم الجميل اللي بديت اعيشة ..

هو حس فيني وفي حبي وحاول يبادلني احاسيسي لكن القدر فرق مابيني وبينة..

وانا مازلت اودة وهذا اللي ابي انساه ..يارب ساعدني..

المتعذبه بصمت ..

جنان..

<عن يازعم توقيع خخخخ..

اما سالم فراح لحق اختة اللي بعدها متبهدلة وقالت له بعصبية:

شنو هذا سلوم تدخل ومعاك صديقك دون ماتتأكد انه مافيه احد في الحديق..

سالم بأبتسامة: سوري خيوه والله ماجا على بالي..

ها قولي لي احسن الحين..

جنان: شوي الحمد لله..

سالم: المهم انا الحين بروح لحسام ولما يروح بجي لك غرفتك مثل مااتفقنا اوكيك..

جنان: اوكيك..

جنان: تعال قبل ماتروح جيب اغراضي من برا ..

سالم:شنو هم اغراضك؟

جنان:صحن فاضي وبتلاقي بريدة على الأرض من السرعة استغفر الله طاحت..

وبعد عصير في نصة.. ودفتر ازرق ومساكتي اللي طاحت على الأرض..

سالم:بل كل هذا الله يعني عليك ..

جنان مفتحة نص عيونها بمسخرة :روح لا بكس على وجهك..

سالم: هههه طيب..

ونرجع لراشد غريب الأطوار..

لما استوعبت أم راشد اللي يصير وشافت اللي دخله لهم راشد قالت بفرحة:

حسييييييين؟! هذا أنت ياولدي؟؟!

حسين راح لها بسرعة وباسها على رأسها وظل معانقها

وهي تبكي وهو يبكي معاها:

<حشى ولا فلم هندي خلاص دموعي نزلت هئ هئ هئ..>>

:أيه نعم يا يمه أنا حسين ولدك اللي خيب ظنك يمه سامحيني الله يخليك سامحيني ..

نوار: مسامحتك يا ولي وماعليك أي شي..

حسين: ريحتيني يا يمه والله ريحتيني وتركها وهو يمسح دموعه..

كوثر ونرجس بعدهم قاعدين وهما مدهوشين من اللي شافوه

التفت لهم حسين وابتسم فتح ذراعيه على الآخر لهم لكن هم ماتحركوا

ولا حركة والكل استغرب منهم..

حسين حز في خاطرة شويه منهم بس مايلومهم:

كوثر , نرجس هذا أنا حسين أخوكم ولا نسيتوني ..تعالو لي تراني اشتقت لكم..

اما هم ولا حركة تقول عمك اصمخ..

أم راشد: يا بنات أخوكم يكلمكم..

كوثر ونرجس كأنهم ستفاقوا من حلم غريب ومخيف

ورفعوا راسهم واتجهوا بنظراتهم ألى اخوهم الكبير حسين

وطالعوا فيه دققوا النظر وتأكدوا أن هذا هو أخوهم بس في شي يمنعهم

يقول لهم لا لا لا لاتروحون له هذا اللي قتل ابوكم ..

نرجس تعوذت من ابليس وراحت له بخطوات مترددة بطيئه

لكن من وصلت لعنده خذها لحظنة وعانقها عناق الأخ الحنون

عناق خلى حبها له يرجع وإحساسها بأنه أخوها يرجع لها من جديد

مع ذكرياتهم الحلوة معاه وقالت له ودموعها تصب على خدودها:

الحمد لله على سلامتك ياأخوي الله العالم أني أشتقت لك..

حسين: الله يسلمك..وتركها وطالع في كوثروقال يكلمها:

وأنتِ ياكوثر مابتجين تسلمين على أخوك؟!

كوثر بنظرات باردة يبان فيها الحقد قالت بهيجان ماأحد

توقعة منها : لااااا أنت مو أخوي ! أنت لو أخوي كان ماقتلت أبوي!؟؟

..........يتبع..

الجزء العشرون:

حسام بعد ماقرأ هالخاطرتين اللي خطتهم جنان بيبدها حس بشعور غريب

كان منقهر يبي يعرف منو اللي تتكلم عنه جنان وفي نفس الوقت

ارتاح لمعرفته بأنها مو من الغرور اللي يخليها ماتحب احد ..

هو كان نفسة يكمل ويقرأ باقي المكتوب اللي يبين عليه كثير بس خاف

ان سالم يجي ويشوفة وماهي عدله انه يتطفل على اغراض اختة

فبيزعل عليه وهو مايبي هالشيء اللي مو في صالحه

فمسك القلم اللي كان مع الدفتر وبسرعة كتب لها..

في داخل القلب مشاعر كثيرة..

يعجز قلمي عن أن يصفها لك..
ومعي كلمات متناثرة يتعثر لساني بها..
أريد التعبير لكني أعجز..
أريد مشاعري أن تصل اليك لكني أتردد..
وأنا بعيد عنك أحس بوحدتي وغربتي..
وأنتِ بقربي أحس بفرحتي وسعادتي..
إن خيالك معي لايفارقني وروحك تعيش معي..
فتكون كالماء الذي يروي عطش عمري..
تمنيت لو كان في إمكاني أن أفتح لك قلبي وتدخلي..
حتى تشاهدي هناك حروف أسمك المنقوشة في كل جزء من أجزاء قلبي ..
حتى تتأكدي من أنك الوحيدة التي أسرت قلبي..
كل مافيك رائع..فاتن..
عندما يغوص شبح اليأس في أعماقي..
أُعبِّر لك بأرق الكلمات..
فلا يعرف الحزن طريقاً لي مادمت معي..
ولو في الخيالات..
من الذي أحبك واحب كل مافيك..
"ح"

وسكر الدفتر بسرعة ورجعة مكانه وهو يلمح باب الصالة

ينفتح ويطلع منه سالم وهو مبتسم..

حسام: لا كان ماجيت ياأخي كان خليتني انتظر شوية بعد ..

لا تو الناس روح ارجع كمل اشغالك واذا تفرغت لي تعال اوكيه انا مستنيك..

سالم :هههههه هههه الله يهديك ياحسام أنت ماتدري

شكثر بغيت أجن يوم اللي شفت اختي أخيراً طلعت من غرفتها..

حسام اللي اصلا كان يتمنى لو انه تأخر بعد شوي:

اهاا دام عشان اختك يله مسموح بس لاتعيدها ثاني..

سالم بسخريه:على امرك عمي..

اسمع حسوم دقايق بس بروح اودي لجنان اغراضها اللي خلتهم هنا

وبجي لك والله ماراح أتأخر ..

حسام: اوكيك يله بسرعة خلصنا..تراني ميت من الجوع ..

سالم وهو يشيل اغراض جنان: هههه يا انت ويا الأكل ..

حسام : هههه ههههه..ترانا أصحاب ما بنتفارق..

سالم :الحمد لله والشكر..

وراح وصل الأغراض لجنان ودخل مع حسام المجلس..

حالياً والمهم نرجع لبيت أم راشد..

كوثر ردت على أخوها بكلمات مااحد توقعها منها وهي

<لا أنت مو أخوي أنت لو أخوي كان ماقتلت ابوي>..

ماأن انهت أخر كلمه حتى راحت تركض لغرفتها فوق دون ماتسمح لأحد

يوقف في طريقها ويكلمها..

واللي ماأحد يدري عنه أنها كانت تبكي بكاءً مابكت مثله من قبل ..

ورغم الشوق اللي فيها لأخوها ماقدرت تسلم عليه تحس أنها بتخون ابوها..

بس شي ذكّرها وقال لها ترى ابوك بيزعل لانك ماسلمتي عليه

لأانه لو تذكري كان لأاخر نفس فيه يذكرة ويقول سلموا لي عليه..

أم راشد شافتْ الصدمة اللي على وجه ولدها واللي كانت على وجه الكل

مو بس هو لكن مااحد تكلم فقالت

له: لا تشرهه عليها يا حسين أختك بعدها ياهل ..

حسين مارد عليه بس دموعة اللي كانت تهدده بالنزول تكلمتْ..ومشى عنها..

راشد بصوت مخنوق: وين رايح ياحسين؟؟!

حسين بصوت لايكاد يسمع بصوت الجريح: عن أذنكم بروح غرفتي أرتاح..

نرجس: لكن...!!؟

حسين: لكن ايش؟؟!

نرجس: مفتاح غرفتك عند كوثر لأنها هي اللي كانت تنظفها لك وتنتظر رجعتك..

بس ماادري شاللي جرا لها الحين..

حسين انرفعت معنوياته لأن عرف ان اللي خلى كوثر تسوي كذا

الصدمة بشوفته لااكثر..وانها لازالت تحبه ..

وصل لغرفتها وسمع صوت انين وبكاء ..فطق الباب..

كوثر على بالها انها نرجس ففتحت الباب بدون مناقشة

وعطته ظهرها على طول لأنها ماتبي تشوف نظرات العتاب من أختها..

حسين عرف انها تظنه نرجس فدخل دون مايتكلم وسكر الباب..

راح لها وحط يده على كتغها:ليه سويتي كذا يا كوثر؟!

كوثر رفعت عيونها على طول في عيون اخوها ونزلتها بنفس السرعة ..

وانصدمت من وجودة معاها..

حسين تابع كلامه:أنا أتعذب ياكوثر!! كل يوم يزيد عذابي عن اللي قبله..

كوثر انا ماسامحت نفسي للحين على اللي صار وراجع

وانا ندمان الفين واكثر..ليش تزيديني ياكوثر ليش ؟! ليش؟ ليش!

كانت تطالع فيه وهو يتكلم وحسته صادق بكلل كلمه قالها

كانت تحسة يعصر قلبه عشان يقول اللي قاله هي تعرفه

انه مستحيل يقول لأحد باللي يحسه بس هو الحين قال لها..

وهي لاشوعورياً لما شافت دموعة تنزل دون مايحس بهم

راحت له وضمته لها وهي تبكي وتقول:

أنا آسفه حسين والله ماكان قصدي اصلاً انت لك وحشة
يا أخوي..

حسين ابتسم لها: وأنت أكثر يا أختي والله يشهد أني تعذبت من نار فرقاكم ..

والله كنت اقاسي المر وانا اعد الساعات والأايام..

تدرين اني ماكنت اظن اني برجع لكم بتاتاً كنت خايف..

خايف الاقي منكم اللي شفته منك الحين..!

كوثر بندم شديد : لاتلومني ياخوي والله بس شوفتي لك ذكرتني باللي صار

وماقدرت أتحمل ذكرتني بالمرحوم ..

وابيك الحين تعرف اني ندمانه وتسامحني..

حسين يسخر من نفسة: انا ما الومك والمفروض انا اللي يطلب السماح ..

وظلوا الأثنين ساكتين شوي..

بعدها حسين قال لها وهو يوجه نظرات الأمتنان لها:

طيب ممكن تعطيني مفتاح غرفتي ابي ارتاح..

كوثر: هههه انزين دقيقة..وراحت وهي تمسح دموعها بيدها

وجابت له المفتاح من درجها..وعطته اياه:تفضل..

حسين:شكراً حبيبتي على كل شي..>

هو كان يقصد انها سمعت اللي قاله لها من قلبة وعبر لها عنه لأول مرة بحياته..

كوثر اللي مافهمت نظرات اخوها ولا كلامه قالت للهواء :عفواً على لا شيء..

لأن الهواء حل محل أخوها اللي دخل غرفته دون ماينتظر جوابها

ودخل مهاه السر الصغير اللي ماقاله حق أحد ..

واللي مااحد يعرفه غير صديقه اللي كان ساكن معاه في الشقة لما كان بالغربه..

والسر كان ان حسين رجع بس مارجع بروحه

رجع ومعاه كوابيس وأحلام يشوفها بين فترة وفترة ومأذيه حياته

ومخليته يعيش مثل المجنون ..

وهو مو متضايق بسببها لأن يظن انه بها يكفر عن الذنب اللي ارتكبه في حق ابوه..

اما
ام ناصر +أبو ناصر

راحوا في العصر بيت عبير وقعدوا معاهم وخطبوا بنتهم

عبير..بعد ماشرحوا لهم حالة ناصر بالتفصيل وايش ممكن يصير مستقبلاً

وخلوا الموافقة او الرفض بين يديهم..

ام عبير وابوا عبير رحبوا فيهم نظراً للمعرفه اللي بينهم..

وقالوا لهم انهم بيفكرون نظراً لحالة ناصر الصحية وغير كذا ناصر

ماعليه كلاام ويكفي انه ولدهم وانهم بياخذون راي البنت اول وبعدين بيردون لهم خبر..

بعد ماطلعوا بيت ابو ناصر من بيت عبير..

نادوا ابو وام عبير بنتهم وخذوها معاهم لغرفة نومهم ..

وابتدت معاها امها الكلام..

ام عبير: يابنتي اليوم جات ام ناصر تبيك لولدها ناصر..

عبير بحيى:أدري..

ابو عبير: طيب ووش رايك يابنتي..

عبير اللي تعرف مسبقاً بنتيجة ناصر من وفاء:

والله يايبه انا ماعندي مانع والراي رايك..

ام عبير:بس يابنتي مثل ماانتي عارفة ان ناصر ريال أعمى ومايشوف

وممكن انه مايشوف طول عمره وأنت محتاجة لريال.....

قاطعتها عبير بحزن لتفكير امها المحدود:

يا يمه ولهذا أنا وافقت لأنه أخو صديقتي ومحتاج للي يوقف معاه

واذا انا اقرب وحدة لبيتهم رفضته منو اللي بيوقف معاه..

انا لما قررت اوافق عرفت اني بسوي فيه خير واهله لما يشوفون ولدهم

فرحان بيفرحون له وبكون انا السبب في رسم الضحكة على وجه ام

اعتقدت انه مستقبل ولدها انتهى وعلى وجه ابو مو عارف يداري ولده الصغير

اللي مايمشي ولا اللي مايشوف واخت انصدمت باللي صاب اخوها..

ولهذا اقول لكم اني موافقة..

أبو عبير كبرتْ بنته في عينه وتكلم وهو فخور فيها؛

هاذي هي بنتي اللي ربيتها بنت اصل ودين وواجب وتعرف في الاخلاق الاصيله..

فرجاءً ياهدى لاتجبري البنت على شي ماتبيه اذا هي موافقه هاذي حياتها

وهي ادرى بمصلحتها وخليها على راحتها..

هدى ماكان عقلها مقتنع لأنها خايفة على أمان بنتها مع شخص مايشوف

ومايقدر يضمن لها الأمان الكافي وطبيعي بيكون هذا حال كل ام في موقف ام عبير

لكن هي ماتشوف لا في الريال ولا في اهله أي عيب..

فأسلمت امرها لله وقالت:خلاص على بركة الله..

وناظرت عبير:والله وكبرتي يابنتي وبكرة بتصيري معرسة..

عبير احمّر وجهها من الخجل وقامت طلعت لغرفتها ..

دخلت غرفتها وشافت هناك يدتها اللي مايتخبى عليها شي بأنتظارها..

فاطمة متلهفه لجواب سؤالها:ها وافقتي؟!

عبير:هههه ايه يمة خلاص وافقت...

فاطمه بكآبه:وبتروحين وبتخليني مع أحلاموه اللي ماتستحي..

عبير: لايمه وين بروح الحين انا للحين ماتزوجت..

واذا سمعتيني اذا تزوجت بجي لك كل يوم ..

وبعد ليه كذا يا يدتي ترى احلام مسكينه محتاجة اللي يتفهمها

ليه دايم تعصبونها تراها كبرت مو بعدها ياهل..!

فاطمه بعصبيه خفيفة: والله هي قليلة حيا بس تبي تعاندني....

عبير:: هههههههه يمه حراام عليك..!

*ليلى جالسة مع وفاء في غرفتها..

وفاء: يله قولي لي شنو صار لك وأنتِ جايه..

ليلى تضحك:اوه لو اقول لك بس صار لي فلم..

وفاء: ههههه علميني يله كلي أذان صاغيه..

ليلى: ياطويلة العمر وانا جايه لما دخلتْ البحرين خلاص

حبيت أمر السوبر ماركت لأني جوعانة ومافطرتْ..

وفاء: ايه وبعدين ايش صار؟!

ليلى: زين صبري أنتِ خليني اكمل لا تقاطعيني..

وبعدين في الطريق وقفت علينا السيارة مو راضيه تشتغل..

وفاء بشهقة: ها ووش سويتي بعدين؟!

ليلى:فتحت شنطتي ابي اتصل لكم تجون لي لكني تذكرت ان جوالي

على الخط السعودي ماحولته بحريني وهو مو دولي..

وفاء: طيب بعدين شصار؟

ليلى بحماس: اقول لك كان يوقف لي واحد..

وبنظرات حالمه تكمل:ويا وفاء لو شفتيه كان وسييم وحليو مره

ويبين عليه خوش ريال آدمي ولد ناس محترمين مو من الصيع..!

وفاء بمسخرة:كِسْكُه تُ فيه لِيْلى؟غاكونتيه مْوا تُو..!

{ماذا تفعلين ياليلى؟أخبريني بكل شيء..!}

ليلى مافهمت للفرنسية اللي قالتها وفاء ولا اهتمت وكملت:

وانا كنت واقفة عند شنطة السيارة فهو شافني ونزل لي وقال:

<وهذا اللي صار>

الريال: السلام عليكم..

ليلى:وعليكم السلام..

الريال:شنو اختي محتاجة أي مساعدة؟

ليلى:مشكور والله ماتقصر! اذا ماعليك امر ابي تلفون اتصل منه

لأن جوالي مو دولي مايتصل ..

الريال ضحك على نفسه وقال لها مبتسم:تصدقين نفس مشكلتي..!

ليلى ردت له الأبتسامة:اهاا عجل مشكور مارح تقدر تسوي شي..

الريال:شنو مشكلتكم انتوا؟

ليلى: والله السيارة موقفة ماادري شفيهاوسواقنا هندي مايعرف شي..!

الريال بدون تردد رفع اكمام قميصة المخطط بدرجات الأخضر

وفتح شنطة السيارة الاماميه اللي توي المكاين

وقام يشتغل فيها وبس سوى شغلة وحدة واشتغلت السيارة على طوول

وبعدين سكر الشنطة وسأل سواقنا:في ماي في سيارة؟

السواق:ايه بابا دقيقة واحد بس..

وراح جاب له سواقنا قرشة ماي من الشنطة وغسل يدة ونزل اكمامة وقال لي:

خلاص اختي سيارتكم مافيها شي الحين تقدرون تمشون..

ليلى بنظرات شكر عميقة:مشكور ياخوي والله ماكن ادري شبسوي

لو ماعرضت علينا خدماتك..

الريال بمسخرة:لا شدعوة اختي لاشكر على واجب..

ليلى خافت من السخرية اللي بانت في صوتة فجأة فركبت السيارة بسرعة وقالت :

مع السلامة..

الريال يكلم السواق: مافي سرعة زين..

السواق الهندي يرد وهو يحرك راسه بحركة الهنود:زين بابا..

ومشت ليلى دون ماتنتبة ان اغلى شي عندها واللي هو سبب انتقالها

للبحرين طاح منها على الأرض..

الريال انتبه لمغلف ذهبي طاح قبل لا تسكر البنت الباب حاول يوقفهم

لكن السيارة مشت وماانتبهت له..

احتار الريال يخليهم ولا ياخذهم..

وتذكر شكل البنت وماقدر يقاوم وخذهم معاه على امل انه يشوفها مرة ثانيه ويعطيها اياه..

وفاء بالفرنسي: واااو سُه جاغْسون بونّ ايه جانتِيْ ايه اونيتْ!

{واااو هذا الصبي طيب و لطيف و شريف!}

ليلى:اوه وفاء تكلمي عدل..

وفاء:ماشاء الله صج انه يعرف في الأصول !

ليلى:اقول لك شكلة ولد ناس محترمين لا وشكلة بعد توه راجع من سفر ..

وفاء :هههه مسكين الريال ماخلته في حاله..

ليلى وهي مغمضة عيونها وتمثل دور العاشقة:أه ياوفاء عيونه بس لو شفتيها..

وفاء تضحك عل شكلها:هههههه .. ميشانتْ..ليلوة تأدبي لا والله اعلم عليك..

ليلى:هههه لا والله خلاص تأدبت بس اول قولي لي شنو يعني بيشانت

ماادري ميشانت الفرنسية اللي قلتيها؟!

وفاء :خخخ يعني يا الشريرة..!

ليلى: انا شريرة لكن اوريك يالنحسة..!وفاؤ شرايك تعلميني فرنسي أنت؟!

وفاء :خلي النحسة اللي تعلمك..!

ليلى:عاد وفاء اتغشمر وياك انا..

وفاء:الفرنسية سهلة بس يبي لها حفظ وتركيز ..

ليلى:انت تعلمتيها لما رحتوا فرنسا صح؟

وفاء: ايوه قبل سنتين لما رحنا نقضي الاجازة هناك خذت دورة

تعلمت فيها شي بسيط وناوية اقول لأبوي يودينا مرة ثانيه عشان

اتعلم اكثر ولازم تجين معانا عشان تتعلمين انتِ بعد..!

ليلى بتفكير: يصير خير..

وفاء بجديه:صج ليلى ماقلتي لي شنو السبب الرئيسي والصحيح

اللي دفعك انك تجين تدرسين معانا في البحرين مرة وحدة..!؟؟!

ليلى اللي تغير لون وجهها بس عشان وفاء ماتحس قالت بمرح:

بقول لك والله بقول لك بس مو الحين الحين خلنا نكلم عبير

نقول لها تجي وحشتني السباله ابي اشوفها..

وفاء: هههه سكتي اكيد الحين قالوا لها امها وابوها ومايندرى شصار..

وقامت طلعت جوالها واتصلت لها..

عبير: مرحبااا الساااع..

ليلى:مرحبتين عبير..

عبير انصدمت هذا مو صوت وفاء رغم ان الرقم هو:

مين انتِ؟!

ليلى:ماأقول الا مالت عليك..!ماعرفتيني؟!

عبير:بصراحة للحين ماعرفتك رغم ان صوتك مو غريب علي..!

ليلى بمسخرة: انا خالة زوجك المستقبلي يا العروسة المستقبلية..خخخخخخخ

عبير بدهشة:ليلووووه هاذي انتِ ..؟!

ليلى:هههه ايوه هاذي انا..كيفك؟!

عبير:بخير والحمد لله أسأل عنك..

ليلى:دوووم يارب سألت عنك العافية..

اقول شرايك تقومين تجين تقعدين معانا خلينا نشوفك..

عبير:يصير خير..

وفاء:هلا والله بزوجة اخوي..

عبير:ههههااي ياشين الثقة..!

وفاء انصدمت من ردها وسكتت....

عبير تمنت في هاللحظة لو تشوف تعابير وفاء:

ههههه هههههه شنو فيك سكتّي أمزح انا ويا هالوجه..

وفاء براحة: تدرين انه يبغالك كف يعدل وجهك..

عبير:هههه من زمااان لو ماتدرين..!

وفاء:هههه زين قولي لي شصار؟!!

عبير تتنهد:ماصار بس قلت لأمي وابوي اني موافقة ولا ادري عنهم..

وفاء:واااو فُو زِتْ زادْمِير ابْلْ <أنتِ رائعة> يعني ظني ماخاب..

عبير فهمت الفرنسية اللي قالتها وفاء لأنها حفظت منها كم كلمه

من اللي دايم تقولهم لكن استغربت من آخر كلمة:ظنك في ايش؟؟!

وفاء:ههههه ظني؟! على بالك صديقتك غبية !

يالحلوة أعرف كل اللي صار بينك وبين نصور لكن والله لأوريك

هذا وأنا صديقتك وماقلتي لي لكن ماعليه..!

عبير مندهشة:آه يا الساحرة..! والله ماكنت اقصد اني مااقولك بس ....

وفاء:لا بس ولا شي خلاص قومي قومي تعالي قعدي معانا..

عبير: اوه وفاء تخيلي يعني اليوم خاطبني اخوك وزاقوم اجي لكم بعد مو عدلة..

وفاء:بل بياخة اعتبريه ماجالك ولا تقدم لك ولاشي..

عبير:امي ماراح ترضى اصلاً..!

وفاء:عطيني اكلمها خالتي ولا بترفض..

عبير:زين صبري اناديها لك..

أم عبير:هلا والله ببنتي وفاء..

وفاء:هلا شلونك خالتي؟!

هدى:بخير الله يسلمك..

وفاء بطنازة:مبروك عليك خالتي..!

هدى:ههه الله يبارك فيك عقبالك يابنتي والله أني لو عندي ولد كان ماخليته يأخذ غيرك..

وفاء استحت: هههه عاد خالتي لاتحرجيني..

هدى:ههه يا حليلها اللي تستحي اقول بس قولي لي شنو تبين مني يا السوسة؟!

وفاء:ههه عارفتني بغيت اقول لك ان خالتي ليلى جات لنا اليوم من السعودية

ونبي عبير تجي تقعد معنا ..

هدى:والله ما ادري يابنتي شنو اقول لك بس مااحس ان من الأدب أخليها تجي لكم وانتو.....

وفاء تقاطعها:لا يا خالتي من الأدب والله عادي يله عاد عشان خاطري..

هدى:هههه خلاص اللي تشوفونه يا بنتي..

وفاء:تسلمين لي ياخالتي جعل ربي يعطيك البيبي اللي تبينة واشوفك أم مرة ثانية..

هدى:ههههه الله يقطع شرك ..يله خلوني اروح اشوف اشغالي بعد

اللي تبونه حصلتون عليه شتبون اكثر..

وفاء:هههه سلامتك خالتي يله مع السلامة..

هدى:مع السلامة..

أريج تكلم راشد أخوها في التلفون..

اريج بدهشة:كيييف؟ وشلون ماخبرتوني انه وصل..

راشد:يا أريج والله توه هو اليوم واصل ماكان احد يدري انه بيجي اليوم

حتى انا قال لي بكرة لكن هو جأ واستأجر سيارة توصلة للبيت

وجامر علي في الشركة ورحنا البيت مع بعض وبالصدفة كانوا كلهم قاعدين..

اريج:اوكي خلاص شوية وبنجي لكم انا ومحمود وبنتعشى عندكم ..

راشد :اوكيك خلاص انا بروح ابلغ امي يله باي..

اريج:بايات..

أحلام تطق باب غرفة عبير بهدؤ..

عبير:تفضلي..

أحلام:هاي..

عبير:هايات..شتبين؟!

أحلام اللي شافت كشخة أختها:وين بتروحين؟!

عبير:بروح لوفاء وخالتها ليلى..

أحلام:العن ابو دارك الحين ماصدقتي على الله اخوها خطبك بتروحين..!!

عبير عصبت من كلامها:أحلاموووه تأدبي أحسن لك ومالك شغل فيني..

أحلام:خلاص خلاص..والله عبيروه انا ملانه خذيني معك..

عبير:سوري ليش تبين تروحين انا بروح لصديقاتي ؟!

أحلام:عبوري صديقاتك صديقاتي عادي بقعد معكم

وعشان مايصير تروحين لحالك اروح معاك كذا منظر..

عبير:طيب لك 5 دقايق أن ماجهزتي بخلي ابوي يمشي عنك يوصلني وأنت قعدي ..

أحلام:زين زين 5 دقايق وراحت تركض غرفتها..وعبير تضحك عليها..

يتبع..

خالد مع نايف في السيارة..

نايف:الحين أنت متأكد أن نصور ولد عمتي اللي كنا نلعب معاه

بيصير خلاص إنسان مرتبط..!!؟

خالد:هههههههه طالع ويهك شفيك مو مصدق؟!

نايف وعلامات وجهه تبين أنه في حيرة:مافيني شي بس لأنه ....خلاص خلاص..

>مسكين ماعرف يعبر وقال خلاص خلاص خخخخخخخ..

خالد اللي فاقع ضحك على أخوه:يله عقبالك ماتصير ريال

وتترك هالبنات الا كل يوم متولي لك وحده..!

نايف اللي جات على باله أحلام:آخ أسكت بس لاتذكرني..

خالد:عشتوا شفيه العاشق الولهان..!

نايف:خلود أخوي بقول لك شي..أنا اللي أكلمها الحين شي غريب

لأول مره يصير شي عمره ماصار لي ..

خالد يضحك على أخوه بمسخرة:قول قول..

نايف:تدري أني للحين ماكذبت عليها ولا في شي ولما أتكلم معها

اتكلم بصراحه وصدق بدون لف ودوران ..

خالد:خلاص فهمنا ووصلنا هذا اللي فيك مرض!

نايف:أووف يادفع البلاء شنو هالمرض؟!

خالد:مرض خطيير أسمه الحب..

نايف يمثل دور العاجز عن فعل شي:لا عاد لاتقول وشنو الحل وش هو الدواء؟؟!

خالد كأنه يقول شي عظيم: الأرتباط..

نايف وهو ماد يده:

أسكت مالت عليك ..حل مثل وجهك..

خالد:ههههه قوم قوم يله وصلنا..

ونزلوا كل من خالد ونايف ودخلوا الصالة ..

وتفاجئوا بناصر قاعد على الكنب وجنبه وحده حلوة

وقاعدة تهذر معاه ويضحكون وجات لهم وفاءوعطتهم اثنينهم

شوكلاته وقعدت جنب ناصر في الجهة الثانيه..

خالد ونايف تقدموا شوي عشان يسمحون لهم يشوفونهم ..

خالد وهو منزل عيونه بعكس نايف:أحم أحم..

ليلى رفعت عيونها بخجل وقامت على طول ركبت فوق..

نايف مع خالد:أقول نصور من هاذي اللي كانت معك؟!

ناصر:هي احترموا نفسكم وشيلوا عيونكم عنها..

وفاء:هههه هاذي خالتي ليلى ..

نايف:وفاؤو قولي لها اني ولد عمتك واخوك مو تنسين عاد..

وفاء اللي فاهمة حركاته:ههههه الله عليك نيوف مااقدر انا على حركاتك..

نايف:الا وين خالي ومرته؟!

وفاء وهي تأشر على الباب اللي انفتح:كاهم وصلوا كانوا عند الربع معزومين..

وبينتْ أم ناصر لحالها:أوه اولادي هنيه شلونكم؟

وراح خالد باسها على راسها ونفس الشيء سواه نايف..

أم ناصر:نيوف يلي ماتستحي وينك ابد لاتجي ولاتسأل ؟!

نايف يبي يغير الموضوع بابتسامة:الا وينه خالي..

بدريه عرفت مراده:خالك بيدخل الحين ولا تغير الموضوع

ليش ماتسـأل مشغول مع الربع هاه؟!

نايف تخصبق:لالا خالتي مو كذا بس....

بدريه :لابس ولا شي يله نبي نشوفك معرس أنت الثاني خلني ادور لك بنت ولا أحلى..

نايف اللي كان على حافة الخطر:لالا خالتي مو الحين توني انا باقي لي وقت..

بدريه:لا والله شوف نفسك صرت عتريس تقول لي بعده وقت

>وهي تهز راسها..الله يهديكم بس..

وفاء تكلم امها:يمه سمعي انا اتصلت لعبير وقلت لها تجي

وبعد شوي بتجي عشان تشوف ليلى..

بدريه بصدمة:شنو؟؟ليلى؟؟متى وصلت ومنو اللي جابها؟!

وفاء تضحك على شكل امها:جات الصبح وجابها السايق..

ناصر يسحب بلوزة وفاء وبصوت واطي:ليش ماقلتي لي يالسخيفة؟

وفاء:ومنو انت حق اقول لك؟!

ناصر بدهشة:منو آنا؟!لكن ماعليه اوريك ياوفاء؟

وفاء:نصور حبيبي هي مارضت تجي عشان أنت موجود

وانا اقنعتها تجي عشاني وهي للحين ماصرت حرمتك فإذا صارت ذيك الساعة يصير خير..

وراحت قعدت جنب خالد اللي قال:

مبروك يالمعرس عسانا نشوفك حامل اولادك على كتوفك..

ناصر:هههه ماصر شي للحين شفيكم أنتوا..!

نايف:تصدقون اني للحين مو مصدق!!

الكل:هههههههههههههههه ههههههههه

خالد:أقول وفاء وينها ريم ؟!

وفاء تتمسخر:في مخباتي وينها يعني فوق في غرفتها..

خالد:طيب عن أذنكم أنا بروح لخطيبتي ..!

نايف:تعال وين بتروح وبتخليني؟!

ناصر:صج أنك قليل حيا وماتستحي على وجهك يعني مو مالي عينك أنا..

نايف:اوه عذراً..

تبع

اما ابو ناصر اللي قالت ام ناصر انه بيدخل وراها

لأنه قال لها أنه بيدور شغلة في السيارة وبيدخل..

كان ماسك جواله وحاطة في اذنه ينتظر رد..

رفعته وحدة:مرحباا

سعود:مرحبتين أهلين شو عاملة ستي حليمة؟!

حليمه:أهلين سعود الحمد لله عايشة..

سعود:شو فيك بتكلميني هيك؟!

حليمه تتنهد:شو يعني عاجبك حال هالبنت المسكينه لا اكل مثل الناس

لا نوم مثل الناس

بس قاعدة جنب التلفون قلقانه عليك بتئول لي صار له مده مااتصل..

سعود اللي عارف انه مقصر في حق هيفاء :

ياستي انا قاعد افكر حالياً اني اعلن عن وجودها مشان تعيش حياه طبيعية

بس مستني الوقت المناسب..

حليمة بنبرة تهديد:شوف والله ياسعود انا خايفة على بنتي وان جرا لها شي.....

سعود يقاطعها بعصبية:ياستي اسكتي مابدي

اعلي صوتي عليك وانتِ مثل أمي وام لهيفاء..

حليمه:لا انا ماعم بستناك تجي تئول لي بدي ارد لك الجميل هيفاء بنتي قبل ماتصير.......

سعود قاطعها وخذ منه الغضب مااخذ:

ستي اديني بنتي بدي اكلمها وانا راح شوف حل للموضوع

وانتي خليك بعيده لو سمحتي انا وهيفاء ننجاز

ومااحد له دخل في أي شي بيني وبينها..

حليمه:حرام عليك والله حرام

وتركت السماعة وهي تنادي:ياهيفاء سعود بدوه اياك في التلفون..

ومامداها تكمل جملتها الا وهيفاء تجري بكل سرعة خوفاً من انه يسكر او ينقطع:

أهلين

سعود:اهلين ياحبيتي وروحي وكل شي حلو في حياتي..

هيفاء:ايوه مبين كثير لدرجة انك خليتني انتظر اتصالك ومو هامك خوفي عليك..

سعود:ياعمري انتِ تعرفي.....

قاطعته هيفاء:أيوه بعرف زوجتك ...الخ الخ كالعادة..

سعود:انا ياهيفاء قررت اني اصارحهم كلهم بالحقيقة

بس انتظر اللحظة المناسبة..يمكن بعد مانخلص من خطوبة ناصر..

هيفاء بشهقة:صج؟ناصر بيخطب؟

سعود:هههه ايوه حبيبتي خطب..

هيفاء:منو راح ياخذ؟

سعود:صديقة اخته وفاء اسمها عبير..

<هيفاء اللي اكتشفت للتو ان وفاء معاها في

الجامعة وقررت تروح تشوفها من بعيد الى ان يكتب الله

وتصبح قريبة منها بدون اسباب للعداوه اللي ممكن تصير بينهم

لما تبان الحقيقة>بس هي ماحبت تقول لسعود بالموضوع

عشان مايحاول ينهيها او يغير جامعتها ..فقالت بصوت كئيب:

خسارة كان ودي احضر واشوفة مع خطيبتة..

سعود اللي حس فيها:عادي ياحبيبتي روحي وانشاء الله اذا تحدد كل شي اعطيك خبر..

هيفاء بحزن:اروح؟بأي صفة؟

سعود ماحب يتكلم في الموضوع اكثر بعد ماحس انه تأخر عليهم داخل

وممكن يثير الشكوك:

خلاص حبيبتي انا بروح لايسألون عني الحين وبتصل فيك بكرة انشاءالله

وحطي بالك على نفسك وخبري يدتك حليمه انها ماتشيل هم لأن لو شو صار

بتكوني في حمايتي انا..

هيفاء اللي حست بالأمان:طيب مع السلامة..

** ودخل أبو ناصر الصاله وشاف بدرية قاعدة مع ناصر ومعاهم نايف..

ابو ناصر:السلام عليكم..

الكل:وعليكم السلام..

بدريه:كل هذا تدور على شي..ووينه اللي تبيه؟

سعود ماعرف شنو يقول لها:مالقيته اووف تعبت وانا احوس ..

قام نايف باس خاله على راسه:شلونك ياسيد القوم؟

سعود:هههه حلوة منك بس لاتعيدها وتعال قول

لي وينك؟شحقة ماتجي تزورنا؟!

نايف:والله مافيني شي سلامتك..

سعود:طيب شخبار الجامعة؟

نايف ماعرف يرد لأنه اصلا مايفتح كتاب ولا يذاكر ولايدرس

بس يروح ويطلع ولا كأنه شي:تمام ممشيه معاي..

سعود:الا وينهم وفاء وريم وخالد وهدوي بعد شبدي؟

ناصر:ريم وخالد فوق وهادي بعد فوق اما وفاء قالت لها امي

تروح تنادي ليلى عشان تشوفها وللحين ماجات؟

سعود:ليلى؟ليش هي متى وصلت؟؟

ناصر:الصباح

ووصلت وفاء الصالة ومعاها ليلى اللي كانت لابسة شيلتها:

وراحت لأختها اللي ضمتها لصدرها..

وكانت دوووم تعاملها كانها وفاء بنتها ومااحد كان يفرق بينهم..

ليى:شلونك يابدرية والله وحشتيني..

بدريه:الحمد لله

وتقدمت ليلى تسلم على سعود اللي كان دووم بمثابة ابوها:

شلونك يا ابو ناصر عساك بخير؟

سعود:بخير دامك يابنتي بخير

ليلى:تسلم والله ماتقصر..

سعود:اعتبري نفسك يابنتي في بيتك وانا ابوك وبدريه امك ومايحوجك الا لسانك..

ليلى:طيب على كذا بغيت اطلب طلب..

سعود وبدريه:تدللي قولي شتبين؟

ليلى:بغيت اقول لكم اني محتاجة احول جوالي
دولي عشان اقدر استخدمة..

سعود:انشاء الله بكرة يكون خالص..

ليلى:مشكور يايبة والله ماتقصر..>تتطنز..

وفاء:عزات الله طاح سوقي انا..

نايف :هذا اللي ودي يصير لك ماعمرك لفيتي مكان الا وفيه احد يدلعك

خلود من جهه وامك وابوك من جهه وانا ونصور من جهه

بسك خلاص بكرة الله يعين زوجك عليك بينتحر مسكين..

الكل:ههههههههههههههه

وفاء اللي انقهرت بحنق:لا والله احلف تدري انك ماصخ..

نايف:لا والله توني ادري اجل حطي فيني ملح عادي..

وفاء:مالت عليك من أخو..

نايف:اتحداك..

ليلى:خلاص تراكم بتخلون البنت تكرهني..!

الكل:هههههههههههه

شوي الا والجرس يدق وراحت الخدامه تفتحه..

ودخلوا عبير واحلام..>في الممر اللي قبل الصالة

راحت لهم وفاء سلمت عليهم وباستهم ونفس الشي ليلى..

ودخلوا الصالة..

عبير وأحلام:السلام عليكم..

الكل:وعليكم السلام..

بدرية:هلا والله بالبنات اللي ماينشافون..

عبير نظراً لحالتها فكانت ميته من الخجل فما ردت بس ابتسمت..

أحلام اللي مااهتمت للشخص الجالس ردت

بجرأتها المعتادة:هلا فيك ياخالتي البيت بيتك والله كل يوم تعالي..

الكل:هههههههه

بدرية:ماتهون السوسة عن حركاتها..شخبرا امكم؟

عبير:زينه الحمد لله تسلم عليك..

ابو ناصر: شلونك يبه احلام مرة انتش ماتجين بيتنا الا في السنه مرة..

احلام مسويه نفسها مبوزة:والله هاذي عبيروه ماتبيني اجي معاها..

ناصر اللي كان يسمع كلامهم بكل جوارحة وودة لو كان يقدر يشوف عبير

لما قالت اختها عبيروه ودة ةلو يكفخها ويصحح لها الأسم..

اما نايف اللي كان مأخوذ بأحلام كلياً لدرجة انه ماانتبة لما قال سعود اسمها..

< عبير وأحلام كانوا تضاد في كل شي مافي تشابه الا في العيون

الواسعة العسلية الا ان احلام عيونها اوسع شوي وثنتيناهم شعرهم

بني اما الصفات الثانيه غيير حيث ان عبير بيضاء بياض الحليب

وأحلام سمرة الا ان سمارتها كانت أحلى مافيها عاطيه عيونها شكل حلو

مع فمها الصغيروني وملامحها الصارخة الأنوثة

بعكس عبير اللي كانت ملامحها البرآءة في حد ذاتها

يمكن بسبب ان حواجب عبير خفيفة وعلى شكل قوس

اما احلام كانت حواجبها غليظة لونها غامق مرة وعلى شكل ثمانية

واحلام كانت اضعف من عبير وقاربت تصير طولهاوكل بنات مدرستها

مايسمونها الا باربي بسبب شعرها يمكن لأنه طويييل يوصل

لنهاية ظهرها وأطول شوي ومتين ومعطيها حلى فريد من نوعة

عكس عبير اللي شعرها يوصل لنهاية كتوفها ومتين وهذا مساعد في اظهار

برآءتها وكأنها ملاك مثل ماقال ناصر>

وركبوا البنات غرفة وفاء يدردشون ويهذرون وكانت جلستهم احلى مايكون..

*******
نروح لخالد اللي صعد لغرفة ريم :

راح خالد لغرفة ريم وحب يفاجئها بدخلته فما طق الباب ودخل

بس مالقى ريم اللي كان يتلهف لشوفتها..

طلع من غرفتها وسكر الباب وهو خايف عليها..

ومر قرب غرفة هادي وسمع اصوات هناك ومن ضمنها صوت ريم..

راح وقف يبي يطق الباب بس يدة امتنعت عن الحركة لما سمع صوتها الحزين يقول :

طيب ياهادي كلمني طالع في عيوني لاتخليني كذا

هادي:ريم انا مااقدر والله حاولت..

ريم:هدوي حبيبي انت اخوي وانت الحمد لله عقلك كامل وسليم وتفهم

ومافيك شي يمنعك من التفكير ورجلك هاذي مشكلة وبيحلها رب العالمين انشاء الله

اذا استمرينا بالدعاء..

هادي بأنفعال :متى تقدرين تقولين لي ياريم متى ؟

انا صار لي 8سنين قاعد على هالكرسي مليت والله مليت..

وقام يبكي بكاء فاقد فاقد شي عزيز عليه ومو قادر يتحمل اكثر فقدانه لهذا الشي..

ريم حبت تواسية:يكفي ياهادي يكفي بلليييز لاتعور قلبي..

هادي:خلاص قومي روحي ماابي احد معاي ريم انتِ قاعدة تضيعين وقتك

بهاذي الهذرة الفاضية روحي شوفي خالد اكيد الحين هو تحت

ولا روحي لناصر تراه محتاجك اكثر مني..

ريم اللي عجزت من اخوها اللي شكل الكل كان مستهين بقدراته

وطالعت في الورقة اللي كانت في ايديها ونظرة اخيرة للخاطرة

الي كتبها هادي وكانت تحاول تقنعة انه ينشرها وهو رافض

هو كان خايف من المجتمع وهي كانت تحاول تقنعة بالعكس

بس مارضى يقتنع هي تفاجئت لما قرتها اول مره وبين لها اخوها

اللي ماكمل 12 سنه من عمرة يفكر كذا وكان كاتب:

بيوتنا حلوه وتجيب لك الجنون ريحتها..
طيب يفوح عطر وبخور..
همنا الدنيا نعيش بها بسكون..
نغالط انفسنا ونلف بها وندور..
كيف ننسى حالنا ونغمض عيون..
دام انها بيوتنا بكرة القبور..
كيف ننسى القبر وظلماتة..
تكون دون احباب وديكور ونور..
ليه لاشفنا الكفن تبكي العيون..
نذكر ان في موت ماخذنا الغرور..
كلنا بنموت تبون او ماتبون..
رحلة الدنيا ترانزيت وعبور..
في امتحان يانكون او لانكون..
ماهي إلا ايام وسنين وشهور..
جنة او نار ..بها بن آدم يكون..
فأستعدوا في انصراف أو حظور..

م ن ق و ل
* * *
وحطت دفترة على السرير وقامت زعلانه انها ماقدرت تقنعة

كانت تظن انها من تعلمه بفكرتها بيفرح ويرضى لكن بين العكس

وبي ان اخوها رغم انه طفل بس ماكا يفكر مثل الأطفال..

وطلعت من الغرفة وراحت غرفتها وسكرت الباب وتسندت عليه

وماانتبهت لخالد اللي دخل ينتظرها هناك..

وتمت دموعها تنزل ونظراتها مافارقت الأرض..

خالد اللي مايقدر يشوف دموع ريم تنزل راح لها وبكل حنيه رفع راسها

وصارت نظراتة المشفقة متعمقة مع نظراتها الدامعه..

وتموا دقايق على هالحالة فقطع الصمت خالد بمسخرة لأنه ما يحب أجواء الكآبه

اللي تبنيها ريم حولها فقال:لمذا تبكين ياحبيبتي؟

ريم اللي يعجبها يوم يتناورون بالفسحة ابتسمت بس سرعان

مااختفت الابتسامه وقالت بهم:

آآآآه انه الزمن ياحبي!

خالد:وماذا فعل الزمن ياقلبي؟

ريم:الزمن انه غير منصف في حق اخي لا بل في حقنا جميعاً

الا ترى مالذي يحصل لبيتنا الذي كان اسعد بيت في الوجود اخواي ووالداي

هذا ليس عدلاً..وتساقطت دمعة من عينها..

فسارع خالد لمحوها من على وجهها وقال:

لاياريم لاتقولي هذا فلتجعلي ايمانك بالله اقوى من هذا

اتعرفين لو كان سبب همك شخص غير الزمن لقلت لك اني ذاهب لملاقاته

لقلت لك أني ذاهب لتعنيفة وظربة ظرباً مبرحاً لانه جعل اغلى مالدي في الكون

يبكي ولكنه الزمن ياريم فأنا لاأستطيع فعل شيء لهاتعرفين لماذا؟

لأن الزمن ذاته هو الذي تسبب في ان نقع في حب بعض هو الذي جمعنا معاً

والزمن هذا مسير من قبل الرحمن فلا حول لنا ولا قوة نحن البشر

لفعل شيء افهمتني ياريم؟اريدك الأن ان تستعيذي بالله من الشيطان الرجيم

وتمسحي دموعك الغالية..

ريم اللي اعجبها كلام خالد وعجبها فيه طريقته في مواساتها قالت:

اعوذ بالله من الشيطان الرجيم..وكانت ستقول شيء الا انها ترددت...

فقال لها خالد:هناك شيء ياريم ارى انك تريدين قوله هاتي ماعندك

ولاتخبئي شيء في قلبك ؟

ريم بتردد:لاشي ولكن....

خالد:ولكن ماذا قولي هيا ولا تخافي فأنا خالد.!

ريم والدمع يهدد بالأنهمار:قل لي كيف لنا أن نقاوم البؤس في كفوفنا المرتجفة,

نطبق على بصيص الأمل خوفاً من أن ينطفئ في وجوهنا البريق......!

خالد:ياإلهي

ياريم لاتنسي ياحلوتي بأنه كلما مرت بك سحابة تلبد ايامك بالرمادية

تذكري بأن شمس ستبزغ فجأة لتنشر النور في أجوائك..

لحظة سكوت لتفكير في كل ماقيل..

ريم ابتسمت في وجه خالد:شكرا لك يازوجي..

خالد انصدم وتصنم من كلمتها هي عمرها ماقالت له يازوجي

الكلمه اللي احياناً يقول لها بلييز قوليها لي ابي اسمعها من لسانك

بس هي تستحي وماترضى..

ريم:ههههه شنو ماتشوف وجهك شلون ؟

خالد:لالا بس متأكدة أنك ريم خطيبتي اللي هي بنت خالي؟!

ريم:ههه ايوه متأكدة..

خالد:لالا عجل أنت أكييد مصخنه ولا فيك شي!ومد يده على جبهتها وكمل:

للأسف حرارتك عادية..

وريم اللي تستمتع بكل حركات خالد فقعت ضحك..

اما خالد ناظرها برضى:ايوه هاذي هي ريم اللهي انا اعرفها..وابتسموا لبعض..

ريم:يله خلنا ننزل نجلس معهم تحت..

خالد:يله..

واتجهوا للباب بينزلون الا ان خالد وقفها..

ريم بحيرة:شنو؟!

خالد:شفيك؟ لاتخافي بس نسيت اقولك تلبسي شيلتك لأن اخوي نايف تحت..

ريم:هههه قول كذا خوفتني..

ولبستها ونزلوا عصافير الحب مع بعض تحت وغيوم السلام تحوم حواليهم..

>الله لايغير عليهم..

* * * * *
لحظة بنلف.باقي لفة بس خلاص وصلنا السعودية

وفي بيت جنان ..

جنان بعد الربكة اللي صارت لها في الحديقة ضلت ضربات قلبها تضرب

بلا هدى وبعنف مو متوقع..

وانسدت نفسها عن الأكل وركبت غرفتها تنتظر أخوها

يتخلص من صديقة عشان بتعترف له بكل شي عن مشاعرها تجاه ناصر

وكيف هي مو قادرة تنساه وللحين تفكر فيه وان هي خلاص ماتبغاة

لأنها لمجرد التفكير بهالشيء راح تخلي الهواش في بيتهم يبتدي

لأن امها وأبوها مستحيل يوافقون..

بس هي اللي تبغاه تبي تنساه ومو عارفة شلون!

جنان بصوت عالي:قبل الأعتراف..قالت هالجمله وكأنها فكرة

انرمت عليها من السماء وفكرت في نفسها:

خلني اكتب خاطرة قبل الأعتراف عشان بعدين اعرف كيف هي مشاعري

بعد الاعتراف وفتحت دفترها وراحت لآخر صفحة وتوها بتكتب العنوان

انتبهت لشي فتحت آخر صفحة مكتوب فيها ولقت خاطرة مكتوبة

بس لا الخط خط يدها ولا التعبير تعبيرها ولا هي اللي كاتبتها اصلاً وبتدأت تقراها:

في داخل القلب مشاعر كثيرة..
يعجز قلمي عن أن يصفها لك..
ومعي كلمات متناثرة يتعثر لساني بها..
أريد التعبير لكني أعجز..
أريد مشاعري أن تصل اليك لكني أتردد..
وأنا بعيد عنك أحس بوحدتي وغربتي..
وأنتِ بقربي أحس بفرحتي وسعادتي..
إن خيالك معي لايفارقني وروحك تعيش معي..
فتكون كالماء الذي يروي عطش عمري..
تمنيت لو كان في إمكاني أن أفتح لك قلبي وتدخلي..
حتى تشاهدي هناك حروف أسمك المنقوشة في كل جزء من أجزاء قلبي ..
حتى تتأكدي من أنك الوحيدة التي أسرت قلبي..
كل مافيك رائع..فاتن..
عندما يغوص شبح اليأس في أعماقي..
أُعبِّر لك بأرق الكلمات..
فلا يعرف الحزن طريقاً لي مادمت معي..
ولو في الخيالات..
من الذي أحبك واحب كل مافيك..
"ح"

انتهت جنان من قراء الخاطرة وجاء على بالها لما شافت "ح"

يعني حبيبك بس فكرت لقتها مو منطقيه وقالت في نفسها:

لكن انا ماعطيت احد دفتري وعمري ماخليت احد يمسكة ولا يقراه

ولا احد يعرف بوجودة أصلاً..

لحظة عقلها قام يرجع لوراء قبل كم ساعة يوم نست دفترها في الحديقة

ومستحيل يكون احد فتحه غيره!!!

ايوه اكيد هذا اهو حسام صديق اخوي اللي مايستحي وصلت فيه المواصيل

انه يفتحه دون اذني ويكتب فيه بعد ورجعت كلمات الخاطرة ترن في اذنها

ومعقوله يكون صادق في كلماته هاذي

لامو ممكن انه يكون حبني في ظرف انه شافني مرتين

يمكن بس لكن انا حبيت ناصر من اللحظة اللي طاحت عيني عليه

بعد فراق دام كم سنه رغم انه ولد خالتي وظلت الظنون تروح وتجي معاها

والحيرة ماخذة تفكيرها والخوف من شي ماتعرف شنو هو يستولي على كيانها..

• * * *
محمود استأذن من مديره بأنه يبي يطلع للبيت لظروف شخصية

ونظراً لأجتهاد محمود في شغله عطاه المدير الأذن وحرية التصرف..

مسافة الطريق بس ووصل محمود بيتهم..

دخل و مالقى احد طل في المطبخ وشاف الشغاله قاعدة تغسل وتمسح وتشتغل..

سألها:ناني وين ماما؟!

ناني:اوه بابا هذا ماما في غرفة..

ولف محمود بيروح لها الا ان ناني استوقفته:بابا

محمود:خير؟!

ناني:هذا ماما في تعبان بس انت مافي كلام انا في قول لان هي في كلام انا

مااقول حق بابا عشان مافي خوف..

محمود اللي زاد خوفة على أريج :طيب طيب ومشى عنها بسرعة

عشان يروح لأريج يتطمن عليها..

تبع

****

كوثر نزلت من الغرفة بعد ماهدت نفسياً وسبحت وتكشخت

وراحت غرفة الجلوس لقت نرجس قاعدة وسرحااانة..

كوثر:هو وين وصلتي يا حلوة..؟

نرجس:هههه وصلت لعندك..

كوثر:وينها امي؟!

نرجس:امك بالمطبخ تسوي العشاء بتجي اريج وريلها يتعشون هنيه

وعشان عودة اخوك الكريم بعد..

كوثر استغربت من رمسة اختها:شصاير نرجس؟!

نرجس :مادري مادري..

كوثر:شنو ماتدرين بعد!انت فيك شي ولازم تدرين شنو؟

نرجس:احس بشي غريب..

كوثر:مافي شي ولا تخوفي روحك..

نرجس:يالخاينة شلون تلبسين هاي البلوزة وماتقولين لي؟؟

كوثر:انا نزلت عشان اقولك..

نرجس:خلاص اجل انا بروح اسبح والبسها ..

كوثر:اوكي..

>>نرجس وكوثر دايماً يحبون يطقمون ويلبسون مثل بعض...

كوثر قعدت ملانة وراحت لأمها بالمطبخ..

كوثر:هاي ماما..

نوار طالعتها بنص عين ودارت عنها..

كوثر:شنو فيها الماما زعلانه عسى ماشر..

نوار:وخري عني مناك مابي اكلمك..

كوثر:شدعوة يمه ليش؟

نوار:بعد اللي سويتيه مع اخوك ولك عين تتكلمين انا ماصدقت على الله

يرجع يابنتي>ونزلت دمعة من عيونها..

كوثر حست بالذنب على اللي سوته وندمت على انانيتها في التفكير: آسفة يمه

ماقصدت..وبعدين تراني تأسفت من حسون وهو سامحني..

نوار: صج يمه بارك الله فيك يابعد عمري..

كوثر فهمت الحين شكثر امها تحب حسين..

ورن جرس الباب يعلن عن وصول زوار..

نوار:روحي يمه فتحي الباب يمكن اختك وريلها..

كوثر ماراح عن بالها انه يمكن احد ثاني فسحبت شيلة امها من على كتفها

ولبستها وراحت فتحت الباب..وشافته..

*******
اما البنات الأربعة وصلوا في السوالف الى التالي:

ليلى:ايوه صج وفاء ماقلتي لنا؟!

وفاء:شنو اقول؟!

ليلى:أنت يوم نكلمك في الماسنجر انا وعبير كنتي حاطه نكنيم

<في خاطري لو اشوفة مرة ثانية..

على ما اظن وأنت عمرك ماحطيتي شي ماتقصدينة وقلتي انك بتعلمينا سالفته..

عبير:ايوه صحيح وانا نسيت بسررعة قولي لنا..

وفاء:انزين خلاص كلتوني بعلمكم شفيكم انتوا..

وناظرت احلام اللي كنت تسمعهم..

احلام:شنو بعد ماتبين تقولين قدامي اطلع يعني..

عبير:يكون افضل...!

وفاء:بلا نحاسه لامو قصدي..

احلام قلبت فيسها وزعلت منهم..

وفاء:عبيروه زين لك كذا..احلام حبيبتي والله انا مو قصدي لاتزعلين الزعل مايناسبك..

ليلى:يله احلام خلونا نسمع سالفتها متشوقه ابي اسمع..

أحلام:زين ابي ماي..

وفاء:الحين اقوم اجيب لك ولايهمك..

أحلام:لا لاتتعبي نفسك انا اقوم عشان اترك لكم مجال تتكلمون فيه براحتكم..

وفاء:اوه عاد احلام خلاص روحي انتِ شربي ماي وانا مابقول ولا كلمه الا لما تجين..

احلام تغمز لها:بنشوف..

ونزلت احلام وهي تمشي على الدرج وتسمع صوت ام ناصر وابوه

يتكلمون معاه ومع شخص بعد..

لما نزلت كانت تبي تروح المطبخ ولازم تمر عليهم في الصاله

استحت شوي بس قالت يله عادي..

مشت ويوم وصلت الصالة وشافوها..

بدريه:ها حبيبتي تبين شي؟!

أحلام:أي خالتي نبي ماي..

بدريه:وشلون هاذي وفاء اللي ماتستحي مخليه ضيفتنا تنزل لحالها..

احلام:شدعوة عاد خالتي عادي البيت بيتي ..

بدريه:الله يقطع شرك ماتتوبين ههههه...

أحلام:اعلمك آنا اعلمك..

بدريه:خلك انتِ هنيه انا بقوم اجيب لك الماي..

احلام:اوكيه..

سعود:بعدك يابنتي مأذيه ابوك؟!

احلام:اقول لك عمي وماتعلم احد..

سعود:هههه قولي سرك في بير..

احلام تسوي نفسها تنزل صوتها: اصلا انا ما أاذي ابوي هو اللي يأذيني..

سعود:هههههه الله يقربلك لكن الا اعلمة عليك..

ها استعديتي للمدرسة..

احلام:بالله عليك يعني لازم تعكر لي مزاجي الحين...

سعود:أفا ليش؟!

احلام:والله بعدني مااستعد نفسياً..

سعود:ههه ههه اهم شي تدرسين عدل انتِ ماشفتي ابوك

يوم الا خذتي الأولى قبل كم سنة كان فرحاان ووزع علينا حلاوه..

احلام:بفرحة:فديت قلبه ابوي حبيبي والله..الا اقول عمي مانبت لك شعر في صلعتك..

سعود مسك راسه:وي فضحتينا يابنتي يعني لازم تخبرين العالم..

احلام تدور بعيونها:أي عالم مافيه الا ولدك وو.....

ناصر:وولد عمتي..

احلام استحت ونزلت عيونها وسكتت..

سعود:هههه حليلها اللي تستحي..

ووصلت بدرية بالماي:تأخرت عليك يابنتي؟!

احلام:لاعادي خالتي خذي راحتك والله وناسة السوالف مع عمي بو ناصر..

بدرية وسعود:ههههه ههههه هههه

وراحت احلام فوق مع صينية فيها جيك ماي وكاسات..

سعود:يحليلها هالبنت الله يخليها لامها وابوها..

بدريه:وانت صاج بنت مافيه منها لو عندي ولد ثاني خذتها له

وتطالع بنايف بعين وعين..

نايف فهم قصدها بس من قبل لاتقول كذا هو قال في نفسة:

انا لو فكرت اتزوج ماباخذ الا بنت مثل هاذي..

*******
وصلت لهم احلام فوق..

وفاء:لاكان ماجيتي تو الناس بعدها وقت..

عبير:كان قعدتي شوي بعد..

ليلى:مسكينه البنت خلوها تاخذ نفسها..

احلام تبي تعاند عبير:شسوي بعد والله خذتني السوالف مع ناصر!!

عبير بصدمه:مع منو؟؟!

وفاء وليلى فقعوا ضحك على شكلها..!

عبير:اوه والحين ترى برجع بيتنا الحين..>وصار وجهها احمرررر..

احلام :لاتكفين بعدني ماشبعت من حبايبي<وتغمز لوفاء..اللي بعدها تضحك..

عبير:اوه ليش تأخرتي؟!

احلام خلاص وقفت لعب:قلت لك سوالف عمي بوناصر ماتنمل..

وهدأت الأجواء ..وقطعت الصمت ليلى:يله وفاء قولي لنا السالفة..

ورجعت اجواء المرح يوم ابتدأت وفاء تسرد لهم السالفة..

وفاء:ياطويلين العمر..

تذكرون قبل مدة يوم يصير الحادث لأخوي ناصر..

الكل:ايه..

وفاء:هاذي انا كنت في بيتكم عبير صح..

عبير:صح..

وفاء:بعدين لما ركبت السيارة مع راجا عشان بروح المستشفى لأخوي ناصر..

كنت ميته خووف عليه

كنت اتذكر هادي اخوي وتزيد مخاوفي من انه يصير فيه شي مثله..

ليلى بحماس:وبعدين..

واحنا بنص الفريج قريب نطلع من الشارع العام كنت انا في سابع ديرة

سرحااانة افكر بأخوي واتفاجأ بالسواق يمسك بريك..!

أحلام اللي تحمست ونست الزعل:وشنو صار؟!

وفاء وهي تتذكر الموقف..

:كان اشوف سيارة مقابلة سيارتنا وهي اللي بغت تصقعنا

ولا ينزل منها الريال يعني يبي بس يسد الطريق ويعطلنا عاد انا عصبت..

وسويت مثله ونزلت..ورحت قلت له بتهور ياويلي منه:

هي انت عمي ماتشوف بغيت تودينا في داهية..!

كان يقول لي<وتخشن صوتها:آسف اختي ماانتبهت..

عاد انتوا تعرفوني اذا قعدت احاتي اخرف..

ليلى:معلوم معلوم..

وفاء:ههههه كان اقول بصوت عالي ناقصة بلاوي آنا..

وركبت السيارة وانا منقهرة لاويزيدني قهر بابتسامته الغبية..

عبير:واااااااااو فنتاستك..

احلام:واكييد تبين تشوفينه لأنك حبيتية..!

وفاء:لا اااااا وووع اسم الله علي انا مو من تبع هالحركات عيوني

هو صج كان يذبح بوسامته ولاعيونه اللي تجنن

بس انا مااهتميت يعني ماكنت افكر في الموضوع لكن بعد فترة كذا قولوا شصار؟

ليلى بسخرية:شصار؟

وفاء بالفرنسي تتمسخر :<كَسْكُه تا؟>..مابك؟

احلام:أي لغة هاذي بعد؟!

عبير:ههه هاذي فرنسي تصدقون اني حفظت نص كلماتها بسبة وفاء..

ليلى:طيبي شنو قالت هي الحين؟!

عبير:شنو فيك؟هذا اللي قالته..

ليلى:مو مهم يله كملي لنا شصار..

وفاء:بعد فترة حلمت حلم ..

احلام:شنو هو؟

وفاء:حلمت اني قاعدة في زاوية في الشارع وكان شكلي غرييب

وكان اخوي ناصر واقف قريب مني ولاكأني اعرفة

وعبير تطالع فينا انا وخوي ونفس الريال يطالع فيني وفي عبير

وكان الحلم غريب وهو راح لعبير قال لها شي

لكن هي ماعطته ويه وجا لي وقال لي نفس الشي وابتسمت ومسك يدي

ورحت معاه نمشي بعييد وانتِ>تكلم عبير..ضليتي مع اخوي..

وقعدت من النوم مزهوقة مدري شصاير..

عبير:ابتسمت..

ليلى:طيب وانتِ ليش كتبتي انك في خاطرك تشوفيه..

وفاء بحيره:بصراحة ماادري..

احلام:قلت لك اكيد حبيتيه..

وفاء:بل بياخة مو هذا هو الحب ..بس ابي اطلع حرتي ودي لو اعطية كف..

عبير:وانتِ شنو بتسوين لو شفتيه..

وفاء:حلوة دي شنو بسوي اكيد ولاشي!

ليلى:ايوه هاذي بنت اختي الحلوة..

الكل:ههههه هههههه

******
جنان طفرت في بالها خطة عشان تردها لحسام الصايع على قولتها..

وقررت تنفذها..
*****

كوثر تفاجأت لما شافت خليل عند الباب..وانخرست..

خليل:مرحباا

كوثر بالموت طلع صوتها:مرحبا بك..ياهلا..

خليل:وينها امك؟

كوثر وهي رافعة حاجب:شتبي فيها..!

خليل انصدم وابتسم بسخريه:بقول لها سر!

كوثر باستغراب:سر!؟شنو هو؟

خليل اللي مايدري من وين نزلت عليه الجرأه:

بقول لها اني معجب في بنتها الصغيرونه..

كوثر انحرجت وصار وجهها احمر ودخلت تنادي امها بدون ماترد عليه..

خليل ضل يسب في روحه على اللي سواة وهو منقهر في نفسة..

كوثر نادت امهها وقالت لها:يمه خليل ولد خالتي سعاد براا عند الباب يبيك..

نوار:اوه تصدقين نسيت اقول لسعاد انه حسين رد هذا اكيد خليل يايب السمكري

حق جرس الباب ..شوفي انا بروح اشوفة

وانتِ دقي تلفون على خالتك سعاد وقولي لها..

كوثر بسرحان:انشاء الله..

وراحت اتصلت بيت جيرانهم..

شهد:الو اهلاً..

كوثر:اهلينات..

شهد:اوه محرحباااا ملايييين..

كوثر:مرحباا الاااف الملايييين..

شهد:شخبار القاطعة اللي ماتتصل ولاتسأل

كوثر:مو زينه

شهد:افاا ليش؟

كوثر:اوووف صاير لي شي عجيب..

شهد:خلاص من اشوفك تعلميني..

كوثر:افكر بالموضوع..

شهد:اوه يالنحيسة..

كوثر:ههههه ولايهمك..اتغشمر معك..

شهد:غريبة كوثر بنت خليل متنزلة تتصل لي..

كوثر:آه والله متصلة عشان اكلم امك..!

شهد:افا وانا اللي ظنيتك متصله عشاني..

كوثر:ولايهمك الحين اسكر واتصل لك مرة ثانية..

شهد:ههههههههه يقطع الله بليسك قولي لي شتبين من امي..

كوثر:قولي لها ان اخوي حسين رد من السفر اليوم..

شهد اللي انصدمت وماصدقت:صج؟؟!

كوثر استغربت من ردة فعلها:ايوه صج اجل اتمسخر.!

شهد:الحمد لله على سلامته..

كوثر:الله يسلمك.. يله انا بسكر وبعدين اكلمك وتعالي مع امك لما تجي..

شهد:اكييد بجي مايبغا لها كلام.. باي..

كوثر بصوت عالي:يشهد الله ان البنت في عقلها شي..

>>اللي مااحد يعرفة عن شهد انها ذايبة في حب حسين من زمااان

من اول مادخلت الثانوية..ولااحد عرف عن هذا الحب ابداً ولاحتى حسين..>>

نوار:كوثر ..يمه كوثر..

كوثر سمعت امها تناديها":نعم يمه..

نوار:قومي حبيبتي ودي لخليل عطاه الله العافية قوطي عصير

ماقصر جاب السمكري وسوى لنا الجرس وعطاه الفلوس ومارضى ياخذهم من عندي..

كوثر اللي ارتبكت وخافت :ها ودي له انتِ يمه!

نوار استغربت من بنتها:كوثر يمه شفيك؟!

كوثر خافت تنفضح:زين يمه خلاص بقوم..

******
حسين قعد من النوم وهو يحس براااحة غريبة

راحة تسري في كل جسمة قام وهو يحس بنشاط يتخلله الخمول..

وفتح شنطته وطلع له ثياب مريحة عشان يلبسهم ودخل الحمام تسبح..

*****
كوثر راحت وهي ماسكة صينية عليها انواع مختلفة من العصير الجاهز

وقلبها طبووول خايفة تقابل خليل..

يوم وصلت عن الباب انقذها وصول اريج وريلها فراحت عطته العصير

وهو يسلم على محمود ومشت دون ماتطالع فيه..

اريج:وينه حسين؟

كوثر:فوق في غرفته بعده نايم..

اريج:مااظن انا بروح له..

دخل محمود وهو حامل ريهام..

محمود:صبري اريج بروح معاك..

اريج برجاء:لا بلييز محمود بروح له لحالي وشوي تعالوا انتوا..

محمود فاهمنها:اوكي عشر دقايق وبنجي لكم..

كوثر :ريهام حبيبتي تعالي لخالتك..

ريهام:مانا انا ابي لاسد..

كوثر:تعالي بعطيك حلاوة ..

ريهام:حبيبتي حالتي..وراحت لها..

******
حسين بعد مالبس ومشط شعرة الأسود حس انه رجع مثل ماهو..

طاحت عينه على المغلف الذهبي اللي طاح من البنت

اللي ساعدها في تصليح سيارتهم وجات في باله صورة ليلى

وهو يتذكر ابتسامتها ويتذكر الغمازات اللي طلعت على خدودها

يوم ابتسمت وابتسم لهالذكرى وراح مد يده للمغلف يبي يفتحه

يشوف ايش فيه لكن طرقات على الباب منعته وقام خبى المغلف وقرر يفتحه بعدين..

وراح قعد على السرير وقال:اتفضل الباب مفتوح..

فتحت اريج الباب ببطئ ودخلت..

حسين فتح فمه من الدهشة كأنه توه متذكر ان عنده اخت ثالثة اسمها اريج..

والتقت نظراتهم وتجمعت الدموع فيها..

وراحت اريج لحظن اخوها اللي لمها بحنان لأنها مالامته على اللي سواه..

اريج بعد فترة صمت:الحمد لله على سلامتك يااغلى اخو في الدنيا..

حسين مبتسم:الله يسلمك يااغلى اخت في العالم..

اريج:حسين حبيبي كيف حالك؟انت شلونك؟

حسين وهو يضحك عليها:انا لوني ابيض ماتشوفين..

اريج:ههه لا جد انت شخبارك؟

حسين:طيب والحمد لله والله دام وجهك قدامي اكيد بكون بخير يابعد عمر اخوها..

اريج:حسين بقول لك شي قبل لااحد يج..!

حسين:قولي حبيبتي كلي آذان صاغية..

اريج:حسي يا اخوي انا اعرفك اكثر وحدة وادري الحين انك محمل نفسك

مسؤلية موت ابوي صح؟

حسين نزل عيونة وماتكلم بس هي فهمتها..

اريج:حسين انت لازم تهون على نفسك شوي تراك مالك ذنب

في اللي صار واللي انت سويته ردة فعل طبيعية ..

وصدقني اني حطيت نفسي في مكانك وتأكدت اني كنت بسوي مثلك واعظم يمكن..

حسين رفع عيونه:لكن انتِ مو في مكاني..

اريج ولا كأنها سمعته:حسين حبيبي انت كان لك حق باللي سويته..

حسين رفع عيونه المليانه دهشة لها ..

اريج:مو مصدق كلامي ؟

صدقني ياحسين انت لك حق تزعل لأن هم ماكان من حقهم

يخبوا عنك ان ابوك كان عايش..!مو يوم مات قالوا لك انه كان عايش..!

يتبع..

» واحد رفع صوته على ابوه فرد عليه رد يعور القلب
» مفارش للسرير حلوة مررررررة ,,
» كل واحد يتوقع الاسم الحقيقي للاعضاء لعبه حلوة مررررررررررررر
» ][ اهديناه فأهدانا - رائعة من القلب إلى كل قلب ][
» قصه تهببببببببببل وتعور القلب<<تصيح