وقال القلب آه: قصة وايد وايد حلوة !!

** *** *** **** ***
وصلوا بيت ام راشد لبيت ام ناصر واستقبلتهم بدرية بكل كرم

واشراق متناسية مشاكلها الجانبية..

وراحت نادت وفاء عشان تسلم على الضيوف وتقعد معاهم شوي..

ودخلت وفاء والخجل باين عليها وسلمت عليهم ومعاها ليلى وعبير..

وقعدوا ثلاثتهم جنب بعض..

ام راشد اطالع في وفاء وليلى وتقول في خاطرها ان ثنتينهمماشاء الله

حلوين واطالع في عبير اللي كان ممكن تكون هي زوجة ولدها..

وليلى بعد الصراحة ام راشد انغرمت في ليلى ورقتها بس مثل ماقالت

اريج وفاء مناسبة راشد اكثر..

اما عبير انصدمت يوم شافتها ام راشد اللي خطبتها

من كم يوم ورفضت عشان ناصر ..!!

ام راشد:شلونكم بناتي؟؟

كلهم:بخير الحمد لله..

ام راشد:وشلونكم مع الدراسة؟؟

كلهم بردود متفرقة:زين.. طيب ..ماشي الحال..

وبعدها قامت وفاء وجابت لهم عصير وقدمته لهم..

اريج:مشكورة غناتي..

وفاء:العفو ولو..

او راشد:جزاك الله الف خيير..

وفاء ماتعرف ترد وابتسمت لها..

وشويه من السوالف بعدها طلعوا البنات من غرفة جلوس الحريم وراحوا الصالة..

وابوها وناصر كانوا في المجلس مع حسين وراشد..

وفتحوا لهم الموضوع طبعا وقالوا لهم انهم بينتظرون ردهم..

وطبعا قال لهم انه كان خاطب وعلمهم سبب فسخ الخطوبة

بشكل صريح جدا لأنه مايبي أي مشاكل بعدين..

وبينت ام راشد بعد ماطلعوا البنات انهم مستعجلين بالموضوع

وانهم يبون ردهم باسرع مايمكن وبعدها بيملشون ويسون حفلة خطوبه

وبعدين عاد هم يتفقون بينهم على متى العرس..

واتقبلت ام ناصر كلام ام راشد لأن من حقهم يقولون

اللي في خاطرهم كله وارتاحت لها كثير في حال انها بتطمن على بنتها عندها...

وبعد ماقالوا اللي عندهم كله اتصل حسين لأريج

وقال لها يطلعون وهو ينتظرهم في السيارة..

وقاموا الحريم يسلمون على ام ناصر وطلعوا..

الا راشد ماطلع لأنه كان يكلم ابو ناصر ويقوله انه ان شاء الله

يتقبل كل شروطهم واذا البنت ودها تكمل دراسة مابيمنعها ..

ولما طلع راشد بعد ماسلم عليهم كانت ليلى تطالع من النافذة..

ليلى:وفاء لحقي لحقي شوفيه اللي خاطبنج واايد حلييو ماشاء الله..

عبير راحت بسرعة تطالع:الله وسيم ورزة وفاؤوه تعالي شوفيه شكلة شخصية..

وفاء :اووه سكتوا عني مابي اشوف شي ..!! وركبت غرفتها..

ناصر دخل مع ابوه وتفاجأ بسماع صوت عبير في بيتهم..!!!

ناصر وسعود دخلوا الصاله بعد ماطلعوا ضيوفهم..

ناصر بعده يفكر شلون عبير في بيتهم وهو مايدري فضل ساكت..

سعود: ها بنتي عبير شلونك؟؟ وشلون ابوك ؟؟ واحلاموه الشريرة؟؟

عبير:هههه بخير الحمد لله.. وتقدمت لعمها تسلم عليه وباسته على

راسه بخجل..

عير: انت كيف حالك ياعمي؟؟

سعود:الحمد لله.. الا وينها وفاء؟؟

ليلى: وفاء ركبت غرفتها يبه..

سعود: طيب عن اذنكم بروح اكلمهاا..

عبير ساكته وحاقرة ناصر والألم كله في قلبهاا..

ناصر مستغرب ان عبير ماتكلمت معاه وحس ان شي صاير ..

هي امس كلمته وماقالت له انها بتجي

وماكانت زعلانه عليه يوم تسكر منه فاحتاار..

ليلى بمسخرة: ناصر حبيبي تفضل ماكو احد غريب..

ناصر ماتحرك ولاتكلم..

ليلى: اوه صح نسيت اعرفكم على بعض المعذرة.. ناصر هاي خطيبتك عبير..

عبير هاي خطيبك ناصر..!!

ولا حركة ولاكلمه..!!

ناصر اللي صار يعرف يمشي دون ماحد يمسكة

لأنه تعود ع الضلام اللي ممكن يكون جزء لايتجزأ من حياته...

ليلى حست ان هالأاثنين بينهم شي غريب او زعلانين على بعض : شفيكم؟؟

ماحد رد..

عبير: يلا انا بروح البيت..

ناصر حس ان شي مضايقها :

لا عبير شلوون تروحين البيت وانت ماقعدتي معاي..

تعالي نركب فوق الغرفة نسوولف شوي يلا مسكيني اخاف اطيح

>> قالها بمرح يمكن تضحك بس ابد ماتكلمت..

عبير كانت تبي تتكلم عشان ترتاح شوي فراح له وبتردد مسكته من يده

وركبوا الدرج مع بعض.. وليلى تدعي لهم بالصلاح..

** ****** * *** *** ** *** ** **** **
وفاء كانت بغرفتها غارقة في التفكير..

تحس بالخووف والحين هي ندمانه انها ماراحت تشوف راشد

يوم قالوا لها عبير وليلى تحس يمكن لو شافته وارتاحت له

تطمن شوي بس مايفيد الندم خصوص انها ماتبي تتكلم عنه

ولا حتى تطلب منهم صورة له تخااف من النتيجة..

قطع تفكيرها صوت ابوها برا الباب: وفاء؟؟

وفاء: تفضل يبه..

دخل سعود وهو مبتسم ووراه بدرية المبتسمه بدورها..

سعود: اعتقد يابنتي انك عارفة ليه حنا جايين لك..؟؟

وفاء ماردت بس منزله راسها..

سعود: يابنتي رفعي راسك وخلني اشوفك..

وفاء مارفعت راسها كانت تصيح دموع وماتبيهم يشوفون دموعها..

هم فسروا هالحركة انها مستحيه..

بدر ية: يلا حبيبتي رفعي راسك.. شو هاي تستحين من امك وابوك؟؟

وفاء رفعت راسها ..

سعود بشهقة: تصيحييين؟؟ ليش ياوفاء؟؟

بدرية وهي تضحك: هههههههه من الحين خايفة تفارقيناا..

لاتخافين حبيبتي تو الناس..

وفاء هنيه ضحكت غصباً عنها..

سعود: ايه هاي بنتي اللي اعرفها..

بدريه: المهم حبيبتي احنا جايين نكلمك في الموضوع عشان مانبيك تقررين خطأ..

سعود: شوفي يابنتي انا اشووف هالريال مره زيين وكويس وماعليه كلاام

واحس انه بيسعدك وهو في الحقيقة نال على اعجابي تدرين ليش؟

وفاء بخجل: ليش؟

سعود: لأنه كان صريح معانا وواضح وجا وقال لي انا ابي بنتك

بس على فكرة انا كنت خاطب من قبل وفسخت الخطوبة..

وفاء: اها

بدريه: بس تراه يابنتي مو عيب انه يكون خاطب من قبل

وانا بعد الصراحة ارتحت لأمه لأنها خوش انسانه طيبه وحنونه

وبتتطمن عليك معاها..

وفاء تحس ان مالها راي بهالموضوع بس ساكته..

سعود: شوفي يابنتي انا انصحك تفكرين وتدين علي بأسرع وقت

رغم انه ماله داعي التفكير يوم اني واثق منه..

بدريه تقاطعه: لاتضغط عليها خلها على راحتهاا..

سعود ولاكأنه يسمعها: المهم يابنتي ابي رايك هاليومين

عشان تراه مستعجل ويبون الملشه لو حصل نصيب يوم الخميس..

وفاء: ان شاء الله ..

سعود: بس الافضل توافقين ياوفاء هاذي نصيحتي لك..

بدريه: خلاص سعود هي اللي بتتزوج خلها براحتها..

سعود: انا ابوها وعارف مصلحتهاا..

وفاء تبي تفك هالنزاع لأن راسها يعورها:حاضر بفكر يايبه وان شاء الله خير..

طلعوا عنها امها وابوها وهم مرتاحين انهم كلموها وهي تقبلت منهم...

وفاء محتااره خايفة ترفض اللي يبدوا ان ابوها مصر عليه ويحاول يجبرها

وامها توقف معاها وتصير مشكله بسببها يالله.. وقامت تصلي ركعتين عشان ترتااح..

****** **** ******* ****
عبير بعد ماوصلت مع ناصر غرفته قعدوا على الأارض

المفروشة متقاربين من بعض..

ناصر: عبير شفيك؟؟ شو اللي مضايقك؟؟

عبير: سااكته..

ناصر: عبير يكفي انت مطنشتني صار لك كم ردي علي لاتعورين لي قلبي..!!

عبير.. تصييح..

ناصر بعد ماسمعها تصيح : عبير تصيحين؟؟ ليش عبير؟

خبريني باللي مضايقك؟؟ صدقيني بسااعدك انا زوجك..!!

عبير عورها قلبها وهي تسمع منه كلمة زوجك رغم انه زوجها

الا انه يخونها وقالت بأنفعال:انت تحبني ياناصر؟؟!

ناصر مستغرب من سؤال عبير: اكيد احبك لاني لو مااحبك ماتزوجتك..!!

عبير: طيب ليه تزوجتني؟؟؟!!

ناصر وهو صج محتار: لأني احبك..!!!

عبير: طيب ويومك تحبني ليه تكلم بنات غيري يعني انا مااكفيك؟؟!

ناصر وهو مندهش: متى انا كلمت بنات غيرك؟؟

عبيربتحدي: اليووم..!!

ناصر : اصلاً انا اليوم ماكلمت حد ..

ايه صج كلمت واحد صديقي بس لا وهو اللي متصل لي..

عبير: ايووه ووصلناا وهذا الوااحد هو اللي خبرك اخبار اللي تكلمهاا..

ناصر : عبير منو اللي قايل لك هالكلاام .. عبير اكيد اللي قال لك يبي يخرب بيننا وو......

تقاطعة عبير بغضب: وتنكر بعد ياناصر .. شووف انا ماحد قال لي ..

انا سمعتك بنفسي وانت تكلمه وتتكلم عنها...

ناصر: عبير فهميني ووضحي لي انا مو عاارف انت ايش تقصدين بالضط ؟؟

الله يخليك قولي اللي عندك بدون لف ودوان..!

عبير قالت له كل اللي سمعته وقلبها يتقطع..!

ناصر توه فاهم السالفه كان وده يضحك بس يبي يحرق اعصابها شوي..

عبير: والحين تقدر تنكر وتقول لي ان هالكلام ماصار؟؟

ناصر بهدؤ خوف عبير: لاا مااقدر..

عبير وهي منقهرة: طيب بسرعة قولي شسالفتها هاذي وكل شي عنها

لاترى والله ياناصر ماشي بيردعني اقطع علاقتي بك حتى حبي لك

مابيمنعني انا اكره شي على قلبي الخياانه..!!

ناصر: هههه وطلعتي غيووورة ..

عبير فوورت اعصابها خلاص: وبعدييييين نااصر..

ناصر: ههه خلاص والله بقول لك بس وعديني اول ان الكلام اللي

راح اعترف لك فيه مايغير شي بيننا ومايغيرك علي لأني احبك وماقدر اعيش دوونك..

عبير: طيب يلاا قووول

ناصر: وعديني اول..

عبير: انت قوول الحين..

ناصر: طيب هاذي ياطويلة العمر وحده اعرفها من زماان

يعني من ايام ماكنت في الثانوية امم يعني بالضبط في ثاني ثانوي..

بصرااحة وانا تعلقت فيهاا كثير وحبيتهاا وهي الوحيده اللي يفضلها قلبي..

عبير بغييرة وحقد: وليش ماتزوجتها هي يوم انك هالكثر تحبهاا؟؟

ناصر بأسى وحزن: لأن في السبب تمنع هالزواج منعاً باتاً ياحبيبتي

واولها حبي لك اللي فاق كل شي..

عبير: طيب كمل القصة..

ناصر: المهم هي اصلها انجليزي واسمها كريستل..

وشنو اقول لمك عن شعرها ياقلبي عليه يجنن مووت ياخذ العقل....

عبير تقاطعه بقهر: ماعلينا منه شعري احلى منها همم..

ناصر: ههههههههه ياغيورة اكيد انت احلى بس هي غييير

شو اقول لك عنه لونه ذهبي اشقر قمحي ماينعرف له مميز وحلوو..

عبير: والنهااايه ناصر.. وكان صوتها يرتجف كأنها بتصييح..

ناصر: على فكره انا شريتها بفلوسي ولا كان ماشفتاا..

عبير فهمت غلط: انت حقير اصلاً.. وتحس انه طايح من عينهاا..

ناصر خلاص ماقدر يستحمل وقرر يعترف:

هههههههههههههههههههههههههههههههههههههههههههههههههه

هههههههههههههههههههههههههههههههههههههههههههههههههه ههههههه

خلااص حبيبيتي لا تصيحين بقول لك شي..

هههههههههه كريستل هاذي فرس عندنا في المزرعة

تعرفين شو يعني فرس يعني انثى الخيل وهاذي هدية ابوي

يوم نجحت في اول ثانوي وانا احبهاا وايد وكانت مريضة

وانا اتطمن عليها من المسؤول عن المزرعة ههههههههههههههههههههههههه..

عبير ..!!!!!!!!!!!!

انصدمت ابد ماخطر على بالها هالشي>> ولا انتوا مااخطر على

بالكم هههههههههههههههااااااي..

عبير: فرس؟!

ناصر: وطلعتي تغارين علي ياعبير؟؟ لهدرجه تحبيني؟؟

عبير بخجل: واكثرر آسفة ناصر ماكنت قاصده اللي قلته بس والله لو كنت مكااني..

ناصر: لاتكملين عبير انا فاهمك بس يعني حللو انك تغاارين شي جديد علي ههههههههه..

عبير: هههههههه

ناصر: والله احبك عبير..

عبير: وانا اكثر ياناصر..

ناصر بحزن: وهذا رغم اني ماقدمت لك شي من اللي تستاهلينه...

عبير قطعته: لااا ناصر لاتعور لي قلبي بهالكلام انت قدمت لي

اكثر من ماتظن انت قدمت لي الحب والحناان اللي يكفوني

ويجبروني اعيش معك طوول العمر.. بس ها دون خيانه..

ناصر: هههه اكيد دون خيانه والله ما اقوى على خيانتك

انت القمر عندي وش لي بالنجوم..

عبير استحت وسكتت..

ناصر:هههههههه استحت البنت واللله ادفع مليون ريال بس واشوفك وانت مستحيه..

عبير: اوه نااصر..خلااص عاد..

ناصر:ههههههههههه

عبير: يلا بروح لوفاء اشوفها قبل لااروح..

ناصر: لاتمي معاي مافيه تروحين..

عبير: لا بروح لحبيبتي وفاء..

ناصر: هممم منو تحبين اكثر انا ولا وفاء؟؟

عبير بدون تفكير: وفاء..

ناصر:هاااه روحي لها خلاص مابيك يالجارحة جرحتيني

وانا اقول ماتحب احد اكثر مني هئ هئ هئ.

عبير:هههههههههههه تدري اني كنت اكرهها كره العمى من قبل..

ناصر:هههه كيف وليش؟؟

عبير: ههه الحين اقول لك على فكره هذا كيف وليش كنت اتابعه البرنامج هههااي

ناصر:ههههههههههههههههانزين شو سبب كرهك لاختي ياللي ماتستحين...

عبير:هههههههههههه والله هي السبب ياعزيزي

هاذي يوم كنا بمتوسط اول ماانتقلنا للعيش في البحرين....

قاطعها: قبل لاتكملين صحيح انتوا ليش جيتوا عشتوا في البحرين

يعني احنا انولدنا هنا انتوا ليش جيتوا؟؟

عبير: ايه هاذ لأنه سلمك الله يدتي فاطمه هي اصلها بحريني..

ولما تزوجت يدي عاشوا في البحرين بس امي خطبها ابوي

من السعوديه اصله بس عايش مع امه وابوه في البحرين

وكانت احلامه انه يتزوج ينتقل لبلدته الأصليه وماكان عندها مانع

انها تروح السعوديه لكن لما مات يدي بعد فتره طويله الله يرحمه

مايصير نخلي يدتي فاطمه بروحها في البيت في البحرين

فقلنا لها تجي تعيش معانا في السعوديه هي رفضت

تقول ماتبي تطلع من بيت زوجها وتبي تقعد في بيتها وذكرياتها

مع زوجها فأبوي ماكان عنده حل غير انه احنا نجي البحرين

عشان نعيش مع امه في البيت وماتصير لحالها وكذا جينا..

ناصر:اهاا شي طيب..ايه وبعدين كملي سالفة وفاء..

عبير: ايه هريتني بالسوالف والله وين وصلت لما انتقلت للمدرسة

اللي فيها عبير واحنا بمتوسط >اعدادي..

ماصادقتني الا بشاير وهي كانت صديقة وفاء وزينب بعد صديقاتنا الحين..

المهم صارت بشاير تقعد معي كثير وتتركهم لين ماعصبت وفاء

وجات تقول : تركي بشاير في حالها هي صديقتنا وانت سرقتيها منا..

ناصر: مثل ماسرقتي قلبي..!

عبير:هههههه وبع انتقالي بأسبوع بعد هوشات كثيرة

عرفتني بشاير على شلتها..وصرت مع وفاء مثل مانت شايف

من اعز الصديقات وعلاقتي فيها صارت اقوى من علاقتي ببشاير

اللي كانت هم علاقتها بزينب اقوى معاها..وهيك..

ناصر: ههههههه انتوا يالبنات هاي حركاتكم..

عبير: لا وازيدك من الشعر بيت.. لما انتقلنا لثانوي بعد سنه

صاروا في بنات معانا هم توأم وشايفين حالهم تصدق صرنا تنقرش فيهم

ومانحبهم ولا نشتهيهم وهم بالمثل وكل نتهاوش معاهم..

ناصر:هههههههه ايه وعاد اجتمعوا وفاء وعبير خلاص يقصون على الناس..

عبير:ههههههههه على قولتك.. وفي هاللحظة

اتصل بها ابوها يقول لها انه جاي بالطريق..

*** ** **** ** ********* ***

تبع

غرووومه يادوووبه كملي يلا
ولاتحطين سوي سوي

لما وصلوا راشد وامه اريج بيتهم ورجعوا بيتهم قعدوا في الصاله

وقام راشد يحن على امه ويعور راسها وخواته يضحكون عليه..

راشد: يلا عاد يمه وصفي لي البنت خوب انا مابكلها..

نوار: بس ياولدي هي بعدها ماصارت على ذمتك..

راشد: ان شاء الله بتصير بس انت قولي لي خلني اعرف مواصفتها..

نوار: طيب انت لاحق على شوفتها ان صار نصيب..

راشد: اووه يمه..

نرجس: عادي يمه قولي له لو تدرين في ناس يودون صورة للمعرس

عشان مايتراجع بعدين مو بس وصف بالكلام..

نوار باستسلام: شو اقول لك البنت حلوة طويله وجسمها حلو

يعني وشعرها بعد ماشاء الله طويييييل وعيونها خضراء وبشرتها بيضاء

وبس شو تبا اكثر من كذا..؟؟

راشد: يعني جميلهة؟!

نرجس: نعنبو كل هذا وتبي تقول انها مو جميله..

الكل:ههههههههههههه

كوثر اللي كانت سرحانه قالت بكوميديه: تصدقون مادري ليش احس اني اعرفها..

الكل:هههههههههههه

نوار: لاتخاف ياولدي انا اخذت لك اللي يعجبك..

راشد: وانا واثق من اختيارك يمه..
_ _ _ _ _ __ __ _ _ _ _

كوثر متمملله وهي تطالع الساعة 8 نص وقررت تتصل بشهد..

صاح التلفون اللي كان في الوسط بين خليل وشهد اللي منمجه بالمشاهد..

صاح ورفعه خليل: الو..

كوثر وقلبها طبوول: الو السلام عليكم..

خليل ماعرفها اول مره يسمع صوتها بالتلفون: وعليكم السلام ياهلا..

كوثر: ممكن اكلم شهد..

خليل: ايه لحظة..

وسمعته يقول لشهد ان التلفون لها وسمعت شهد تقول له اسألها منو..

خليل: منو اقول لهاا؟؟!

كوثر وهي خايفة من ردة فعله: قول لها كوثر..

خليل تفاجأ وكان وده يقول لها بالشوق اللي يحمله قلبه لها بس كرامته ماتسمح له..

ورمى السماعه على شهد..

شهد: الو..

كوثر: الو..

شهد: لاحظت احباط في صوت كوثر: شو بلاك؟؟

كوثر: ولا شي شهد دقايق وبرد اتصل..

شهد: اوكي انتظرك..مو تتأخرين خوفتيني عليك يالدبه..ههههه

يلا باي..

سكرت من كوثر وخليل وده يسألها شفيها بس مايقدر ..

شهد لاحظت انه سرحان وهي ماتكلمت معاه على ذاك اليوم

فحبت تفتح هالموضوع الحين..

شهد: خليل..

خليل :همممم

شهد: شو صاير بينك وبين كوثر؟

خليل: انا مابيني وبينها شي عشان يكون صاير شي..

شهد:اهاا بس على فكره حبيت اقول لك شي كوثر مافيه منها

واذا انت حاطها في بالك ماراح تلاقي احسن منها فاسبق قبل لاتضيع منك ..

وطلعت من الغرفه..

خليل مارد عليها بس صار يفكر بكلامها..

التلفوون صاح مره ثانيه ورفع خليل: الو نعم..

كوثر: الو شلونك خليل؟

خليل: كوثر انت شنو يوم تقولين لي شي وبعدها تقابليني بأعصاب بارده

دام انك مابغيتي تبينين لشهد شي لاتتظاهرين في امور ثانيه و.......

كوثر ماتقدر تتحمل اكثر: يكفي ..!! وين شهد؟؟

خليل نادى على شهد وهو منقهر ورد جلس مكانه ومسوي نفسه

منمدمج بالتلفزيون مع ان اعصابه نااار..

شهد:اهليين كوثر..

كوثر: اهليناات..

شهد: شو فيه صوتك؟

كوثر: ولاا شي..

شهد:امممم خيرر

كوثر:شنوو

شهد:ههههههههه

كوثر: جنيتي؟

شهد:وااايد

كوثر:ههههههههه خبله..

شهد: احبك شسسوي..

كوثر:امممم

شهد: شو هاي الأغنيه اللي تسمعينها؟

كوثر: اغنيه للهرمي..

شهد: سمعيني يااها..

كوثر: امم طب بس حطيه على السبيكر..

شهد:ههههه لااا بحطة سبيكر لأنه اذوني ماتتحمل..

كوثر:هههههههه طيب يلا سمعي..

خليل كان يسمع ومسوي نفسه مايسمع ويحس ان كوثر تبيه

يفهم انها تقصد له هالأغنيه..

شكراً على كل شي..
قلته كذب عني..
وانا اللي غير الخير ماجاك شي مني..
واللي علي قلته لاما توقعته..
ياليت كل الناس باعوني مو انت..
مو قادر اتصور ان انت تتغير.. ان انت تتغير..
طيب انا شسويت.. وفأيش انا مقصر.. وفأيش انا مقصر..
اهديتك قلبي واخلصت في حبي لكن على كلٍ يسامحك ربي..
واللي علي قلته لاما توقعته..
ياليت كل الناس باعوني مو انت..
في رايك وظنك.. بعد اللي جا منك.. بعد اللي جا منك..
غلطان انا لو قلت..الله الغني عنك... الله الغني عنك..
واسمح لي وبلا لوم ..لتختصر هاليوم ..
انساني والتوقيع محبوبك المظلوووم..
واللي علي قلته لاما توقعته..
ياليت كل الناس باعوني مو انت..
_ __ _ _ _ _ _

وقالت كوثر بعد ماانتهت الغنيه وهو بعد سبيكر: ها سمعتيها خلااص؟

شهد: ايه سمعتها حلوة كلماتها وتعور القلب لو كانت لشخص معين..

كوثر: اااه..شهوود ان شاء الله بعده سبيكر؟؟

شهد شالت السبيكر: ههههه والله نسيته..

كوثر:هههههه انزين..سمع؟؟!

شهد:هههههههه ايه

كوثر: الله يستر ..اوكي شهوده بسكر الحين واشوفك بكره..

شهد: اوكي عمري.. يلا سلمي ع نرجس..

كوثر: يوصل ان شاء الله يلا سي يوو..

وسكروا عن بعض وكل وحده رااحت لأحلامها وتفكيرها باللي عندها..

أي والله كلٍ يغني على ليلاه..

** * ** * ** ** **** ** ** **
بعد ماركبت عبير مع ناصر ضلت ليلى في الصاله وحيده.. ريم طالعه مع زوجها ..

وفاء في غرفتها مع امها وابوها .. وهي تصييح مفتق ده امها وابوها..

طلعت الحديقة وهي تفكر فيهم هم صار لهم اكثر من اسبوع

المفروض يتصلون بس لين الحين ماسمعت عنهم أي خبر وهذا مضايقها..ق

عدت في الحديقة على الكرسي المريح اللي محاوط الطاولة الفخمة

الموجوده بالحديقة عشان جلساتهم..

وهي تتذكر ايام دلالها ودلاعتها بين احضان امها وابوها..

وردت رجعت داخل وخذت من شنطتها اللي لين الحين ماركبتها دفترها

الل يتخربش فيه خرابيط الجامعه ومعاه قلم ورجعت مكانها على الكرسي

وفتحت الدفتر وبدت تكتب..

موتنا المشاع..

>>وكتبت بعدها وعيونها تمتلي دموع..وتخط يدها اصدق مشاعر طالعه من قلبها..واخلص دعاء لربها انها تسمع خبر عن امها وابوها..

تغادرك الأشياء..
وينكسر الحلم بعيداً..
من النبض إلى الشوق..
من الصبر إلى الغرور..
تلفضك الأرجاء..
كل وردة تفتحت..
وكل لحظة تألقت..
وكل شمس تضوأت,,
حطت على جدائل الهوى كالرماد..
لا ليلنا يضم ماتريد..
ولا صباحنا يلم مايشت..
يسيل من ايدينا الزمان..
وتنعت الأايام بيننا المسافه..
وننوي البعاد,,
نقرب ويذوب في ضلوعنا الشعاع..
ويطلع الصدا..
يالوعة الضياع في الضياع..
ضياع بدون اعز الناس على قلبي..
ضياع في لحظة اشتياق لأكثر ماتهواه نفسي..
ضياع هو بالحقيقة ليس بضياع..
انما فقدان واشتيااق..
لكما حبيباي..مامي وبابي..
ل.م..
_ _ _ _ _ __

سكرت دفترها وتنهدت تنهيده من الخاطر ..

وقطع الصمت اللي هي فيه رنين جوالها اللي حطته على الطاوله..

شافت المتصل ( احلى سالم).. ابتسمت ورفعته:هلا وغلا سلومي..

سالم: هلا فيك خالوتي..

ليلى:ههههههه ايه كذا قول لي ياخالتي مو ليلى كأني اصغر عيالك

سالم:هههههه فديت اصغر عيالي بعده مايا لاتطرينه..

ليلى:ههههههههههه ومتى تتوقع ناوي يجي؟؟

سالم:ههههه قريب ان شاء الله قريب عشان كذا انا متصل في خالة

اصغر عيالي ولااا خاله على فااضي..

ليلى:هههههههه لا على ملياان..

سالم: هههههههههههه تذكرين يوم اقول لك اني ابيك في سالفه

وبتصل على جوالك هاذي هي..

ليلى: اييه صح يوم خطوبة ناصر.. الا صج شلون جنان؟؟

سالم:الحمد لله تحسن عالي وبصراحة تعرفين حسام صديقي..؟!

ليلى:ايه..شو بلاه؟

سالم: هذا يحب جنان اختي وقريب بيتقدم لها وعلى الله ترضى به..

ليلى: زين والله خبر حلو..الله يوفقها يارب.. المهم نرجع لموضوعك الحين..

سالم: ايه اكيد بنرجع..

ليلى:ههههههه يلا قوول انا اسمع..

سالم:اول في حد معاك..

ليلى: نو بدي ولااحد ابد انا في الحديقة..

سالم: طيب سمعيني..

ليلى: اوكي اسمع انا..

سالم: احم احم شوفي انا فكرت اني اخطب لان صرااحه

سني مناسب الحين وانا اشتغل ومو ناقصني شي..

ليلى: برافو عليك..

سالم: ولما جيت افكر منو اخطب .. مافكرت بغير وفاء بنت خالتي..

ليلى ضحكت لأان وفاء تكرهه وهو يفكر فيها صج دنيا غريبه: ههههههه

سالم: شحقه تضحكين؟؟

ليلى: سلامتك ولا شي.. كمل..

سالم: ايه وابيك تكلمينهاا وتسألينها عن رايها..

ليلى: انت تحبها؟؟

سالم: لاا مو احبها بس بنت خالتي واعرف انها حلوة وخلوقه

وين بلقى احسن من كذا وخصوصا ان طهارتها تعجبني

واحس شخصيتها تناسبني فهمتيني؟

ليلى حمدت ربها انه مايحبها عشان بعدين لو انها رفضته مايصير

فيه شي ولا ينحبط ويقدر انه يختار غيرها بسهوله..

لكن الحين احتارت مو عارفه تخبره عن راشد ولاا لااا..

وبعد تفكير قررت ماتخبرة وتستشير وفاء اول بما انها ماعطتهم كلمه للحين..

ليلى: خلاص سلوم اعتمد.. ان شاء الله خير.. بس هاا

سالم: شنو؟؟

ليلى: شوف ياسالم الزواج قسمه ونصيب لو ماصار لك نصيب

مع وفاء لازم تشوف نصيبك مع غيرها اوكي..

سالم: اكيد ياليلى انا ماعندي مشكله لأني مو متعلق بوفاء

لدرجة الموت لاا عادي صحيح من زمان في بالي لكن لو هي مابغتني مثل ماقلتي

قسمه ونصيب..!

ليلى: تعجبني ياولد امك .. اللي هي اختي..

سالم:ههههههههه خلاص انا استنى ردك ايه ترى هاليومين يمكن نروح العمره..

ليلى: صج؟ خذوني معاكم..

سالم: حيااك

ليلى: اتغشمر بس منو بيروح؟

سالم: انا وجنانوامي انا للحين ماقلت لهم بس بعطيهم خبر ان شاء الله..

ليلى المسكينه اللي ماتدري انهم يبون الملشه الخميس:

خلاص لو مامداني اكلمك قبل ماتروح لما ترجع ان شاء الله..

سالم: اوكي يلا وسلمي عليهم كلهم..

ليلى: ان شاء الله الله يسلمك من الشر..
.. .. .. . .. . . .. . . .. .

جنان وبدور قاعدين في المجلس يتعشون بعد ماخلصوا البحث اللي حقهم ..

والحين خلصوا من العشا..

جنان: تسلم يدك حبيبتي مرره لذليذ..

بدور: ههه الله يسلمك مشكورة ..

جنان: لا صج مرره حلو طلعتي طبااخة..

بدور: اووه لاتخليني اصدق نفسي..

جنان: هههه صدقي نفسك والله ماامزح لذيذ..

بدور: يسلمو خيتوو..

جنان:ههه الله يسلمووك..الا منو اللي بالصورة؟>

واشرت على صورة بالجدار فيها اولاد اثنين صغار توأم..

قالت بدور: هاذوالي خواني امجد وايمن التوأم..

جنان:ههه توني ادري عنهم..

بدور: وفيه غيرهم ياختي..

جنان: كم انتوا؟؟

بدور: شوفي اول شي علاء اخوي وبعدين انا بدور وبعدين

ايمن وامجد 18 سنه وبعدين نور ومنار 14 سنه وبعدين احمد 6سنين..وبس..

جنان: ماشاء الله واايد الله يخليكم لا وتوأم ورا بعض..الله يعينكم..

بدور: اووف تعبوا امي مسكينه هههههه

جنان: حلو لكن انتوا كثير مو احنا بس انا واخوي الكبير سالم..

بدور:احسن لك والله من عوار الراس والقلب..

جنان:ههههههههههه حليلهم.. >>

وهي تفكر شلون هم 9 اشخاص في بيت صغير ومكفيهم

وعايشين بسعاده وهم بس 4 اشخاص في بيت يجي 4 مرات

من بيت بدور صج الله ياخذ شي ويعطي شي..سبحان الله...

بدور: تبين عصيربعد؟؟

جنان: لا مابي عصير بعد ابي حمام بعد..

بدور:ههههههههه تعالي معاي..

وطلعوا من المجلس وعلى اليمين تمشين شوي هذا هو الحمام..

بدور: تفضلي ست الحسن..

جنان:هههه انزين ست الدلال..

بدور:ههه حللوة طيب انا استناك في المجلس اوكي..

جنان: اوكي..

ورجعت بدور المجلس وهي ماتدري ان علاء كان بيدخل هالممر

يوم طلعوا ووقف مكانه يسمعهم..

وهو عاد مايهون عن حركاته راح وخطط له خطه صغيره

قبل لاتطلع جنان من الحمام عشان يسلي نفسه..خخخخخخ

جنان بعد ماطلعت من الحمام وكانت فاتحه وجهها

لانها ماتدري ان علاء يطالعها من بعيد وكان شعرها

من ورا كله ظاهر لان بكلتها طاحت.. وبس طلعت انزهقت:

بسم الله الرحمن من وين طالع؟؟

احمد: انا راجع موطالع..

جنان:ههههههه انزين وشو تبي؟؟ليه واقف هنا زهقتني..

احمد: سوري ماكنت ابي ازهقك كنت انتظرك..!

جنان باستغراب: وليه تنتظرني؟؟

احمد: عشان ابي اقو لك ان عيونك حلوة..

جنان مرتبكه شوي:هههههههه وشو درك ان عيوني حلوة قبل لاتشوفها؟؟..!!

احمد:هههه لأن علاء قال لنا كلنا ان عيونك حلوة..

جنان:هههههههه ايه.. وانت بعدحبيبي عيونك حلوة..

احمد:هههه ايه انا بعد علاء يقول لي ان عيوني حلوه لأانها مثل عيونه..

جنان: ايه شطور حبيبي يلا بروح اسلم على بدور لأني برجع بيتنا..

احمد: وانت وين بيتكم؟؟

جنان: بالدمام وين بعد!!

احمد: اييه يقولون يمكن احنا بعد في الدمام بيتنا لكن نسيت..

جنان:هههههههههه ايه يقولون..

>> بدور اللي استغربت من تأخر جنان وسمعت سوالف برا طلعت من المجلس..

بدور: شووف السباله انا قاعده انتظرك داخل وانت تسولفين مع هالهبل..

جنان:هههه حرام عليك اخوك تجنن سوالفه..

بدور: وانت احمدوه منو دازك علينا؟؟

احمد ببراءة علاء!!

الكل:هههههههههههههههه

وطلعت جنان وركبت السيارة وهي تتأمل بيتهم المتواضع

هو صج صغير وحليو وبسيط بس لام هالأاسره

الحلوة المتلايمه مع بعضها ويجمع بينهم الحب ..

صج ان بين اقاربهم وهم مشاكل الا هو اللي يحب بدور

وتحبه ومو قادرين ياخذون بعض بسبب مشاكل الورث وماورث

بس غير هذا هم سعيدين ومايحتاجون ورث..

وتمنت في يوم تعيش بي عايلة بهالشكل او يكون مستقبلها بهالشكل..

* ** ** *** ** **
ريم وخالد توهم حاسين ان الوقت تأخر كانوا في المطعم

بعدها راحوا ع البحر وتمشواوسولفوا واتفقوا ع شي

ان خالد خلاص من بكرة راح يداوم في شركه غير شركة عمه

شركه تتخصص باللي درسه هو في الجامعه وعمه موافق

وما عنده مانع وريم هم متفهمته انه يبي يعتمد على نفسه

وصلت ريم بيتهم: ها خالد مابتنزل؟

خالد: لااا بروح البيت مسكين نايف بروحه من الزهق اللي فيه

يتهيأ لي ماضلت بنت الا كلما وغازلها..

ريم:ههههههههههههه الله يعينه ويهديه..

خالد: ان شاء الله واوكي حبيبتي مو تنسي تجلسيني بكره الصباح

مابي اتاخر على اول يوم شغل ..

ريم: من عيوني لاتحاتي..

خالد: اوكي سلمي عليهم وعلى حبيبتي وفااء..

ريم: اييه ماعليه روح قول لها انت..

خالد: يالغيورة حتى من اختي تغارين لا والقهر هي اختك بعد..

ريم:ههههه ايه اغار عليك من الذبانة اذا جات جنبك فما بالك ببشر..

خالد:احم احم.. استحي عااد يكفي..

ريم:هههههههههههه يلا با وسلم على نايف حبيبي..

خالد:هاااااااااااااااااه عيدي ماسمعت..

ريم وهي تضحك: سلم على نايف حبيب اختي لأنه اخوها ههههههههههه

خالد:حسبتني سمعت شي ثاني ..

ريم:هههههههههههه يلا باايو..

ودخلت دااخل البيت وكان ناصر قاعد مع امه في الصاله

وليلى ركبتها بدرية عشان تلحق وفاء وتنام هي الثانيه..

وهادي ناام بعد وسعود ناام بعد..

ريم: السلام عليكم..

الكل: وعليكم السلام..

ناصر: ماتشوفين ساعتك اختي الكريمه راجعه متأخر؟؟!

ريم: وانت شو اللي حارنك انا طالعه مع ريلي شو يدخلك؟؟

ناصر: بس الساعة الحين تسع وشوي وانت طالعه من العصر فندق داخلة على بالك..

ريم: مالك خص يمه ماتشوفين ولدك ؟!

بدرية: خلاص ياناصر هي مو مسويه شي غلط وخالد زوجها

ومالك شغل فيهم خلهم يتونسون دام الحياه قدامهم قبل لااا..ااه

اقوول ريم حبيبتي يلا روحي ارتاحي وتركي المناقر..

ناصر: انا اللي قهرني انها تلاقينها حتى ولا تدري عن اختها..

ريم بخوف: شنو فيها وفاء؟؟

بدريه:ههه كذا خوفتها؟! مافيها شي يمه بس اليوم جات لنا ام راشد

وخطبتها لولدها..

ريم:صج والله كلللللللوش يابعد عمري اختي صارت مره..

الكل:ههههههههههههههه

بدريه: الله يهديها عاد وتوافق شكلها مو مشتهيه السالفة..

ريم: لا انشاء الله بتوافق وينها هي الحين؟

ناصر: نايمه..

ريم: بكره بسولف معاها وبشوف يلا انا تعباانه بروح اناام..

بدريه: روحي حبيبتي يحفظك ربي ويسعدك وشوفي هادي تاكدي انه مغطي زين..

ريم: ان شاء الله يمه يالله تصبحون على خير..

الكل:وانت من اهل الخير..

*** *** *** ** ** ** * *** ** **

احلام كانت مخلصة دروسها بدري الليله..

ودقت على نايف اللي اتصل لها بسرعة

وفي راسه افكار ناوي يحققها..وظلو يسولفون ساعه يمكن..

لين وصلوا لهالسالفة..

نايف: حبيبتي احلام انت تحبيني لدرجة انك واثقة فيني؟؟

احلام: وانا مغمضة عيوني بعد..

نايف: يابعد قلبي والله..

احلام: هذا لأني احبك..

نايف: انا بعد احبك كثير لدرجة اني صرت مااتخيل حياتي بدونك..

احلام: وانا بعد عمري..

نايف: طيب ماتظنين انك متشوقه لشوفة حبيبك مثل ماهو متشوق لك..

احلام: اكيد متشوقه لشوفتك .. امم بس انت وش تقصد؟؟

نايف: ابي اشوفك ؟

احلام: تو النااس على ماتتقدم لي توني استنى اخلص دراسة اول..

نايف:لااا ياحبي ماقصدت كذا انا!!

احلام: عجل شو قصدت؟

نايف: اقصد ان نحدد مكان مثلا حديقة ولا أي مكانونلتقي فيه

دون ماحد يدري انت تقولين لأمك بروح بيت صديقتي

احلام كانت تسمع كلام نايف لها وهي تفكر..
نايف: هاا احلام شو قلتي؟؟
احلام وهي تفكر بمنطقيتها الأوليه قبل لا تكلمه:
مستحيل نايف انت تعرف ان هالشي بيسبب مشاكل وايده..
نايف:أي احلام بس احنا بنتلاقى في مكان عام
عشان ترتاحين وبعدين احنا الا بنسوولف ونتكلم وجها لوجه..
احلام: لا ناايف ماقدر والله اخااف..
نايف: من شنو تخافين؟؟ مني انا؟؟
احلام: لا الله يهداك مو منك بس انا ماتعودت اتصرف كذا
انت صج الوحيد اللي قبلت اكلمك في التلفون لأني حبيتك
بس اني اطلع اشوفك من ورا اهلي
صعبه !!
نايف: انت كذا تثبتين لي انك لاتحبيني ولا شي وماتبين تشوفيني اصلا..!!
احلام: ناايف ارجوك افهمني انت تعرف اني احبك وتعرف بعد
ان اللي نسويه غلط بأن احنا نكلم بعض لكن كل هذا لان حبنا لبعض
مانقدر نخفيه الا بهالطريقة بليز لاتخليني ابتدي اخاف منك..
نايف مايبي يضغط عليها عشان ماتطير منه:
سمعي حياتي خلاص انت فكري وبكره ردي علي
يمكن تشوفينها الحين صعبه بس صدقيني لما تتصورين الوضع
نحن في حديقة مثلا انت بعباتك ولا شي متغير كأنك رايحه تتمشين
ومعك اختك الصغيرة تقولين لها قعدي هنا لعبي بروح الحمام
ونتلاقى شوي وترجعين لأختك بدون مايتغير شي..
احلام بعد ماسمعت خطته حستها عادية ومنطقيه وماراح تسبب مشاكل:
طيب بس بكرة برد عليك الرد الأاكيد بعد مااقول لأمي
اني ابي اروح واشوف متى بروح..
نايف بانتصار: امووواح ياقلبي فرحتيني بهالموافقة..
احلام بحيا: خلاص نايف بسكر الحين وبنام..
نايف: هههه استحت .. انزين تصبحين على خير ولاتنسين تحلمين بي يااحلامي..
احلام:هههه اوكي يلا وانت من اهله..
وسكرت عنه وهي تفكر بكلامه وتقول مافي مضرة لو شفته وشافني
وكأنه واحد من اللي يمشون في الحديقة عاادي
وبتكون دانه لاهيه باللعب وانا بشوفه بسرعه وبرد..
ايه خلاص بكرة بستأذن من امي وبشوووف..
وراحت تغسل اسنانها وتتوضا عشان تنام مرتاحه..
>> صج انها متربيه خوش تربيه بس مسيطر عليها وهم
ومخليها تسوي الخطأ والله يبصرها ويهديها..

*** *** *** **** *** **

جنان قعدت متضايقة من اللي صار لها بعد مارجعت من بيت بدور..
وتحس بأنها بتختنق من وجودها بهالبيت ..
واللي صار لها امس.. بأنها لما رجعت نادها ابوها
ابو سالم: تعالي يابنتي ..
جنان: هلا يبه..
ابو سالم: ها توك راجعه..
جنان: ايه يبه لأن تونا مخلصين دراسة..
ابو سالم: انزين ياجنان ووين رحتي انت؟؟
جنان: قلت لك بيت صديقتي بدور..
ابو سالم: شولون وضعهم في بيتهم؟؟
جنان فهمت التلميح: وضعهم ماشي الحمد لله..
ابو سالم: اها ماشي لكن هل مثل ما انا موصيك؟؟
جنان بان الحزن عليها وبانت الكراهية لهالوضع في عيونها:
لاا يبه مو مثل ماوصيتني..
الأبو حس بحزن بنته بس مايبيها تختلط بناس
اقل منها مستوى ويصير لها اللي صار له:
خلاص عجل ليه بعدك مصاحبتها ؟؟ اقطعي علاقتك بها لأنها مو من مستواك..!!
جنان فتحت عيونها مندهشة ودموعها تهدد بالسيلان:
شو تقول يبه؟؟ بدور صديقتي الوحيده..
ابو سالم بتهديد: وانا ابوك الوحيد..
جنان بدت تصيح:يبه حرام عليك شو سوت لك هي بدور الوحيده
اللي ارتحت لها انا يبه مقطوعه بالجامعه لاصديقة ولا ونيسة غيرها
وانت السبب يبه خلاص يبه مليت من هاي العيشة
انا مابي اكون غنيه عشان انحب انا ابي انحب لشخصي
مثل مابدور حبتني يبه ليش انت تغيرت يبه انت اللي كنت تنصحنا
بالتواضع وتعلمنا الأاعتماد ع النفس وتقوول لنا........
قاطعها وهو يشوفها تصيح وهو متلوم بس يظن انه
في مصلحتها لأنه ماتعرف شو ممكن يصير لها:خلاص جنان
يكفي كلاام روحي غرفتك..
جنان وهي بعدها تصيح وخايفه ان ابوها يصر عليها
بمقاطعة بدور الوحيده اللي صدق حبتها وارتاحت لها:
يبه لكن بدور يبه بكلمها مابقع علاقتي فيها ارجوك يبه
لاتمنعني صدقني انها ماراح تظرني يبه انا اهم شي عندي رضاك
واعرف انك تهت لسعادتي وانا سعادتي بتنقص بدون صديقتي الوحيده..
الابو متقطع قلبه ع كلام بنته وقال انه هالمرة بيمشيها لها:
طيب يابنتي لاتقطعين علاقتك بها لكن احذري منها ولاتحاولين تصادقين غيرها
اقل من مستواك فهمتي علي ولا ترى غصب تقطعينها..
جنان براحه: ان شاء الله يبه >>
وحبت راس ابوها ع الطاير وراحت غرفتها ودموعها بعدها ماجفت
وتحس انها كادت تفقد شي غالي..
>> وسالم كان بيدخل يوم سمع هالنقاش وتنهد من الخاطر
وهو متضايق وراح لأابوه ويبين عليه العصبية:
يبه اسمع انا متضايق من منطقك الجديد والغريب
لكن انت مصمم على صحته انا ماراح اناقشك اكثر بس بقول لك
اني يوم الأاربعا باخذ جنان اختي وامي وبنروح مكة نزور بيت الله
عشان تهدى النفوس واتمنى تعطي امي الموافقة وماتعارض..
ومشى عنه رايح لغرفته وهو مره متضايق

** *** * ** ** **
بدور وليلى وصلوا الجامعه وراحوا الكفتيريا مكان مايتلاقون
مع باقي الشلة قبل الكلاسات.. واجتمعوا كلهم ماعدا هيفاء ..
ليلى: غريبه هيفاء ماوصلت بعدها..
بشاير: ايه صح غريبه هي ماتتأخر ..
وفاء: يمكن متأخرة شوي شدراكم ..
زينب: هي فديتها شدراكم يمكن زحمه عليها الطريق..
عبير: خلاص الحين بندخل كلاساتنا واذا طلعنا وماشفناها
بنتصل لها على جوالها نتطمن عليها..
ليلى: ايه صح.. وراحت تساسر عبير في اذنها: تصالحتوا؟؟
عبير:ههههههههه ايه..
بشاير: بشو تساسرون ياللي ماتستحون؟هااه؟ ماتشوفنا معاكم؟؟
عبير:ههههه احنا اكثر من ثلالثة يعني عادي >> وطلعت لها لسانها تبحلس..
الكل:ههههههههههههههههههه >>
وكلهم ضحكوا من قلوبهم ماعدا وفاء اللي تفكر بمصيرها وزينب المشغولة
بمصير حياتها الحالية هي الثانية..
*** ** ** ** *** *** ** **
في المدرسة الثانوية اللي تضم احلام وزهرة ورجاء..
كان وقت الفسحة وكل بنت مجتمعه مع صديقتها وكل شلة بزاوية محدده..
ومكان محدد..
زهرة كانت متوجهه للحمام.. دخلت وشافت رجاء بروحها مقابلة المراية
وتعدل شعرها وكان فيه بنت وحده بس داخل الحمام ..
زهرة استغلت هالفرصة عشان تكلم رجاء..
زهرة بنظرة احتقار: لو سمحتي ممكن سؤال؟
رجاء ببراءة لاتصدق: طبعا حبيبتي تفضلي..
ولو اني ماعرفك بس هاتيها من الأاخر رجاءً..
زهرة وهي مومشتهيه تطالع في وجهها:
انت منو اللي حادك على احلام ؟؟ ليش مصرة تخربين البنت؟؟
انت خربانه لارقيب ولاحسيب بس احلام غير وانت خربتيها
حرام عليك ترى ذنبها في رقبتك.....
قاطعتها رجاء: شوفي انت ياحلوة انا ماغصبتها على شي وكل شي هي تسويه بأرادتها..
زهرة: بس انت اللي تنصحينها وهي تسألك وانت تزينين لها الامر
وعاادي عندك لكن لو قلتي لها لا هذا غلط ماراح ترتكب هالذنب ..
رجاء بقهر: شوفي انا مااشوفه غلط وعادي عندي وانت مادخلك اصلا
ولا احد حاطك محاميه..
زهرة: والله لخليك تندمين على اللحظة اللي فكرتي فيها
توزعين رقم احلام وبعدين تنصحينها تكلم وتسوي هالحركات
انا من البداية عرفت انك ورا هالسالفة وها التغير
صدقيني بتتمنين لو ان امك ماولدتك على اللي بيصير لك..
وطلعت عنها وهي معصبه حدها ورجاء تضحك وهي تفكر
مثلا شو بتقدر تسوي عشان تخليها تتمنى انها مانولدت
وتحس الفكرة مجرد تهديد وسخيفة بعد..

** ** ** ** **** ** **** * *** *

تبع

فدييييييييتج غروومه يلا كملي
لاتتأخرين علي ناطرررتج Wink

سالم راح الشركة اللي يشتغل فيهامع حسام وتلاقى معه
وقال له بانه شاور اهله وكلهم بيروحون معه مكة..
وتذكر سالم انه ماخبرهم فقال لحسام ينتظر بس يكلم امه في التلفون ويرد عليه..
سالم: الو وين ماما..
الشغالة: ماما دقيقة الحين نادي هي..
بعد شوي..
ام سالم: الو
سالم:هلا يمه..
ام سالم: شفيك سالم؟ صاير شي؟
سالم: لايمه الله يهداك انتوا بس في بالكم الشر ان جاي لك بالخير ..
ام سالم:هههه خوفتني والله مو عادتك تتصل لنا وانت في الشغل..خير ياولدي؟
سالم: الخير بوجهك يمه..بس كنت بقول لك ان انا قلت لأبوي ان بنروح يوم الأربعاء مكه..
ام سالم تذكرت هالسالفه: أي صدق يابني جاني ابوك امس وقال لي
اذا تبون تروحون روحوا ولا قال وش يقصد كان متضايق ..
وش السالفة؟وليه هالقرار المفاجئ؟؟
سالم: ايه يمه انا قررت نروح مكة عشان جنان اختي
انت سمعتي الطبيب قال لازم تغير جو وبما انها الحين جامعه
فبنروح مكه الاربعاء ونرجع السبت الفجر عشان ماتغيب
وتروح عليها دروسها وعشان ابيها ترتاح يمه وتنسى مشاكلها
وتهدى نفسها بشوفة بيت الله..
ام سالم فهمت قصده وهي فخورة بولدها اللي يحاتي اخته:
بارك الله فيك ياولدي خلاص احجز ماحد يعيف بيت الله..
سالم: ايه صج يمه ترى مابنروح لحالنا..!!
ام سالم باستغراب:منو بيروح معانا؟؟
سالم: بيروحون معنا قوم حسام امه وخواته..
ام سالم: ايييه حياهم الله زين انهم بيروحون معنا
والله اني احبهم هالناس قبل لااشوفهم ولهم فضل يوم انقذوني ذاك اليوم
فديت حسام ياولدي حافظ على علاقتك معاه تراه اخوك قبل لايكون صديقك..
سالم مرتاح من هالرمسه اللي بتسهل المهمة على حسام:
هي يمه اغاار شحقه تتفدينه هو وانا لا..
ام سالم:ههههههه قطع الله بليسك فديتك وانا من لي غيرك يالله رد لشغلك لايفنشونك..
سالم:مايرومون يحبوني هههههههههه..
ام سالم: حبتك العافية يلا مع السلامه..
سكر عن امه مستانس..
حسام: ها شو قالت..
سالم بنظرة جانبيه: وافقت شو قالت بس اسمع هالخبر باين ان عيوزنا تحبك..
حسام:هههههههه وانا بعد احبها هاي مثل امي وام حرمة المستقبل..

*** ** ** ***** ** ** **
** ** *** ***** * ** ***
رن جوال هيفاء وكانت ليلى متصله..
هيفاء: هلا والله بالقمر ليلى..
ليلى: هلا فيك عيوني .. وينك ليه غايبه عسى ماشر؟؟
هيفاء بابتسامه : ماشر ان شاء الله بس امي مرضت شوي وتميت معاها..
ليلى: اييييه والله خفنا عليك سلامتها ماتشوف شر..
هيفاء: الشر مايجيك..
ليلى: كل الشله تسلم عليك مع اصدق اأمنيات بالشفاء العاجل لأامك..
هيفاء ضحكت من طريقة كلامها:
ههههههههه الله يسلمهم ومشكورين وبوسي لي وفاء عني يلا مع السلامه..
ليلى: ان شاء الله مع السلامه..

سكرت ليلى وراحت باست وفاء اللي حمرت خدودها والكل ضحك عليها..
وفاء: شو هذا ليش بايستني؟؟
ليلى: ههههههه امانه من عند هيفاء..
عبير بمزاح: وش معنى وفاؤة وانا..
ليلى: مالك رب وفاء القمر مو انت وضحكو كلهم..
وفاء متعودة تخبر صديقاتها بأي جديد بحياتها مثل ماهم يخبروها
وكانت شلتهم من النوع اللي يشكون
لبعض ويتعاونون في حل مشاكل بعض..
ويخففون عن بعض لذلك لازم تقول لهم عن جديد حياتها واللي شاغل بالها..
وفاء: احم احم.. بناات عندي لكم خبر..
الكل التفت لها بأهتمام وطبعا عبير وليلى يدرون بس انتبهوا لها..
زينب : قولي ياقلبي الخبر اللي عندج عشان بعدها
بخبركم الخبر اللي عندي..
وفاء: طيب ..
بشاير: شو صاير؟؟
وفاء وهي مستحيه شوي صج انها كل شي تقوله لهم
بس كيف تقول لهم هاي الخبر اللي اول مره تجرب تقوله
بس استجمعت شجاعتها وقالت: امس جاو عرب بيتنا وخطبوني..
الكل تهلل وجهه من الفرح بس ماتكلموا يوم شافوا ملامحها الكئيبه..
بشاير: طيب وليش ما احسك فرحانه؟؟
وفاء: لأني للحين مو عارفة اوافق ولا ارفض..
زينب: ليش ماتبين توافقين..
وفاء: امممم خايفة..
بشاير تطمنها: لاتخافين وفاء ترى انا مريت بشعورك يوم انخطبت..
ادري انك تحسين حياتك بتتغير وبتصير عندك مسؤليه
وخايفة من مشاكل الازواج اللي نسمع عنهم بس هدي نفسك
ولا تحاتين هاي مشاعر طبيعية واحلى شي>>
وقالت بطريقة رومانسيه كوميديه: احلى شي حين تقعين في غراام زوجك..
الكل:هههههههههههههههه ضحكوا عليها لأنهم يعرفون
انها ماكنت تبي توافق وبعدها صارت مجنونه بحب خطيبها..
..
وفاء: يعني برايكم اوافق له؟؟
بشاير: اذا كان خوش ريال واهلك ماشافوا شي يعيبه
وافقي ليش لاا مصيرك بتنخطبين..
وفاء: ااه الله يجيب اللي فيه الخير .. وانت زينب شو موضوعك؟؟
زينب بان على وجهها الحزن بشكل كبيير..
بشاير كانت عارفه السالفه وتضايقت بعد..
عبير: هي زنووب خوفتينا قولي شفيك؟؟
وفاء: يابعد عمري ماتحمل اشوف نظرة الحزن بعيونك وباستها على خدها وهي تكمل: فضفضي ياختي..
زينب ابتسمت لأن وفاء على اللي فيها الا انها قاعده تواسيها..
زينب: امس امي رمستني ..
ليلى: عن؟؟
زينب: ان قوم عمي اللي في العين رمسوا ابوي
يبون يملجون في الأاجازة هاي ومعناتها انه ممكن يمنعوني
اكمل دراستي اللي يشوفون ان مالها لازم
دام ان ولد عمي يقدر يعيشني احسن عيشة..
وبان الحزن والضيق في عيون الجميع..
وفاء: يعني انت ما تبين ولد عمك ولا ماتبين تقطعين دراستك؟؟
زينب وهي متضايقة: لاهذا اللي مضايقني ولا هذاك..!
احتاروا..
عبير: عجل شو اللي مضايقك؟؟
زينب ودمعتها تطيح على خدها بكل سهوله :
لأني بروح عنكن ..وقامت تصيح..وهي تكمل رمستها:
بياخذني الأمارت بيسكني هناك وانا ماابي اطلع من البحرين
واودر وراي كل ذكرياتي واحلى ايام عمري معاكن والله مابي اروح..
وفاء دمعت عيونها وبحكم حبها الكبير والمميز لزينب
راحت عندها ومسحت دموعها: والله يازينب انه هالشي مزعلنا اكثر منك
بس لاتحاتين حبيبتي انت بقلوبناا..
بشاير ماتحملت وصااحت..
زينب: ادري وانتوا بعد فقلبي بس والله بشتاق لكن..
ليلى: يابعد عمري انزين وماتقدرين ترفضين؟؟
زينب: امي تعرف اني رافضة اني انتقل للعيش في الأامارات
بس ماتقدر تعترض لأني اخاف اتكلم
وتصير مشاكل بين العايلة وبين عمي وابوي بسبتي..
عبير: يمكن لما تقولين لأبوك يقول لهم شرط تعيشونها
في الأمارات..
زينب: ثرك ماعرفتي ابوي مايرفض لقوم عمي طلب
وهو لو مو مظطر يعيش هنا عشان امي كان من زمان راح العين
وسكن هناك عشان يصير قرب قوم عمي..
وفاء جات في بالها : طيب زنوب وانت تبين ولد عمك ولا بس عشان ابوك؟؟
زينب: بصراحه ماتفرق عندي لأني ماعرفة وانا من زمان اسمعهم
يقولون لي اني محيره لولد عمي وكبرت وانا ولا عمري شفته..
وفاء: خلاص حبيبتي لاتفكرين واايد وان شاء الله بتنحل مشكلتك
يمكن يوم تملشون وتقولين له برغبتك يوافق..
بشاير بوميض امل: صج زينب يمكن اذا صار يحبك ومايرفض لك طلب بيوافق..
زينب وهي رافعه ايدها: آمين..
وابتسموا كلهم لبعض وهم يستعدون اللي عندها كلاس واللي بترجع بيتهم..
** * ** ** ** ** * *** **
اما شهد وكوثر و نرجس كانوا ينتظرون الباص يجيهم ... بس هو تأخر..
الكل كان ملاحظ التغير اللي في كوثر..
كانت غيير عن قبل كله شارده في الحصص تفكر بخليل
وماتنتبه ودوم سرحانه وماصارت تدرس عدل..
ولا تأكل عدل وبس تفكر شيقصد خليل بكلامه وبأنها تتظاهر قدام شهد ومدري ايه...
عجزت نرجس من الكلام كانت تنادي اختها
اللي ماصارت تحس بوجودهم معاها وقلبها يعورها عليها
وهي ماتدري ليه تغيرت ماتدري شقال لها خليل بس بقلبها
وقربها الكبير من افكار اختها عرفت ان لخليل شغل في السالفه
وتلومت على اللي سوته..
راحت لها دزتها بخفيف: كوثرووه صار لي ساعه اناديك وانت سافطتني..
كوثر:هاا سوري والله ماسمعتك..
شهد تلوم اخوها على اللي تعانيه كوثر بس ماتقدر تكلمه
لأنه كوثر اعلى من انها تطلب من واحد يهتم فيها..
نرجس: انا بقووم اتصل في حسين اذا فاضي يوصلنا البيت
لأنه هذا السبال ماجا لنا هالهندي المنتف..
الكل:هههههههه
واتصلت في اخوها اللي قال لها انه بيجي بس في سيارة الشركه
عشان يخلونه يطلع وماتكفي الا شخص وقال لها شوفي شهد تكلم اخوها
اذا فاضي يحمل الثنتين الي ماقدر انا اوديهم..
واتصلت شهد باخوها وقال لها انه قريب من مدرستهم
وطلب منها بعد دقيقتين تطلع برا..يوم وصل..
شهد: ها منو بتجي معاي؟؟
نرجس: انا بروح مع حسين انتوا روحوا..
ومشت كوثر ورا شهد وهي مو في حالها الطبيعي
وكانت نرجس تراقب اختها من بعيد وشافت نظرة الأحتقار
اللي يطالع بها خليل كوثر اللي كانت منزله عيونها
وكأنها بتصيح وحست انها لازم تغير هالوضع عشان اختها
اللي شكلها خلاص تحب خليل ومافي مفر..
ومر عليها حسين بعدهم بكم دقيقة وروحوا..
كوثر وهي في السيارة تذكرت ان امها موصتنها تخلي السواق
يوقفهم بقالة وتاخذ لهم من هناك ليمون عشان السلطة ع الغدا
وهي تعرف امها بتنقهر فيها اذا ماجابت لها اللي طلبته
وفكرت تتصل لنرجس بما انها مع حسين لكن ماعندها تلفون..
فتشجعت وقالت لشهد اللي قاعد قدام جنب اخوها..
فتقربت من راسها وقالت لها بصوت سمعه خليل رغم
انخفاضه: شهود نسيت ان امي قايله لي امر البقاله اشتري لها ليمون
قولي حق اخوك اذا ماعليه امر يوقف شوي..
شهد: اوكي..وقالت لأخوها: خليل ممكن توقف البقاله شوي؟
خليل يبي كوثر هي اللي تقول له: ليش؟ ضروري؟؟ انا مو فاضي..
كوثر قالت بدون شعور كانها تترجى: والله بس دقيقة..
وسكتت كانها سوت شي غلط بس لانها تذكرت نظرة خليل اللي ماترحم..
خليل: وش تبون من البقاله؟؟
شهد: ليمون وشيبس..
سكت خليل ووقف عند اقرب بقاله ..
وفتح الباب ونزل مع البنات اللي نزلوا مستعجلين..
ودخلت كوثر ووراها شهد ووراهم خليل بنظارته الشمسيه
اللي يخبي نظراته من خلالهم وكان يراقب كوثر..
كان في البقاله اثنين شباب مايدرون ان خليل معاهم
لأنه دخل اخر شي يفكرون هالبنتين لحالهم..
كانت كوثر ماخذه الليمون وبتروح للحساب يوم وقف واحد من الشباب قدامها ..
كوثر خاافت منه ام هو بكل جرأه قال: وش هالحلاه!!!!
كوثر تدور خليل بعيونها تطلب النجده والخوف باين عليها..
خليل كان يتكلم مع الهندي راعي البقاله يوم التفت وشاف كوثر
تطالع فيه وهي خايفه والريال يتكلم وهي سافطته..
راح بسرعه تجاههم والغيره تنهشة ونار الحب مأثر عليه
وهو معصب قد الدنيا وناوي يقتل الريال.. راح وصار
ورا الريال اللي مايدري عن وجوده وراه..
وضرب كتفه بصبعه بخفيف كأنه يقول له التفت لي ابيك..
الشاب فكره صديقة وقال: اوه صبر عزيز بشوف هالجمال ليه لحاله..
وكان تجيله ذيك الضربه على ظهره وبعدها ظربه على ويهه سيلت الدم من خشمه..
بعدها قالت له كوثر بخووف: خلاص خليل اتركه..
خليل: لازم يتأدب مره ثانيه مايتعرض لأي بنت..
وشافته ناوي يذبح الريال: خليل والله مايستاهل تضيع مستقبلك عشانه اتركه خليل..
ووصلت شهد متروعه من اللي تشوفه..
كوثر راحت ومسكت ايد خليل عشان يترك الريال وهي تصيح:
بالله خليل خلاص لا تدخل السجن بتهمة قتله وهو مايستاهل
وهو خلاص ماقدر يسوي شي من لمسة كوثر له يحس نفسة
النيران تنخمد في قلبة وغير كذا ذااب وهو يشوفها تصيح كسرت خاطرة
كانت من قلب خايفة..
شهد: شو صاير خلونا نطلع ..
وراحوا حاسبوا بسرعة وطلعوا وركبوا السياره بصمت..
خليل في عالم ثاني وكوثر تحس بأنها ماتقدر تتحمل اكثر..
اما شهد ساكته وتدعي ربها يهدي خليل وكوثر تصير من نصيبه..
قبل لاتنزل كوثر بيتهم: مشكور خليل واسفه على الأزعاج اللي سببته لك..
وطلعت دون ماتعطيه فرصة يرد عليها...
ام هو تأكد انه مايقدر يعيش مع غيرها
اذا مو معاها لأنه مايقدر يسيطر على مشاعره ..
** **** ** * ****

تبع

** ** ** ** ** ** * ** * *** **
اقنعت ليلى وفاء انهم يروحون يتغدون في الحديقة
عشان تبي تخبرها بموضوع.. وبعد ماتغدوا..

وفاء: هاتي موضوعك اشوف وان طلع باايخ لأكسر رااسك..

ليلى:ههههههه حرام عليك والله انه موضوع مهم..

وفاء: طيب انا استمع ..تانْتْ >> قالت بالفرنسيه >خالة يعني..

ليلى: مافهمت لك بس يله بكمل ووفاء ضحكت وهي موجهه كل حواسها لليلى تسمع..

ليلى: شوفي حبيبتي امس اتصل فيني سالم ولد اختي اللي هو ولد خالتك..

وفاء ماردت تنتظرها تكمل مستغربه الكلام عنه..

ليلى: المهم وهو قال لي انه مقرر يتزوج..

وفاء: وانا شدخلني..

ليلى ابتسمت : مو انت اللي يبيها سالم يقول انه معجب في شخصيتك

وانه مابيلاقي اللي احسن منك وو......

قاطعتها وفاء بعصبيه:إِكْسْكُزيه مْوا > عذراً <

قالتها بعدم تصديق ..

وفاء اذا عصبت دووم ينطلق لسانها بأقرب شي يجي في بالها تعرفه بالفرنسي

وقالت تكمل :شو قلتي .. ليلى انت تعرفين اني مااحبه

ليش ماقلتي له على طول اني مستحيل اخذه..

ليلى برطمت: وفاء حرام عليك سالم مو شين..

وفاء: بس ابوه شين وبعدين انا خلاص قررت اقول لأمي اني موافقة على راشد..

ليلى نست سالم وفرحت عشان وفاء قدرت تطلع من افكرها اللي مو منطقيه..

وراحت لها وباستها وقالت

لها:مبرروك بنت اختي انا اول وحده اقولها ههههه

وفاء:هههههه الله يبارك فيك..

ليلى: خلاص انا بقول لسالم انك مارفضتيه شخصيا عشان مايزعل

بس بقول له انك وافقتي على واحد تقدم لك قبلة..

وفاء وهي تهز كتوفها بعدم اهتمام:كومْ فُو فُوليه

>> يعني :سوي اللي تسوينه .. كما تشائين..

ليلى: اووه وفاؤه ترجمي تدرين ماعرف هالخريط اللي تقولينه ..

ضحكت وفاء: ههه بكيفك قولي اللي تقولين مايهمني

بس اهم شي يعرف اني ماراح اخذه ..

. .. .. . . ... ... .... ...

خالد رجع من الشركه متضايق حده.. بعد هالفرحة اللي ماصدق

انه بيكون فيها صارت عنده اخبار ضايقته واايد

يمكن هو عادي عنده بس ريييم كيف بيخبرهاا!؟

وصل البيت بنفس وصول نايف من الجامعه..
نزلوا مع بعض ..

نايف لاحظ تكدر اخوه: خلوود شو بلااك؟؟ مال وجهك مقلوب؟؟

خالد: نايف الله يخليك اسكت عني مالي خلق..

نايف: افا يابو وليد كذا تفشلني ماعليه وانا اللي جاي اشووف مشكلتك ابي اساعدك..

خالد: اعذرني نيوف والله متضايق..

نايف: عسى ماشر فضفض لأخوك عساه يريحك..

خالد: اه شو اقول لك بس تعال خلنا ندخل ونبدل وناكل لنا لقمه بعدها بخبرك..

نايف: يله قوول لي وش صاير معك؟؟

خالد:اه طبعا انت تدري اني تركت الشغل في شركة عمي

عشان تعليقات الناس ودخلت في شركة جديدة تناسب ثقافتي..

نايف: كله معلوم .. كمل..

خالد: اول مارحت كنت اشوف نظرات الأرتياح بوجوههم

وكأنهم ممتنين اني رحت لهم وكأني منقذهم عاد انا استانست ومادريت ان وراها سفر..

نايف: سفر؟؟ وين؟؟ وليش؟؟

خالد: هالشركه اللي انا فيها لها فروع وايد في دول الخليج وبرا بعد

انزين لكن الفرع اللي بدبي عنده مشكلة ان المدير العام

ماخذ اجازة علاج مدتها شهر ونص ولازم انا اروح اداوم مكانه

عشان انقذ الشركه لانه ماحد عنده المؤهلات الكافيه يخلونه

يمسك الوظيفة غيري حالياً وطبعا انا ماقدر اقول لا لان تو الناس

ولازم اثبت جدارتي ومااقدر ارجع من هناك الا يوم الأربعاء

وارجع الجمعه بس هالكلام بعد مايعدي النص شهر اقدر انزل كل اسبوعين بس ..

لان مره فيه دوام يوم الخميس ومره لاا..

نايف ضاق خلقة شلون كذا ماراح يشوف اخوه الا بعد اسبوعين

وهو متعود يشوفه كل يوم لكن قال له يهون عليه:

طيب ياخوي روح وهي الا شهر وشوي وبتعدي بسرعه ان شاء الله..

خالد بيأس: وريم؟؟

نايف: بتتقبل ان شاء الله.. انت قول لها وما اظن تعارض

مكن في البدايه بس بعدين بتوافق اذا اقنعتها انك بسرعه بترد..

خالد: طيب خلاص انا بنام لي شوي الحين والمغرب بروح اخبرهم

كلهم لأني ورا بكره مساافر..

نايف: اوكي..انا بعد بروح انام.. وكل واحد راح حجرته وناام من التعب..

** ***** * ** ** * *** ** * **

** * **** *** **** * ** *
قبل لا يأذن راحت وفاء لأمها وابوها وخبرتهم بموافقتها

وفرحوا لها ودعوا لها بالسعاده من كل قلوبهم وقالوا لها تجهز نفسها

للملشه هالخميس ان شاء الله

******* *** ********
في المغرب راح خالد بيت خاله وهو خايف من ردة فعل ريم

بس قوى قلبه وقال لها ان يبيها بموضوع مهم هي لاحظت الجدية

اللي في كلامه فقامت بسرعه دون نقاش وركبوا غرفتها ..

ريم: خير خالد شفيك؟؟ قوول تكلم لاتسكت ؟؟

خالد: ريم بقول لك بس لاتقعدين تسوين لي فلم..

ريم: خالد خوفتني بالله عليك قول وريحني انت ماتقفل جوالك بالعاده شو صاار لك؟؟

خالد: الشركه..

ريم: شو فيها الشركه؟؟ ماارتحت؟؟

ماحطوك في تالمنصب اللي يليق بك شو السالفة؟؟

خالد: وحده وحده علي ياريم..

ولا شي من اللي قلتيه وبالعكس حطوني في منصب عاالي وايد بس الثمن اعلى ..

ريم كانت خايفه من كلامه: شو تقصد خالد حرقت اعصابي؟؟

خالد: لازم اسافر بعد بكرة اروح لفرع الشركه اللي في

دبي واستلم منصب المدير العام واتم فيها شهر ونص وماانزل الا كل اسبوعين..

ريم انصدمت ماتتخيل انهها تقدر تتحمل انها ماتشوف خالد شهر ونص..

ريم: ووافقت؟

خالد استغرب من هدؤها:

مظطر ريم لازم اروح عشان اثبت جدارتي لو رفضت بيطلعوني من الشركة..

ريم ودموعها في عيونها:

عادي خالد ارجع لشركة ابوي والله خالد حراام شو يعني بتحرمني منك

مايصير شركة ابوي مفتوحه لك..

خالد: وبعدين ريم مو بعد اللي فهمتك اياه..

ريم: بس شهر ونص واايد ..

خالد: اء ويتمسخر: مو وايد الا تدلعين انت..

ريم: احلف انهم مو وايد واليوم يمر عليك طويل تحس فيه بالفراغ..

خالد: ريم تحملي عشاني انا بروح ابلغ ابوك وامك وبكره بطلع معك

قبل ماروح وصدقيني برجع كل اسبوعين وبقعد معك طوول الوقت..

ريم تصيح مالها يد في أي شي وماتقدر تمنعه..

خالد: ريييم..

ريم......

خالد: ابي اروح وانت موافقه وراضيه علي عشان احس

اني بتوفق مابي اروح وانت زعلانه..

ريم: مب زعلانه والله يوفقك روح خلاص..

خالد: من قلبك؟؟

ريم: خالد انا موب انانيه لهدرجه..!

خالد: فديت قلبك وباسها على خدها وقال لها يلا بنزل تحت غسلي وجهك وتعالي..

** ** ** *** * *
نزل خالد وكان ناصر وهادي وسعود وبدرية قاعدين

جنب بعض.. ووفاء تطالع مسلسل في التلفزيون.. وليلى معاها..

خالد : سلاام..

الكل التفت متفاجأ ماشافوه يدخل: وعليكم السلام..

سعود: من وين دخلت وكيف نزلت من فوق..

خالد يمزح: نايم هنا من امس اصلا..

ناصر:هههه دور كذبه غيرها ماتروم تغيب عن الشركه اول يوم..

الكل:ههههههههه

خالد في نفسه يقول ليتني غبت..

خالد: دخلت من باب المطبخ لأني شفت ريم هناك وركبنا فوق ..

وفاء وهي بعدها تطالع تلفزيون: ايه لما يشوفها ينسانا كلنا..

الكل:ههههههههههه

خالد: بلا غياارة هاذي حرمتي انت حي الله اخت..

الكل:هههههههههههههههههه

وفاء: ماعليه يخلود مردوده لك لكن اكرررهك مابكلمك..

طنشها خالد دووم يدري انها تمززح وقال :

انا جايكم بموضوع مهم محتاج دعواتكم فيه..

الكل قام يسمع باهتمام..

سعود: شو ياولدي قول..

خالد: بعد بكرة بروح دبي عشان امسك منصب المدير العام

في فرع الشركه لمدة شهر ونص ومابرد الا كل اسبوعين..

ابو ناصرتفاجئ بس هو يعرف في الشغل فكان عادي عنده: الله يوفقك ياولدي ..

بدريه: ان شاء الله تروح وترد لنا سالم يارب..

وفاء كانت سرحانه تفكرر : وملشتي .. يوم عقدي..

شلون اعز وااحد على قلبي مابيحظر شلون اخوي احن شخص علي

بيغيب عني مو كفايه يدي ويدتي يبي يروح بعد لاا لازم يحظر الملجه

مايصيير انا اخته اولى من الشغل وقالت بصوت مخنوق: وانــا؟؟

خالد طالعها ومافهم قصدها ولا نظراتها البائسة

وقبل مايرد يسألها شو تقصد قال ناصر: وريــم؟؟

دخل عليهم ريم في الصاله وقالت: انا بروح معاه..

خالد التفت منصدم توه متفق معاها شو اللي خلاها تفكر كذا..

سعود: شلوون يابنتي تروحين وكلاام الناس؟

ريم: ماعليك يايبه من كلام الناس انا زوجته وعندي العقد

وماحد يقدر ينكر شو يعني لازم نسوي عرس يحظرونه الناس

عشان يتأكدوون انا مااتحمل اقعد وهو هناك شهر ونص ..

الكل سكت بس بعدها قالت ام ناصر لها : وملشة اختك؟؟

هنيه وفاء انفجرت ودموعها على خدها:

خليها يمه خليها ترووح هي وزوجها خليهم لأني حواليني ناس واايد ومو محتاجتهم ..

ولا كأني اختهم يبون يزيدوون الحزن اللي فيني وتصيح بشهقات :

مو كفايه يدي ويدتي اللي منحرمه من شوفتهم فرحانين لي

هو بعد يبون يغيبوون وطالعتهم وهي ماتشووف من الدموع المغطيه عيونها

روحوا وانا اكرهكم اكرهكم يا الأنانيين !!!!!!!!

وركبت الدرج بكل سرعه متوجهه لغرفتها وهي تمش دموعها ..!!!

يتبع..!!

الصمت والسكووت والدهشة كانوا اسياد الموقف..

بعد الكلام اللي قالته وفاء لريم وخالد.. الكل منصدم..

خالد قطع هالصمت وهو متفاجئ: عن شنو تتكلم وفااء؟؟ أي ملشة تقصدون؟؟

بدرية: ياولدي اختك امس تقدموا لها عرب زينين وايد واليوم بشرتنا انها موافقه!!

خالد بقهر: وشلون انا ما ادري؟؟!!

ناصر: لأنك ماكنت موجود من امس عشان تدري..

خالد: ريم شلون انت تدرين وتبين تروحين معاي وتتركين اختك

اللي محتاجه لك الحين اكثر من أي وقت ثاني؟!

ريم بعد كلام وفاء كأنها تذكرت شي ناسيتنه فقررت في قرارة نفسها

انها مهما كان لازم تضل مع اختها تساندها وبعدها تشووف طريقة

مع موضوع خالد فقالت بهدووء:

خلاص اختي اولى من اني اروح مكان ابي اروحه ومثل ماوقفت معاي

انا بوقف معاها.. عن اذنكم بروح غرفتي..

خالد يحس بتعب فضييع: ااه ياخالي شو اسوي الحين الكل عاتب علي ريم

من جهه ووفاء من جهه ونايف اللي مابين لي شي متضايق ومع هذا طموحي في جهه..!!

سعود: خالد ياولدي ماعليك منهم الحين هم منصدمين كثر مايحبونك

ومتعودين على شوفتك فما يتصورون ان الشهر ونص قصيرة

لكن مع الوقت بيتقبلون انت لازم تبني وتثبت نفسك الحين

عشان تقدر تعرس بعد شهرين ولا بتظل معتمد علي ههه هااه ؟؟

>>قالها اغاظة له..ومزح..

خالد مبتسم ومرتاح من كلام خاله شوي:

ههههههه لا اكيد ابي اعرس وانا معتمد على نفسي..

ناصر: صج اني اتضايقت في البدايه بس كلام ابوي هو الصح والله يوفقك ياولد عمتي..

خالد: تسلم نااصر..

تكلمت ليلى اللي كانت تتابع بصمت ولا كأنها موجودة:

طيب ووفاء ياخالد؟؟ شلون بتغيب عن اهم يوم في حياتها؟؟

انت ماتدري شكثر هي تحبك؟؟!

خالد يطالع ليلى اللي يبان خوفها على وفاء بعيونها:

انا مظطر يااختي شسوي وبعدين هي الا ملجه

ان شاء الله بحضر عرسها الأهم من كل هذا ..

وانا بروح لوفاء الحين بكلمها وبقنعها بعد.. عن اذنكم..

الكل: اذنك معاك..

ركب خالد لعند غرفة وفاء وطق الباب..

خالد: حبيبتي وفااء فتحي الباب.... لما ماردت وفاء..

خالد: وفااء ياحبيبة اخووك خالد فتحي الباب ..

يله عااد لاتخليني واقف واايد ريولي عورتني..

وفاء ماترد عليه وكانت تصيح بقووه وهو يسمعها تصيح وقلبه يتقطع عليها..

خالد: وفاء لاتصيحين حياتي والله مايستاهل الموضوع تصيحين كذا..

وفاء انقهررت: مايستااهل ياخاالد !! ماهقيتها منك

والله في حياتي ماتصورتك تقول ان يوم ملشتي شي مايستاهل !!

ممكن كنت اتوقعها من ناصر بس انت..!

للأسف خيبت ظني.. > وكملت صيااحها..

خالد: لا وفاء مو هذا قصدي وفاء فتحي الباب خليني اكلمك..

وفاء: روح خالد روح مالي مزاج اكلم حد..

خالد راح بعد ماعجز منها لانه عارف عنادها اللي مو طبيعي

وعارف انها مستحيل تفتح له الباب..

* ** *** ***** *** *** ***
بيت ام راشد كانوا كلهم يتعشوون ماعدا كوثر اللي مابغت تقول مالها نفس وشبعانه ..

رن التلفون وقامت ردت عليه: الو مرحبا..

بدريه: مرحبتين هلاا بنتي..

كوثر: هلا فيك خالتي ..

بدرية: هنا امك؟؟

كوثر وهي تطالع في امها: ايه قاعده تاكل..

بدري: خلاص لاتقومينها خليها تاكل بس بشريها قولي لها تقول لك

خالتي بدرية مبرووك ان شاء الله البنت وافقت والملشه مثل مااتفقنا الخميس..

كوثر مستانسة: ان شااء الله خالتي الله يبشرك بالخير ..

بدرية: يله حبيبتي مع السلامه وسلمي عليهم كلهم..

كوثر: الله يسلمك.. مع السلامه..

نوار: منو في التلفون يمه؟

كوثر: يمه هاذي خالتي بدرية تقول لكم مبروك البنت وافقت

والملشة مثل ماتبون يوم الخميس..

راشد رفع راسة وكانه متفاجأ هو كان يدري ان بيسمع شي من هالقبيل

لكن الظاهر شعور الرفض عنده تكرر فتعود عليه..

كانت عيونه بلمعتها مبينه شكثر هو فرحاان..

نوار: الله يبارك فيها .. هاا رشوود مستانس؟؟

حسين: هه مبروك رشوود ..

راشد: ههههه الله يبارك فيكم تو الناس الله يتمم على خير..

نوار: ايه بارك لاخوك دورك جاي بعده ان شاء الله..

حسين تغيرت ملامحه كأنه خاايف: ها يمه شقلتي لا ماسمعت..

الكل:ههههههههههههه

نوار: سمعت ولا لا مو شغلي بنخطب لك بعد اخوك بفترة عشاان ارتاح انا..

كوثر: ايه صج حسوون خذ شهودة مابتلاقي احسن منها..

نرجس: صج والله..

حسين وهو يأشر براسه ان هالسالفه منتهية ومافيه كلام فيها:

لا حبايبي انا اللي اختار منو ابي مو انتوا

>> وكانت في باله انسانه مهذبه خلوقه مثل ليلى..

نرجس حست باللي في باله بس تضايقت لانها تعرف بحب شهد له..

نوار: صدقهم شهد واايد حللوة وخلووقه ياولدي بس صغيرة عليك احين

مايصير اخوكم الصغير زوجته اكبر من زوجة اخوكم الكبير..

الكل سكت كوثر زعلانه عشان شهد بس ما باليد حيله..

ولازم توعيها من احلامها لأن ارتباطها بحسين شكله مستحيل..

وهي لازم تتقبل واقعها..

** **** *** **** ** *** ***** ***
جنان لما بلغوها انهم بيروحون مكة فرحت بس تضايقت

يوم درت ان حسام بيروح معاهم..

ورغم انها مستانسة انها لأول مره بتسافر مع بنات غيرها مو بس لحالها ..

** **** ***** *** ******** **
مر هاليوم واشرقت شمس يوم الثلاثاء واللي متضايق واللي مرتاح وكذاا..

البنات راحوا دواماتهم.. وخالد اتصل في الشركة وبلغهم انه مابيداوم

لأنه يبي يجهز اغراضة وهم رخصوه..

اتصل لريم الحزينه وقال لها بيمر عليها عشان يروح بيتهم

ويجهز شنطته وهي تساعده..

البنات التقوا مع هيفااء في الجامعه وارتاحوا لشوفتها بخير

ووفاء خبرتهم انها وافقت والكل بارك لها ..

جنان التقت ببدور وقالت لها انها بتروح مكة وهاذي قالت لها

تدعي لها عند بيت الله انه يحل مشكلتها وتلتئم عايلتهم من جديد

عشان تقدر تكمل خطبتها للي تحبه..

وجنان طمنتها انها بتدعي لها من صميم قلبها..

*** ***** ***** *** ** **** *** *
العصر في بيت ام عبير..

احلام كنت منسدحة وتفكرر.. فجأة قامت واتقربت من امها..

وهي متجاهله يدتها الي قاعده تسمع راديوا جنبهم..

احلام: يمــه.. ولما ماردت عليها امها عادت: اوه يممممه ؟؟

هدى: ها شو تبين؟؟

احلام: ابي استـأذن منك بشي و ياليت ماترفضين..

هدى:شو تبين ؟ وتكلم روحها: الله يستر.....!

احلام: يمه بكرة الربوع انزين وانا ابي اطلع اغير جو

وقلت بروح اتمشى في الحديقة شوي وباخذ معاي دانه

عشان تلعب بعد وبتفق مع رجاء صديقتي تروح ونتونس شوي..

هدى: طيب روحي شتبن اسوي لك يعني قولي لأبوك وان وافق روحي..

فاطمة: صدق بنات جيل فااسد احنا نعنبو الدنيا كنا مانعتب من الباب

وانت تبين تروحين لارقيب ولا حسيب..

احلام: انا مو رايحه اتصيع يدتي رايحه اتمشى..

هدى: الله يهداك عمتي شو بعد بدون رقيب وحسيب احلام عاقلة وفاهمة

ومتربيه ماتسوي الغلط ان شاء الله..

احلام واايد تأثرت من كلام امها وماعرفت شو تسوي...

ماتبي تزعل نايف ومثل ماقال بيكون الوضع عادي كلها 5 دقايق

اللي بتوقفهم معاه وبترجع على طوول..

دخلت عليهم عبير: سلاامي عليكم..

الكل: وعليك السلاام..

فاطمه: هلاا بنيتي هلاا بالقمر المنور

عبير وهي تبوس راس يدتها: انت القمر اماايه الله يخليك لناا..

هدى: ها عبير تغديتي؟؟

عبير: ايه يمه الحمد لله..صج بقول لكم وفاء انخطبت وملجتها يوم الخميس..

احلام: صج مبروووك والله انها تستاهل..

هدى: منو اخذت؟؟ولد ام راشد؟؟

عبير : ايه يمه والله استغربت يوم شفت ام راشد هناك..

هدى: بعد الريال يبي يعرس ماخذك بياخذ غيرك..الله يوفقها وفاء بنت تستاهل كل خير..

فاطمة: خووش والله الله يسعدهاا..

الكل: آمييييين..

** ***** ** * **** ** ***** *

بدرية: ها وفاء شو تبين عشان يوم الخميس؟؟

وفاء: مثل ايش يمه؟؟

ليلى: يابنت بلا ذكاء زايد فتحي عقلك ملشتك يوم الخميس..

وفاء بتفكير: طيب واذا؟؟

بدرية: هاذي اللي بتجنني..يايمه شي اكيد ان راشد بيطلب يشوفك

ولازم تلبسين شي حلو وبسيط عشان في الحفله تصيرين غير...

فاء بسرحان وهي تضحك: تصدقون توني منتبهه انه اسمه راشد..

الكل:هههههههههه

وفاء: عادي يمه عندي الثوب البطيخي الي خذته من السعودية اخر مره

رحنا فيها وبعده جديد ماصارت مناسبة البسه فيها لانه ناعم وماناسب خطوبة اخوي ..

بدرية: ايه صح حلو خلاص يفي بالغرض.. والمكيااج؟؟

وفاء: عادي بحط لي انا لأني مابي شي مبالغ فيه.. ماصارت ملشة هي مو الحفلة..

ليلى: ههه الله يهديك بس..

** * *** ***** *** **** ***** **
عبير كانت تسوولف مطولاً مع نااصر اللي منعزل في غرفته

لأنه يكلم عبير وتوه مسكرر ..

كانت عبير بتروح غرفتها تنام شوي لما صاح التلفون مره ثانيه راحت رفعته:

الو هلاا

زهرة: اهليين هلاا عبيرووه القااطعه..

عبير:هههه هلاا زهوور شسوي والله منشغله..

زهرة: ايه بعد انخطبت وخلاص عاد اربع وعشرين ساعه لازقه في خطيبيها..هههههه

عبير انصدمت وفهمت انه مقلب:

هههههه خسك الله لا والله بعد الجامعه المهم انت شخباارك؟

زهرة:بخير الحمد لله انت كيفك مع حياتك الجديدة؟؟

عبير: تمام ماشي الحال..

زهرة: هاا وينها احلام؟؟

عبير: احلام دخلت غرفتها بتنام شوي عشان تقعد وتذاكر..

زهرة: اهاا وبتردد ملحوظ قالت: امم عبير.. انت .ما..؟ وسكتت.

عبير: وشو فيك زهرة قولي ليه خايفه؟؟

زهرة: مو خايفة بس كنت ابي اسألك : انت ماتلاحظين ان احلام متغيرة عن قبل؟؟

عبير باهتمام وتفكير: شلون يعني متغيرة؟

زهرة: مادري بس اقصد تصرفاتها ..عاداتها ؟؟

عبير: امم تصدقين للأسف اني من انخطبت صج انشغلت وماصرت اهتم

في احد لكن مشكورة انك وعيتيني لهالنقطة بس انت شو اللي خلاك تسأليني هالسؤال؟؟

زهرة تورطت ماتقدر تقول لها وتسبب لاحلام مشاكل:

هااه لا بس يعني انا احسها وايد متغيرة..خصوصا من صارت دووم مع رجاء..

عبير: ايه يالغيورة ههههه الحين عرفت السالفة..

زهرة بحزن واضح: ماعرفتي شي اصلا انت ماتدرين ان رجاء هاذي مو زينه ابد ..

سمعتها خاربة عند الكل..

عبير: اها خلاص انا بحاول اشووف تصرفات احلام

واشووف اذا متغيرة ولا لا وبحذرها من رجاء هاذي طيب يله بااي زهورة..

زهرةبفرح خفيف: شطوووره ..باي باي..

وسكرت عبير وهي تذكر ان احلام ماكانت تحب الجلسة في غرفتها

هالكثر والحين العكس دووم في غرفتها وماصارت تتهاوش مع يدتها

واايد اكيد في شي يشغلها وقررت عبير تراقب احلام وتصرفاتها نوتشوف شو بيصير..!!

** * * ***** ** **** * *** ***

** * ***** ** **** ****** ***** **
ريم مع خالد في بيتهم توهم مخلصين تجهيز اغراض خالد

في الشنط وملابسة وكل ضرورياته وبيروح هناك وبياخذ له اكل..وكل شي يحتاجه..

خالد: يله ريم نروح بيتكم بسلم على الكل عشان باقي 3 ساعات

وتطير الطيارة لازم اوصل قبل ساعه المطار..

ريم ودمعتها في عيونها:يله..

خالد: ريم.. .. ريم طالعيني ..!

ريم طالعته..

خالد: ريم لاتصيحين اسبوعين وانا عندك ان شاء الله ولما تستقر اموري

هناك يمكن اخذك معي بس الحين لازم تبقين عشان وفاء اللي للحين زعلانه علي..

ريم: ان شاء الله خالد.. تروح وترجع بالسلامه ان شاء الله..

خالد: ان شاء الله وكل ساعة بتصل لك بخليك تملين مني هههههه

ريم:ههههههه

وباسها على خدها بهدوؤ..

بعدها راحوا ريم وخالد ونايف بيت ابو ناصر..

هناك كانوا كلهم قاعدين في الصاله .. سعود..بدرية..هادي..ليلى..ناصر..وفاء..

دخلوا خالد ونايف وريم ..

خالد انظارة على وفاء اللي من شافته قامت ركبت غرفتها..

خالد: يله جاي اسلم عليكم بروح الحين..

وسلم على الكل ماعدا وفاء اللي رفضت تطلع له او تسلم عليه

وراح وهو متلوم بس الظروف لها احكامها ..

وصله نايف المطار.. ونزل عشان يروح يخلص اجرائاته بعد ماوصى نايف

على وفاء اختهم الوحيده واللي يحبونها من ايام الطفولة وربت بينهم

وربوا بينها مثل الاخوان واكثر ووصاه يستسمح منها ويسلم عليها

ويقول لها انه مابييأس من الأتصال فيها ولازم ترد عليه..

وراح وهو متطمن من باقي النواحي..

** **** ** ** *** *** **** **
اما بدرية حاولت تتصل في اختها عشان تبشرها عن امها وابوها وعن وفاء

وتعزمهم رغم انهم مستحيل يجون الملجة عادة مايجون الا حفلة الخطوبة

بس مالقتهم دوم الخدامه ترفع وتقول لها انهم طلعوا...

>كانوا يجهزون اغراضهم لأنهم من الساعه خمس الصبح بيروحون المطار

** **** **** * ****** *** *** *
.... يوم الأاربعاء ....

الساعه خمس الصباح كانوا جنان وسالم وامهم في السيارة

متوجهين للمطار عشان بيتلاقون مع قوم

بيت حسام هناك.. ووصلوا على الساعه خمس وعشرين دقيقة وكانوا واقفين يخلصون

الاجرائات الأاوليه عشان الطيارة..

** * * * ** * ** ** ***** *

** * *
** ** * ** ** *** ***** ***
عبير الصباح قبل ماتروح الجامعه وبعد ماراحت احلام المدرسة ..

دخلت غرفة احلام وراحت تدور جوالها وشافته تحت المخده بس مقفول

حاولت تذكر رقمها السري وعرفته لأنها ماغيرته من اول ماشترت الجهاز

وحطوا له رقم سري..ودورت فيه رسايل وارقام

كان كل شي فيه طبيعي مافيه شي يسيء

لأحلام .. بس مايأست لازم تعرف شو سر هالتغيير اللي في اختها

ولو اظطرت انها تسألها شخصياً..!!

* ** **** *** * * ***** ** ** **
لما كانوا قوم سالم يتابعون الأجرائات وصلوا قوم حسام...

دخل حسام وجنبه امه ووراهم خواته ايثار ومناهل..

وكانت مناهل تساسر ايثار وهي تضحك وتطنز: مو مصدقه اني بكون في طيارة

وحده مع سالم هههااي..

ايثار: ههه غربلك الله عيب يابنت تأدبي..

مناهل: شوو خليني اعبر عن مشاعري لأني صرااحةً ما اصدق اصلا

ان عند اخوي صديق اسمه سالم فالحين هي لحظة الحقيقة..

ايثار:هههههههه انت مابتجوزين من هالسوالف ..

ووقف حسام قدام سالم وسلم عليه..

حسام: شلونك خالتي؟؟

ام سالم: بخير ياولدي عساك بخير؟

حسام: بشوفتكم والله..>> واسترق نظرة لجنان البعيده كليا

كانت تطالع في جهته صج لكن سرحاانه..

ام سالم: اقربوا حياكم..

ام حسام: هلاا والله بأم سالم اخيرا ليقناكم شعلومكم شخباركم؟

ام سالم: بخير الحمد لله.. ودزت جنان اللي توها منتبه لوصولهم

وقالت لها: سلمي عااد..

جنان بخجل: هلاا شلونك خالتي عساك طيبه..

ام حسام رق قلبها لها وهي تسمع صوتها الرقيق:

بخير يابنتي انت شلونك؟؟

جنان: الحمد لله..شلونكم بنات ان شاء الله بخير؟

ايثار: تمام الحمد لله..

مناهل: بخير طبعا دام اخيرا شفنا سالم المصون..

ايثار:ههههه

ام حسام: اوه مناهل تأدبي عيب..

جنان:ههههههه ليش؟؟

ايثار: ماشي بس هاذي هي مو مصدقه انه في شخص اسمه سالم

يعرف اخوي من زمان لأنها ولامره شافته..فالحين صاير عندها معجزة..

الكل:هههههههههه

سالم تقرب منهم ومعاه حسام : افا ياخالتي ماسلمتي علي!!

ام سالم: طالع هذا مو المفروض انت اللي تسلم مو هي اللي تسلم..

الكل:ههههههه

ام حسام: لا شدعووه عزيز وغالي شلونك ولدي؟؟شلون الشغل معاك؟

سالم: بخير خالتي الحمدلله انتوا شو مسوين ان شاء الله

كل شي عندكم اوكي وجاهزين للسفر؟؟

ام حسام:ايه الحمد لله..

وراحوا يخلصون اجرائات مع بعض والأمهات يسولفون

والشباب يسولفون بس البنات يستحون تعرفونهم ههااي بعدهم ماخذوا على بعض...

بس ان شاء الله بياخذون..
***** ******* ** ****** ***
وفاء اتصلت على نايف اللي ماطولها وقال لها يسكتها انا جاي لك الحين بيتكم..

وفي عشر دقايق كان الجرس يدق..

فتحته وفاء بسرعه عشان ماتصحي امها من النوم..

وفاء: ادخل ادخل يالسبال شو فيك خوفتني..!

نايف: الناس تقول تفضل..صباح الخير وانت سبال مره وحده..؟!

وفاء ابتسمت: سووري ماي بروذر اتفضل.. صباح الخير..

نايف وهو مبتسم ابتسامه عريضة:صباح الورد والسكر ياسكر..

وفاء: احم طبعاً طبعاً وش فيك نيووف؟؟

نايف: اممم مبروووك خيتوو واخيرا بتصيرين مره

وفاء قفطت:ههه الله يبارك فيك وانا مره من زمان يالياهل انزين..

وبحلست عليه

نايف: انا ريال قوي بعد >> كانوا من صغرهم يتهاوشون كذا انا مره وانا مو يهال

الكل:هههههههه

نايف: ايه قلت انا الله يعين ريلك هذا اللي بتدلعين عليه ليل نهار

الخوفه يردك لنا من ثاني يوم..

وفاء انقهرت: لا والله احلف اقوولاطلع برا بيتي جاي وتهينني بعد شو

يخصك قاعده على قلبك انا ؟!!

نايف يدري انها تطنز فضحك وقال بأسى:

ايه يابنت الناس قاعده على قلبي حبك خانقني مو قادر اتنفس منه ..

وفاء:هههههههههههه غربل الله بلييسك..

نايف:هههه عشان تعرفين اخوك حركاات..

وفاء:ايه اعررف انا انك حركاات خصوص يوم بتلاحق البنات ياللي ماتستحي.
.
نايف يغير الموضوع: ماعلينا انا عندي لك رساله..!!

وفاء: رسالة؟! من منو؟؟

نايف: سمعي يااختاه ترى خالد سافر وهو وايد متضايقانك ماسلمتي عليه

ولايم نفسه بعد حرام عليك رحميه هو قال لي استسمح له منك واسلم عليك

وقال لي يرجوك انك تردي عليه لانه ما بييأس وبيتصل لك ..

وفاء سكتت ودمعة عيونها تكلمت:

بس نايف هو اخوي واللي اقرب لي من ناصر حتى شلون مايحضر معاي

اهم يوم عني يوم بيغير حياتي كلها..

نايف يغايظها ومسوي نفسه زعلان:

يعني انا ما اكفيك ياوفاء ماهقيتها منك والله يعني الحين هو اخوك

وانا لاا لكن ماعليه بروح ومابرجع لك بعد..

وفاء:ههههههه تعال لاتسزي نفسك ماقصدت كذا بس انا نفسي تكونون

كلكم حواليني عشان مااخاف واتطمن..

نايف: لاتخافين عمري احنا معاك وبعدين عذري خالد السبب ظروفه

هو ماتعمد هالشي وهو اصلا يتمنى وجوده معاك اكثر منك يمكن..

وفاء: خلاص نايف الراسله وصلت .. الا تعال شلون انت هنا مو عندك جامعه...

نايف يساسرها وكانه خايف حد يسمع: هربت من الجامعه..

وفاء:ههههههههههههه عنلااتك يالخام ماتدرس ابد ..

نايف: ملل والله..

وفاء: ممالت عليك اقول بس استنى لاتروح بروح ابدل ملابسي

عشان توصلني بطريقك الجامعه وترجع جامعتك..

نايف: ان شاء الله عمتي أي اوامر ثانية؟؟

وفاء وكأن الدور مناسبها: لا سلامتك شكرا..

الكل:هههههههههه

تبع

راشد كان فرحان.. بكرة ملشته.. وبكرة بيلتقي بأنسانه وبيتعرف عليها..

انسانه جديدة في حياته..مصمم انه يحبها ويسعدها

ويعطيها كل حقوقها ويخليها تبادلة بالمثل..

وينسى الماضي المر اللي دخل الحزن والهم لقلبه..

بكرة بيشوف وفاء واخيرا وبيبتدي معاها حياه هانئة وسعيده مثل مايتمنى..

>> راشد كان باني بيت ورا بيتهم حللو ومجهز بأحدث التقنيات

بس ناقص انه يفرشة ويأثثه والحين بيصير بيته هو ووفاء وبيخليها تأثثه مثل ماتبي..

**** **** ***** **** ***** *** **

اما احلام قبل لاترجع بيتم اتفقت مع رجاء ان لو احد سألها

صج انت رحتي مع احلام الحديقة تقول له ايه عشان تقدر

تتلاقى مع نايف دون مشاكل..ورجاء قالت لها تطمن من هالناحيه وماتحاتي..!

** **** *** * * ** **** *** *** **
الحين العصر.. احلام المفروض الحين تقول لأبوها يوصلها هي ودانه للحديقة

عشان تتقابل مع رجاء اللي هي اصلا نايف!!

بس احلام متردده في هاللحظة جات في بالها اشياء وايد

منها ثقة امها وابوها فيها وكلام ابوها عنها بعد وحب اللي حواليها لها

اللي ممكن يتحول لكره لو هي سوت لهم شي غلط وضرت سمعتهم

وكان هاي تفكيرها:الكل يمدح عبير عشانها بنت هادية ومثالية

وانا الحين بخلي المدح لها يزيد وهم صادقين في كلامهم

انا لازم مااخيب ظنهم وزهرة صديقتي بتخلى عني لو عرفت اني كذا

هي اخلاقها فاقت اخلاقي الحين اااه انا كنت عايشة غلط بغلط يا الله شسوي ..

انا احبه لكن الحب مو غلط والحل الحين .. ياربي اهديني للحل الصحيح..

جات لها دانه: احلام متى بنروح الساعه اربع الحين.؟؟

احلام: خلاص دانه مابنروح خليها وقت ثاني تعبانه الحين..

دانه: اووه خسارة طيب بقول لابوي خلاص يدخل ينام مسكين

كان يستنانا وانت حظرتك ماقلتي له انك مابتروحين.. وراحت عنها..

احلام تفكر: اختي دانه الصغيرة تهتم في راحة ابوي اكثر مني

وهذا بس لأنه اخر نومه شلون انا ما اهتم اني اخرب سمعته

لاا مستحييل اروح هالشي مستحييل وانا مثل ماقالت امي

متربيه ومابسوي الغلط..!!

*** ** *** ** *** **** *** * * *
قوم سالم وحسام بعد مااستقرت اوضاعهم كليا ووصلوا مكه

(طبعاً هم اسـأجروا شقة

وطبعا من التعب كلهم ناموا بسرعه وماكان في

مجال للسوالف او انهم يتعرفون على بعض فأجلوها لليومين الباقية لهم..

***** ** *** ******* ******* ***

يوم الخميس المنتظر لكل من وفاء.. وراشد..

وفاء توها تحس بالتوتر والخوف ..طول الفترة اللي طافت كان الوضع عادي

عندها بس الحين تحس ان اليوم بتنتهي ايامها دون مسؤوليه

ولازم تكون هادية ورزينه وتلتزم بالمسؤوليه..

>> طبعا هم ماكانوا مسوين ملكة كبيرة بس بيتهم وبيت المعرس لاغير

وبيت عبير بعد لأنهم صاروا من الاهل اما بيت جنان عرفوا من ليلى انهم في مكة..

** *** ** ** *

خالد كان بينه وبين ريم عدة مكالمات يتطمن عليهم وتطمن عليه

ووصاها تسلم على وفاء وتبارك لها ..

** *** * *** **
المغرب كان كل شي جاهز في بيت ام ناصر..

عبير واحلام وليلى وريم جالسين مع وفاء في غرفتها كانوا كلهم عاديين

مالبسوا أي شي مبالغ فيه لأنها ملشة بسيطة مو الحفلة

كانوا اهم شي مرتبين وكشوخيين وحاطين لهم ميك آب ناعم وحلو ..

اما بيت ام راشد فكانوا بالطريق حتى نرجس وكوثر واريج لبسوا لبس كشوخي

وبسيط ومناسب .. مع الميك اب الناعم اللي مبين حلاتهم..

وصلوا ..
دخلوا راشد وحسين ومحمود للمجلس اللي استقبلوهم فيه ناصر ونايف

وابو ناصر وابو عبير ..والشيخ..

اما ليلى وعبير واحلام ضلوا مع وفاء اللي مارضتم تخليهم يروحون عنها..

اما نرجس وكوثر كانوا مندهشيين وهم يطالعون في ليلى وعبير

ومو مصدقين اللي يشوفونه..

نرجس مندهشة للصدفه من انها تشوف ليلى هنا في بيتهم

نرجس: شو هالصدفة الحلوة..

ليلى: احلى صدفه والله شلونك؟

نرجس: الحمد لله.. وانت اخبارك؟؟

ليلى: تمام..

كوثر: شلون تعرفون بعض؟؟

ليلى ضحكت..

نرجس: التقيت فيها مره بمجمع صح ...

ليلى كملت لها: ليلى

نرجس: صح ليلى؟

ليلى:ههه ايه صح ع العموم شرفتونا والله تفضلوا جلسوا ليه واقفين..

وراحت هي لعبير وجلسوا في الطرف المقابل لنرجس وكوثر..

عبير تساسرها: مسكينه وفاء بتنصدم..

ليلى: ليش؟

عبير: شفتي هالسبالتين التوأم؟

ليلى: شفتهم بس ليه سبالتين حبوبين شكلهم..

عبير: هاذولي اعدائنا انا ووفاء مانطيقهم دوم اهواش معاهم ايام الثانويه

من كان يعتقد ان وفاء بتناسبهم اووه..

ليلى: بلل الله يستر وفاء اذا كرهت ماتحب مستحيل بس الا ايام كنتوا يهال اكيد بتنسى..

عبير: الله يسمع منك عشان بس تتهنى بحياتها..

* ** * ** ** **** ** *** ** *

ناصر ماكان يقدر يركب لوفاء.. فنايف طبعا هو اللي بياخذ لها السجل عشان توقع..

لو كان خالد موجود كان هو اللي بيروح لها بس الأاقدار كاتبه كلمتها..

ركب نايف الدرج بسرعه وهو يسمع سوالف الحريم من مجلسهم ..

وصل عند غرفة وفاء ودق الباب..

نايف: فاء انت هنا؟

وفاء: ايوه شنو تبي؟

نايف:هههه شنو بعد ابي ابيك يابعد عمري..

وفاء: اوه يله قوول..

نايف: زين فتحي الباب ويا هالوجه..

وفاء: ههه طيب..

وابتعدت عن احلام اللي لبست شيلتها بسرعه وفتحت الباب..

دخل نايف الغرفة وراح حط السجل الكبير على الطاولة وقال لها يله تعالي وقعي..

وفاء كانت واقفة عند احلام وماسكة يدها من التوتر..

نايف توه منتبه لأحلام: اوه ماانتبهت ان عندك حد في غرفتك وقال سلاام..

احلام ماردت في البدايه تحسه وقح بس قالت بصوت واطي: وعليكم..

نايف: يله وفاء تعالي وقعي بسرعه ينتظرونك تحت..

وفاء تطالعه بذعر: مابي اوقع..

نايف بدهشة: شنوو؟؟ وفاؤوة لاتوهقيناا يله وقعي وخلصيني..

وفاء: لاا لاا اخااف..

نايف:ههه خذوا هاذي اللي بتجنني..

احلام تكلم وفاء: وفاء توكلي على ربك وروحي وقعي يله لاتعطلينهم..

وفاء: ااه طيب .. احس نفسي ماقدر امشي..

الكل:هههه

وفاء راحت عند السجل ومسكت القلم بيد مرتجفه وكانت تشوف توقيع ابوها

واغيره وانتبهت مكان توقيع الزوج وشافت توقيع راشد

كان حركاات وعجبها ابتسمت ووقعت بسرعة وحطت القلم وهي تتنفس بسرعه..

نايف باس وفاء على راسها : مبرووك صرتي عرووس

ماشاء الله هالحلاة بتجنن رشود اليوم..

وفاء:هههه خسك الله ..عقبال ماتعقل وتعرس..

نايف يتطنز ويمثل الحزن:

من بعدك ياحياتي مااظن اعرس انا كنت ابيك بس انت رحتي خلااااص..!

احلام مندهشة على بالها صاج في كلامه وتراقب ردة فعل وفاء ..

وفاء:ههههههه انزين يصير خير يله اذلف برا بروح مع البنت تحت

لاترد امي تركب الحين..

نايف يطالع احلام ويقول لها بمسخرة:

مسكين انا شوفيها شلون تعاملني صديقتك هاذي الغبية..

وفاء: يله برااا عطيناك ويه..

احلام: شلون وفاؤوة ماتتحجبين عن ولد عمتك..؟

وفاء:هههه اولاً هو اصغر مني بكم شهر

وثانياً هو اخو خالد يالذكية يعني اخوي واصلا هو

الأاصل لأن امه رضعتني معاه بنفس الوقت..

احلام:ااهااا ..

يوم وصلوا عند باب مجلس النساء..

دخلت احلام ووراها وفاء ..

الكل قام يطالع في العروس ..

ام راشد وام ناصر قاموايزغرطوا هههااي:كللللووش

وراحت ام راشد وسلمت عليها وفاء وباستها على راسها بخجل..

وسلمت على امها بعد وعلى ام عبير..

بعدها راحوا صديقاتها وسلموا عليها وباركوا لها..

نوار نادت كوثر ونرجس المصعوقين بزوجة اخوهم..

لأنهم مندهشين ان عدوتهم سابقا صارت مرت اخوهم حاليأ فما قاموا يسلمون..

وفاء ماشافتهم لأن الكل حولها..

وفاء بدلت ملامحها وابتسمت وهزت راسها ومدت يدها لنرجس

وسلمت عليها وثم كوثر وسلمت عليهم وكانت عيونهم الثلاثة تلمع وتنذر بالشرر ..

وفاء كأنها تقول لهم مرحبا فيكم وفي الهواش من جديد..

ونرجس وكوثر كانهم يردون عليها:

مرحبا فيك والله لكن بنننتقم منك هالمرة ماراح نسكت..

بعدها هدت الاوضاع..

جلست وفاء وجلسوا حواليها البنات والحريم..

عبير تساسرها: احلى نسب ..ههههه

وفاء طقتها بخفيف: لاتطنزين عبيروة والله بيشوفون السيابيل..

ليلى: بلا دلاعه ويهوله ها هاذولي صاروا حمواتك اخوات زوجك

يعني لازم تنسين الماضي.. وعلى فكرة تدرون شنو؟؟

عبير ووفاء خفيف عشان محد يسمع: شنو؟

ليلى:هههه اللي قلت لكم عنه الي ساعدني اول ماجيت البحرين والتقيت به في المجمع..

وفاء: ايه شفيه؟

ليلى: ماراح تصدقون..

عبير: شنوو؟

ليلى: يصير اخوهم..

شهقوا دهشة وفاء وعبير بس محد سمع وضحكوا كلهم..

تقربت منهم ريم:

هي انتوا استحوا على وجوهكم وسولفوا مع البنات مو قاعدين بروحكم..

وفاء استجمعت شجاعتها وقالت: نرجس كوثر تعالوا قربوا خلنا نعرف اخباركم..

تقربوا كوثر ونرجس وعلامات السخريه في عيونهم مثل ماهي في عيون وفاء..

كوثر بتمرد: ها قبلوك في الجامعه ولا الله حقق دعوتي؟؟

وفاء:هههه غصبا عنهم يقبلوني حبيبتي نسبتي كانت 96 % يعني دعوتك ماتحققت..

وفاء: وانتوا شلون ثالث معكم؟ونسبكم كيف؟؟

نرجس مو عاجبها ان زوجة اخوهم بتضل عدوتهم ولازم يكتنسبون صداقتها

عشان يكونون عايلة سعيده:

تمام الحمد لله النصف الاول انا وكوثر جبنا نسب متساوية ..

ليلى:كم جبتوا ان شاء الله تمام؟؟

كوثر بغرور:ايه الحمد لله جبنا 98%..

وفاء: دوم ان شاء الله..

نرجس بفرح ظاهر: من قلبك؟؟

وفاء ابتسمت..

ليلى: اكيد من قلبها بنت اختي ماتعرف تحقد ولو شوي وتنسى..

التفتوا لها نرجس وكوثر وطالعوها هي ووفاء وقالوا بدهشة: بنت اختك؟؟

عبير:ههههههه ايه عادي شفيها..

نرجس: وناسة عندك خاله قدك ياوفاء..

شوي دق الباب وراحت ام ناصر تشوف منو وقال لها نايف

ان راشد يبي يشوف زوجته وانه الحين ينتظرها في المجلس الثالث ..

بدرية بصوت عالي: يله وفاء جا الوقت عشان راشد في المجلس بيشوفك قبل لايمشي..

وفاء بان الخوف والتوتر عليها رغم احمرار خدودها..

نوار عارفة هالمشاعر الطبيعيه لكل بنت: يله يمه لاتخافين مابيصير الا الخير..

نرجس وكوثر يطالعونها ..

اول مره في حياتهم يشوفونها خايفة من شي طوال السنتين

اللي صارت مهم في المدرسة كانت قويه ماتبين ضعفها فكسرت خاطرهم شوي..

وفاء: ان شاء الله .. ووقفت ببطئ وراحت مع امها وعمتها الجديدة

لوين ماكان المجلس الثالث..

>> نايف دخل راشد هناك وتقدرون تقولون ان طول الوقت يسولف معاه

وارتاحوا لبعض وخذوا ارقام بعض عشان يتواصلون مع بعض

وتصير بينهم الصداقة ونايف بحركاته الكشوخيه عزم راشد

على الغدا في مطعم يوم الأاحد واتفق معاه يمر عليه ويروحون مع بعض

ووافق راشد هو فرحان بعيلة زوجته الجديدة النا س الطيبين

اللي مالقى منهم غير التصرفات الطيبه والأخلاق العالية..

يوم وصلوا عند الباب..

بدرية: تبينا ندخل معاك يمه ولاتقدرين تتصرفين؟؟

وفاء تطالع امها وعمتها وتحس لو انهم دخلوا معاها بتستحي اكثر:

لا يمه روحوا انتوا اقدر انا اتصرف..

نوار: يله عجل توكلي على الله ودخلي..

بدريه: يقول نايف كلها نصف ساعه تتكلمون فيها

شوي عشان تتعارفون بما انكم ماتعرفون بعض ابد وبعدها

بيرجع لهم المجلس وانت تعالي لنا الغرفة..

وفاء: ان شاء الله يمه..

كانت تحس بالتوتر بس غلبت شجاعتها التوتر وسمت بالرحمن

وفتحت الباب ودخلت وهي منزلة راسها وقالت بصوت واطي

وهي بعدها عند الباب: السلام عليكم..

راشد رفع عيونه بهاللحظة كنت منزله راسها فماشافها للحين..

راشد: وعليكم السلام.. تفضلي ..

وفاء مشت شوي ويوم حست انها صارت قريبه عند الكنب

رفعت راسها وصارت عيونها في عيونه..!!!!!!
يتبع..

راشد بحنيه: تعالي قعدي ليه واقفة؟!

وفاء: الصدمه ماسكتني..

راشد:هههه انا مسكتني لكن تركتني بسرعه.. وبخبث كمل:

تبين اجي اخليها تتركك واسحبك بقوة واتهاوش معاها لين ماتخليك تجين تقعدين؟!!!

وفاء قفطت وهو ضحك وهي تقدمت شوي وجلست على الكنبة الثانية

اللي جنب الكنبة اللي هو قاعد عليها هو انتبه لحركتها هاي

وابتسم بخبث وراح تقرب لطرف الكنبة وصار قريب منها بشكل عادي

مو مبالغ بس عشان يقدر يشوفها عدل..

راشد يتأملها وهو معجب بجمالها صج لما شافها ع الطاير

في المرتين اللي طافوا ماعطاها حقها من الجمال

راشد: شو يعني اطالع في شعررك وبس؟؟ درينا انه حلو خلينا نشووف وجهك...!!

وفاء انصدمت تحس احرجها بس رفعت راسها وشرر يتطاير من عيونها..

هو شاف هالشرر وسارع وهو يبتسم: سوري سوري والله اتغشمرر

وفاء ضحكت وهي تقول بخاطرها ان له ابتسامه ماقد شافتها عند غيرة تذووب القلب..

راشد: ليش تضحكين؟

وفاء: بسررعه خفت لهدرجه اخووف انا يعني؟؟!!

راشد با بتسامه تهكمية: لااا ما تخوفين تجننييين

وفاء احمرت وابتسمت..

راشد يدري انها مستحيه ويبي يزيد عليها: الحين عيونك هاي ولا عدسات؟

وفاء بدهشة: عيوني طبعا .. اول مره حد يسألني هالسؤال ههههه

راشد: متأكده اصلا اشك بالموضوع!!

وفاء: اووه انقلع مو لازم تصدق.. وعلى طول سكتت

وباينه انها متفشله وماكان قصدها تقول كذاا..!

راشد:هههههههههه طلعتي على حقيقتك يالشريرة..

وفاء بهمس ماتبية يسمع: انا الاقيها منه ولا من خواته..

راشد سمع واستغرب بس ضحك ع التعليق وقال: شكنتي تقولين تكلمين منو؟؟

وفاء: اكلم الجني اللي جنبي بلا لقافه..

راشد: بلل شراايك تقولين قوم اطلع برا احسن ترى..

وفاء استحت: سوري مو قصدي بس...

راشد: شنو؟؟

وفاء طالعت فيه بعيون خايفه شوي: امم ولا شي متوترة شوي..

راشد بعد كام متوتر شوي بس لما ششافها حس براحه:

ولا يهمك عيوني عادي ترى ولا تتوترين مني انا بكون سنددك

الأوحد في الحياه لازم تعودين روحك..

وفاء: ايه ايه زيدني .. وضحكوا اثنينهم..

وفاء: قهرتني ذاك اليوم والله زين ماعطيتك كف..

راشد:هههههههههههههههههههههههههههه

سوري ماقصدت اقهرك كنت تعباان ومسطل وتوني راجع من سفر لأاني كنت في لبنان ..

وفاء: اها بس مو عذر ..

راشد: انت اللي على طول عصبتي وقمتي تكلميني مدري كيف

بس كنت مو على بعضك..

وفاء بحزن: كان يومها الحادث اللي صاب اخوي ناصر وافقده بصرة

في نفس اليوم كنت رايحه له المستشفى وانا وايد خايفه عليه..

راشد: الله يعينه ويشفيه..

وفقاء بابتسامه: امين .. اول مره تقول شي عدل ... وضحكوا ثنينهم..

وفاء بعد صمت مرفق بالتفكير: ليش كنت رايح لبنان؟

راشد: ههه ايه عاد ابتدينا بسوالف الحريم مامدنا ترى الا تونا عاقدين..

وفاء استحت ..

راشد: هههههه لا عادي امزح معك والله كنت رايح لبنان

ماسك فرع شركة ابوي الله يرحمه اللي هناك ..

وفاء:اهاا الله يرحمة توني تصدق افكر بابوك ماجا ع بالي..

راشد: هههههه مو لازم يجي ع بالك اهم شي انا جيت ع بالك..

وفاء كاتمه ضحكة وبتحدي قالت: اصلا مافكرت فيم ابد قبل اليوم

بس لاني عرفت اني خلاص بودع ايام اول وحسيت بتوتر وجيت انت عبالي بس!!

راشد حس شوي بخيبة امل بس مايبي يبين لها هزيمته

وقال بانتصار وفرح زايف شوي: اهم شي فكرتي حتى لو بس اليوم.!!

وفاء:هههه الظاهر انت ماتنغلب ابد اقول لك كلمه تقول عشرر الله يعين قلبي بس..

راشد: ااه وقلبي بعد..

وفاء: شو هالقلاده..

راشد:ههههههههه شسوي مو حرمتي لازم اقلد..

وفاء قفطت وسكتت ..

راشد: محلاتك وانت مستحية..

وفاء: اووه راشد خلاص لاتحرجني اكثرر..

راشد:هههههه ىىه ياقلبي قولي مره ثانية..

وفاء محتارة : شو اقوول؟؟

راشد: اسمي.. بليييييز وفاء بليييز..

وفاء استحت ومارضت..

راشد: عشاني يله بنفذ لك اي شي تبينه اذا قلتي اسمي..

وفاء بحيرة: اي شي؟؟

راشد: اي شي .. طبعا بعد الحفلة تعرفين يعني عشان كلام الناس بس لا غير..

وفاء: اعرف..

راشد: استنى..

وفاء: ههههه انزين استنى خليها تطلع عفوية ماعرف..

راشد: امري لله انت شكلك عنييده وانا ابتلييت...

وفاء:هههههه محد ضربك على ايدك ترى واايد يتمنوني عادي تقدر

تردني لأهلي وتاخذ غيري ..اي وحدهه ماتبتلي بها..

راشد انصدم: بللللللل كل هالجوم عشان مزحه قلناها اسحب كلامي

يابنت الناس سوري والله وبلا هالكلام البايخ طيب..

اصلا انا اتمسكت فيك اكثر الحين..ولا بردك لأهلك لا الحين ولا بعدين..

وفاء ابتسمت..

راشد: شو ؟ شحقة هالأبتسامه الغاوية..؟!

وفاء:هههه انت اليوم ناوي علي والله.. لا ولا شي بس نيوف ولد عمتي...

راشد: ايه شفيه نيوف؟

وفاء: يقول لي الله يعين اللي بياخذك بيردك لنا من ثاني يوم شكله..

راشد:ههههههه وش درااه؟؟

وفاء: نعممممممم؟؟!

راشد:ههههههههه لا لا اقصد شدرااه بهالماسة الثمينه

اللي ماحد يقدر يتركها وش قال يردها من ثاني يوم ..

وفاء: احم احم..

راشد:ههههههههههه حليلك .. شوفي انا اطمنك من جهتي ياوفاء

راح احاول اقدم لك اللي عندي كله واسعدك قد ما اقدر واخليك

ترتاحين معاي وماتندمين ابد على انك خذتيني..

ولا بعد بخلين تتندمين ع الوقت اللي راح من عمرك بدوني..

وفاء: ههههه وانا بعد ياراشد بحااول اقدم لك العون اللازم

وان شاء الله يوفقنا ونعيش على قد نيتنا..

راشد ابتسم وقال: اووف محلى اسمي ع السانك..

وفاء قالت باحتجاج وهي مستحيه: اووه راشد خلااص..

راشد: ههههههه ياعيني والله ع اللي تستحي..

وفاء: كانك زودتها وكأنه نايف ما جأ قالوا بس نص ساعه..

راشد: ياقلبي بعدها ماتخلص النص ساعه.. وبتحدي:

وبعدين نايف صديقي الجديد اتفق معاي بربع ساعه زياده لأنه يقول يتفهم

شعوري اني ابي اخذ فكرة عن زوجتي قد ماقدر..

وفاء:هههههههه نيوف سباال مايتأدب يصبر بس بكفخه..

راشد ع بالها تمزح .. >>وفاء تظن ابوها وامها قالوا له

ان خالد ونايف اخوانها وامها وابوها يظنونها بتقول له ولا احد قاله مسكين

وصار هو مايدري..>>

وفاء: تعرف اكثر شي مرتاحه منه انا شو؟؟

راشد: شوو؟

وفاء: امك الصراحه حبيتها ودخلت قلبي

راشد مبتسم وهو يفكر بشي: ايه واايد طيبة وحنونه ..

الحياه ظلمتها واايد والله عوضها بزوج بنتها وان شاء الله بزوجة ولدهاا..

بتشووف خير بعد..

وفاء: شي اكيد.. بس ليش يعني تقول ان الحياة ظلمتها؟

راشد: قصة طويلة انت والله امي قصة حياتها فلم هندي..

وفاء:هههه شلون؟؟

راشد: سلم الله عمرك هي تزوجت يوم كان عمرها 17

يعني صغيرة ع الزواج شوي واللي خذته كان ظالم

كان دوم يضربها ويمد ايده عليها ومايخليها تتهنى بعيشتها .. لازم يعكر عليها..

هي كانت ناويه تطلب الطلاق لما اكتشفت انها حامل.. بأخوي حسين..

ماقدرت تحس انها بتظلم طفلها وبتحرمه من الابو..

بس هو رغم علمه انها حامل مااكترث وضل ع حاله يضربها يهزأها

ودوم معاندها هي تعبت وماقدرت تتحمل