صبــاح الخـــيـر... أو مـساء الخيـــر



كيفكون كليكم ان شاء الله تكونون بخير >>> مسوي لبناني


اليوم جايب لكم موضوع يمكن الموضوع هذا ازعج الكثير مننا لكن كل واحد مننا مابيده حيله غير انه دايم يضرب فيوز الدماغ ويسكت


في الاواني الاخيره <<


صارنا ندخل على الايميلات ويجينا ضيقه بالتنفس مع سعار حاد بالمخ من اللي نشوفه ونقراءه



تربع << وقال بسم الله توكلنا على الله

المشكله الا وهيه صرت افتح ايميلي اقول بوسع صدري بشوف لي نكته موقف طريف حط تحت كلمة طريف مليون خط مقطع ثقافي

صرت ادخل الايميل واشوف

لاتاكل بطاطس لييز وبطاطس البطل فيه سرطان انا ودي اعرف ليش لييز والبطل بالذات ليش مايحطون في بطاطس التسالي اللي بالكتشب <<<قديم



لاتشرب دخان مربورو ابيض يجيب سرطان مبكر ليش مربورو بالذات ليش مايكون ابو بس <<<
بالعقل اليهود يبون يضرون اللي يدخنون ويبون يتركون الملتزمين اللي مايتركون فرض واحد !!!! غريبه شوي

لاتقول باي << معناها في رعاية البابا المقدس < بالله هذا كلام


لاتـاكل بطاطس مكدونالدز ترى مدهون بدهن خنزير

لاتشرب الببسي ترى مصنوع من جلد خنزيرر

كوكولا تساهم في بناء اسرائيل هذي صادقين فيها

حليب السعودية يدعم امريكا الشماليه << ترى هذي من عندي

لا وقبل ايام قريت في المنتدى لاتاكل برنيجلز يجيب سرطان وانا كنت اشتريه بالكراتيين من بنده(الله يستر)

لاوكمان خوي امس يقولي لاتاكل تويكس وجلكسي في دهن خنزير وفيه مواد مضره قلت مين الي قالك الكلام ذه قالي واحد ارسلي في الايميل وانا مدمن فيه ما اقدر استغني عنهم

وكمان كانت تطلع مريم نور تقول لاتاكلوا لحوم ولا معلبات ولا... الخ ,,, والله اكرها

لا كمان والله قالوا لي ان الخبز الأبيض والحبوب الغنيه بالسكر مضرة للصحة
( اكيد سمعها في cbm)

وكمان طلعت اشاعه على شركة لحوم(حق الهامبرغر) انها تخلط لحوم حمير وفيران مع الحم البقري وبعد التحقيق طلعت اشاعة ماغير المنافسين يبون يطيحونهم في السوق

حتى الاندومي والله ماخلوه في حاله مع انه وجبه اساسيه في حياتي طبخه سهل وطعمه حلو وماياخذ وقت
وناس كثير تاكله اغلب الأسر ولأطفال ياكلوه
وماعمري سمعت احد تضرر منه او ناس جاهم مغص منه
ولا تنسوا ان الاندومي الان يصنع فى المملكه العربيه السعوديه باشراف من وزاره الصحه !!!!!!!!!!

يقولوا أن الاندومي من عظام الحيوانات صح؟؟؟
كلام جميل...
لو كان من العظم <== فلسفة طبية علمية ..
العظم غني بالكالسيوم ويبني عظم الاطفال وعظمنا بشكل احسن ولا شو رايكم؟؟
وأكيد فيه نسبة نشويات وهذا شيء ايضا جميل ...
المشكلة عظم اي حيوان؟؟ وهل مذبوح بطريقة اسلامية أم لا؟؟
وبعدين اندونيسيا دولة مسلمة يعني تعرف ان شاء الله الحلال والحرام مع اكبر نسبة مسلمين في العالم على ما أظن ..

وأيضا الجيلي والجيلاتين اللي تاكلونه من أين؟؟
كله من العظم!! وغالبا عظم البقر ونحن نستودره من الخارج وهو مثبت علميا
اما هنا وين الاثبات والصور لقد قمت بالبحث والتقصي وماشفت ان الأندومي الا الموضوع المكرر والمتناقل بجميع
المواقع للاسف والناس الفاضيه الي يرسلوا ايميلات شكلهم يبون الناس يرجعوا زي زمان لبن وتمر

[size=18]افففف ياعالم خلاص ....والله حرام عليكم تعبتونا

يعني بالله عليكم وش باقي ناكل كشري وطعميه(رخيص وجيد)
[/size]


والله واشياء كثيره ماذكرها من كثرها بس جاتني عقده نفسيه من اللي اقراه انا ودي اعرف اللي فاضي وماوره شغله ولا مشغله غير يطلع هل الاشاعات ويشكك خلق الله في انفسهم مدري وش جووه


اظاهر اننا نعيش في بلاد الاســلامـ يعني لو فيه شئ من هل الاشياء اللي نقراها كانت اول مامنعت هل الاشياء هي الدوله والحكومه ماقصرت اكتشفت حاجات كثيره ومنعته

غير كذا انا ماعندي مشكله انهم يرسلون هل الشغلات التحذيريه بس اللي يقهر يكتب تراها في عنقكك وفي جبهتك وفي خدك وفي سنونك وانت كافر اذا اكلت ولا شربت من هل الاشياء او ساهمت ترى والله ياجماعة الخير النصيحه مو كذا ترى النصيحه اسلوب << يعني ذوق واحترم وحب

الامور ماتجي كذا يلا كل من صار فاضي قال بكتب ايميل تحذيري وارسله للعالم اجيبلهم هم وغم

والشئ الاهم من كل اللي قلته يجيك شخص يكتبلك حديث او يكتب ((أيــه)) وهو محرف نصها مدري متقصدينها ولا جهل بالدين والله هذي حقيقه من ضعاف النفوس

ولايرسل دعاء وطريقة اسلوبه بالدعاء تكون خاطئة يعني والله صرنا نخاف نقراء دعاء ولا حديث ماندري هل هو صحيح او متحرف او اجتهاد من شخص فاهي


اللي ابي اوصله للاخوان والاخوات اللي يرسلون شئ يعني اذا انت متاكد من معلومتك ان اكل او شرب او شئ من هل الامور فيها شئ محرم تأكد منه وحط الاثبات مع الموضوع او وصله للجهات المختصه بكذا تكون سويت اللي عليك واكثر لان الجهات المختصه راح تتاكد من الشئ هذا لان رسالتك هذي ماراح تقدم ولا تاخر شئ يعني انا صعبه بامسك اخواني الصغار وهم في مدارسهم واقولهم لا تاكلون بطاطس البطل ولا ليز ...!!! وهم يشوفنه قدامهم ودايماً الاطفال اذا كبرت في راسه شي لازم يسويه صعب نمنعهم من ايش شي تبيه
والله حتى اخوي الصغير الله يحفظه اقوله لاتشرب ببسي مايخليك تكبر راح يشرب كوكاكولا صغير ياحليله( مايعرف انه جلد الكلاب واحد) او نقوله كل الساندويش حقك يرجع البيت ما اكله مملي بطنه من الشوكلاته والشيبس الي تنباع في المدارس مع انها تسمن كثرها بس صعب تتحكم فيهم حتى القوه ماتفنع ولا الطيب ماينفع ماعرفنا والله وش نسوي معاهم لله يهديهم

يعني بالله نوقف عند مكدونالدز برشاش واقول محد يدخله لانه فيه خنزير متوفي بالمطبخ

المشكله هنا انهم مايرسلون تحذير الا اللي الاشياء اللي احبها وهذا الي قاهرني
ماعرفت الصادق من الكذاب
م



تصدقون والله كان عندي مرض القايلون وكنت استخدم دواء والله فتحت الايميل ولقيت تحذير عن الدواء اللي اخذه مدري وش اسوي يعني مااكل حتى الدواء يقولون انه يجيب مرض الكلى الغريب انه علاج للقالون كيف يجيب كلى

zelmac وهذا اسم الدواء




يعني وزارة الصحة مادرت عن خطورة الدواء وهو اللي اكتشفه


ولا شخص مرسلي يقول فيه ملح صناعه سعوديه فيه تراب وانه يباع بمبلغ قليل حتى الملح ماخلوه في حاله
يمكن مطبخهم بالحوش وتعرفون الجو غبار هل اليومين << وانظلم الملح بالسالفه


بس الشئ اللي احبه اقوله ان نترك الاشاعات عننا ونسوي شئ بدل مانجلس نسوي اشاعات فاضيه نذاكر او نخترع شئ يفيدك ويفيد دينك ووطنك او نرسل معلومات ثفافية ومواضيع مهمه تخدم حياتنا

او ارسل تحذيرك للجهات المختصه وهم فيهم خير ويكون كذا وصلة رسالتك بالطريقه الصحيحه

<<<< حلوه بالطريقه الصحيحه حسيت اني مدرس علوم
هذا الي حبيت انقله لكم وزوت من عندي شوي
.......................................................................................................................


وكل عام وانتم بخير ههههه
بمناسبة بقرب الامتحانات النهائيه ونشوفك بعد مانخلص موفقين وناجحين كلنا ونتائج ممتازة ان شاء الله




ســــبحـــــان الله وبحمده .... سبحان الله العــــظيم





منقوووووووemailوول(من واحد قافله معاه)